Albin Kurti

[gjema]

per deri sod cka ka punue nuk ka asnje vrejtje trim patriot jo lakmiqar kjo sum me rendesi dua me than me kto pun nese nuk gabon rend naj kund athere e meriton plotsisht mu rendit me kta te lartpermendurit elites kombtare me plot bindje e them ket

[Nehat_0]

o popull a sjeni tu kuptu si me Thaqin nuk shkon, me hajna e dallavergji nuk shkon shteti përpara, po qka ju ka tek juve do do këtu me Thaqin? si skemi me pas të ardhme të mirë, e tu kesh krejtë bota me ne, haj medet ma popull të prapambetur se shqiptart skish pas kërkun në Botë, nvend se me zgjedh tjetër njeri të afshem i butë dhe me politikë të mirë si nuk vjedh e nuk tradhton popullin e ju mendoni Thaqi, haj medet, po kurr skeni mu mësu, por mirë jau bon juve Thaqi, se me ju njerëz nuk po mundke mu marr vesh kurr, haj medet po më vjen marre si jom shqiptar e qaq,
nuk bisedohet me tylyfar njeriu të pashkolluar si nuk don me pa drejtësin me sy po i mshel sytë, hajt se si e keni zgjedh ka me ju gjetë, se nuk bisedohet këtu me ju, veq pishmani keni mi ra veq atëherë vonë është, hajt kalofshi mirë, se ma ketu nuk shkruhet kurgjo,

[Egzon L.]

I vetmi lider i ndonjë partie që përmend dhe ka synim bashkimin kombëtar, do kenë mjaft punë me të në Parlament, më në fund dikush që do ngrit zërin kundër këtyre që ua kanë mbyll sytë popullit!!!

Bravo Albin, Bravo Vetvendosja!!!

[deqani2009]

poshte daqiqet dhe ky tradhtar siq eshte kudra e keti fundosje ,,,pse nuk i ben pushimet ne durres po ne podgoric

[deqani2009]

Zullumi këputet prej s’trashiVotime të shumëfishta. Votime familjare. Mbushje kutish me vota të parapërgatitura. Votime në emër të mërgimtarëve. Votime në emër të minoritarëve. Votime në emër të të vdekurve. Blerje votash: 20 euro paradite, 50 euro pasdite. Ndërprerje e energjisë elektrike. Letërnjoftime të rrejshme. Llamba verifikuese që s’punojnë. Sprej që është veçse ujë. Prishje të fletëvotimeve. Udhëzues që të tregojnë për kë të votosh. Kërcënime të komisionarëve. Dëbime të vëzhguesve. Dhunë ndaj komisionarëve e votuesve.

Menyja e zgjedhjeve demokratike në Kosovë është shumë e pasur. Vetëm se këtu nuk zgjedh qytetari. Këto janë zgjedhjet e pushtetit me të cilat duhet të përballet qytetari atëherë kur e ftojnë të zgjedhë.

Mund të mos ketë demokraci edhe atëherë kur ka zgjedhje demokratike. Fitojnë politikanët e pasur që kontrollojnë mediet. Në zgjedhje s’ka shkelje procedurash e rregullash dhe zgjedhjet formalisht janë demokratike – secili ka të drejtë të votojë lirshëm ndonëse shumica janë të mashtruar. Kjo ngjan edhe në vendet e zhvilluara perëndimore.

Mirëpo, s’mund të ketë demokraci kur s’ka zgjedhje demokratike.

Zgjedhjet demokratike duke mos qenë as formalisht zgjedhje gjithsesi që s’janë as demokratike. Dhe, zgjedhjet demokratike, duke mos qenë aspak demokratike, sigurisht që nuk janë as zgjedhje. I këtillë është rasti i Kosovës ku as minimumi nominal i zgjedhjeve demokratike nuk ekziston. Për më keq, kemi keqësim të përshpejtuar. Me kalimin e viteve nuk po rritet cilësia e zgjedhjeve në Kosovë. Përkundrazi.

Zgjedhjet e fundit në Kosovë ishin të jashtëzakonshme dhe tash në mënyrë të jashtëzakonshme nuk po përfundojnë. Sepse sasia e vjedhjes dhe pafytyrësia e vjedhësve ishte e jashtëzakonshme. Jo vjedhja si e tillë dhe as ata që e kryen atë. Në komuna të veçanta po përsëriten zgjedhjet në përpjekje e sipër për t’i shpëtuar zgjedhjet në tërësi.

Dihet që vjedhje të shumta votash pati gjithandej nëpër Kosovë. Dihet që menyja e plotë u përzgjodh në çdo cep të Kosovës. Në Drenas, Skënderaj dhe Deçan u përsëritën zgjedhjet jo pse atje pati vjedhje, por për shkak të sasisë së vjedhjes në këto tri komuna, dhe sidomos për shkak të sasisë së dokumentimit të vjedhjes. Në Drenas, Skënderaj e Deçan pati më së shumti njerëz të guximshëm që nuk heshtën para krimit.

Përsëritja e zgjedhjeve i përsëriti manipulimet. Nuk mund të ndodhte ndryshe përderisa më 9 janar 2011 askush nga dhunuesit e zgjedhjeve të 12 dhjetorit 2010 nuk ndodhej prapa grilave. Madje, shumë prej tyre u panë sërish në vendin e tyre të ‘punës’.


Me përsëritjen e pjesshme të zgjedhjeve dhe me numërimin e pjesërishëm të votave po betonohet përqendrimi te sasia e shkeljeve të ligjit. Institucionet e shtetit nuk i alarmon tashmë shkelja e ligjit por eventualisht vetëm përmasa e shkeljeve. Kësisoj, vjedhja e votave po normalizohet dhe vetëm aspekti sasior i vjedhjes problematizohet.

Kjo mënyrë mbase do të shpie drejt konsolidimit të një pragu përtej së cilit shkelja e ligjit bëhet shkelje e ligjit. Nëse ligji nuk shkelet shumë atëherë ligji nuk është shkelur. Por, edhe pragjet do të lëvizin gjithsesi. Përbrenda kësaj logjike, ajo që nuk tolerohet sot, kollaj mund të tolerohet nesër. Koha legjitimon e përdorimi legalizon, apo jo?

Demokraci do të thotë sundim i popullit. Te demokracia në Kosovë e kemi parë sundimin por jo edhe popullin. Ose: e kemi parë popullin duke u sunduar por jo duke sunduar. Pushteti jodemokratik e ruan veten, pra pushtetin, në mënyrë jodemokratike. Ai nuk lejon që të përdoret demokracia kundër tij. Ai nuk e lejon demokracinë.

Ky pushtet nuk ka asgjë më të vlefshme sesa vetveten. Prandaj, për pushtetarët e Kosovës pushteti është çështje ekzistenciale. Ata do ta lejojnë vetëm atë pjesë të demokracisë dhe vetëm atëherë kur ajo iu konvenon. Gjithnjë e më shumë po shihet që kjo është gjithnjë e më pak dhe gjithnjë e më rrallë.

Në Kosovën e pavarur pa sovranitet kemi demokraci pa ligj, kemi demokraci pa shtet ligjor, pra: s’kemi demokraci. Shteti në Kosovë nuk është shtet ligjor sepse nuk është shtet i ligjit por është shtet i pushtetit. Me këso zgjedhjesh që përsëriten për shkak të parregullsive të shumta e mandej përsëriten parregullsitë pa pasur zgjedhje të vërteta, nuk po legjitimohen politikanët e zgjedhur por po deligjitimohen zgjedhjet si të tilla.

E, ndoshta vjedhjet e dhuna në Kosovë vetëm sa po bëhen më të dukshme. Pushteti është në panik dhe ai s’mund ta fshehë më fytyrën e tij. Esad Mekuli thoshte që zullumi këputet prej s’trashi. Pra, ndoshta këto janë shenja se politika e vjetër po vdes. Se ajo po qet shqelma. Se ajo po përpëlitet. Dhe, kjo është e njëjta dhembje që do ta lindë politikën e re në Kosovë.

(Autori është kolumnist i rregullt i gazetës “Zëri”)

Poshte tar5dhtaret e siq jeni ju me politiken e bogradit,,ju dhe kudra ejuaj keni mesuar politken ne bogard kunder popllit te juja sikur shkiet kunder te vetit ne kosve kur serbet nuk munden ta bejn nje gje te till ju kan juve sikur te eger,dhe bisha te mailt karpatev,,ju keni lindure ne bograd dhe nuk ki se ka te dalesh patritot i keti poplli ,po juve edhe toka e kosoves ka me ju vra,,,se thirren ne ermin epopllit dhe e tradhtioni kete populll,ju vetem milloshi ka ber ani ju sot qka po i beni kosoves ,,,poshte milloshat e vogel siq jeni ju ,,,,

[KILI MERTURI]

ALBINI DHE VETËVENDOSJE! DO TA BËJË SHQIPËRINË!

Kili
SHQIPËRIA ETNIKE ËSHTË GJAKU IM QË NUK FALET!

Thaçi, legjitim për Beogradin

O decani , TE RROFT TY TAHIR ZEMA!
hahahahaha

[Llapi]

[B]ALBINI DHE VETËVENDOSJE! DO TA BËJË SHQIPËRINË!

Kili
SHQIPËRIA ETNIKE ËSHTË GJAKU IM QË NUK FALET!

Thaçi, legjitim për Beogradin

Thaçi ty ka me te shperblye 100% une do ti propozot
sepse je kah e paralajmron njohjen e Republikes se Kosoves dhe te Kryeministrit te saj z.Hashim Thaçi nga ana e beogradit
ky do te ishte edhe nji sukses i Thaçit si qdoher qe ai din vetem per suksese
prandaj une te falenderoi per ket pun qe po e ben
pra Kryeministri i Repubikes se Kosoves eshte Legjitim i zgjedhur prej populli te Kosoves dhe legjitim per 74 shtete qe na kan pranue plus serbin qe ne nji mnyr po e njef Kosoven
edhe njiher te falenderoi per ket postim

[halla mine]

Ne akoma nuk mendojmë për forcën tonë. Kur themi forca mendojmë vetëm për forcën e tjetrit. Të Amerikës, Kinës, Rusisë. Nuk mendojmë të bëhemi të fuqishëm sepse fuqizimin e mendojmë si kapje për të fuqishmin, sikurse vagoni për lokomotivë, e jo forcim të drejtpërdrejtë të vetes.


Ende nuk kemi elitë të vërtetë. Vazhdojmë të kemi vetëm fenomen të elitizmit. Të qenit elitë te ne është qëllim e jo pasojë e kualitetit. Sikurse në të ’90-tat analistët edhe më tutje shkruajnë për qendrat e vendosjes dhe rëndësinë e tyre. Ata i vendosin interesin amerikan dhe interesin kosovar, si dy gjëra që realisht s’kanë kontekst ku krahason, në të njejtën fjali. E joshin qytetarin me teori konspiracioni për Amerinën, Bashkimin Evropian e Rusinë. Kësisoj ia zvogëlojnë përmasën qytetarit, ia përkujtojnë atij vogëlsinë dhe i ofrojnë atij shfajësim për pafuqinë. Shkrimet e tyre janë medium i relacionit qytetar – “qendrat e vendosjes” e jo qytetar – problemi i qytetarit. Kjo mënyrë e politikës dhe transmetimit të saj mbetet sot e kësaj dite religjioni i kosovarëve. Njësoj si në të ’90-tat.


Edhe sot, investimi ynë kryesor është në imazhin e Kosovës. Duke u bazuar vetëm në imazh ne ua përforcojmë të drejtën të tjerëve që të vendosin për neve në vend tonin. Ne mendojmë vetëm se si t’u pëlqejmë të tjerëve. Dhe kësisoj paraprakisht veten e çlirojmë nga liria.


Me atë që quhet bashkësi ndërkombëtare edhe më tutje kemi qëndrim servil, gjë që padyshim na bën të neveritshëm para tyre. Pikërisht me servilizmin tonë ne po e largojmë bashkësinë ndërkombëtare nga vetj


Nuk kam aspak dilema se njerëzit në këtë botë nuk ndahen në bazë të asaj se çfarë duan ata. Shumë më tepër ata ndahen varësisht se çka janë në gjendje të bëjnë për atë që e duan.

albini, 1 tetor 2003

[ARIANI_TB]

Kurti: Situata në Kosovë matet me Mitrovicën 19-01-2011 19:26 CET Kreu i Lëvizjes “Vetëvendosje” Albin Kurti me Visar Ymerin, kandidatët për deputetë Ali Posomën e Nazmi Mikullovcin, kanë biseduar të mërkurën me banorët e Lagjes së Boshnjakëve, në pjesën veriore të Mitrovicës.

Kurti më këtë rast iu ka premtuar banorëve të kësaj lagjeje se, kjo lëvizje angazhohet për integrimin e qytetit, për shtet të qëndrueshëm, mosshitje të pronave të shqiptarëve, kontrollim të kufijve, shtrirje të autoritetit të institucioneve në të gjitha pjesët e territorit të Republikës së Kosovës.

"Ne jemi të zhgënjyer me situatën e përgjithshme në Kosovë, veçmas këtu ku jetoni ju, e cila është si pasojë e mosveprimit të klasës politike që udhëheq vendin, por edhe e veprimeve shoviniste serbe”, tha Kurti.

Ai shtoi se ne si Lëvizje zotohemi se do të vëmë kontroll në pikat kufitare 1 dhe 31, në kufirin Kosovë –Serbi. “Qytetarët e kësaj pjese të Kosovës duhet të kenë privilegje dhe përparësi në sferën e punësimit, në arsim e shëndetësi, kurse institucionet tona duhet të garantojnë lëvizje të lirë dhe siguri për të gjithë qytetarët, duke hapur nënstacione policore në lagjet me popullatë shqiptare”, tha Kurti.

Ai premtoi se Vetëvendosja do të angazhohet për rivitalizimin e kombinatit Trepça, si ishte dikur jo vetëm për mitrovicasit, por edhe si burim i zhvillimit të gjithë vendit.

Kurti tha se me daljen në votim qytetarët i hapin rrugë jetës më të mirë, pasi situata në

Kosovë – sipas tij – matet me Mitrovicën dhe nuk mund të ketë një Kosovë të zhvilluar pa një Mitrovicë të lirë dhe të zhvilluar.

“Mitrovica dhe mitrovicasit vazhdojnë të paguajnë çmimin më të lartë të lirisë në Kosovë, edhe pse ishte Mitrovica dhe minatorët e saj që nisën shembjen dhe shkatërrimin e Jugosllavisë si krijesë”, tha Kurti.

Lideri i Vetëvendosjes premtoi se si lëvizje do të jenë në çdo cep të vendit për të tubuar të pakënaqurit dhe për t’i kanalizuar veprimet për një zhvillim gjithëpërfshirës, shtet të qëndrueshëm dhe për një jetë më të mirë.

Bekë Abazi

[ARIANI_TB]

Befasia e radhësNë vitin 2001 nuk po arrihej të formohej qeveria pas zgjedhjeve të para të pasluftës në Kosovë. U nevojit intervenimi dhe dirigjimi i kreut të atëhershëm të UNMIK-ut, Michael Steiner, që të sajohej bashkëqeverisja LDK-PDK-AAK. Pra, ndodhi ajo që më së paku pritej e duhej të ndodhte. Tri partitë kryesore u bënë bashkë në qeverisje pasi që s’kishin lënë gjë pa thënë për njëra-tjetrën.

Votat nga qytetarët i kishin marrë ndaras, dhe votat e shumë qytetarëve për liderë të caktuar, në fakt, kishin qenë vota kundër liderëve të tjerë të caktuar. U bënë bashkë të tri këto parti dhe pragu për formimin e qeverisë në Kuvendin e atëhershëm u tejkalua shumë më tepër seç nevojitej. Pluralizmi politik e la Kosovën pa opozitë.

Tre vjet më vonë, qeveria pasuese ishte sërish kombinimi më i papritur: LDK-AAK. Nuk mendohej që AAK-ja do të ndahej kollaj prej PDK-së e të lidhej me kundërshtarin kryesor të saj. Por, nuk vonoi shumë dhe PDK-ja nuk u la anash meqë u përfshi në Ekipin Negociator që funksiononte si një qeveri mbi qeverinë. Kosova përsëri mbeti pa opozitë në institucionet e saj.

Tre vjet të tjerë më vonë, pas zgjedhjeve të vitit 2007, edhe njëherë u sajua koalicioni më i papritur, kësaj radhe ai i ‘armiqve’ të përbetuar: PDK-LDK. Koalicioni i madh i dy partive kryesore e vazhdoi traditën e vjetër të institucioneve pa opozitë reale në to. Si gjithnjë, kjo arsyetohej me sfidat e mëdha të përbashkëta përpara nesh dhe me brishtësinë e institucioneve të reja (sic.).

Çdo herë para zgjedhjeve këto parti politike i dramatizonin dallimet edhe aty ku ato s’ekzistonin. Pas zgjedhjeve i shuanin dallimet edhe atëherë kur ato ishin aty. Dramatizimet eventuale të dallimeve pas zgjedhjeve ishin veçse në shërbim të rritjes së pazarit të partive para njëra-tjetrës e për njëra-tjetrën, gjithmonë para koalicionit me njëra-tjetrën. Mosmarrëveshjet për poste nuk zgjasnin shumë dhe s’ishin asnjëherë fatale.

Sepse shpikeshin poste të reja dhe kombinimi i pozitave me favore anësore sillte solucione të pranueshme. Vetëm mosmarrëveshjet konceptuale e ideopolitike nuk urëzohen dot. Këto të tjerat ishin gjithsesi të tejkalueshme. Ndërkombëtarët ishin përherë të lumtur sepse ruhej stabiliteti formal që, në të vërtetë, ishte stabilitet i mjerimit për shumicën e qytetarëve dhe stabilitet i korrupsionit për pakicën prej pushtetarëve.

Që të gjitha këto parti e donin pozitën (në qeveri) jo vetëm për shkak se e donin pushtetin, por edhe për shkak se ato vetëm sa dobësoheshin duke qëndruar në opozitë. Ngaqë nuk kishin dallime themelore me pozitën te programet politike a orientimet konceptuale, partitë opozitare sadopak që qëndronin në opozitë, vetëm sa rrudheshin e zvetënoheshin. Duke mos qenë pozitë dhe duke mos mundur ta bëjnë opozitën, partitë opozitare diskreditoheshin me shpejtësi.

Zaten, pasi që të jesh pajtuar me pozitën për decentralizimin mbi baza etnike, për privatizimin neoliberal, për tolerimin e strukturave dhe mallrave të Serbisë në Kosovë, për negociatat me Serbinë, për shuarjen e TMK-së, për ndryshimin e flamurit e himnit etj.etj., ankesat opozitare për arrogancën qeveritare pak kujt i bëjnë përshtypje.

Institucioneve të vendit tonë josovran nuk iu ka munguar pozita por opozita e brendshme. Doktrina e protektoratit ndërkombëtar për stabilitet afatshkurtër vazhdimisht i do të gjithë së bashku, i do të gjitha partitë bashkë në pozitë, pa opozitë fare ose me opozitë sa më të vogël. Mirëpo, s’ecet dot përpara pa opozitë. Shtetin nuk e bën demokratik pozita e pakontestueshme por opozita e fuqishme.

Kosovës më shumë se kurrë i nevojitet opozita. Mirëpo, krejt çfarë u tha më lartë për zgjedhjet e qeveritë e kaluara vlen edhe sot e kësaj dite. Pikëpamja dominuese është që, pa marrë parasysh vjedhjet masive në zgjedhje, të kemi qeveri stabile para dhe përgjatë sfidave që nuk duhet ta destabilizojnë Kosovën. Sfidat janë, si përherë, shitja e ndërmarrjeve publike dhe rifillimi i negociatave me Serbinë.

Rrjedhimisht, në vijim do të shtohet trysnia mbi LDK-në që të hyjë në koalicion me PDK-në. Rrethanë lehtësuese për këtë është koalicioni i deritanishëm trevjeçar i këtyre dhe ideja e qeverisë teknike që tregon se LDK-ja nuk e sheh problemin te bashkëqeverisja me PDK-në sa te roli prijës i kësaj të fundit në koalicion. Formula e fushatës parazgjedhore ‘as-as’ kollaj do të mund të shndërrohet në ‘edhe-edhe’.

Prandaj, koalicioni PDK-LDK-minoritetet, koalicioni PDK-LDK-AAK-AKR, apo edhe ai PDK-LDK-AAK-minoritet gjithsesi janë të mundshme në pranverë. Gjasat më të mëdha se cila prej këtyre do të ndodhë varet se cilën e konsideroni si më të pabesueshmen dhe mu ajo do të ngjajë pastaj. Se mos bëhet fjalë për parime këtu?!

(Autori është kolumnist i rregullt i gazetës “Zëri”)