Dosja e Krimeve

[Zarushja]

Fritzi nuk ishte gabel...... he pra na thuaj ti Geri se cfar ishte Fritzi

[Geri Tr]

Fritzi nuk ishte gabel...... he pra na thuaj ti Geri se cfar ishte Fritzi

Mos te dukem gje burre yt une qe me citon kot,ne qoftese e ka nga agjerimi nuk te vej faj,te pakten futi nje luge kos

[Zarushja]

Geri ,leri komentet qe nuk kane vlere dhe pergjigju ,pasi qe nencmove nje popull te tere ,pamvarsisht cfar populli eshte ,une te pyeta thjeshte nje pyetje qe ti nuk te vjen mire te pergjigjesh.

[pirro10]

Një vdekje e nje djali te ri është një fatkeqësi që nuk ka ngushëllim për familjarët e tij, por dhe për fisin e tij, dhe komunitetin që jeton aty. Aristotel Guma ishte një i ri që aksidentalisht apo me qëllim u aksidentua për vdekje në rrugë. Një zënkë të rinjsh që përfundon me vdekje dhe me mallkime nga familjarët. Ngushëllime nga më të sinqertat për familjen dhe komunitetin.
Përkujtimorja që zhvillohet sot në kishën e Shën Marisë të Himarës është një ngjarje normale e cila nuk duhet politizuar por duhet parë si një rit i krishterë ortodoks që bëhet në cdo komunitet të krishterë për kësi rastesh.
Monumenti i përgatitur në kujtim dhe nderim të këtij të riu, është gjithashtu një përpjekje nga ana e familjarëve për të kujtuar sado e pa plotë, birin e tyre që humbi jetën ( aksidentalisht pas një zënke të rinjsh). Ata që e aksidentuan duhet të përgjigjen bazuar në ligj.
Mendoj se busti i tij do të kishte me hije mbi varrin e tij, sesa mbi ndonjë vend tjetër të Himarës. Ai do të jetë një bust që do ti kujtojë kujtdo që kërkon ta përkujtojë – djalin e Himarës, djalin e familjes së tij, djalin e komunitetit të tij. Para Zotit qoftë i krishterë shqiptar, qoftë i krishterë grek, qoftë i ndonjë feje tjetër, qoftë ateist,- është njëlloj: një shpirt që kërkon prehjen dhe paqen e Zotit, një shpirt që kërkon drejtësi që iku nga kjo botë kaq i ri.
Pavarësisht nga disa probleme të cilat hasen në Himarë në komunitetin minoritar-grek të saj- ne shqiptarët na vjen me të vërtetë keq për humbjen e një të riu që u rrit aty në vendin e tij të lindjes njëlloj si për djalin tonë, dhe dëshërojmë me gjithë zemër që kjo përkujtimore të na bashkojë e të na afrojë më shumë me njëri tjetrin si komunitete që kemi jetuar vëllazërisht për mijra vjet së bashku,- dhe nuk dëshërojmë që njerëz apo individë të caktuar që dëshërojnë të acarojnë këtë bashkëjetesë vëllazërore mijravjecare në të cilën kemi ndarë gëzimet dhe hidhërimet – të përpiqen ti japin kësaj përkujtimore ndaj një djali fisnik minoritar- motive politike të cilat nuk do ta nderonin as Aristotelin e ndjerë dhe as familjen e tij, dhe as do t`ja rrisnin vlerat jashtë atyre që Aristoteli (ndjesë pastë) kishte; por as familjes së tij dhe as komunitetit të tij.
Në se kjo do të ndodhte, atëhere do të ishte një precedent i rrezikshëm, sepse historia ka treguar që edhe udhëheqësa të mëdhenj të mirë apo të këqinj qofshin (si rasti i Enver Hoxhës p.sh), sa herë që përfituesit e ngjarjes kanë kërkuar ta mbivlerësonin figurën e tij , nuk kanë bërë gjë tjetër përvecse më vonë me kalimin e kohës kanë shtuar përcmimin dhe neveritjen ndaj këtyre figurave të hiperbolizuara me pa të drejtë.
Do të dëshëronja që ata që dëshërojnë ta bëjnë ngjarjen tragjike si ngjarje politike, ata që kërkojnë të hedhin farën e dyshimit e të përcarjes ndaj shqiptarëve dhe grekëve minoritarë me të cilët jemi vëllezër të vërtetë, ata që kërkojnë të përfshijnë me qëllim dashakeq edhe institucione të tjera të nderuara si kisha ortodokse autoqefale shqiptare, politikanë etj, etj, të mendohen mirë sepse nuk do të bëjnë gjë tjetër përvec se do të gjejnë neveritjen qoftë të familjes së të ndjerit, qoftë neveritjen e shqiptarëve të ndershëm, por ashtu dhe të minoritarëve sepse në jetojmë së bashku, gëzojmë e vuajmë së bashku prej mijra vitesh në trojet tona. Askush nuk mund ta hedhë farën e dyshimit dhe të urrejtjes brenda komuniteteve tona që jetojnë e punojnë në Shqipërinë e bekuar nga Zoti.
Si shqiptar ortodoks që jam do të desha të isha në kishën e thjeshtë dhe të bekuar të Shën Marisë në Himarë, dhe në pamundësi , unë vetë vajta në kishën e Shën Prokopit në Tiranë, ndeza një qiri për shpirtin e tij që të prehet në paqë.
I dërgoj ngushëllimet më të sinqerta familjes së Aristotel Guma-s, komunitetit minoritar grek dhe gjithë Himarës heroike e trime për këtë humbje të një djali të thjeshtë që e deshi aq shumë jetën.

[vajz]

Ngushellime familjes - per fat te keq vdekja e tij u perdor dhe po perdoret politikisht. Nese e nis nje veprim nje pale, sic ishin minoritaret te cilet pa perfunduar hetimet policia nxituan ta quanin vrajse te motivuar etnikisht (ndersa gjykata vertetoi qe kishte qene nje aksident), bllokuan rruget, u prononcua dhe vete shteti grek, dhe akoma e perdorin per propagande kunder Shqiperise, dhe pala tjeter sic eshte tani Aleanca Kuq e Zi pefshihet ne kete gje.

me vjen keq per kete gje

[AnaH_M]

Ymer Krasniqi dhe vajza e tij 10-vjeçare, Arbnorja, u vranë nga familjarë të tyre vetëm gjashtë muaj pasi ai doli nga burgu. Ymeri akuzohej se e ka vrarë djalin e axhës, e të shtunën, në Novosellë të Vushtrrisë, drejt tij dhe fëmijëve u shkrepën plumba. Djali, Arbnori, u plagos. Policia thotë se rasti ka të bëjë me gjakmarrje.

Nga Lirita Halili më 08 gusht 2011 në ora 08:27
Ymer Krasniqi (37) ia pa sherrin një traktori me zall. Nga kjo edhe e gjeti vdekjen, bashkë me vajzën e tij 10-vjeçare. Vetëm gjashtë muaji pasi doli nga burgu, ai vendosi që bashkë me dy fëmijët e tij, Arbnorin dhe Arbnoren, të nisen drejt Milloshevës për të marrë zall. Kjo ishte hera e fundit që Fatmirja e pa burrin, Ymerin dhe vajzën e saj, Arbnoren. Të shtunën, dy orë pasi burri i saj u nis bashkë me dy fëmijët nga shtëpia drejt Milloshevës, Fatmirja mori lajmin më të hidhur në jetë.

Ajo e kuptoi se kurrë më nuk do t’i shohë të gjallë, as burrin, as vajzën e saj. E djali, edhe pse i plagosur në qafë, ka shpëtuar i gjallë.

Fatmirja tash ka mbetur vetëm me dy fëmijët, Arbnorin 11-vjeçar dhe Krenaren 5-vjeçare, derisa po pret ta sjellë në jetë edhe një vajzë tjetër, për të cilën thotë se ndjen më së shumti keqardhje. “Të lind një fëmijë pa e parë asnjëherë babin e saj është e tmerrshme”, rrëfen Fatmirja për Express, derisa nuk ndalet së qari.

E shkaku që kjo grua humbi burrin edhe vajzën për një ditë, ishte një problem i vjetër që Ymeri kishte me familjen e axhës së tij. Fatmirja rrëfen se rreth katër vjet më parë, ka ndodhur një vrasje në familjen e axhës së burrit të saj të ndjerë. “Prej atëherë, Ymeri ka qenë i burgosur, pasi axha i tij e ka akuzuar se ky ia ka vrarë djalin”, tregon Fatmirja.

Sipas kësaj gruaje, Ymeri tashmë i ndjerë është liruar nga burgu vetëm gjashtë muaj më parë. “Ymeri ka qenë në burg për tri vjet e gjysmë. Para gjashtë muajsh, gjykata e ka shpallur të pafajshëm dhe e ka liruar”.

Por, edhe përkundër vendimit të gjykatës, familja e axhës së Ymerit nuk është pajtuar me faktin që burri i saj nuk ka të bëjë asgjë me atë vrasje. “Dhe ja çka më bëri vaki mua. Ma vranë burrin edhe vajzën e vogël, e djalin ma plagosën. Na kanë pre në besë”, thotë Fatmirja. “I ka dalë vëllai i djalit të axhës, për të cilin Ymeri është akuzuar se e ka vrarë dhe ka nisë të gjuajë drejt tij dhe fëmijëve. Burrin e vajzën ma ka vrarë, kurse djali ka shpëtuar”.

Fatmirja thotë se familja e burrit të saj e ka prerë atë në besë, pasi që ajo vrasje e moçme ka qenë një kapitull i mbyllur për familjen Krasniqi. Madje, sipas saj, familja e axhës së Ymerit kanë shkelur edhe marrëveshjen që është bërë, pasi bashkëshorti i saj ka dalë nga burgu. “Ne kemi jetuar në Stanofc. Por pasi jemi marrë vesh me ta që ta lëshojmë fshatin, e kemi lënë shtëpinë atje dhe kemi ardhur në Novosellë”, tregon Fatmirja.

Arbnori, djali i vetëm i familjes, nuk do ta harrojë kurrë momentin kur iu vranë motra dhe babai. Derisa po mbante dorën afër plagës që kishte marrë në momentin kritik, ai përsërit vazhdimisht fjalët e fundit që i kishte dëgjuar nga babai. “Nuk di asgjë, por kur axha Mustafë ka nisë me gjujtë drejt nesh, kam dëgjuar vetëm kur babi e ka lutë mos me gjujtë. Kam ndjerë një dhembje në qafë dhe kam nisë me ikë”, rrëfen Arbnori tmerrin që ka përjetuar një ditë më parë. “Kam shkuar në shtëpinë e disa të afërmve aty afër, ata më kanë dërguar në spital. E di që babi në fillim është plagosur në këmbë, e motra ka qenë afër tij dhe e ka kapur plumbi, por më pas çka ka ndodhur, nuk di më”.

Tash kjo familje, e cila jeton në kushte të mjerueshme, në një shtëpi me vetëm një dhomë, ka mbetur pa kryefamiljarin dhe e mbytur nga dhimbja. E vetmja shpresë për Fatmiren dhe fëmijët ka mbetur motra e tyre, që pritet të vijë në jetë muaj më vonë. “Do të mundohem t’ua kushtoj jetën këtyre fëmijëve të gjallë, me gjithë forcën që kam. Do të mundohem të jem edhe baba për ta”, thotë Fatmirja.

Versioni i policisë

Rastin e kësaj vrasjeje e ka konfirmuar edhe Policia e Kosovës. Policia raporton se ka arritur të arrestojë dy të dyshuar, për të cilët ekziston dyshimi i bazuar se e kanë kryer këtë vrasje të rëndë. Vdekjen e dy viktimave në vendin e ngjarjes e ka konstatuar ekipi mjekësor në QKUK. Me urdhër te prokurorit, janë bastisur shtëpitë e të dyshuarve, por nuk është gjetur asgjë e dyshimtë. Ndërsa i dyshuari kryesor gjendet në arrati. Motiv i rastit dyshohet të jetë gjakmarrja.

Ndoshta eshte teme e kote sepse esht diskutuar me heret por u ndjeva aq keq per femijet e mendova nuk esht keq te dijm se edhe diteve sodit shqiptaret meren me hakmarje dhe me vrasje femijesh duke mos pasur kurrfar meshire ndaj tyre.

[AnaH_M]

Harova te cek edhe se lajmin e mora nga Express Nga Lirita Halili më 08 gusht 2011 në ora 08:27

Nuk dij nese tema esht hapur ne nenforumin e duhur.

[Vidasusi]

Duhet rrënjësisht të shfaroset kjo "traditë" tek ne shqiptarët, që në fakt - ka devijuar shumë nga ideja dhe qëllimi që egëzistone në fillim.

Të vrasish fëmijë të pafajëshëm vetëm për të marr gjak, mbajt nderin apo ku di ça????
Çmenduri. Dua ta di si ndjehen tani ato monstrunat??? E morrët gjakun - DHE ÇKA TANI???

[fegi]

Varrosen babë e bijë të vrarë për gjakmarrje

http://24-ore.com/index.php/kronika/...jakmarrje.html

[landi45]

zonje ky babai qe i vrau femijen axhes,,,

duhet te kish vra veten ,,,qe femijet te jetonin pa frike,,,

ose te mos linde femije,,,

se dhe ai djali axhes qe ka vra sishte morr