Gazeta Shqiptare shpif ndaj Shkelzen Berishes, e akuzon per trafik armesh

[RAPTILOID]

Roli i baxhanakut të Berishës në Gërdec
SHEKULLI ONLINE


TIRANË- Kryeministri Sali Berisha është përpjekur gjithmonë që të shfajësohet për Gërdecin duke thënë se ai ka mësuar për të vetëm pas shpërthimit tragjik. Edhe pse ka miratuar vetë të gjitha ligjet që prodhuan tragjedinë, edhe pse i biri gjendet i përfshirë në të gjitha tentakulat e oktapodit të Gërdecit, Berisha insiston se nuk kishte dijeni. Kur u mësua se një prej personave që kishte gjetur vdekjen në Gërdec ishte një prej shefave, një prej personave që bënin numërimin e arkave me fishekë, Berisha sërish nuk foli. Madje insistoi se nuk kishte dijeni për Gërdecin. Një ditë më pas, teksa kryhej ceremonia mortore e këtij njeriu të quajtur Muhamet Hoxha, u mësua se ai ishte baxhanaku i kryeministrit. E shoqja e viktimës dhe ajo e Sali Berishës ishin motra. "Nuk e kam njohur baxhanakun tim, më erdhi shumë keq për të por nuk e kam njohur. Më ka ardhur një herë për vizitë por atë ditë unë nuk isha në shtëpi..." është justifikuar kryeministri pa iu dridhur qerpiku. Punëtorët e Gërdecit kanë zbardhur në detaje se çfarë pune bënte baxhanaku i kryeministrit në fabrikën e vdekjes.
Dëshmitari Kledian Qefalia, ish- punëtor në fabrikë, ka treguar se një prej kolegëve të tij kishte shkuar ta zgjonte nga gjumi Xhimin në makinën e tij, ku po flinte ditën e shpërthimit, por Xhimi kishte mbetur në fabrikë.

Dëshmia e plotë
Pyetje: Çfarë punësh keni kryer në sektorin privat prej fillim vitit 2007 dhe deri aktualisht ?
Përgjigje: Prej 2007 kam ndihmuar babanë tim, i cili ka një punishte zdrukthtarie. Në qershor të 2007 kam filluar punë në fabrikën e demontimit të municioneve në Gërdec, të firmës Albademil, me pronar shtetasin Mihal Delijorgji. Në lidhje me punësimin tim në këtë firmë kam për t'u thënë sa më poshtë. Babai im është shok me shtetasin Seran Maçi, i cili ka punuar si magazinier i ndërmarrjes MEICO në Gërdec. Në një takim që babai im ka pasur me shtetasin Seran Maçi, ai i ishte shprehur Seranit se unë isha i pa punë dhe kisha nevojë për punë, Serani i kishte thënë babait tim që unë të shkoja në Vorë, ku punonte vetë Serani pasi ekzistonte një mundësi që unë të punoja aty ku punonte Serani, ai i kishte thënë babait tim se puna nuk ishte e lodhshme. Ka qenë fundi i qershorit 2007, kur unë kam vajtur në Vorë dhe kam komunikuar me Seran Maçin, i cili më dha numrin e telefonit të shtetasit Nazmi Isufi dhe më tha që të komunikoja me të. Sapo zbrita nga autobuzi në Vorë, unë i rashë numrit të telefonit të Nazmiut dhe pashë që ai ishte atje dhe po më priste. U takova me Nazmiun dhe kemi shkuar në fabrikën e Gërdecit. Atje unë u takova me Seran Maçin, të cilin e kam njohur për herë të pare si fytyrë në Gërdec. Serani më tha se do të punoja me ta, ai më prezantoi me Haxhi Maçin, Nazmi Isufin dhe me Benard Kaçaçin ose Koçaçin. Serani më tha se tha se do të qëndroja në një kohë prove për të parë se si do të shkonte puna. Sapo kam filluar punë unë jam marrë vetëm me numërimin e arkave me municion, në makinat ushtarake që vinin nga repartet ushtarake. Të dhënat që ne mbanim nga numërimi ia kalonim direkt Seran Maçit, sqaroj se të njëjtën punë me mua bënin Nazmi Isufi, Haxhi Mara, Benard Kaçaça si dhe i ndjeri Muhamet Hoxha, ku ky i fundit ka ardhur në punë gjatë kontratës së dytë dhe për të unë e dija se quhej "Xhimi", pasi kështu e thërrisnin të gjithë, përveç kësaj punë ne nuk kemi bërë asnjë punë tjetër. E them me bindje se personat që ju përmenda më sipër, nuk kanë bërë asnjë punë tjetër përveç se numërimit të arkave me municion në makinat e ushtrisë, përpara se këto makina të shkarkoheshin. Ju sqaroj se pa u bërë numërimi i arkave me municion në makinat e ushtrisë, nga ana e grupit tonë, nuk shkarkohej asnjë makinë e ushtrisë. Pas mbarimit të numërimit të arkave me municion mbi makinë, ne i thoshim Veizit ose Dritanit, që kishim mbaruar punën tonë dhe se mund të procedohej me shkarkimin e makinë.

Pyetje: Si ishte mënyra e pagesës, sa ishte paga juaj dhe nga kush ju është dhënë paga?
Përgjigje: Ju sqaroj se pagesa bëhej në dorë me dollarë amerikane, paga ime ishte 600$, rreth muajve nëntor, dhjetor
dhe janar 2007-2008, paga na u bë 400$ për shkak të uljes së ritmit të furnizimit. Ju sqaroj se rrogën unë e kam marrë nga shtetasi Seran Maçi, ndërsa gjatë kontratës së dytë me predhat mua në të shumtën e rasteve rroga më është dhënë nga shtetasi Haxhi Mara, i cili ishte dhe përgjegjësi i grupit që rrinim natën. Ju sqaroj se unë qe prej ditës që kam filluar punë në Gërdec dhe deri ditën që ka ndodhur shperthimi kam shkuar gjithmonë në punë çdo ditë, po ashtu edhe grupi i personave me të cilët unë kam punuar kanë ardhur në punë çdo ditë, megjithëse punëtorët që merreshin me çmontimin e municioneve ishin larguar, pasi nuk kishte më furnizime.
Pyetje: A keni firmosur në ndonjë bordero per marrjen e pagës dhe a ju ka dhënë pagë në ndonjë rast ndonjë personel i firmës Albademil?

Përgjigje: Unë nuk kam firmosur ne asnjë rast në
bordero për marrjen e pagës, po ashtu nuk kam marrë pagë nga asnjë personel i firmës Albademil. Me sa kam dëgjuar unë rrogat tona vinin nga ndërmarrja MEICO, por të saktë nuk di dhe nuk kam pyetur asnjëherë pasi më dukej e sikletshme që të pyesja për gjëra të tilla.
Pyetje: A e keni pare të vinte në atë fabrikë ish drejtorin e ndërmarrjes MEICO, Ylli Pinari?
Përgjigje: Unë kam dëgjuar se ai ka ardhur aty, por vetë nuk e kam parë në asnjë rast pasi edhe unë vetë nuk e kam njohur më parë për fytyrë.
Pyetje: A keni folur në telefon apo jeni takuar me shokët e grupit të punës pas ngjarjes, nëse po çfarë keni biseduar me ta ?

Përgjigje: Pas ngjarjes unë kam komunikuar në telefon me Seran Maçin, numrin e telefonit të të cilit nuk e kam dhe nuk e kujtoj, di që e kishte AMC me kontratë. Me Seranin kam folur në dy raste, në rastin e parë e kam marrë mbasdite ditën e ngjarjes dhe e kam pyetur për shëndetin dhe e kam uruar që kishte shpëtuar, po ashtu unë e kam pyetur Seranin për Endri Dvoranin dhe Muhamet Hoxhën, për këta dy persona Serani me ka thënë se mendonte se kishin ngelur aty. Bisedën e dytë e kam kryer të nesërmen e ngjarjes ditë në të cilën unë kam mësuar për vdekjen e "Xhimit" Muhamet Hoxhës dhe i kam kërkuar që të shkonim për ngushëllim, Serani me tha se nuk do të vinte dhe nëse doja mund të shkoja vetëm, po ashtu ai më tha që të mos e merrja më në telefon. Në këtë bisedë unë e kam pyetur edhe për makinën e tij, pasi nga Haxhiu unë mësova se Seranit në vendngjarje i ishte djegur makina. Serani më pohoi se ishte e vërtetë që në vend ngjarje i kishte ngelur makina, por vetë nuk kishte pësuar asnjë dëmtim. Në momentin e ngjarjes ai kishte qenë tek dhoma (ku qëndronim ne tek ndertesa dy katëshe ku pihej duhani, së bashku me Julianin, Nazmiun dhe Turin. Ne këtë bisedë Serani u tregua tepër i rezervuar dhe më kërkoi që unë të mos e bezdisja më në telefon duke me thënë se kishte hallet e veta. Po ashtu unë kam folur në telefon me Nazmi Isufin, kjo ka ndodhur rreth dy ose tre dite pas ngjarjes, ku unë e mora atë në telefon për ta pyetur nëse kishte pësuar ndonjë dëmtim dhe ai më tha se nuk kishte pësuar asnjë lloj dëmtimi, fakt te cilin mua ma kishte thënë dhe Haxhi Mara. Tre katër ditë pas bisedës së parë me Nazmiun, ai më mori në telefon dhe kërkoi që të takoheshim dhe jemi takuar në një lokal përballë shkollës Fan Noli. Nazmiu ka ardhur së bashku me Haxhi Marën. Aty Nazmiu na ka treguar rreth zhvillimit të ngjarjes dhe menyrës se si kishte shpëtuar vetë. Nazmiu na ka thënë se kishte shkuar tek makina e Muhamet Hoxhës dhe i kishte rënë xhamit që ai të zgjohej, pasi Muhameti po flinte në makinë. Nazmiu na ka thënë se më pas së bashku me Seranin, Julianin dhe Artur Ballabanin kishin mundur të largoheshin me vrap nga mbrapa godinës duke iu ngjitur kodres përpjetë. Mbaj mend që Nazmiu na sqaroi se ishte i çuditur për mënyrën se si kishin ndodhur ngjarjet. Po ashtu me Nazmiun dhe Haxhiun jam takuar edhe në dy raste tek një lokal tek teatri i operas dhe baletit. Në të dyja këto takime ata më kanë marrë në telefon për të takuar dhe unë kam shkuar atje. Qëllimi i takimeve sipas tyre ishte që të mos humbisnim lidhjet si shokë punë. Kujtoj se në takimin e fundit prej Nazmiut mësova se ai kishte regjistruar emrin në bashkine e Vorës për të marrë shpërblim, ai me tha që të shkoja dhe unë për të regjistruar emrin, pasi kishte mësuar se do të merrej një shpërblim prej 200.000 lekësh të reja për çdo punëtor që kishte punuar. Për Nazmiun di që më ka marrë me numrin e telefonit 0683834610, ndërsa Haxhiu ka pasur numrin 0682958992, numra të cilat unë i kam të regjistruar në telefonin tim tek numri 0684076320, numër të cilin unë jua kam dhënë vetë, pasi ata kishin numrin tim të parë 0683313628. Me Benardin unë jam takuar rreth dy herë pas ngjarjes dhe kemi biseduar për probleme të ndryshme sidomos për punën e shkollës, pasi ai është student në Kamez në degën Orikulturë viti i 3-të ose i 4-et.
Dua të sqaroj se Gjatë kohës së punës para ngjarjes me mirëkuptim, unë, Serani, Benardi dhe "Xhimi", në punë shkonim me makinën e njërit prej nesh, i perhershëm ishte Nazmiu që vinte me makinën e Seranit pasi nuk kishte makinë. Takimin çdo ditë e bënim tek pallati i kulturës, ku aty pasi bashkoheshim niseshim për në Gërdec. Unë kam shkuar në punë me makinën. time Ford Eskort, me ngjyrë lejla, me targa të Tiranës, por numrat nuk i mbaj mend, gërma "P". Muhamet Hoxha ka pasur një makinë tip Fiat Brava, me ngjyrë blu me targa Tiranë, numrat nuk ia kujtoj, për këtë makinë di që ka ngelur në vendin e ngjarjes. Seran Maçi di se ka pasur një benc me ngjyrë gri, me targa Tiranë, numrat e së cilës nuk i kujtoj edhe makina e këtij shtetasi di që është shkatërruar në vend ngjarje. Ndërsa Benardi ka pasur një Pezho me ngjyrë jeshile, me targa Tiranë, numrat nuk më kujtohen.
Pyetje: A ka pasur debate midis pjesëtarëve të grupit tuaj të punës?

Përgjigje: Debatet e vetme midis pjesëtarëve të grupit kanë qenë për orarin e punës dhe për faktin se kush do te hypte për të numëruar arkat me municion. Debat i madh është hapur kur ka ardhur në punë i ndjeri Muhamet Hoxha, për të cilin Haxhiu dhe Nazmiu debatonin sepse ai nuk hypte në makinë per të numëruar municionet.
Pyetje: A e njihni shtetasin Rahman Selmanllari, nëse po kur, ku në ç'rrethana dhe ç'dini për të?

Pergjigje: Unë shtetasin Rahman Selmanllari nuk e njoh fizikisht, por për të kam degjuar se ai ishte njëri nga bashkëpronarët e fabrikes në Gërdec. Gjithashtu krahas tij di që pronar ishin Mihal Delijorgji, Davidi shtetas amerikan dhe Ylli Pinari si drejtor i MEICO. Këtë gjë unë e kam mësuar gjatë bisedave që janë bërë me punëtorët në kafenë dhe në fabrikë, nuk jam i saktë por një gjë të tillë e kam mësuar nga Vangjeli (Veiz Muco). Dua të sqaroj se unë punoja gjithmonë turni i tretë dhe Gjatë kohës së punës nuk e kam parë ndonjë herë shtetasin Rahman Selmanllari, por gjatë punës kam dëgjuar se ky shtetas kishte ardhur në fabrikë paradite me makinën e tij Benx ML.



http://www.shekulli.com.al/2009/05/1...-gerdec-1.html

[RAPTILOID]

Familja Berisha dhe Gërdeci
MERO BAZE
gazeta shekulli online

Sikur në Gërdec të mos kish vdekur i ndjeri Muhamet Hoxha, dhe sikur në koalicionin PD- LSI të mos kish qenë Dritan Prifti, drejtësia shqiptare as që do kishte tentuar të merrej ndonjëherë me përfshirjen e familjes Berisha në Gërdec dhe as me hetimin e skandaleve të njëpasnjëshme lidhur me supervjedhjet e familjes në pushtet pas vitit 2009.

Këta dy persona, një për fat të keq i vdekur dhe tjetri për fat të mirë i gjallë, nuk kanë provuar vetëm faktin se Berisha është i zhytur deri në fyt në krim dhe korrupsion, por kanë provuar një gjë më të rëndë, që shteti ligjor në Shqipëri dhe gjithë institucionet e tjera janë jashtë loje.

Sikur i ndjeri Muhamet Hoxha të mos ishte një nga tri viktimat e para që u zbuluan dhe sikur Berisha të mos "ngatërronte" emrin e tij para medies me shpresë se s'do merrej më vesh, do ta kishim shumë të vështirë të shkonim brenda shtëpisë së tij për të gjetur fajtorin kryesor të asaj tragjedie.

Siç pranon gruaja e tij Liri Berisha, ajo dhe djali i saj Shkëlzeni, nuk i kishin treguar Sali Berishës për baxhanakun e punësuar në Gërdec dhe u ndjenë keq kur ai i ngatërroi emrin. Por më vonë rrodhën faktet dhe u provuan të gjitha lidhjet e djalit të tij me njerëzit që punonin dhe fitonin në Gërdec.

Pas kësaj Berisha nisi një presion të paparë mbi drejtësinë derisa e gjunjëzoi atë dhe degradoi gjithë procesin e hetimit dhe akuzës. Sot s'ka më të dënuar dhe fajtori i vetëm rrezikon të shpallet një karrocier i vdekur.

E njëjta histori po përsëritet dhe me skandalet e njëpasnjëshme të korrupsionit, denoncuar nga Dritan Prifti. Skandali i naftës virgine shkon sërish në zemër të familjes Berisha. Për të gjithë ata që njohin një nga pronarët e akuzuar, dinë mirë lidhjet e tij të afërta me familjen Berisha dhe jo aq rastësisht sërish me gruan e tij.

Ai është sponsor i fondacionit të saj, sponsor i PD-së, dhe i mbështetur pa asnjë hezitim në biznesin e tij. Berisha që nuk lë biznesmen pa etiketuar dhe fyer publikisht, ka ditë të tëra që hesht dhe nxjerr ca laraska tek zyrat e PD-së që tregojnë përralla për korrupsionin e qeverive Meta dhe Nano, por që sipas tyre për to e ka përgjegjësinë Edi Rama.

Berisha ende nuk ka kërkuar ndjesë për favorizim të këtij trafiku dhe ende nuk është distancuar nga kjo aferë korruptive. Në vend të saj ai po nis sërish betejën kundër prokurorisë, e cila sipas tij nuk po heton dosjet e korrupsionit të socialistëve.

Por përtej Berishës, ky shtet ka disa institucione të tjera formale. Ky shtet ka Drejtori të Përgjithshme të Tatimeve, ka Drejtori Doganash, ka Ministër të Financave, ka task-forcë për tatimet, ka Polici të Shtetit dhe Polici Kufitare. Si është e mundur që askush prej tyre, jo vetëm që nuk ka njoftuar asgjë deri më sot, por dhe kur krimet dalin në shesh thuajse rastësisht, ata përpiqen t'i fshehin. Tani të gjithë nxitojnë të shajnë Dritan Priftin që ka denoncuar dhe jo ata që kanë vjedhur.

Tani një ministër i dorëhequr që po denoncon krimin, është më i sulmuar se autorët e kapur me presh në duar. Sikur Dritan Prifti të heshtte dhe të shikonte punën e tij, ai do ishte sot i preferuari i pushtetit dhe i lavdëruar prej tij siç e lavdëroi Berisha ditën që dha dorëheqje.

Pra, problemi këtu nuk është se ne sot dimë shumë gjëra për vjedhjet dhe vrasjet e pushtetit të Berishës. Problemi është se ne këto i kemi mësuar nga rrethana aksidentale apo nga vullnete të punës së medias dhe politikanëve.

Ne deri më sot s'kemi asnjë skandal financiar të zbuluar nga institucionet që paguhen në shtetin shqiptar për këtë çështje.

Ne kemi një histori sekseri të familjes Berisha siç është Damir Fazliç, të zbuluar nga shtypi; kemi një histori tragjike të vrasjes së 26 personave në Gërdec zbuluar nga media për shkak të kompleksimit të familjes Berisha naga përfshirja në të dhe tentimi për të fshehur të vërtetën; dhe kemi së fundmi disa histori të hershme korrupsioni që përfshijnë kupolën e shtetit shqiptar, familjen e kryeministrit, zëvendëskryeministrit dhe gjithë sejmenëve poshtë tyre, që është zbuluar falë kurajos së një ish- ministri, që ka guximin të denoncojë atë që di për pushtetin.

Por këta njerëz dhe mund të kishin heshtur. Media mund të bënte sikur nuk e njihte dhe nuk e dinte kush ishte Damir Fazlliç, Dritan Prifti mund të bënte sikur nuk e dinte kush trafikonte naftën virgine apo sikur nuk i kish dëgjuar pazaret e Ilir Metës dhe media mund t'i besonte Berishës që baxhanaku i tij nuk e kish emrin Muhamet, por Mehmet.

Dhe nuk do të kishte ndodhur asgjë. Ky vend do të vazhdonte të flinte mbi krimin dhe pushteti do ishte si një klloçkë gjigante që ngroh vezët e krimit dhe korrupsionit për t'i shumëfishuar në këtë vend. Falë Zotit kjo nuk ka ndodhur dhe së paku krimi është treguar me gisht.

Shoqëria shqiptare tani e di se çfarë ka ndodhur, por është e shokuar kur shikon se çfarë nuk bëhet për ta dënuar atë që ka ndodhur. Shteti që duhet të na mbronte nga krimi është bërë palë me të dhe po lufton që edhe pasi gjërat janë bërë publike dhe e vërteta është në shesh, të mos hetohet, të mos gjykohet dhe sidomos të mos dënohet.

Deklaratat kontradiktore
Të gjithë pjesëtarët e familjes Berisha kanë bërë deklarata kontradiktore rreth tragjedisë së Gërdecit, në përpjekje për të fshehur përfshirjen direkte të tyre në këtë biznes vdekjeprurës. I pari që ka bërë deklaratën e gënjeshtërt është kryeministri Sali Berisha.

Në mesditën e 15 Marsit, dy orë pasi ka ndodhur tragjedia, Sali Berisha u shfaq i dërrmuar para kamerave në zyrën e tij në kryeministri dhe lexoi për herë të parë me gojën e tij tri viktimat e para, të cilat ishin konfirmuar. Në deklaratën e tij ai lexoi tri emra, një prej të cilëve ishte emri i baxhanakut të tij, Muhamet Hoxha.

Sali Berisha u përtyp pak, pati një ngërç dhe pastaj me siguri të plotë lexoi emrin Mehmet Hoxha. Ideja se emri i tij duhet të fshihej qysh në momentet e para ishte një ide fikse e familjes Berisha. Fshehja e emrit është tërësisht e qëllimshme, pasi gazeta Tema disponon fotografinë në vendngjarje të të ndjerit Hoxha, kufomë, mbi trupin e të cilit është shkruar emri dhe mosha.

Në atë formë atij i është përcjellë dhe kryeministrit, i cili ka lexuar gabim emrin e tij, por jo moshën e tij.
"Deri tani janë identifikuar emrat e 3 viktimave: Rajmonda Tudi, 40 vjeç, Mehmet Hoxha, 59 vjeç, Jetmir Kolloshi, 19 vjeç, ndërsa dy nga viktimat janë ende të paidentifikuara. 4 prej tyre janë gjendur në vendin e shpërthimit dhe një tjetër më tutje," deklaroi kryeministri Sali Berisha në konferencën e tij për shtyp pas shpërthimit në Gërdec.

Gënjeshtra e dytë e Sali Berishës ishte se ai nuk kishte dëgjuar kurrë për Gërdecin para shpërthimit, por më vonë pranoi se ai ka sqaruar me letër zyrtare gazetën New York Times se i biri i tij nuk është i përfshirë pas biznesit të paketimit të fishekëve që eksportoheshin nga Rinasi, biznes që zhvillohej nga i njëjti grup që me djalin e tij bënte demontimin në Gërdec. Siç doli dhe nga procesverbalet e mbledhjes së qeverisë, ai ka diskutuar gjatë për këtë projekt madje duke e kthyer dy herë për miratim.

Gënjeshtra e tretë e Berishës ishte arsyetimi përse i biri i tij takohej me Ministrin e Mbrojtjes Mediu, duke sqaruar se djali ka qenë pjesë e lëvizjes së Dhjetorit dhe takohej dhe fliste në telefon me gjithë ministrat. Në fakt as djali i tij dhe as Fatmir Mediu nuk janë njohur në Dhjetor të '90-tës pasi asnjëri s'kanë qenë pjesë e Lëvizjes, por njohja e tyre ka pasur të bënte vetëm me këtë projekt.

Gënjeshtra e katërt e Berishës është se djali i tij s'ka asnjë lidhej me Delijorgjin, ndërkohë që media publikoi tabulatet telefonike të tyre, bile 30 minuta pas tragjedisë.

Gënjeshtra e pestë e Berishës është se djali i tij nuk ka lobuar për Gërdecin, ndërkohë që media botoi një fotokopje të shkresës që Ministria e Drejtësisë i dërgonte për mendim lidhur me projektin në fjalë Ministrisë së Mbrojtjes, shkresë e cila i çohej me faks për informacion Shkëlzen Berishës në një zyrë të Ministrisë së Mbrojtjes.

Gënjeshtra e gjashtë e Berishës ishte fshehja e rolit të Rrahman Selmanllarit në të dy projektet, atë të demontimi dhe eksportit të fishekëve. Berisha e paraqiti publikisht Selmanllarin një biznesmen që njihet me djalin e tij si ish militant u PD-së, ndërkohë që hetimet zbuluan se ai përfaqësonte kompaninë amerikane SAC në procesin e ndërtimit të kantierit.

Por më skandaloze në gënjeshtrat e saj për Gërdecin është gruaja e Sali Berishës, Liri Berisha. Ajo ka dhënë dëshmi të rreme publike për rrethanat në të cilat është punësuar baxhanaku i kryeministrit, Sali Berisha në Gërdec dhe për punën që ai bënte aty.

Në një intervistë dhënë gazetës "Panorama", në datën 15.04.2008, zonja Berisha thotë se ajo dhe i biri i saj nuk ia kishin treguar Sali Berishës faktin që ai kishte një baxhanak që punonte në Gërdec dhe që ishte nga të vrarët mes viktimave.

Ja si e përshkruan ajo momentin kur është ndjerë keq që Berisha nuk dinte gjë për baxhanakun: "Problemi ishte se ai nuk pati rast ta takonte asnjëherë. Ata (motra me të shoqin), kishin vetëm tre muaj që kishin ardhur.

Saliu lexonte emrin aty dhe unë thosha: "E zeza, si nuk ia kemi thënë!" Ato kohë kishim trevjetorin e vdekjes së mamasë dhe kishim menduar që ta linim për më vonë prezantimin familjar me njerëzit e familjes. Isha unë ajo që ia caktova si detyrë tim biri t'ia shpjegonte situatën" ("Panorama", 15 prill 2008).

Shpjegimi i zonjës Berisha ka disa mangësi thelbësore. Mangësia e parë ka të bëjë me vetë imazhin e familjes Berisha dhe marrëdhëniet perfekte që ata kanë si çift.

Çifti Berisha shquhet për raporte shumë të sinqerta me njëri-tjetrin dhe marrëdhënie shumë të mira. Në një raport të tillë familjar, që kurrsesi s'mund të besojmë se është hipokrit, nuk mund të ndodhë që zonja Berisha të mos i ketë folur asnjëherë burrit të saj për baxhanakun, i cili po punonte në një punë që e kishte rekomanduar djali i tyre. Por hijet e dyshimit rriten më poshtë, kur zonja Liri Berisha tregon se si ka mësuar që kunati i saj po punonte në Gërdec.

"Kur një ditë shkojmë në varreza te prindërit, e pyes motrën, nëse i shoqi kishte filluar punë dhe ajo më tregoi se po punonte diku afër Marikajt. Kur e pyes se çfarë bën, ajo m'u përgjigj: "Mban ca arka municionesh". Është i kënaqur me punën? - e pyeta. "Jo dhe aq, mban ca arka, por do të rrijë veç pak, sa të gjejë një punë tjetër më të mirë". Në kohën që vdiq, kishte marrë vetëm dy rroga."

("Panorama", 15 prill 2008).
Kjo deklaratë e zonjës Liri Berisha bie ndesh me deklaratat e motrës së saj, Vjollca Hoxha. Zonja Hoxha, e cila duket se ka qenë në periferi të përfitimeve nga pushteti i kunatit të saj, e tregon ndryshe historinë. Në një intervistë në "Gazeta Shqiptare" më 15 qershor 2008, ajo thotë se burri i saj ishte kthyer në Shqipëri që në muajin nëntor, kurse ajo vetë që në fillim të vitit 2007, dhe jo siç thotë Liri Berisha, "ata (motra me të shoqin) kishin vetëm tre muaj që kishin ardhur".

Vjollca Hoxha, motra e Liri Berishës, në një intervistë ekskluzive për "Gazeta Shqiptare", rrëfen se ishte kthyer në Shqipëri në qershor të 2007 për të vizituar familjarët, dhe se në Shqipëri e mbante një operacion që duhej të kryente, pasi kishte këputur meniskun. Më pas kishte ftuar dhe Muhametin të kthehej në Shqipëri, derisa të përfundonte operacioni. ("Gazeta Shqiptare", 15 qershor 2008).

Nga ana tjetër, të dy motrat nuk bien dakord për faktin se a kishin dijeni ato për punën që bënte i ndjeri Muhamet Hoxha. Vjollca tregon se nuk e dinte që bashkëshorti i saj punonte në një fabrikë demontimi të armëve: "Po si mendoni ju, që po ta kisha ditur, do lejoja që im shoq të punonte aty?

Unë me të vërtetë s'jam e pasur, kam punuar si gjithë shqiptarët e tjerë nëpër Evropë, tri punë në ditë, nga kuzhiniere te pastruese, por nuk isha duke vdekur nga uria që të lejoja që im shoq të punonte aty, në mes të rrezikut", - thotë gjatë intervistës së saj Vjollca Rama. ("Gazeta Shqiptare", 15 qershor 2008).

Ndryshe nga kjo, zonja Liri Berisha në intervistën e saj thotë: "Kur e pyes (motrën) se çfarë bën (burri), ajo m'u përgjigj: "Mban ca arka municionesh". (Gazeta "Panorama", 15 prill 208).

Këto lajthitje të zonjës Berisha në intervistën e saj publike për Gërdecin dëshmojnë se ajo, ose nuk është e sinqertë me opinionin publik, ose nuk ka qenë e sinqertë me motrën e saj dhe bashkëshortin e saj, Sali Berisha.

Motra e saj provon se ka qenë me burrin në Shqipëri prej vitit 2007 dhe se nuk e ka ditur se burri i saj punonte mbajtës arkash municionesh. Zonja Berisha thotë që ata kishin tre muaj që kishin ardhur dhe motra i kishte thënë se burri mbante arka me municione.

Nga ana tjetër, në këtë mes zonja Berisha përpiqet të zhdukë rolin e djalit të saj dhe e shfaq atë vetëm në rolin e lajmëtarit të babait, pasi i ndjeri Hoxha ishte varrosur. Kjo është një skenë shumë e pabesueshme.

Kushdo që e njeh familjen Berisha dhe marrëdhëniet perfekte mes tyre, e ka të pabesueshme të konceptojë që Berisha të mos vihej në dijeni, së paku në kohë reale për vdekjen e baxhanakut të tij.

Ai është një person shumë i lidhur me traditën dhe shkon për ngushëllime në rast vdekjesh dhe te baxhanakët e militantëve të PD, jo më tek i veti.

Po ashtu, një detaj i fortë psikologjik është fakti që ai ngatërroi emrin e baxhanakut të tij, duke e lexuar në Kuvend, çka të bën të mendosh se ndërkohë ishte njoftuar për humbjen e tij dhe u përpoq ta nxirrte atë nga vëmendja e opinionit publik.

Deklaratat kontradiktore të zonjës Berisha mbi raportet me kunatin e saj dhe përpjekja për ta fshehur faktin që i biri i saj ishte njeriu që e punësoi atë në Gërdec, bën që ajo të ngatërrohet në deklarata me vetë motrën e saj, e cila po ndjen, jo vetëm peshën e humbjes së njeriut të saj të dashur, por dhe përgojimin e tij publik për shkak të punëdhënësit të tij.

I biri i Sali Berishës, Shkëlzen Berisha, ka respektuar parimin e drejtësisë amerikane për të mos folur rreth krimit pasi mund t'i përdoret në gjykim, por nëna dhe babai i tij kanë thënë aq shumë gjëra të pavërteta rreth tij, sa ja kanë bërë të pamundur alibinë.

Dje ai kishte tre vjetorin e vdekjes së burrit të tezes, një njeri për të cilin ai mban përgjegjësi personale për ikjen nga jeta. Ai prehet i vetmuar në varrezat e Sharrës, ndërsa familja Berisha e ka të pamundur t'i çojë dhe një tufë me lule, vetëm nga kompleksi i fajit që kanë ndaj tij dhe 25 viktimave të tjera.


http://www.shekulli.com.al/2011/03/1...e-gerdeci.html

[RAPTILOID]

Ndahet dosja Gërdeci, personat pa imunitet i gjykon Shkalla e Parë
SHEKULLI | 22/05/2009 | KRONIKE | LAJM I FUNDIT | 82 KOMENTE | SHARE | - +
TIRANË- Gjykata e Lartë ka vendosur në seancën e sotme për Gërdecin të miratojë kërkesën e avokatëve për shqyrtim të veçuar të të pandehurve pa imunitet. Kështu ndahet dosja e Gërdecit në dy gjykata. Ish-ministri i Mbrotjes, Fatmir Mediu do të gjykohet nga Gjykata e Lartë, ndërsa të akuzuarit e tjerë do të kalojnë në Gjykatën e Shkallës së Parë.
Pas kërkesës së 28 të pandehurve, ky organ vendosi që të veçojë dosjen e të pandehurve të tjerë nga ajo e Mediut. Ishin pikërisht personat, për të cilët është ngritur akuza të cilët kërkuan që të gjykohen nga Gjykata e Shkalles se Pare, pasi nuk kanë imunitet.
Ndërkohë mësohet se Kolegji Penal nuk ka pranuar padinë civile të familjareve të viktimave të Gërdecit për dëmshperblim.Ata kanë reaguar duke thenë se Gjykata e Larte është një institucion ku nuk ka drejtësi.
'Gërdeci', të akuzuarit pa imunitet kërkojnë gjykim të veçuar
TIRANË- Është shtyrë sërish sot seanca gjyqësore për Gërdecin. Shkak është bërë kërkesa e disa avokatëve ndër to edhe avokati i Mihal Delijorgjit, për veçimin te dosjes. Sipas mbrojtësve ligjor, personat që ata mbrojnë dhe që akuzohen nga Prokuroria për këtë çështje janë pa imunitet ndaj duhet të gjykohen nga Gjykata e Shkallës së Parë Tiranë dhe jo nga Gjykata e Lartë.
Pas kësaj kërkese, Kolegji Penal është tërhequr për të dalë me një vendim mbi kërkesën e 28 të pandehurve për gjykim të veçuar.
Dosja "Gërdeci" për të cilën prokuroria ngriti akuzë ndaj 29 persona, ndodhet për gjykim në Gjykatën e Lartë, pasi njëri nga të pandehurit është ish- ministri i Mbrotjes, Fatmir Mediu, i cili ishte me imunitet. Përfaqësuesi ligjor i ish-ministrit Mediu i ka lënë në dorë gjykatës të marrë një vendim, duke mos u shprehur në lidhje me këtë kërkesë.
Kërkesa për gjykim të vecuar është kundërshtuar nga përfaqësuesi i grupit të prokurorëve Sokol Stojani i cili i kërkon Kolegjit Penal të mos e marrë parasysh. Nga ana e saj prokuroria i kërkon gjykatës që të marrë vendim që një avokat të mbrojë jo më shumë se një të pandehur.

Nis seanca gjyqësore për Gërdecin, mungon Mediu
TIRANË- Ka nisur sot në Gjykatën e Lartë seanca gjyqësore për dosjen 'Gërdeci'. Në këtë gjykatë nuk është parë të hyjë, ish-ministri i Mbrotjejs Fatmir Mediu, një ndër 29 të akuzuarit për shpërthimin e tmerrshëm që vrau dhjetra vetë një vit më parë.
Akuza është përfaqësuar në këtë seancë nga prokurorët Sokol Stojani, Alfred Progonati, Arben Ollapi, Arqile Koca, Kujtim Luli. Ndërsa kolegji penal drejtohet nga Besnik Imeraj.
******
Ditet e fundit, ne shtyp jane botuar tabulatet e bisedave telefonike te protagonisteve te Gerdecit, qe impikojne ne menyre te vecante, djalin e kryeministrit dhe disa miq te njohur te tij.
Nderkohe jane gjetur edhe fakte qe provojne takime te shpeshta ne zyrat e shtetit mes ministrit Mediu dhe Shkelzen Berishes. Kanë fshirë çdo material filmik që regjistronte takimet e kreut të Ministrisë së Mbrojtjes, por kanë harruar të zhdukin atë që kanë regjistruar sekretaret e ministrit të Mbrojtjes, sipas një rutine të përditshme, ku shënoheshin të gjitha takimet, telefonatat që fiksonin takimet e njerëzve të ndryshëm që donin të takonin ministrin, nga zyrtarët e ministrisë, deputetë, ministra, njerëz të thjeshtë, deri ushtarakë apo përfaqësues të huaj të akredituar në Shqipëri ose që vinin për vizitë. Dhe më pikantja janë takimet e shpeshta të djalit të Kryeministrit, Sali Berisha, në zyrën e ministrit Fatmir Mediut. Këto takime janë të shpeshta në pranverë-verën 2007, për të vijuar më pas në janar 2008, deri në takimin e fundit të regjistruar më 18 mars, tri ditë pas katastrofës së Gërdecit.
****
Tabulatet e pergjimeve telefonike deshmojne gjithashtu qe të akuzuarit kryesorë për skandalin e tragjedisë së Gërdecit, Mihal Delijorgji, Ylli Pinari, Dritan Minxholli e disa të tjerë, kanë vazhduar të komunikojnë lirshëm edhe gjatë kohës që ndodheshin në burg.
Secili prej tyre ka pasur një telefon celular, me anë të të cilit fliste me njerëzit e afërm, avokatët, por edhe persona të tjerë.
Në dosjen "Gërdeci", një kopje e së cilës ndodhet në redaksinë e "Shekulli"-t, ndodhen të gjitha përgjimet e kryera nga prokuroria në lidhje me këtë çështje. Për secilin përgjim, prokuroria ka marrë leje në gjykatë. Përgjimet kanë nisur më 16 mars 2008, një ditë pas shpërthimit tragjik të Gërdecit dhe kanë vazhduar për një kohë shumë të gjatë.
****
Në një prej bisedave të përgjuara dallohen edhe pazaret që bëhen për dënimet e mundshme. Kështu, për Delijorgjin, avokati ka kërkuar 50 mijë euro që në shkallë të parë të dënohet me shtatë vjet burg. Më pas, në apel të kalojë me dy vjet burg. Për këtë gjë duheshin edhe 15 mijë euro të tjera. Në bisedë flitet edhe për një marrëveshje që mund të arrihej me një prej prokurorëve.
*****
Nderkohe egziston nje dëshmi e sekretares për faksin qe "fundos" djalin e Kryeministrit dhe të përzgjedhurin e tij për kryetar të PD-së së kryeqytetit. Lidhjet e djalit të Kryeministrit Berisha, Shkëlzen Berisha, dhe Gërdecit, e kanë zanafillën që në gjenezën e projektit që do të shndërrohej muaj më vonë në një tragjedi me 26 të vdekur dhe më shumë se 300 të plagosur. Shkëlzen Berisha është interesuar për projektin që në momentin kur po përgatitej kuadri ligjor i çështjes.
Në atë kohë, ministër i Drejtësisë ishte Aldo Bumçi. Por, edhe pse faktet implikojnë qartë djalin e Kryeministrit Berisha, Shkëlzen Berisha dhe ish-ministrin e Drejtësisë, Aldo Bumçi, në skandalin e Gërdecit, ata jo vetëm që nuk janë marrë të pandehur, por as janë marrë në pyetje për të shpjeguar çështjen.
Aldo Bumci nderkohe eshte zgjedhur pak dite me pare me mbeshtetjen e forte te vete Berishes, kryetar i PD-se se Tiranes.


http://www.shekulli.com.al/2009/05/2...e-ne-qeli.html

[Brari]

nje gje dihet e sigurte.
se merua dhe te tjere mjeshtra te shpifjes qe punojne ne mediat ne sherbim te edvinit e kan ditur shum kohe para shperthimit se..ka nji gerdec ku cmontohen predha.
ky grup e ka menduar realizimin e nji reportazhi mbi gerdecin dhe e ka bere gati ta japin ne tv nje dokumentar apo emision mbi gerdecin e pa shperthyer me qellimin te tregojne se sa e keqe eshte qeveria qe lejon nje biznes te tille ku punojne ne kushte jo te mira gra e vajza e fshatare te zones.
ketu eshte enigma.
ky grup ndrron mendje.
nuk e japin ne tv kte reportazh mbi gerdecin.
pse valle.

si te mencur qe jan ata do ken menduar.

po te hapim kte ceshtje pra ceshtjen e demontimit te municionit ushtarak e te paisjeve ushtarake do te na pergjigjen qeveritaret demokrate se... nuku po bejme ndoj gje te paligjshme e as te pa ndodhur me pare sepse dhe ps gjat qeverisjes se saje i ka bere keto pune..
pra dhe ps i ka hapur e perdorur keto pikat per cmontim e zberthim e shitje predhash apo skrapi..
pra aksioni i ketij grupi kunder qeveris me nji reportazh te tille do te neutralizohej nga fakti se..te njejten gje e ka bere dhe ps-ja..

pra..kan menduar ustallaret e meros po dhe merua me anilat.. te bejme dicka qe nuk eshte e ngjashme me ate cka bere ps-ja..dicka te forte dicka te tmerrshme..dicka qe te trondise opinionin..

dhe ketu ze fill.. ideja e cmendur..qe ne vend te nji emisioni me pamje te punishtes se gerdecit ku punojne katundar e gra fshatare duke cvidhosur predha.. te bejne dicka tjeter..

dhe u be..

u be ajo qe na e cfaqen ne ekran direkt merot e top chanellit e njuz 24-tres..
pra ato shperthimet e tmerrshme e tragjedia.. Gerdec..

prandaj.. pra merua e anila.. te karlos bolino.. e tjere sokol balla te edvin ekran-kanaleve.. chanelle.. i kthehen cdo here gerdecit..
sepse eshte vendi ku ata kan bere krimin..

ndonje dite sot a neser..do tu dale ketyre monstrave ndonji "bllac" nga radhet e tyre..dhe e verteta do trondise miletin..
mua jo sepse qe sekondin e pare kur pashe Malin me tym e flake ne ekranet e edvinit.. e dija se.. gisht e dor e kujt eshte ajo qe ndezi Gerdecin..



.

[juanito02]

Nese ti apo kushdo, keni informacion e te dhena, shkoni ne Prokurori e rrefeni ato qe dini, ne menyre qe Prokuria te beje hetimet e ndeshkoje fajtoret. Dhe jo vetem prokurorise shqiptare, por shkoni edhe ne dyert e ambasades amerikane, dhe rrefejuni edhe drejtesise amerikane pasi edhe ajo ka bere hetim per kete ngjarje e ka futur ne burg ata per te cilet flet artikulli me lart.

Andej nga Shqiperia ndiqet parimi: "Je fajtor per aq kohe sa prokuroria te te nxjerre te pafajshem", ketu ne Amerike ndjekin parimin: "Je i pafajshem derisa prokuroria te provoje fajesine pertej cdo dyshimi te arsyeshem." Dhe kjo qe ben gazeta shqiptare e ka emrin SHPIFJE e SHANTAZH politik. Shkelzen Berisha ben gabim qe e toleron dhe nuk i padit ne gjykate per shpifje, duke respektuar ne kete menyre parimin e te atit per te mos ngritur padi ndaj njerezve te mediave. Por Shkelzen Berisha nuk eshte politikan, as i zgjedhur, dhe ai parim nuk i aplikohet atij, packa se ai e respekton.

Eshte nje gje te sulmosh kryeministrin Berisha pasi eshte politikan e pushtetar e i zgjedhur me vote. Eshte tjeter gje te sulmosh familjen e tij, kur keta nuk jane figura publike por persona private. Kuptohet, mercenaret e shtypit e te mediave prane Edvin Rames, kane per borxh te shesin edhe nderin e familjeve te tyre per hir te idealit, e jo me te perdhosin familjen e kryeministrit. Vemje njerez.

Albo

Vemje jane ata qe mbrone krimin albo. Jan vra 26 vete, shum u gjymtuan miliarda prona e bizese u shketerruan e askush spergjigjet.
E ti na e quake shantazh
Futja albo futja si kau peles.

[iliria e para]

un dyshoj se ne kte pun ka gisht nje segment kllosist ne seli roz ne bashkveprim me gazeten shqiptare top chanellin mero bazen etj..

Lexo..

Brari, artikulli nuk eshte i selise roze, eshte i revistes amerikane Rolling Stone. Jane shume profesionale, nuk behet fjale per pasaktesi.

Dhe ju pyes une juve, se a thue se nga puna e ndershme dhe nga rrogat qe kane u bene kaq te pasur keta politikanet shqiptar? A llogjikoni ndonjehere se nga u erdh atyre gjith ajo pasuri? A vertete besoni qe ajo video me Ilirin ishte e montuar? A besoni qe shpifin gazatat amerikane?
Ja keshtu mendoni dhe mbroni krimin , dhe per kete do te mbetemi vendi me korrupt dhe me i varfer ne Evrope.

[[PaRTiZoNi]]

Mediat dhe shtypi në Shqipëri jan të politizuara, ato demokrate shpifin për socialistët dhe anasjelltas. Nuk është rasti parë dhe as i fundit ky.

[Alti Elezi]

Nese ti apo kushdo, keni informacion e te dhena, shkoni ne Prokurori e rrefeni ato qe dini, ne menyre qe Prokuria te beje hetimet e ndeshkoje fajtoret. Dhe jo vetem prokurorise shqiptare, por shkoni edhe ne dyert e ambasades amerikane, dhe rrefejuni edhe drejtesise amerikane pasi edhe ajo ka bere hetim per kete ngjarje e ka futur ne burg ata per te cilet flet artikulli me lart.

Andej nga Shqiperia ndiqet parimi: "Je fajtor per aq kohe sa prokuroria te te nxjerre te pafajshem", ketu ne Amerike ndjekin parimin: "Je i pafajshem derisa prokuroria te provoje fajesine pertej cdo dyshimi te arsyeshem." Dhe kjo qe ben gazeta shqiptare e ka emrin SHPIFJE e SHANTAZH politik. Shkelzen Berisha ben gabim qe e toleron dhe nuk i padit ne gjykate per shpifje, duke respektuar ne kete menyre parimin e te atit per te mos ngritur padi ndaj njerezve te mediave. Por Shkelzen Berisha nuk eshte politikan, as i zgjedhur, dhe ai parim nuk i aplikohet atij, packa se ai e respekton.

Eshte nje gje te sulmosh kryeministrin Berisha pasi eshte politikan e pushtetar e i zgjedhur me vote. Eshte tjeter gje te sulmosh familjen e tij, kur keta nuk jane figura publike por persona private. Kuptohet, mercenaret e shtypit e te mediave prane Edvin Rames, kane per borxh te shesin edhe nderin e familjeve te tyre per hir te idealit, e jo me te perdhosin familjen e kryeministrit. Vemje njerez.

Albo

Pikerisht Albo se je pak ca si shume larg,dhe nuk mund ti kuptosh dhe shikosh ca gjera sic jane.
Gerdeci fatekeqesisht TI,BRARI dhe SHIGJETA as ju nuk po sillni ndonje fakt se cfare informacioni keni ju???Pra te gjithe jeni e lagu se lagu.....
GERDECI ja beri BYYYYMM dhe besoj se u degjua dhe aty ku jeni JU,por duhet te kuptoni nje gje qe e gjithe kjo BYYYMMM kishte ca Politikane qe morren pjese,dhe nuk ka me asnje dyshim qe ishin zorretharet tane POLITIKANE qe moren pjese per te fituar ca para dhe pak si shume shpejt,Por fatekesisht nuk kuptuan "biznesin"qe u ishte Ngritur.
Kush eshte Delijorgji shoku ti gje??Po te ndihmoj te them qe eshte me pasaporte Greke.
Pse shume investime Miliona dollareshe ne Tirane dhe rrethe mbas BYYYMMM-it ngelen ne mes,pa u vazhduar??
Pse MEIKO u fut ne kete loje,kur dihet qe eshte nje kompani Shteterore,dhe ka bashkepunim shume te ngushte me SHISH?

Keto nuk jane aludime,por jane fakte.
Pra besoj se pergjigjet mund te merren me mend o ALBO,kur babai im ka cdo gje ne dore ne shqiperi,dua une apo jo,dhe engjell te jem,me vine vet Shqiptaret dhe me thone qe ec futu se jemi te sigurte per cdo gje,pra Shoku ne jemi SHTET FISNOR-KLANOR,thuaj jo sa te dush ti qe Berisha dhe te gjithe te tjeret jane Engjej,por fatekesisht JJJJJOOOOOOOOOOOOOOOOO dhe kjo ka 20 vjet qe tregohet qe jemi te tille.

[Brari]

55

Qeveria ka firmosur kontrata për ndërtimin e rreth 220 hidrocentraleve të mesme dhe të mëdha


Sistem ligjor për blerjen e energjisë së rinovueshme


Qeveria shqiptare do të adoptojë sistemin ligjor më të mirë për blerjen e energjisë së rinovueshme. Kështu deklaroi dje kryeministri Berisha gjatë seminarit të organizuar nga Ministria e Ekonomisë, Tregtisë dhe Energjetikës dhe IFC me temë "Përmirësimi i kuadrit ligjor të energjive të rinovueshme në Shqipëri". Berisha theksoi se qeveria ka vendosur të adaptojë sistemin ligjor më të mirë për blerjen e energjisë së rinovueshme. Duke përshëndetur organizatorët e këtij seminari duke dhënë një kontribut të madh në nxitjen dhe inkurajimin e investimeve në këtë fushë, për një nga çështjet themelore të zhvillimit të Shqipërisë, siç është energjia e rinovueshme, Kryeministri Berisha u shpreh se fokusimi dhe përqendrimi tek energjia e rinovueshme, përputhet plotësisht dhe tërësisht me prioritetet më madhore të qeverisë shqiptare. Shqipëria në raport me investimet e huaja, renditet në një nga 50 vendet e para. Ndërsa për regjistrimin e biznesit rëniet 27% nga vendet OECD-së. "Fokusimi dhe përqendrimi tek energjia e rinovueshme, përputhet plotësisht dhe tërësisht me prioritetet më madhore të qeverisë shqiptare. Shqipëria është një vend i vogël, por me burime të mëdha të energjisë së rinovueshme. Ky vend derdh në detrat e Mesdheut, 6 herë më shumë ujëra sesa çka sipërfaqen e saj. Ky workshop i kushtohet kuadrit rregullator. Jep një kontribut të madh në nxitjen dhe inkurajimin e investimeve në këtë fushë. Dy vjet më parë në Kopenhagen unë mbylla fjalën time me një apel drejtuar të pranishmëve që të konsiderojnë në mënyrën më serioze financimin e projekteve në Shqipëri, pasi ky mund të jetë ndoshta vendi i parë në Europë, që ecën tërësisht Green dhe me energji të rinovueshme. Ne jemi të vendosur të adaptojmë sistemin ligjor më të mirë, për blerjen e energjisë së rinovueshme. Të japim garancitë më të mëdha të mundshme, biznesit dhe investimeve, por sot që ne diskutojmë, në raport me sigurinë e investimeve të huaja, Shqipëria renditet në një nga 15 vendet e para. Sot për investimet dhe klimën e investimeve në tërësi, Shqipëria renditet 5 deri në 7% më lart se mesatarja e vendeve të OECD. Për regjistrimin e biznesit Shqipëria renditet 27% më lart, se mesatarja e vendeve të OECD. Një nga sukseset e vërteta dhe shumë e rëndësishme është Qendra Kombëtare e Licencave dhe Lejeve, në të cilën u përfshi edhe sektori energjetik. Një studim i bërë nga USAID kohët e fundit, fakton se 96% e aplikuesve janë të lumtur ose shumë të lumtur me shërbimet që ofron kjo qendër", u shpreh Berisha. Gjithashtu Kryeministri solli në vëmendje se 3 vite më parë është firmosur ligji për ndërtimin e 220 hidrocentraleve të mesme dhe të mëdha, ndërsa shtoi se janë 445 HEC-e për t'u ndërtuar. "Natyrisht është vendi më malor në Europë, por i bekuar se malet e tij, janë male të pasura në ujëra më shumë se kudo tjetër. U theksua këtu nga zëvendësdrejtori i Përgjithshëm i IFC, se në Shqipëri janë 2/3 e rezervave ujore, për t'u shfrytëzuar. E vërteta është se Shqipëria ka një potencial edhe më të madh, po të kemi parasysh teknologjinë dhe kapacitet e reja, po të kemi parasysh kapacitetet prodhuese të rezervave ujore të pashfrytëzuara, janë edhe shumë më të mëdha. Shqipëria është vendi ndoshta ndër të paktat në Europë, që mund të ketë e sigurtë një Green Albania. Burimet e saj janë të panumërta. Qeveria me një ligj të miratuar 3 vjet më parë ka firmosur kontrata për ndërtimin e rreth 220 hidrocentraleve. Hidrocentrale të mesme dhe të mëdha në Shqipëri janë për t'u ndërtuar rreth 450, të vogla mund të jenë me mijëra", u shpreh Berisha.



Shqipëria, një superfuqi e vogël energjetike në rajon


"Shqipëria do të bëhet një superfuqi e vogël energjetike në rajon". Kryeministri Berisha i drejtoi një apel të pranishmëve në këtë seminar, që të konsiderojnë në mënyrën më serioze financimin e projekteve në Shqipëri. Ai gjithashtu i garantoi investitorët se çdo investim i tyre në këtë fushë, do të jetë një histori e vërtetë suksesi, jo vetëm për vendin, por para së gjithash për ata dhe financimin e tyre dhe u shpreh se qeveria është e vendosur të adaptojë sistemin ligjor më të mirë, për blerjen e energjisë së rinovueshme si dhe t'i japë garancitë më të mëdha të mundshme, biznesit dhe investimeve. "Sot në ndërtim janë rreth 36 hidrocentrale, por janë shumë të tjerë që presin financime. Qeveria është e vendosur, e gatshme të vendosë kuadrin ligjor më stimulues, më inkurajues për ndërtimin e tyre. Por unë ftoj gjithashtu bankat e mëdha, të ndjekin shembullin e IFC, të konsiderojnë seriozisht financimin e këtyre projekteve në sektorin privat, çka përbën një kontribut të madh të zhvillimit të qëndrueshëm të vendit, por dhe në potencialin e madh eksportues të Shqipërisë. Shqipëria ka të gjitha kushtet, për t'u bërë dhe Shqipëria do të bëhet, një superfuqi e vogël energjetike në rajon. Dua të garantoj investitorët se çdo investim i tyre në këtë fushë, do të jetë një histori e vërtetë suksesi, jo vetëm për vendin tim, por para së gjithash për ata dhe financimin e tyre", u shpreh Berisha. Kreu i qeverisë pasi ka përshëndetur organizatorët e këtij takimi, ka vlerësuar gjithë aktorët që kanë dhënë ndihmesën e tyre në hartimin dhe mbështetjen me financime të projekteve energjetike në Shqipëri, duke veçuar mes tyre investimet e kompanive austriake. Përsa i përket potencialeve që ofron vendi ynë, Kryeministri Berisha shprehu mbështetjen e qeverisë për të përparësuar situatën e prodhimit të energjisë në vend, duke shfrytëzuar të gjitha burimet e saj. "Unë u ndala këtu tek energjia ujore, potenciali i Shqipërisë është shumë i madh në fushën e erës, ne kemi licencuar deri më tani 1700 mega vat, natyrisht kuadri i përshtatshëm ligjor është jetik për zhvillimin e këtij sektori. Shqipëria është një nga vendet më me diell në rajon dhe në Europë. Ka një potencial të madh energjie solare. Ka një potencial real për biomasën. Qeveria mbetet e vendosur të bëjë gjithçka, të përparësojë këtë sektor, ta shndërrojë këtë sektor dhe ta mbajë, pavarësish se nuk plotëson nevojat, sot mbi 98% e energjisë është ujore, ta mbajë këtë sektor si sektor me peshë kryesore. Natyrisht qeveria konsideron dhe do të konsiderojë diversifikimin e burimeve të prodhimit të energjisë, pasi siç faktohet në mënyrë të përsëritur, natyra ka të papritura dhe surpriza të mëdha, ndaj të cilave çdo vend duhet të jetë i përgatitur", u shpreh Berisha. Seminari me temë "Përmirësimi i kuadrit ligjor të energjive të rinovueshme në Shqipëri" u organizua nga Ministria e Ekonomisë, Tregtisë dhe Energjetikës dhe IFC. IFC u cilësua nga Kryeministri Berisha si një partner i shkëlqyer i qeverisë shqiptare në shumë fusha. Ai theksoi suksesin e vërtetë të këtij bashkëpunimi në fushën e energjisë.

[Duaje Siveten]

...
Shqipëria është një nga vendet më me diell në rajon dhe në Europë. Ka një potencial të madh energjie solare. Ka një potencial real për biomasën.
...

Shqiperia do te behet nje perandori diellore!

Nga rrezatimi diellor jashte "biomase", do te pastrohet edhe Shkelzen Berisha nga akuzat ne drejtim te familjes kryeministrore per korrupcion dhe shfrytezim postesh.

Nuk ka uje hidrocentralesh (ndonse perbejne mbi 90 perqind te energjise se perftuar) qe mund te laje paudhesite e kryeministrit dhe te familjes se tij, bashke me oborrtaret.

Perballje me ligjin.