Biondinat e Vetvendosjes. Shkruan Ilir Mirena

[Gogi]

Përpëlitje verore
Ose si Vetëvendosje i tërheq për hundësh mediat kosovare...

Nga Ilir Mirena më 21 qershor 2011 në ora 12:04
Geert Wilders është lider i Partisë për Liri në Holandë. Ai ka 17 për qind të ulëseve në parlamentin e vendit të tij dhe është forca e tretë politike atje. Edhe pse mohon të jetë pjesë e së djathtës ekstreme, qëndrimet e tij janë mjaft kontradiktore, posaçërisht në raport me të huajt dhe fenë islame. Ndër propozimet e tij që kishin tronditur pasuesit islamë para disa kohësh, ishte krahasimi i Kuranit me pamfletin e Adolf Hitlerit, Mein Kampf. Është aktiviteti i tij politik ekstrem dhe hapësira jashtëzakonisht e pamerituar që i jepet në media ajo që bezdis opinionin holandez. Këtë e kam lexuar në disa media të njohura.

Për mos ta zgjatur shumë, Wilders i tërheq për hundësh mediat. I rrotullon si kafshë të dresuara për cirk. E, pa vetëdije, ato luajnë me muzikën e tij. Kur i kam lexuar këto konstatime, i kam gjetur simotrën politike tek ne – Vetëvendosjen.

Pikë për pikë, sikurse Wilders, edhe Vetëvendosje mediat kosovare është duke i tërhequr për hundësh, i rrotullon, i kamxhikos si kafshë të dresuara për cirk - dhe të gjitha ato pa vetëdije luajnë lojën sipas orkestrës së kësaj partie. Nëse lexojmë gazetat, web faqet, dëgjojmë radiot dhe shohim TV, duket se motori politik i Kosovës është VV. Ajo mban Presidencën, Qeverinë dhe Kuvendin.

Nuk ka lëvizje, edhe fizike, të VV-së që nuk ka mbulim të veçantë medial. Konferencat e tyre të përçdoditshme, me një retorikë recikluese bajate, secila shkarravinë e tyre kinse kreative nëpër muret dhe asfaltin e qyteteve tona, secili trakt - do të zë vend në faqet e gazetave dhe minutat e edicioneve televizive. Gazetarët tanë janë bërë pengje të truqeve politike të aktivistëve të VV’së. Është krijuar një raport varshmërie i mediave ndaj aktiviteteve të VV’së. Habitem se pse nuk ka mbulueshmëri mediale edhe për aktivitet e saj në diasporë. (Tashti, më 2011, VV është kujtuar edhe për diasporën. Një shans i mirë që nostalgjinë dhe dashurinë e mërgimtarëve për vendin, kjo parti ta përkthejë në kesh të thatë.)

Mbidoza e marrëzisë ishte para disa netësh, kur në të gjitha edicionet televizive pashë një biondinë politike, që besova se po shihja Daut Demakun me paruke sipër kokës. Pas prezantimit të një ideje të vjedhur, aktivistja kishte transformuar gojën e saj në auspuh nga ku villej energji kontaminuese për mendjet e shëndosha. Në dy minuta recital të ofendimit dhe mjerimit, nuk mbet kush pa u sharë në këtë vend - prej Presidencës e deri tek roja e fundit e institucioneve të vendit.

Është zukamë e madhe për veshët e qytetarit normal, që për secilën ditë të dëgjojmë nëpër media kështjellat në erë që ngrihen nga njerëzit e Vetëvendosjes, të skllavëruar brenda një ideologjie së majtë tejet dyfytyrëshe.

Viktima të kësaj zukame është secili që nuk mendon si VV. Nëse mediat kanë vendosur që të na shpalosin çdo ditë secilin mendim të çoroditur të secilit aktivist të VV’së, që është pasojë e një keqkuptimi prej një leximi të literaturës komuniste, të paktën mirë do të ishte që përkrah pledoajeve të tyre, kohë pas kohë t’u shtronin edhe ndonjë pyetje.

Meqë kauzë e VV’së është transparenca, atyre mund t’iu bëhet një katalog pyetjesh.

Psh. për mënyrën se si ata financohen, ose, cili është bashkëpunimi i tyre me bizneset kosovare që afarojn më Serbinë (VV ka kohë që nuk shan Plazma Keksat, e as barnat e Galenikës). Po ashtu, kamikazi i vonuar i patriotizmit, Florim Krasniqi, mund të pyetet për blic pasurimin e tij shtatëshifror. Ndonjë pyetje e rastësishme mund t’i bëhet edhe Fisnik Ismailit, këtij kolosi të injorancës politike, për tenderin 3.5 milionë eurosh të PTK’së që para disa viteve ndërmarrja e tij e kishte fituar në partneritet me disa firma greke. A ju kujtohet ajo reklama baritore “U pjek pitja”? Nuk është marre të pyetet Ismaili se si i pjekë edhe sot pitet në bashkëpunim me Z Mobile? Shpend Ahmeti, deri dje në mendjen e tij një Adam Smith, sot prapë në mendjen e tij një Karl Marx i Kosovës, mund të pyetet se si para pak vitesh disa nga projektet e organizatës së tij financoheshin nga Qeveria e Kosovës. Ose, pse para një viti e pushtonte ndjenja e turpit kur në gazeta fotografia e tij nxirrej përkrah asaj të Albin Kurtit. Pse thërriste në telefon dhe i luste redaktorët të mos e identifikonin me ekstremistët e Vetëvendosjes.

Ka shumëçka dhe shumëkush se çfarë të pyetet në Vetëvendosje. Le të jetë ky vetëm një sugjerim.

Ndoshta të gjitha këto mbesin një zhurmë në prag të verës. Zhurmë që është pasojë e panikut që i ka përfshirë opozitën dhe telallët e Vetëvendosjes. Larg gjithë skenës së sharjeve pa shije të VV’së, qytetarët bëjnë tjera plane. Mes tjerash, ku do të kalojnë këtë verë. Ka shumëçka tjetër që sot iu intereson më shumë sesa retorika antipatike dhe e pasubstancë e VV’së. Kaq sa i përket seriozitetit më të cilin duhet trajtuar entuziazmin inatçor, të pathemel dhe paksa foshnjor të kësaj partie.

Prapë se prapë, nëse vazhdon kjo prezencë e tyre mediale, duhet provuar për të gjetur anën argëtuese të krejt këtij mishmashi imagjinar të krijuar nga VV. Sigurisht, njerëzit gjejnë argëtim në gjëra të çuditshme dhe aty ku nuk na e merr mendja. Unë, që të jem i drejtpërdrejtë, argëtohem dhe ndjej njëfarë kënaqësie kur shoh përpëlitjet politike të opozitës. Mund të jetë ndonjë prirje imja sadiste, por s’mund ta mbaj të ndrydhur.

Ndjenja ime më ngjason me atë të atyre tipave që zbaviten duke parë minjtë e bardhë simpatikë se si vrapojnë me orë të tëra brenda një rrethi rrotullues, por nuk mbërrijnë askund. Në një rreth të tillë më duket e kurthuar edhe Vetëvendosje.

Që të mos shohim vrapimin e tyre që s’mbërrin askund, më e udhës do të ishte që mediat tona më tepër t’i japin hapësirë ndoshta punës së shoqërisë civile e cila, gjatë këtyre viteve, është treguar shumë e shumë më produktive se sa VV.

Janë dy OJQ, kontributi i të cilave është larg atij të Vetëvendosjes.

(Autori është anëtar i PDK’së dhe Zv.Ministër në Ministrinë e Mjedisit dhe Planifikimit Hapesinor (MMPH))

[Gogi]

Vertet ja vlen te lexohet ky shkrim.

[B.C.B]

qe qka lexon ti edhe qka eshte e vlefshme mu lexu per ty..disa ilir mirena berat buzhkara etj.

[Opake Opinga]

qytetarët bëjnë tjera plane. Mes tjerash, ku do të kalojnë këtë verë.

Ose si me gjete nje cope buke me hanger

[beni33]

ja pra qfar ministra kan emru kta hajnat e PDK-s turpi i shqiptaris jan kta mirenoviqet e hashimit te cilet ofendojn femren shqiptare ne tersi pra ket mirenovicin duhet ti tregohet se esht nje IDIOT DHE SHIZOFREN

[drenicaku]

A ja kini pa veshte keti buzhales si opanga te pirotit te ketyne here,pse more nuk shkon me i rrumcall pak se qysh po doket per mysybet.
O kur po del ne foltore,si nje lyps,shko more se sot ka mundesi operacione plastike,se po e tut ken,e merr ne qaf.
E sa per ket mirenen,nuk kam koment vetem ti ofendosh grat shqiptare ne kete menyr ,mund ta bej vetem ai,por edhe grat eshte dashte te ofendoin kete gomar

[B.C.B]

A ja kini pa veshte keti buzhales si opanga te pirotit te ketyne here,pse more nuk shkon me i rrumcall pak se qysh po doket per mysybet.
O kur po del ne foltore,si nje lyps,shko more se sot ka mundesi operacione plastike,se po e tut ken,e merr ne qaf.
E sa per ket mirenen,nuk kam koment vetem ti ofendosh grat shqiptare ne kete menyr ,mund ta bej vetem ai,por edhe grat eshte dashte te ofendoin kete gomar

hahahahha drenice nje dite e kam pa te ambasada e zvicrres ne prishtine kete buzhdallen u munojke me hi pa ren, e shtyjti ni burre i moshum qe pritke n`diell per vize ja boni"largohu se vesht ti nuki".
se per mirenen mos tflasim,i njejti si shaban qorri qe e man kafen .

[Prometeu2]

Eshte ajo thenia: "your point of view depends where your ass is seated", ky Iliri kur ishte opozite e pushtetit tingellonte ngjashem me VV sot, mirepo koherat kane nderruar, b.y.tha e tij eshte ulur ne fotelen e zevendsministrit, keshtu qe edhe pikepamja sigurisht se ka evoluar ne perputhje me b.y.then e tij.

[Gogi]

Eshte per cudi fakti se si nuk guxojne keta te vetevendosjes ti dalin perball Ilir Mirenes.

[drenicaku]

Eshte per cudi fakti se si nuk guxojne keta te vetevendosjes ti dalin perball Ilir Mirenes.

Budalles nuk i dilet perball,duhet me ja leshu rrugen deri sa te civilizohet