A mund te kete me shume gra lidere ne shoqerine shqiptare?

[Hyllien]

Një grua në garë për të përfaqësuar shqiptarët në Parlamentin maqedonas


OHËR- Fëllënza Azizi është njëra ndër femrat që po kandidon për deputete në Parlamentin e Maqedonisë. E përzgjedhur nga Bashkimi Demokratik për Integrim (BDI) si kandidate për deputete në Ohër, Fëllëza premton se do cojë përpara objektivat e kësaj force politike.

Një interesim të jashtëzakonshëm ngjalli fjalimi i saj me nota patriotike, jo vetëm për ne por për të gjithë banorët e Ohrit që ishin mbledhur në takimin e zhvilluar para pak ditësh për prezantimin e saj para zgjedhësve. “Prezantohem para jush nën flamurin e një force politike që filloi dhe po avancon zhvillimin e shqiptarëve në të gjitha trevat. BDI është partia e cila kthehu dinjitetin dhe krenarin njerëzore në mesin tonë. Krijoi kushte të volitshme për të gjithë shqiptarët kudo që ndodhen dhe në të gjitha sferat e jetës, projektet dhe zhvillimi i shqiptarëve kurrë nuk kanë përjetuar avancim më të madh se kur qeveris BDI, e cila është forca politike që rrënjët i ka tek ideali, sakrifica dhe gjaku i luftëtareve të lirisë”, tha Fëllënza gjatë fjalës së saj.

E vendosur dhe e sigurtë në premtimet e saj dhe të forcës që përfaqëson Fëllënza u shpreh se BDI ka arritur përfaqësim më të denjë të shqiptarëve në administratën shtetërore, polici dhe ushtri duke e rritur përfaqësimin nga 2% në 22%. “Zhvillimi ka prekur edhe qytetin tonë, ku gjatë kësaj periudhe që kemi qënë në pushtet janë punësua mbi 100 vetë dhe në të ardhmen punësimi i shqiptarëve në administratën shtetërore do të rritet edhe më shumë”, tha ajo.

Duke qenë antëtare e Forumit Rinor të BDI-së dega Ohër që nga viti 2006, si dhe antërare e Kryesisë së kësaj partie prej tre vjetësh, Fëllënza ka përfituar një pjekuri politike dhe admirim të gjerë tek të gjithë ata që e njohin. Ajo që e bën më të afërt me njerëzit këtë vajzë energjike është komunikimi me ta dhe dashuria për kombin. Gjatë fushatës zgjedhore Fëllënza ka gjetur një përkrahje dhe dashamirësi nga të gjithë zgjedhësit kudo që ajo ka shkelur dhe ka bashkëbiseduar me banorët.

Fëllënza Azizi ka mbaruar Fakultetin për turizëm dhe shkenca organizative, dhe si një njohëse e mirë e kësaj fushe, një rëndësi të veçantë i kushtoi edhe zhvillimit të turizmit në Ohër. Sipas saj, për arritjen e këtij qëllimi do të ketë projekte të përbashkëta me Shqipërinë, projekte nga sfera e turizmit dhe zhvillimit rajonal, ku të gjithë të rinjtë shqiptarë të kenë ardhmëri të shëndoshë dhe të barabartë.

Edhe pak ditë kanë mbetur dhe më 5 qershor shqiptarët në Maqedoni do t’u drejtohen kutive të votimit. Fëllënza ka besim se edhe në këto zgjedhje BDI do të fitojë sepse qytetarët shqiptarë gjejnë tek kjo forcë politike zgjidhjen e problemeve të tyre. Kjo vazjë energjike dhe e palodhur e mbështet idenë e saj të fitores tek mbështetja që shqiptarët i kanë dhënë kësaj force politke në të gjitha takimet që janë zhvilluar për paraqitjen e programit të saj.
(e.k/BalkanWeb)

[Hyllien]

Një këndvështrim interesant historikomitologjik për rrolin e Femrës na jepet dhe nga ky portret i gjendur tek libri i Katapanos, bazuar mbi hulumtimet e tia në kulturën Arbëreshe. Femra Shqiptare ka një kapacitet të jashtzakonshëm për të udhëhequr(dhe ruajtur vlerat familjare), dhe duhet padyshim, të vendoset si kundërpeshë ndaj disa trendeve të rrezikshme ekstremiste që qarkullojnë sot në Shqipëri. Një nga epokat më të arta të Shqipërisë përsa i përket diplomacisë i takon Teutës, një mbretëreshë e drejtë dhe atdhetare që padyshim meriton rrespekt të vecantë në historinë tonë. Për femrën shqiptare dhe bukurinë e vlerat e saja kanë shkruar pafund shkrimtarët e huaj, sidomos udhëtarët anglezë që kanë mbetur të mahnitur nga krenaria e saj. Ka ardhur koha që kjo krenari të rivendoset në vend dhe ti vihet në shërbim në epokën ku jetojmë (ku femra ka më tepër fuqi kudo në botën perëndimore), atdheut dhe diplomacisë shqiptare. Për ne nuk do ishte hera e parë.

[-BATO-]

Femra Shqiptare ka një kapacitet të jashtzakonshëm për të udhëhequr (dhe ruajtur vlerat familjare)

Në cilën periudhë të historisë femrat shqiptare paskan udhëhequr familjen, por dhe kanë ruajtur vlerat familjare?

Një nga epokat më të arta të Shqipërisë përsa i përket diplomacisë i takon Teutës, një mbretëreshë e drejtë dhe atdhetare që padyshim meriton rrespekt të vecantë në historinë tonë.

Sa për disa gra drejtuese në histori, duhet të kemi parasysh që ato nuk e kanë arritur vetë atë pozitë. Ato janë vendosur aty nga baballarët (sidomos në rastet kur nuk kishin djem) ose nga burrat.

Në rastin e Teutës, fronin asaj ia la burri, e mori pas vdekjes së tij. Iliria e asaj kohe ishte më e fuqishmja e të gjitha kohëve, por në dy vjet të mbretërimit të Teutës, Iliria ra dhe u shkatërrua.

Teuta priste që romakët të vinin nga veriu dhe e kishte drejtuar andej të gjithë vëmendjen, por romakët nëpërmjet Korfuzit erdhën nga jugu dhe e kapën në befasi.

[Hyllien]

Në cilën periudhë të historisë femrat shqiptare paskan udhëhequr familjen, por dhe kanë ruajtur vlerat familjare?


Sa për disa gra drejtuese në histori, duhet të kemi parasysh që ato nuk e kanë arritur vetë atë pozitë. Ato janë vendosur aty nga baballarët (sidomos në rastet kur nuk kishin djem) ose nga burrat.

Në rastin e Teutës, fronin asaj ia la burri, e mori pas vdekjes së tij. Iliria e asaj kohe ishte më e fuqishmja e të gjitha kohëve, por në dy vjet të mbretërimit të Teutës, Iliria ra dhe u shkatërrua.

Teuta priste që romakët të vinin nga veriu dhe e kishte drejtuar andej të gjithë vëmendjen, por romakët nëpërmjet Korfuzit erdhën nga jugu dhe e kapën në befasi.

E para punës kush ma hoqi atë pikturë kaq domethënëse që kisha vënë atje ?

Ti flet për histori shumë recente dhe të shkëputur. Siduket e fillon nga patriarkati vetëm, që është më i vonët.

Atë pikturën do desha të dijë kush ma zhduku ?

[-BATO-]

Ti flet për histori shumë recente dhe të shkëputur. Si duket e fillon nga patriarkati vetëm, që është më i vonët.

Matriarkati është një shpikje, ashtu si shumë shpikje të tjera historike. Teoria e matriarkatit ngrihet mbi bazën e hipotezave dhe reklamohet nga qarqe feministe.

Shumica e ekspertëve nuk i pranojnë këto hipoteza dhe thonë se matriarkati nuk ka ekzistuar ndonjëherë.

Në shoqëritë primitive, kur njeriu hante njeriun dhe gjërat zgjidheshin me dhunë, komandën e bënin gratë?!

Asnjëherë gratë nuk kanë pasur rol drejtues. Nguliteni mirë në mendje këtë dhe mos bini pre e gënjeshtrave. Nuk ka gjë më të keqe se sa dalja e gjinive nga profili i tyre natyror.

The hypothesis survived into the 20th century and was notably advanced in the context of feminism and especially second wave feminism, but this hypothesis of matriarchy as having been an early stage of human development is mostly discredited today, most experts saying that it never existed. (Wikipedia)

[BaBa]

A mund te kete me shume gra lidere ne shoqerine shqiptare?

po ja eshte njera presidentja e kosoves.... a nuk quhet lider kjo grua ?!

[the admiral]

A mund te kete me shume gra lidere ne shoqerine shqiptare?

eshte akoma shume heret.
per te qene lider duhet te kesh mentalitetin e pavarsise. te mendosh: jam ne gjendje te arrij gjithcka vehte dhe nuk kam nevoje per askend.

femrat shqiptare sot jane te varura nga burri (shumica per zgjedhje personale). nuk kane akoma ate pavaresi qe kane femrat ne perendim.
natyrisht nuk mund te futen te gjitha ne te njejtin grup, por po flas per nje perqindje te larte

gjithashtu nje pjese e madhe i perkushtohen families.

[Hyllien]

Matriarkati është një shpikje, ashtu si shumë shpikje të tjera historike. Teoria e matriarkatit ngrihet mbi bazën e hipotezave dhe reklamohet nga qarqe feministe.

Shumica e ekspertëve nuk i pranojnë këto hipoteza dhe thonë se matriarkati nuk ka ekzistuar ndonjëherë.

Në shoqëritë primitive, kur njeriu hante njeriun dhe gjërat zgjidheshin me dhunë, komandën e bënin gratë?!

Asnjëherë gratë nuk kanë pasur rol drejtues. Nguliteni mirë në mendje këtë dhe mos bini pre e gënjeshtrave. Nuk ka gjë më të keqe se sa dalja e gjinive nga profili i tyre natyror.

Aha, nuk paska vlerë debati me ty. Të paktën e konfirmove vetë.

[Gogi]

Nese gjysma ( apo me shume se gjysma e popullsise ) eshte e perber nga femrat dhe ne Kosove ka me shume se gjysma, atehere mbetet te vet grate qe te tregojne vehten dhe te formojne grupe politike qe te kyqen ne politike dhe institucione per te dhen kontributin e tyre.

Nuk e besoj qe duhet gjithmone te kerkohet nga gjinia e kundert te bejn prap edhe dicka extra per grate qe keto te gjejne vehten.

[gloreta]

Per temen e hapur nga ti Pranvera, ka pikepamje te ndryshme.
Te jash grua do te thote te planifikosh shume gjera me perpara, por nese deshiron te arrish ne ate vend, nepermjet karrierres ose nepermjet dickaje tjeter, kerkohet perpjekje. Femrat kudo ne shoqeri mund te diskriminohen( ketu e kam fjalen per femrat ne Evrope) (ndoshta dhe ne Shqiperi). Persa u perket femrave ne Shqiperi, nese jane kembengulese qe te arrijne shume, ose te kene nje karriere te mire si udheheqese ose shefe, keto femra jane per tu admiruar, nese kane ose jo familje.

C'fare te keqe ka nese femra behet shefe, ose merr rolin e nje kryetareje diku si ne fushen e bisnezit ose neper fushat e tjera, njerezit jane te lire. Qofte femer ose mashkull, ska rendesi se cfare roli kryejne, me e rendesishme eshte puna dhe rezultati i punes qe ata japin dhe jane te suksesshem.