Piloti shqiptaro-amerikan James Berisha lirohet nga burgu

[illyrian rex]

Piloti James Berisha mund të jetë i kidnapuar ose i arrestuar
29.08.2011

Piloti kosovar, James Berisha, i cili para afërsisht dy javësh ka humbur kontaktet me ekipin e tij gjatë zbritjes në Eritrenë Afrikane mund të jetë i kidnapuar ose i arrestuar. Kësisoj kanë thënë burimet e gazetës brenda Ministrisë së Punëve të Jashtme në kushte anonimiteti.

“Të gjitha indikacionet që kemi në dispozicion flasin që piloti kosovar James Berisha, i cili ka edhe shtetësi amerikane, mund të jetë i kidnapuar nga grupet mafioze në Eritre”, ka thënë ky burim brenda MPJ-së

Sipas po këtij burimi, versioni tjetër i mundshëm është arrestimi i tij nga ana e autoriteteve të Eriteresë, të cilat kanë një qasje antiperëndimore, shkruan “Koha Ditore”.

“Nëse ngjet që ai të jetë arrestuar, kjo do të bëhet çështje më e lehtë, ngase varësisht qasjes se autoriteteve në Eritere, së paku do të kemi një burim zyrtar me të cilin në një formë apo tjetrën mund të kontaktojmë“, kanë thënë në MPJ, teksa kanë shtuar që përfaqësuesit e shtetit të Gjermanisë, të Francës dhe të Belgjikës janë angazhuar ekskluzivisht me qëllim të zbardhjes së misterit rreth zhdukjes së pilotit kosovar me shtetësi amerikane, James Berisha.

“Franca dhe Gjermania janë dy shtete perëndimore, të cilat kanë marrëdhënie më të mira me Eriterenë dhe të dyja këto shtete kanë autorizuar përfaqësuesit e tyre që të angazhohen në drejtim të zbardhjes së fatit të James Berishës dhe se fundi është edhe Qeveria e Belgjikës ajo që ka shprehur gatishmërinë të na ndihmojë në këtë drejtim“, ka potencuar burimi i gazetës brenda MPJ-së.

Zyrtarisht nga kjo ministri kanë thënë se deri më tani nuk kanë ndonjë të dhënë të saktë për vendndodhjen e pilotit James Berisha, por, sipas tyre, gjithçka është duke u bërë që vendndodhja e tij të saktësohet dhe fati i tij të zbardhet.

“MPJ-ja së bashku me shtetet mike është e angazhuar në mënyrë të pandërprerë për të zbardhur fatin e pilotit kosovar James Berisha, vështirësi në këtë drejtim kemi, por presim që për një kohë të shkurtër të kemi edhe rezultate konkrete në këtë drejtim“, ka thënë Artan Behrami, zyrtar për informim në MPJ.

Sipas tij, MPJ-ja ka çmuar dhe vlerësuar punën dhe angazhimin e James Berishës.

“Angazhimi i tij vullnetar për të sensibilizuar çështjen e Kosovës dhe nevojën për njohje, është kontribut i cili pranohet dhe çmohet nga MPJ-ja”, është shprehur Behrami.

Pak ditë pas zhdukjes së pilotit James Berisha, MPJ-ja kishte lëshuar një komunikatë për opinion ku thuhej që përpjekja për të zbardhur fatin e tij po has në disa vështirësi specifike.

“Mungesa e marrëdhënieve diplomatike me Eritrenë dhe keqësimi i marrëdhënieve të këtij vendi me shtetet partnere të Kosovës, po e vështirësojnë komunikimin dhe hulumtimin rreth zbardhjes së fatit të pilotit shqiptaro-amerikan”, thuhet në njoftimin e Ministrisë së Jashtme.

Diplomacia kosovare ka kërkuar ndihmën e misionit diplomatik të BE-së dhe SHBA-së në vendet e Afrikës për të marrë informacione për James Berishën.

“Misionet e Kosovës në Uashington, Bruksel dhe Riad janë në kontakte të vazhdueshme me Departamentin amerikan të Shtetit dhe me institucionet e BE-së për zbardhjen e fakteve, mirëpo ende nuk janë siguruar informacione të sakta nga Eritrea, vendi i fundit nga ku më datë 15 gusht është lajmëruar piloti Berisha”, thuhej në njoftimin e Ministrisë së Jashtme të Kosovës pak ditë pas përhapjes së lajmit për zhdukjen e pilotit Berisha.

Në faqen zyrtare të flyingforkosovo.com shkruhet se hera e fundit që James ka kontaktuar ka qenë ditën e hënë, më datë 15 gusht nga Asmara, Eritrea.

“Plani i tij ka qenë që të takohet me zyrtarët e Ministrisë së Punëve të Jashtme në Eritrea dhe të mërkurën, më datë 17, të rikthehet në Sudan. Deri tani ai nuk është kthyer dhe nuk ka asnjë informacion tjetër lidhur me të. Por, duke ditur gjenin e tij të fortë të mbijetesës, shpresat që do ta rishohim të rimarrë fluturimet për atdheun, janë të forta”, thuhet në faqen zyrtare të flyingforkosovo.com.

Piloti James Berisha kishte filluar misionin e tij fluturues në shtete të ndryshme para tre vjetësh, me qëllim të fitimit të njohjeve për shtetin e Kosovës. Ai kishte shfrytëzuar avionin e tij, në të cilin kishte vendosur mbishkrimin flyingforkosovo ( Të fluturosh për Kosovën ).

http://kohaditore.com/index.php?page=1,13,67627

p.s. merkuri, ketu gjete me gri sallate ti?!..hajt me dajen ma t'anej.

[DYDRINAS]

James Berisha në paraburgim në Eritre


Publikuar: 01.09.2011 - 17:04

Prishtinë, 1 shtator - Ministria e Punëve të Jashtme e Republikës së Kosovës, pas kontakteve me shërbimet diplomatike të shteteve partnere, ka marrë informacionin se piloti shqiptaro-amerikan James Berisha gjendet aktualisht në Eritre, në një prej institucioneve të paraburgimit të këtij shteti.

Me këtë rast, shefi i diplomacisë kosovare, Enver Hoxhaj ka paraqitur një kërkesë në MPJ të Gjermanisë, atë të Francës dhe MPJ-në e Arabisë Saudite, të cilat kanë raporte të mira me Eritrenë, me qëllim që të ndihmojnë në lirimin sa më të shpejtë të James Berishës nga izolimi, thuhet në komunikatën e MPJ të Kosovës.

Gjithsesi, nga informacionet e deritashme, gjendja shëndetësore e Berishës thuhet të jetë e mirë dhe ai po trajtohet në mënyrë korrekte nga ana e autoriteteve në Eritre.

Ministria e Punëve të Jashtme e Kosovës është duke punuar intensivisht për lirimin sa më të shpejtë të James Berishës, në mënyrë që ai t’i kthehet familjes, bashkëpunëtorëve dhe misionit të tij shumë të çmuar lobues për njohjen e Kosovës nga vendet që ende nuk e kanë marrë një vendim të tillë.

Piloti Berisha ka kontaktuar për herë të fundit me bashkëpunëtorët e tij në kuadër të misionit “Flying for Kosovo” më 15 gusht nga Asmara e Eritresë.

Sipas pjesëtarëve të ekipit të tij, plani i Berishës ka qenë që të takohet me zyrtarët e MPJ-së së Eritresë dhe dy ditë më pas të kthehet në Sudan.

koha ditore

[skipetar]

Kur kam lindur në Shqiptari më kanë emëruar Ibish, por, duke qenë krenar për prejardhjen time, e kam ndërru emrin në Edward. Edhepse nuk e kam përjetu luften në Shqiptari, unë kam shkruar libër ku i kam përshkruar përjetimet e luftës. E kam ruajtur vetveten dhe nuk kam luftuar për Shqiptari kur ishte nevoja duke e ditur që Shqiptaria pa mua nuk do të mbijetonte se jam mëmëdhetar aq i flakët e me aftësi shumë të mëdha, shumë të rralla e të çmueshme. Më është prishë raketa duke lobu për njohje të pavarësisë të Kosovës në Gjithësi. Jam 3,120 vjet drite larg Toke. Në planetin Sdn52TS, ku më është prishë raketa, është përkujdesur për mirëqenjen time një jashtëtoksorë që ishte mirënjohës se një Shqiptar ja kishte shpëtuar jetën. Tani jam në burg ku më kanë futur pasi që teletransportimin tim e ka ndërprerë një jashtëtoksorë, të cilit një Shqiptar ja kishte sharë nënën, në planetin ERT832S.

[Parduzi.b]

Pse James Berisha kur nuk ka perkrahje Institucionale ne Kosove per keto udhetimet e veta personale qe po i bene per njohje te Kosoves vazhdon me keto udhetime neper bote?

Behgjet Pacolli e Hoxhaj ne anen tjeter dhe te tjeret ne qeveri po luftojne per te marr merita per njohjen e Kosoves si shtet nga vende te tjera?

Cka nuk eshte ne rregull me keta njerez, un spo i kuptoj...

[illyrian rex]

„Flying for Kosovo“ – Me avion sportiv në kërkim të njohjes së Kosovës
09.09.2011

James Berisha, piloti kosovar ka dy vjet që fluturon në të gjithë botën me aeroplanin e tij katërvendësh, Cesna duke lobuar në ajër për njohjen e pavarësisë së Kosovës. Pas zbritjes në Sudan, ai ndodhet tani në Eritrea

Muajt e fundit kosovari i njohur Xhejms Berisha që promovon me avion pavarësinë e Kosovës nëpër botë ka fluturuar mbi Afrikë. James Berisha, që e ka bërë të tijën sentencën e presidentit amerikan John F. Kennedy: "Mos pyet se çfarë mund të bëjë vendi yt për ty, por se çfarë mund të bësh ti për vendin tënd", ka fluturuar mbi Gambian, Malauin, etj. madje në kushte aventureske. Në Uganda atij nuk iu lejua të zbriste, ndërkohë që në Sudan ai i mbijetoi shumë mirë një zbritjeje urgjente.

Odise afrikane: James Berisha në burgun e Eritreas

"Po fluturoja në 3.000 metra lartësi, kur dëgjova një shpërthim. Njëri nga cilindrat u shkatërrua. Por falë zotit gjeta një si pistë me zhavorr në mes të shkretëtirës dhe aty zbrita", kujton Berisha.

Pastaj me sa duket fati e braktisi. Në Eritrea, shteti afrikan në verilindje të kontinentit, James Berisha po qëndron aktualisht në burg. Ende nuk dihet se çfarë akuze ngrenë autoritetet e Eritreas kundër tij. Tashmë po ndërmjetëson qeveria e Kosovës. Përmes kontakteve ndërkombëtare ajo synon të ndikojë në lirimin e tij. Ministri i Jashtëm kosovar Enver Hoxhaj i ka shkruar së fundmi një letër ministrit të Jashtëm gjerman, Guido Wersterwelle- me shpresën që ky i fundit të thotë një fjalë të mirë për lobiistin e qiellit, James Berisha.

39 vjeçari ka gati dy vjet që fluturon gati me kokë të tij në të gjithë botën me të vetmin qëllim: të bindë qeveritë e vendeve të Afrikës, Azisë dhe Amerikës Latine që të njohin Kosovën si shtet të pavarur.

Diplomacia e qiejve: Berisha do t'i kujtojë botës se Kosova ekziston si shtet

Ajo që është e veçantë në diplomacinë e qiejve të Berishës është: Ai nuk fluturon me biletë "business class" në një avion normal pasagjerësh, por rri ulur vetë, i palodhur, në timonin e avionit të tij të vogël, Cesna një avion njëmotorësh.

"Në shkurt të vitit 2009, një vit pas shpalljes së pavarëisë fillova të fluturoj. Kam qenë në 95 shtete. Qëllimi im i vetëm është të ndërgjegjësojë opinionin për çështjen e Kosovës. T'i them botës: hej, ne jemi një shtet i ri, jemi të pavarur dhe duam të njihemi prej jush, si të thuash të bëhemi pjesë e familjes së këtij planeti. Sepse po qe se ju nuk na njihni, atëherë është njësoj sikur ne nuk ekzistojmë."
Rruga e Kosovës drejt njohjeve ndërkombëtare nuk po ecën përpara aq shpejt siç pritej. Megjithëse Gjykata Ndërkombëtare e Hagës vendosi, kundër vullnetit të Beogradit, se shpallja e pavarësisë së Kosovës nuk bie ndesh me të drejtën ndërkombëtare, vala e shpresuar e njohjeve të reja nuk erdhi. 77 shtete e kanë njohur deri më sot Kosovën, kjo do të thotë rreth 40% e vendeve anëtare të Organizatës së Kombeve të Bashkuara, edhe brenda BE-së ka shtete që nuk e kanë njohur ende pavarësinë e Kosovës. James Berisha nuk u zbraps. Ngurrimi i bashkësisë ndërkombëtare ishte madje një shtysë për përpjekjet e tij.

Autor: Jörg Paas/Lindita Arapi

Redaktoi: Mimoza Kelmendi

http://www.dw-world.de/dw/article/0,...-5655-xml-mrss

[ximi_abedini]

Shkuarja e zëvendëskryeministrit të parë të Kosovës në kontinentin afrikan, ka rezultuar me një sukses. Ai u nis ditën e martë për një vizitë në Tunizi, ku paralajmëroi se do të qëndronte për një ditë.

Ndërkaq, në njoftimin e lëshuar nga zyra për informim, u tha se ai do të vizitonte edhe një shtet tjetër afrikan ku po mbahej i burgosur një qytetar shqiptar.

Piloti shqiptaro-amerikan, James Berisha, sipas informatave të publikuara kohë pas kohe, thuhej se ai po mbahej në Eritrea, shtet afrikan.

Thuhet se autoritetet e Eritreas e kanë liruar pilotin Berisha, pas vizitës që zëvendëskryeministri i parë, Behgjet Pacolli, i bëri këtij vendi.

Ai pritet të arrijë së shpejti në Kosovë.

Ndërkohë grupi "Flying for Kosovo" këtë e cilëson si lajm të mrekullueshëm por fatkeqësisht thotë se ende nuk është konfirmuar lirimi i Berishës.
http://www.botasot.info/def.php?category=3&id=151784

[Kosovar.Pr]

PACOLLI KONFIRMON ZYRTARISHT LIRIMIN E PILOTIT JAMES BERISHA






Nga Express 18 Janar 2012


(E plotësuar) Zëvendëskryeministri i parë i Qeverisë së Kosovës, Behgjet Pacolli konfirmon zyrtarisht lirimin e pilotit shqiptaro-amerikan, James Berisha, që gjindej i paraburgosur në shtetin e Eritresë.

"Aktualisht zëvendëskryeministri Pacolli bashkë me pilotin Berisha, gjenden në udhëtim e sipër nga kryeqyteti i Eritresë Asmara për në Stamboll, ku edhe do të kalojnë natën, ndërsa nesër(e enjte), ata do të arrijnë në Prishtinë. Zëvendëskryeministri Pacolli është angazhuar intenzivisht për lirimin e pilotit shqiptaro amerikan, i cili ka qenë duke u angazhuar në misionin e tij lobues ’’Flying For Kosovo’’, që nga dita e humbjes së kontakteve, me 15 gusht 2011. Gjatë kësaj periudhe, zoti Pacolli është takuar disa herë, me zyrtarë të lartë të shtetit të Eritresë, duke përfshirë këtu edhe një takim në Nju Jork me presidentin e këtij shteti", thuhet ne njoftimin e kabinetit te Pacollit.

"Zoti Pacolli, falenderon të gjithë zyrtarët e shtetit të Eritresë që kontribuan në lirimin e zotit Berisha. Zoti Pacolli realizoi edhe premtimin e dhënë për nënën e zoti James Berisha, se nuk do të ndalet deri sa djali i saj të ishte i lirë dhe drejtësia të triumfonte", thuhet me tej ne njoftim.

Pacolli liron James Berishën

Zëvendëskryeministri Behgjet Pacolli ka arritur ta nxjerr nga burgu James Berishën, pilotin shqiptaro-ameriksn që ndodhej i paraburgosur në Eritrea që nga gushti i vitit 2011.

Burime të KosovaTimes kanë thënë se sot pasdite, James Berisha së bashku me zëvendëskryeministrin Berhgjet Pacolli pritet të arrijnë në Prishtinë.

Për lirimin e Jamesit është njoftusar edhe vëllau i tij në Zvicër si dhe grupi “Flying For Kosovo”, organizatë kjo që merret me logjistikën e pilotit shqiptaro-amerikan.


http://www.gazetaexpress.com/?cid=1,15,71915

[Kosovar.Pr]

Definitivishte Pacolli njeriu me i madhe qe ka Kombi Shqiptare sote

[Meriamun]

Bravo Pacolli.

Definitivishte Pacolli njeriu me i madhe qe ka Kombi Shqiptare sote

Vjen i dyti mas Berishes..
E harrove bacin? Kujdes radhe tjeter !

[Kosovar.Pr]

Bravo Pacolli.



Vjen i dyti mas Berishes..
E harrove bacin? Kujdes radhe tjeter !

Nuk e di vetem une nuk njofe Shqiptare tjeter te ketyre permasave ndashe mej ndihmue Shqiptaret ne Ekonomi ndash ne Politike ndash ne Punsim ndashe ne qeshtje Humanitare me nje fjale ne te gjitha fushat .

Ndash mu takue me Mbreter ndash me President shkurrte me njerzit me te medhenje te Globit me qare ruge ku te duesh nje Shqiptare te tille si Pacollin se ka sote Kombi Shqiptare .