Kreshnik Spahiu jep doreheqjen nga KLD-ja. Komisioni: Kerkojme ndjekje penale te tij

[Mike Oldfield]

Shkarkimi eshte minimumi dhe eshte shume i vonuar!

[{A_N_G_E_L_69}]

Turpi i rradhes.

[beni33]

edhe ku sali RAM BERISHA SI KY HASHIM POLARI NGA KOSOVA KY NGA KOSOVA PARA SE TA MARR PUSHTETIN NUK LA VEPRIMTAR TE LDK-S PA E SULMUAR KU KISHTE RASTE QE EDHE I LIKFIDOJ FIZIKISHT

[juanito02]

Hajt me se si ben dot gje Spahiut Berisha.
Po lun rolin e vetvendosjes kosovare ky me levizjen kuq e zi.
Ne fund te fundit patriotike eshte dhe duhen levizje te tilla kur ceshtja shqiptare akoma seshte zgjidhur plotesisht.
Po flet per dosje sigurimi e per dekomunistizim nje plus tjeter qe i duhet patjeter Shqiperise.
Sali injoranti nuk gjeti ura per ta perkrahur kete levizje po vetem e lufton se se lene fazllicet.

[white_snake]

Eh mer Sale nuk le njeri pa denuar e shkarkuar ...i zbulove te gjitha grupet armiqesore brenda dhe jashte partise

...per keto gjera eshte pjella e Enverit ky, s'te fal!

[Albo]

KLD, Lleshi: Të ikë Spahiu. Imeraj: “AK” s’na ka penguar

Klodiana Lala

Nisma e mazhorancës për shkarkimin e zëvendëskryetarit të Këshillit të Lartë të Drejtësisë, Kreshnik Spahiu, duket se ka përkrahësit e saj brenda “tempullit” të drejtësisë. Anëtarja e KLD-së, Lefterije Lleshi, e zgjedhur nga Kuvendi, nuk është tërhequr aspak nga qëndrimi i saj, i bërë publik afro gjashtë muaj më parë gjatë një mbledhje të Këshillit. Me tone të ashpra, Lleshi atëkohë i kërkoi sqarime nënkryetarit Spahiu për pozicionin e tij duke argumentuar se ai ishte angazhuar në një lëvizje politike. “Unë e kam shprehur qëndrimin tim në një nga mbledhjet e Këshillit të Lartë të drejtësisë. I kam kërkuar z.Spahiu të sqarojë pozicionin e tij ose të largohej nga Këshilli pasi shfaqej në media si nënkryetari i KLD-së, por me një status tjetër. Statusin e Aleancës Kuq e Zi”, - tha znj.Lleshi e kontaktuar nga “GSH”. Anëtarja e KLD-së u shpreh se, angazhimi i z.Spahiu, në lëvizjen Aleanca Kuq e Zi, përbën shkelje të Kushtetutës dhe këtë shqetësim ajo e ka ngritur prej kohësh. “I kam kërkuar z.Spahiu të kryente detyrën dhe të mos përfshihej në angazhime të tjera, duke pasur logon e nënkryetarit të KLD-së, pasi këshilli është organ Kolegjial. Po t’i referohesh fjalës sime, jam shprehur se gjithkush që ndodhet në këtë institucion duhet të kryejë detyrën që i është ngarkuar, përndryshe të largohet dhe të përfshihet në angazhime të tjera”, - theksoi znj.Lleshi. Në vazhdën e qëndrimit të saj kritik ndaj numrit dy të KLD-së, znj.LLeshi theksoi se “as atëherë dhe as tani nuk jam dakord që Kreshnik Spahiu të shfaqet me logon e KLD-së, por nëse dëshiron të dalë si Kreshnik Spahiu”.

BESNIK IMERAJ
Besnik Imeraj, anëtar i Gjykatës së Lartë dhe njëkohësisht i KLD-së tha se, është e drejtë e Kuvendit për të kërkuar shkarkimin e nënkryetarit të Këshillit, sikurse nuk përbën pengesë që një gjë të tillë mund ta kërkojë dhe një qytetar i thjeshtë. Por, sipas tij, sa i përket shkarkimit është një çështje që ligji e ka zgjidhur. Pyetjes nëse z,Spahiu e ka shkelur Kushtetutën duke u përfshirë në veprimtari që nuk kanë lidhje me KLD-së, siç është Lëvizja Aleanca Kuq e Zi, Imeraj u shpreh: “Personalisht mendoj se përbën shkelje, fakti që zoti Spahiu, është përfshirë në aktivitete të tjera, veçanërisht kur ndërthuret politika me drejtësinë, të cilat nuk shkojnë aspak me njëra-tjetrën. Janë në konflikt interesi. Unë nuk do ta bëja një gjë të tillë”. Sa i përket KLD-së, funksionimi i saj, sipas z.Imeraj ka vijuar krejt normalisht, ndaj nuk mundi të jepte ndonjë vlerësim nëse angazhimi i Kreshnik Spahiut, në lëvizjen Aleanca Kuq e Zi, kishte pasur ndonjë ndikim negativ.

ILIR MUSTAFAJ
Ilir Mustafaj, një tjetër anëtar i KLD-së, u shpreh mjaft i rezervuar lidhur me këtë çështje. “Mos e kërko këtë përgjigje tek Ne (KLD). Kemi qenë të rezervuar për çdo çështje, aq më tepër aty ku hyn politika. Mund të flas vetëm për çështje profesionale”, - u shpreh ai.

NESHAT FANA
Ndërsa Neshat Fana u tregua i matur teksa pranoi të fliste rreth nismës më të fundit të mazhorancës, që prek direkt zv.kryetarin e KLD-së. “KLD është organi që do të vendosë për z.Spahiu nëse ka një iniciativë nga Kuvendi për shkarkimin e tij. Nëse për këtë çështje janë shprehur anëtarët e tjerë të KLD-së, kanë bërë gabim, për shkak se Këshilli në këtë rast vepron si një gjykatë dhe duhet të shprehet me vendim. Asnjë anëtar nuk mund të shprehet, pasi në këtë mënyrë paragjykohet çështja. Mendimin tim do ta shpreh me votë”, - tha Fana.

Gazeta Shqiptare

[Albo]

‘Shkarkimi’ i Spahiut sot në komisionin e ligjeve

Valentina Madani

Kërkesa e demokratëve për shkarkimin e Kreshnik Spahiut, do të shoqërohet me ngritjen e një komisioni hetimor parlamentar për veprimtarinë sipas tyre antiligjore të nënkryetarit të Këshillit të Lartë të Drejtësisë. Komisioni i ligjeve do të diskutojë sot draftin për ngritjen e komisionit parlamentar, ku është thirrur për të marrë pjesë në një seancë dëgjimore është edhe vetë Spahiu. Por i ftuar dje në emisionin “Tonight” të gazetares Ilva Tare, ai deklaroi se “nuk e kam vendosur ende nëse do të shkoj”. Ndërkohë, dje anëtarëve të komisionit të ligjeve u është shpërndarë kërkesa e grupit parlamentar të PD-së për shkarkimin e z.Spahiu nga detyra e nënkryetarit të KLD-së. Deputeti i PD-së, anëtar i komisionit të ligjeve, Dashnor Sula konfirmoi dje për “Gazeta Shqiptare”, se ligjet pritet të shqyrtojnë kërkesën e një grupi deputetësh të PD-së për ngritjen e një komisioni hetimor nga ana e Kuvendit, me objektiv hetimin e punës së nënkryetarit të Këshillit të Lartë të Drejtësisë, Kreshnik Spahiu. Sipas nismës së të djathtëve, komisioni hetimor që pritet të ngrihet, do të përbëhet nga 9 anëtarë, 5 të mazhorancës dhe 4 të opozitës. Puna e tij do të zgjasë për një periudhe 3-javore, gjatë së cilës do të verifikohen vendimet e marra nga nënkryetari i KLD-së. Argumentimi juridik për këtë kërkesë është se “z.Spahiu, në ushtrimin e detyrës së lartë kushtetuese të zëvendëskryetarit të KLD-së, ka kryer akte dhe sjellje që diskreditojnë rëndë pozitën dhe figurën e zëvendëskryetarit të KLD-së, si dhe dhunojnë rëndë dinjitetin dhe pavarësinë e KLD-së. Vazhdimi i mëtejshëm i ushtrimit të detyrës nga zoti Kreshnik Spahiu në kushtet kur veprimet dhe sjelljet e tij janë në kundërshtim flagrant me funksionin që mban, kërcënojnë rëndë veprimtarinë kushtetuese të KLD-së. Për këtë arsye, ndërhyrja kushtetuese sovrane e Kuvendit bëhet edhe më emergjente, edhe më e domosdoshme. Zëvendëskryetari i KLD-së, zoti Kreshnik Spahiu, ka kryer veprime që përbejnë akte dhe sjellje që diskreditojnë rëndë figurën e këtij organi të rëndësishëm kushtetues”, citojmë mes të tjerash nga nisma e PD-së.

Gazeta Shqiptare

[Endless]

po mire nje gje s'marr vesh une, pse u dashka perbere komisioni hetimor nga 5 antetare te mazhorances, dhe vetem kater te opozites? apo qe te jemi brenda sido qe te vij muhabeti

[Albo]

Komisioni hetimor, Spahiu: Do t'i drejtohem Gjykatës Kushtetuese

TIRANË- Nënkryetari i KLD-së, Kreshnik Spahiu e ka quajtur të paprecedentë largimin e tij nga mbledhja e Komisionit të Ligjeve, ndërsa shton se me pranimin e kërkesës së PD-së për ngritjen e një komisioni hetimor ndaj tij, ka një përplasje të qartë mes dy pushteteve. Kjo tha Spahiu, nuk është më një cështje personale.

“Një javë më parë në disa media pata paralajmëruar dorëheqjen time, por në kushtet e këtij presioni nuk mund ta bëj, kjo nuk është më cështje personale por krijon një precedent të rëndë diktatorial për funksionimin e drejtësisë. Ngjarje e rëndë dhe e paprecedentë, drejtësia nën presion dhe sulm”, tha numri dy i KLD.

Ai deklaroi edhe njëherë se shkarkimi i tij nuk parashikohet në Kushtetutë, ndërsa e quajti të sajuar kërkesën e PD-së. Vetëm ndërhyrja e Gjakatës Kushtetuese mund të ndalë presionin e hapur ndaj meje, tha Spahiu më tej.

“Kërkoj antikushtetueshmërinë e këtij komisioni hetimor. Gjykata Kushtetuese të ndalë këtë diktaturë të pushtetit, sistemi i frikës ka cënuar lirinë”, tha Spahiu më tej.

Nënkryetari i KLD-së tha ndër të tjera se nuk do të marrë pjesë në punimet e këtij komisioni.
“Kryeministri po ushtron presion të hapur ndaj meje, presion i paprecedent, dhunim ku një pushtet kërkon të vendosë kontroll politik mbi një pushtet tjetër, Nuk mundet një pushtet të ushtrojnë kontroll mbi pushtetin tjetër në demokraci, ku tre pushtetet qendrojnë të ndara…Distancohem nga këto nisma antikushtetuese, nuk do marr pjesë kurrë në punimet e këtij komisioni të ngritur në antikushtetueshmëri, kur nuk dëgjon zërin tim si nënkryetar i Këshillit të Lartë të Drejtësisë, si mund të dëgjojë qytetarin?”, nënvizoi Spahiu.

Komisioni i Ligjeve miratoi sot kërkesën e PD për ngritjen e komisionit hetimor, me qëllim shkarkimin e nënkryetarit të KLD-së Kreshnik Spahiu. Kërkesa u miratua vetëm me votat e mazhorancës, ndërsa opozita braktisi mbledhjen.

(ma.ar/BalkanWeb)

[EuroStar1]

Ku i gjen parat ky Spahiu per gjithe keto aktivitete, grumbullime, reklamime, automobilizime etj ? Ky Spahiu pastaj vete e ka thene qe nuk mbahen dy kunguj me nje sqetull, e kam ditur per njeri me vlera, po na doli kaqol fare