Beteja per Tiranen: Lulzim Basha perballe Edi Rama

[REALIST]

Nese e keni verejtur dhe nese keni bere krahasime, asnje sondazh i hapur online nuk gjendet ne asnje website te mediave qe jane pro Rama.
Sondazhet online gjenden vetem ne mediat qe jane te pavarura.

Sic duket Rama i ka urdheruar mediat qe jane nen kthetrat e tij qe te mos hapin asnje sondazh duke e patur parasysh rezultatin dhe friken qe do te mbillte ne kampin socialist dukja hapur e sondazheve pro Bashes edhe ne mediat nen kthehtrat e Rames.

Shihet haptas nje frike dhe nje para-dorezim e shptartallim militanteve te Edvin Rames.

[RAPTILOID]

e ke gabim
gazeta shekulli dhe gazeta tema kan hapur sondazhe
dhe te dyja keto sondazhe japin fitoren e rames

[shigjeta]

Jam shum dakort me Ty
Nuk ka si ta mohoj levizjen e lire
Por un dua ta di pse edhe Tani qe ne shqiptaret levizim te lire nusja e hollandezit nuk merr nenshtetesine shqiptare???
Eshte Pyetje qe me ngacmon dhe eshte gje qe me bezdis shume sic te bezdis Ty rrahja qe u Ben Rama grave( gje qe duhet vertetuar se kan ngelur akoma ne kuadrin e thashethemeve te pavertetuara)

Le te shohim cfare pergjigje do japi Basha per kete pyetje qe te ngacmon ty. Nderkohe mua me ngacmon fakti qe Rama ka ngritur nje akuze te rende ndaj bashkshortes se pare, i bie qe kryetari i PS dhe bashkise se Tiranes, ose ka patur babain me te pamoralshem ne Shqiperi ose ka fiksime serioze qe duhen trajtuar.

[BlueBaron]

Edhe Shemsi Prenci i duhej Sales kete here. I modh fare je Sale. Po bej nje krahasim koti. Ky Peka ngjan ne nje fare menyre me Gim Shehun, ndersa ky Prenci sikur te jete vllai binjak i Paulin Sterkaj. Nuk zuri mend Sala nga legenat. Ha tum Sale, klluf jastiku ...

[bili99]

Meqe nuk kane kandidat te denje socialistat ,na sjellin krahasime mes Olldashit dhe Bashes..haha...po sigurisht qe Olldashi eshte i denje te perfaqsoje kombin e le me nje qytet.
Lulzim Basha ,zgjedhje optimale per fitore te PD-se. dhe Tiranes.



Propaganda negative per kundershtarin politik nuk do te fitoje , vetem vlerat dhe premtimet racionale do te qendrojne dhe do te fitojne.
Rrjedhimisht : lamtumire propaganda dhe mentaliteti komunist, mirmengjes Tirane te duhet drita,zhvillimi ,te duhet Lulzimi!


me nderime,
bili99

[RAPTILOID]

Opozita, nisje fitimtare me këmbët në tokë
PREÇ ZOGAJ | 12/04/2011
Shekulli


Opozita niset si fituese në fushatën elektorale për zgjedhjet e 8 majit. Thënë ndryshe, niset nga vendi i parë. Në mbështetje të këtij pohimi nuk është më vetëm fryma mbizotëruese antiqeveritare në vend; nuk janë më vetëm arsyet politike, ekonomike dhe sociale, për të cilat kemi shkruar sa e sa herë gjatë njëzet muajve të fundit. Janë edhe të dhënat e sondazhit të realizuar nga Instituti për Studime Ndërkombëtare, i pari sondazh i pakontestuar për këto zgjedhje.


Sipas sondazhit në fjalë, po të votohej sot, rreth 44 për qind e zgjedhësve do të votonin për rizgjedhjen e kryetarëve të tanishëm të bashkive, 34 për qind do të votonin për t'i ndryshuar dhe 21 për qind e tyre nuk do ta dinin për kë. Këto janë shifra të mesatarizuara nga përgjigjet që kanë dhënë 1202 të pyeturit në bashkitë e përfshira në sondazh.


Nëse Instituti i Studimeve Ndërkombëtare do të kishte publikuar shifrat për secilën bashki veç e veç do ta kishim më të lehtë të kuptonim ku jemi dhe të parashikonim rezultatin e përafërt të zgjedhjeve. Nuk i gjykoj dot arsyet përse Instituti i ka futur të dhënat në një thes. Ndoshta nuk ka dashur të provokojë pakënaqësi dhe zhurmë.


Prandaj e ka parë të udhës të tregojë vetëm një pamje të enigmës, duke ua lënë të interesuarve ta zbulojnë vetë pjesën tjetër të saj. Megjithatë, askush nuk mund të zbulojë çfarë nuk ekziston. Shifrat dhe të dhënat e publikuara nuk të lejojnë të nxjerrësh doemos përfundimet që të pëlqejnë, pa qenë logjik.


Sondazhi nuk është kombëtar. Ai është fokosuar në dhjetë bashki, ku përfshihen Tirana, Shkodra, Durrësi, Elbsani, Korça, Fieri dhe Vlora, pra shtatë bashkitë e qyteteve të mëdha, që përcaktojnë balancën e zgjedhjeve. Gjashtë nga këto bashki aktualisht i drejtojnë socialistë. Të gjashtë kryetarët e tyre janë rikandiduar nga PS dhe Koalicioni opozitar "Aleanca për të ardhmen".


Ata startojnë të gjithë si fitues me votën "pro" të 44 për qind të zgjedhësve, pra me një avantazh prej 9,4 pikësh ndaj votës "kundër". Kjo diferencë e lartë mund të zvogëlohet apo të thellohet. Por është shumë e vështirë, për të mos thënë e pamundur të përmbyset në harkun e 30 ditëve të fushatës elektorale. Mbështetja 44 për qind mund të përkthehet në një fitore akoma më të thellë po të llogaritet shkalla e abstenimeve, që sipas të njëjtit sondazh varion midis 30-34 për qind të zgjedhësve.


Instituti nuk ka sqaruar çfarë janë 21 për qind e të pyeturve që nuk e dinë për kë do të votojnë. Janë votues që nuk do të marrin pjesë në votime? Apo thjesht nuk kanë vendosur ende kujt do t'ia japin votën. Nëse janë pjesë e abstenimit, diskutimi për tendencën e sondazhit nuk ka sens të vazhdohet më tej: kandidatët e opozitës në qytete kryesore, me përjashtim të Shkodrës, janë të stërfituar! Nëse janë votues të pavendosur, ata kurrsesi nuk mund t'u shtohen si me lopatë votuesve kundër, siç do t'ia kishte qejfi ndonjë naivi.


Të pavendosurit, që mbesin në dilemë edhe kur nis fushata, nuk dalin tak-fak nga dilema e tyre dhe prandaj nuk shkojnë të gjithë në votime. Ata që shkojnë, ndahen me diferenca të vogla, sipas ndarjeve të kampeve kundërshtare, me një anim të kuptueshëm nga opozita. Këtë tendencë e ka treguar edhe përvoja e zgjedhjeve shqiptare. Të pavendosurit kanë rëndësinë e tyre. Ata janë gjithnjë një nishan elektoral i partive para dhe gjatë fushatës.


Por "kush ka bërë petulla me të pavendosurit, i ka bërë me ujë dhe ka ngrenë gishtat", - siç thotë populli. Sidomos kësaj radhe nuk është rasti. Nuk është dy- tre pikë, por rreth dhjetë pikë diferenca mes opozitës dhe qeverisë në këto qytete. Arsyeja tjetër pse avantazhi i opozitës mund të lexohet si fitore është sistemi mazhoritar me një tur i votimit. Kush del i pari, është fitues, edhe po të mos e kalojë 5O përqindëshin.


Ruajtja e gjendjes ekzistuese në qytetet e mëdha tregon se kryetarët e këtyre bashkive kanë lënë gjurmë dhe përshtypje të mira me punën dhe sjelljen e tyre. Po të kishin bërë gjëra diskredituese, nuk do të rikonfirmoheshin, edhe pse kanë erën opozitare në favor. Ndërkaq, do të ishte e njëanshme dhe sipërfaqësore po të thoshim se merita është vetëm e tyrja. Është edhe situata politike, madje është pikësëpari situata politike ajo që promovon kandidatët e opozitës në këtë fushatë.


Qytetarët nuk kanë pritur e nuk presin mrekulli nga pushteti vendor. Qytetarët janë realistë në lidhje me atë që mund t'u ofrojë kryetari i bashkisë apo komunës, në një vend që drejtohet nga një qeveri me mendësi të theksuar centralizuese, siç është qeveria "Berisha". Pa nënvlerësuar përkushtimin dhe etikën e të zgjedhurve lokalë, votuesit e opozitës duan t'i japin qeverisë "Berisha" më 8 maj një mesazh të fortë largimi për të gjitha ato arsye që lidhen me deformimet e rënda të demokracisë, me korrupsionin qeveritar, me rënien e vazhdueshme të ekonomisë.


Sondazhet që nxjerrin fitues kandidatët e opozitës janë vërtetë shprehje e triumfit të fushatës politike, siç vinte në dukje gazetari Mero Baze në një shkrim të tijin para pak ditësh.


Efektet e fushatës politike të kombinuar me fushatën programore të kandidatëve, kanë shkuar e po shkojnë edhe në komuna. Shumë prej komunave, sidomos në Jug, opozita i ka pas humbur për shkak të fragmentimit të votës, që mundësonte Kodi i mëparshëm. Kësaj radhe hapësirat për taktika elektorale përçarëse nga partitë në pushtet janë ngushtuar në maksimum. Tani edhe thikat pas shpine janë të dukshme dhe të lexueshme. Kjo situatë do të mundësojë një fitore proporcionale të opozitës në gjithë vendin.
Por kujdes! Kjo është nisja. Midis "zgjedhjeve nesër" dhe "zgjedhjeve me 8 maj" janë më shumë se 25 ditë akoma. Njëzet e pesë ditë me këmbët në tokë për të mbrojtur e korrur çfarë është mbjellë për njëzet muaj. Numërimi mbarë ka filluar për opozitën. Asaj nuk i duhet të bëjë ndonjë mrekulli. Ajo është përpara. Asaj i duhet të mbetet përpara.

[BOKE]

Islami: PS humbet 25-35% të bashkive që fitoi në 2007

Sekretari elektoral në PS, Kastriot Islami, duke bërë një prognozë të rezultatit të 8 majit, shprehet se beteja e Tiranës mbetet më pak e parashikueshme. Sipas tij, diferenca mes Ramës dhe Bashës nuk është me e madhe se 2%. Islami i bashkëngjit kësaj analize dhe rezultatet e një sondazhi të bërë publik pak ditë më parë, se në shumicë votuesit nuk do të votonin kryetarët aktualë të bashkive. Duke folur për mënyrën se si është organizuar PS në këto zgjedhje, Islami shpreh rezerva për mosangazhimin e sekretarëve të PS në shtabet elektorale, ndërsa vëren ngritjen e strukturave paralele me ato partiake.

Në 7 prill 2011, PSSH çeli fushatën elektorale, çfarë mund të lexohet përtej “spektaklit” që tanimë është bërë tradicional për të gjitha subjektet kryesore politike?

Çelja e fushatës së PSSH ishte në formën e spektakleve tanimë tradicionale e të zakonshme, me shumë ngjyra e përgjithësisht e pëlqyer nga të pranishmit, por që: i) krijonte përshtypjen e një dileme midis retorikës së ashpër e reaktive dhe përpjekjeve për një platformë alternative; ii) kishte mungesë drejtpeshimi midis qendërzimit të ekzagjeruar të Ramës dhe negativizmit ekstrem me sharje e sulme për kundërshtarin, iii) jepte përshtypjen e pasigurisë, dukej motivuese në deklamimin e objektivit të fitores por ndihej demotivuese për sigurinë e realizimit dhe mbrojtjen e rezultatit; iv) nuk ngjallte optimizëm, por panik, se gjatë dhe në përmbyllje kishte elemente kërcënimi për mospranim rezultati e turbullira dhe së fundmi (kjo do të ishte me e parëndësishmja) v) çelja për shkak edhe të “teknologjisë shto miell e shto ujë” ishte lodhshmërisht e gjatë, madje edhe për militantët më të zellshëm. Po ashtu, edhe nga çelja, ndryshe nga ç`ishte thënë më parë, nuk mund të kuptohej nëse fushata do të mbetet politike e qendrore dhe më shumë negative apo do të kthehet a kombinohet me një fushatë vendore e pozitive, pra për qytetarin.

Tashmë PS është futur në zgjedhje dhe ka çelur fushatën zgjedhore, çfarë risish ka në organizimin e programin e kësaj fushate?

Përmbledhtas mund të thuhet minimalisht se organizimi duket ende joprofesional. PSSH duket ende pa një platformë/program kombëtar të mirëmenduar me alternativë të trajtimit të shqetësimeve të qytetarëve për çështjet lokale dhe pa strukturë organizative të programuar, politiko-elektorale qendrore e të shtrirë deri në nivelin e qendrës së votimit. Mbi të gjitha, është hera e parë që strukturat e larta politike-partiake qendrore nuk janë kthyer në shtabe elektorale: për shembull, sekretarët e PSSH që duhet të merren me çështjet e rëndësishme të zgjedhjeve: i) organizimin elektoral (Kastriot Islami), ii) programin elektoral (Andis Harasani), iii) organizimin partiak (Blendi Klosi), iv) çështjet ligjore e koordinimin (Fatmir Xhafaj), v) bashkëpunimin me shoqërinë civile e bordet qytetare (Edlira Haxhiymeri), vi) për trajtimin e burimeve njerëzore (Et’hem Ruka) e tjerë, jo vetëm prej dy vjetësh nuk janë thirrur në mbledhje e veprim, por kjo strukturë elektorale ekzekutive do të rezultojë praktikisht inekzistente e për rrjedhojë nuk do jetë funksionale në këtë fushatë elektorale; në disa raste ajo rezulton e zëvendësuar në mënyrë ad hoc me struktura paralele dhe joprofesionale në mënyrë adekuate.

… Sa të ingranuara dhe të motivuara janë strukturat e PS në mbështetje të kandidaturave të miratuara nga Kryesia e PS-së?

Ripërsëris me dhimbje se sëmundja e publikimit të kandidaturave në çastin e fundit nënkupton përsëri se përzgjedhja e tyre ka qenë problematike dhe defektoze: 1) procedura e seleksionimit nuk ka qenë transparente, 2) kanë munguar kriteret e meritokracisë të bazuara në vlerat individuale, kontributet, aftësitë e kapacitetet politiko-profesionale dhe integriteti i kandidatëve; 3) nuk janë respektuar kërkesat statutore për konkurrimin dhe pjesëmarrjen e forumeve partiake e nuk është kryer votimi i kandidaturave alternative, duke hedhur për më tepër në “koshin e plehrave” “parimin një anëtar një votë”; 4) nuk ka pasur një bashkërendim efikas me aleatët për “hartën” e bashkëndarjes së njësive vendore dhe 5) mbi të gjitha, nuk ka ende në PS asnjë platformë për çështjen e përcaktimit të kandidaturave apo të trajtimit efikas të burimeve njerëzore. Prapa lënies së kandidaturave për minutën e fundit ka qëndruar i) frika se “të pakënaqurit” do të mund të regjistroheshin si kandidatë me partitë e tjera, nga njëra anë, dhe ii) nga ana tjetër, paaftësia për t’u përballur në argumente me kandidaturat e eliminuara, që në shumicën e rasteve janë ndier padrejtësisht të shmangura. Përmbledhtas, mund të them se mënyra e seleksionimit të kandidaturave, cilësia e tyre dhe në një mënyrë më të përmbledhur mungesa e një strategjie për menaxhimin efikas të burimeve njerëzore, mund të ndikojë në demotivimin e strukturave partiake dhe mundet të çojë deri ndoshta të veprimeve të brendshme kundër suksesit elektoral. Më e rëndë situata do të jetë i) në bashkitë apo komunat ku kandidati konkurron për të tretën apo katërtën herë; ii) në bashkitë apo komunat ku fitorja në 2007 ka ardhur për shkak të koalicionit më LSI dhe iii) në njësitë vendore, ku në sherret apo mosmarrëveshjet janë përfshirë direkt apo indirekt edhe deputetët.

Krahasuar me zgjedhjet e 2009-s, a mund të konsiderohet sukses fakti që PS-ja vjen në koalicion me 22 parti?

Për të qenë realist, ndërtimi i kësaj aleance të madhe në numër duhet konsideruar sukses, por i pjesshëm, sepse koalicioni është më i madh në numër, por nuk më duket se është bërë përgatitja e duhur që ai të jetë efikas elektoralisht. Nëse Rama do të rrisë numrin e aleatëve, pa menduar efikasitetin dhe koston, por thjesht me synimin formal për të rritur “numrin e vagonave” duke ndaluar që një pjesë e tyre të shkojnë te Berisha, atëherë do të vijë shumë shpejt dita kur ky koalicion, edhe me 22 parti do të dështojë. Rama duhet të ketë të qartë se as zgjedhjet vendore dhe aq më pak zgjedhjet e përgjithshme mund t’i fitojë i vetëm dhe për vete, me synimin për të qeverisur me “modelin klientelist”. PS do të fitojë, vetëm nëse do bashkëpunojë me sa më shumë forca politike dhe do të bashkëndajë përgjegjësi, pushtet e kosto me të gjithë faktorët dhe aktorët me vlerë brenda PS dhe brenda të majtës e koalicionit opozitar. Përndryshe, kjo do të ishte një arsye tjetër e humbjes, po ashtu si në vitin 2009…

Cili është sipas jush objektivi elektoral i PS në këto zgjedhje, kur dihet që në zgjedhjet e vitit 2007 koalicioni i majtë opozitar PS-LSI fitoi 9 nga 12 bashkitë kryesore që janë edhe “kryeqendrat” e 12 qarqeve? Dhe cili do të ishte një parashikim për këto 12 bashki, kur dihet se LSI është në koalicion me PD?

Koalicioni aktual opozitar ende nuk ka as edhe një objektiv të qartë të shpallur elektoral dhe natyrisht, kjo përbën edhe një mangësi tjetër të kësaj fushate. Nga 12 bashkitë kryesore të vendit, që janë njëkohësisht bashki qendër qarku, vetëm për 5 prej tyre mund të parashikohet me një probabilitet të pranueshëm rezultati i zgjedhjeve të 8 maj 2011. Vetëm për 5 bashkitë, Shkodër, Dibër, Kukës, Gjirokastër e Fier mund të jepet në këtë fazë një parashikim orientues për rezultatin zgjedhor të 8 majit 2011, bazuar në analizën e të dhënave të zgjedhjeve vendore të vitit 2007 dhe të zgjedhjeve të përgjithshme të vitit 2009. Për 7 bashkitë e tjera, Durrës, Elbasan, Tiranë, Lezhë, Berat, Korçë e Vlorë parashikimi rezulton më i vështirë dhe relativisht i ndikueshëm nga shumë faktorë…

Cilët do të ishin disa nga këta faktorë?..

Disa nga këta faktorë themelorë do të ishin: i)faktori kandidat, ii) cilësia e fushatës elektorale në funksion të qytetarëve, iii) performanca e LSI dhe PDIU, iv) sjellja e PBDNJ v) por edhe në ndonjë rast edhe e LZHK, si dhe vi) “sherret” e brendshme në të dy kampet, që në realitet “shuhen” më lehtësisht dhe më shpejt djathtas, por edhe vii) besueshmëria për programin dhe viii) niveli i mbështetjes partiake e nga koalicioni. Kurse për Tiranën, situata është më komplekse, sepse të dhënat paraprake analitike japin një rezultat shumë të ngushtë dhe sasia e faktorëve ndikues është shumë më e madhe, duke “parashikuar” me shumë gjasa një diferencë jo vetëm në sondazhe, por edhe në rezultatin përfundimtar jo më të madh se 2 për qind. “Parashikimet” e deritanishme mund të bazohen në një analizë të rezultateve të vitit 2007 dhe atyre të vitit 2009, prej nga mund të simulohen shifrat (e dhëna në tabelën/grafikun e mëposhtëm) sipas koalicioneve të regjistruara në zgjedhjet e vitit 2011… Dhe, në këtë moment, nga kjo “analizë parashikuese” rezulton se 25-35 për qind e 12 kryetarëve aktualë të bashkive kryesore, qendër qarku, do të ndryshonin..

Sa do të ndikonte fakti që PD dhe LSI janë në një qeverisje të kritikuar nga opozita, apo nga ana tjetër, që shumë nga bashkitë kryesore drejtohen prej 2-4 mandatesh prej PS? Sa do të funksionojë koalicioni PD-LSI për të grumbulluar vota dhe a përbën kjo një faktor që duhet marrë në konsideratë?

Disa nga faktorët kryesorë që do të ndikojnë në rezultatin elektoral janë natyrisht i) dinamika e mbështetjes elektorale ndaj koalicionit qeverisës, për shkak të qeverisjes qendrore, e thënë ndryshe masa, sa dhe si do të ndikonte konsumi apo suksesi i qeverisjes së PD-LSI në rezultatin e çdo njësie vendore; ii) dinamika e mbështetjes elektorale për shkak të qeverisjes lokale ndaj kandidatit që rikandidon, pra si do të ndikonte konsumi apo suksesi nga qenia në drejtimin e bashki/komunës, kryesisht mbi kandidatin e PS për 9 nga 12 bashkitë kryesore; iii) performanca e koalicionit PD-LSI, në kuptimin si do të silleshin votuesit respektivë ndaj kandidatit të tyre përbashkët dhe iv) efikasiteti i aleatëve në dy koalicionet kryesore, pra si dhe sa efikasë do të ishin aleatët e PD e PS përkatësisht për të sjellë vota në favor të kandidatit përkatës të përbashkët. Faktorë të tjerë të rëndësishëm do të ishin edhe i) cilësia e fushatës lidhur me zgjidhjen e shqetësimeve të popullit dhe ii) aftësia e suksesi për të kapur elektoratin e lëkundur. Meqë bëhet fjalë për zgjedhjet vendore, ka më shumë gjasa që ndikim më të madh të ketë konsumi/sukseset nga të qenit në drejtimin e njësisë vendore, sesa konsumimi apo suksesi nga të qenit në qeverisjen qendrore, kjo më shumë në zonat rurale dhe më pak në zonat urbane. Mbi elektoratin e lëkundur dhe votuesit e rinj, ndikim të rëndësishëm do të ketë perceptimi për krizën politike dyvjeçare dhe raporti i përgjegjësisë së aktorëve politikë.

A kanë ndikim në rezultatin e këtyre zgjedhjeve elemente të tilla, si pjesëmarrja në votime, tipi i fushatës (pozitive/negative dhe politike apo në funksion të qytetarit) dhe konfliktualiteti në fushatë?

Sigurisht që këto elemente janë shumë të rëndësishme për një fushatë zgjedhore dhe sidomos për këtë fushatë të zgjedhjeve vendore. Pjesëmarrja në votime mbetet një faktor i rëndësishëm, rritja apo ulja e pjesëmarrjes do të kishte ndikim të ndryshëm në njësi vendore të ndryshme ndaj kandidatëve të ndryshëm, sepse varet si dhe sa ndikon në pjesëmarrje i) perceptimi për qeverisjen qendrore, por mbi të gjitha ii) perceptimi për drejtuesin e bashkisë dhe sa kohë ka ai që drejton bashkinë. Po ashtu, fushata alternative e pozitive dhe e lidhur me hallet/problemet e qytetarëve do të ishte më efikase mbi zgjedhësit e lëkundur sesa fushata negative e konfliktuale, sidomos kjo do të kishte ndikim në zonat urbane dhe më pak në zonat rurale. Të rinjtë që votojnë për herë të parë do të prisnin një fushatë dhe përkujdesje selektive, pozitive dhe alternative dhe kjo sidomos në zonat urbane. Konfliktualiteti dhe politizimi i fushatës do të mund të tejmotivonte simetrikisht militantët e të dy palëve, njërën palë direkt, kurse palën tjetër indirekt për induksion; por kjo lloj fushate do ta tensiononte fushatën tej mase, ndërkohë që votuesit e lëkundur me siguri të lartë do të ndëshkonin fuqimisht atë forcë politike që do të perceptohej si nismëtare apo nxitëse e konfliktualitetit apo më shumë përgjegjëse për këtë qasje. Ndikimi i këtyre faktorëve do të ishte me pasoja deri në ndryshim kahu të fituesit, kryesisht në bashkitë ku rezultati “historik” është i ngushtë apo relativisht i ngushtë.

Shkodra, Kukësi dhe Peshkopia kanë qenë “blu” historikisht. Mendoni se do të mbeten të tilla edhe në 8 maj 2011?

Nisur nga rezultatet e viteve të fundit, ka shumë gjasa që tri bashkitë: e Shkodrës, Kukësit dhe Dibrës, të vazhdojnë të mbeten të drejtuara nga PD e cila udhëheq aktualisht koalicionin qeveritar, ku rol kryesor kanë PD, LSI dhe PDIU. Diferenca e lartë në sasi votash dhe në përqindje që kanë në këto tri bashki kandidatët e djathtë, me shumë pak gjasa do të ndikohet nga bashkësia e faktorëve të përmendur më sipër, duke përjashtuar ndonjë rast shumë ekstrem gabimi nga cilësia e kandidatit apo e fushatës së tij..

Gjirokastra e Fieri kanë qenë prej disa mandatesh “rozë”; A mund të thuhet se do të mbeten të tilla? …

Dy bashkitë, e Gjirokastrës dhe e Fierit, po të nisemi nga rezultatet e vitit 2009, me shumë gjasa do të mbeteshin nën drejtimin e PS që drejton koalicionin opozitar. Edhe në këtë rast diferenca e lartë në sasi votash dhe në përqindje do të mund të ndikoheshin vetëm nëse bashkësia e faktorëve të përmendur më sipër do të punonin në favor të kandidatit të mbështetur nga koalicioni qeveritar dhe kundër kandidat “rozë”; sidomos mbetet për t’u testuar ndikimi (pozitiv apo negativ) nga qëndrimi për disa mandate në drejtimin e bashkive nga të njëjtët kandidatë socialistë dhe nga cilësia dhe/ose performanca e kandidatëve kundërshtarë; ndikim specifik në Gjirokastër mund të kishte sjellja dhe performanca e votuesve të PBDNJ (nëse do t’u bindeshin orientimeve të PBDNJ për të votuar pro kandidatit të PS).
Dy qytetet bregdetare, Durrësi dhe Vlora, po t’u referohemi rezultateve të vitit 2009, duket me tendencë të qartë elektorale, por me rezultat të papritur; Cili do të ishte parashikim juaj?

Durrësi, nisur nga rezultati i vitit 2007 dhe 2009, duket në pamje të parë se do të fitohej nga Ferdinand Xhaferraj me një diferencë rreth 7300 vota dhe gjasat janë të tilla, por përcaktimi i fituesit do të varej fuqimisht nga i) performanca e kandidatëve dhe ii) performanca e LSI-së. Kurse në Vlorë tendenca për fitore anon “matematikisht” nga kandidati socialist, po t’i referohemi rezultatit të vitit 2009, por suksesi dhe beteja mbeten të hapura; fituesi do të përcaktohej nga ndikimi i disa faktorëve i) qëndrimi i kryetarit aktual, rikandidat i PSSH, për një kohë të gjatë në krye të bashkisë, ii) performanca e kandidatëve; iii) ndikimi i “sherreve” të brendshme në të dy kampet, iv) performanca e LSI dhe PDIU, si dhe v) sjellja e PBDNJ (nëse votuesit e saj në një masë të paneglizhueshme do të ndiqnin orientimin për të votuar pro kandidatit te PS).

A mund të thuhet se për Elbasanin, Beratin dhe Korçën, parashikimi në këtë fazë është i vështirë?
Pavarësisht tendencës “historike” të rezultatit të këtyre tri bashkive dhe më konkretisht nisur nga rezultatet në zgjedhjet e vitit 2009 1) për Elbasanin me rreth 2600 vota në favor të Durim Hushit; 2) për Beratin me rreth 900 vota në favor të Fadil Nasufit dhe 3) për Korçën me rreth 1800 vota në favor të Niko Peleshit, ndikimi i faktorëve të mësipërm e bën shumë të vështirë dhe gati të pamundur parashikimin për këto tri bashki dhe për rrjedhojë e lë të hapur përcaktimin e fituesit në këtë fazë të parashikimeve. Në Elbasan fituesi do të varet kryesisht nga performanca e kandidatëve, aq më tepër që të dy kandidatët janë të majtë, ndonëse në avantazh “matematik” është Durim Hushi. Në Berat fituesin do ta përcaktonte i) cilësia dhe performanca e kandidatëve, ii) performanca e LSI për kandidatin e koalicionit qeveritar dhe iii) shmangia e sherreve të brendshme në PS lidhur me mënyrën e caktimit të kandidatit, si dhe fakti (me ndikim pozitiv apo negativ që varet nga perceptimi, sidomos i votuesve të lëkundur) që iv) kandidati i majtë është për një kohë të gjatë në drejtimin e bashkisë. Në Korçë kandidati socialist është më i favorizuar “matematikisht”, por ndikimi i të gjithë faktorëve, veçanërisht i cilësisë dhe performancës së kandidatëve, por edhe i sjelljes së PBDNJ (me shumë gjasa me orientim pro kandidatit të PS) do të jenë të rëndësishëm për përcaktimin e fituesit, duke e bërë të vështirë parashikimin në këtë fazë. Ndikim mund të kishte edhe angazhimi i deputetit-ministër të koalicionit qeveritar…

A mund të thuhet se “parashikimi” për Tiranën dhe Lezhën është i pamundur deri në ditën e votimit?

Keni plotësisht të drejtë. Lezha dhe Tirana shfaqen me një diferencë shumë të vogël, po të nisemi nga rezultati i zgjedhjeve të vitit 2009, prej më pak se 1 për qind të votave, duke e bërë tërësisht të pamundur parashikimin dhe e lënë deri në fund të hapur çështjen e përcaktimit të fituesit. Në Lezhë, krahas vlerësimit të votuesve për cilësitë dhe performancën e kandidatëve, rezultati përfundimtar do të varej fuqimisht nga performanca e LSI dhe sjellja e votuesve të majtë që në 2009 kanë votuar për PSV91; parashikimi për këtë bashki deri në ditën e votimit do të jetë i pamundur. Kurse për Tiranën, situata është tepër komplekse dhe një analizë më e thellë dhe më e detajuar për çdo minibashki do të ishte objekt i një studimi të plotë të të gjithë faktorëve në ditët në vijim, ndonëse parashikimi i saktë do të jetë një çështje gati e pamundur deri në ditën e votimit, përveç rastit të ndonjë situate speciale. Madje edhe sondazhet, nëse ka pasur dhe do të ketë në vijim (bëhet fjalë për ato seriozet), do të jepnin me shumë gjasa një diferencë në rezultat brenda kufirit të gabimit të sondazhit, pra jo më e madhe se dy përqind.

Panorama

[RAPTILOID]

Tiranë, Rama: Rruga jonë për zhvillimin dallon qartë nga e Saliut
SHEKULLI ONLINE | 12/04/2011 | LAJM I FUNDIT | 3 KOMENTE | FACEBOOK | - +
Kreu aktual i Bashkisë së Tiranës, njëkohësisht dhe kandidat i "Aleancës për të ardhmën", Edi Rama ka prezantuar sot "Planin për Tiranën Evropiane"


Një plan që sipas tij është i mirorganizuar dhe që është i mbështetur në rritjen e cilësisë së jetës dhe rritjen e vlerës materiale të çdo gjëje që qytetarët posedojnë.


Kreu i Bashksië e quajti 'legjendë urbane" të ashtuquajturin betonizim të Tiranës. Sipas tij, nuk kërcënohet qyteti i Tiranës nga betonimi por kurora e saj.


"Nuk është Tirana që ne administrojmë e qeverisim që kërcënohet nga betonizimi, por është kurora e saj, që nga Farka, Kashari, Paskuqani dhe Dajti"- tha Rama


Si pjesë e kryeqytetit në zhvillim nga betonizimi po kërcënohet e ardhmja e Tiranës, të gjitha këto territore do të jenë pjesë të kryeqytetit në një të ardhme të afërt, tha ai.


"Ullishtat e Selitës po kthehen në kodra pallatesh, të cilat sot atraktojnë blerës, por vlera e investimit u vihet në dyshim për shkak se ky nuk është një zhvillim i mirëkonceptuar po është një zhvillim tipik, i vizionit dhe i metodës së Saliut, i atypëratyshëm dhe me pasojëa që vijnë njëra pas tjetrës dhe që dëmtojnë cilësinë e jetës së banorëve"- theksoi Rama.


Sipas Ramës vetëm 1% e territorit të Tiranës është ndërtuar në këto 10 vjet me lejet e ndërtimit të dhëna nga bashkia, ndërsa kemi një lartësi mesatare prej 7 katësh për ndërtesë.


Duke folur për pjesën që ka prodhuar shumë polemika, sheshin Skëndërbej, Rama tha se ky shesh do të kthehet në një nga hapësirat më spektakolare në rajon.


"Ky transformim do të rrezatojë në jetën e qytetarëbve, në dy plane. Në planin e jetës publike, rritjes së cilësisë të përfituar për këmbësorët, me një larmi mundësh të madhe. Dhe në planin tjetër si banorë të një kryeqyteti që pas kësaj do të ketë një vlerë edhe më të madhe, për të tjerë që do vijnë për ta jetuar, apo vizituar, shqipatrë apo të huaj. Të tjerë që do të nxiten për të investuar."- tha kreu i Bashkisë.


Kreu i PS, Edi Rama, në vijim të fushatës në kryeqytet ka prezantuar sot në njësinë nr 8 kandidatin Sadi Vorpsi. Rama tha gjatë takimit me banorët e zonës se qeveria i merr rreth 4 milionë lekë biznesit me anë të TVSH-së dhe tatim-fitimit, ndërsa garantoi biznesin se do të ketë më pak taksa.


"Pas 8 majit, biznesi i vogël do paguajë vetëm dy taksa. Ndërsa qeveria më 8 maj do të japë llogari për papunësinë dhe varfërinë", tha ai. Gjithashtu, Rama i ftoi qytetarët të votojnë kandidatin Vorpsi, pasi ai nuk ka teserë partie, por teserë qytetarie.

Shekulli

[flor1]

ka filluar te kopjoj bashen tashi ,thote se do ul taksat...ka te drejte basha kur thote qe rama eshte nje kandidat i dobet

[flor1]