Beteja per Tiranen: Lulzim Basha perballe Edi Rama

[flor1]

Telefon i Prishur
http://www.telefoniprishur.com/
Në Tiranë, përhapja kaotike dhe krejt e paligjshme e telave të telefonit mbështetet tek i njëjti arsyetim si teoria e xhamit te thyer. Përderisa askush nuk shqetësohet për rregullin dhe higjienën estetike të qytetit, atëherë një pjesë e banorëve do të mendojnë që hapësirat publike janë pa zot...
per me shume vizito adresen lart...

[bamatat]

Shtjellimi i gjithe kesaj con perseri ne te njejten pyetje qe e kam perseritur disa here me lart, cfare ben prokuroria? Perse nuk nxjerr pergjegjesit? Perse nuk nxjerr vrasesit? Per se lexojme spekullime dhe copa hetimesh nga gazetat dhe jo deklarata zyrtare nga prokuroria?
Mire qeveria paska gabime, cfare ben kjo opozita qe nuk kerkon ndryshimin e kesaj prokurorie nese ajo nuk ben punen?!
Shqetesime qe i ndajme te gjithe. Kushdo qe eshte pergjegjes duhet te pergjigjet, por jo te spekullohet per interes te dikujt qe kerkon pushtet me cdo kusht.

P.s Kjo eshte tema per kandidatet e Tiranes

Ti po ben pyetjen dhe po vete jep pergjigjen , vetem se nuk e thua me fjale ! Nuk ka demokraci ne Shqiperi mo , eshte pergjigja ! Thuaje dhe mos u tremb !

[Noellag]

Per aq kohe sa ajo parti te kete njerez qe shkaktuan 97-ten , dhe qe organizoi 21 janarin , do sulmoj me llogjike cdo veprim te saj qe bie ne kundershtim me interesat e shqiptareve

[DYDRINAS]

Tiranat e padukshme

Koloreto Cukali | 01/05/2011


Ju mbase prisni t'ju flas për zgjedhjet e 8 majit, por unë dua t'ju flas për një libër. Jo se nuk më intereson Tirana dhe vota që do të hedhë qyteti. Por një javë para zgjedhjeve, do të doja që t'jua lexoj Tiranën përmes një libri.


"Qytetet e padukshme" i Italo Kalvinos është libri që marr më me qejf se çdo tjetër në dorë. Kohë më parë, duke lexuar një artikull të Ardian Vehbiut, kuptova që të gjithë përjetojmë të njëjtën gjë kur lexojmë këtë libër - të tërë ne gjejmë qytetin tonë aty brenda.


Edhe Tirana juaj është padyshim (lexohet: "padyshiiim") në njërin nga ato qytetet e padukshme që Marko Polo ia tregon Kublai Khanit.
Mua, të gjitha ato qytete më kujtojnë Tiranën.


MARKO POLO


Kryetarët e Mëdhenj njihen prej njerëzve që zgjedhin për të mbajtur pranë, këshilltarë që i ndihmojnë të zgjerojnë vizionin e vet për botën. Tony Blair këshillohej nga sociologu Anthony Giddens; Bushi i ri nga autori, gazetari dhe botuesi Marvin Olasky; Bill Klinton nga politologu David Osborne apo dhe nga guruja i mjekësisë, Deepak Chopra. Obama nga strategu i shkencave politike Zbigniew Brzezinski; Berluskoni nga... sekseri i prostitutave Giuseppe Spinelli.


E përmenda Berluskonin, sepse liderët e mëdhenj qofshin dhe Kryetarë Bashkish, njihen nga njerëzit që mbajnë rrotull vetes.
Tek libri i Calvinos "Qytetet e Padukshme", Marko Polo, udhëtari më i madh i botëve të njohura e të panjohura në atë kohë, ulet dhe i rrëfen Khanit të madh të Mongolëve për qytetet që kishte parë në udhëtimet e veta. Kublai Khan nuk kishte parë vetë asnjë qytet. Prandaj i duhej ky udhëtar, që t'i tregonte atë çka Khani nuk kish mundur ta shihte. Khani - Kryetari i madh i Bashkisë së Mongolëve - dëgjonte rrëfimet e udhëtarit dhe ndërtonte në kokën e vet një qytet të përsosur.


TIRANA KA PËRBALLË SHKRETËTIRËN


Çdo qytet, i atij tregon Polo, e merr trajtën e vet nga shkretëtira së cilës i kundërvihet. Ne mund të ndërtojmë një Tiranë të pasur, por përballë saj do të gjendet përherë Kamza. Tirana - sado të përpiqemi ne - do të reflektojë përherë pamjen e Kamzës. Ose të Babrrusë. Ose të komunës Dajt.


Qytetet, e marrin formën e vet nga shkretëtira që kanë përpara. Fieri merr formën e Levanit, Gjirokastra të Lazaratit, Shkodra të fushës së druve, Durrësi të Shijakut.


TIRANA KA QENË DIKUR E VJETËR


Në kartolina, në foto ngjyrë kafe të varura nëpër ca pak lokale të ndërtuara nga arkitektë prej vërteti, herë për snob e herë për mall, mund të hasësh Tiranën e vjetër. Tirana e vjetër, me kafe Kursalin, me hotel Internacionalin, me Bashkinë, me Pazarin e Vjetër, me Sahatin... me Shallvaret.


Tirana e re që po na ndërtojnë prej gjysmë shekulli e këtej, nuk ka asnjë lidhje me atë të vjetrën. Vërtet, Tirana e sotme ngrihet në të njëjtin vend ku ka qenë e vjetra dhe ka të njëjtin emër, por këto të dyja nuk kanë komunikuar kurrë.


Ai i vjetri, ishte një qytet tjetër e që rastësisht quhej Tiranë. Ai i vjetri, është Tirana që unë dal në dritare dhe e ëndërroj ndonjëherë, kur bie mbrëmja.


TIRANA ME KULLA


Qytetet, ngjajnë nganjëherë me qenie që marrin frymë e që zhvillohen me forma të çuditshme. Ka qytete që shtrihen anash. Ka qytete që zhvillohet për lart.
Tirana mua më duket një qytet që fryhet nga brenda vetes. Si një njeri të cilit nuk i rritet dot më barku sa herë që ha, por që fillon e i fryhet nga brenda.


Tirana, po rritet për lart, meqë duam të jetojmë të tërë në Qendër. Sa më lart që shkojmë, aq më stresuese bëhet jeta poshtë. Në çdo tavolinë ku je ulur, përpiqu të imagjinosh sa njerëz gjenden në atë çast sipër teje. Dhe, ndoshta, rezultati nuk do të të pëlqejë.


TIRANA SI MUND TË ISHTE


Njeriu që udhëton jashtë, në çdo qytet të huaj i vijnë përngjasime të një qyteti shqiptar.
Nëpër botë gjenden plot qytete që mund të kishin qenë qyteti yt. Ajo çfarë qyteti mund të ishte bërë, po nuk u bë.


Ohri është ajo çfarë Pogradeci mund të ish, Budva, është Himara, ajo që mund të ishte bërë por nuk u bë. Himara mbetet Kandahari ynë, me një Mulla Bollano në shpellën e Piratëve.


Po Tiranën, a e keni gjetur kund? Cili qytet mund të ishte Tirana? Islamabadi? Apo Kalkuta?


TIRANA PLOT DËSHIRA


Dëshirat kanë formën e Qytetit. Po të na pyesin, si do e donim Tiranën pas ca kohësh, do themi: ja kështu siç është. Do na kenë bindur që ne kështu e kemi dashur. Në fakt, çdo mostër që po ndërtohet, e ka ndërtuar njëri nga ne, babai i dikujt, burri i dikujt, miku i dikujt tjetër.


Dëshirat se si mund të ishte ky qytet, shumë shpejt do të zhduken. Do vijë një kohë dhe ne do dëshirojmë këtë qytet të shëmtuar siç është, pa kujtesë. Fundja, dëshirat, ose ia dalin ta fshijnë qytetin, ose janë fshirë prej tij.


KUJTESA NË TIRANË


Qytetet shkëmbejnë kujtesën. "Im Atë Donte Adolfin" - ajo është Shkodra, siç nuk e kam parë, siç e kam lexuar. Tirana është "Nëntori i një Kryeqyteti".


Njerëzit që vijnë në Tiranë nuk shkëmbejnë më kujtesë. Të huajt na flasin për qytetet e tyre, e ne u tregojmë muhabete Facebooku. Ata na flasin për mrekullitë e Iranit, ne u flasim për zgjedhjet. Ne kemi harruar të shkëmbejmë kujtesën e qytetit tonë me të tjerët.
Kafja e Madhe për ne nuk ka pas ekzistuar kurrë dhe pas pak kohësh nuk do ketë më asnjë dëshmitar të gjallë për ta treguar.


QYTETET DHE SHENJAT


Çdo shenjë apo formë na flet për këtë qytet ku jetojmë. Një piramidë, 2 kulla binjake, një burrë me kalë. Qytetet mund të kuptohen përmes simboleve e shenjave të shkruara mbi to. "Lavazho", "lavazho", "lavazho". Kur dalim nga Tirana edhe retë kanë forma kalamajsh të vegjël me pompë në dorë që lajnë makina nëpër "lavazho".


TIRANA E ËNDRRAVE


Në tregimet e veta, Marko Polo i tregon Kublai Khanit për një qytet që u ndërtua sipas ëndrrës së atyre që ndiqnin një grua. Ngritën një qytet, me rrugët që secili kishte parë në ëndërr. Nuk ka djalë të rritur në Tiranë që nuk ka ndjekur një vajzë sa dilte nga gjimnazi Qemal Stafa, për ta parë ku e merr autobusin (tani marrin makinën e dashnorit) për të zbuluar ku e ka shtëpinë, për ti dalë para rastësisht në mëngjes...


Po ata që ndërtuan këtë qytet, italianët, rusët, kinezët... kapitalistët e demokracisë, çfarë të kenë qenë duke ndjekur? Më ngjan sikur kanë qenë duke ndjekur herë një mace, herë një femër me perçe që nuk dinte nga i hidhte këmbët, e herë Ali Babën me 40 hajdutë.


UNË FLAS/TI FLET/TIRANA NUK FLET


Ky që jetojmë, po kthehet me shpejtësi në qytetin ku njerëzit nuk flasin më, vetëm shihen. Akoma ka vende, si p.sh., në autobus, ose në tregun e "Çamëve", ku njerëzit shkëmbejnë dy-tre fjalë. Por pak nga pak këta njerëz do të zëvendësohen nga ne, njerëzit që shihemi po nuk flasim. Ne, që nuk njohim më as komshinjtë tanë.
Ne, që shohim një femër që dhunohet në rrugë e mbyllim gojën. Ne, qytetarët modernë shurdhë.


TIRANA DEMOGRAFIKE


Kur mërziten e lodhen nga qyteti i tyre, njerëzit ndërrojnë qytet. Kush mërzitet nga Lushnja, shkon në Tiranë, kush mërzitet nga Kavaja vjen në Tiranë, kush mërzitet nga Himara, ikën në Vlorë e më pas në Tiranë. Në fund përfundojnë të tërë në Tiranë, pa e kuptuar që është i njëjti qytet me atë që kanë lënë pas.


Qytetet tona 'të Enverit' kishin të njëjtën fytyrë të shëmtuar. Qytetet tona sot kanë të njëjtën fytyrë të shëmtuar: atë të King Kongut. Asnjë qytet, nuk dallon prej tjetrit. Eja sa të duash në Tiranë! Eja në Selitë, dhe zëre se je akoma në Kavajë. Eja në Sauk, dhe zëre se je në Kala të Dodës.


TIRANA FIFTY-FIFTY


Tiranën mund ta ndajmë në dy gjysma. Një gjysmë lart e një gjysmë poshtë. Nëse ecim me kokën lart - shohim gjysmën sipër - vetëm çelik, beton dhe xham. Shumica prej nesh, me barrën e madhe të halleve në kurriz shohin poshtë gjysmën tjetër - në rrugë bredhin klube dhe makina. Ne që ecim me sytë përdhe shohim qese moltosh, bileta lotarie të pavlefshme, fara luledielli, pështymat e atyre që kanë kaluar përpara, bishta cigaresh, gozhdë... Dhe pluhur, shumë pluhur! Po takuat njeri që sheh qiellin në Tiranë, më thoni.


TIRANA E BREZAVE


Në qytetin tonë, ndër shekuj luhen të njëjtat role. Thuhen të njëjtat batuta, të njëjtat premtime. Vetëm theksi ndryshon. Brezat në Tiranë ndërrohen, por rolet mbeten. Për aq sa ky qytet mban mend, është gjithmonë një kryetar që eliminon kundërshtarët. Janë gjithmonë ca çakej që copëtojnë pronat. Janë përherë ata që thonë: "akuza është politike." Dhe paradoksalisht, gjendet përherë një turmë e verbër që bredh nëpër rrugë duke ulërirë me flamuj në duar: "Duam Babën!"


QYTETI NGA PARA E NGA PAS


Kur zbret Qafë Krrabën, pas disa dhjetëra kthesash, para teje shfaqet qyteti. Nga dritat, të duket një qytet i shkëlqyeshëm, nga pallatet me ngjyra të duket një qytet i gëzueshëm. Por sa merr kthesën e një pallati futesh në oborre të shëmtuara, në kuba banimi të mjeruar, me makina që parkojnë mbi shkurre, mes teneqeshe hekurash të ndryshkur. Ky qytet nuk ka shumë faqe. Ka vetëm 2. Dy faqe në kurriz të njëra-tjetrës që nuk e shohin kurrë njëra-tjetrën. Vizitorët shohin faqen jashtë. Por ne që jetojmë përjetësisht këtu, shohim më shumë faqen brenda.


RIVERSIDE DRIVE


Sado ankohem, shpesh, gjej diçka befasuese në Tiranë. Në Akademinë e Arteve, po jepet edhe këtë fundjavë pjesa "Riverside Drive" e shkruar nga Woody Allen e me regji të Milto Kutalit. Kjo mund të jetë fundjava e fundit që shfaqja jepet. E diela e fundit. Riverside Drive, është e shkruar mrekullisht nga Woody Allen dhe e luajtur në mënyrë të jashtëzakonshme nga Gaz Gjoka, së bashku me Arben Derhemin. Regjia e Milto Kutalit është bazuar mbi një skenografi minimaliste, por shumë funksionale.


Kjo është pa dyshim (lexohet: "padyshiiim") shfaqja më e mirë e sezonit për mua në një skenë teatri. Nëse doni që për 80 minuta të ndjeheni në Nju Jork e jo në Tiranë, nëse doni të ëndërroni me yje e jo me kulla të shtrembëta mbi kokë, ky është vendi ku "mundeni".


ATA QË NUK JETOJNË NË TIRANË


Tirana është një qytet që sado të ecësh nëpër të, ti nuk e kupton nëse je brenda apo jashtë qytetit. Ka vazhdimisht njerëz nëpër rrugë që merren me gjëra, por nëse i pyet ku është qyteti, ata nuk e dinë.


Taksixhiu im i preferuar punon rrugëve të Tiranës, fle diku në Selitë në darkë... por realisht, ai nuk jeton në Tiranë. Ai nuk jeton, në kuptimin që mund të jetohet një qytet. Mund të pyesësh njerëzit se ku është Qyteti ku jetohet.


- Ne vijmë këtu vetëm për të punuar, thonë disa. - Ne vijmë këtu në darkë veç për të fjetur thonë disa të tjerë. - Po Qyteti, këmbëngul ti, qyteti, ai që jeton? Qyteti që jeton...? - Atë nuk e di askush.


TIRANA IME


Duke dëgjuar tregimet e Marko Polos, Kublai Khan reflektonte mbi qytetet, mbi rregullat falë të cilave qytetet lindin, lulëzojnë e marrin formë, mbi rendin e padukshëm që i mban ato mbi tokë.


Ne nuk kemi për të pasur kurrë një Kublai Kahn, i cili të rrijë në majë të Dajtit duke ëndërruar për këtë qytet, teksa dëgjon këshillat e një udhëtari idealist. Khanët tanë e kanë humbur idealizmin, dhe këshilltarët e tyre janë sekserë metrash/katrorë. Nuk ka rëndësi se çfarë thonë, çfarë premtojnë. "Gënjeshtra nuk rri te fjalët, por tek gjërat".


Ne e kemi ngritur bashkë këtë ferr ku jetojmë, - thotë Italo Calvino për Tiranën.
"Ka dy rrugë. E para, është e lehtë për të gjithë: të pranosh ferrin e të bëhesh pjesë e tij deri në atë pikë sa të mos e dallosh më.


E dyta, është e rrezikshme dhe lyp vigjilencë e kuptueshmëri të vazhduar: të kërkosh dhe të dish të njohësh çfarë nuk është ferr në mes të këtij ferri dhe ta bësh të rezistojë. T'i japësh hapësirë".

shekulli

[RAPTILOID]

Per aq kohe sa ajo parti te kete njerez qe shkaktuan 97-ten , dhe qe organizoi 21 janarin , do sulmoj me llogjike cdo veprim te saj qe bie ne kundershtim me interesat e shqiptareve

o noelllag parimori
po per ata tipa qe e shesin shqiperine 1 euro ca mendimi ke
po per ata qe ndertojne gerdeco-fabrikat ca mendimi ke
po per ata tipa qe organizojne grushte shteti si ne 98 ca mendimi ke zotrote
po per ata tipa qe thone kudo qe NANO eshte padrino i shqiperise dhe pastaj duan ta bejne president ca mendimi ke ???
normal qe ti do kesh mendim te mire se je salist i terbuam

[Breshka]

O lanet ceshte kjo e folur more
Po se pe ps kur u be grushti shetit nga Salija qe qindra vete me arme u turren institucioneve i grine ato dhe i bene cope dhe sheteti asnje arme nuk shkrehu.
Ku rruhesh o lanet me copa xhami rruhesh akoma ti?

nuk shkrehu se ja mbathen ne maqedoni... hihihihihi....priten sa u varros Azemi , e di ti deputeti i vrare, sa mlodhi Sala te gjithe te rrevoltuarit.... dhe pastaj u kthyne prap ne pushtet pa piken e turpit... hihihihih....

[shigjeta]

Pa dash te futem ne vorbullen tuaj te komunikimit "love-hate" me njeri tjetrin, Mbikalimet asnjehere nuk mbingarkojne levizjen e trafikut. Nga fjala eshte e tille qe lejon mbikalim-- do me thene ti kalon poshte e une siper...( ose anasjelltas)!

Sa per faktin tirana nuk ka patur kurre nje plan urbanistik. Dhe nese ka patur nje psedo-plan kjo nuk eshte zbatuar kurre nga askush.

Duke filluar nga 1991 e deri me sot Tirana eshte zgjeruar ne menyre kaotike.
Per te thene te drejten askujt ne Shqiperi nuk i ka interesuar nje plan urbanistik pasi Plan Urbanistik do te thote me teper rregulla qe do te thote me pak mundesi per te ndertuar vend e pavend. Kjo nuk kishte si tu interesonte as PD e as PS e askujt ne Shqiperi.

Nuk ka si tu interesoje kur keto dy parti mbijetojne nga financime te dyshimta te subjekteve private qe operojne ne fushen e ndertimit.

Nuk mundet as kandidati i PD te ndryshoje gje pasi ai e ka vertetuar qe INTERESAT PARTIAKE jane me te medhaja se ato qe ai vete si person mendon(Eshte shprehur per dyshimin per prishen e Piramides dhe nderkohe votoi ne parlament per prishen e tij...sikurse dhe per ndertimet ne parkun e liqenit artificial)

Po ashtu as kryetari aktual nuk mund te ndaloje financimet e projekteve te bashkise nga bisneset e ndertimeve pasi kjo do te thote qe bashkia te varet vetem nga fondet e akorduara nga qeveria.

Por mua me duket paksa ironi dhe sarkazem qe zoti kryeminister del e quan BATHOREN -"modelin modern i nje infrastrukture" por ama me vjen per te qeshur me kandidatin e PS per kryebashkiak qe premton "plane punesimi" ne Tirane.

Bashkia per nga ana juridike nuk mundet te ule papunsine por te ofroje ndoshta ndihme socile per te papunet cdo gje tjeter do te ishte dalje nga funksioneve juridike ose nje "shaka" elektorale.

Tirana do te jete deshmia e nje arkitekture dhe plani urbanistik qe nuk duhet te perseritet kurre dhe do te ndihmoje shume studentet e arkitektures sesi te mos planifikojne urbanistiken e nje qyteti.

E ju mos u zini nese me te vertete doni ndyshime ne tirane mos votoni askend nga keto dy kandidate mos votoni askend nga keto parti... injoroni zgjedhjet shikoni punen tuaj shikoni familjen tuaj. Diten e zgjedhjeve merrni familjen e shkoni per piknik dhe gezohini se ata kane me rendesi se keto palaco...

Ju pershendes...

Ky eshte nje diskutim i hapur, cdo mendim i argumentuar eshte i mirepritur.
Ne rastin e Zogut te Zi, ndertimi i nje mbikalimi do perqendronte gjithe ardhjen e trafikut ne Tirane drejt rruges se Durresit per ne qender te qytetit. Ne nje kohe qe nuk ekziston nje plan urbanistik dhe nje unaze e madhe qe te shperndaj trafikun, mbikalimi pengon, nuk ndihmon.
Ke te drejte qe nuk eshte zbatuar nje plan urbanistik per hir te interesave te fitimit nga ndertimet dhe Tirana ka perfunduar ketu ku eshte tani.
Kryetari aktual i bashkise, per hir te interesave partiake apo jo, nuk i ka mbajtur premtimet dhe ka bere pak per Tiranen, mgjs ka qene per 3 mandate rresht. Kandidati i PD-se ka realizuar deri tani ato qe ka premtuar dhe kjo nuk eshte pak. Nese ai realizon ate qe premton per Tiranen, mbetet per t'u pare. Nese ai zgjidhet dhe nuk i realizon premtimet, nuk duhet te votohet per nje mandat te dyte. Prandaj vota eshte e rendesishme, sepse perzgjedhjen midis kandidateve. Njerezit duhet te shkojne te votojne. Jo per partite, jo per fushata politike, por per te permiresuar jeten duke votuar kandidatin qe mendojne se do e beje kete gje.

[shigjeta]

Ti po ben pyetjen dhe po vete jep pergjigjen , vetem se nuk e thua me fjale ! Nuk ka demokraci ne Shqiperi mo , eshte pergjigja ! Thuaje dhe mos u tremb !

Ka apo jo demokraci, me thuaj cfare quan te tille?!

[RAPTILOID]

Kurt Kola: Shqipëria të ndahet nga komunisti i fundit, Sali Berisha
gazeta shekulli


Kreu i opozitës, Edi Rama dhe kryetari i ish të përndjekurve politikë, Kurt Kola, zhvilluan pasditen e së dielës një takim elektoral me banorë të bashkisë së Vorës. Duke prezantuar kandidatin socialist për këtë bashki, Bashkim Haxhiun, Rama tha se "Në 8 maj ju do të votoni bashkë me të gjithë qytetarët që kërkojnë punë, drejtësi, mirëqenie për të vetmen rrugë."
Në këtë takim Rama shoqërohej edhe nga kryetari i Shoqatës së të Përndjekurve Politik, Kurt Kola.


"Ju bëj thirrje ju dhe mbarë shqiptarëve që në këto zgjehdje të ndahemi me të shkuarën me sy nga e ardhmja. Në këto zgjedhje të ndahet Shqipëria nga komunisti i fundit Sali Berisha. Të ndahet Shqipëria nga një kryeministër që vret qytetarët e tij në bulevard dhe qesh pas dritares së kryeministrisë. Të ndahet Shqipëria nga një kryeministër që i lë shqiptarët jetimë, ju vret baballarët. Të ndahet Shqipëria nga një kryeministër që po vjedh vendin, po vjedh djersën e shqiptarëve. Të shpëtohet Shqipëria! Të hiqet e keqja e këtij vendi që quhet Sali Berisha" - tha Kola.


Sipas Ramës, prania e të përndjekurve si pjesë e koalicionit Aleanca për të Ardhmen tregon se ky koalicion nuk i ndan shqiptarët në blu dhe rozë dhe nuk i thotë qytetarëve ose me ne, ose kundër nesh.
Duke kërkuar votën e banorëve të Vorës, Rama e cilësoi atë si një votë për të mos lejuar më kurrë që bashkia të mbyll sytë përpara zullumesh të atilla si ai i Gërdecit.

Redaksia Online

[RAPTILOID]

Shamku: Basha tenton të blejë votën me miell, sheqer e makarona
gazeta shekulli


Deputetja e Partisë Socialiste, Ledi Shamku, denoncoi sot përpjekjen e kandidatit të Aleancës për Qytetarin për të blerë votën e banorëve të kryeqytetit me anë të shpërndarjes së ushqimeve.


"Kandidati i Saliut për Tiranën e ka humbur toruan. Aq i sigurt është Luli i Saliut se kryeqytetasit nuk do t'ia japin votën sa tani ka filluar të shpërndajë miell, sheqer e makarona për të blerë vota. Ky kandidat dy herë i kërkuar nga drejtësia për vjedhjen e 200 milion eurove e për vrasjen e katër shqiptarëve të pafajshëm në 21 janar, ky Luli i Saliut që firmosi shitjen e detit kur ishte ministër e që bridhte nëpër botë me shtatë pasaporta, tani ka dalë të blejë vota me miell, njësoj si Saliu vaktit.


Deri dje Saliu bridhte me thasë me miell në kurriz në fshatrat e thella të këtij vendi të varfër, kurse sot, Luli i Saliut del sërish po me miell, kësaj here të ambalazhuar në qese Big Market".


Duke e cilësuar si një veprim të turpshëm, Shamku e konsideroi këtë akt një fyerje për qytetarët e Tiranës. "T'i vijë turp që i fyen në këtë farë feje tiranasit, duke u rrekur t'u blejë nderin me këtë qese.


Tiranasit nuk kanë jetuar kurrë me lëmoshë, as në kohë të Enverit e as në kohë të Saliut të Enverit. Tiranasit kanë jetuar gjithnjë falë punës së vet të ndershme, po Luli i Saliut nuk i njeh tiranasit sepse në Tiranë ai ka jetuar si turist me 7 pasaporta ose si ministër i oborrit".


"Luli i Saliut e ka të kotë nëse shpreson se kryeqytetasit do t'i japin atij votën për një kile miell e një pako makarona-, shtoi deputetja e PS-së. - Mbarë shqiptarët e dinë mirë se vota është hakmarrja e tyre më e mirë për këtë regjim të Lulit e Saliut që ka vjedhur e ka vrarë për të mbushur xhepat ndërkohë që shqiptarët janë zhytur në varfëri e papunësi.

Në 8 maj banorët e kryeqytetit do t'u japin Saliut dhe Lulit të Saliut atë që meritojnë: humbjen e thellë në Tiranë dhe disfatën në mbarë Shqipërinë", përfundoi Shamku.