Berisha: Puc shteti ne 21 janar, Kryeprokuroria dhe SHISH te implikuar

[Albo]

Hetimi i gazetarëve, Berisha: S’ka lidhje me profesionin e tyre

Një debat i madh është hapur këto ditë në lidhje me vendimin e komisionit hetimor parlamentar për të shtuar edhe disa gazetarë në listën e personave që do të thirren për të dëshmuar.
Sot kryeministri Berisha sqaroi se thirrja e gazetarëve nuk ka aspak lidhje me profesionin e tyre.

Sali Berisha: “Nuk ka patur dhe nuk ka asnjë kufizim në ushtrimin e këtyre lirive. Nuk ka patur dhe nuk do të ketë asnjë proces ndaj medias së lirë dhe të pavarur. Dua të theksoj edhe njëherë atë që theksoi Komisioni parlamentar, që një hetim parlamentar për tre-katër gazetarë nuk ka asnjë lidhje me gazetarinë e tyre dhe unë ju garantoj për këtë, por ka lidhje me implikimet direkte, në urdhra direkte, të dhunës dhe puçit dhe me veprime të tjera që do ti bëhen të ditura publikut. Dhe kurrë ndonjëherë në këtë vend sa të jemi ne në pushtet, një gazetar nuk do të gjykohet, nuk do të paditet, nuk do të pësojë, për opinionin e tij, për shkrimin e tij, për mendimin e tij, por tjetër gjë është gazetaria dhe tjetër është implikimi në veprime konkrete, që nuk kanë asnjë lidhje me gazetarinë, por kanë lidhje me veprime të tjera”

TV Klan

[Albo]

Shtyhet seanca për kreun e SHISH

Komisioni hetimor parlamentar për ngjarjet e 21 janarit ka shtyrë seancën dëgjimore me kreun e Shërbimit Informativ Shtetëror, Bahri Shaqiri. Mësohet se anullimi është bërë për shkaqe teknike.

Lajmi bëhet i ditur nga kryesia e Kuvendit. Burimet shtojnë më tej se paraqitja e kreut të SHISH do të bëhet në një seancë tjetër, data e të cilës nuk është caktuar ende.

ORA News

[Albo]

Ina Rama: Po kryhen hetimet për 21 janarin

Gjatë dëshmisë së saj në Komisionin Hetimor parlamentar të ngritur për ngjarjet e 21 janarit, Prokurorja e Përgjithshme, Ina Rama ka deklaruar se Prokuroria po heton në lidhje me këto ngjarje ndërsa rezultatet do të dalin në fund të hetimit.


"Çdo ngjarje kriminale është objekt i hetimit penal të Prokurorisë, e cila do të ketë një konkluzion përfundimtar mbështetur në hetimet e plota", ka thënë Ina Rama.


Ajo është larguar nga Komisioni Hetimor pas pak minutash ndërsa nuk ka pranuar t`i përgjigjet pyetjeve të anëtarëve të këtij Komisioni.

ORA News

[leci]

Hetimi i gazetarëve, Berisha: S’ka lidhje me profesionin e tyre

Një debat i madh është hapur këto ditë në lidhje me vendimin e komisionit hetimor parlamentar për të shtuar edhe disa gazetarë në listën e personave që do të thirren për të dëshmuar.
Sot kryeministri Berisha sqaroi se thirrja e gazetarëve nuk ka aspak lidhje me profesionin e tyre.

Sali Berisha: “Nuk ka patur dhe nuk ka asnjë kufizim në ushtrimin e këtyre lirive. Nuk ka patur dhe nuk do të ketë asnjë proces ndaj medias së lirë dhe të pavarur. Dua të theksoj edhe njëherë atë që theksoi Komisioni parlamentar, që një hetim parlamentar për tre-katër gazetarë nuk ka asnjë lidhje me gazetarinë e tyre dhe unë ju garantoj për këtë, por ka lidhje me implikimet direkte, në urdhra direkte, të dhunës dhe puçit dhe me veprime të tjera që do ti bëhen të ditura publikut. Dhe kurrë ndonjëherë në këtë vend sa të jemi ne në pushtet, një gazetar nuk do të gjykohet, nuk do të paditet, nuk do të pësojë, për opinionin e tij, për shkrimin e tij, për mendimin e tij, por tjetër gjë është gazetaria dhe tjetër është implikimi në veprime konkrete, që nuk kanë asnjë lidhje me gazetarinë, por kanë lidhje me veprime të tjera”

TV Klan

Albo ke edhe ne forum disa persona qe kane nxitur protestat e dhunshme.
Ke te drejte ti japesh komisionit per puçin e 21 janarit emrat dhe e-mail.

[Albo]

Albo ke edhe ne forum disa persona qe kane nxitur protestat e dhunshme.
Ke te drejte ti japesh komisionit per puçin e 21 janarit emrat dhe e-mail.

Nese ata persona jane bere objekt i hetimeve te Prokurorise, jane ndaluar, arrestuar apo po hetohen ne gjendje te lire, dhe prokuroria ka siguruar informacion mbi ta, mund ti drejtohet ketij forumi e cdo forumi ne Internet, per informacion ne lidhje me mendimet qe ky person ka shprehur. Kerkesa do te ishte e formes: "A keni nje person te regjistruar ne forum me kete adrese email?". Dhe une si administrator i forumit, e kam per detyre qe ti pergjigjem kerkeses, me PO apo JO dhe me emrin e regjistruar ne forum.

Ajo qe ne nuk bejme eshte te bejme publik informacionin personal te anetareve tane, i cili nuk eshte publik ne forum, sic eshte adresa e email. Forumi eshte shume transparent: kushdo lexon mendimet qe anetaret shprehin, kushdo lexon informacionin personal ne profilin e anetareve, kushdo mund te kontaktoje anetaret me mesazh privat ose email nese keta kane zgjedhur qe te pranojne mesazhe te tilla.

Dallimi midis njerezve te qyteteruar dhe njerezve te pagdhendur eshte pikerisht respektimi i ligjeve te atij vendi, dhe respekti ndaj institucioneve demokratike. Keto ligje e keto institucione nuk u perkasin partive politike, na perkasin te gjitheve. Dhe ata njerez te pagdhendur qe nuk e kuptojne kete gje, zgjedhin rrugen para institucioneve, zgjedhin dhunen perpara zgjedhjeve e votes, zgjedhin vetegjyqesine e rruges perpara gjykatave te atij vendi.

Albo

[juanito02]

Te dyja keto institucione sot kane injoruat totalisht komisionin nje ngjyresh paralmetar qe po heton ngjarje qe ja ka shpallur rezultatin pa filluar pune.
Presidenti nepermjet juristeve te tije ka quajtur ta paligjshem komision dhe sqarojne juridikisht se si.
Ndersa prokuroja e pergjithshme ka vajtur ne seline komisionit ne parlament dhe i ka rreshtuar juridikisht se nuk mund ti pergjigjet pyetjeve te ketij komisioni.

Nderkohe i dërguari i Bashkimit Europian në Tiranë, Miroslav Lajçak ka deklaruar se hetimet për ngjarjet e 21 janarit duhet t’i kryejë prokuroria dhe jo komisioni hetimor. Lajçak tha se aq më pak këtë mund ta bëjë një komision njëngjyrësh siç është komisioni hetimor i ngritur nga mazhoranca.

Domethene kjo puna e Berishes me puc cdo dite po del qe eshte nje donkishotizem klasik i shpikur nga mania e pushtetit dhe i kundershtuar nga kushdo rretherrotull si shpikje idjote per te mbuluar krimet qe i nisi per te inkriminuar opoziten por per fat te keq te tij i plasne ne dore.

Kesaj i thone vate Berisha vate; Me nder te zoteris tate.

[Station]

Te dyja keto institucione sot kane injoruat totalisht komisionin nje ngjyresh paralmetar qe po heton ngjarje qe ja ka shpallur rezultatin pa filluar pune.Presidenti nepermjet juristeve te tije ka quajtur ta paligjshem komision dhe sqarojne juridikisht se si.
Ndersa prokuroja e pergjithshme ka vajtur ne seline komisionit ne parlament dhe i ka rreshtuar juridikisht se nuk mund ti pergjigjet pyetjeve te ketij komisioni.


Kesaj i thone vate Berisha vate; Me nder te zoteris tate.

Në fakt unë nuk mendoj se Presidenti i Rrepublikës, K/Prokurorja dhe drejtori i Shërbimit Informativ kanë injoruar Komisionin Parlamentar hetimor, por ata kanë treguar integritet në detyrë dhe rrespekt për ligjin.
Më në fund njeriu që bërtet gjithë ditën "ligji, ligji, dhe vetëm ligji" dhe asnjëher nuk pyet për ligjet e këtij vendi duhet të mësojë se në një Demokraci zbatimi i ligjit është primar dhe i vetmi.

[Albo]

Berisha: Topi e Ina Rama, urdhër të më hetonin nëse s'eleminohesha me puç

Kryeministri Sali Berisha raportoi dje në Komisionin Hetimor Parlamentar mbi ngjarjet e 21 janarit, të cilën ai e cilësoi si një puç për marrjen e pushtetit me dhunë. Kreu i qeverisë u tregua i ashpër me SHISH, por edhe me institucionet e tjera.

Në të njëjtën kohë, Berisha deklaroi se grushti i shtetit ka qenë real, madje sipas tij ka pasur disa skenarë dhe njëri prej tyre ka pasur si qëllim ndjekjen e tij nga Prokuroria.


Eduard Halimi: Z. Kryeministër do të fillojmë me paraqitjen nga ana juaj të informacioneve që keni pasur para datës 21 janar, si dhe masat që keni marrë për përballimin e situatës kur u rrethuat për 5 orë si dhe duam një këndvështrim nga ana juaj mbi hetimin e veprimtarisë së institucioneve shtetërore për zbulimin, identifikimin, përballimin, neutralizimin, pengimin dhe ndëshkimin e veprimit të organizuar kriminal për dhunimin e institucioneve dhe përmbysjen e rendit kushtetues në datën 21 janar 2011.

Sali Berisha: Sot jam këtu për të dëshmuar për ngjarjen më të shëmtuar në historinë e shtetit shqiptar, nga qershori i vitit 1924 gjer më sot, për një puç grusht shteti, të organizuar nga trojka Edvin Kristaq Rama, Gramoz, Ruçi, Skënder Gjinushi, për të përmbysur me dhunë pushtetin e dalë nga zgjedhje të lira dhe të ndershme, për t'i kthyer Shqipërisë dhe shqiptarëve kohërat e republikave të bananeve, kohërat më të vështira, më të pasigurta e më të pamerituara për qytetarët shqiptarë. Partia Socialiste është e vetmja parti, e cila në kongresin e saj të qershorit të vitit '90 do të sanksionohej si trashëgimtare juridike e Partisë së Punës të Shqipërisë. Në vitin '97, Partia Socialiste përdori dhunën, armët e të gjitha mjetet për të ardhur në pushtet. Partia Socialiste nuk bëri kurrë zgjedhje të denja për një vend dhe pasi i humbi ato, me drejtimin e ri dhe dua ta theksoj me drejtimin e ri, sepse unë, me gjithë kundërshtinë e jashtëzakonshme që kam pasur me kryetarin e saj të mëparshëm, kam vlerësuar e vlerësoj faktin se ky zotëri pranoi rotacionin e pushtetit, ndërsa udhëheqja aktuale, trojka Rama, Ruçi, Gjinushi, gjatë gjithë këtyre viteve, nuk kanë bërë asgjë tjetër, veçse të minojnë me çdo kusht votën e lirë të shqiptarëve, pushtetin e dalë prej saj. Ky ishte një grusht shteti i kryer ditën për drekë, para mediave të Shqipërisë e të mbarë botës. Urdhër, banditëve u jepte kryetari i puçit, por edhe ish-ministri i Sigurimit të Shtetit, Gramoz Ruçi, edhe ish-ministri i regjimit të Enver Hoxhës, Skënder Gjinushi, madje dua të them dhe ministra e mbi ministra të atyre që shqiptarët i nxorën me votë nga pushteti dhe që erdhën me dhunë. Ai ka pasur skenarin tipik puçist, i cili filloi me montimin, falsifikimin e një video nga Edvin Kristaq Rama, me ndihmën e një hierarku, e një persekutori të vjetër të Sigurimit të Shtetit, njeriut që burgoste me ekspertizat e tij hanxhar të rinjtë shqiptarë, edhe djalin e tribunit legjendar të lirisë së shqiptarëve, të Abaz Kupit, Fatbardh Kupi. Këtu është dokumenti i njeriut që 30 vjet më parë, me dëshminë e tij do të bënte që të dënohej me 12 vjet burg një i ri për hartimin e maturës që kishte bërë dhe ky është çakalli i Edvin Ramës, me të cilin filloi edhe skenari i grushtit të shtetit. U shfaq një video. Zoti kryetar, reagimi im ndaj asaj videoje ka qenë i fuqishëm dhe jo se unë u lëndova personalisht, por se e perceptova atë si fillimin e një skenari ogurzi. Në rast se qytetarëve u kujtohet në mënyrë të përditshme në parlament dhe kudo, u ndërmorën sulmet më të fuqishme kundër manipulatorit dhe organizatorit të këtij manipulimi. Për 10 ditë resht, deputetë dhe drejtues të PS-së në rrethet Has, Kukës, Pukë, Shkodër, Lezhë, Mirditë, Peshkopi, Burrel, Tiranë, Durrës, Krujë, Librazhd, Elbasan, Korçë, Kolonjë, Përmet, Tepelenë, Gjirokastër, Vlorë, Sarandë rekrutuan mercenarët, paguan sipas dokumenteve të pakundërshtueshme 200 deri në 300 dollarë vetëm për dhunën, 50 deri në 100 dollarë për transportin dhe shpenzime të tjera. U mblodhën për t'u shpërndarë nga baronët e krimit të organizuar në krye të PS-së Fidel Ylli, Tom Doshi, Sadri Abazi, Artan Dulaku, Koço Kokëdhima e të tjerë rreth 2 milionë euro. Janë shpërndarë 1.3 milionë dhe të tjerat janë në rezervë, apo kanë përfunduar në xhepat e tyre, sepse bashibozukët atë ditë u kthyen e po vidhnin protestuesit në mënyrën më çnjerëzore. Me këto para janë siguruar ngarkesat e tritolit, janë siguruar armët e veçanta, kallashnikovët. Zoti kryetar, në mediat e këtij vendi janë transmetuar thirrjet që vinin nga kullat binjake nga drejtuesit e tyre: përpara, hyni, çani portën. Por sot disponojmë dokumente të pakundërshtueshme se deputetët kryesorë të kësaj partie kërkonin me çdo kusht, urdhëronin me telefon nga lokalet e Fidelit: përpara, ecni, mos kini frikë, të shtënat janë me fishekë manovre, ju do fitoni dhe gjenerali tjetër që pyeste t'u çojmë tani kallashët apo më vonë. Tek "Tajvani", një makinë e veçantë ishte e mbushur me tritol, në kallëpe 400 gramëshe, të cilat u shpërndanë dhe i hodhën në mënyrë të përsëritur kundër Gardës dhe Policisë së Shtetit. Makinat me kallashnikovë ishin afër. Edi Rama qëndronte në krye të komandës. Në rast se ndonjëherë një nga puçistët, i sigurt në disfatën, i sugjeroi të largohemi se humbëm, kryepuçisti i thotë në asnjë mënyrë, të vazhdojë beteja. Ëndërronte, besonte se me ata banditë, me ata njerëz të hurit e të litarit, të gurit e eksplozivit, do mund të vinte në zyrën e Kryeministrit. Kryeministria, Këshilli i Ministrave kishte një mbrojtje të plotë e totale. As 200, as 2000 e as 20 mijë nuk mund ta merrnin atë. Kurrë! Por natyrisht, pjesa më kriminale e kësaj ngjarjeje ishte në bunkerin e Fidelit. Aty, Edvin Kristaq Rama me puçistin Ruçi, Gjinushi, me bllokmenë të tjerë, por dhe eksponentë të mafias që ka, të dy dulakët, me pasardhës të bllokut, me të ashtuquajturit gazetarë, të cilët do të botonin në faqet e zeza të tyre njoftimin se Berisha u arratis, kërkoi strehim në Ambasadën Serbe. Të gjithë ishin në komandë. Që të gjithë janë të dokumentuar. Në komandë ishin edhe ata deputetë të PS-së që rrethuan me zjarr Kryeministrinë dhe i prinë zjarrit. Keni bërë një akt shumë të përgjegjshëm, kërkuat tabulatet. Tek Shekspiri thuhet drama gracka, ku shpirti i mbretit kapet si laraska. Tabulatet u bënë edhe gracka, ku shpirti i puçistëve kapet e bie si laraska. Ata e dinë veten e tyre ndaj këtij akti, çka i ka tronditur puçistët, sepse në ato kontakte janë të gjitha lidhjet e tyre me krimin, në ato kontakte qëndrojnë të gjitha lidhjet e tyre me puçin. Në mëngjesin e datës 21 janarit, si akti i parë zyrtar kam thirrur ministrin e Brendshëm dhe Drejtorin e Përgjithshëm të Policisë së Shtetit dhe u kam kërkuar t'u transmetojnë Policisë së Shtetit dhe Gardës porosinë time për vetëpërmbajtje maksimale, të dëshmojmë respekt të madh për protestën paqësore, për ata që duan të protestojnë në mënyrë paqësore. Ajo që është e papranueshme dhe që kërkon një hetim të thellë nga juaj është fakti se Shërbimi Informativ Kombëtar, Agjencia përgjegjëse për zbulimin dhe kundërzbulimin në këtë vend, që një nga objektivat kryesorë ka mbrojtjen e rendit kushtetues, nuk ka sjellë as edhe informacionin më të vogël. Kërkesës së Drejtorit të Përgjithshëm të Policisë në datën 16 janar dhe ju do keni disponibël dokumentin, kjo agjenci i përgjigjet se nuk ka asgjë të re. Ndërkohë kur ne kishim informacione të plota për atë që mund të ndodhte. Cili është shkaku dhe arsyeja, çfarë ia lidhi sytë e i shurdhoi veshët këtij Shërbimi, për të cilin qeveria shqiptare shpenzon sot, për punonjësit e saj 70 për qind më shumë se në vitin 2006. Natyrisht, ishte një shërbim me 1500 vetë dhe i binte të ishte 10 herë më i madh se Shërbimi i Britanisë së Madhe, po ta proporcionojmë për frymë, u ridimensionua dhe arriti në 950 vetë dhe për punonjësit shpenzimet në këtë Shërbim janë rritur 70 për qind, sa asnjë institucion tjetër i vendit. Kjo çështje meriton një hetim i plotë. Nëse këta sy të lidhur e veshë të shurdhur kanë lidhje me vendosmërinë e Kryeministrit për të përcaktuar mandatin, është në tagrin tuaj ta hetoni. Pas një kërkesë të bërë nga aleati e vendi që ka përgjegjësinë kryesore në botë për sigurinë unë e shtyva, ndonëse unë mbeten dhe i qëndroj parimit të mandatit. Por një vend që ka bërë gjithçka për Shqipërinë më shumë se kushdo tjetër nuk mund të mos dëgjohej nga Kryeministri dhe këtë e bëra pasi bisedova me zyrtarë të qeverisë amerikane me një mirëkuptim. Natyrisht, jo se unë do të hiqja dorë nga mandati, por normale që në çështjet e sigurisë e them edhe haptas, ne mbështesim kudo e për çdo gjë qeverinë e Shteteve të Bashkuara, e mbështesim sepse ato kanë përgjegjësinë kryesore në botë për sigurinë e paqes e stabilitetit. Kjo është arsyeja. Shërbimi Informativ në disa rrethe, ju duhet të hetoni nëse kanë dërguar apo jo të dhëna në qendër, nuk mund ta them. Unë personalisht di të them këtë që thotë policia. Është e papranueshme që gjatë ditës së puçit Drejtori i Shërbimit Informativ nuk i ka hapur telefonin Drejtorit të Përgjithshëm të Policisë, i cili i ka telefonuar në mënyrë të përsëritur. Po ditën e puçit, ky zotëri i ka deklaruar Shefit të Shërbimit të Inteligjencës Ushtarake se nuk ka asgjë të veçantë. Dhe kjo është një deklaratë në drekë. Komisioni duhet të hetojë për të gjithë këto. Një faktor tjetër politik i këtij puçi, siç do faktohej, Prokurorja e Përgjithshme do të vendoste arrestimin e të gjithë zinxhirit të komandës së Gardës, në mënyrë që puçistët të demonstronin lirshëm kundër horrave të Gardës e të pushtonin institucionet. Ministri më informon herët e më thotë se na ka ndodhur kjo gjë. Por unë kisha informacion edhe për stadin B dhe për stadin C të puçit, ndaj nuk isha aspak i papërgatitur. Në këto kushte, ministri lidhet në telefon me Prokuroren e Përgjithshme dhe i thotë se në rast se arrestonin pa asnjë hetim të gjithë zinxhirin e komandës së Gardës, me kë do t'i mbrojmë institucionet, pasi ai i kishte shpallur luftë horrave të Gardës që nuk e lanë të realizonte qëllimin e tij puçist. Burimet direkt nga Prokuroria e Shtetit më informojnë se ishte përgatitur grupi i gatshëm, i cili, në rast se Kryeministri nuk do eliminohej me puç, do të merreshin me hetimin e tij. Nga Prokuroria e Përgjithshme më njoftojnë se ky është urdhër direkt i Prokurores së Përgjithshme, në bashkëpunim me kreun e shtetit. Ndërkohë, të nderuar deputetë, në deklaratën që kreu i shtetit kishte lëshuar pasdite, në kulmin e agresionit ndaj Këshillit të Ministrave, Shkëlqesia e tij nuk citonte as edhe një herë të vetme fjalën dhunë. Shkëlqesia e tij, Presidenti i Republikës i kërkonte të gjithë faktorëve të negocionin për të qetësuar protestuesit. Ndërkohë dërgonte zëdhënësin e tij të pashpallur në Top Channel, ku shprehej se Berisha duhet të negociojë me banditët. Këto janë problemet, një besëprerë dilte aty dhe thoshte se Berisha duhet të shqyrtojë dhe zbërthente, po nuk e kuptova se kush ia kishte shkruar shokut atë komunikatë ky atij, apo ai këtij. Pra, i kërkohej Kryeministrit të rrethuar që të turpëronte flamurin e të negocionte me banditë. Kjo është deklarata. Presidenti i Republikës duhet të japë shpjegime se çfarë ia mbylli sytë atij që nuk pa dhunën që panë shqiptarët kundër institucionit kushtetues, cilat ishin ato mure që nuk e lanë atë të shohë, cilat ishin ato ekrane që nuk ia paraqitën atij këtë dhunë. Kjo është çështje, të cilën ju duhet ta hetoni. Shqiptarët duhet ta mësojnë të vërtetën. Një gjë dua t'ju garantoj se ndaj tij në mënyrë të përsëritur kam dëshmuar respekt, respekt dhe vetëm respekt. Që tre muaj kur ka ardhur pas emërimit në Partinë Demokratike, në atë seli ky zotëri ka pasur vetëm mbështetjen dhe respektin e kryetarit të saj. Tani ishte e habitshme. Të nesërmen, ministri më thotë se kishte një takim Presidentin në orën 10.00. E pyes përse e kishte kërkuar atë takim dhe m'u përgjigj për arrestimet e Gardës. I them të mos merrej me këtë, pasi unë kam informacionet e mia dhe që gjithçka kombinohej mes Prokurores së Përgjithshme dhe atij. Por meqenëse do të shkosh, pasi nuk ke pse e anulon takimin, i thashë shtroi një pyetje: Zoti President, mbi pesë orë është sulmuar në mënyrë barbare Policia e Shtetit dhe institucioni kushtetues i Këshillit të Ministrave. Dhe përgjigja e Presidentit të Republikës ishte kjo: opozita ka vetëm fjalë. Së dyti, kur po diskutohej çështja e arrestimit të zinxhirit të komandës së Gardës, Presidenti i Republikës i drejtohet ministrit Basha: Ki kujdes, ato letrat e tua. Në një situate të tillë, për të parandaluar zhvillime, ministri takon përfaqësuesit kryesorë diplomatikë dhe unë i thirra në takime të veçantë dhe në grup. Në këto takime i informova për zhvillimet dhe u kërkova që të sjellin hetues dhe të kontribuojnë në zbardhjen e kësaj të vërtete. Ne jemi shumë të hapur ndaj çdo hetimi, se do të vlerësoja shumë çdo kontribut në këtë drejtim dhe se nuk kam asnjë tendencë, në mënyrë absolute, për të parandaluar asnjë lloj hetimi. Përkundrazi, të secili nga ata, për të cilët është lëshuar mandat arresti, është i gatshëm të deponojë nga ora 12 e natës në orën 12 të ditës, por jo nën arrest kolektiv, siç veproi kryeprokurorja. Në një zhvillim intensiv takimesh, ambasadori i SHBA-ve njoftoi se qeveria amerikane ka pranuar dhe është e gatshme të ofrojë ndihmë për hetimin, pasi besueshmëria e institucionit ishte kompromentuar në shkallën maksimale nga titullari i saj. Ky titullar, por edhe zoti Rama pranuan që ekspertë të shquar të SHBA-ve t'i bashkohen hetimit, duke e konsideruar hetimin si elementi më themelor të zgjidhjes së kësaj krize të rëndë, të krijuar nga tentativa për të marrë pushtetin me dhunë nga kreu i PS-së, së bashku me Gramoz Ruçin e Skënder Gjinushin. Në mënyrën më të papërgjegjshme, në prani të ambasadorit të SHBA-ve, prokurorja e vendit deklaron para gazetarëve se nuk kishte marrë asnjë padi nga policia për dhunim të rendit kushtetues, në një kohë kur e kishte marrë të paktën 24 orë përpara. Ju kërkua në mënyrë të përsëritur të japë sqarime, por nuk pranoi. Ajo që është më e rënda, e rëndë njëlloj sa rrethimi i Kryeministrisë dhe sulmi ndaj saj, ishte shkelja e marrëveshjes me faktorin ndërkombëtar që bëri prokuroria e vendit. Ne, për të kontribuar në një progres, vendosëm dhe ramë dakord që të gjithë anëtarët e Gardës të paraqiteshin për hetim, urdhrat e arrestit do të anuloheshin e do të vazhdonte hetimi sipas të gjithë procedurave, me gjykatë e gjithçka tjetër. Në mënyrë befasuese, kjo zonjë, pasi kishte dhënë miratim të plotë për një marrëveshje hollësisht të negociuar, e shkel atë dhe gardistëve të paraqitur për hetim kërkon me çdo kusht t'u vërë hekurat, pasi mitingu ishte të premten. Hetimi i shkaqeve të shkelmimit të kësaj marrëveshjeje duhet të jetë një nga pistat kryesore në hetimin e grushtit të shtetit, cila ishte qendra, cili ishte truri, cili ishte bosi që urdhëroi zonjën të grisë marrëveshjen. Ka një rëndësi të madhe për vendin që kjo të gjendet. Prandaj ju djegin shumë tabulatet, se të nesërmen e puçit në orën 5 pasdite, zonja merr në telefon Drejtorin e Përgjithshëm të Policisë dhe i kërkon ekzekutimin e mandateve. Drejtori i thotë se i keni plotësuar me lapsuse teknike dhe vetëm 30 minuta më vonë, Edi Rama, kryepuçisti, paraqitet para mediave dhe deklaron se policia nuk po ekzekuton mandatet, sepse thonë se kanë lapsuse teknike. Unë kam indicet e mia se cili ishte komunikimi i zonjës Rama me zotin Rama, por është në tagrin tuaj dhe unë do të përpiqem të jap ndihmesën time. Por sidoqoftë, lemeria nga tablatet flet vetë. Jam këtu për t'u shprehur një mirënjohje shumë të thellë qytetarëve të Tiranës, por në tërësi qytetarëve shqiptarë, të cilët me maturinë e tyre të qëndrimit demokratik, me përgjegjësinë e tyre lanë në vetmi 200-300 banditë, njerëz të hurit e të litarit, bënë që një grup aventurierësh të ndryrë në kullat binjake, në lokalin e Fidelit, pinjollë të Bllokut, lakej e çakej të tyre përreth, të përjetojnë dëshpërimin dhe turpin më të madh për dështimin e tyre. Unë dua të falënderoj të gjithë ata qytetarë, të cilët dhanë dhe japin një kontribut të madh për të qartësuar rolin e gjithsecilit, atyre që ishin në bunker dhe atyre që ishin në shesh.


Fatos Hoxha: Zoti Kryeministër, nga ato që raportuat ju sot këtu, po edhe gjatë seancës plenare, është evidentuar se Drejtoria e Përgjithshme e Policisë ose Drejtori i Përgjithshëm i Policisë nuk ka pasur informacion nga SHISH, pavarësisht kërkesës që ka bërë policia ndaj këtij shërbimi, mos gaboj në datë 15 janar. Në ligjin për Shërbimin Informativ, neni 5, pika 2, ky shërbim detyrohet që t'i japë Kryeministrit informacion në lidhje me çështjet e sigurisë. A keni pasur ju si Kryeministër i vendit informacion direkt nga SHISH, në lidhje me ngjarjet e 21 janarit?

Sali Berisha: Unë sqarova se kam pasur informacione të shumta, por jo nga Shërbimi Informativ Kombëtar dhe nuk ka pasur as nga Policia e Shtetit.

Fatos Hoxha: Pyetja e dytë ka të bëjë me puçin, siç e quani ju të datës 21 janar. Dhuna në këtë demonstratë u paralajmërua dhe u provokua, vetë demonstrata nuk pati asnjë mesazh politik. Gjatë gjithë kohës u ushtrua vetëm dhunë dhe sulm mbi institucionet. Në këndvështrimin tuaj zoti Kryeministër, pse nuk ka hetim për këtë dhunë?

Sali Berisha: Gjatë demonstrimit ka pasur këto, me lejoni t'u lexoj vetëm një segment: sa kërciti pushka e parë, bërtitën me të madhe: "është momenti me u dhënë kallashët, kapni kallashët, u çoni kallashët. Gjenerali nuk quhet gjeneral, nuk është luftarak, bërtiste me të madhe. Është koha sërish, është koha me u çuar kallashët, çoni kallashët. Kreu i puçit ndodhej aty, kreu i puçit u nis të largohej kur makina që do hapte dyert e Kryeministrisë, hyri në oborrin e Kryeministrisë. Pra, nuk kishte slogane, kishte urdhra dhe komandë. Kishte urdhra, ndaj dhe ato tabulatet i kanë lemerisur, aty ishin nën komandën e Edi Ramës 3-4 persona të tjerë, të cilët urdhëronin. Ky që pyeste për kallashin, është një nga kokat kryesore të mafias shqiptare. Legnant kryesor i Edi Ramës me imunitet, për arsye hetimi, ju do t'i merrni të gjitha këto të nderuar deputetë, në përpilimin e raportit tuaj, ju garantoj. Sikundër tjetri, që u thoshte se na duhen të vdekur. Kjo përpjekje është e tmerrshme, por është humbje e madhe, po nuk pati të vdekur dhe ky është një kriminel tjetër që qëndronte mbi grupin e të ashtuquajturve analistë. Që në kohë paqe shkruanin fjalimet, në kohë lufte urdhëronin plumbat. Pra nuk kishte slogane, kishte urdhra; kishte urdhra për tritol, kishte urdhra për kallash, kishte urdhra për të gjitha veprimet. Ngazëllimi i tyre kur u hap dera ka qenë i jashtëzakonshëm. Dëshpërimi i tyre ka qenë vdekësor, kur u pa që territori nuk mund të merrej".

Fatos Hoxha: Zoti Kryeministër, përse Prokuroria në këndvështrimin tuaj nuk heton këto iniciatorë të dhunës?

Sali Berisha: Besoj se është bërë shumë i qartë qëndrimi. Në rast se Prokuroria do të kishte hapur çështje për dhunim të rendit kushtetues, ju garantoj se ju sot nuk do ishit këtu dhe unë nuk do isha përballë jush dhe ju nuk do ishit në këtë komision. Por, fakti që Prokuroria bëri gjithçka për të mbrojtur, për të arrestuar komandantët e Gardës dhe për të liruar një nga superkriminelët e atij puçi, dëshmoi se jo vetëm ka humbur pavarësinë, por ka qenë pjesë e tij. Sidoqoftë, tani dua të siguroj shqiptarët se hetimi do jetë i shkëlqyer dhe se ky hetim ka besimin e plotë të qeverisë shqiptare, por duhet të ketë besimin e plotë të të gjithë shqiptarëve. Qeveria e Shteteve të Bashkuara e ka bërë të qartë në mënyrë të përsëritur, se ajo nuk mbështet një qeveri, nuk mbështet një parti politike, ajo mbështet popullin shqiptar. Jam i sigurt, që cilado qeveri të kishte qenë qëndrimi i këtij vendi mik, do të ishte ky që u tregua në këto ditë të vështira. Ndaj dhe nuk kemi pse të mos kemi besim të plotë tek procesi hetimor.

Enkelejd Alibeaj: Zoti Kryeministër, unë do bëj skeptikun sot në këtë komision hetimor, për atë çfarë juve thatë dhe çfarë kemi parë. Në hetimin e situatës që u konstatua më 21 janar, një gjë u perceptua mediatikisht nga të gjithë; godina e Këshillit të Ministrave e rrethuar, godina e Këshillit të Ministrave e goditur, godina e Këshillit të Ministrave e cenuar. Juve thatë se që në orën 2 e 15 keni qenë në zyrën tuaj. Gjatë gjithë periudhës prej 5 orësh, kur godina e Këshillit të Ministrave ishte në këtë agresion dhe ju ndodheshit brenda, a keni pasur ju kontakte me krerët e institucioneve shqiptare?

Sali Berisha: Së pari, unë kam qenë në komunikim periodik me ministrin Basha, i cili më ka ardhur në zyrë dhe i kam kërkuar që të ndjekë detyrën. Me kryetaren e Parlamentit kam komunikuar periodikisht, me ministrin Imami dhe të tjerë. Me drejtorin e përgjithshëm të policisë kam ndjekur çdo minutë zhvillimet.

Enkelejd Alibeaj: Zoti Kryeministër, ju thatë në shpjegimet tuaja që ky është një grusht shteti dhe ky është një përkufizim dokrinal, siç ju e shpjeguat më parë. Sigurisht, ka anën e dukshme, atë ç'ka ne pamë të gjithë dhe gjithë shoqëria e pa dhe një anë të padukshme, ose qëllimi që duhej të arrihej nga ai agresion ndaj jo vetëm godinës së Këshillit të Ministrave. Në këtë rast, unë do doja të dija, juve thoni që sjellja e institucioneve shqiptare, ato të cilat drejtpërdrejtë apo tërthorazi kanë pasur detyrimin të informonin, parandalonin, madje dhe të ndëshkonin kanë qenë thjesht pasive që është varianti i parë. Kanë qenë aktive, por në kundërshtim me ligjin varianti i dytë?

Sali Berisha: Kurrë atë ndërtesë nuk mund ta merrte kush, kjo ishte jashtë çdo lloj dyshimi. Problemi im më kryesor ishte çmimi i mbrojtjes, po mbrojtja e flamurit ishte absolute. Nuk mund të bëj fjalë që kush të merrte ndërtesën me asgjë, ndërtesa nuk mund të merrej. Ndërtesat, Garda e Republikës u garanton një mbrojtje të shkëlqyer të gjithanshme, ndërkohë punonjësit aty janë të detyruar të nderojnë detyrën, janë të detyruar që për territorin brenda të shndërrohen në gardistë. Dhe absolutisht nuk kam pasur as impresionin më të vogël nga një grup bashibozuksh. Natyrisht, rregulli donte që të mos i hidhja në Lanë, po të shkonin te drejtësia. Ju garantoj ju, që ekzistonin të gjitha forcat që ata, po të ishte puna të përgjigjeshim flakë për flakë, do u jepej siç e meritonin. Por kjo nuk mund të ndodhte në një vend me institucione të forta dhe demokratike. Nuk kishte asnjë arsye, aty isha Kryeministri i vendit, duhet të nderoja detyrën time.

Gent Strazimiri: A e keni ndjerë veten të kërcënuar ju personalisht dhe e dyta, ju a kishit dijeni se eliminimi fizik ishte një nga objektivat e asaj dite?

Sali Berisha: Dua t'ju garantoj, se përveç momentit të dështimit të plotë dhe total të shërbimit për të informuar për atë përgatitje, nuk ekzistonte asnjë e dhënë tjetër e këtij shërbimi. Nuk kam asnjë arsye që unë të lëshoj dhe hijen më të vogël të dyshimit. Kam pasur ndërmend të zëvendësoj kreun e SHISH mbi bazën e mandatit. E kam pasur dhe e kam shtyrë, sepse ka përgjegjësi për botën. Përsa i përket qëndrimit tim, natyrisht ato pesë orë i kam përjetuar dhe nuk mund të them pa dhimbje, se ata policë që goditeshin nga një grup kriminelësh, të droguarish, mercenarësh, të cilëve u ishte thënë se në orën 12 të ditës, u thanë që ka rënë Sali Berisha se ai sot e ka fundin e tij. Tani le të ngrinin gurët e themelet Kryeministrisë. Unë personalisht, përveç keqardhjes që ndieja për policinë dhe Gradën, në drejtim të të cilëve hidheshin tritole dhe që kishte prapa vetëm murin, kurse për vete s'e kam ndierë fare. Absolutisht, e para brenda nuk hynin. E dyta, po të ndërmerrnin një sulm frontal, do të ndërmerrnin një disfatë totale. E parashikoja, por pastaj do të kishte një tjetër gjë, sepse s'do të flinin me mburoja. Ka rregulla të tjera, prandaj unë s'kam ndjerë asnjë lloj rreziku dhe i kam pasur veshët të qetë, si çdo ditë. Nuk mund të ketë impresione.

Gent Strazimiri: Gjatë atyre 5 orëve të rrethimit, ju s'keni pasur asnjë telefonatë as nga Topi, as nga kreu i SHISH, apo Prokurorja për t'ju pyetur si jeni?

Sali Berisha: Jo, skam pasur asnjë. Kam pasur me qindra nga qytetarët. Kam pasur me qindra qytetarë nga mbarë Shqipëria, por s'kam pasur me ta dhe s'kisha nevojë.


Panorama

[leci]

Te dyja keto institucione sot kane injoruat totalisht komisionin nje ngjyresh paralmetar qe po heton ngjarje qe ja ka shpallur rezultatin pa filluar pune.
Presidenti nepermjet juristeve te tije ka quajtur ta paligjshem komision dhe sqarojne juridikisht se si.
Ndersa prokuroja e pergjithshme ka vajtur ne seline komisionit ne parlament dhe i ka rreshtuar juridikisht se nuk mund ti pergjigjet pyetjeve te ketij komisioni.

Nderkohe i dërguari i Bashkimit Europian në Tiranë, Miroslav Lajçak ka deklaruar se hetimet për ngjarjet e 21 janarit duhet t’i kryejë prokuroria dhe jo komisioni hetimor. Lajçak tha se aq më pak këtë mund ta bëjë një komision njëngjyrësh siç është komisioni hetimor i ngritur nga mazhoranca.

Domethene kjo puna e Berishes me puc cdo dite po del qe eshte nje donkishotizem klasik i shpikur nga mania e pushtetit dhe i kundershtuar nga kushdo rretherrotull si shpikje idjote per te mbuluar krimet qe i nisi per te inkriminuar opoziten por per fat te keq te tij i plasne ne dore.

Kesaj i thone vate Berisha vate; Me nder te zoteris tate.

Komisioni per puçin e 21 janarit.
Duhet te jesh psikopat te emerosh nje komision unilateral ne kete menyre.
Eshte normale qe bota qesh me ne.

[Albo]

Fjala e Prokurores se Pergjithshme, Znj Ina Rama, ne seancen e Komisionit Hetimor Parlamentar

02.02.2011


I NDERUAR Z. KRYETAR I KOMISIONIT

TE NDERUAR ANËTARË,

Jam thirrur sot prej jush në këtë seancë pyetjesh në zbatim të nenit 14 germa “b” e ligjit nr. 8891 datë 02.05.2002 “për organizimin dhe funksionimin e komisioneve hetimore” me cilësinë e titullarit të institucionit, pra në cilësinë e Prokurores së Përgjithshme të Republikës së Shqipërisë.

Jam këtu sot, para jush, pikërisht në respektim të kushtetutës, ligjit e institucioneve të vendit tim .

Për sa më sipër, në emër të pozicionit tim, doja t’ju parashtroja sa më poshtë :

Sipas kuadrit kushtetues e ligjor, prokuroria është konceptuar si organ i pavarur, që në ushtrimin e funksioneve të saj i nënshtrohet vetëm Kushtetuës dhe ligjeve.

Në nenin 8 të ligjit ”Për organizimin dhe funksionimin e prokurorisë” është parashikuar se “Prokurori i Përgjithshëm është autoriteti më i lartë për ushtrimin e ndjekjes penale dhe përfaqësimin e akuzës në gjyq në emër të shtetit…”.

Referuar vendimit nr. 26, datë 4.12.2006 të Gjykatës Kushtetuese, këto funksione te Prokurorit te Përgjithshëm ushtrohen prej tij si drejtues profesional e jo politik i prokurorisë, karakteristika të cilat i sigurojnë pavarësinë profesionale organit të prokurorisë.

Në të njëjtin vendim, Gjykata Kushtetuese arsyeton se “Funksioni i organit të prokurorisë – si përfaqësues i akuzës në emër të shtetit (neni 148/1 i Kushtetutës), bën që ky organ të ketë të drejtën ekskluzive të vendosë ndjekjen penale ose jo, d.m.th., të shpjerë ose jo një çështje në gjyq, ta pushojë ose jo një çështje në fazën e gjykimit. Kuvendi apo komisionet hetimore të tij nuk kanë tagrën e rishikimit të vendimit të marrë nga prokuroria dhe nuk mund ta shtrëngojnë këtë të ndryshojë vendimet e saj. Në këtë kuadër, Gjykata Kushtetuese ka vlerësuar, se mjetet e kontrollit parlamentar mbi Prokurorinë nuk mund të përdoren asnjëherë si instrument për të shqyrtuar dhe vlerësuar vendimet e marra nga ana e prokurorëve për çështje konkrete. Parlamenti mund të ndikojë në institucionin e Prokurorisë vetëm nëpërmjet tagrave të tij ligjvënëse”.

Më tej, në nenin 53 të ligjit “Për organizimin dhe funksionimin e prokurorisë në Republikën e Shqipërisë” (i ndryshuar), parashikohet shprehimisht se:

1. Prokurori i Përgjithshëm raporton në Kuvend ose komisionet parlamentare të paktën një herë në gjashtë muaj ose sa herë që kërkohet prej tyre. Raportimi përmban të dhëna dhe shpjegime për numrin, llojet, shtrirjen territoriale, intensitetin dhe format e kriminalitetit në Republikën e Shqipërisë, si dhe drejtimet dhe përparësitë në luftën ndaj kriminalitetit.
2. Nuk lejohet njoftimi për çështje konkrete, me përjashtim të çështjeve të dërguara me vendim të Kuvendit ».

Për më tepër, në nenin 4 “Parime të përgjithshme” të ligjit nr. 8891, datë 02.05.2002 “Për organizimin dhe funksionimin e komisioneve hetimore të Kuvendit”, pika 5, parashikohet shprehimisht se: “Komisionet hetimore të Kuvendit paraqesin rekomandime në seancë plenare dhe, kur këto miratohen, i dërgohen Prokurorit të Përgjithshëm për marrjen e masave të mëtejshme”.

Gjithashtu, edhe vendimit i Kuvendit të Republikës së Shqipërisë nr. 82, datë 23.01.2011, “Për ngritjen e komisionit hetimor …”, ka parashikuar se objekti i tij nuk shtrihet në ato çështje dhe rrethana për të cilat Prokuroria e Republikës së Shqipërisë ka filluar procedimin penal sipas ligjit”.

Siç vërehet, ekzistojnë një sërë dispozitash që rregullojnë marrëdhëniet e Prokurorit të Përgjithshëm me Kuvendin e Shqipërisë, ndaj, dua tju sqaroj se pjesëmarrja ime në çështjen objekt hetimi i komisionit hetimor është tërësisht e bazuar me pozicionin tim kushtetues si prokurori më i lartë.
Njëkohësisht, me këtë rast, ju bëj prezent gadishmërinë e Prokurorisë Shqiptare, në mbështetje të ligjit “për organizimin dhe funksionimin e prokurorisë” dhe atij për “komisionet hetimore”, për të vlerësuar seriozisht çdo rekomandim që Kuvendi i Shqipërisë do të na përcjellë në përfundim të këtij hetimi parlamentar.
Prokuroria Shqiptare është duke kryer hetimet e saj për ngjarjet e ndodhura në datën 21 Janar. Këto hetime, po zhvillohen në mënyrë të gjithanshme, objektive dhe profesionale. Veprimtaria hetimore e drejtuar nga prokuroria e rrethit gjyqesor Tirane është orientuar si drejt hetimit te përfshirjes së strukturave shtetërore të ngarkuara me sigurinë e institucioneve publike dhe të rendit publik ashtu edhe në drejtim të hetimit të ushtrimit të dhunës, nxitësve e organizatoreve te saj.
Çdo ngjarje kriminale e cila ka ndodhur ne datën 21 janar, është objekt i hetimit penal të prokurorisë dhe vetëm në përfundim të hetimit të kësaj çështje, Prokuroria Shqiptare do të ketë një konkluzion përfundimtar, mbështetur në rezultatet e një hetimi të plotë.
Ndaj, më duhet të vërej, se çdo çështje që komisioni parlamentar është duke hetuar rreth këtyre ngjarjeve, është në mënyrë integrale e lidhur me hetimin penal të fakteve që po heton vetë prokuroria.
Në këto kushte, për shkak të:
1. Pasjes së çështjes nën hetim dhe
2. Kufizimit ligjor që parashikon ligji “për organizimin dhe funksionimin e prokurorise” për të njoftuar kuvendin për çështje të veçanta
ju bëj me dije se nuk mund tu përgjigjem pyetjeve tuaja në funksion të objektit të hetimit të këtij komisioni.
Më duhet të respektoj ligjin dhe jam e vendosur të veproj vetëm mbi bazën e ligjit.
Ky është një qëndrim në mbështetje të Kushtetutës dhe ligjit.

Ju faleminderit !


Prokuria