Berisha: Puc shteti ne 21 janar, Kryeprokuroria dhe SHISH te implikuar

[Dertlia]

PËRÇARJET QË ERRËSOJNË PERSPEKTIVËN DHE RREZIKOJNË MIRËQENJEN SHQIPTARE
************************************************** **********************
Dikush gabon çdo ditë, por pasojat i bartë vetëm gabuesi e askush tjetër. Ndërsa, të gabojë një njeri, institut, përfaqësues i popullit, pasojat mund të jenë shumë të rënda”.

Ndonëse po flas prej shpati, larg burimit të shkaktarëv dhe të pasojave por, për ti gjykuar dhe vlerësuar drejt trazirat e 21 janarit 2011nuk kërkohet mendjehollësi e madhe. Kjo aq më parë, kur sot me teknologjinë bashkëkohore mund të shihet çdo hollësi e veprimeve. Nisur nga ato veprime që i kemi parë përmes ekraneve televizive të Shqipërisë dhe deklarimeve e debatev të pafundta, që qarkullojnë rreth këtyre ngjarjeve, fitohet përshtypja, se ato trazira nuk ishin produkt i gjendjes kaotike, siç e paraqesin organizuesit e trazirave, as si dëshirë për ta përmirësuar atë gjendje dhe mirëqenjen shqiptare, por ishin produkt i tekeve dhe huqeve si dhe i lakmisë për karierë, që shprehen ndaj personit që udhëheq me qeverinë. Dhe, fatkeqësisht, me qendrim kësisoji, degradues, kundër pushtetarëve aktualë, sidomos ndaj Sali Berishës, ata po e sakrifikojnë interesin e shoqërisë shqiptare.
Ndonëse, jam i bindur se, si atakuesit kundër qeverisë, ashtu edhe mbrojtësit, do të përgjigjen para organeve të drejtësisë së shtetit shqiptar. Megjithatë shqetësimi im i thellë për gjendjen kaotike që e ka pllakosur Shqipërinë, më jep të drejtën, që edhe unë si shikues i pamjeve makabre të reprizuara nga kanalet televizive dhe si dëgjues i debateve, të jap vlerësimin tim lidhur me ngjarjet skandaloze të 21 janarit 2011, me shpresën se ky artikull, sado pak të ndikojë në kthjelljen e mendjes së keqbërësve.
Për fat të keq, shihet qartë, se ende mungon vullneti dhe sinqeriteti i palëve kundërshtare për t’i eliminuar shkaktarët që e kanë krijuar këtë gjendje ankthi e pasigurie. Nga praktika jetësore dihet, se për një çështje të caktuar problemore, nuk ekzistojnë dy të vërteta. Por, për derisa pala demonstruese (PS), sipas meje, për mungesë të sinqeritetit nuk u bindet argumenteve të sakta, andaj, ajo do ti përsëris prap gabimet dhe haraçin prap do ta paguajë populli. Ndërsa pala në pushtet, përkundër përpjekjeve për ta bindë palën demonstruese që demonstrata të manifestohet në mënyrë të qetë e paqësore, ajo u shfaq me provokime e me dhunë. Andaj forcat e sigurimit, ndonëse disa prej tyre u lënduan, ata në mënyrë shumë të përmbajtur dhe korrekte e mbrojtën selinë e qeverisë.
Tani, për të qenë apsurdi më i rëndë, kreu i palës demonstruese, duke iu referuar demokracisë, i mbështjell qëllimet e veta me gjithfarë ambalazhi, duke mos e përfillë faktin që të shikohet ujku e jo fërkemi (gjurma). Të shikohen viktimat që i vrau dora vrastare e jo t’i hudhet faji policisë së shtetit.
Tani lind pyetja, se çka mund të pritet prej qendrimeve të tilla, diametrarisht të kundërta ? Kush po i vjel pasojat prej qendrimeve të këtilla ? - Populli dhe aparati shtetëror i tij. Dhe kjo mu në momentet kyçe të kthesave historike e zhvillimeve të githanshme, si ekonomike, ashtu edhe kulturore. Vallë, çka do të kishim bërë me këso përçarje, sikur të na sulmonte armiku i jashtëm ? Tani, se ç’mu soll ndërmend thënja: “Runa Zot prej “miqve”, se prej anmiqve ruhna vet.”
Rasti e do ta përkujtoj thënjën e cituar në pjesën e parë të këtij artikulli: “Kot presim të na do dikush tjetër më tepër se që duhet ta duam ne njeri tjetrin”. Jemi bërë robër të harresës, dhe të interesave të ngushta dhe po vazhdojmë të luajmë me fatin jetik të popullit.
Pra, kush po e kërcnoka mirëqenjen e popullit shqiptar?
-Mosuniteti i manifestuar me përçarje ndërvëllazërore!!
***
Dihet mirë, se mospajtimet në mes shumicës dhe pakicës parlamentare, jo pak herë janë manifestuar me rrëmuja në seancat parlamentare, deri sa kulmoi me demonstratat e opozitës më 21 janar 2011.
Andaj, ne, si kurbetçinjë, duke dëshiruar që në Shqipëri të mbisundojë arsyeja e shëndoshë, ligji dhe mirëkuptimi në mes krerëve të klasës politike, lutemi që pjestarët e kësaj klase politike t’i sakrifikojnë intereset dhe epshet e veta keqbërëse, për t’i dhënë rrugë punës së mbarë dhe për ta çuar përpara Shqipërinë tonë të dashur. E për të shkuar puna mbarë, këta njerëz do të duhej ta mundnin vetvetën, duke e përqafuar të vërtetën, e cila tmerrsisht po piratizohet, duke rënduar mbi kurrizin e popullit. Nga të dhënat e pamohueshme dhe objektive, del, se Edi Rama, një ditë para demonstratave ka thënë përafërsisht kështu: nesër Sali Berisha do të shkelë mbi kufomat e njerëzve. Që do të thotë se, Edi Rama, me njerëzit e paguar, që janë dëshmuar për gabime e krime, ka planifikuar dhunën, që do ta demonstrojë të nesërmen, më 21 janar 2011. Gjë që edhe e realizoi. Por, pasi që nuk arriti ta pushtojë qeverinë, tani nuk pushojnë me shpifje dhe fyerje të pafundme, sidomos rreth provokimeve në fillim dhe në fund të demonstrimit, se kush provokoi i pari dhe kush i vrau ata katër persona fatzi. Se Edi Rama ka planifikuar dhe paralajmëruar dhunën në trazirat e para, vërteton edhe funerali i 28 janarit, me ç’rast iu bë homazh viktimave dhe me ç’rast u dëshmua, se kur organizohet mirë tubimi, edhe manifestohet mirë, pa kurrfarë ekscesi. Që do të thotë se edhe ai vetë, (intimisht ma thotë mendja,) është bindur, se mënyra e parë e demonstrimit ishte skandaloze. Tani, në vend që ai skandal ta detyrojë Edi Ramën, që publikisht t’i kërkojë falje publikut shqiptar dhe kreut të qeverisë, që do të kishte pasur efekt më të fuqishëm pozitiv, se sa përpjekja e tij dhe e bashkëmendimtarëve për t’i mbrojtur prap sjelljet dhe veprimet shkatërrimtare.
Dhe, ç’është me e keqja, kur ende pa u ftohur gjakrat nga sjelljet brutale të demonstruesve, grupi paralamentar i PS në krye me Gramos Ruçin, në seancën e Kuvendit të Republikës së Shqipërisë të mbajtur më 11.shkurt 2011, vazhdoi me përpjekjen për ta bërë gënjeshtrën të vërtetë. Dhe, edhe me këtë rast nuk u kursye fjalori me fyerje e kërcënime, drejtuar qeverisë dhe kryeministrit Sali Berisha.
Një qendrim i tillë kryeneqësie, që rezultoi me viktima e shkatërrim, jo që nuk do t’u sjell kurrfarë dobie aktorëve të demonstratës as shqipëtarëve në përgjithsi, por do ti sjell Shqipërisë shqetësim dhe kthim prapa përparimit të gjithanshëm.
Një qendrim i tillë kryeneqësie, do të na sjell dëshprim dhe brengosje edhe ne kurbetçinjëve shqiptarë.
Një qendrim i tillë kryeneqësie, po ia zgjatë jetën kurbetit dhe mallit tonë që e kemi për t’u kthyer, për të jetuar dhe punuar në vendlindjen tonë. Dhe, jo vetëm kaq, por raportet e këtilla kontradiktore në mes subjekteve politike, duke e errësuar perspektivën, po e dëbojnë çdo ditë e më tepër popullin shqiptar nga trojet e veta
Një qendrim i tillë do t’ua ndalë hovin edhe shumë nismave tjera, siç është bashkimi dhe integrimi i vlerave jetike shqiptare. Kjo aq më parë, kur dihet se historia e jonë e përgjakshme ka pësuar mjaft edhe nga përçarjet e brendshme, duke na krijuar zhgënjime dështime dhe prapambetje. Dhe ç’është më e keqja, se ne kurrë nuk e kemi bërë bilansin e shkaktarëve as të pasojave. Prandaj edhe na janë përsëritur ato. Nga një gjendje e tillë, mospërfillëse e fakteve dhe e së vërtetës, lindë pyetja: Në qoftë se është i saktë konstatimi, se “historia është mësuese e jetës”,atëherë, çka mësuam ne prej sajë?


Hamzë Gashi - Francë

15 shkurt 2011.

[shigjeta]

Ligjvënësi Dana Rohrabacher: Në një vend demokratik qeveria e zgjedhur duhet të mbarojë mandatin

Ligjvenësi republikan nga Kalifornia, anëtar i Komisionit për Marrëdhëniet me Jashtë të Dhomës së Përfaqësuesve Dana Rohrabacher, thotë në një intervistë për Zërin e Amerikës se në një vend demokratik, në se zgjedhjet kanë mbaruar, qeveria e zgjedhur duhet lejuar të mbarojë mandatin. Në zgjedhjet e ardhshme, thotë ai, nëse korrupsioni është i lartë dhe nëse me të vërtetë zgjedhjet janë vjedhur, ato mund të rimerren përsëri. Duke folur për Kosovën ligjvenësi republikan thotë se Serbia duhet të mësohet me realitetin se pavarësia e Kosovës është e pakthyeshme, dhe ai rekomandon që të dyja këto vende të shqyrtonin mundësinë, si pjesë e një plani gjithpërfshirës, të krijimit në Ballkan të një komonuellthi shtetesh, ku secili shtet të kishte sovranitetin e tij.

Zëri i Amerikës: Shtetet e Bashkuara kanë qënë shumë të angazhuara kohët e fundit përmes Departamentit të Shtetit, për zhvillimet politike në Shqipëri, në përpjekje për të qetësuar situatën e acaruar nga mosmarrëveshjet e thella mes Partisë Demokratike në pushtet dhe Partisë Socialiste të opozitës. Si anëtar i Komisionit për Marrëdhëniet me Jashtë të Dhomës së Përfaqësuesve të Kongresit, si i shikoni zhvillimet e fundit në Shqipëri?
Dana Rohrabacher: Gjëja më e rëndësishme që duhet kuptuar është se protestat që po shohim në Tunizi, në Egjipt dhe në vende të tjera, ku njerëzit kërkojnë reforma demokratike dhe kanë dalë në rrugë, nuk kanë gjë të përbashkët me Shqipërinë. Në Shqipëri u zhvilluan zgjedhje të drejta. Ka një parti në pushtet që u zgjodh në qershor të 2009, mandati i së cilës është deri më 2013. Pra vendi ka një qeveri të zgjedhur. Ata që kanë mosmarrëveshje me të, ose që nuk janë dakord me ato që ajo bën, nuk janë të justifikuar të dalin në rrugë për të sjellë pengesa dhe ta krahasojnë veten me njerëzit që po protestojnë kundër qeverive autoritare që nuk janë të zgjedhura. Që populli i Shqipërisë të respektohet nga Bashkimi Evropian dhe të tjerët, duhet ta mësojë se qeveria e zgjedhur duhet respektuar. Këtu në Amerikë, tani për shembull, ne republikanët nuk po dalim në rrugë për të larguar Obamën. Jo, kjo nuk ndodh. Ne po përgatitemi për zgjedhjet e ardhshme. Është e drejtë të dalësh në rrugë për të kërkuar zgjedhje të lira e të drejta, por nuk është e drejtë të kërkosh që qeveria ta ndërpresë mandatin e saj. Ajo që po ndodh në Shqipëri për mua është një papjekuri politike, veçanërisht e opozitës së fundit, e cila refuzon të njohë dhe kërkon të përmbysë rezultatin e zgjedhjeve të fundit. Ndoshta është e justifikuar, nuk e di, kur flasim për korrupsionin. Ne e dimë se ka korrupsion në qeverinë e tanishme. Por korrupsion ka patur edhe në qeveritë e kaluara. Por, kur zgjedh një qeveri, ajo duhet lejuar të mbarojë mandatin, dhe pastaj kur vijnë zgjedhjet, njerëzit duhet të vendosin nëse një qeveri e caktuar duhet apo nuk duhet zgjedhur sërish për shkak të korrupsionit.

Zëri i Amerikës: Gjendja në Shqipëri u acarua më tej pas protestës së 21 janarit të opozitës që u shndërrua në dhunë, gjatë së cilës 4 protestues humbën jetën. Të dyja palët po shkëmbejnë akuza me njëra-tjetrën lidhur me hetimet. A mban përgjegjësi qeveria për vrasjen e 4 personave?
Dana Rohrabacher: Qeveria mund por edhe mund mos të jetë përgjegjëse. Në se ka zyrtarë në nivele të larta që nxisin policinë të përdorë taktika brutale ndërhyrjeje për të shtypur një demonstratë, atëhere qeveria është përgjegjëse. Por në se policët nuk janë të trajnuar si duhet, ose në se bëhet fjalë për individë të caktuar, siç mund të gjenden në çdo forcë policore në botë, që janë elementë të papërgjegjshëm, atëhere qeveria nuk është përgjegjëse. Këto janë çështje që duhen parë, që duhen hetuar, njerëzit duhet të dëshmojnë. Nëse ka të dhëna që tregojnë se kryeministri mund të ketë sugjeruar se protestuesit duhen shtypur me çdo mjet, atëherë aty mund të flitet për përgjegjësi. Por në se policia vetë ka reaguar më ashpër se ç’duhet, kjo ndodh në çdo vend.

Zëri i Amerikës: Ka shumë analistë e vëzhgues që flasin për një sindromë lodhjeje, se komuniteti ndërkombëtar, Shtetet e Bashkuara, Bashkimi Evropian, mund të jenë lodhur tashmë me politikën në Shqipëri, që sa herë ka probleme kërkohet ndërhyrje nga jashtë. Çfarë ju vjen në mendje kur dëgjoni këto skenarë në Shqipëri që përsëriten herë pas here? Çfarë ndikimi kanë ato për imazhin e vendit?
Dana Rohrabacher: Kjo përforcon argumentin tim se në demokraci zgjedhjet zhvillohen në kohë të caktuara. Personi që është zgjedhur nuk mund të pengohet menjëherë, pa i dhënë mundësi të zbatojë politikat e tij për vendin. Të shikosh tani gjithë këto protesta, gjithë këtë aktivitet, për të rrëzuar një qeveri të zgjedhur, shumë kohë para përfundimit të mandatit, është shumë shqetësuese për njerëzit që besojnë në demokraci. Një situatë e tillë dëmton legjitimitetin, jo vetëm të kryeministrit, por të vendit në tërësi. Njerëzit në Shqipëri duhet ta kuptojnë se tani që janë në një fazë të përparuar të ekzistencës së institucioneve demokratike, dhe kjo vlen jo vetëm për Shqipërinë, nuk mund të rrëzojnë një qeveri të zgjedhur thjesht se nuk janë dakord me të dhe të shpresojnë që pjesa tjetër e vendeve të demokracive perëndimore të të konsiderojnë një vend me demokraci të pjekur. Unë e kuptoj se përse, veçanërisht zyrtarët në BE, do ishin shumë të shqetësuar se Shqipëria, që pati zgjedhje demokratike, tani po kalon në periudha paqëndrueshmërie.

Zëri i Amerikës: Opozita sjell si argument për kërkesën e saj për zgjedhje të parakohshme, faktin që në vend ka shumë korrupsion dhe zgjedhjet e kaluara, që u njohën nga OSBE-ja dhe ODIHR-i, u vodhën. A nuk kanë ata të drejtë në kërkesën e tyre?
Dana Rohrabacher: Jo aspak. Ata duhet të pranojnë se pas zgjedhjeve, pas formimit të qeverisë, nuk mund të vazhdosh t’i tërheqësh gjërat zvarrë. Këtu në Amerikë ne patëm një përvojë kur presidenti Xhorxh Bush u zgjodh president. Pati parregullsi në Florida, ne u morrëm me to, ato u bënë përcaktuese për fituesin e zgjedhjeve, presidenti Bush doli fitues dhe çështja quhet e mbyllur. Kështu ndodh në demokraci. Nuk mund të zvarrisësh gjerat që të mos ketë qeveri për një kohë të gjatë. Asnjëherë nuk mund të ketë zgjedhje të përsosura, ku opozita mos të ketë diçka për t’u ankuar. Duhet bërë më e mira e mundshme dhe duhet ecur më tej. Në zgjedhjet e ardhshme, nëse korrupsioni është i lartë dhe nëse me të vërtetë zgjedhjet janë vjedhur, ato mund të rimerren përsëri.

Zëri i Amerikës: Le të ndryshojmë temë dhe të flasim për Kosovën. Kosova sapo festoi tre vjetorin e pavarësisë. Qeveria e re, e dalë nga zgjedhjet e parakohshme, do të ndeshet menjëherë me dy çështje, me raportin e përfaqësuesit të Këshillit të Evropës, Dick Marti dhe me bisedimet me Serbinë. Le të ndalemi fillimisht tek raporti i Dick Martit.
Dana Rohrabacher: Nuk e kam lexuar gjithë raportin por jam në dijeni të analizave mbi të. Ideja se ka patur heqje organesh për trafikim dhe fakti që nuk ka dalë ndonjë person të dëshmojë se ka parë një gjë të tillë, të lë të kuptosh se kemi të bëjmë me akuza të pabazuara për një akt nga më të shëmtuarit që mund të mendohet. Po të kishte patur heqje organesh, vrasje njerëzish për t’u marrë organet, besoj do të kishim dëgjuar për një gjë të tillë prej kohe. Unë kam qënë i angazhuar intensivisht në këtë rajon për një dekadë dhe kurrë nuk kam dëgjuar një akuzë të tillë. As edhe kur forcat serbe masakruan kaq shumë njerëz, sidomos në Bosnje. Po të kishte ndodhur kam përshtypjen që do të kishim dëgjuar për gjëra të tilla. Një akuzë e tillë duhet parë me dozë të madhe skepticizmi.

Zëri i Amerikës: Çështje tjetër është ajo e negociatave me Serbinë. Qeveria e re e Kosovës pritet të angazhohet në to. Serbia pritet të sjellë në tryezë çështjen e statusit. A duhet diskutuar ajo?
Dana Rohrabacher: Mendoj se duhen bërë përpjekje nga qeveria e Kosovës dhe e Serbisë për të normalizuar marrëdhëniet mes tyre. Ato duhet të gjejnë një formulë sipas së cilës popujt e të dy vendeve të bien dakord dhe të shohin më pas drejt së ardhmes. Për momentin zhvillimi ekonomik ka ngecur.

Zëri i Amerikës: Çfarë nënkuptoni kur thoni që të dyja palët duhet të negociojnë? Kosova është një vend i pavarur, Serbia kërkon ta rihapë përsëri çështjen e statusit.
Dana Rohrabacher: Mendoj se ato duhet të komunikojnë pa patur nevojë të kalojnë nëpër formalitete. Gjatë diskutimeve mund të arrihet një mirëkuptim se cili do të jetë formati zyrtar i tyre. Shtetet e Bashkuara e kanë njohur Kosovën si vend të pavarur. Serbia duhet ta pranojë një gjë të tillë. Kosova nuk do të heqë dorë nga pavarësia. Shtetet e Bashkuara nuk do të tërhiqen në vendimin e tyre, ashtu siç nuk do të tërhiqen edhe vendet e tjera që e kanë njohur Kosovën. Sapo u mbush 3 vjetori i njohjes së Kosovës nga Presidenti Bush. As nuk bëhet fjalë për tërheqje të këtij vendimi. Kjo nuk ndodh. Serbia duhet ta kuptojë se ky është realiteti. Atëhere si duhet vepruar që këto dy njësi, këto dy vende, serbët dhe kosovarët, të kenë marrëdhënie më të mira, me përfitime për të dyja palët? Kjo ndoshta mund të ulë tensionet dhe Bashkimi Evropian mund të përshpejtojë procesin e integrimit të të dyja këtyre vendeve. Unë do të rekomandoja që të dyja këto vende të shqyrtonin mundësinë, si pjesë e një plani gjithpërfshirës, për idenë e krijimit në Ballkan të një komonuellthi shtetesh, ku secili shtet të kishte sovranitetin e tij. Çdo qeveri që dëshiron, mund të hyjë në të. Kosova për shembull, do të kishte parlamentin e vet, ushtrinë e vet, forcën e saj policore, sistemin e vet të arësimit, por nuk ka arësye përse të mos bashkohet në një komonuelth ekonomik me Serbinë, nga i cili të përfitonin të dy vendet. Pra ideja e një komonuellthi vendesh sovrane mund të ishte e pranueshme për Serbinë, ku të kishte marrëdhënie me popullin e Kosovës. Këto qëndrime duhen shqyrtuar, për të gjetur modalitete të reja, që do të respektonin të drejtat e të dy popujve. Dhe kjo është e mundshme.

Zëri i Amerikës: Në Kosovë ka disa qindra ushtarë amerikanë në kuadër të KFOR-it. Ju keni kërkuar kthimin e tyre sa më shpejt që të jetë e mundur. A nuk mendoni se në kushtet aktuale atje, forca e KFOR-it, përfshirë ushtarët amerikanë, duhet të qëndrojë për të ardhmen e afërt si garantuese e sigurisë?
Dana Rohrabacher: Ne kemi qënë atje për një kohë të gjatë. Ne duhet të përcaktojmë një afat se kur do të largohemi. Ndoshta pas një viti trupat duhet të kthehen. Ne nuk mund të ofrojmë përjetësisht, si të thuash, këtë “dhuratë për stabilitetin”. Amerika është vetë e zhytur në borxhe. Këtë vit kemi një borxh prej 1 trilionë e gjysmë më shumë se vitin e kaluar. Dhe në kushte të tilla të japësh një dhuratë që na kushton 100 milionë dollarë në vit, nuk mund ta përballojmë dot. Ne duhet t’i njoftojme vendet në Ballkan se Shtetet e Bashkuara nuk mund të vazhdojnë të jenë të pranishme.

Zëri i Amerikës: Edhe një pyetje e fundit, si anëtar i Komisionit për Marrëdhëniet me Jashtë të Dhomës së Përfaqësuesve, si e shikoni rolin e Shteteve të Bashkuara në Ballkan?
Dana Rohrabacher: Për mua, Shtetet e Bashkuara duhet të kenë rolin e lehtësuesit për të afruar palët me njëra-tjetrën, që ato të gjejnë kompromise. Ka patur shumë kompromise që u arritën gjatë procesit të krijimit të Kosovës. Si vend, ne jemi krenarë që ndërhymë për të parandaluar vrasjet në masë, që mund të kishin ndodhur nëse Shtetet e Bashkuara nuk do të kishin ndërhyrë ushtarakisht. Roli ynë në të ardhmen, nuk duhet të jetë ai i një arbitri, por i një force pajtuese, që bashkon popujt, në vend që të themi se ne do të marrim vendimin përfundimtar. Vendimet duhet t’i takojnë popujve të rajonit. Ne duhet të jemi atje për të nxitur vullnetin e mirë, kompromisin, për të nxitur stabilitetin dhe begatinë afatgjatë në rajon. Ne mund ta bëjmë këtë. Ka shumë gjëra interesante që mund të bëhen dhe në fakt, unë vetë do të jem personalisht i përfshirë në disa nisma për rajonin, që synon gjetjen e urave midis popujve.

VOA

[shigjeta]

Steinberg: “Duhet respektuar kushtetuta dhe shteti i së drejtës, institucionet e pavarura dhe procesi zgjedhor”

Në Shqipëri nënsekretari amerikan i shtetit James Steinberg tha se të gjithë “duhet të respektojnë kushtetutën dhe shtetin e së drejtës, institucionet e pavarura dhe procesin zgjedhor”.
Ai i bëri këto komente në përfundim të takimeve të tij në Tiranë ku ai diskutoi me autoritetet më të lartë shtetërore dhe politike të vendit mbi krizën e tejzgjatur e të thelluar më tej pas ngjarjeve dramatike të 21 janarit.
“Eshtë shumë e rëndësishme që mbi këto ngjarje të kryhet një hetim tërësor e gjithëpërfshirës”, theksoi numri dy i diplomacisë amerikane, i cili pati dhe një takim me kryeprokuroren Ina Rama. Një takim i cili është lexuar si një sinjal i qartë mbështetjeje për këtë institucion, i cili ka qenë objekt akuzash të përsëritura nga shumica e djathtë në pushtet.
“Mjetet kushtetuese në dispozicion i japin të drejtën Prokurorisë që të kryejë këto hetime dhe ne presim që ato të jenë të plota. Unë vlerësova faktin që Prokurorja e përgjithshme është e përkushtuar për një hetim të paanshëm e të plotë”.
Nënsekretari Steinberg nuk dha hollësi mbi bisedimet e tij me udhëheqësit shqiptarë dhe mundësitë e një zgjidhjeje.
“Ata duhet të udhëhiqen nga disa parime, mes të cilave edhe ai për zgjedhje të ahpura e të drejta që t’u japin mundësi shqiptarëve të zgjedhin mes opsioneve më të mira që u ofrohen. Ajo që është e rëndësishme – vazhdoi ai – është të shohim se cfarë udhëheqësit tuaj do të bëjnë në ditët në vijim”.
Gjate paradites së sotme ai u takua në Tiranë me presidentin Bamir Topi, kryeministrin Sali Berisha dhe kryetarin e Partisë socialiste Edi Rama

VOA
http://www.voanews.com/albanian/news...116888038.html

[bamatat]

Ej po pse kaq te varfer e keni llogjiken dhe njohurite sa merrni mendjen e te tjereve per te gjykuar problemet tuaja ?

Akoma me kete tufe papagallesh , pa mend , do te merremi ne si shqiptare ?

Shikoj nje inferioritet mendor dhe personaliteti ndaj huajve , me kete copy/paste te fjaleve te tyre !

Kjo race majmunesh dhe papagallesh duhet te rrine larg politikes ne Shqiperi , ose te largohen prej saj dhe le te rrojne ne vendet e huaja zedhenes te te cileve kane qejf te jene !

Demokracia , eshte sovranitet i popullit ! Ai nuk ka nevoje per leksione ! E di shume me mire se kushdo tjeter , se cfare kerkon dhe ku i dhemb !

Nuk na u ndane majmunet dhe papagallet ! Po kur marrin guximin te te japin dhe mend apo te hiqen te ditur dhe te zgjuar !

O tempora o mores !

[Duaje Siveten]

Cfare u be me putschin? A u gjenden dhe u denuan putschistet? Apo mjaftoi me vrasjen e atyre 4 putschistave ne bulevard?

[Brari]

Ruli: Grushti i shtetit, fillesat qe prej 2-vjetesh


INTERVISTA/ Ministri i Bujqesise dhe Ushqimit, Genc Ruli flet per zhvillimet e fundit ne vend pas demonstrates se 21 janarit. Ne interviste per "Alsat", Ruli vlereson se paralajmerimet nga ana e Partise Socialiste dhe Edi Rames dhe entourage-it te tij, kronologjia qe i parapriu kesaj date ne dy vitet e fundit, por sidomos ne dy muajt e fundit e justifikojne vetvetiu argumentin ligjor qe ne perdorim, per te thene se kjo ishte nje perpjekje per grusht shteti



Mazhoranca e akuzon opoziten per organizimin e nje grushti shteti dhe thuhet gjithashtu qe ky grusht shteti vazhdon. Cfare do te thote kjo, me konkretisht?

Skenari i grushtit te shtetit, i cili ka qene disa here ne historine e Shqiperise, u ravijezua me se miri ne daten 21 janar. Pamjet e shumta filmike qe media ofron, paralajmerimet nga ana e Partise Socialiste dhe Edi Rames dhe entourage-it te tij, dhe kronologjia qe i parapriu kesaj date ne dy vitet e fundit, por sidomos ne dy muajt e fundit e justifikojne vetvetiu argumentin ligjor qe ne perdorim per te thene qe kjo ishte nje perpjekje per grusht shteti. Madje mund t'ju them se ishte nje grusht shteti jo ne tentative, por ne realizim e siper. Sulmi i hapur me dhune, duke perdorur grupe te organizuar, te stervitur qe ne pjesen me te madhe perbehej nga kontingjente te krimit qe, te droguar te kujtonin ushtaret e mesjetes. Ne krye te tyre ishin persona te implikuar rende ne afera kriminale apo dhe nga ish-punonjes dhe drejtues te Policise se Shtetit ne te kaluaren. Tentativa ishte e drejtperdrejte, kishte synimin te sulmohej godina e Kryeministrise, te pushtohej dhe me tej te vazhdohej me nje skenar tjeter. Do te doja te thoshaa qe ky grusht shteti, i cili u shtyp qartazi dhe prerazi qe ne 21 janar, eshte aktualisht ne agonine e tij dhe une nuk mendoj se do te kete me vullnet te zi nga ata qe e menduan dhe e planifikuan ate, tej zotit Rama. Madje them se te zhytur ne agoni jane tashme ata qe e organizuan ate.

Por do te doja ta shihja problemin edhe ne nje kontekst historik. Fatkeqesisht, gjate te gjithe historise se shtetit te pavarur shqiptar, shteti eshte rrokullisur zakonisht jo nga armiq te tjere, por nga vete banda shqiptaresh. Keto banda kane pasur diku motive fetare, si ne rastin e Haxhi Qamilit, motive revolucionare ekstreme si ne rastin e Nolit, apo motive anarkiste kunder demokracise si ne vitin 1997. Gjithmone, ne kete perplasje te bandes me shtetin, ka ndodhur qe shteti shqiptar eshte gremisur, gje e cila ne vetvete ka lene pas edhe nje shkak e nje pretekst qe, cdokush me qellime keqdashese, apo cdo vezhgues i ftohte, qofte edhe pa e kuptuar mire fenomenin shqiptar, te arrije ne konkluzionin se shqiptaret e kane shume te veshtire te krijojne shtet dhe te besojne tek shtetit dhe institucionet e tij. Une mendoj se bllokimi qe iu be grushtit te shtetit ne 21 janar ka nje dimension historik, per arsye se tregon nje maturim te shtetit shqiptar dhe te shoqerise shqiptare, tregon se Shqiperia eshte e ndare tashme nga epoka e meparshme, tregon qe Shqiperia e ka merituar tashme statusin e saj si nje vend anetar i NATO, si nje vend qe ndodhet ne prag te anetaresimit ne BE. Tregon gjithashtu se nuk ka me bande qe te jete ne gjendje te permbyse shtetin shqiptar dhe institucionet e zgjedhura ne menyre te ligjshme ne kete vend. Prandaj them se ky eshte mesazhi me i forte i kesaj ngjarje, nje mesazh qe ka vlere te madhe historike.

Dua te them dhe nje tjeter fakt te rendesishem, ndoshta ne menyre te njeanshme, si nje njeri qe jam pjese e lidershipit te PD qe ne vitin 1991: nuk eshte rastesore qe PD eshte partia dhe udheheqja politike qe i eshte ndodhur vendit ne dy momente te konfirmimit historik te tij, se pari ne vitin 1991 kur duhej te drejtonte me urtesi dhe me kuraje kombin drejt legjitimimit te lirise se tij nga nje diktature e gjate, dhe sot, kur duhej t'i konfirmonte kombit shqiptar, perseri me urtesi dhe me kuraje, nje vendosmeri politike te padiskutueshme per te dhene mesazhin qe shteti demokratik ne Shqiperi nuk preket me nga bandat. Ne ndiejme keqardhje per faktin qe ne krye te kesaj bande ndodhet nje njeri i cili ka edhe nje tjeter status, ate te kryetarit te PS. Ne gjykimin tim, u be kohe tashme qe PS nuk eshte me nje trupe politike me nje aksion te mirefillte politik, asaj i eshte klonuar nje grup kontrollues i cili ne thelb eshte apolitik per arsye se eshte i zgjedhur ne menyre personale nga Edi Rama, dhe ky grup nuk ndodhet as per shkak te historise se individeve qe e perbejne kete grup dhe as per shkak te motivimit politik te tyre, dhe per me teper, ai nuk prodhohet nga PS dhe strukturat e saj. Per mendimin tim ky grup eshte nje bande e perbere nga djemte nazike prane Rames, me atribute shpesh femerore qe, dhe sigurisht nuk jane ata qe i turren policit me shkopinj e gure, por ama jane ne gjendje te bejne edhe me keq se kaq, pasi jane pikerisht ata qe prodhojne vjellin helmin qe ka krijuar ne dy vitet e fundit propaganda e Rames, ne perpjekje per te krijuar nje Shqiperi virtuale, te cilen e nxijne nga mengjesi e deri ne darke me nje zell te pashoq, nje propagande qe po me kaq zell perkthehet e transmetohet perdite online tek institucionet nderkombetare pikerisht nga ky grup qe rrethon Edi Ramen. Kjo eshte banda Nr.1 e tij. Banda Nr. 2 eshte ajo qe u ekspozua ne 21 janar.

Ne kete bande nuk dua te permend sherbyes te tij te rendomte e figura donkishoteske si alias avokati Ngjela, te cilit e gjithe kjo urrejtje kunder PD dhe shtetit, i buron vetem sepse nuk u be minister ne mandatin e pare, apo Prec Zogaj, motivi i te cilit eshte po kaq i vogel ose Skender Gjinushi, te cilet kane bere para dhe pas protestes se dhunshme thirrjet me te pakamufluara antikushtetuese per demonstrime te dhunshem, per nevojen per martire apo per skenare alla tuniziane.

Sot, shqiptaret kane te drejte te ndihen te vetesigurte qe rruga drejt nje kombi me shtet ligjor i cili mbron jeten, interesat dhe sigurine e tyre, drejt nje vendi i cili nuk bie me ne kolapse instabiliteti, eshte tashme e konsoliduar dhe e pakthyeshme. Mendoni vetem qe, nese do te kish rene ajo godine Kryeministrie - gje qe nuk kish kurre gjasa te ndodhte - Shqiperia do te ishte rikthyer 20 vjet mbrapa, ne imazhin dhe perceptimin nderkombetar.

Ajo qe ndodhi te premten e 21 janarit mbetet per t'u zbardhur dhe mbetet per t'u hetuar. Edhe mazhoranca, edhe kryeministri kane bere thirrje per nje hetim te gjere, madje edhe nga nderkombetaret kane ardhur sinjale per nje hetim te pergjithshem. Pyetja eshte: Kush do ta beje kete hetim teresor dhe te paanshem?

Pyetja eshte e drejte. Jam i prirur te mos e shoh me pesimizem e te mendoj qe nuk do te kete hetim. Mendoj se eshte per te ardhur keq qe disa institucione kushtetues te nivelit me te larte dhe qe e kane per detyre kushtetuese te reagojne, ne ato raste kur siguria e shtetit dhe siguria e qytetarit vihen ne rrezik, ose nuk jane shprehur, ose kane dale me deklarata, a thua po flisnin per Zanzibarin dhe jo per Shqiperine. Ndiej gjithashtu keqardhje per faktin qe pati reagime shume te nxituar edhe nga nje institucion shume i rendesishem sic eshte Prokuroria, organi numer nje i zbatimit te ligjit. Ky organ, me nje ngut te cuditshem, duke leshuar qe ne pese te mengjesit urdher-ndalimet per te gjithe zinxhirin komandues te Gardes se Shqiperise, pa pasur as kohen per te bere keqyrjen e vendngjarjes dhe grumbullimin e provave te para, praktikisht e paragjykoi te gjithe vijimin e metejshem te hetimit. Une mendoj se kjo con me shume ne moszbulimin, se sa ne zbulimin e te vertetes. Zbulimi i te vertetes eshte shume i rendesishem, jo sepse permbys kuptimin e atij skenari qe ka ndodhur. Ate dite shteti u sulmua. Gardisti duhet te mbroje, sic e ka ligji, duke perdorur edhe armen e zjarrit ndaj atij qe sulmon, jo sepse mbron jeten e tij apo jeten e zyrtarit me te larte qe eshte ne institucion, por sepse mbron ligjin.

A mund te ishte shmangur hapja e zjarrit?

Kemi qene ne nje situate konkrete, te cilen e parashikon ligji. Ketu nuk kishim nje proteste e cila nisi si paqesore dhe pastaj per shkak te nervozizmit u shnderrua ne te dhunshme. Ketu kishim detashmente te mireorganizuara, te stervitura, te pajisura me arme, qe nga armet e zjarrit - dhe me duhet t'ju them se ka vrima plumbash ne godinen e kryeministrise - ke njerez te pajisur me molotove, ke njerez te pajisur me bastune, te cilet i turren ne menyre provokuese policise. Duke e pare ngjarjen jo si politikan, por si nje qytetar i thjeshte, une jam lebetitur nga ajo urrejtje kriminale qe shihja ne syte e atyre njerezve, ne momentet kur i turreshin policit. Cili qe motivi? Politik? Se ata jane police te PD dhe keta qe turreshin ishin te PS? Nuk eshte asnjehere i mjaftueshem per te shfaqur ate lloj egersie, kurre. Vetem motivi kriminal mund te qendroje prapa asaj egersie kunder forcave te rendit.

A mendoni se do te gjendet ndonjehere pergjegjesia jo vetem per ate qe ju e quani grushti i shtetit, por edhe per ata qe shkaktuan tre viktima?

Ndonese thashe dhe me lart qe puci i shtetit u shtyp, ka elemente te tij qe nuk jane zbardhur por qe nuk kam asnje dyshim se kjo do te ndodhe. Zbardhja e kesaj te vertete eshte pjese e vendosmerise dhe detyrimit politik qe ne kemi, te hedhim drite. Ate dite shqiptaret moren nje mesazh historie. Ju e pate, qe te nesermen Tirana ishte nje qytet qe vijonte jeten normale. Kjo do te thote se ne instinktin e vet, cdo qytetar shqiptar e pa qe data 21 janar nuk qe dhe nuk kishte asnje shans te ishte nje '97 e dyte. Ne mendjet e tyre, shqiptaret e kane thuajse te pamundur te harrojne ate traume te madhe qe pesuan ne 1997, sepse iu prek liria, iu prek prona, iu prek jeta fizikisht. Te nesermen, te gjithe qytetaret paten bindjen se qendrueshmeria e shtetit ishte ne vetvete nje garanci per jeten e tyre. Ne 21 janar nuk u mbrojt thjeshte Kryeministria e PD dhe Sali Berisha, por u mbrojt shteti legjitim shqiptar, u mbrojt jeta dhe statusi politik apo social i cdo shqiptari. Ne, si force politike, si qeveri, si mazhorance kemi nje vendosmeri te padiskutueshme per zbardhjen e se vertetes. Vullnetet e luhatur qe kemi verejtur deri tani nuk mund ta pengojne zbardhjen e se vertetes.

Ju permendet 6 urdher-arrestet per te gjithe zinxhirin e Komandes se Gardes, te cilet u leshuan nga Prokuroria dhe nuk u zbatuan nga Policia e Shtetit. Cili do te jete qendrimi i mazhorances per keta 6 drejtues te Gardes. A do te zbatohen ndonjehere keto urdher-arreste? Cfare do te ndodhe me ta?

Urdher-arresti kishte ne radhe te pare nje nxitim paragjykues. Nje organi qe ne e konsiderojme te konsoliduar, nuk i mungon aftesia te lexoje ligjin dhe te vezhgoje rrethanat e momentit per te kuptuar qe, pa filluar kryerjen e grumbullimit te provave, te cilat ofrojne treguesit e pare se ku mund te jete fajesia me e madhe, nuk duhen vene gishti. Kjo eshte nje situate ku nuk mundesh qe menjehere, brenda sekondes te gjesh kush eshte fajtor dhe kush jo. T'u drejtohesh organeve te shtetit, qe kane per detyre kushtetuese te perdorin edhe armen per te mbrojtur institucionet, duhet qe me pare te shohesh nese ka pasur apo jo teprim te forces. Dhe kjo nuk vertetohet me nje te pare dokumentari, sepse nevojitet ekspertize dhe analize. Se dyti, te gjithe njerezit e pane qe kishte nje agresivitet te madh te komandove te pergatitura dhe stervitura me nje strategji te posacme, pasi ajo qe pame te sulmoje Kryeministrine nuk ishte nje turme e verber, por nje sulm shume mire i organizuar edhe nga pikepamja taktike.

Dhe ka nje element shume evident qe mbeshtet faktin qe ai ishte nje skenar i planifikuar per te qene i dhunshem: Ky lider, i cili nuk ka munguar asnjehere per t'i dale ne krye cdo turme protestuesish, perse ate dite nuk ndodhej ne krye? Sepse skenari ishte per te perfunduar ne dhune dhe ai djale nuk e mban dot dhunen. Ai e krijon dhunen, per ta pesuar te tjeret, por jo per ta mbajtur vete ne kurriz.

Tashme pyetja me e madhe eshte si do te dalim nga ky ngerc, si do te zgjidhet kjo situate politike si do t'i kthehet rruges jeta politike, por jo vetem ajo, rruges se normalitetit, rruges se institucioneve, rruges se ligjit.

Vertete kemi nje perpjekje te institucioneve nderkombetare, te perfaqesive te tyre diplomatike, qe jane duke ndermjetesuar. Personalisht nuk do te doja kurre qe shqiptaret te kishin nevoje per nje ndermjetesim te tille per te zgjidhur problemet e tyre politike. Megjithate, ndodhemi ne rrethana kur ne jemi shume mirenjohes per kete ndermjetesim te tyre, per arsye se ne tashme jemi edhe pjese e strukturave politike nderkombetare, si NATO, BE etj. Sidoqofte, kam bindjen se mekanizmi i vertete i zgjidhjes qendron brenda vendit eshte Parlamenti, eshte qeveria. Dua t'ju kujtoj se grupi yne parlamentar e ka dhene te qarte mesazhin e tij: Ne nuk do te pengojme asnje hetim, ndaj cdo punonjesi te Gardes, qofte ky oficeri me i larte, qofte ushtari me i thjeshte, neqoftese do te vertetohet se ai si individ e ka tepruar me perdorimin e te drejtes kushtetuese qe ka, nese ka dhene nje urdher te paligjshem, apo nese ka vepruar pertej kompetencave te nje urdhri qe i eshte dhene. Keto jane per t'u zbardhur. Nga ana tjeter, cdo gje mbi te cilen do te hidhet drite, nuk mund te fshije dhe nuk mund te shtremberoje ate qe deri me sot eshte e vertetuar: shteti shqiptar, i dale nga zgjedhje te ligjshme, i njohur nderkombetarisht si shtet i ligjshem u sulmua nga nje bande. Shteti u gjend nen sulmin e nje bande politike, jo sepse eshte PS prapa, pasi jam i bindur se nuk eshte PS-ja kjo, pavaresisht se kryetari i saj ndan njekohesisht dy frone, ate te kryekapos se bandes dhe ate te kryetarit te PS.

Cilet jane faktoret qe mund te ndikojne ne zgjidhjen apo te pakten tejkalimin e ketij ngerci?

Elementi i pare dhe i domosdoshem i zgjidhjes eshte konfirmimi dhe riperseritja e vullnetit te panderprere qe ka kjo qeveri dhe te gjithe institucionet qe drejtohen prej saj, per te mos bere asnje lloj tolerimi ndaj veprimeve te paligjshem dhe antidemokratike. Cdo lloj kompromisi qe do te mund te behej, duke e fshehur dhe duke e quajtur sulmin e hapur me arme kunder kryeministrise si nje ngjarje ne Bulevard, cdo zbutje e asaj qe ka ndodhur nuk con ne zbardhjen e te vertetes apo ne zgjidhjen e situates politike.

A mund te ishte Presidenti i Republikes, nje nga iniciatoret e zbutjes se toneve te politikes shqiptare ne kete moment?

Do ta kishim mirepritur nje rol me aktiv te Presidentit. Mua me vjen keq qe shume presidenteve shqiptare iu ka ndodhur brenda mandatit te tyre te kene ngjarje madhore dhe, them se pergjithesisht jane munduar qe me pergjegjshmeri politike t'u pergjigjen ketyre ngjarjeve, per arsye se Presidenti eshte garant i Kushtetutes. Deri tani, nuk kam pare ndonje reagim kaq te vendosur.

E prisni nje reagim te tille?

Kam gjithe deshiren qe ta pres dhe gjithe besimin se duhet te ndodhe.

Nderkohe, a eshte e gatshme mazhoranca te ulet ne tryeze per te gjetur nje zgjidhje, ne Parlament apo kudo qofte?

Mazhoranca, e fton pikesepari Partine Socialiste dhe deputetet e saj qe te vijne ne Parlament. Ne vertete kemi pare debate qe kane degjeneruar deri ne rrugaceri, te provokuar me se shumti nga detashmente te Partise Socialiste por, une mendoj se pjesemarrja ne Parlament, ne komisione, do te ishte reagimi me i sinqerte qe do te kishte PS per t'u distancuar nga ajo dhune, nese do te merrte pjese ne komisionin hetimor parlamentare, garantonte pjesemarrje te barabarte anetaresh ne kete komision, me gjithe mendimin e diferencuar qe ka dhe qe eshte i ndryshem nga ai i anetareve te mazhorances per te zbardhur te verteten. Une nuk them qe nuk ka nje ndjeshmeri te tille tek mjaft eksponente te Partise Socialiste, por, me ate inkapsulim qe i ka bere vullnetit parlamentar te PS Edi Rama, per t'u shtruar ne keto tavolina per fillimin e diskutimit dhe gjetjen e zgjidhjes politike.

Nese Z. Rama do te kerkonte zgjedhje te parakohshme, cili do te ishte qendrimi i mazhorances.

Zgjedhjet e parakohshme jane pjese e skenarit pucist. Duke pare qe nuk kishte asnje gjase, asnje arsye historike apo politike qe shteti te shkonte ne zgjedhje te parakohshme, Rama dhe te tijte iu drejtuan dhunes, me qellimin qe te benin qe shteti te gremisej drejt zgjedhjeve te parakohshme. Nga historia jone, nuk besoj te kemi pare qe zgjedhjet e parakohshme kane sjelle zgjidhje me te mire. Perkundrazi, kane sjelle zgjidhje te keqija qe e kane zgjatur jetegjatesine e krizes. Ne kete rast, zgjedhjet e parakohshme te provokuara ne menyre te paligjshme, do te ishin zgjidhja me e keqe per shqiptaret.

KJ

.

[PLaku-i-Detit]

Pershendetje,

Kjo eshte nje teme qe autoret e krimit veshtire se do gjenden kete dekade por duhet te presim dekaden e ardhshme.
Gjithsesi persa i perket temes dua te them se Berisha ishte ne rrugen e duhur derisa doli per intervista duke shprehur shume implikime e duke perdorur edhe pak brutalitet.
Ndersa Rama qe ne fillimet e tij nuk eshte ne rrugen e duhur.Qe kur ka ardhur ne Ps, kjo parti me duket si parti e kultit qe i sherben rama, se vetem shqiptareve nuk eshte duke i sherbyer.

Ketu dua te shtoj se duam apo nuk duam ne, na pelqen apo jo Sal Berisha emrin e tij e ka shkruar me germa te arta ne historine e politikes Shqiptare te pakten pozitivisht keto 8 vitet e fundit qe eshte duke qeverisur.

Persa i perket Rames do ishte mire te vazhdonte athe ku ishte ne bashki por per fat te keq ai nuk e ka ate lluks qe te qendroje atje ku eshte mire sepse eshte si freri i kalit nga tja shtrengojne drejtimin andej do shkoj.

Mbi te gjitha per mua personalisht qofte Berisha apo Rama nuk me interesojne shume por ajo qe me intereson eshte atdheu im.

Para se te ndodhte 21 Janar Shqiperia duket se kishte marre disa lajme te mira dhe kishim dale dhe ne lajme te CNN dhe disa medjave te tjera qe ishim ne ngritje si vend turistik dhe kjo do te thote pune do te thote se Shqiperia ka kulture e vlera.Per fat te keq dhe per interesa personale te nje opozite katrahure behet nje proteste e popullit te rames me disa huligan ne krye qe brenda 1 dite e ktheu shqiperine ne vitin 97.
Kjo me shqetson dhe me vjen keq kur e shof qe ne Shqiperine tone kemi njerez qe jane te nivelit te tille sot ne vitin 2011.

Duke mos u zgjatur shume dua te them se cdo veprim te keq kushdoqofte opozite apo mazhorance ndikon ne te keqe te vendit tone, te vendit tone qe e ndjeme qe eshte vendi yne, se keta qe jane ne krye nuk besoj se e shofin si vendin e tyre sepse e kane shitur qe kur i kane hipur asaj karrige.

Por se fundmi era e lulezimit por fryn ne favor te Shqiperse se Shqiptareve.Sado te mundohen kushdoqofte ai individ me pushtet apo pa pushtet ne kete vend do fluturojne Shqiponjat te lira.

Ftoj gjithe Shqiptaret qe te perpiqen ti ndalojne keta mostra qe duan te pegojne zhvillimin dhe ecurine e trojeve tona.

Faleminderit

[bamatat]

Krenari e madhe pse vrate 4 shqiptare te paarmatosur ! Tamam si serbet dhe greket !

Bravo i qofte Salis dhe zagareve te tij , sherbetoreve me te mire te serbit dhe grekut !

Pak nder sikur te kishin dhe sikur fare pak t'iu dhimbsej gjaku i shqiptareve , do te kishin ulur koken nga TURPI !

Po ku ka turp serbi dhe greku , perkundrazi e kane krenari ! A e di derri se cfare eshte nderi ?

[Duaje Siveten]

Ky ministri Rruli i ben autopsine putchit te 21 Janarit, ashtu si dikur Mehmet Shehu godiste tridhjete vjet me pare Balluku, Dume, Theodhos, Kellez e kendez.

E ben tamam si Mehmet Shehu, per ti treguar besnikeri ustait, si mekembes apo ti zere vendin, nuk dihet mire.

Eja Enver-baba te te tregoj arat puniste!