Me plot te drejt Ambasadori Amerikan Dell thot se Albini-Tadiqi-DaqiqiPostuar më parë nga Llapi
punoin per ndarjen e Kosoves
Serbia e do ndarjen e Kosovës me Shqipërinë
Publikuar: Sot, më 01 qershor 2011
Beograd, 1 qershor – Kemi bërë përpjekje që me luftë ta mbrojmë Kosovën, por nuk ia dolëm. Prandaj flas për ndarje, derisa të mos bëhet vonë. E ndarje do të thotë ndreqje kufijsh ndërmjet dy shteteve fqinje – Serbisë dhe Shqipërisë, ka deklaruar për numrin më të ri të përjavshmes serbe, NIN, Ivaca Daçiq, zëvendëskryeministër dhe ministër i Brendshëm i Serbisë,
Daçiq konsideron se Serbia ka gabuar meqë për Kosovën nuk ka biseduar me Shqipërinë dhe se, ka thënë ai, është e nevojshme që Kosova të ndahet ndërmjet Serbisë e Shqipërisë.
“Është i nevojshëm caktimi i kufijve ndërmjet Serbisë e Shqipërisë, ky është opsioni i vetëm real. Serbia nuk është dashur të pranonte asnjë negociator tjetër, pos Shqipërisë. A jemi vërtet aq naivë e të mendojmë se Kosova në të vërtetë do të mbetet si shtet në vete dhe i pavarur”, ka thënë ai.
Daçiq ka shfaqur supozimin se Kosova do t’i bashkohet Shqipërisë, siç do të bënte edhe Republika Serbska me Serbinë.
“Shikoni ju lutem, nëse nesër Republika Serbska me referendum merr vendimin për shkëputje, çfarë do të jetë ajo? Shtet i pavarur, apo do të marrë vendimin për bashkim dhe jetët ë përbashkët me Serbinë? Është normale, pasi që është i njëjti popull. E çfarë tani të thuhet për Prishtinën e Tiranën se jetojnë shqiptarë të ndryshëm? Ata tani na flasin për Kosovën multietnike?! Popullit tonë nuk i nevojiten përrallat për jetën multietnike”, është shprehur Daçiq.
Në pyetjen pse mendon se është më lehtë të ndahet Kosova ndërmjet Serbisë e Shqipërisë sesa ndërmjet Serbisë e Kosovë, Daçiq thotë se shqiptarët në Kosovë janë minoritet kombëtar i Shqipërisë.
“Dikush mund të thotë se këto janë ide të shekullit XIX. Ndoshta edhe janë, por këto ide i kanë zbatuar sllovenët e kroatët, e në fund të fundit edhe malazezët. Me këtë që flas nuk mund të fitoj poena politike e as që i kërkoj. Por, populli ynë duhet të vërë pikën në problemet që janë plagë kanceri. Fundja, nuk mund të lidhemi më me të kaluarën. E nëse ekziston vetëm e kaluara, ne nuk kemi të ardhme”, tha Daçiq.
Ai në këtë intervistë ka vlerësuar se dialogu ndërmjet Kosovës e Serbisë nuk do të zgjidhë çështjet esenciale, për shkak të qëndrimit të vendeve të BE-së e SHBA dhe se e arritura më e madhe e bisedimeve do të jetë “një lloj autonomie speciale për serbët në veri”.
http://www.kohaditore.com/index.php?cid=1,24,60990
-----------------------------------
Qosiq: Ndarja e Kosovës zgjidhja e vetme
Beograd, 29.05.2011 11:55
Ish-kryetari i RSJ-së dhe shkrimtari i njohur serb, Dobrica Qosiq, ka vlerësuar se “antagonizmat shekullorë” të serbëve dhe shqiptarëve në Kosovë mund të tejkalohen vetëm me ndarjen e përhershme. Sipas agjencisë serbe Beta, ai ka thënë se Sllobodan Millosheviqi asnjëherë nuk e ka pranuar një propozim të këtillë, i cili ka ardhur nga SHBA, transmeton ‘Koha”.
“Për Kosovën kot flas dhe shkruaj katër decenie, duke propozuar zgjidhje demokratike të drejta të kompromisit dhe ndarje të përhershme. Kjo është mënyra e vetme që të tejkalohen antagonizmat shekullorë ndërmjet serbëve dhe shqiptarëve”, ka thënë Qosiq.
Sipas tij, ndarja do të “parandalonte ekspansionin shqiptaro-madh dhe do të krijonte kushte për jetë normale të dy popujve”.
Sipas “Koha”, Qosiq ka thënë se politika ndaj Kosovës duhet të ndryshohet, në mënyrë që problemi i Kosovës mos të mbetet afatgjatë dhe i rrezikshëm.
“Nëse të gjithë përgjegjësit e tragjedisë së Kosovës nuk ndryshojnë qëndrimet e politikës së vet ndaj këtij vendi të helmuar me radioaktivitet, ku ende nuk mbretëron toleranca e kuptueshme, çështja e Kosovës do të mbetet problem afatgjatë dhe i rrezikshëm i Ballkanit dhe Evropës”, ka theksuar Qosiq.
Ai ka thënë se shumë herë ka biseduar me ish-presidentin serb, Sllobodan Millosheviq, për Kosovën, por asnjëherë nuk janë pajtuar.
“Së pari më 1991 ia kam përcjell propozimin amerikan për ndarjen e Kosovës, sipas të cilit, Serbisë do t’i takonte 1/3 e Kosovës, por Millosheviq nuk hoqi dorë nga mjegullnajat serbe deri në kapitullimin e Kumanovës në luftën e vogël botërore kundër Serbisë”, tha Qosiq.
“Ky politikan i vetëkënaqur është krijues i paradoksit më të pakuptimtë në historinë serbe: Ai humbjen e Kosovës e ka kremtuar si fitore, e cila shpejt u mohua në gjykatoren e Hagës”, ka thënë Qosiq.
Ai tha se “e mendon të gabuar politikën shtetërore serbe ndaj Kosovës që nga Nikolla Pashiqi e deri te Boris Tadiqi”, dhe ka shtuar se në “këtë politikë të gabuar njëkahëshe dhe humbëse” kanë participuar shumë edhe Kisha Ortodokse Serbe dhe inteligjenca patriotike e Serbisë.
Qosiq ka thënë se shtetet e Perëndimit karshi Serbisë nuk e kanë lëshuar politikën e presionit dhe shantazhimit të filluar në fund të shekullit të kaluar.
“Historia po na shkruhet në gjykatoren e Hagës. Sot na gëzojnë vetëm sukseset e sportistëve”, tha ai.
http://knninfo.com/?page=1,2,25860
------------------------------------------------------
Tadiq: Ideja për ndarjen e Kosovës është e kahershme
Beograd, 21 maj 2011 (13.00)
Presidenti i Serbisë, Boris Tadic ka thënë se nuk duhet habitur për idenë rreth ndarjes së Kosovës meqë ajo qe një kohë të gjatë është e pranishme në opinionin publik serb.
Tadic ka thënë se të gjitha idetë për zgjidhjen e përhershme të çështjes së Kosovës janë të mirëseardhur. Sipas tij, është nevojshme që të gjendet zgjidhja e pranueshme për të palët e dhe për faktorët ndërkombëtare.
“Puna jonë është të ndryshojmë realitetin në terren dhe ta lëvizim atë në favorin tonë por edhe ta respektojmë popullin shqiptar. Këtu nuk ka farë politike sekrete dheas netojë për tituj bombastikë, çdo ide është e mirëseardhur dhe nuk duhet bërë spektakle që i dëgjojmë tash e 50 vjet”, ka thënë Tadiq, njoftoi Tanjug.
Si njërën nga zgjedhjet Tadic ka përmendur edhe konceptin e “dy Gjermanive” që nuk vetëkupton detyrimin që Serbia të njohë pavarësinë e Kosovës, por që lë hapësirë të zgjidhen shumë probleme jetësore që rëndojnë mbi dy popujt.
“Është jorealiste që tani të merremi me parashikime se si do të rrjedhë dialogu, sepse ai tani po fokusohet para së gjithash në çështjet teknike. Serbi është e gatshme që në dialog të marrë pjesë me çdo mënyrë dhe të zgjidhë konfliktin historik të popullit serbe shqiptar”, ka thënë Tadic.
Sipas tij, asnjë zgjidhje nuk është reale përderisa nuk hyhet në fazën e re të dialogut ose përderisa dialogu të mos shndërrohet në bisedime.
“Për këtë arsye duhet të ekzistojnë rrethanat e volitshme ndërkombëtare dhe nuk është vetëm dëshira e Serbisë dhe e shqiptarëve të Kosovës që të vendosin për këtë çështje, por ajo është edhe çështje e gjitha faktorit ndërkombëtar”, ka thënë presidenti serb. /Telegrafi/
Përgjigju Duke Cituar
Krijoni Kontakt