Borshi, mrekullia e harruar e Jonit

[skipetar]

KOHA
26 prill 2011

http://www.koha.net/repository/images/26borshi4.jpg

Borsh, 26 prill - 6 kilometra vijë bregdetare, të rrethuara nga ullishtet që shkrihen natyrshëm me blunë e thellë të detit Jon. Tek-tuk shkëmbinj që ngrejnë kryet mbi ujë, e pulëbardhat, që së bashku me peshkatarët janë të vetmit vizitorë të këtij prag sezoni.
Sezoni turistik do ta gjejë serish një ishull plotësisht të harruar në jugun e Shqipërisë. Mes zonave të shumta ku investimet në këto 20 vjet nuk kanë munguar, të mëdha a të vogla qofshin, i vetmi që ka bërë rrugë të kundërt nga pjesa tjetër është Borshi. Ky oaz me vijën bregdetare më të gjatë në detin Jon, përtej premtimeve politike të majta e të djathta, nuk ka marrë asgjë më shumë, duke u anashkaluar thuajse plotësisht në të gjitha projektet qeveritare për zhvillimin turistik të jugut të Shqipërisë, raporton To[p Channel.
E rrjepur plotësisht nga shtresa e betonit të kohës së komunizmit, në nisje, rruga që të nxjerr në bregdetin e Borshit duket thuajse një pikë kufitare që ndan këtë zonë nga pjesa tjetër e fshatrave të Jugut. Qindra metra që duken pafund mes gropave e pluhurit e që nuk kanë asnjë lidhje më një zonë turistike.
"Komplet, që në Dhërmi gjer tek Shpella e Lukovës, gjithë plazhet me dalje në det, u asfaltuan u rregulluan, Borshi po na gënjejnë, po na mashtrojnë, do bëhet sot, do bëhet nesër", deklaron një banor i Borshit.
Vija bregdetare duket e harruar mes mbetjeve të lokaleve të braktisura, bunkerëve që pasojnë njëri-tjetrin e rruges që tashmë bëhet e vështirë për t’u dalluar.
E kotë të kërkosh qoftë edhe investimin më minimal, dora e shtetit nuk duket askërkund. Godina të rrënuara të kohës së komunizmit janë reliket e vetme të një kohe kur dikush kujtohej edhe për këtë zonë. Nga shtëpia e pushimit të fëmijëve jetime kanë mbetur tashmë vetëm muret e lehtësuar nga çatia e tjegullat.
Mes zallamahisë, kaosit të pronave e braktisjes shtetërore borshiotët përpiqen të mbijetojnë me mikëpritjen e turizmin familjar që afron çdo sezon të paktën 10 mijë a më shumë pushues. Shumë banorë mendojnë se izolimi 20 vjeçar i këtij fshati është rezultat i ndërthurjes së papërgjegjshmërisë së pushtetit lokal të majte a të djathte, me pengesat e tjera të ngritura sipas tyre edhe për shkak të përkatësisë fetare të Borshit.
"Është fshati më turistik që mban nga 10 deri në 15 mijë pushues në cdo 15 ditësh. Ka ngelur pas dore nga investimet se është i vetmi fshat musliman në gjithë bregdetin. Ne si banorë të Borshit këtë duam të jetojmë edhe ne si gjithë të tjerët, në qytetërim", deklaron Qetësor Marku, banor i Borshit.
Mungesa e një plani rregullues ka bërë që ndërtimet të bëhen pa projekte e sikur të mos mjaftonte, banorët thonë se Borshi vuan mungesën e ujit të pijshëm dhe gjatë sezonit turistik ka edhe probleme me energjinë elektrike për shkak të tensionit të ulët. Me Borshin natyra është treguar e pakursyer ndryshe nga indiferenca e pushtetit për këtë zonë e që lexohet më mirë se kudo në pjesën e poshtë të fshatit, ku nuk gjen qofte edhe një park modest e aq më pak ndonjë kend sportiv.
Nga ish-burgu komunist i Borshit nuk ka mbetur asnjë shenjë e vetme. Banorët e rinj që janë strehuar prej 20 vitesh në këto godina e të ardhur, nuk dihet sesi, nga cepi tjetër i Shqipërisë, bëjnë një krahasim të dhimbshëm të kësaj zone me ato më të thellat në veri të vendit.

Në këtë realitet Borshi duket i zënë nën hijet e fshatrave të tjerë të jugut, por edhe të ishujve grekë që herë shfaqen e herë mbulohen nga retë diku në horizont.
Asgjë nuk ndryshon edhe në pjesën e sipërme të fshatit, rrugë të pashtruara e njerëz që ecin kuturu mes makinave që ngjisin me vështirësi rrëpirën e fortë.
E tashmja dhe e shkuara mes të njëjtit fat janë shkrirë në mënyrë thuajse të pandashme.. Historia nuk mund të ishte ndryshe nga realiteti i sotëm i Borshit, që është shpërfillur e hedhur tej si një plaçkë e pavlerë.
Rruga për këmbësorë që të çon në Kala, e inaguruar jo shumë kohë më parë është carë tej e përtej, ndersa vetë kalaja që daton në shekullin e tretë apo të katërt para erës sonë, ofron nje imazh sa magjepsës, për shkak të pozicionit, aq edhe të dhimbshëm si pasojë e mosmirëmbajtjes.
Xhamija që ngrihet brenda kalasë se Sopotit, një ndër më të vjetrat e jugut te Shqipërisë thuajse mezi mbahet në këmbë, mes mureve që duket sikur do të zënë poshtë nga çasti në çast.
Me malet e larta nga njëri krah , mes ullishteve e rrugëve te shkatërruara , bunkerëve, historive të lashta, banoreve , reve të pluhurit që ngrihen mes banesave, e bregdetit që bëhet njësh me qiellin, mes kontrasteve të forta e premtimeve te pambajtura te politikes se madhe shtrihet Borshi, perla e harruar e jugut të Shqipërisë.

[POKO]

ohh borshi,nje bukuri e pa pershkrushme.

nga e gjithe vija bregdetare vlore-sarande,ky vend me ka len te mahnitur gjate udhetimit tim me makine.

po vajta prape kesaj vere,do e bej nje jave pushim atje se s'ben

[Sofi _]

Une kam vite pa shkuar, po normalisht banoret duhet t'u drejtohen deputetit/es se zones (qe s'e kam idene kush eshte) dhe pushtetit lokal...Po ketu eshte dhe problemi i pronave - pa u zgjidhur ky veshtire te kete zhvillim te mirefillte...

[Brari]

jam per nji tynel..

te caje malin diku para dukatit e te dale mu buz detit posht llogarase..nga krahu tjeter..
do ta zhvillonte shum zonen..

por te presim kur Lul Basha do jet mbas 2 vjetesh Kryeminister..

[skipetar]

jam per nji tynel..

te caje malin diku para dukatit e te dale mu buz detit posht llogarase..nga krahu tjeter..
do ta zhvillonte shum zonen..

por te presim kur Lul Basha do jet mbas 2 vjetesh Kryeminister..

Sali Berisha e uli nipin në prehër dhe po e pyet:

çka do të bëhesh kur të rritesh?

"do të bëhem kryeministër" i tha nipi

"aaaaaa jo" ja ktheu Berisha "kryeministër jam unë"

[☆Angie☆]

Me malet e larta nga njëri krah , mes ullishteve e rrugëve te shkatërruara , bunkerëve, historive të lashta, banoreve , reve të pluhurit që ngrihen mes banesave, e bregdetit që bëhet njësh me qiellin, mes kontrasteve të forta e premtimeve te pambajtura te politikes se madhe shtrihet Borshi, perla e harruar e jugut të Shqipërisë.

Më mirë perlë e harruar se perlë e betonizuar.

[Brari]

bukur ke folur o angeline..


at frik kam dhe une..se dhe borshin kokodhimet po dhe ai krahu tjater do ta betonojne..
ja ka filluar.. me cpo shoh foton..

[Kavir]

Borshi është vërtet fshat i bukur. Ta shikosh tani duket si fshat i mbaruar, por me fare pak po fare pak investime bëhet një mrekulli e vërtetë.

Borshi ka edhe një bukuri tjetër që bie në sy sapo shkel në Borsh. Aty nuk të vjen për të vjellë nga "homogjenë" që të flasin gërqisht.

[Sofi _]

Kam pershtypjen qe problemi i ndertimeve eshte i lidhur me ate te pronave. Duhet zgjidhur ne themel, qe t'i kthehet dhe dinjiteti por dhe zhvillimi i vertete gjithe bregdetit shqiptar. Ne ca vende s'ka ngel as nje b.yth vend per plazh, se dhe keto perdoren nga 'privatet'.

Plazhi i Borshit t'i vret pak brinjet se eshte zall :P, po eshte vend shume i bukur.

[EDLIN]

Si jane çmimet ne Borsh ?

Ka ndonje adrese ku te shohim si jane.. ndonje hotel te lire ose edhe shtepi me qera..