Berisha: Puc shteti ne 21 janar, Kryeprokuroria dhe SHISH te implikuar

[Albo]

Kryeministri Berisha në mbledhjen e Grupit Parlamentarë të Partisë Demokratike

Kryeministri Berisha ka marrë pjesë sot ne mbledhjen e Grupit Parlamentarë të Partisë Demokratike. Kryeministri u ndal gjatë fjalës së tij tek koncepti i grushtit të shteti dhe citoi disa fjalorë dhe agjenci, të cilat shpjegojnë më së miri konceptin e grushtit të shtetit. Kreu i qeverisë ju ka kërkuar deputeteve të mazhorancës, që të zhvillojnë takime të ngushta dhe individuale, për të sqaruar opinionin publik lidhur me atë çfarë ka ndodhur me 21 janar. Gjithashtu kryeministri ka shprehur dhe njëherë mirënjohjen dhe falënderimin më të thellë dhe të pakufishëm për trimërinë, burrërinë he profesionalizmit që treguan me 21 janar punonjësit e Policisë së Shtetit dhe Gardës së Republikës.

Më gjerë në fjalën e tij kryeministri u shpreh:

Puçi i shtetit të 21 janarit dështoi në mënyrën më të turpshme dhe puçistët kapitulluan, në një sulm barbar ndaj Këshillit të Ministrave. Si një ngjarje, që në Shqipëri ka ndodhur vetëm në vitin 1924, kur aventurierët politikë, larguan me dhunë kryeministrin e vetëm në Ballkan të zgjedhur me votën e qytetarëve të tij dhe bënë, që ai të rikthehet dhe ti përzinte nga pushteti, bashibozukët dhe aventurierët, që i morën pushtetin me forcë. 21 janari është dita e turpit e krimit më të shëmtuar kushtetues të këtij vendi.

Të dashur deputetë dhe deputete

Duke ju falënderuar ju me mirënjohjen më të thellë, për atë solidaritet të jashtëzakonshme, shkallë të lartë përgjegjësie, mbështetjen që ju dëshmuat ndaj forcave të rendit, pati shumë prej jush që erdhët drejt Tiranës, latë shtëpitë dhe qytetet tuaja, u bashkuat me mua në Këshillin e Ministrave, apo qëndruat në detyrat ku ishit, në mënyrë që grushti i shtetit të mos mund të kalonte kurrë.

Meqenëse puçistët, të tmerruar nga fytyra e tyre e shëmtuar, nga vepra e tyre kriminale, përpiqen me gjithë propagandën në media të maskojnë atë që bënë, unë dua tu lexoj juve dhe mbarë shqiptarëve, përcaktimet e grushtit të shtetit në të gjitha burimet më serioze të botës. E bëj këtë për të qartësuar çdo shqiptar, që më të drejtë nuk e dinë, nuk e kanë të qartë se çfarë është grushti i shtetit. E bëj këtë gjithashtu për tu thënë puçistëve, që nuk ka maskë, që nuk ka asgjë, që do të mund të mbulojë fytyrën tuaj, në aktin që bëtë.

Do tu referohemi dokumenteve kryesore botërore. Fjalori Heritage amerikan , thotë se; grushti i shteti është përmbysja e papritur e një qeverie, zakonisht nga grupe të vogla personash me pushtet, ose që më parë kanë qenë në pushtet.
Partia e dhunës ka qenë 45 vjet në dhunë, ka qenë 8 vjet gjatë demokracisë, partia e puçistëve dhe nuk besoj se duhet të ketë përkufizim më të plotë më të saktë sesa ky që ndodhi me 21 janar.

Enciklopedia Britanike, përcakton se; grushti i shteti është përmbysja e papritur e një qeverie ekzistuese, nga një grup konspiratorë. Nuk besoj se ka gjë tjetër që përputhet më shumë sesa ky përkufizim me ngjarjen e 21 janarit.

Fjalori i Historisë Ushtarake të Oksfordit, përcakton se, grushti i shteti është një përpjekje për të ndryshuar një qeveri me kërcënime, ose përdorim force zakonisht, por jo gjithnjë i shoqëruar nga ushtarakët. Ndonëse vullneti dhe aftësia, ose mungesa e tyre nga ana e forcave të armatosura për të mbrojtur një qeveri mund të jenë përcaktuese për një grusht shteti.

As edhe një ushtar i vetëm nuk ka dalë nga kazerma, ishin të gatshëm të mbronin qeverinë dhe rendin kushtetues në çdo rast , por heronjtë e policisë dhe të gardës, bënë pluhur skenarin e puçistëve, mercenarëve e 200-300 bashibozukëve, njerëzve të paguar, që donin ti bënin Shqipërisë gjëmën, për karrigen e Edvin Kristaq Ramës, Gramoz Ruçit, Skënder Gjinushit dhe ndonjë tjetri.

Në Fjalorin Politik të Oksfordit, grushti i shteti përcaktohet si rrëzimi i papritur, me forcë dhe ilegal i një qeverie . Shqiptarët e panë se ku ishte synimi i tyre, ne disponojmë të gjitha dokumentet, që ata këtë dhe vetëm këtë synonin. Në Fjalorin e Literaturës Politike, grushti i shtetit, përcaktohet si një marrje e shpejtë dhe deçizive e pushtetit, të një qeverie, nga grupe ushtarake apo grupe politike. Nuk besoj se kreu i Partisë Socialiste dhe Ruçi e Gjinushi drejtonin ndonjë OJQ, por drejtonin forca politike që në traditën e tyre kanë dhunën e terrorin. E kthyen Partinë Socialiste në ditët më të zeza të Partisë së Punës .

Eduard Ludvag në manualin e tij për grushtin e shtetit një nga personalitet më të shquara të planetit, shkruan se një grusht, një puç , konsiston në infiltrimin e një segmenti të vogël, por kritik të aparatit shtetëror, që përdoret më pas për të larguar kontrollin e qeverisë nga ato pjesë që kanë mbetur. Lundvag shkruan se forcat e armatosura nuk janë një tipar dallues për një grusht shteti. Ata që mendojnë se nuk dolën tanket dhe prandaj nuk pati grusht shteti, e kanë gabim ai është grusht shteti.

Në Enciklopedinë Britanike, intervencioni politik quhet gjithashtu grusht shteti dhe nënkupton rrëzimin, e papritur me dhunë të qeverisë ekzistuese nga një grup i vogël. Për suksesin kryesor të një grushti është kontrolli i përgjithshëm i pjesëve të Forcave të Armatosura, policisë dhe elementëve të tjerë ushtarakë, gjë të cilën nuk do ta bënin kurrë dot puçistët në Shqipëri.

Në Fjalorin e Lirë, puç apo grusht shteti është përpjekja e papritur e një grupi për të rrëzuar një qeveri. Në Wikipedia puç apo grusht shteti është përmbysja e papritur dhe ilegale e një qeverie . Nw njw tjetër fjalor thuhet se; gusht shteti është rrëzimi i shpejtë jashtë ligjor i një qeverie.
Wordweb, thotë se; grusht shteti është një ndryshim i shpejtë dhe vendimtarë, ilegal, ose më forcë i një qeveria.

Nonviolence International thotë se; grushti i shteti është përmbysja e papritur me forcë e një qeverie nga një grup komplotistësh kundër saj.
Die.net thotë se; përcaktimi i grushtit të shteti është, një ushtrim i papritur pushteti, pasi ke përmbysur qeverinë ekzistuese pa pëlqimin e popullit.
Definitions. net, thotë se ; grushti i shteti është marrja pushteti me dhunë, është ndryshim i papritur vendimtarë i një qeverie në rrugë ilegale ose me forcë.

Kjo është ajo që u tentua me 21 janar. Kjo është ajo që u bë pluhur me datën 21 janar, falë heroizmit, qëndresës, profesionalizmit, trimërisë, burrërisë së punonjësve të Policisë së Shteti shqiptarë dhe Gardës së Republikës së këtij vendi.

Le tu shprehim dhe njëherë mirënjohjen tonë më të thellë dhe më të pakufishme. Ata dëshmuan se në këtë vend, aventura të tilla nuk mund të kalojnë kurrë. Ne vërtet përjetuam një nga momentet më dramatike ndoshta në historinë tonë të 87 viteve të fundit, por ne nga ana tjetër dëshmuam se cila është forca e ligjit në këtë vend. Dëshmuam se institucionet kushtetuese të këtij vendi, ligjet dhe kushtetuta e tij janë të pathyeshme të pacenueshme. Se mjerë ata që tentojnë ti marrin.

Zhvillimet e mëpastajshme ju i keni njohur. Ajo që është më pozitive në gjithë këtë akt të turpshëm kriminal është fakti se, qeveria shqiptare ka pasur mbështetje të plotë të partnerëve ndërkombëtare në tërësi dhe në mënyrën më të veçantë të qeverisë së Shteteve te Bashkuara të Amerikës, dhe unë dua tu shpreh mirënjohjen më të madhe. Në një institucion hetimi fund e krye të kompromentuar fund e krye me plane të qarta të stadit B, tani hetojnë ekspertë, prokurorë, juristë, të shkëlqyer të këtij vendi dhe unë kam besim të plotë te ky hetim, po kështu edhe shqiptarët duhet të kenë besim të plotë tek ky hetim.

Thirrja e ekspertëve ndërkombëtar, e mbështetjes ndërkombëtare për një hetim të pavarur sado që të duket një dobësi, për një vend anëtar të NATO-s mendoj se është 100% e justifikueshme, është 100% e drejtë, është hapi dhe interesi më i mirë i qytetarëve shqiptarë, sepse në këtë proces u bë e qartë si drita e diellit se mandat arrestet për tërë zinxhirin e komandës së Gardës së Republikës, të lëshuara vetëm katër orë, pasi Edvin Kristaq Rama do të deklaronte pas mesnate se nesër do të protestojmë kundër horrave të gardës. Kishte një qëllim dhe vetëm një qëllim, të dekapitonin Gardën e Republikës, e cila mbrojti me vetëmohim të madh, pushtimin e Këshillit të Ministrave.

Mbrojti mes plumbave, mes tritoleve që u hodhën drejt saj, ndaj dhe për të vazhduar skenari duhej që ata të dekapitoheshin. Në një moment tjetër pas mbledhjes së parlamentit, ngritjes së komisionit hetimor për hetimin e puçit, u bë i domosdoshëm për shkak të komprometimit total të procesit të hetimit nga Prokurorja e Përgjithshme, ishte shkelja e marrëveshjes. Unë nuk kam ç’të them më, i kam thënë publikisht, por unë mendoj se disa gjëra janë të detyrimin tonë. Është në detyrimin tonë, të bëjmë gjithçka që ky proces të mbetet institucional, mos konfondojë me individ të caktuar institucionet demokratike të këtij shteti dhe ne këtë do të bëjmë sikundër do të qëndrojmë të gatshme për tu dhënë përgjigjen më ekzemplare të çdo tentative të dytë ndaj rendit kushtetues.

Ne qëndrojmë për një hetim, për një trajtim tërësisht institucional dhe ne kemi besim të plotë se ky hetim do të jetë i pavarur dhe transparent, sepse ka një angazhim të plotë. Jo për të ndihmuar një qeveri, absolutisht jo, ka një angazhim të plotë për të ndihmuar shqiptarët në të drejtat e tyre. Angazhim, i cili do të ishte ndaj çdo qeverie që do të ndodhej në situata të tilla, ndaj dhe unë kam shumë mirënjohje, kam mirënjohje ndaj të dërguarit të Baroneshës Ashton, i cili në mënyrë të kristaltë u shpreh se ju jeni partneri ynë, kryeministri legjitim i këtij vendi dhe ke mbështetjen tonë. Mirënjohje të thellë kam për OSBE, e cila ka bërë çdo gjë që ka pasur në dorë, prezenca por edhe kryesia që të qartësojnë zbardhjen e ngjarjes së imagjinueshme, që ndodh në një vend të lirë.

Ndaj dhe ne do të kemi besim dhe ju garantoju dhe çdo qytetari se grushti i shteti nuk do të mund të kalojë dhe se do marrë ndëshkimin e merituar ligjor. Ne kemi respektuar dhe do të respektojmë opozitën me vendosmëri të madhe, natyrisht jemi të hapur për çdo dialog, por kjo pasi puçistët të marrin ndëshkimin e merituar ligjor. Ne nuk konfondojmë një grup puçistësh ne Partinë Socialiste. Partia Socialiste ka një problem të tmerrshëm, sepse ky grup e ka shndërruar atë në partinë e Hysni Milloshit, është Hysni Milloshi dhe vetëm ai, që për vite të tëra në media do ta cilësonte Sali Berishën, kryefashist dhe qeverinë e tij fashiste, por ai e bënte i frymëzuar nga manifesti i Partisë Komuniste dhe veprat e Enver Hoxhës. Gjatë javëve të fundit Hysni Milloshi, është futur në strofull dhe ka dalë Hysni Milloshi tjetër, Edvin Kristaq Rama që shfrytëzon dhe përdhos mediat duke vlerësuar fashiste, naziste një qeveri anëtare të NATO-s një vend anëtar të NATO-s.

Duke theksuar këto për puçistët natyrisht mbetem i palëkundur në vlerësimin e madh të socialisteve që dënojnë dhunën, që nuk i lidh asgjë në projektin e tyre me një puç dhe që kanë ardhur me qindra herë , kanë protestuar dhe do protestojnë para dyerve të kryeministrisë pa u hyrë dhe një gjemb i vetëm në këmbe dhe do respektohen totalisht, duke mbajtur parasysh se kushtetua e vendit garanton fëmijët e tyre dhe paprekshmërinë e institucioneve shtetërore.

Mendoj se është i domosdoshëm një dialog i juaji në mediat e mbarë vendit dhe me qytetarët duke shmangur tubime të zjarrta dhe entuziaste, sepse nuk ka asnjë nevojë. Unë e kuptoj që njerëzit janë jashtëzakonisht të emocionuar, një miting që thirrëm për të shtunën që kaloi, bëmë mirë që e anuluam, sepse absolutisht qëllimi ishte vetëm anti dhunë, por paraqisja fliste për ndryshe dhe ne nuk kemi nevoje të tregojmë muskuj.

Demokratë dhe demokrate

Ne jemi pushteti legjitim i këtij vendi

Qytetarë dhe qytetare

Në jemi pushteti legjitim i këtij vendi, nuk ka forcë në botë që të mund të na e marrë ne me dhunë. E kam thënë dhe e theksoj, po të jetë një agresion nga jashtë do të përballet me fuqinë e aleancës më të madhe më të furishme të kohërave, kurse grupe nga brenda e panë se çfarë pësuan para kryeministrisë. Ndaj dhe nuk ka asnjë arsye që ne të mendojmë të tregojmë muskujt apo të shkojmë me metoda populiste. Ne jemi të fortë aq sa është e fortë kushtetua e këtij vendi. Ne jemi të fortë aq sa është i forte ligji i këtij vendi, ne jemi të fortë aq sa është e fortë liria dhe vlerat demokratike, ndaj nuk ka asnjë arsye. Po ju do të shkoni në të gjitha zonat tuaja elektorale dhe do të qartësoni gjithçka, atë që ka ndodhur , kjo është e domosdoshme, shqiptarët duhet të dinë të vërtetën.


Kryeministria
31/01/2011

[Edviri]

Mbyllini topin e ballkanwebin e simotrat e tyre nganjehere se po ju ben lavazh truri o njerez! Hapni dhe ndonje stacion tjeter. Lexoni dhe lajmet e botes se ashtu kuptoni me mire dhe lajmet e situatat e Shqiperise....Per te miren tuaj, .....dhe tonen, me thene te drejten!

ke te hapim?kanale te shitura e skandalozisht te njeanshem klan e Abc news qe fsheh dhe faktin qe nje gazetar i tyre eshte plagosur me plumb? Tmiren bejani vetes duke vene pak logjiken ne pune. shifi te gjitha e dil ne konkluzionet tuaja e mos na flisni ktu me gojen e atyre qe shofim gjith diten ne tv.

[medaur]

kam sinqerisht respekt per ty mor burre ,PO desha te bej nje pyetje nese ste pengon ,po pse me vertet mendon ti se ky ishte grusht shteti i organizuar nga Edi,Ina,Sokoli(Balla),Cakulli,Meroja, etj ??? Se cthote e cdo te thote kryministria nuk besoj te jesh shkencetar ta parashikosh,por me intereson vertet mendimi yt si ai i nje njeriu qe kam respekt per menyren se si mendon.

[Ilira2]

ke te hapim?kanale te shitura e skandalozisht te njeanshem klan e Abc news qe fsheh dhe faktin qe nje gazetar i tyre eshte plagosur me plumb? Tmiren bejani vetes duke vene pak logjiken ne pune. shifi te gjitha e dil ne konkluzionet tuaja e mos na flisni ktu me gojen e atyre qe shofim gjith diten ne tv.

Ndonje gje konkrete per artikullin qe citova dhe pergenjeshtrova kishe? Jo?! Shnet pra!
Se une s'e kam ndermend te bie ne kurthet e bisedave tuaja. Kur ziheni ngusht, beni sikur nuk vini re e kerceni ne ndonje dege tjeter...Pjesa qe ke shkeputur nga komenti im, nuk ishte thelbi i tij. Pjesen qe doja te vihej re e kam theksur me te zeza. Shko lexoje prape po te ka shpetuar. Te tjera jane opinioni im. N'dac merre, n'dac lere...

[Albo]

kam sinqerisht respekt per ty mor burre ,PO desha te bej nje pyetje nese ste pengon ,po pse me vertet mendon ti se ky ishte grusht shteti i organizuar nga Edi,Ina,Sokoli(Balla),Cakulli,Meroja, etj ??? Se cthote e cdo te thote kryministria nuk besoj te jesh shkencetar ta parashikosh,por me intereson vertet mendimi yt si ai i nje njeriu qe kam respekt per menyren se si mendon.

Nje nga gjerat qe e dallon forumin nga gazetat qe shiten ne Tirane, eshte se ne forum, deklaratat dhe artikujt e gazetareve mbeten ketu me vite, nuk e kane jetegjatesine vetem 24 ore. Po te lexosh deklaratat e Rames dhe PS para 21 janarit, po te lexosh komentet dhe artikut e shkruar nga Mero e kompani para 21 janarit, ato jane thirrje te pasterta per dhune ndaj kryeministrit dhe institucionit qe ai kryeson.

Une jam i bindur qe ajo qe ngjau ne Shqiperi ne 21 janar 2011 ishte nje grusht shteti i ngelur ne tentative. Ajo per te cilen nuk jam i bindur, dhe ajo per te cilen eshte ngritur komisioni hetimor ne Kuvend, eshte pyetja: ishte ky puc shteti i organizuar nga njerezit e opozites ne bashkepunim me krere institucionesh, ashtu sic pretendon Berisha, apo ishte nej puc shteti spontant?

Dhe kesaj pyetjeje, nuk do t'i pergjigjem une, kesaj pyetjeje do ti pergjigjet Kuvendi i Shqiperise dhe komisioni i ngritur per kete pune, pasi te kete bere hetimin e te gjitha institucioneve me rradhe.

Kushdo qe deshiron te zbardhi ate qe ndodhi, kushdo qe deshiron te deshmoje jo vetem per Kuvendin e shqiptaret, por edhe per historine, le te paraqitet ne Kuvend para atij komisioni. Shqiperia eshte republike parlamentare, dhe i takon parlamentit qe te zbardhi te verteten e implikimit te institucioneve ne ate dite. Ashtu sic eshte detyra e prokurorise qe te gjeje vrasesit dhe shkaktaret e dhunes ndaj institucionit, viktimave, policeve dhe pronave te dhunuara e vjedhura.

Albo

[Albo]

PS kërkesë në Kushtetuese kundër komisionit hetimor

TIRANE- Partia Socialiste dërgon në Gjykatën Kushtetuese një kërkesë për të shpallur antikushtetues komisionin hetimor të ngritur me votat e PD-LSI për të hetuar ngjarjet e 21 Janarit. Sipas deputetit Sajmir Tahiri “Deputetët e Grupit parlamentar të Partisë Socialiste sapo firmosën kërkesën për shpalljen antikushtetues të komisionit hetimor të ngritur nga Saliu, për të penguar drejtësinë të bëjë drejtësi, duke dhunuar Presidentin e Republikës, Prokuroren e Përgjithshme, Drejtorin e Shërbimit Informativ dhe vetë opozitën”,- tha ai.

Kërkesa u dorëzua po sot në gjykatë nga sekretari i grupit PS, Taulant Balla..

Deputeti Tahiri theksoi ndër të tjera se opozita do t’i rikthehet protestave duke filluar nga dita e premte. Sipas tij bëhet fjalë për një demonstratë të një forme tjetër e cila do tu komunikohjet qytetarëve në ditët që vijnë.

“Këtë të premte populli opozitar do të jetë përsëri në rrugët e protestët. Demonstrata e së premtes do ketë një formë krejtësisht tjetër që do i bëhet e njohur qytetarëve duke filluar nga nesër. Ne nuk do të tërhiqemi asnjë milimetër; Pa u dorëzuar 6 komandantët e Gradës dhe pa rikthyer Policinë e Shtetit në kornizën e ligjit. Popullit shqiptar i ka lindur e drejta të mbrojë Kushtetutën dhe veten nga një grusht shteti brenda shtetit, të cilit ne do i kundërvëmë të gjithë fuqinë e rezistencës sonë paqësore”,- tha më tej Tahiri.

(m.a/BalkanWeb)

[Albo]

Kushtetuta e Shqiperise per komisionet parlamentare:

NENI 77

1. Kuvendi zgjedh nga gjiri i tij komisione të përhershme, si dhe mund të caktojë komisione të posaçme.

2. Kuvendi ka të drejtë dhe, me kërkesë të një së katërtës së të gjithë anëtarëve të tij, është i detyruar të caktojë komision hetimi për të shqyrtuar një çështje të veçantë. Përfundimet e tyre nuk janë detyruese për gjykatat, por mund t'i njoftohen prokurorisë, e cila i vlerëson sipas procedurës ligjore.

3. Komisionet e hetimit veprojnë sipas procedurës së parashikuar me ligj.

...
...
...

NENI 80

1. Kryeministri dhe çdo anëtar tjetër i Këshillit të Ministrave është i detyruar t'u përgjigjet interpelancave dhe pyetjeve të deputetëve brenda tri javëve.

2. Anëtari i Këshillit të Ministrave ka të drejtë të marrë pjesë në mbledhjet e Kuvendit ose të komisioneve të tij; atij i jepet fjala sa herë që e kërkon.

3. Drejtuesit e institucioneve shtetërore, me kërkesë të komisioneve parlamentare, japin shpjegime dhe informojnë për çështje të ndryshme të veprimtarisë së tyre për sa e lejon ligji.

[Albo]

Interpretime e gjykime te Gjykates Kushtetuese ne lidhje me Nenin 77:


V E N D I M

Nr.18, datë 14.5.2003

NË EMËR TË REPUBLIKËS SË SHQIPËRISË

Gjykata Kushtetuese e Republikës së Shqipërisë, e përbërë nga:



Fehmi AbdiuKryetar i Gjykatës Kushtetuese

Zija Vuci Anëtar i “ “

Gjergj Sauli Anëtar i “ “

Alfred Karamuço Anëtar i “ “

Kristofor Peçi Anëtar i “ “

Kujtim Puto Anëtar i “ “

Xhezair Zaganjori Anëtar i “ “

Petrit Plloçi Anëtar i “ “

Sokol Sadushi Anëtar i “ “



me sekretare Arbenka Lalica, në datën 18.3.2003, mori në shqyrtim në seancë gjyqësore me dyer të hapura çështjen nr.19 Akti që i përket:



KËRKUES: NJË GRUP PREJ 32 DEPUTETËSH TË KUVENDIT TË REPUBLIKËS SË SHQIPËRISË, përfaqësuar nga deputeti Spartak Braho.

SUBJEKTE TË INTERESUARA:

1. KUVENDI I REPUBLIKËS SË SHQIPËRISË, në mungesë.

2. GRUPI PARLAMENTAR “ALEANCA PËR DEMOKRACI”, në mungesë.

3. GRUPI PARLAMENTAR “LIBERAL DEMOKRAT”, në mungesë.

4. GRUPI PARLAMENTAR I PARTISË “BALLI KOMBËTAR”, në mungesë.

5. GRUPI PARLAMENTAR I PARTISË “LËVIZJA E LEGALITETIT”, në mungesë.

6. GRUPI PARLAMENTAR I PARTISË REPUBLIKANE, në mungesë.

7. GRUPI PARLAMENTAR I TË GJELBËRVE, në mungesë.

8. GRUPI PARLAMENTAR I QENDRËS LIBERALDEMOKRATE, në mungesë.

9. GRUPI PARLAMENTAR I PARTISË DEMOKRATE, në mungesë.

10. GRUPI PARLAMENTAR I PARTISË DEMOKRATIKE, në mungesë.

11. GRUPI PARLAMENTAR I PARTISË SOCIALDEMOKRATE, në mungesë.

12. GRUPI PARLAMENTAR I PARTISË SOCIALISTE, në mungesë.

OBJEKTI: Interpretimi përfundimtar i nenit 77 pika 2 të Kushtetutës së Republikës të Shqipërisë

Grupi prej 32 deputetësh të Kuvendit të Shqipërisë ka ushtruar, përpara kësaj Gjykate, nismën për një gjykim kushtetues me objekt interpretimin përfundimtar të nenit 77 pika 2 të Kushtetutës së Republikës të Shqipërisë. Në kërkesë, ata, kanë parashtruar mendimin e tyre lidhur me kuptimin që i duhet dhënë frazës se Kuvendi “…është i detyruar të caktojë komision hetimi për të shqyrtuar një çështje të veçantë”. Interpretimin e kësaj fraze, grupi i deputetëve të Kuvendit, e ka kryer duke evidentuar këto momente kryesore:

Së pari, çështje e veçantë është çdo çështje jo e zakonshme, është një çështje, fenomen apo ngjarje e rëndësishme me impakt dhe interes të gjerë publik, shoqëror e kombëtar dhe që ndikon gjerësisht në zhvillime të caktuara të vendit;

Së dyti, ligji “Për organizimin dhe funksionimin e komisioneve hetimore parlamentare” i ndalon këto komisione të ngrenë akuza me karakter penal si dhe të ushtrojnë atributet e gjykatave;

Së treti, nuk mund të ngrihet komision hetimor ndaj personave pa imunitet dhe Kuvendi nuk mund të investohet në çështje që kanë të bëjnë me emra personash, përderisa ka organe të tjera që merren me këto çështje;

Së katërti, duhet të mbahet parasysh statusi i organeve të pavarura e kushtetuese, të cilat merren me kontrollet dhe hetimet, duke shmangur dualizmin e kompetencave të këtyre institucioneve nga njëra anë dhe Kuvendit nga ana tjetër.


GJYKATA KUSHTETUESE,

pasi dëgjoi relatorin e çështjes Sokol Sadushin, përfaqësuesin e kërkuesit, si dhe shqyrtoi çështjen në tërësi,


V Ë R E N:

Në kërkesën drejtuar Gjykatës Kushtetuese, grupi prej 32 deputetësh të Kuvendit të Shqipërisë, të cilët në kuptim të nenit 134 pika 1, shkronja “c” të Kushtetutës përbëjnë jo më pak se një të pestën e deputetëve, kanë kërkuar që në nenin 77 pika 2 të Kushtetutës, të kryhet interpretimi përfundimtar i frazës “… është i detyruar të caktojë komision hetimi për të shqyrtuar një çështje të veçantë.”.

Kërkuesi i referohet paraprakisht në kërkesë dy qëndrimeve të ndryshme të mbajtura nga Kuvendi i Shqipërisë si dhe interpretimit jo të njëllojtë që i është bërë kësaj dispozite të Kushtetutës, duke shprehur njëkohësisht dhe rezervat dhe kundërshtitë e tij për mënyrën e interpretimit.

Interpretimin e pikës 2 të nenit 77 të Kushtetutës dhe konkretisht të shprehjes “çështje e veçantë”, kërkuesi e bën në funksion të vendimeve nr.69, datë 24.2.2003 dhe nr.70, datë 10.3.2003 të Kuvendit të Shqipërisë. Në vendimin e parë, Kuvendi nuk e miratoi ngritjen e komisionit parlamentar për hetimin e veprimtarisë së Kryetarit të Bashkisë Tiranë dhe ish-Ministrit të Kulturës, ndërsa në vendimin e dytë u miratua krijimi i komisionit hetimor parlamentar për shqyrtimin e ligjshmërisë së përdorimit të fondeve publike dhe të ardhurave të tjera në Ministrinë e Kulturës dhe në Bashkinë e Tiranës për periudhën 1992-2002 dhe zbatimin e ligjshmërisë në zhvillimin urbanistik për qytetin e Tiranës për periudhën 1992-2002.

Ndodhur përpara një rasti të tillë, kur kërkuesi evidenton se janë vërejtur qëndrime të ndryshme nga Kuvendi i Shqipërisë në lidhje me kuptimin që i është dhënë nenit 77 pika 2 të Kushtetutës, dhe me qëllim, evitimin në të ardhmen të interpretimeve kontradiktore në praktikën parlamentare, Gjykata Kushtetuese çmon se paraqitja e kësaj kërkese e investon atë të ushtrojë juridiksionin e saj kushtetues për të realizuar interpretimin përfundimtar.

Pavarësisht se objekti i kërkesës është interpretimi i nenit 77 pika 2 të Kushtetutës, të cilën kërkuesi gjatë argumentimit e ka përqëndruar në interpretimin e frazës, Kuvendi “… është i detyruar të caktojë komision hetimi për të shqyrtuar një çështje të veçantë”, Gjykata Kushtetuese thekson se në rastin e dhënë, në kuptim edhe të nenit 124 të Kushtetutës, interpretimi nuk do të ishte i plotë, pa u analizuar pika 2 e nenit 77, në lidhje edhe me dispozita të tjera të Kushtetutës.



1. Sipas nenit 77 pika 1 të Kushtetutës së Republikës të Shqipërisë, Kuvendi zgjedh nga gjiri i tij komisione të përhershme si dhe cakton komisione të posaçme. Ai gjithashtu ka të drejtë dhe, me kërkesë të një të katërtës së deputetëve, është i detyruar të caktojë komision hetimi për të shqyrtuar një çështje të veçantë.

Pushtetit legjislativ, që mishërohet në veprimtarinë e Kuvendit, i përkasin funksionet kryesore të orientimit politik, të miratimit të ligjeve dhe të mbikëqyrjes së zbatimit të tyre. Ushtrimi normal i veprimtarisë së Kuvendit kërkon ekzistencën e elementeve të domosdoshëm që kanë të bëjnë me krijimin e kushteve për respektimin e ligjeve nga të gjitha organet e tjera të pushtetit publik e shtetasit si dhe pajisjen e tij me mjetet e përshtatshme për realizimin e kontrollit mbi mënyrën e zbatimit të ligjeve. Funksioni i rëndësishëm i ligjvënësit në shoqëritë demokratike materializohet pikërisht në rolin e përfaqësuesve të tij, që nga njëra anë miratojnë ligjet dhe nga ana tjetër, ushtrojnë kontrollin mbi pushtetet e tjera deri në atë masë që ky pushtet zbatohet.

Në këtë drejtim merr përparësi funksioni i kontrollit parlamentar, i cili nënkupton të drejtën e pushtetit legjislativ për t’u informuar dhe për të realizuar mbikëqyrjen për zbatimin e ligjeve nga organet e pushtetit publik, me qëllim marrjen e masave të domosdoshme për parandalimin e paligjshmërisë si dhe nxjerrjen e përgjegjësive, sipas rasteve konkrete.

Kontrolli parlamentar realizohet nëpërmjet një administrate që jep llogari, raporton dhe përgjigjet për veprimtarinë e saj. Nëpërmjet këtij kontrolli, parlamentarët kanë të drejtën të informohen për çështjet e administrimit të pushtetit dhe të zbatimit të ligjeve ose për çështje të caktuara, marrja dijeni mbi të cilat konsiderohet si e nevojshme për realizimin e qëllimeve dhe detyrave të tyre, por gjithmonë brenda kuadrit të funksionit kushtetues.

Në një shoqëri demokratike, kjo mundësi që u jepet parlamentarëve, rrjedh nga e drejta e popullit për të njohur dhe ditur se çfarë bëhet në emrin e tij. Prandaj, kontrolli parlamentar ushtrohet edhe në kontekstin e të drejtës kushtetuese të çdo shtetasi për të marrë informacionin e nevojshëm në lidhje me çështjet me interes publik. Organet e pushtetit publik që i nënshtrohen kontrollit parlamentar, duke i transmetuar fakte e të dhëna përfaqësuesve të popullit, përmbushin njëkohësisht detyrimin kushtetues për të qenë transparentë në raport me publikun.

Në këtë kontekst, Kuvendi, i cili u kërkon organeve të pushtetit të raportojnë rregullisht, ka edhe të drejtën që të hetojë mbi çështje të caktuara me interes publik që kanë lidhje me veprimtarinë e tyre. Komisionet hetimore që ngrihen për këtë qëllim, në kuptim të nenit 77 të Kushtetutës, janë një mjet që i shërben pikërisht ushtrimit të kontrollit parlamentar. Ato janë instrument i rëndësishëm i parlamentit për kryerjen e kontrollit kryesisht mbi ekzekutivin, si dhe për mbledhjen e informacionit për çështje të veçanta, me qëllim arritjen në përfundime të caktuara.

2. E drejta e Parlamentit për të ngritur komisione hetimore është një prerogativë dhe një mjet i domosdoshëm që i nevojitet për të ushtruar dhe perfeksionuar pushtetin e tij legjislativ. Qëllimi i ngritjes së komisioneve hetimore është për të njohur dhe verifikuar në thellësi një fenomen, një ngjarje, një veprimtari, me synimin që në përputhje me realitetin, të nxirren përfundime mbi nevojën e miratimit, plotësimit ose korrigjimit të ligjeve të veçanta.

Nga ana tjetër, nëpërmjet hetimit parlamentar, kontrollohet edhe zbatimi i ligjeve, nxirret përgjegjësia mbi mënyrën e qeverisjes dhe bëhen rekomandimet përkatëse me qëllim parandalimin dhe eliminimin e fenomeneve negative, si dhe përmirësimin e gjendjes në të ardhmen.

Kushtetuta është mjaftuar vetëm me sanksionimin e një dispozite me karakter të përgjithshëm, duke ia lënë ligjit përcaktimin e modaliteteve me dispozita më të hollësishme. Neni 77 pika 2, parashikon ngritjen e komisioneve hetimore parlamentare me dy mënyra të ndryshme, në vartësi të subjekteve që ushtrojnë këtë të drejtë. Këto dy mënyra krijimi rezultojnë nga përdorimi në këtë dispozitë i shprehjeve “ka të drejtë” dhe “është i detyruar”.

Sipas këtij formulimi kushtetues, Kuvendi vihet në dy pozicione të ndryshme. Në njërin rast, krijimi i komisionit hetimor paraqitet si një e drejtë e Kuvendit, gjë e cila realizohet sipas procedurave të parashikuara në Kushtetutë ose në Rregulloren e Brendshme të Kuvendit dhe që i nënshtrohet vendimmarrjes përkatëse.

Nga ana tjetër, dispozita kushtetuese, duke parashikuar shprehjen “është i detyruar” merr një tjetër kuptim dhe nuk interpretohet në të njëjtën mënyrë me rastin e mësipërm.

Përdorimi në Kushtetutë i shprehjes “është i detyruar”, jo vetëm që e vendos Kuvendin në një pozicion disi të veçantë, duke i hequr të drejtën për të vlerësuar vendimmarrjen për ngritjen e komisionit hetimor, por njëkohësisht, institucionalizon një lloj tjetër autoriteti kushtetues, që njihet si pushtet i pakicës parlamentare.

E drejta për të kërkuar ngritjen e një komisioni hetimor është parashikuar në Kushtetutë si e drejtë e një të katërtës së anëtarëve të Kuvendit. Ngritja e komisionit me votë të një minorance ose siç pranohet në doktrinën kushtetuese, nëpërmjet zbatimit të parimit të hetimit me votim pakice, dëshmon në këtë drejtim një avancim demokratik të Kushtetutës sonë. Ekzistenca e këtij parimi, që përbën një veçanti të Kushtetutës, e forcon në mënyrë të konsiderueshme rolin e komisionit hetimor si një instrument efikas kontrolli.

E drejta e hetimit parlamentar është zhvilluar në kuptimin e së drejtës të pakicave në parlament, pavarësisht nga pozicionimi i tyre politik me qëllim, që t’u japë atyre një pushtet më të fortë. Së bashku me mjetet e tjera si pyetjet, interpelancat ose mocionet për debat, ngritja e komisioneve të hetimit përbën një instrument të rëndësishëm kontrolli që ushtrohet nga parlamenti. E drejta e hetimit realizohet vetëm brenda funksionit të kontrollit parlamentar dhe detyrave kushtetuese që parlamentarët kryejnë si përfaqësues të popullit për sqarim ose hulumtim të hollësishëm në çështjen konkrete.

Kjo e drejtë shërben njëkohësisht edhe si një mjet në duart e pakicës parlamentare për të ushtruar kontroll kryesisht kundrejt ekzekutivit dhe për të kërkuar vënien përpara përgjegjësisë të mbajtësve të pushtetit. Në një sistem parlamentar, duke qenë se qeveria formohet nga shumica parlamentare, e cila ka në dorë shumë mjete të tjera ligjore, e drejta e kontrollit hetimor i është njohur sidomos pakicës, që duke i patur të kufizuara mjetet e saj, ta shndërrojë atë në një instrument të fuqishëm kushtetues.

Kushtetuta, në nenin 77 pika 2 duke njohur të drejtën për të ngritur komisione hetimore, si e drejtë e një të katërtës së deputetëve për të vepruar në mënyrë të pavarur nga shumica parlamentare, ka evituar njëkohësisht edhe disa pengesa ligjore që mund të krijohen si rrjedhojë e vendimmarrjes. Nëpërmjet shprehjes “është i detyruar”, ajo ka evituar, veçanërisht për ngritjen e komisionit, kalimin e çështjes në procedurat e zakonshme të votimit, duke vendosur një balancë ndërmjet shumicës për të vendosur dhe të drejtës së pakicës së cilësuar.

Nga ky këndvështrim i problemit, Gjykata Kushtetuese çmon se e drejta e pakicës vetëm përsa i përket kërkesës për ngritjen e komisionit hetimor mbetet një e drejtë e pakufizuar nga vullneti i shumicës. Njëkohësisht, e drejta e pakicës për të disponuar mbi objektin e hetimit e kufizon kompetencën e shumicës për të ndryshuar këtë objekt pa pëlqimin e pakicës, me përjashtim të rasteve, kur nga qëllimi dhe objekti i hetimit konstatohen se preken parimet kushtetuese.

3. Gjykata Kushtetuese është e mendimit se interpretimi i nenit 77 pika 2 të Kushtetutës duhet shoqëruar edhe me një analizë e vlerësim mbi disa çështje kushtetuese dhe norma ndërkombëtare të gjithëpranuara, të cilat duhen respektuar nga Kuvendi në ngritjen e komisioneve hetimore.

E drejta e një të katërtës së deputetëve për të ushtruar hetimin parlamentar nuk mund të konsiderohet absolutisht e pakufizuar. I vetmi kufizim i saj është i lidhur me detyrimin që objekti i hetimit të jetë në përputhje me respektimin e parimeve të sanksionuara nga Kushtetuta. Ekzistenca e një kufizimi të tillë, edhe pse nuk përmendet në nenin 77 të Kushtetutës, është e kuptueshme dhe buron nga dispozita të tjera të saj.

E drejta përbën bazën dhe kufijtë e veprimtarisë së shtetit. Ky është formulimi i nenit 4 pika 1 të Kushtetutës, dhe nga detyrimi për të zbatuar këtë parim nuk mund të përjashtohet askush. Mbi bazën e këtij parimi kushtetues, Kuvendi ka miratuar ligjin nr.8891, datë 2.5.2002 “Për organizimin dhe funksionimin e komisioneve hetimore” dhe në nenin 4 ka parashikuar pikërisht ngritjen dhe funksionimin e tyre konform parimeve kushtetuese.

Sipas nenit 7 të Kushtetutës së Republikës të Shqipërisë, sistemi i qeverisjes bazohet në ndarjen dhe balancimin ndërmjet pushtetit ligjvënës, ekzekutiv dhe gjyqësor. Në demokracitë perëndimore parimi i ndarjes së pushteteve, megjithëse efektiv, nuk është zbatuar në mënyrë strikte duke mos ndjekur modelin ideal klasik.

Baza e përgjegjësisë parlamentare është raporti që krijohet në marrëdhëniet ndërmjet parlamentit dhe qeverisë. Parlamenti jo vetëm kontrollon qeverinë, por në çdo kohë, miraton dhe raporte ose rezoluta të veçanta instruktive për të. Në këtë mënyrë, duke ia besuar parlamentit funksionin kontrollues, sigurohet edhe balanca ndërmjet pushteteve, ç’ka përbën një arritje esenciale për një sistem institucional që funksionon mbi ndarjen dhe balancimin ndërmjet trupës legjislative, ekzekutive dhe gjyqësore.[1] Në këtë drejtim, parimi i ndarjes së pushteteve nuk perceptohet në mënyrë dogmatike dhe formale, por në përputhje me objektivin për të penguar centralizimin e pushtetit në një institucion apo zyrtar.[2]

Nga ky vështrim doktrinar që jep jurisprudenca kushtetuese europiane, Gjykata Kushtetuese çmon të nevojshme të theksojë se kontrolli parlamentar duhet zhvilluar në mënyrë të atillë, që të mos ndërhyjë pa kufizim në veprimtarinë e pushteteve të tjera. Një hetim i inicuar që nuk lidhet me qëllimet dhe që nuk i përket veprimtarisë së legjislativit, nuk konsiderohet në përputhje me parimet kushtetuese.

Ky instrument i rëndësishëm nuk mund të përdoret në mënyrë abuzive dhe tej hapësirës kontrolluese që Kushtetuta i njeh Kuvendit. Prandaj, ushtrimi i këtij mjeti juridik kushtetues për ato çështje dhe në ato pushtete, ndërkohë që parlamenti në aspektin e parimit të ndarjes dhe balancimit të pushteteve mund ta ketë të pamundur ushtrimin e kontrollit, do të dëmtonte këtë kompetencë kushtetuese.

Një kompetencë e tillë nuk pengon, veçanërisht, pushtetin ekzekutiv në kryerjen e detyrave të administrimit publik. Çështjet e përditshme që trajtohen nga qeveria nuk janë objekt hetimi, pasi në aspektin e kontrollit parlamentar njihen edhe mjete të tjera të përshtatshme kushtetuese, nëpërmjet të cilave Kuvendi ushtron kompetencat e tij mbi ekzekutivin. Ekzistojnë forma të ndryshme ndërveprimi dhe bashkëpunimi në marrëdhëniet ndërmjet pushtetit legjislativ dhe pushtetit ekzekutiv, sikundër, është e pranueshme që ekzistojnë fusha ku kompetencat e autoriteteve të ndryshme mund të ndërthurren ose përputhen. Në këtë kuptim, objekt hetimi janë vetëm çështjet që përfshihen në veprimtarinë kontrolluese të parlamentit, të cilat nuk sjellin konfondime dhe transferime kompetencash të parashikuara nga Kushtetuta.

Parimi i ndarjes së pushteteve nënkupton një mënyrë të veçantë për përcaktimin e marrëdhënieve ndërmjet autoritetit të gjykatave dhe pushteteve të tjera. Zakonisht, vetëm pavarësia e gjyqtarëve mbrohet në mënyrë strikte. Prandaj, marrëdhëniet ndërmjet gjyqësorit dhe pushteteve të tjerë bazohen dhe orientohen kryesisht për nga parimi i ndarjes së tyre.

Një element esencial i ndarjes së pushteteve është pavarësia e gjykatave dhe gjyqtarëve. Ekzistenca e parimeve të tilla nuk pranon mbi veprimtarinë e gjykatave ndikime diktuese që mund të vijnë nga pushtetet e tjera. Vendimet gjyqësore mund të ndryshojnë nga një autoritet gjyqësor më i lartë dhe të vetmet përjashtime të pranuara nga doktrina e së drejtës janë prerrogativa presidenciale e faljes dhe e drejta e ligjvënësit për nxjerrjen e akteve të amnistisë. [3]

Komisioni hetimor, duke hetuar një fushë të caktuar brenda kompetencave që përfshihen në përgjegjësinë kushtetuese të Kuvendit, mund të arrijë të gjejë të dhëna, të cilat përbëjnë shkak për t’u vlerësuar nga ana e tij, por pa hyrë në sferën e organeve hetimore e gjyqësore të ngarkuara nga Kushtetuta për veprimtari të këtij lloji. Raporti përfundimtar që harton komisioni sigurisht që nuk ka efekte detyruese mbi gjykatat, por ndikimi i tij në nivelin politik mund të jetë i konsiderueshëm.

Këto parime përjashtojnë çdo formë kontrolli parlamentar mbi aktivitetin juridiksional të gjykatave. Pavarësia e gjykatave nuk vendos embargo ndaj vlerësimeve kritike që mund të vijnë nga qytetarët ose deputetët, por artikulimi i këtyre vlerësimeve nëpërmjet raporteve të komisioneve hetimore parlamentare nuk është në përputhje me parimet kushtetuese.

Sigurisht, që të gjitha parimet kushtetuese janë të rëndësishme për t’u patur parasysh dhe për t’u respektuar gjatë ngritjes dhe ushtrimit të veprimtarisë së komisioneve hetimore parlamentare, por Gjykata Kushtetuese e çmon të nevojshme të evidentojë se një ndër parimet kushtetuese thelbësore, që merr rëndësi esenciale dhe që lidhet me garantimin e të drejtës për një proces të rregullt ligjor është parimi i prezumimit të pafajësisë. Ky parim është pranuar se mund të cenohet jo vetëm nga gjyqtarë apo gjykata, por edhe nga autoritetet publike[4]. Interpretimi i zgjeruar edhe tej procesit penal ofruar nga Gjykata Europiane e të Drejtave të Njeriut merr një rëndësi të veçantë edhe përsa i përket garantimit të të drejtave të parashikuara në Konventë në mënyrë praktike dhe efektive, jashtë kontekstit teorik ose iluziv[5]. Ky parim mishërohet edhe në lidhje me zbatimin e nenit 6, paragrafi 2 të Konventës Europiane.

Gjatë aktivitetit hetimor, komisionet parlamentare ushtrojnë edhe kompetenca gjyqësore ose quasi gjyqësore. Ato janë të pajisura nga ligji me pushtete të njëjta me ato të organeve të hetimit e të gjykimit. Në këtë kuptim, komisionet hetimore duhet të garantojnë plotësisht këtë parim, duke mos e trajtuar a priori të interesuarin për çështjen në fjalë si fajtor.



Duke iu referuar të drejtës për informim të publikut, si një nga parimet themelore mbi të cilat ndërtohen e funksionojnë shoqëritë demokratike, Gjykata Kushtetuese çmon se në të tilla raste, komisionet hetimore parlamentare duhet të tregojnë kujdes në gjetjen e një balance mes të drejtës për informim dhe parimit të prezumimit të pafajësisë. Prandaj, respektimi i parimit të paanshmërisë në veprimtarinë e komisioneve hetimore është pjesë përbërëse e kuptimit të nenit 6 paragrafi 1 të Konventës Europiane[6] si dhe e konceptit kushtetues që lidhet me të drejtën për një proces të rregullt ligjor, parashikuar në nenin 42 të Kushtetutës.

Pjesë e rëndësishme e respektimit të këtij parimi kushtetues është dhe kufizimi i lejueshëm që pranohet për zhvillimin e seancave jo publike. Në këtë aspekt, Gjykata Kushtetuese çmon se mundësia e publikut për të ndjekur seanca mund të kufizohet në disa rrethana të përcaktuara. Arsyet, për të cilat media dhe publiku mund të përjashtohen nga të gjitha seancat ose pjesë të tyre, janë morali, rendi publik, sigurimi kombëtar; kur e kërkojnë interesat ose jeta private e palëve, ose në ato raste, kur sipas mendimit të komisionit hetimor ose për rrethana të posaçme publiciteti, dëmtohen interesat e hetimit.

Në këtë drejtim, mbetet detyrë e Kuvendit dhe e komisioneve hetimore që të respektojnë të gjitha mbrojtjet kushtetuese që gëzon individi. Ligjvënësi nuk ka asnjë pushtet qoftë vetë, qoftë nëpërmjet ndonjë komisioni, të hetojë në çështjet private të shtetasve, për dëmtimin e qëllimshëm të këtyre personave, ose për çdo qëllim tjetër të panjohur ose spekulativ, me përjashtim të rasteve kur duhet të përmbushë qëllime të autorizuara e të ligjshme. Pretendimet që mund të ngrihen se kërkesa të caktuara të legjislativit ose të komisioneve hetimore përbëjnë dhunim të të drejtave kushtetuese të individit vendosen, rast pas rasti, nga gjykata kompetente që shqyrton çështjen konkrete.

Në këtë aspekt, ngritja e komisioneve hetimore për çështje që lidhen qoftë edhe me individin nuk përbën ndonjë pengesë kushtetuese. Megjithatë, hetimi duhet të priret nga mosndërhyrja në jetën private të individit, ose në gëzimin e lirë të të drejtave të tij kushtetuese, duke ekzistuar domosdoshmërisht një lidhje substanciale midis informacionit ose hetimit që kërkohet të realizohet dhe një shkalle të arsyeshme të qëllimit legjitim të legjislativit.

Nga një analizë e gjithanshme dhe interpretuese e dispozitës konkrete në raport edhe me norma të tjera, Gjykata Kushtetuese konkludon se respektimi i parimeve kushtetuese në procedurën për ngritjen e komisioneve hetimore parlamentare nuk cenon të drejtën e pakicës për realizmin e kësaj kompetence kushtetuese.

Kuvendi, në rastet kur kërkohet ngritja e komisionit hetimor nga një e katërta e deputetëve, ka detyrimin që të mos e diskutojë ngritjen e komisionit, por ia nënshtron diskutimit parlamentar shkallën e respektimit të parimeve kushtetuese në objektin e veprimtarisë së tij. Ky debat realizohet me qëllim gjetjen e një konsensusi ndërmjet palëve lidhur me objektin e hetimit, deri në arritjen e një vendimmarrjeje.

Prandaj, kufizimet e lejueshme kushtetuese që kanë të bëjnë me respektimin e parimeve të rëndësishme fokusohen në objektin e hetimit, i cili nuk mund të reduktohet nga Kuvendi deri në atë masë sa t’ia bëjë të pamundur komisionit kryerjen e veprimtarisë. Kufizimi që mund t’i bëhet objektit të hetimit me argumentin se nuk respektohen parimet kushtetuese, nuk e bëjnë një vendimmarrje të tillë përfundimtare dhe të pakontrollueshme nga pikëpamja e kushtetutshmërisë, për arsye se do ta vendoste të drejtën kushtetuese të pakicës parlamentare në vlerësimin e shumicës, duke dhunuar në këtë mënyrë ushtrimin normal të kësaj të drejte.

4. Nisur nga objekti i kërkesës së 32 deputetëve të Kuvendit për interpretimin përfundimtar të shprehjes çështje e veçantë, Gjykata Kushtetuese konkludon se natyrisht ajo mbetet pjesë e interpretimit në funksion të të gjithë nenit kushtetues. Megjithatë listimi i të gjitha rasteve se kush përfshihet në shprehjen kushtetuese çështje e veçantë nuk mund të jetë detyrë e saj, ose objekt i këtij vendimi interpretues. Nëpërmjet interpretimit, Gjykata ka parasysh të mos zhvendoset në pozicionin e një ligjvënësi pozitiv që krijon norma të reja kushtetuese, por të japë kuptimin e vërtetë që përmban vetë dispozita, në analizë edhe të normave të tjera të Kushtetutës. Prandaj, marrja përsipër e një detyre të tillë mund ta nxjerrë Gjykatën Kushtetuese jashtë funksionit të interpretimit të dispozitave kushtetuese.

Kushtetuta e Republikës e Shqipërisë paraqitet disi më ndryshe nga kushtetutat e vendeve europiane në formulimin që i bën motivit të ngritjes së komisioneve hetimore duke parashikuar se “Kuvendi…është i detyruar të caktojë komision hetimi për të shyrtuar një çështje të veçantë”.

Nga një vështrim krahasues me disa kushtetuta të tjera rezulton se ngritja e komisioneve hetimore bëhet “për çështje me interes ose rëndësi të përgjithshme”, ose “për çështje me interes publik”. Nëse i referohemi praktikës ndërkombëtare, natyra e çështjeve të hetuara nga komisionet hetimore ka qenë e një rëndësie substanciale ose parësore për publikun, me ndikim të veçantë në marrëdhëniet ndërshtetërore, me qëllim nxjerrjen e përgjegjësive institucionale dhe mospërsëritjen e fenomeneve të hetuara në të ardhmen. Në këtë drejtim, çështjet më të shumta kanë patur për objekt administrimin e fondeve publike, marrëdhëniet ndërshtetërore, falimentimet e korporatave ose subjekteve të ndryshme private, të cilët kanë patur impakt në ekonominë e vendit, ose hetimin e fenomeneve kriminale.

Në disa dispozita të Kushtetutës së Republikës së Shqipërisë janë përdorur formulime të tilla që përafrojnë me shprehjen “çështje e veçantë”. Konkretisht në nenet 80 pika 3, 123 pika 1, 134 pika 2 dhe 150 pika 1 e 2 gjenden shprehjet “çështje të ndryshme”, “çështje të caktuara” “çështje që lidhen me interesat e tyre”, “çështje të një rëndësie të veçantë”, etj. Sigurisht që kuptimi i tyre nuk është i njëjtë dhe as duhet konfonduar me shprehjen objekt interpretimi, por megjithatë, specifika që ato paraqesin i bën të interpretueshme rast pas rasti.

E analizuar në aspektin gjuhësor, interpretimi i fjalës çështje merr kuptimin e një dukurie, gjendjeje, ngjarjeje apo fakti që ka nevojë të shqyrtohet për t’u zgjidhur. Ajo që e bën çështjen specifike, të rëndësishme, të posaçme, të jashtëzakonshme, që ndryshon nga të tjerët dhe që është karakteristikë për një qënie, dukuri, ngjarje apo fakt është mbiemri “e veçantë”. Megjithatë, një kuptim më të plotë do të merrte shprehja “çështje e veçantë” nëse do të vlerësohej edhe në aspektin kushtetues.

Interpretimin e shprehjes çështje e veçantë, Gjykata Kushtetuese e realizon brenda konceptit të funksionit të kontrollit parlamentar dhe të së drejtës së pakicës për të përdorur këtë instrument të rëndësishëm sipas parimeve kushtetuese. Objekti i hetimit, i argumentuar qartë dhe në mënyrë të mjaftueshme në kërkesë, duhet të përmbajë fakte të përcaktueshme ose kompleks faktesh, të cilat të tregojnë qartë se për çfarë po hetohet. Në këtë mënyrë, objekti i hetimit evidenton dhe çështjen e veçantë. Të gjitha ato çështje që përfshihen brenda funksionit të kontrollit parlamentar dhe që përmbajnë në vetvete një interes publik e përfshijnë këtë kuptim. Dobishmëria e këtyre hetimeve, sigurisht që shihet në nxjerrjen e përgjegjësive politike e institucionale, që ndihmon evidentimin e problemeve dhe mospërsëritjen e fenomeneve që kanë ndikim për vetë shoqërinë, por jo çdo çështje publike mund të sqarohet më së miri nga parlamenti dhe të përfshihet në objektin e hetimit.

Gjykata Kushtetuese vlerëson se dhënia e kuptimit të saktë të shprehjes çështje e veçantë nuk mund të realizohet në mënyrë të plotë në vendimet abstrakte të interpretimit kushtetues. Gjithësesi, lista e çështjeve me interes publik nuk mund të jetë kurrsesi shterruese, pasi interesi publik duhet kuptuar në sensin relativ, në vartësi të situatave të ndryshme që krijohen. Çështjet e hetimit të trajtuara në aspektin e verifikimit të zbatueshmërisë së legjislacionit, të formulimit të propozimeve ose iniciativave ligjore që kanë për qëllim frenimin dhe parandalimin e fenomeneve negative për shoqërinë e shtetin, janë të përfshira në konceptin kushtetues si çështje të veçanta. Megjithatë, mbetet në diskrecionin e ligjvënësit dhe në mënyrë të veçantë të një të katërtës së deputetëve, që sipas rasteve konkrete që do të sjellë praktika, duke u orientuar dhe nga formulimet e dhëna në këtë vendim interpretues, të konkludojnë për qëndrimin përkatës. Jurisprudenca kushtetuese që do trajtojë në mënyrë konkrete kushtetutshmërinë e çështjeve të tilla, sigurisht që mund t’i jap një kuptim më të plotë në të ardhmen kësaj dispozite kushtetuese.

Mbi bazën e kësaj analize doktrinare që Gjykata Kushtetuese i bën nenit 77 pika 2 të Kushtetutës, nisur dhe nga fakti se përveç kryerjes së funksionit të saj kushtetues për interpretimin përfundimtar të çështjes objekt shqyrtimi, nuk merr përsipër të krijojë norma të reja, ajo arrin në përfundimin se interpretimi i bërë i dispozitave, fjalive ose shprehjeve konkrete brenda saj, ka për qëllim që në mënyrë analitike të japë dhe të përcaktojë konceptet bazë si dhe parimet mbi të cilat duhet të mbështetet organi kompetent për të konkluduar lidhur me zbatimin e drejtë dhe korrekt të saj.

PËR KËTO ARSYE,

Gjykata Kushtetuese e Republikës së Shqipërisë, duke u bazuar në nenet 124 e 134 të Kushtetutës si dhe në nenet 71, 72 dhe 79 të ligjit nr.8577, datë 10.2.2000 “Për organizimin dhe funksionimin e Gjykatës Kushtetuese të Republikës së Shqipërisë”, njëzëri,


V E N D O S I:

Interpretimin e nenit 77 pika 2 të Kushtetutës së Republikës të Shqipërisë në këtë mënyrë:

1. Komisionet hetimore janë mjet efektiv kontrolli që veprojnë vetëm brenda hapësirës kontrolluese të parlamentit, të cilat ngrihen për çështje të veçanta, të lidhura në mënyrë funksionale me pushtetin e ligjvënësi.;

2. Ngritja e komisioneve hetimore parlamentare, kur kërkohet nga një e katërta e deputetëve, është e detyrueshme. Objekti dhe fusha e veprimit të komisioneve hetimore, duhet të respektojë parimet kushtetuese dhe normat e gjithëpranuara të së drejtës ndërkombëtare, duke mos cenuar pavarësinë dhe duke mos penguar veprimtarinë e organeve të pushteteve të tjera.

3. Parimet kushtetuese, veçanërisht, parimi i ndarjes e balancimit ndërmjet pushteteve, i të drejtës për një proces të rregullt ligjor, i prezumimit të pafajësisë, i paanshmërisë, i respektimit të jetës private të individit, përbëjnë standarde kushtetuese mbi të cilat ngrihen dhe funksionojnë komisionet hetimore parlamentare.

4. Çështjet e veçanta që përbëjnë thelbin e objektit të veprimtarisë së komisioneve hetimore parlamentare, të cilat e përmbajnë në vetvete interesin publik, janë ato që hetohen në aspektin e kontrollit e të zbatimit të ligjeve, të njohjes e verifikimit në thellësi të një fenomeni, ngjarjeje a veprimtarie dhe që nxisin iniciativat për propozime, amendime ose miratime ligjesh, me qëllim parandalimin e fenomeneve negative për shoqërinë e shtetin dhe nxjerrjen e përgjegjësive institucionale.

Ky vendim është përfundimtar, i formës së prerë dhe ka fuqi prapavepruese.



[1] Shih për këtë argument, D P.Kommers, The Constitutional Jurispredence of the Federal Republic of Germany 164 (1997), i cili i referohet artikullit të ish-gjyqtarit Konrad Hesse në Grundzuge des Verfassungsrechts der Bundesrepublik Deutschland, 16 th ed. 184-186.

[2] Vendimi i Gjykatës Kushtetuese të Letonisë, No. 03-04 (99).

[3] Vendimi i Tribunalit Kushtetues Polak, K.6/94, pjesa II, 91.

[4] Shih Allenet de Ribemont kundër Francës, Vendim i Gjykatës Europiane të të Drejtave të Njeriut i 10 shkurtit 1995, Ap. No. 15175/89, paragrafi 36.

[5] Shih për këtë, Artico kundër Italisë, Vendim i Gjykatës Europiane të të Drejtave të Njeriut i 13 majit 1980, A-37, paragrafi 33; Soering kundër Mbretërisë së Bashkuar, Vendim i Gjykatës Europiane të të Drejtave të Njeriut i 7 korrikut 1989, A-161, paragrafi 87; Cruz Varas dhe të tjerët kundër Suedisë, Vendim i Gjykatës Europiane të të Drejtave të Njeriut i 20 marsit 1991, A-201, paragrafi 99.

[6] Shih për këtë, Demicoli kundër Maltës, Vendim i Gjykatës Europiane të të Drejtave të Njeriut i 27 gushtit 1991, A-210, paragrafët 30-42.


Arkiva e Shtetit
http://www.qpz.gov.al/doc.jsp?doc=do...14-05-2003.htm

[fattlumi]

Grushti i shtetit


Nga Sali Berisha

Jam këtu për të dëshmuar për ngjarjen më të shëmtuar në historinë e shtetit shqiptar, nga qershori i vitit 1924 gjer më sot, për një puç grusht shteti, të organizuar nga trojka Edvin Kristaq Rama, Gramoz, Ruçi, Skënder Gjinushi, për të përmbysur me dhunë pushtetin e dalë nga zgjedhje të lira dhe të ndershme, për t’i kthyer Shqipërisë dhe shqiptarëve kohërat e republikave të bananeve, kohërat më të vështira, më të pasigurta e më të pamerituara për qytetarët shqiptarë.

***

Puçi i 21 janarit ishte një grusht shteti i organizuar në përputhje me të gjitha rregullat e një akti të tillë të turpshëm; ishte një grusht shteti, i cili u paralajmërua në mënyrën më të përsëritur nga autorët e tij Rama, Ruçi e Gjinushi; ishte një grusht shteti, i cili u përgatit me frymën e një fundamentalizmi ekstrem, duke shfrytëzuar trashëgiminë më të zezë, më negative të Partisë Socialiste.

Grushti i shtetit u udhëhoq nga një treshe në krye të kësaj partie, duke besuar se Partia Socialiste do t’i mbështesë tërësisht ata, pasi e vërteta historike është se kurrë kjo parti nuk ka ardhur në pushtet nëpërmjet votës. Partia Socialiste është e vetmja parti, e cila në kongresin e saj të qershorit të vitit ’90 do të sanksionohej si trashëgimtare juridike e Partisë së Punës të Shqipërisë. Në vitin ’97, Partia Socialiste përdori dhunën, armët e të gjitha mjetet për të ardhur në pushtet. Partia Socialiste nuk bëri kurrë zgjedhje të denja për një vend dhe pasi i humbi ato, me drejtimin e ri dhe dua ta theksoj me drejtimin e ri, sepse unë, me gjithë kundërshtinë e jashtëzakonshme që kam pasur me kryetarin e saj të mëparshëm, kam vlerësuar e vlerësoj faktin se ky zotëri pranoi rotacionin e pushtetit, ndërsa udhëheqja aktuale, trojka Rama, Ruçi, Gjinushi, gjatë gjithë këtyre viteve, nuk kanë bërë asgjë tjetër, veçse të minojnë me çdo kusht votën e lirë të shqiptarëve, pushtetin e dalë prej saj.

Ky ishte një grusht shteti i kryer ditën për drekë, para mediave të Shqipërisë e të mbarë botës. Banditë, kriminelë, trafikantë, mercenarë, bashibozukë, në numër gjithsej më pak se 300 vetë, rrethuan për 5 orë Këshillin e Ministrave të vendit, kryeministrin e vendit, me vendosmërinë totale për ta pushtuar ndërtesën dhe natyrisht, për të larë hesapet me qeverinë e dalë nga zgjedhjet e lira.

***

Për ata, të cilët mund të kenë qoftë edhe dyshimin më të vogël se çfarë ishte ngjarja e bulevardit, siç do të quhej me emrin kod nga puçistët, sepse ishte përgatitur jo vetëm skenari, por edhe semantika, terminologjia që do të përdorej, le t’i referohemi doktrinës së grushtit të shtetit. Në një nga fjalorët më prestigjiozë të botës, fjalorit amerikan Heritage thuhet se “grushti i shtetit është përmbysja e papritur e një qeverie, zakonisht nga grupe të vogla personash me pushtet, ose që më parë kanë qenë në pushtet”.

***

Ata që rrethuan kryeministrin dhe Këshillin e Ministrave, ata ishin bajlozë të vjetër. Urdhër banditëve i jepte kryetari i puçit, por edhe ish ministri i Sigurimit të Shtetit Gramoz Ruçi, edhe ish ministri i regjimit të Enver Hoxhës, Skënder Gjinushi, madje dua të them dhe ministra e mbi ministra të atyre që shqiptarët i nxorën me votë nga pushteti dhe që erdhën me dhunë.

Në enciklopedinë concize britanike, “grushti i shtetit është përmbysja e papritur e një qeverie ekzistuese nga një grup konspiratorësh”. Grupi që realizoi grushtin e shtetit kishte dy gjysma: anën e shndritshme, ku operonin Rama, Ruçi, Gjinushi, por kishte edhe të tjerë që qëndronin në anën e errët të hënës dhe këta ishin njerëzit e ngjarjes së bulevardit dhe jo vetëm këta. Mendoj se ky përkufizim është bërë kohë më parë, por sikur të bazohej tërësisht mbi atë që ndodhi në 21 janar.

Në fjalorin e historisë ushtarake të Oksfordit, grushti i shtetit është përpjekja për të ndryshuar një qeveri me kërcënime. Shqiptarët përjetuan gjatë dy muajve të fundit kërcënime nga më të papërmbajturat, por veçanërisht 10 ditët e fundit, kreu i grushtit të shtetit Edvin Kristaq Rama do të deklaronte se Kryeministri i vendit ose do të pranojë kushtet, ose populli do të tejkalojë Kushtetutën, se demonstrata e popullit nuk do të kontrollohej, madje natën para asaj dite do të paralajmëronte Kryeministrin se do t’i duhej të kalonte mbi kufoma. Por, siç thotë dokumenti monumental i Oksfordit, suksesi ose jo i grushtit përcaktohet nga qëndrimi i institucioneve që kanë forcën.

Në shumicën e rasteve një grusht shteti, theksohet në këtë dokument, ndërmerren për të përmbysur një apo disa drejtues tipikisht udhëheqës civilëdhe për të vendosur një pushtet alternativ apo një grupi alternativ. Udhëheqësi dhe udhëheqësit që duhej të përmbyseshin ishte koalicioni aktual. Do t’u përsëriteshin mandatet atyre që ishin angazhuar në konspiracion dhe do të merrte kreun e mazhorancës kryepuçisti Edvin Kristaq Rama.

Në fjalorin politik të Oksfordit theksohet se “grushti i shtetit përcaktohet si rrëzimi i papritur me forcë dhe ilegal i një qeverie”. Nuk besoj të ketë gjë më të kristaltë sesa përpjekja që bënë puçistët në datën 21 janar ndaj qeverisë legjitime të popullit shqiptar dhe Shqipërisë, vend anëtar i NATO-s. Ata, të cilët imagjinojnë grushte shteti si vërshim tankesh në rrugë, janë gabim. Një nga specialistët më të shquar në botë, Edward Luttwak thekson se “një grusht shteti, një puç konsiston në infiltrimin e një segmenti të vogël por kritik të aparatit shtetëror, që përdoret më pas për të larguar kontrollin e qeverisë nga ato pjesë që kanë mbetur”. Luttwak shkruan se Forcat e Armatosura nuk janë tipar dallues për një grusht shteti. Në Shqipëri, Forcat e Armatosura janë një institucion i shkëlqyer, anëtar i NATO-s, të gatshëm për të mbrojtur rendin kushtetues të vendit, për të përmbushur të gjitha detyrimet që kanë nga Aleanca e Atlantikut të Veriut.

21 janari ishte një grusht shteti, po t’u referohemi të gjitha përcaktimeve që ekzistojnë sot në literaturën botërore për këtë akt të shëmtuar. Enciklopedia britanike thotë se intervencioni politik është grusht shteti dhe nënkupton rrëzimin e papritur me dhunë të qeverisë ekzistuese nga një grup i vogël. Ky grup ishte aq i vogël, aq mjeran! Këta ishin 20, 30, 40 aventurierë, të udhëhequr nga një kryepuçist, me gjithsej 200 deri në 300 bashibozukë, morracakë, të droguar, hajdutë, njerëz që kishin ardhur të rrëzonin një qeveri legjitime.

Në fjalorin e lirë, puç apo grusht shteti është përpjekja e papritur e një grupi njerëzish për të rrëzuar një qeveri. Në një dokument tjetër thuhet se grushti i shtetit është rrëzimi i shpejtë jashtëligjore i një qeverie. Në një tjetër Word Web thuhet se “grushti i shtetit është një ndryshim i shpejtë, vendimtar, ilegal ose me forcë i një qeverie”. Në një dokument tjetër themelor thuhet se grushti i shtetit është përmbysja e papritur me forcë e një qeverie nga një grup puçistësh kundër saj. Besoj se nuk ka shqiptar që nuk e ka të qartë se cili ishte grupi i puçistëve që kryesohej nga Edvin Kristaq Rama.

Kam këtu mbi 17 përkufizimi, që të gjitha mbi grushtin e shtetit, e cilësojnë si një akt të përmbysjes së një qeverie me dhunë. Por grushti i shtetit të 21 janarit nuk erdhi si rrufe në qiell të hapur. Ai ka pasur skenarin tipik puçist, i cili filloi me montimin, falsifikimin e një video nga Edvin Kristaq Rama, me ndihmën e një hierarku, e një persekutori të vjetër të Sigurimit të Shtetit, njeriut që burgoste me ekspertizat e tij hanxhar të rinjtë shqiptarë, edhe djalin e tribunit legjendar të lirisë së shqiptarëve, të Abaz Kupit, Fatbardh Kupi. Këtu është dokumenti i njeriut që 30 vjet më parë, me dëshminë e tij do të bënte që të dënohej me 12 vjet burg një i ri për hartimin e maturës që kishte bërë dhe ky është çakalli i Edvin Ramës, me të cilin filloi edhe skenari i grushtit të shtetit. U shfaq një video.

Zoti kryetar, reagimi im ndaj asaj videoje ka qenë i fuqishëm dhe jo se unë u lëndova personalisht, por se e perceptova atë si fillimin e një skenari ogurzi. Në rast se qytetarëve u kujtohet në mënyrë të përditshme në parlament dhe kudo, u ndërmorën sulmet më të fuqishme kundër manipulatorit dhe organizatorit të këtij manipulimi. Megjithëse të nesërmen, gazetarët me integritet detyruan çakallin e Ramës që media e tyre të shfaqte pjesën nga ora 13.29.42 sekonda në orën 13.30.4 sekonda, pra, mbi 20 sekonda të prera, gjatë të cilës faktohej se Kryeministri i vendit nuk kishte asnjë lidhje me atë bisedë që Zëvendëskryeministri bënte me ish ministrin e Ekonomisë dhe se në atë bisedë bëhej fjalë jo për kontratë, jo për tender, jo për koncesion, por bëhej fjalë për zëvendësimin e Drejtorit të KESH-it, në përputhje me marrëveshjen midis Partisë Demokratike dhe LSI-së, një kandidat që ishte i PD-së do të zëvendësohej me një kandidat të LSI-së. Por pavarësisht se ishte qartësisht i montuar, sërish Zëvendëskryeministri në aktin e parë iu drejtua me një letër Kryetares së Parlamentit, ku e njoftonte se ai nuk i njihte vetes asnjë imunitet dhe në aktin e dytë erdhi në zyrën time, duke më njoftuar dorëheqjen e parevokueshme, në një akt të lartë qytetarie, por edhe një akt i lartë përgjegjësie politike, pasi, u shpreh zoti Meta, unë nuk pranoj të ulem para prokurorit të shtetit si Zëvendëskryeministër, por si qytetari Ilir Meta. Ndonëse kisha dijeni të plotë, rezultoi se segmente të tjera të videos ishin të manipuluara, rezultoi se 700 mijëshi që përmendet në video ishte në shkresën, me të cilën kompania i drejtohej ish ministrit për dëmin që asaj i krijohej me moszbatimin e vendimit të gjykatës. Por të gjitha këto janë çështje të hetimit dhe unë ju ftoj juve që atë video ta bëni objekt të hetimit tuaj. Prokuroria po heton për korrupsion dhe unë e përgëzoj, por ju duhet të hetoni se aty është fillimi i puçit. Gjithmonë në puçe ka një shkak, duhet të gjendet një pretekst dhe Edvin Kristaq Rama përcaktoi si pretekst shpifjen, trillimin, manipulimin, në bashkëpunimin me një hierark të vjetër të Sigurimit të Shtetit, që u bënte natën e zezë të rinjve shqiptarë, çakallin e tij në Top Channel.

***

Hetimi i asaj videoje është jashtëzakonisht i rëndësishëm nga ana juaj, me lidhje me asgjë tjetër përveçse lidhjes së saj me puçin që përjetoi Shqipëria. Ndonëse video u paraqit para gjithë shqiptarëve dhe manipulimi ishte i qartë si drita e diellit, pati një që njeri u tha shqiptarëve në mënyrën më të pafytyrë se nuk është manipulim, por është e vërtetë dhe ky njeri është kreu i puçistëve Edvin Kristaq Rama. Më pas, puçi vazhdonte. U mblodh Asambleja e Partisë Socialiste, të cilën Edi Rama e shndërroi në parti të dhunës dhe e riktheu në origjinën e vet. Edi Rama nuk u fshehu shqiptarëve qëllimet e tij puçiste. Përkundrazi, shqiptarëve u tha se në demonstratën e 21 janarit populli nuk do kontrollohet, por populli e kontrolloi veten shkëlqyeshëm. Ata që rrethuan kryeministrinë nuk ishin gjë tjetër veçse fundërrina, të cilët mjerisht gjenden në çdo komb. Por kur gjejnë një puçist, në mercenarizmin e tyre ata janë të aftë të mos njohin asgjë. Kështu që populli u kontrollua dhe u kontrollua në mënyrë të shkëlqyer. Mijëra e mijëra socialistë, që me qindra herë kishin ardhur për të protestuar tek dritaret e zyrës së Sali Berishës e të Këshillit të Ministrave dhe që nuk kishin pasur as edhe lëndimin më të vogël, veçse respektin total për liritë e tyre, u larguan nga vendi i ngjarjes.

***

Puçi u paralajmërua gjerësisht nga Rama, Ruçi dhe Gjinushi. Ky i dyti do të më kërcënonte në parlament se 21 janari ishte fundi im. Unë ju them tani se 21 janari ishte triumfi im dhe njëherësh, 21 janari ishte fundi juaj puçist.

Ky ishte një puç i përgatitur me shumë kujdes, me financim të madh, me mjete të veçanta. Por ajo që nuk kishin llogaritur kurrë puçistët ishte se ata nuk dinin që Policia e këtij Shteti, policia e këtij vendi të lirë ishte e aftë dhe e zonja të zmbrapste çdo puç. Ata nuk llogarisnin se Garda e Republikës së këtij vendi ishte e aftë të mbronte me çdo sakrificë institucionet e republikës. Ata nuk dinin se Shqipëria nuk ishte më skafo-republikë e tyre, por ishte vend anëtar i NATO-s dhe shtetit ligjor.

Për 10 ditë resht, deputetë dhe drejtues të PS-së në rrethet Has, Kukës, Pukë, Shkodër, Lezhë, Mirditë, Peshkopi, Burrel, Tiranë, Durrës, Krujë, Librazhd, Elbasan, Korçë, Kolonjë, Përmet, Tepelenë, Gjirokastër, Vlorë, Sarandë rekrutuan mercenarët, paguan sipas dokumenteve të pakundërshtueshme 200 deri në 300 dollarë vetëm për dhunën, 50 deri në 100 dollarë për transportin dhe shpenzime të tjera. U mblodhën për t’u shpërndarë nga baronët e krimit të organizuar në krye të PS-së Fidel Ylli, Tom Doshi, Sadri Abazi, Artan Dulaku, Koço Kokëdhima e të tjerë rreth 2 milion euro. Janë shpërndarë 1.3 milion dhe të tjerat janë në rezervë, apo kanë përfunduar në xhepat e tyre, sepse bashibozukët atë ditë u kthyen e po vidhnin protestuesit në mënyrën më çnjerëzore. Me këto para janë siguruar ngarkesat e tritolit, janë siguruar armët e veçantë, kallashnikovët.

***

Qytetarët shqiptarë kaun dhënë një kontribut të jashtëzakonshëm në zbërthimin në çdo qelizë të këtij puçi, të këtij akti të shëmtuar. Ata paralajmëruan Kryeministrin e vendit në dhjetëra në mos qindra raste si po përgatitej. Me një shkallë të lartë përgjegjësie, ata u përpoqën, bënë më të mirën për të paralajmëruar njerëzit e tyre që të mos vinin si mish për top të një grushti puçistësh.

Grushti i zhvillua para kamerave. Qytetarët shqiptarë panë se pasi nuk thyen dot pjesën ballore të Policisë së Shtetit, puçistët dhanë urdhër të sulmohej porta e kryeministrisë.

***

Në mediat e këtij vendi janë transmetuar thirrjet që vinin nga kullat binjake nga drejtuesit e tyre: përpara, hyni, çani portën. Por sot disponojmë dokumente të pakundërshtueshme se deputetët kryesorë të kësaj partie kërkonin me çdo kusht, urdhëronin me telefon nga lokalet e Fidelit: përpara, ecni, mos kini frikë, të shtënat janë me fishekë manovre, ju do fitoni dhe gjenerali tjetër që pyeste t’u çojmë tani kallashët apo më vonë. Tek Tajvani, një makinë e veçantë ishte e mbushur me tritol, në kallëpe 400 gramëshe, të cilat u shpërndanë dhe i hodhën në mënyrë të përsëritur kundër Gardës dhe Policisë së Shtetit. Makinat me kallashnikovë ishin afër. Edi Rama qëndronte në krye të komandës. Në rast se ndonjëherë një nga puçistët, i sigurt në disfatën, i sugjeroi të largohemi se humbëm, kryepuçisti i thotë në asnjë mënyrë, të vazhdojë beteja. Ëndërronte, besonte se me ata banditë, me ata njerëz të hurit e të litarit, të gurit e eksplozivit do mund të vinte në zyrën e kryeministrit. Kryeministria, Këshilli i Ministrave kishte një mbrojtje të plotë e totale. As 200, as 2000 e as 20 mijë nuk mund ta merrnin atë. Kurrë! Ajo kishte një mbrojtje absolute dhe do të ketë një mbrojtje absolute. Sikundër, në këtë vend të lirë do të respektohet me vendosmërinë më të madhe çdo liri dhe e drejtë e qytetarëve shqiptarë për protestë dhe po me ato ligje, po me atë Kushtetutë do të mbrohen me vendosmëri totale institucionet e këtij vendi.

Pasi mbarova drekën, në orën 14.15 u ktheva në zyrën time. Punonjësve u thashë se institucionet janë kështjella dhe nuk jepen kurrë. Sado e hidhur, sado e shëmtuar, sado e dhimbshme që është ajo që ndodhi në 21 janar, nga ana tjetër, po kaq madhështore, po kaq heroike, po kaq domethënëse është qëndresa e atyre burrave dhe grave të Policisë së Shtetit dhe Gardës, të cilët bënë të qartë se institucionet, kështjellë të lirisë, nuk jepen, nuk mund t’i pushtojë kush kurrë.

***

Demonstruesit erdhën për protestë paqësore, por një pjesë e tyre ka ardhur e pajisur me armë shumë të veçanta, me çadra pistoletë, me stilolapsa pistoletë, me pistoleta e mjete të ndryshme. Duhej me çdo kusht që kryeministri vendit në qoftë se nuk dorëzohej, të kalonte mbi kufoma, të realizohej ajo që kishte paralajmëruar kryepuçisti Rama. Mbi këtë ngjarje ne sot disponojmë të dhëna të shumta, për çdo qelizë, çdo segment të zhvillimit të saj. Por natyrisht, pjesa më kriminale e kësaj ngjarjeje ishte në bunkerin e Fidelit. Aty, Edvin Kristaq Rama me puçistin Ruçi, Gjinushi, me bllokmenë të tjerë, por dhe eksponentë të mafias që ka, të dy dulakët, me pasardhës të bllokut, me të ashtuquajturit gazetarë, të cilët do të botonin në faqet e zeza të tyre njoftimin se Berisha u arratis, kërkoi strehim në ambasadën serbe. Të gjithë ishin në komandë. Që të gjithë janë të dokumentuar. Në komandë ishin edhe ata deputetë të PS-së që rrethuan me zjarr kryeministrinë dhe i prinë zjarrit. Keni bërë një akt shumë të përgjegjshëm, kërkuat tabulatet. Tek Shekspiri thuhet drama gracka, ku shpirti i mbretit kapet si laraska. Tabulatet u bënë edhe gracka, ku shpirti i puçistëve kapet e bie si laraska. Ata e dinë veten e tyre ndaj këtij akti, çka i ka tronditur puçistët, sepse në ato kontakte janë të gjitha lidhjet e tyre me krimin, në ato kontakte qëndrojnë të gjitha lidhjet e tyre me puçin. Të jeni të sigurt se përveç atyre ka dokumente të shumta, të cilat Kryeministri i vendit do t’i dorëzojë të gjithë në këtë komision, por edhe në institucionet përkatëse. Pra, zoti kryetar, kemi të bëjmë me një puç të paralajmëruar.

Në mëngjesin e datës 21 janarit, si akti i parë zyrtar kam thirrur ministrin e Brendshëm dhe Drejtorin e Përgjithshëm të Policisë së Shtetit dhe u kam kërkuar t’u transmetojnë Policisë së Shtetit dhe Gardës porosinë time për vetëpërmbajtje maksimale, të dëshmojmë respekt të madh për protestën paqësore, për ata që duan të protestojnë në mënyrë paqësore. Ne kishim informacione të sakta nga shqiptarët, por edhe nga diplomatë të vendeve mike për atë që mund të ndodhet dhe që do ndodhte. Por neve takonte që në asnjë mënyrë, të nisur nga këto informacione, të shfaqej qoftë edhe nervozizmi i vogël. Më mbrapa jam informuar se ministri dhe Drejtori i Përgjithshëm i Policisë së Shtetit kanë përcjellë me përgjegjësi porosinë time tek të gjithë trupat. Ajo që është e papranueshme dhe që kërkon një hetim të thellë nga juaj është fakti se Shërbimi Informativ Kombëtar, Agjencia përgjegjëse për zbulimin dhe kundërzbulimin në këtë vend, që një nga objektivat kryesor ka mbrojtjen e rendit kushtetues, nuk ka sjellë as edhe informacionin më të vogël. Kërkesës së Drejtorit të Përgjithshëm të Policisë në datën 16 janar dhe ju do keni disponibël dokumentin, kjo Agjenci i përgjigjet se nuk ka asgjë të re. Ndërkohë kur ne kishim informacione të plota për atë që mund të ndodhte.

Cili është shkaku dhe arsyeja, çfarë ia lidhi sytë e i shurdhoi veshët këtij Shërbimi, për të cilin qeveria shqiptare shpenzon sot, për punonjësit e saj 70 përqind më shumë se në vitin 2006. Natyrisht, ishte një shërbim me 1500 vetë dhe i binte të ishte 10 herë më i madh se Shërbimi i Britanisë së Madhe, po ta proporcionojmë për frymë, u ridimesionua dhe arriti në 950 vetë dhe për punonjësit shpenzimet në këtë Shërbim janë rritur 70 përqind, sa asnjë institucion tjetër i vendit. Kjo çështje meriton një hetim i plotë. Nëse këta sy të lidhur e veshë të shurdhur kanë lidhje me vendosmërinë e kryeministrit për të përcaktuar mandatin, është në tagrin tuaj ta hetoni. Pas një kërkesë të bërë nga aleati e vendi që ka përgjegjësinë kryesore në botë për sigurinë unë e shtyva, ndonëse unë mbeten dhe i qëndroj parimit të mandatit. Por një vend që ka bërë gjithçka për Shqipërinë më shumë se kushdo tjetër nuk mund të mos dëgjohej nga kryeministri dhe këtë e bëra pasi bisedova me zyrtarë të qeverisë amerikane me një mirëkuptim. Natyrisht, jo se unë do të hiqja dorë nga mandati, por normale që në çështjet e sigurisë e them edhe haptas ne mbështesim kudo e për çdo gjë qeverinë e Shteteve të Bashkuara, e mbështesim sepse ato kanë përgjegjësinë kryesore në botë për sigurinë e paqes e stabilitetit. Kjo është arsyeja.

Shërbimi Informativ në disa rrethe, ju duhet të hetoni nëse kanë dërguar apo jo të dhëna në qendër, nuk mund ta them. Unë personalisht di të them këtë që thotë policia. Është e papranueshme që gjatë ditës së puçit Drejtori i Shërbimit Informativ nuk i ka hapur telefonin Drejtorit të Përgjithshëm të Policisë, i cili i ka telefonuar në mënyrë të përsëritur. Po ditën e puçit, ky zotëri i ka deklaruar Shefit të Shërbimit të Inteligjencës Ushtarake se nuk ka asgjë të veçantë. Dhe kjo është një deklaratë në drekë. Komisioni duhet të hetojë për të gjithë këto. Ai duhet të hetojë edhe për disa probleme të tjera, të cilat nuk kanë interes publik, por që meritojnë një hetim nga ky komision, për disa të vërteta që janë të rëndësishme për ju.

***

Pas 5 orë barbarish mbi Policinë e Shtetit dhe Gardën e Republikës, grushti dështoi dhe ju garantoj se nuk kishte asnjë shans, zero shans. Në këtë përplasje mbetën tre të vrarë. 81 gardistë të plagosur, 27 policisë dhe dhjetëra demonstrues. Unë kam dalë menjëherë para shqiptarëve dhe kam theksuar se duke i shprehur ngushëllimet e sinqerta familjarëve të viktimave, të cilët, sipas të dhënave paraprake, janë qëlluar nga afër me armë zjarri jo në përdorim të forcave të rendit, pasi këto ishin të dhënat që më erdhën nga spitali, i kërkoj prokurorisë të zbardhë rrethanat e goditjes së tyre në ët gjitha aspektet. Kjo është kërkesa ime në datën 21 janar, në orën 19.00. Natyrisht, e kam theksuar dhe e theksoj se në përpjekjen për një grusht shteti mund të mos ketë asnjë viktimë, mund të ketë 3, mund të ketë 30. Garantoj shqiptarët se kurrë ndonjëherë, cilido të jetë çmimi, një institucion i lirë i këtij vendi të lirë nuk do mund të merret kurrë nga askush. Kjo është jashtë çdo diskutimi. Institucionet nuk preket, liritë e të drejtat e këtij vendi nuk preken. Ky është qëndrimi im. Ndaj dhe unë i kërkova prokurores së shtetit të nisë menjëherë hetimin, pasi kështu është rregulli, si u vranë, kush i vrau, në ç’kushte u vranë. Të gjithë këto, përgjigje që duhet t’i japë ekspertiza. I eliminuan ata që kishin ardhur çadra-pistoletë apo stilolapsa-pistoletë, apo i eliminuan gardistët, të cilët, kur u hap dera, qëlluan në ajër, para të gjithë kamerave, sepse po të qëllonin direkt mbi objekt do të kishte dhjetëra të vrarë, qëlluan direkt, u shkau dora, të gjitha janë çështje të ekspertëve dhe që të gjitha hetohen në një vend të lirë. Dhe vdekja është gjëja më e dhimbshme.

Por puçi nuk ndalonte, humbën një betejë, me turp, me bisht ndër shalë dhe sërish besuan se nuk kishin humbur. Në qoftë se e keni konstatuar atë natë, kreu i puçit Edvin Kristaq Rama ka dalë tre herë në media, përfshirë edhe orën 01.00 të natës. Në orën e fundit, ky puçist do t’u deklaronte shqiptarëve se do të protestojmë nesër kundër horrave të Gardës, e cila ka vite që mbron Edvin Kristaq Ramën dhe e mbron me eficencë të plotë. Këtë do ta deklaronte në orën 01.00. pas kësaj ore, pasi unë e kam zakon të fle vonë, dhe vetëm brenda tre katër orëve, pas shpalljes së kësaj proteste që do të mbahej, një faktor tjetër politik i këtij puçi, siç do faktohej, Prokurorja e Përgjithshme do të vendoste arrestimin e të gjithë zinxhirit të komandës së Gardës, në mënyrë që puçistët të demonstronin lirshëm kundër horrave të Gardës e të pushtonin institucionet. Ministri më informon herët e më thotë se na ka ndodhur kjo gjë. Por unë kisha informacion edhe për stadin B dhe për stadin C të puçit, ndaj nuk isha aspak i papërgatitur. Në këto kushte, ministri lidhet në telefon me Prokuroren e Përgjithshme dhe i thotë se në rast se arrestonin pa asnjë hetim të gjithë zinxhirin e komandës së Gardës, me kë do t’i mbrojmë institucionet, pasi ai i kishte shpallur luftë horrave të Gardës që nuk e lanë të realizonte qëllimin e tij puçist. Burimet direkt nga prokuroria e shtetit më informojnë se ishte përgatitur grupi i gatshëm, i cili, në rast se kryeministri nuk do eliminohej me puç, do të merreshin me hetimin e tij. Nga Prokuroria e Përgjithshme më njoftojnë se ky është urdhër direkt i Prokurores së Përgjithshme, në bashkëpunim me kreun e shtetit.

Ndërkohë, të nderuar deputetë, në deklaratën që kreu i shtetit kishte lëshuar pasdite, në kulmin e agresionit ndaj Këshillit të Ministrave, Shkëlqesia e tij nuk citonte as edhe një herë të vetme fjalën dhunë. Shkëlqesia e tij, Presidenti i Republikës i kërkonte të gjithë faktorëve të negocionin për të qetësuar protestuesit. Ndërkohë dërgonte zëdhënësin e tij të pashpallur në Top Channel, ku shprehej se Berisha duhet të negociojë me banditët. Këto janë problemet, një besëprerë dilte aty dhe thoshte se Berisha duhet të shqyrtojë dhe zbërthente, po nuk e kuptova se kush ia kishte shkruar shokut atë komunikatë ky atij, apo ai këtij. Pra, i kërkohej kryeministrit të rrethuar që të turpëronte flamurin e të negocionte me banditë. Kjo është deklarata. Presidenti i Republikës duhet të japë shpjegime se çfarë ia mbylli sytë atij që nuk pa dhunën që panë shqiptarët kundër institucionit kushtetues, cilat ishin ato mure që nuk e lanë atë të shohë, cilat ishin ato ekrane që nuk ia paraqitën atij këtë dhunë. Kjo është çështje, të cilën ju duhet ta hetoni. Shqiptarët duhet ta mësojnë të vërtetën. Një gjë dua t’ju garantoj se ndaj tij në mënyrë të përsëritur kam dëshmuar respekt, respekt dhe vetëm respekt. Që tre muaj kur ka ardhur pas emërimit në Partinë Demokratike, në atë seli ky zotëri ka pasur vetëm mbështetjen dhe respektin e kryetarit të saj. Tani ishte e habitshme.

Të nesërmen, ministri më thotë se kishte një takim presidentin në orën 10.00. E pyes përse e kishte kërkuar atë takim dhe mu përgjigj për arrestimet e Gardës. I them të mos merrej me këtë, pasi unë kam informacionet e mia dhe që gjithçka kombinohej mes Prokurores së Përgjithshme dhe atij. Por meqenëse do të shkosh, pasi nuk ke pse e anulon takimin, i thashë shtroi një pyetje: zoti President, mbi pesë orë është sulmuar në mënyrë barbare Policia e Shtetit dhe institucioni kushtetues i Këshillit të Ministrave. Dhe përgjigja e Presidentit të republikës ishte kjo: opozita ka vetëm fjalë. Së dyti, kur po diskutohej çështja e arrestimit të zinxhirit të komandës së Gardës, Presidenti i republikës i drejtohet ministrit Basha: ki kujdes ato letrat e tua.

Në një situate të tillë, për të parandaluar zhvillime, Ministri Takon përfaqësuesit kryesor diplomatikë dhe unë i thirra në takime të veçantë dhe në grup. Në këto takime i informova për zhvillimet dhe ju kërkova që të sjellin hetues dhe të kontribuojnë në zbardhjen e kësaj të vërtete. Ne jemi shumë të hapur ndaj çdo hetimi, se do të vlerësoja shukë çdo kontribut në këtë drejtim dhe se nuk kam asnjë tendencë, në mënyrë absolute, për të parandaluar asnjë lloj hetimi. Përkundrazi, të secili nga ata, për të cilët është lëshuar mandat arresti, është i gatshëm të deponojë nga ora 12 e natës në orën 12 të ditës, por jo nën arrest kolektiv, siç veproi kryeprokurorja. Një zhvillim intensiv takimesh, ambasadori i SHBA-ve njoftoi se qeveria amerikane ka pranuar dhe është e gatshme të ofrojë ndihmë për hetimin, pasi besueshmëria e institucionit ishte kompromentuar në shkallën maksimale nga titullari i saj. Ky titullar, por edhe zoti Rama pranuan që ekspertë të shquar të SHBA-ve t’i bashkohen hetimit, duke e konsideruar hetimin si elementi më themelor të zgjidhjes së kësaj krize të rëndë, të krijuar nga tentativa për të marrë pushtetin me dhunë nga kreu i PS-së, sëbashku me Gramoz Ruçin e Skënder Gjinushin. Në mënyrën më të papërgjegjshme, në prani të ambasadorit të SHBA-ve, prokurorja e vendit deklaron para gazetarëve se nuk kishte marrë asnjë padi nga policia për dhunim të rendit kushtetues, në një kohë kur e kishte marrë të paktën 24 orë përpara. Ju kërkua në mënyrë të përsëritur të japë sqarime, pro nuk pranoi. Ajo që është më e rënda, e rëndë njëlloj sa rrethimi i kryeministrisë dhe sulmi ndaj saj, ishte shkelja e marrëveshjes me faktorin ndërkombëtar që bëri prokuroria e vendit. Ne, për të kontribuar në një progres, vendosëm dhe ramë dakord që të gjithë anëtarët e Gardës të paraqiteshin për hetim, urdhrat e arrestit do të anuloheshin e do të vazhdonte hetimi sipas të gjithë procedurave, me gjykatë e gjithçka tjetër. Në mënyrë befasuese, kjo zonjë, pasi kishte dhënë miratim të plotë për një marrëveshje hollësisht të negociuar, e shkel atë dhe gardistëve të paraqitur për hetim kërkon me çdo kusht t’u vërë hekurat, pasi mitingu ishte të premten.

***

Hetimi i shkaqeve të shkelmimit të kësaj marrëveshjeje duhet të jetë një nga pistat kryesore në hetimin e grushtit të shtetit, cila ishte qendra, cili ishte truri, cili ishte bosi që urdhëroi zonjën të grisë marrëveshjen. Ka një rëndësi të madhe për vendin që kjo të gjendet. Prandaj ju djegin shumë tabulatet, se të nesërmen e puçit në orën 5 pasdite, zonja merr në telefon Drejtorin e Përgjithshëm të Policisë dhe i kërkon ekzekutimin e mandateve. Drejtori i thotë se i keni plotësuar me lapsuse teknike dhe vetëm 30 minuta më vonë, Edi Rama, kryepuçisti paraqitet para mediave dhe deklaron se policia nuk po ekzekuton mandatet sepse thonë se kanë lapsuse teknike. Unë kam indicet e mia se cili ishte komunikimi i zonjës Rama me zotin Rama, por është në tagrin tuaj dhe un do të përpiqen të jap ndihmesën time. Por sidoqoftë lemeria nga tablatet flet vetë.

***

Jam këtu për të shprehur një mirënjohje shumë të thellë qytetarëve të Tiranës, por në tërësi qytetarëve shqiptarë, të cilët me maturinë e tyre të qëndrimit demokratik, me përgjegjësinë e tyre lanë në vetmi 200-300 banditë, njerëz të hurit e të litarit, bënë që një grup aventurierësh të ndryrë në kullat binjake, në lokalin e Fidelit, pinjollë të bllokut, lakej e çakej të tyre përreth, të përjetojnë dëshpërimin dhe turpin më ët madh për dështimin e tyre. Unë dua të falënderoj të gjithë ata qytetarë, të cilët dhanë dhe japin një kontribut të madh për të qartësuar rolin gjithsecilit, atyre që ishin në bunker dhe atyre që ishin në shesh. Unë kam besim të madh se ju do t’i paraqisni parlamentit dhe shqiptarëve raportin më të plotë, me të vërtetat më konkrete. Një seri dëshmitarësh kanë dhënë dëshmi të shkëlqyera, të cilat do t’u jepej juve, por edhe grupit të hetimit.

***

Ky ishte një grusht që dështoi dhe që nuk mund të realizohet dot kurrë. Askush nuk mund të marrë Këshillin e Ministrave apo ndonjë institucion tjetër. Ky grusht, në fazën A synonte marrjen e Këshillit të Ministrave, Parlamentit, Televizionit Publik Shqiptar dhe ministrive kyçe. Drejtori i Televizionit Publik Shqiptar kërcënimeve me jetë, të bëra ditën para puçit, do t’u përgjigjej; urdhëroni, do më keni para jush lakuriq si kryetarin tuaj të puçit. Natyrisht, edhe zoti Beci kishte ndërmend të mbronte institucionin, njëlloj si unë detyrën time, por ia tha këtë se këtë institucion se merrni dot kurrë. Po kështu parlamentin dhe ministritë. Të gjithë kanë qenë në krye të detyrës.

Dua të falënderoj dhe ju bëj thirrje qytetarëve në të katër anët e vendit të kontribuoni sa më shumë në qartësimin gjithçka rreth kësaj ngjarjeje, më të turpshmen që ka ndodhur në 87 vitet e fundit, në historinë e vendit. I siguroj se demokracia shqiptare, institucionet, liria dhe vlerat e saj janë të pacenueshme. Është e vërtetë që një ndërtesë në bulevard u rrethua nga flakët, por është e vërtetë që shkëlqeu mbi flakët e çdo gjë vendosmëria, trimëria e heroizmi i burrave e grave që mbrojtën atë institucion dhe që janë të gatshëm të mbrojnë me çdo kusht institucionet e shtetit ligjor të këtij vendi e të bëjnë të dështojë çdo puçist e çdo puç.

Dua të informoj ju dhe shqiptarët se në interesin më të mirë të vendit e të shqiptarëve e t’ju garantoj se në vendosmërinë time më të madhe ka ekzistuar një kërkesë konstante që ky problem të trajtohet brenda institucioneve dhe ky është edhe vendimi im. Çka do të thotë se në rast se unë sot bëj transparencën para shqiptarëve për dy tre elementë në krye të institucioneve, nuk ngatërroj aspak institucionet, nuk më lëkundet aspak respekti ndaj institucioneve. Jam i bindur se hetimi është themelor, por jam i bindur edhe se thirrja e ekspertëve më të mirë nga një vend mik e i madh, i cili në çdo moment të vështirë ka ndihmuar më shumë se kushdo Shqipërinë e shqiptarët, ishte hapi i duhur dhe jam i bindur se ky hetim jetik për paqen e stabilitetin e vendit do të realizohet me paanësi, pavarësi dhe sukses të plot brenda institucioneve të këtij vendi.

***

Shpreha atë që kam konstatuar për kreun e shtetit, por ju garantoj ju dhe shqiptarët se ai do të respektohet në postin e tij. Natyrisht, para ligjit të gjithë jemi të barabartë. Në këtë kontekst, të gjithë do të dëshmojnë para shqiptarëve për rolin e tyre në këtë akt madhor dramatik që përjetoi vendi. Garantoj çdo institucion se ka respekt të plotë të qeverisë. Kjo është një arritje tjetër e madhe e demokracisë shqiptare. Sikundër, mbetem i vendosur për çdo përgjigje ndaj tentativave puçiste të përsëritura. Puçi nuk kalon në këtë vend. Ata që e ndërmorën duhet të marrin turpin e historisë.

Ju bëj thirrje të gjithë qytetarëve shqiptarë, pavarësisht dallimeve partiake, që i besojnë lirisë e vlerave të saj, që i besojnë pluralizmit, që i besojnë demokracisë, të dënojnë këtë akt të shëmtuat si ditën më të zezë të demokracisë shqiptare dhe si një nga ditët më të zeza në historinë e kombit shqiptar. I garantoj se kurrë ndonjëherë grushtet nuk do të mund të kalojnë mbi institucionet e këtij vendi.

http://www.noa.al/2011/01/grushti-i-shtetit/

[{A_N_G_E_L_69}]

Berisha dëshmon në komisionin hetimor: 21 janari, grusht shteti

UPDATE- Kryeministri Sali Berisha dëshmoi sot në komisionin hetimor parlamentar, ndërsa e quajti ngjarjen e 21 janarit grusht shteti, organizuar sipas tij nga trojka Rama - Ruçi - Gjinushi.


"Puçi i 21 janarit ishte një grusht shteti, i organizuar në përputhje me të gjitha rregullat e një akti të tillë të turpshëm i cili u paralajmërua në mënyrën më të përsëritur nga autorët e tij nga Rama, Ruçi dhe Gjinushi. Ishte një grusht shteti i cili u përgatit me frymën e një fondamentalizmi ekstrem duke shfrytëzuar trashëgiminë më të zezë, më negative të Partisë Socialiste" - tha Berisha


Partia Socialiste kurrë nuk ka ardhur në pushtet nëpërmjet votës së lirë, vazhdoi më tej kryeministri.


"PS është e vetmja parti e cila në Kongresin e qershorit '90, do të sanksionohej si trashigimtare e PPSH. PS në vitin 97 përdori dhunën dhe armët dhe të gjitha mjetet për të ardhur në pushtet. PS nuk bëri kurrë zgjedhje të denja për një vend"- tha kryeministri


Berisha mbrojti forcat e armatosura, ndërsa tha se ata janë një institucion i shkëlqyer, anëtarë i NATO-s.


Puçi, sipas kryeministrit Berisha nuk erdhi si një rrufe në qiell të hapur, sipas tij filloi me montimin, falsifikimin e videos ( Prifti-Meta) nga Rama me ndihmën e një persekutori të regjimit të vjetër.


Kryeministri dhë një serë përkufizimesh nga literatura të ndryshme mbi grushtin e shtetit.


Kryeministri Berisha, gjatë mbledhjes së Komitetit Ndërministror të Integrimit, vijoi me etiketimin e radhës si "grusht shteti" të demonstratës së 21 janarit. "Mblidhemi në një kohë kur Edi Rama, dy ministra të diktaturës hoxhiste, Gramoz Ruçi dhe Skënder Gjinushi, ndërmorën përpjekjen më kriminale, më të turpshme dhe më të paimagjinueshme. Bënë pucin e marrjes së pushtetit me dhunë, sulmuan me një skenar të parapërgatitur qeverinë legjitime të vendit, ku në vend të përfaqësuesve të popullit shqiptar do mund të uleshin banditë, njerëz të hurit e të drurit. Në vend të Bashës - Tom Doshi, në vend të Nishanit - Ngjela". Sipas Berishës, në këtë mënyrë, "puçistët i kanë bërë vendit një tradhti të rëndë në sytë e mbarë botës. Kjo është një vulë e zezë në imazhin tonë, të cilin me përpjekje do bëjmë çdo gjë që ta kapërcejmë, ta përmirësojmë". Berisha theksoi se çdo shqiptar po edhe miqtë e Shqipërisë panë tentativën për të përmbysur pushtetin me dhunë, por panë nga ana tjetër forcën e jashtëzakonshme të ligjit e të institucioneve shqiptare, panë se e drejta e qytetarëve shqiptarë për të protestuar u respektua plotësisht.
Ai vijoi mbrojtjen e Gardës dhe forcave të policisë në lidhje me demonstratën e opozitës, duke thënë se "përpjekja për të pushtuar institucionet e shtetit mori kundërpërgjigjen më të fuqishme. Policia dhe garda u dëshmuan shqiptarëve pathyeshmërinë e tyre në mbrojtje të institucioneve të vendit".

``SHEKULLI``