Kriza greke

[Hyllien]

Greqia pothuajse përfundimisht cfarëdo që të ndodhi ja hodhi. Nuk do ketë më rrumpallë sic ka patur, por personin që vunë në krye, antar i FED-it në Boston, i shkolluar dhe përgatitur në Amerikë, si dhe antar i Trilateral Commission, tregon se Greqia po rivlersohet si aset strategjik, dhe se kësaj rradhe nuk mund të bëjnë më vickla sic i bënë Anglisë kur i thanë hiq bazat. Në sulmet eventuale në lindjen e mesme dhe Iran, dhe me vendosjen e këtij njëriu qoftë me Euro qoftë me Drakma Greqia shpëton pasi është Turqia që po e kthen komplet belin nga fundamentalizmi islamik.

Shqiperia duhet ta shofi me shumë vemenendje zhvillimin e fundit surprizë. Ky nuk është Papandreu apo ndonjë qoftegji e fytyr rakie psikopat(sic i quajti dhe Sarkozy me të drejtë) cfarëdo sic ka patur Greqia këto 20 vitet e fundit. Kosova gjithashtu duhet të tregohet e kujdesshme në marëdhëniet me Turqinë, e cila dita ditës po rrëshket.

[paridi26]

Private apo publike BCE e FED eshte teme tjeter, madje ka ne forum nje teme qe eshte bere nje debat sh i gjate per keto te dyja e cfare avantazhesh do kishin po te ishin publike.
Une po flisja per leverdine qe do kishte BCE nese dy shtete te "saja" do falimentonin e do dilnin fare nga zona Euro.

Nejse, gjithcka per t'u pare ...

nuk falimenton kurre nje shtet ne menyre totale.dhe ketu qendron leverdia e bankes,ajo e blen nje shtet qe eshte ne krize si te ishte nje oficine e falimentuar e riorganizon ja ngren vleren dhe e shet perseri ,dhe ka mundesi te dergoj drejt falimentimin cilindo shtet ne menyre shume te lehte, dhe ky eshte nje cikel i vazhdueshem.banka perfiton shume pak nese shteti este i forte.

[{A_N_G_E_L_69}]

Papadhimos: Kësti i 6-të, prioritet i qeverisë së re





ATHINE- Kësti i gjashtë duhet të administrohet jo më vonë se 15 dhjetori, tha kryeministri i ri grek Lukas Papadhimos, duke theksuar se prioriteti i parë i qeverisë së re është përmbushja e drejtpërdrejtë e kushteve që çojnë në lirimin e këtij kësti.
Qeveria e koalicionit krijon kushtet për rivendosjen e besimit ndërkombëtar në vend, tha kryetari i qeverisë, duke vënë në dukje se pavarësisht përparimit të konsiderueshëm, Greqia është në udhëkryq.
Greqia, shtoi ai, mund t’ia dalë falë solidaritetit të kombeve evropiane dhe organizatave ndërkombëtare, zbatimit të politikave të përshtatshme dhe të reformave, si dhe me angazhimin dhe përpjekjet e popullit grek.
Defiçiti në fund të 2011 pritet të jetë rreth 9% i Prodhimit të Brendshëm Bruto, tha Lukas Papadhimos.
Dalja nga kriza do të arrihet nëpërmjet dy rrugëve, tha ai, “populli duhet të dijë të vërtetën në lidhje me atë se ku jemi dhe ku do të shkojmë, dhe duhet të rivendosim besimin e partnerëve tek ne. Por ne mund të vendosim besimin edhe tek forcat tona”- tha Papadhimos.
“Megjithë përparimin, Greqia është në një udhëkryq, zgjedhjet që do të bëjmë do të jenë vendimtare për mirëqenien e popullit,” tha Lukas Papademos.


panorama

[Gameness]

BERLIN - Vazhdon presioni mbi Athinën, që krerët e shtetit dhe gjithë liderët politikë të nënshkruajnë angazhimet e tyre deri të martën e ardhshme, si kusht për pagesën e këstit të gjashtë.

Një kërkesë për garancinë e nënshkruar përmendi sot sërish kancelarja gjermane Angela Merkel në një fjalim në parlamentin gjerman për buxhetin e 2012.

Duke folur në parlament kancelarja, Angela Merkel tha: "Grekët nuk i kanë plotësuar ende kushtet për pagesën e këstit të ardhshëm. Për ta bërë këtë, ne kemi nevojë jo vetëm për nënshkrimin e Kryeministrit grek por edhe të atyre që marrin pjesë dhe mbështesin qeverinë e re. Ndryshe nuk mund të lëvrohet kësti i gjashtë. "

"Për të rifituar besimin, të gjitha palët duhet të japin pëlqimin e tyre me shkrim dhe me qëllim lirimin e këstit të ardhshëm," tha zëdhënësi i Ministrisë gjermane të Financave, Martin Kotchaous.

"Kësti i gjashtë nuk do të lirohet nëse marrëveshjen e kredisë nuk e nënshkruan edhe lideri i opozitës. Greqia ka nevojë për kohë për të riformuar qëndrimet dhe praktikat ", ka thënë ai.

Zëdhënësi argumentoi gjithashtu se Gjermania është duke u përpjekur për të ndihmuar Greqinë, por "angazhimet e saj janë jo vetëm të detyrueshme, por edhe realiste."

I pyetur nga gazetarët greke pse është nënshkruar Samaras, zyrtari i qeverisë gjermane tha se shqetësim në Berlin kanë shkaktuar deklaratat e mëparshme të Samaras për “rinegociim” kur është fjala për qeverinë.

http://www.balkanweb.com/rajoni/2687...eve-74917.html

[Gameness]

ATHINE - Gazeta “The european political Newspaper”, në versionin e saj online, nxjerr në dritë marrëveshjet e fshehta të ish kryeministrit grek Jorgos Papandreu, me kancelaren gjermane Angela Merkel dhe presidentin francez Nikolas Sarkozi.

Shkrimi vë në dukje se kredia për Greqinë dhe insistimi për nënshkrimin e marrëveshjes së kredisë, nga kreu i opozitës Antonis Samaras, lidhen drejtpërdrejt me shitjet e armatimit prej 10.5 miliardë euro.

Raporti thekson se, kur kancelarja gjermane Angela Merkel dhe presidenti francez Nikolas Sarkozi ranë dakord me ish kryeministrin grek, Jorgos Papandreu për t’i dhënë Greqisë 110 miliardë Euro, kjo u bë në këmbim të angazhimit të Greqisë për të blerë furnizime ushtarake nga Gjermania dhe Franca, ku përfshihen fregata, tanke nga Gjermania, avionë luftarakë nga Franca etj.

Gazeta argumenton se Jorgos Papandreu në atë kohë kryeministër, kishte teorikisht të drejtën për të bërë angazhime, pasi perspektivat ishin që partia e tij do të qëndronte në pushtet edhe për dy vjet të tjera të paktën, dhe kjo ishte e mjaftueshme për të legjitimuar marrëveshjen.

Shkrimi bën një vlerësim për shkaqet e rënies së qeverisë së Papandreut dhe shpjegon nevojën e nënshkrimit të marrëveshjes së kredisë nga Antonis Samaras. Gazeta shkruan: "Pas dorëheqjes së Papandreut, nuk ka më asnjë angazhim zyrtar nga Greqia për blerjen e materialeve të mbrojtjes, dhe marrëveshja tashmë mbetet plotësisht në ajër."

Artikulli kujton gjithashtu faktin që vetëm 3 ditë para dorëheqjes së Papandreut, Këshilli i Sigurisë Kombëtare vendosi nxjerrjen në lirim të menjëhershëm të gjithë shefave të shtabeve të ushtrisë, pa asnjë shpjegim.

“Në të vërtetë, askush nuk pret që qeveria e re, e cila do dalë nga zgjedhjet e ardhshme në shkurt, me shumë gjasë drejtuar nga Antonis Samaras, të verë në diskutim blerjet e pajisjeve ushtarake, në kushtet kur bëhet fjalë për pushime masive nga nga puna dhe minimizim të pagave e pensioneve. Nënshkrimi, që Gjermania dhe Franca vazhdojnë ta kërkojnë nga Samaras është një parakusht për lirimin e këstit të gjashtë të kredisë në Greqi, por edhe siguri për Merkel dhe Sarkozy që kreu i Demokracisë së re do të përmbushë premtimet e lëna përgjysmë nga Papandreu," përfundon raporti i gazetës.

http://www.balkanweb.com/rajoni/2687...eve-74913.html

[{A_N_G_E_L_69}]

Të martën vendoset për këstin e gjashtë të Greqisë

ë martën do të takohen ministrat e Financave të zonës Euro, për të vendosur nëse do të lirohet ose jo, kësti i gjashtë i kredisë për Greqinë.

Sipas specialistëve përpara marrjes së vendimit përfundimtar, duhet të shqyrtohen garancitë me shkrim që kanë dërguar palët, të cilët mbështesin qeverinë e Papadhimos.

Kësti i gjashtë duhet të paguhej në shtator, por vendimi i Ministrit të Financave për ndryshime në kontratë dhe vendimi i ish-kryeministrit Papandreu për të shkuar në referendum, i bllokoi proceset.

Zona e euros është nën presion nga tregjet ndërkombëtare dhe udhëheqësit e BE-së duket se janë të gatshëm të propozojnë ndryshime për të shmangur më të keqen. Merkel dhe Sarkozi janë duke u përgatitur që të paraqesin një pakt të ri stabiliteti, në standardet e Marrëveshjes Shengen.


shekulli

[{A_N_G_E_L_69}]

Evropa i thotë “PO” këstit të gjashtë për Greqinë


Ministrat e Financave të Eurozonës kanë konfirmuar se qeveritë e tyre do të japin pjesën që u takon në kuadër të këstit të gjashtë të ndihmës për Greqinë.
“Eurozona” do të zhbllokojë 8 miliardë euro ndihma për Greqinë, ndihmë e cila ishte bllokuar në pritje të zbatimit të reformave ekonomike që Greqia kishte premtuar”- ka thënë ministrja austriake e Financave, Maria Fekter. Sipas medieve greke, kur ministrja është pyetur nëse do të lëvrohet kësti i gjashtë, Fekter është përgjigjur “Po”.
Ministri grek i Financave, Evangelos Venizelos tha se Greqia i ka të gjitha kushtet e nevojshme për të marrë këstin e gjashtë.
“Ne kemi konsensusin e nevojshëm politik dhe unitetin e nevojshëm kombëtar si dhe vendosmërinë për të ecur përpara”- tha Venizelos.
Në Bruksel sot do të takohen ministrat e financave të eurozonës për mbledhjen e Eurogrupit, nga i cili tregjet presin masa të reja, masa radikale për të përballuar krizën e borxhit dhe shpëtimin e euros.
Takimi i sotëm ka tërhequr vëmendjen në mbarë botën, duke patur parasysh situatën e vështirë ekonomike në të cilën ndodhet Europa, por edhe problemet në SHBA, Azi dhe pjesën tjetër të ekonomisë botërore.
Shumica prej ministrave pajtohen se përpjekjet për të shpëtuar euron duhet të jenë të menjëhershme, sepse sipas tyre, nuk ka kohë për të humbur.



panorama

[Denata]

Interesant emri qe perflitet per kryeminister, ngelet per tu pare a eshte vertete kompromis i Papandreut me Samaras nen bekimin e Papuliasit apo ndonje "ushtar" i rekrutuar se fundmi nga trojka UE

Dhe si perfundim???
... kompromis apo i rekrutuar ?

[Denata]

Googlezim te mbare!

Goxha urim, bashkohem me ju Shkelqesi

[Shkelqesia_E_Tij]

Dhe si perfundim???
... kompromis apo i rekrutuar ?

Ah per kete duhet te pyesim greqaret se si e shohin