Beteja per Tiranen: Lulzim Basha perballe Edi Rama

[RAPTILOID]

Bjeri bjeri o Rrapush, se 8 Maji do tju sistemoje mire ju kelysheve te kuq te Edverit me shoke e do ta shikojme ate kercenimin Edverist se do te beje nje 21 Janar tjeter....... po ta shikojme i here
Edver trimin me ndonje banane ne dore duke luftuar per lirine e domokracine e votes, po humbjes plebishitare si do tja ktheje pergjigjen!

Lul Basha cun fisnik kryetarin qe njerezit e thjeshte te Tirones tashme e kane zgjedhur! __________________

Rama: Luli dhe Saliu ta harrojnë Tiranën
Kreu i PS-së, Edi Rama, ka prezantuar gjatë ditës së sotme kandidaten për njësinë bashkiake nr. 5 në kryeqytet, Jeta Seitajn. Gjatë fjalës së tij, Rama ka thënë se Tirana ka pësuar një ndryshim rrënjësor nën drejtim e tij, ndërsa ka ftuar kandidatin e mazhorancës për bashkinë e Tiranës, Lulzim Basha dhe kryeministrin Berisha, që ta harrojnë Tiranën.
“Ta harrojnë Tiranën, ajo do të risnisë të vrapojë drejtë së ardhmes me të gjithë qytetarët pa dallim. E vetmja rrugë është ajo e PS-së, rruga e ‘Aleancës për të ardhmen’. Këta zotërinj duhet t’i japin llogari qytetarëve të Tiranës për keqqeverisjen e tyre. Tirana nuk ka nevojë për një Sali në qeveri dhe një tjetër në bashki. Ai duhet të japë llogari për faturat dhe taksat e papërballueshme nga inflacioni. Duhet të japë llogari për vrasjet, gënjeshtrat dhe baltën që kanë hedhur mbi punën tonë të papërtuar, që ka lënë gjurmën tonë në çdo pjesë të Tiranës”, theksoi Rama.
Rama ka thënë se në fokus të tij janë ndërtimet e parqeve, si ai i fundit në ish-fushën e Aviacionit, politikat e punësimit, ngritja e kampuseve dhe fushave sportive, spitaleve, shkollave etj.
Në fjalën e saj, kandidatja për njësinë nr. 5, Jeta Seitaj, ka thënë se të gjithë duhet të jenë të bashkuar, pasi vetem me anë të kësaj motoje, të gjithë do të mundin kualicionin e turpit.


gazeta tema

[Besoja]

Pak e ka harruar Rama por bën edhe thirrje ta harrojnë edhe të tjerët!!!
Ndoshta është shprehur gabim!

[Noellag]

nga informacionet qe kam un po te behen zgjedhjet neser
rama fiton me 37 000 vota me shume
marzhi i gabimit 2000 vota
leje facebookun
se mosha e thyme nuk ka facebook

Si lere lere .. a fole per sondazh ?

Kur te humbe Rama ca do thuash ti..Berisha vodhi votat e pleqve ? Po pse o Rapto me ket llogjike do ecesh ne jete ? Hajde Rapto hajde

Gjerat qe nuk jane ne favorin tuaj nuk pranoni dhe genjeni veten ...

[RAPTILOID]

Si lere lere .. a fole per sondazh ?

Kur te humbe Rama ca do thuash ti..Berisha vodhi votat e pleqve ? Po pse o Rapto me ket llogjike do ecesh ne jete ? Hajde Rapto hajde

Gjerat qe nuk jane ne favorin tuaj nuk pranoni dhe genjeni veten ...

Po Mir mo llagu
Ca te them un
Sipas PD-istave gjerat asnjehere skan qene ne favor te Rames po nderkohe ai ka fitu zgjedhjet 3 here
Sa per Facebook, te sondazhet votojne edhe njerez qe skane te drejte vote, ngelen pa votuar dhe ca plaka te lagja ime qe skan facebook
Un te flas me sondazhe tamam te zhvilluara ne terren
Nqs shtabi I lul bashes mbahet me sondazhe facebooku athere paska ngel ne dite te hallit se spaska kush ti bej sondazhe tamam

[RAPTILOID]

Ja se çben "hollandezi fluturues"

SHENIM/ Basha tek Kristali dhe revolta e studentëve
-Universitetet private, fabrika tesarash partie
Një pedagog që punon në Universitetin Kristal më ka shkruar një letër në redaksi. Më tregon i shqetësuar se çfarë ndodhi ditën e premte në orën 12:30 kur në universitet ishte lajmëruar se do të shfaqej Lulëzim Basha. Më shkruan për urdhrin që ka marrë dekani nga pronari, pastaj për urdhrin që ka marrë pedagogu nga dekani për zbrazje të klasës së mësimit dhe në fund për revoltën e studentëve. “Si përfundim Basha nuk erdhi më 12:30 kur kish premtuar, por më 13:30 dhe ende nuk kishte ikur më 14:30 kur unë ika nga Universiteti. Kur hyra në klasë gjeta një fjalor të ndyrë kundër Bashës të shkruar në dërrasë të zezë dhe studentë që turfullonin për keqpërdorimin e Universitetit prej kandidatit të Berishës.”
Detajet e rrëfimit të pedagogut nuk do t’ia vlente t’i citonim, sikur të mos ndesheshim me një problem real që ka të bëjë me fushatën boshe të kandidatit Basha. Ai po vazhdon të bëjë një fushatë ilustrative, pa përmbajtje. Universiteti që ai vizitoi nuk është as shembull cilësie për arsimin privat në Shqipëri dhe studentët në shumicë nuk janë votues të tij.
Për të qenë realist ekziston rreziku që universitetet private të kthehen në fabrika diplomash siç thotë lideri u opozitës, por tani kanë degraduar dhe më tej duke u bërë fabrika teserash të PD-së ku promovohen njerëz që u bashkangjiten fushatës së PD-së. Më tej akoma nuk duam të ndalemi tek idetë qesharake të Lulëzim Bashës për Kartën e Studentit, që sipas tij është diçka e ngjashme me abonenë e Bashkisë. Siç dihet karta e studentëve është ekskluzivitet i shoqatës botërore ISIC dhe çdo union studentor- anëtar i kësaj organizate, mund të të pajisë me këtë kartë, dhe jo bashkitë apo kryetarët e tyre.
Për t’iu rikthyer dhe një herë tek vizita e tij në universitetet private, përveç reklamës që u bën atyre ndoshta kundrejt ndonjë shume të majme të paguar në fondin e fushatës së tij, gjithçka tjetër është kundër tij. Transformimi i tyre në fabrika diplomash dhe fabrika teserash, është e vetmja arritje e pushtetit Berisha.

Gazeta tema

[mesuesi_1]

A humb Rama?!


Standart

Gëzim Saliu 09/04/2011 12:38:00


Ja cilat janë 7 pikat e dobëta të Ramës. Çfarë e bën vulnerabël kreun e socialistëve në zgjedhjet në Tiranë, nga koalicioni me parti qesharake, që ekzistojnë vetëm në letër, deri të ndarja brenda PS-së?


Kur gara elektorale tashmë ka ndezur “motorët”, gjendja në kampin e koalicionit opozitar nuk duket aspak e harmonizuar, madje mund të themi se në të mbizotëron një mungesë e theksuar perspektive pozitive për të siguruar fitoren. E ndërsa Rama ka rikandiduar veten, duke u vetëshpallur fitues, ai duket se ka marrë në konsideratë vetëm historinë e garës për Tiranën, duke lënë mënjanë detaje “të bezdisshme” për të, por që në të vërtetë peshojnë aq shumë sa mund ta shpallin humbës.

Në këtë humbje të paraprirë të opozitës pa filluar ende “lufta”, ndikon thelbësisht vetë kreu i këtij koalicioni dhe njëkohësisht i bashkisë më të madhe në vend, Edi Rama. Janë një sërë arsyesh të cilat i kundërvihen kryesocialistit në këtë garë, të cilat e bëjnë të pamundur fitoren e tij. Megjithëse vetë Rama në daljet e tij publike përpiqet të “pasqyrojë” veten si një kandidat me sigurinë e fitores, të cilën ai e ka mbështetur fort në kthimin e fushatës së 8 majit në politike, sërish kjo nuk ka arritur të kthejë frymën pozitive tek vetë ai dhe koalicioni opozitar për të fituar këtë garë, e cila në vetvete është thjeshtë administrative. Por cilat janë arsyet të cilat i kundërvihen me shumë forcë dëshirës së Ramës për fitore? Cilat janë ato pika të cilat e bëjnë Ramën të dobët përballë kundërshtarit të tij? E nëse nga njëra anë historia duket se i jep të drejtë kreut të PS të rikandidojë, si fitues i tre zgjedhjeve për bashkinë e Tiranë, nga ana tjetër duket se pikërisht kjo histori e gjatë në krye të Tiranës është edhe pika ku ai çalon për së pari.



Rikandidimi për herë të katërt radhazi për postin e kryetarit të bashkisë më të madhe të kryeqytetit nga ana e Edi Ramës krijoi një ndjenjë habie tek një pjesë e madhe dhe po ashtu tek një tjetër u duk krejt si diçka normale. Por ajo që vihet re është se në të dyja rastet, nuk kemi të bëjmë aspak me një ndjenjë pozitiviteti. Kështu grupi i cili realisht nuk e priste këtë rikandidim, përfshirë këtu edhe vetë deputetët të selisë rozë, mendonin se në këtë garë Rama do të ishte aq “i hapur” sa të mendonte se tashmë ishte ora që ai të tërhiqej nga posti të cilin ai e mban prej 11 vitesh dhe t’i linte vendin figurave të tjera brenda vetë forcës së majtë. Ky rikandidim sipas tyre vërteton akuzat se Rama është mjaft i lidhur me Bashkinë e Tiranës dhe ka frikë të shkëputet prej saj, qoftë prej përfitimeve të kundraligjshme për të cilat dyshohet e akuzohet, qoftë edhe prej frikës se njeriu që do të merrte bashkinë do i kthehej kundër, duke bërë atë “tradhti” që Rama kishte kryer ndaj ish-kryetarit të tij Nano. Po ashtu edhe grupi tjetër, ku përfshiheshin pjesëtarë të shoqërisë civile, intelektualë të ndryshëm, analistë dhe vetë politikanë, të cilët nuk është se nuk e prisnin këtë rikandidim, se sipas mendimit të tyre Rama nuk kishte rrugë tjetër veç rikandidimit, kjo pasi asnjë nga kandidatët e tjerë nuk mund të merrte përsipër “fajet” e kreut socialist në këta 11 vite të sundimit të tij në Tiranë. Po ashtu një pikë tjetër që e bën më pak të besueshëm kreun socialist tek elektorati në të njëjtin aspekt është edhe vetë arseja e shprehur nga kryesocialisti në lidhje me këtë rikandidim të tij. Sipas Ramës, rikandidimi i tij erdhi prej vetë kërkesës së qytetarëve, të cilët shprehën nevojën për mbajtjen e postit të kryebashkiakut nga ai sërish! Si e bëri këtë matje të opinionit z. Rama, kur në fakt, qytetarët nuk përbëhen vetëm nga anëtarët e afërt të selisë rozë dhe simpatizantët e saj, por nga një pjesë shumë herë më e madhe? Po ashtu si mund të bëhet e besueshme kjo frazë e kryesocialistit, kur në fakt vetë qytetarët sot në prononcimet e ndryshme, apo edhe nëpërmjet sondazheve të bëra deri më tani janë ato të cilat ankohen për ndërtimet pa leje, për betonizimin e kryeqytetit, për mungesën e gjelbërimit?



Mungesa e programit dhe përqendrimi tek akuzat

- Kthimi i zgjedhjeve të 8 majit politike për të rrëzuar qeverinë dhe vendosja në qendër të të gjithë programit të koalicionit opozitar të akuzave ndaj mazhorancës qeverisëse, që nga ato për grabitje e vjedhje e deri tek ato të vrasjeve, është një arsye tjetër e cila i kundërvihet fatit të Edi Ramës. Kur dihet mirë se në këto zgjedhje nuk përzgjidhen deputetët, por ato njerëz që do të drejtojnë dhe administrojnë bashkitë dhe komunat e vendit, vendosja në plan të parë e akuzave dhe ndërtimi i një programi sa për “sy e faqe” nuk është mënyra e duhur për t’u përballur me kundërshtarin. Mungesa e një programi të plotë, me mundësi dhe alternativa krijon tek vetë qytetarët përshtypjen se këto zgjedhje PS-ja dhe koalicioni i saj nuk po i zhvillon për ta, për të ardhmen e tyre më të mirë, por vetëm për ardhjen e socialistëve në pushtet. Si mundet që një parti apo koalicion të konkurrojë në një garë, ku në qendër të saj është qytetari, pa një program ekskluziv për të?



Pamundësia e mbartjes së dy posteve

- Para pak kohësh kreu socialist dhe pjesa e mbështetësve të tij deklaruan se do t’i shohin zgjedhjet vendore si një mundësi shumë të mirë për të kërkuar më pas zgjedhje të parakohshme nga ana e opozitës. Një mundësi e tillë, edhe pse mënyra se si do të arrihet deri në zgjedhje të parakohshme duket e pamundur, të krijonte përshtypjen se Rama nuk do të rikandidonte për kryetar bashkie, kjo pasi në rast zgjedhjesh të parakohshme dhe fitores së të majtëve, do të ishte vetë kryesocialisti ai që do të merrte postin e kryeministrit. Por nga ky arsyetim me “sikur” ka një problem tepër të madh, pasi vetë Rama, edhe pse kërkon me shumë forcë rolin e kreut të qeverisë, nga ana tjetër nuk hoqi dorë nga kandidimi në bashkinë e kryeqytetit. Në rastin e marrjes së postit të kryeministrit, Rama do të ishte i detyruar të lëshonte vendin e kryebashkiakut. Atëherë lind natyrshëm pyetja se përse Rama rikandidoi për herë të katërt për postin e kryebashkiakut. Pse Rama kur kërkon me ngulm të madh postin e kryeministrit dhe e kërkon këtë për një kohë jo shumë të largët, pra me anë të zgjedhjeve të parakohshme, rikandidon për kryetar bashkie të kryeqytetit? Një arsye e tillë ndikon tek vetë konceptimi i qytetarëve ndaj kandidaturës së Ramës, të cilët tashmë e shikojnë atë si një figurë e cila kërkon “gjithçka” që ofron mundësia e të qenit politikan



Mungesa e përkushtimit

- Shpeshherë kreu socialist Edi Rama kohët e fundit është kritikuar për mbajtjen e dy posteve, atë të kreut të bashkisë dhe atë të kreut të PS-së, në disa raste nga vetë deputetët e selisë rozë dhe në disa të tjera nga pjesëtarë të shoqërisë civile. Kritika të tilla kanë ardhur kryesisht, pasi sipas mendimit të këtyre grupeve mbajta e dy posteve nga Rama sjell papërkushtueshmëri të tij në dy detyrat që ai mban edhe aktualisht. Duke qenë njëkohësisht edhe kryetar bashkie, edhe kryetar partie, lideri opozitës është i detyruar të “braktisë” njërën nga këto dy poste, pasi ai nuk mund të gjendet njëkohësisht në dy vende në të njëjtën kohë. Sipas disa statistikave të bëra publike edhe nga analistë të ndryshëm, mendohet se z. Rama vetëm për këto 4 vite ka munguar në bashkinë e kryeqytetit në rreth 70% të kohës që ai duhej të ishte i pranishëm. Pamundësia e përkushtimit të plotë ndaj njërës apo tjetrës detyrë e detyron Ramën të jetë jo shumë i përkushtueshëm ndaj tyre. Një arsye tjetër kjo që sjell mungesën e sigurisë tek qytetarët për të votuar Edi Ramën.



Koalicioni i dobët

– Në qoftë se do të ktheheshim mbrapa në kohë dhe do të hidhnim një vështrim rreth mënyrës se si ish-kreu i PS-së, Fatos Nano, krijonte koalicionet, në luajalitetin e tij ndaj partive, në mënyrën se si ai arrinte të ulte të gjitha palët bashkë, atëherë periudha aktuale e kryesocialistit Rama do të dukej mjaft e varfër në këtë aspekt. Kështu në koalicionin aktual të opozitës, numri i partive që kanë mundësi për të marrë vota të shumta dhe për të dhënë kështu një ndihmë në fitoren e këtij koalicioni është mjaft i pakët, për të mos thënë i pallogaritshëm. Nga ana tjetër tek ky koalicion ndodh fenomeni i përfshirjes së “partive sigël”, parti të cilat ekzistojnë vetëm si emër dhe jo për shkak të fuqisë së tyre në elektorat. Në këtë koalicion haset një dobësi e madhe në krahasim me atë të kundërshtarit, ku mjaftojmë të përmendim parti të tilla si LSI-ja, PR-ja apo PDIU-ja, pjesë përbërëse të tij, të cilat kanë një elektorat shumë herë më të madh se ai i partive të koalicionit “Aleanca për të ardhmen”. Kryesocialisti edhe në këtë garë, ashtu si në vitin 2009, nuk diti të afrojë rreth tij dhe të krijojë një bashkim të madh të së majtës.



Kundërshtimet e vetë socialistëve

- Një pjesë e madhe e vetë deputetëve socialistë nuk ishin shumë dakord me rikandidimin e Ramës për herë të katërt radhazi për postin e kryetarit të bashkisë dhe njëkohësisht disa prej tyre kanë shfaqur hapur kundërshtimet në lidhje me mënyrën se si Rama po e drejton PS-në. Mjaftojmë të kujtojmë këtu emrat e Dritëro Agollit, Kastriot Islamit dhe Marko Bellos të cilët në prononcimet e tyre publike janë shprehur hapur kundër rikandidimit të Ramës si kryetar bashkie. Rikandidimi mund të jetë i përshtatshëm për Ramën, por jo plotësisht për PS-në, përkundrazi ai mund të jetë me pasoja jo fort të pëlqyeshme për socialistët po t’i referohemi zgjedhjeve të përgjithshme të vitit 2013. Po ashtu edhe për banorët e kryeqytetit, të cilët nga 2005 kanë për kryetar të bashkisë së tyre një person që më shumë lëviz nëpër Shqipëri për t’u bërë kryeministër, sesa një kryetar bashkie në krye të punëve të bashkisë”, - kishte thënë Islami. Po ashtu edhe vetë socialisti veteran Dritëro Agolli ishte shprehur në lidhje me rikandidimin e Ramës duke thënë: “Unë mendoj se nëse duhet të rikandidojë për mandatin e katërt në bashki, ai duhet të lërë partinë”. Gjithashtu përveç këtyre kritikave ndaj rikandidimit, një pjesë e socialistëve janë shprehur me kohë kundër edhe politikës së ndjekur nga vetë Rama në krye të PS-së. Ekzistenca e disa deputetëve, si Islami, Malaj e Blushi të cilët nuk ishin aspak dakord me vazhdimin e drejtimit të partisë nga Rama pas humbjes së zgjedhjeve të 2009-s dhe më pas me frymën bojkotuese ndaj kuvendit apo edhe kundër protestave të pafundme, sjellin tek opozita një përçartje të madhe. Mungesa e mbështetjes nga vetë socialistët e bën Ramën edhe më pak të besueshëm tek qytetarët.



Akuzat për betonizimin e kryeqytetit

– Në qoftë se në mandatin e parë Rama u lavdërua për punën e bërë, sidomos për punën e tij me lumin e Lanës, në dy mandatet e tjera mjaft të shumta kanë qenë akuzat ndaj tij, ku një ndër akuzat kryesore si nga kundërshtarët por edhe nga vetë qytetarët ka qenë për betonizimin e gjithçkaje në kryeqytet dhe “mbytja” e gjelbërimit të qytetit. Sidomos vitet e fundit, betonizimi dhe pallatet e stërmëdha të ngritura shpesh pa kriterin më minimal, kanë sjellë tek vetë qytetarët një “irritim” të madh ndaj qytetarit të parë të tyre. Ato nuk janë dakord me një ndryshim të tillë. Në mjaft takime të bëra edhe nga kandidati Basha, qytetarët kanë shprehur shqetësimin e madh të mungesës së hapësirës gjelbëruese dhe “gllabërimit” që i ka ardhur kësaj hapësire nga betonizimi. Kundërshtitë e vetë qytetarëve ndaj politikës së ndjekur nga Rama në administrimin e kryeqytetit, sjellin një mangësi të madhe për kryesocialistin në këtë garë.

[mesuesi_1]

Uaau
Ca krijimtarie demoleshe.

po ta ripostoj edhe nje here paragrafin e fundit Jani se jam i sigurte se te ka pelqyer shume ....

Lulzim Basha përballë syrit të Polifemit

RD

Miranda Haxhia


Ti udhëtar që vjen për herë të parë dhe shikon Tiranën, pas datës 8 maj 2011, ti qytetar që zgjedh për të jetuar Tiranën, ti student që vjen të mësosh në Tiranë, ti mëmë e re bebè që dëshiron të lindësh në Tiranë, ti njeri që një copë vend për varr e kërkon në Tiranë, ti i huaj që vjen të shohësh kryeqytetin e Shqipërisë e të shëtisësh në Tiranën pas datës 8 maj, ke për të menduar e ke për të thënë: -Këtu ka njerëz që besojnë në ndryshimin, këtu drejton një kryetar Bashkie që për njerëzit dhe vetëm për njerëzit mendon e punon, ka shpirt të mirë, është i drejtë dhe tolerant, nuk ngjason me atë që ishte dikur, me Polifemin, larg qoftë. Këtu është njeriu i duhur në vendin e duhur dhe Tirana ka treguar mençurinë e saj me zgjedhjen e kandidatit të Partisë Demokratike.

[malo666]

Ka ndonje informacion se sa sondazhe jane bere dhe nga kush.

[Besoja]

Eh more Mero more Mero!
Na trego një herë sa i mirë ishte Berisha kur të kandidonte për deputet apo për përfitimet që kishe!
Pastaj hidhu tek të tjerat!
Që të jesh pak i sinqertë me veten tënd e kam llafin se me neve...të kuptojmë shumë mirë!

[Noellag]

Po Mir mo llagu
Ca te them un
Sipas PD-istave gjerat asnjehere skan qene ne favor te Rames po nderkohe ai ka fitu zgjedhjet 3 here
Sa per Facebook, te sondazhet votojne edhe njerez qe skane te drejte vote, ngelen pa votuar dhe ca plaka te lagja ime qe skan facebook
Un te flas me sondazhe tamam te zhvilluara ne terren
Nqs shtabi I lul bashes mbahet me sondazhe facebooku athere paska ngel ne dite te hallit se spaska kush ti bej sondazhe tamam

Ne facebook jane me mijera njerez qe hyjne ne internet .. Fakti qe per nje muaj do behen zgjedhjet vendore ne Tirane ,numri i atyre personave qe mbeshtesin kandidatin Basha tani jane 80 mije me diference te madhe . Nuk e shikoj si sondazh vote por shikoj perceptimin e nje pjese te shqiptareve . Perceptimi eshte qe Basha do fitoje

Pse s'thua ti qe dhe facebook -un e ka manipuluar Berisha ? Rapto me 8 maj do te ta qaj hallin ..