Policia e EULEX-it arreston Sabit Gecin, akuzohet per krime lufte

[Nice_Boy]

Prishtinë, 17 janar – Tri palë hetime gjithëpërfshirëse në Shqipëri për krimet e supozuara të kryera nga UÇK-ja kanë rezultuar me dyshimin e bazuar se në dy kampe janë kryer krime.
“Koha Ditore”, në shkrim të gjatë në numrin e djeshëm, rikujton se hetimet e para të nisura nga hetuesit e Hagës në vitin 2003, të vazhduara nga UNMIK-u një vit më vonë, janë finalizuar me ato të EULEX-it në vitin 2009. Ato tashmë kanë rezultuar me ngritjen e një aktakuze për krime lufte kundër popullatës civile kundër dy ish-komandantëve të UÇK-së, Sabit Geci dhe Riza Alijaj, të cilët pritet të përballen me këto akuza për krime në Kukës dhe në Cahan të Shqipërisë në fillim të marsit të këtij viti.
Të dy këta ish-komandantë përmenden edhe në raportin e deputetit zviceran, Dick Marty. Po kështu në raportin e Martyt janë përmbledhur edhe krimet e supozuara në të ashtuquajturën “Shtëpia e verdhë” në një fshat afër Burrelit, në veri të Shqipërisë. Mirëpo EULEX-it thotë se me gjithë hetimet, për akuzat e Martyt për të ashtuquajturën “Shtëpia e verdhë”, në të cilën thuhet se civilëve serbë të zënë robër u janë hequr veshkat dhe janë shitur për tregti, nuk ka gjetur prova.
Zëdhënësja e këtij misioni, Kristiina Herodes, ka ripërsëritur mungesën e provave për krime në “Shtëpinë e verdhë”, duke mos dashur të përgjigjej direkt nëse aktakuza kundër Sabit Gecit është rezultat i këtyre hetimeve.
“Hetuesit e EULEX-it kanë hetuar në të ashtuquajturën ‘Shtëpia e verdhë’, por deri më sot prokurorët tanë nuk kanë gjetur fakte që do të na çojnë të besojmë se u hoqën organet në këtë vend. Nëse llojet e tjera të aktiviteteve kriminale kanë ndodhur në këtë vend, ne nuk kemi dëshmi në këtë pikë”, ka thënë zëdhënësja Herodes.
Ajo ka pohuar se Prokuroria ka gjetur prova për krime në dy kampet e UÇK-së, në Kukës dhe në Cahan, dhe ka ngritur aktakuzë kundër Gecit e Alijajt.
“Më 24 nëntor 2010, një gjyqtar i EULEX-it i Gjykatës së Qarkut në Mitrovicë konfirmoi aktakuzën kundër Sabit Geci dhe Riza Alija për krimet e luftës të kryera gjatë konfliktit në vitin 1999. Ngritja e aktakuzës u bë nga Prokuroria Speciale e Kosovës më 6 gusht 2010”, ka thënë Herodes.
Dy ish-komandantët e Ushtrisë Çlirimtare të Kosovës, të arrestuar verën e vitit të kaluar, akuzohen nga prokurori amerikan Robert Dean se kanë kryer krime lufte në dy kampe në Kukës dhe në Cahan të Shqipërisë, të krijuara nga UÇK-ja, të cilat shërbenin për logjistikë e trajnime, kurse sipas aktakuzës dy të akuzuarit i përdornin këto dy kampe për të mbajtur civilë dhe personat që nuk merrnin pjesë në luftë.
Sabit Geci u arrestua në maj të vitit të kaluar, kurse Riza Alija në qershor. Sipas aktakuzës, Geci e Alija akuzohen se “ishin përfshirë në mënyrë të drejtpërdrejtë në keqtrajtimin e personave që mbaheshin në këto kampe”, nga fundi i marsit ose fillimi i prillit e deri në qershor 1999.
Dy të akuzuarit i burgosnin kosovarët të cilët largoheshin nga konflikti dhe dyshoheshin se bashkëpunonin me regjimin serb, ose “kishin pikëpamje të ndryshme politike me ato të UÇK-së”, konstaton aktakuza
“Civilët rriheshin rregullisht me shkopinj gome dhe shkopinj, keqtrajtoheshin dhe abuzoheshin verbalisht”, thuhet në aktakuzë. Ky prokuror akuzon dy ish-komandantët se i kanë detyruar të burgosurit të bënin seks me njëri-tjetrin, pa dëshirën e tyre.
“Ata janë mbajtur në vende të pista dhe në kushte jo të mira për shëndetin. Atyre u është mohuar ushqimi, uji dhe trajtimi mjekësor”, vazhdon aktakuza.
Aktakuza përshkruan një incident në Kukës, kur dy nga të burgosurit ishin të urdhëruar të vishnin jelekë antiplumbë dhe më pas ishin qëlluar nga një skuadër pushkatimi", që sipas prokurorit shihet si një mënyrë për t’u torturuar.
Por avokati i Sabit Gecit, Mahmut Halimi, akuzat e ngritura ndaj klientit të tij dhe Riza Alijajt i sheh si produkt të një hetimi të gjatë që së fundi është përmbledhur në raportin e zviceranit, Dick Marty. Ai thotë se hetimi në Shqipëri ka nisur pikërisht rreth dyshimeve për krime të kryera në të ashtuquajturën “Shtëpia e verdhë”, ku sipas tij nuk është gjetur asgjë, duke ardhur në përfundim për ngritjen e disa dyshimeve për krime në Kukës dhe në Cahan, të cilat janë finalizuar me një aktakuzë.
“Ajo që ndërlidhet në mënyrë direkte me raportin e Dick Martyt është se në këtë lëndë ka prova të mjaftueshme materiale, të cilat e dëshmojnë faktin se edhe Tribunali i Hagës e edhe hetuesit e UNMIK-ut, edhe të EULEX-it në fund janë marrë me hetime detale për të gjitha ato që në atë kohë është supozuar se paska ekzistuar një ‘Shtëpi e verdhë’, paska ekzistuar një vend i përshtatshëm për transplantim organesh, paska ekzistuar një vend se qytetarët serbë qenkan transferuar nga pjesë të ndryshme të Kosovës në Shqipëri dhe në këto vende, pasi janë ekzekutuar, u janë hequr organet”, thotë ai.
Sipas Halimit, gjithë ai hetim i cili ka zgjatur që nga fillimi i vitit 2003 e deri në fund nuk ka rezultuar as në një indicie të vetme se diçka të tillë ka pasur rreth asaj për çka është pretenduar në mënyrë të drejtpërdrejtë nga politika ekstreme serbe, që sipas tij për mjerim të madh kanë rënë në ndikim të asaj politike edhe ish-kryeprokurorja e Hagës, Carla del Ponte, e edhe Dick Marty.
Nga gjithë ajo punë, sipas tij, e të gjitha këtyre organeve ka rrjedhur dyshimi se disa qytetarë shqiptarë janë arrestuar nëpër vise të ndryshme të Shqipërisë si persona të dyshuar si bashkëpunëtorë të regjimit serb.
“Një prej tyre ka vdekur, siç thuhet në aktakuzë, në Kukës. Mirëpo ajo që është shumë kontradiktore, ekzistojnë prova materiale konkrete të cilat pa lejen e prokurorit dhe pa lejen e gjykatës nuk mund t’i zbulojmë e të cilat rezulton se aty është pikënisja e atij hetimi për kinse dyshimet se paska pasur transplantim të organeve. Ka prova konkrete lidhur me kahun e fillimit të atij hetimi”, ka thënë avokati i Gecit.
“Mund ta merrni me mend, menjëherë pas rastit të z. Geci, zëvendësi i kryeprokurorit për krime lufte të Serbisë tha se arrestimi i z. Geci është rezultat i punës së hetuesve të Serbisë”, ka thënë ai.

MST: Rrëfimet e dëshmitarëve

Prokurori i EULEX-it, Robert Dean, pretendon se kanë siguruar dëshmi nga 20 prej të paraburgosurve, të cilët kanë pësuar trauma fizike dhe psikike për shkak, siç thuhet, të kushteve në të cilat janë mbajtur të burgosur dhe si rezultat i torturave. Identiteti i dëshmitarëve është mbajtur sekret dhe emrat e tyre janë të koduar në një shtojcë të veçantë konfidenciale të aktakuzës.
Por dëshmitë e tyre i ka siguruar gazeta. Shumë prej tyre pretendojnë se i kanë parë në Kukës ish-udhëheqësit e UÇK-së, në krye me Hashim Thaçin, sikurse përmenden edhe në raportin e Dick Martyt.
Njëri prej dëshmitarëve, një shqiptar i Kosovës i burgosur për një kohë nga ish-pjesëtarët e UÇK-së, si i dyshuar për bashkëpunim me regjimin serb, pretendon se gjatë kohës sa është mbajtur në një kamp në Kukës, i ka parë Hashim Thaçin, Jakup Krasniqin, Fatmir Limajn, Agim Çekun, Kadri Veselin, Azem Sylën, Sabit Gecin, Milaim Zekën, Bedri Halimin, Xhemshit Krasniqin, etj. Por disa nga të përmendurit i kanë hedhur poshtë këto pohime, duke i quajtur gënjeshtra.
Në një dëshmi që i ka dhënë Trubinalit të Hagës në vitin 2003 dhe më vonë hetuesve të UNMIK-ut e po kështu edhe të EULEX-it, ky dëshmitar që pritet të jetë i mbrojtur në procesin gjyqësor kundër Sabit Gecit dhe Riza Alijajt ka dëshmuar se si në qershor të vitit 1999, në një kamp të UÇK-së janë mbajtur rreth 20 shqiptarë e pak romë në kushte çnjerëzore, siç i ka përshkruar ai. Dëshmi për ekzistimin e kampeve në Shqipëri kanë dhënë edhe dëshmitarë të tjerë, të cilët rrëfejnë për dhunën, sipas tyre, të përjetuar në këto kampe.
“Ne ishim brenda dhe nuk mund të them se sa persona e kanë rrahur. Mund të dëgjoheshin britmat e ‘X’-it të zëshme. Pastaj e kemi dëgjuar një krismë dhe kur e kanë sjellë në dhomë ishte i plagosur në pjesën e poshtme të gjurit të këmbës së djathtë. Ishte i mbuluar me gjak. Tha se Liman Geci ka gjuajtur në të”, rrëfen ky dëshmitar.
“Ditën e shtunë rreth orës 2:30 ‘X’ ka vdekur. Pas kësaj Xhemshit Krasniqi ka ndaluar rrahjet. I solli dy roja, na sollën batanije në dhomë dhe nuk na ka rrahur askush më derisa jemi sjellë në Prizren”, ka vazhduar ai. Ai thotë se i mban mend emrat e disa komandantëve të cilët i ka parë në Kukës. Ai vazhdon të flasë edhe për ish-udhëheqësit e UÇK-së.
“Ka qenë Sabit Geci me paterica, Milaim Zeka nga Obria, Kadri Veseli nga Likovci, Azem Syla nga Kizhnareka, Jakup Krasniqi, Fatmir Limaj, Bedri Halimi. Bedri Halimi është sjellë mirë me mua dhe m’i ka kthyer paret që m’i kishin marrë Agim Çeku dhe Xhemshit Krasniqi”, ka thënë ai. Ai ka thënë se në atë kohë është marrë në pyetje dhe është rrahur nga Fatmir Limaj, i cili ishte prezantuar, sipas tij, si anëtar i SHIK-ut.
“Fatmir Limaj me ka marrë një herë në pyetje. Prezentë kanë qenë edhe Sabit Geci, Kadri Veseli dhe një person me mustaqe, i cili ka marrë vetëm shënime”, ka thënë ai.
Kjo dëshmi dhe disa të tjera të disa personave të cilët pretendojnë se kanë qenë të burgosur në një kamp në Kukës dhe në Cahan të Shqipërisë Veriore kanë bërë që tash e disa muaj dy ish-komandantë të ish-UÇK-së të mbahen në paraburgim si të akuzuar për krime lufte kundër popullatës civile, ndërsa një ish-ushtar tjetër, Xhemshit Krasniqi, të shpallet në kërkim, pasi deri tash nuk është arrestuar.

MST: Rrëfimi i dëshmitarit “X”

Dëshmitari tjetër, i koduar nga gazeta si dëshmitari “X”, thotë se iu kishte vrarë një djalë gjatë luftës. Pjesa tjetër e familjes ishte depërtuar në Shqipëri. Ai kishte ardhur nga një shtet perëndimor për t’i takuar familjarët dhe për t’u sjellë para e rroba, por ishte kidnapuar nga UÇK-ja në Durrës. Disa ditë ishte mbajtur në Laç, ndërsa më vonë ishte dërguar në Shqipëri.
“Kur me dërguan në Kukës më futën në një dhomë në katin e dytë. Në dhomën e Xhemshit Krasniqit e të Bedri Halimit. Kuzhina dhe një sallë për ushtarët ishin në katin e dytë, ku ishte një tavolinë e vogël dhe një person po përgatiste kafe për komandantët”, ka thënë ai.
“Në këtë dhomë..., e kanë sjellë ‘Z’. Ata që e kanë sjellë kanë qenë në rroba të Policisë Ushtarake të UÇK-së. Mendova që ishin policë për të më dënuar. Pas 30 minutash e morën. Pastaj më morën edhe mua. Më dërguan në një dhomë. Në korridor i kam parë dy vëllezër katolikë. Brenda në dhomë e kam parë ‘Z’ të ulur në karrige dhe të mbuluar me gjak. Kanë vazhduar ta rrinin edhe në prezencën time me shkop, për shkak se kishte punuar me policinë serbe. Tërë kohën i hidhnin kripë në plagë dhe në sy”, e përshkruan ai rrahjen e dëshmitarit të parë.
Ai thotë se më vonë kanë filluar ta rrihnin “E”-në edhe më keq. “E ofendonin. I thoshin se nëna e tij ishte e lidhur me Arkanin. Pastaj e kanë sjellë ‘S’, e cila kishte punuar në një kafene të vëllezërve ‘B’. Atë e kishin sjellë për të treguar se këta vëllezërit ishin bashkëpunëtorë të serbëve, por kur ajo e mohoi, e rrahën shumë keq. Pas rrahjes edhe të një tjetri, erdhi radha ime”.
Ai tregon se fillimisht ia kishin zbathur këpucët, duke ia futur këmbët në ujë të ftohtë. “X” thotë se një person i ri me mbiemrin Haziraj nga Llausha, shofer i Sabit Gecit, e kishte nxjerrë një thikë duke ia hapur këmishën dhe duke i thënë se do t’ia vizatonte një kryq. Nuk e kishte bërë këtë, por e kishte rrahur, sipas tij.
“Atij iu bashkëngjit edhe Pjetër Shala, ‘Ujku’. Kanë përdorur një shkop metalik, i cili zgjatej. Më kanë goditur në pjesët e epërme të trupit, por jo në kokë. Xhemshit Krasniqi më goditi me shkop gome në hundë. Më ra të fikët. Më kishin hedhur ujë me kovë në fytyrë. Pasi me erdhi vetëdija, në dhomë e pashë Sabit Gecin. Ishte i veshur me uniformë. Dukej i lënduar dhe mbante paterica. Unë i kam kaluar nëntë ditë në atë dhomë”, thotë ai dhe shton se një i ri nga Peja ishte përgjegjës për dhomën e tij, i cili çdo mëngjes shkonte në dhomë në orën gjashtë duke i kthyer me fytyrë prej muri dhe duke i rrahur të gjithë. “Janë rrahur edhe katër ushtarë të FARK-ut nga Sabit Geci dhe Agron Krasniqi. Të nesërmen janë liruar”, thotë ai dhe shton se “gjykatës” ishte Bedri Halimi.
Ai tregon se si ishte rrëmbyer në Durrës, kur kishte ardhur nga Gjermania. Përpos parave të tij, thotë se kishte edhe të shokëve rreth 7 mijë marka. Sapo ishte ankoruar trageti i ishte ofruar një person, siç e përshkruan ai, tullac, duke ia kërkuar pasaportën.
“Personi që më mori në anije nuk kishte uniformë dhe nuk u prezantua si person zyrtar. Nga porti udhëtuam rreth dy kilometra. Më dërguan në një shtëpi. Aty më ka intervistuar Haki Drenica rreth fondit të UÇK-së, për kontributin tim dhe qasjen ndaj luftës. Hakiu i tha tullacit të më merrte, por të mos më dërgonte në dhomën 3. Aty kam qëndruar prej të hënës deri në enjten në orën 5:00 të mëngjesit”, thotë ai dhe përshkruan se ky tullaci ishte sjellë mirë më të.
“Unë kërkova ta vizitoja familjen time në Tiranë. Ata më thanë se do të shkosh më vonë, eja më ne për një intervistë të shkurtër. Ndoshta paguan 500 marka, sepse nuk ke paguar për fondin e UÇK-së. Të hënën rreth orës pesë të mëngjesit ka ardhur Agim Çeku me një truprojë-shofer. Më futën xhemperin në kokë, më kapën për krahu, më futën në veturë. Shkuam në Laç. Në Kukës kemi arritur pas mesnate. Atje jemi vendosur në një depo të uniformave, m’i vunë prangat, roja më ofroi cigare”, thotë ai dhe shton se Agim Çeku ia kishte marrë paratë. “Të gjithë personat që ishin me mua nuk kishin uniforma. Unë Agim Çekun nuk e kam parë më”.

MST: Rrëfimi i dëshmitarit “E”

Dëshmitari tjetër, i cili pretendon se është kidnapuar dhe rrahur nga UÇK-ja, ka dëshmuar të paktën tri herë. Ai flet për disa persona të tjerë të cilët ishin mbajtur bashkë me të dhe për rrahjet, siç thotë ai, që kishte përjetuar.
“Personin nga Gjakova që e rrihnin kërkuan ta rrihja edhe unë. Më dhanë një shkop. Më thanë se është nga Serbia. Unë nuk i rashë, por ata e rrahën derisa u alivanos 203 herë. Rridhte gjak dhe i vënë fashë”, thotë ai.
“Në orën 06:30 e sollën vëllanë tim në dhomë. Edhe ai ishte i rrahur, as që mund të flisnim. Ishim të lodhur. Të nesërmen më morën prapë mua, vëllanë dhe “S”-në, na rrahën, të njëjtët Sabiti, Xhemshiti, Pejtri dhe persona me nishan. Tërë natën na rrahën prej orës 21:00 deri në 03:00, e pastaj na kthyen përsëri në dhomë”, vazhdon rrëfimin “E”.
“Pasi na rrahën, Xhemshiti urdhëroi të na i vishnin jelekët. Bedriu më qëlloi mua, Xhemshiti vëllanë tim. Unë isha i pari që më qëlluan, pastaj më rrahën dhe më dërguan në dhomë. Pasi më dërguan në dhomë, dhe meqë mund të shihej nga dera e dhomës, sepse dera ishte e çarë, morën vëllanë tim dhe e çuan atje. Shtinë mbi të”, vazhdon rrëfimin ky dëshmitar.
“Ai ulëriti dhe nuk e dëgjova më. Mendova se e kishin vrarë, meqë pashë se ata po e tërhiqnin dhe e çuan në dhomën ku ishte prof. Bajrami. Të nesërmen e sollën në dhomë dhe pashë se ende ishte gjallë. Xhemshiti u kthye në mbrëmje dhe tha: “Ose ti ose vëllai yt do të jetoni, por ju nuk mund të jetoni të dy. Të nesërmen ata erdhën në dhomë dhe na rrahën shumë. Bedriu, Enver Hoxha, Sabit Geci, Xhemshit Krasniqi dhe disa të tjerë që nuk i njihja”, tregon “E”. Ai thotë se rrahjet kanë vazhduar edhe më vonë, duke i goditur me armë automatike, shkopinj.
“Na sollën një kasetofon të vogël. Na thanë të pranonim se kishim vrarë njerëz e do të liroheshim. Unë nuk pranova. Pastaj filluan të na rrihnin në gjunjë deri në orën 04:00. Pastaj më plagosën edhe në këmbë. Bedriu më plagosi. Xhemshiti e plagosi ‘T’, vëllanë tim me një armë automatike dhe ai vdiq atë ditë si rezultat i asaj plage”, thotë ky ish- i burgosur. Ai tregon se vëllai i kishte vdekur në prehrin e tij. Nga prehri ia kishte marrë Xhemshiti, duke e mbështjellë me një batanije, më 5 qershor të vitit 1999.

MST: Dëshmia e dëshmitarit “I”

Një dëshmitar tjetër i koduar nga redaksia si “I” ka treguar përvojën e tij që nga dita, siç thotë, e rrëmbimit në Prizren e deri në ditën e lirimit. Ai ka thënë se ishte rrëmbyer më 11 prill të vitit 1999.
“Ata na i lidhën duart mua dhe vëllait tim. Edhe ‘S’ u arrestua. Na dërguan me një ‘Audi’ te re, ngjyrë e zezë. Babai im erdhi me ne deri në Vermicë. Aty na i hoqën prangat dhe ne vazhduam. Babai u kthye me ta”, thotë ai dhe vazhdon se ishte dërguar në një dhomë të një baze në Kukës.
“Ne u dërguam në një dhomë ku mbaheshin njerëz të arrestuar, si një profesor nga Prizreni, tre romë muzikantë nga Prizreni, 3 të tjerë nga Malisheva, 2 vëllezër dhe 1 djalë i axhës së tyre. Njëri prej vëllezërve ishte i therur në të dyja këmbët me thikë. Ai kishte 10-15 plagë me thikë në trup. Vëllai tjetër ishte i therur në bel, kurse djali i axhës i rrahur dhe i dërguar në dhomën tjetër”, tregon ai.
“Unë jam mbajtur në të njëjtën dhomë gjithë kohën. Numri i njerëzve që mbaheshin ishte prej 7 deri në 12. Sa mbahesha në burg jam rrahur dhe torturuar çdo natë prej orës 20:00 deri në 06:00 për të pranuar vrasjen e komandant Petritit, Pal Palucit”, thotë ai.
Ai thotë se e kishin rrahur Xhemshit Krasniqi, Pejtër Shala “Ujku” dhe Sabit Geci, të cilin e quan komandant i policisë dhe i inteligjencës. “Ai ishte zot i të gjithë shqiptarëve gjatë luftës”.
“Herën e parë kur më rrahën, më thirrën në një zyrë në ndërtesën e shtabit së bashku me ‘A’ dhe ‘S’. Sabit Geci ma dha shkopin ta godisja. Unë refuzova. Personi ishte i rrahur për vdekje dhe pasi ia kishte dhënë mjeku një injeksion e kanë kthyer në dhomë ku ishim ne. Aty ishte edhe personi Osman Kryeziu, i cili tani është prokuror në Prishtinë. Neve na i vunë prangat sërish”, vazhdon rrëfimin ai.
Ai thotë se në Kukës i kishte parë Hashim Thaçin e Jakup Krasniqin në kamp. Kryeministrin aktual të Kosovës e përshkruan të veshur me rroba civile para të cilit ishin rreshtuar ushtarët me uniforma.

MST: Dëshmitari “D”

Një person tjetër flet po ashtu për përvojën e tij. Ai tregon se gjatë luftës në vitin 1999, kishte qenë kryetar fshati. Pas disa dëbimeve nga fshati ai kishte shkuar në Kukës më 13 maj, kur, sipas tij, katër persona e kishin rrëmbyer. Ai e përshkruan vetëm njërin me uniformë, i cili sipas tij ishte prezantuar si Xhemshit Krasniqi.
“Pasi më dërguan, më akuzuan se isha personi kryesor që e kisha dëbuar fshatin. Jam marrë në pyetje nga një person tjetër dhe nga Xhemshiti. Pastaj më kanë futur në një dhomë në të cilën ishte edhe një person. Aty ishte ndërtesa e shtabit, e cila më parë kishte qenë fabrikë”, thotë ai. Të nesërmen thotë se e kishin lënë të dalë për të shkarkuar kamionë me mallra ushqimore.
Ai thotë se është intervistuar 34 herë nga pjesëtarë të UÇK-së. Tek pas gjithë këtij numri intervistash thotë se kishte ardhur në kamp Sabit Geci me 2 ushtarë për ta vizituar. “Ai (Sabit Geci v.j.) ka ardhur drejt te unë. Ishte në shtaga dhe me një revole në brez. Pyeti cili jam unë dhe më tha se ‘ti je qengj’. Dukej se kishte mbledhur informata për mua.
Sabit Gecin e kam parë vetëm këtë herë dhe kurrë më, Xhemshit Krasniqin e kam parë tërë kohën”, tregon ai.
Dëshmitari tjetër “Z”, i cili kishte punuar si polic nga viti 1968 në polici deri në vitin 1997, ka treguar se UÇK-ja ia kishte marrë armën në vitin 1998.
“Më 18 prill të vitit ‘99 unë, djali dhe zoti i shtëpisë dolëm për të shëtitur. Na dolën 4 persona me uniforma të zeza. Nxorën pistoletat dhe bërtitën ‘Policia Ushtarake e UÇK-së, dorëzohu”, thotë ai.
“Djali im e njohu njërin dhe e thirri me zë të lartë ‘Bashkim Lama. Nuk të kujtohet që babai im të shpëtoi kur të arrestuan serbët’. Në atë moment Bashkimi është përgjigjur ‘Lëviz, përndryshe do të vrasim edhe ty. Tani është kohë tjetër, tani është në pyetje kombi ynë”, thotë ai.
“Më kidnapuan dhe zoti i shtëpisë nuk mundi të bënte kurrgjë. Unë hyra në veturë se përndryshe do të më vrisnin. Më dërguan deri në Ramallak, ku kuptova se ai vend përdorej nga UÇK-ja si qendër e mbajtjes për personat e kidnapuar. Bashkimi më futi këmishën në kokë dhe më dërguan te një bunker për të më vrarë, pastaj pasi m’u kërcënuan, më thanë se komandanti donte të fliste me mua”, vazhdon ai. “D” thotë se personi i pranishëm e kishte akuzuar se kishte vrarë 110 njerëz, kishte dhunuar e masakruar 50 vajza, por ai i kishte mohuar.
“Ata më vunë elektroshok më se 10 herë. Nga dhembjet më janë ënjtur duart dhe këmbët. Ende i ndiej pasojat. Pas kësaj arriti komandanti i shërbimit sekret, Ramadan Selimi, komandant Dani. Ai filloi të më pyeste gjëra të njëjta. Unë i mohova dhe ai i thirri 4 persona të UÇK-së që të më rrihnin. Me pas më dërguan në bunker, ku filluan të më rrihnin edhe të më poshtëronin”. Ai thotë se pastaj e kishin nisur për në Kukës, ku e kishin veshur me rroba të UÇK-së me arsyetimin se kishin hyrë rreth 600 serbë dhe duhej ta identifikonte ndonjërin.
“Kur arritëm në Kukës, disa roja më ruanin dhe më pas erdhi Fatmir Limaj, më bëri disa pyetje themelore, e urdhëroi ‘Loçkën’ që të më vendoste nën shkallë, një vend i improvizuar për vendmbajtje. Aty ishte një person tjetër”.
Ai tregon se e kishin dërguar në një dhomë ku shkruante “avokatët”. Aty thotë se kishte parë disa udhëheqës që ishin duke pirë dhe se ahengu ishte bërë vetëm për nder të tij dhe se të gjithë ishin duke e pritur që t’i pranonte krimet që ia kishin vënë në barrë.
“Unë u deklarova se në kohën kur m’i vënë në barrë akuzat, isha në Shqipëri. Atëherë ‘Loçka’ dhe Daut Hajredinaj (nuk është fjala për Daut Haradinajn v.j.) filluan të më godisnin. Sabit Geci, të cilin e njihja më parë, më mori në pyetje. Xhemshit Krasniqi më ka goditur me dorëz të revoles në ballë, dhe atë shenjë e kam edhe sot e kësaj dite. Fatmir Limaj më rrahu me grushte. Dauti derisa më rrihte më ka prerë me thikë në kyç të dorës, shenjat ende duken. Xhemshit Krasniqi m’i theu të gjithë dhëmbët pasi më futi një shkop gome thellë në fyt dhe e lëkundi në gojën time”, ka thënë ai.

MST: EULEX-i nuk flet për emra, të akuzuarit mohojnë

EULEX-i nga ana tjetër nuk ka dashur të flasë nëse këto figura të cilat tashmë udhëheqin vendin do të ftohen në cilësinë e dëshmitarëve, e as nëse do të akuzohen apo jo për ndonjë vepër siç i përshkruajnë dëshmitarët. Zëdhënësja e EULEX-it, Kristiina Herodës, ka thënë se Prokuroria nuk jep emra të dëshmitarëve, dhe përgjegjësitë për publikimin e emrave të ish-udhëheqësve të UÇK-së në lidhje me këtë rast bien mbi gazetën.
Dy prej të akuzuarve nga të burgosurit kanë mohuar kategorikisht të kenë gisht në mbajtjen dhe rrahjen e të burgosurve, ndërsa të përmendurit e tjerë gazeta nuk ka mundur t’i kontaktojë.
Ish-komandanti i përgjithshëm i UÇK-së, Agim Çeku, ka thënë se mund të jetë ngatërruar me ndonjë person tjetër. Ai ka thënë se gjatë luftës së Kosovës vetëm pak orë ka qëndruar në Shqipëri, derisa ishte nisur për në Kosovë.
“Unë në Shqipëri kam qëndruar vetëm kur kam ardhur prej Lubjane me avion pasdite, diku në shkurt dhe kam qëndruar vetëm disa orë sa është bërë terr dhe jam nisur për në kufi, kam hyrë në Kosovë. Kurrë nuk kam qenë në Shqipëri absolutisht, vetëm disa orë, dhe asnjë ditë të vetme nuk e kam kaluar me ushtarët e UÇK-së në Shqipëri”, ka thënë ai. Si argument për periudhën për të cilën përmendet, në maj dhe qershor, ka thënë se atë kohë ishte bërë masakra e Qyshkut, ku i ishte vrarë edhe i ati.
“Më 14 maj ka ndodhur masakra në Qyshkun tim. Më 14 maj m’u ka vrarë baba, dhe absolutisht është rrenë. Sigurisht më ka ngatërruar më dikë”, ka thënë Çeku.
Ish-kryeprokurori i Prokurorisë së Qarkut në Prishtinë, Osman Kryeziu, i cili akuzohet se ka luajtur rolin e prokurorit në kampin e Kukësit, kur është kontaktuar nga gazeta, ka sugjeruar që “të mos merremi me ato punë tash”. Por pasi që i është shpjeguar se si akuzohet, Kryeziu e ka pranuar se ka qenë ushtar i UÇK-së në atë kohë.
“Kam vepruar dhe kam ndihmuar, dhe i kam kontribuar për aq sa kam mundur shtetit, sepse e kam pasur obligim dhe kurrgjë tjetër”, ka thënë shkurt nëpërmjet telefonit ai.
Gazetari Milaim Zeka, nga ana tjetër, i cili ka qenë gjatë luftës afër UÇK-së, ka mohuar po ashtu duke thënë se nuk është hera e parë që akuzohet prej individëve të cilët, sipas tij, kanë qenë pjesëtarë të Shërbimit sekret serb.
“Personi që deklaron se gjoja unë e kam takuar atë në burgjet e UÇK-së në Kukës është njëri i cili deri në bombardime ka qenë komandant i Stacionit të policisë serbe në një vend afër Deçanit. Kjo është vazhdimësi e atyre akuzave që m’i ka bërë edhe Milosheviqi, dhe m’i ka bërë me fjalët e Milosheviqit edhe gazeta “Bota Sot” përmes korrespodentit të saj në Gjenevë, që gjoja unë gjatë luftës edhe kam vrarë njerëz”, ka thënë Zeka. “Unë pranoj çfarëdo dënimi kapital, në qoftë se ky individ vetëm në distancë në dy ose tri apo dhjetë metra më ka parë mua”, ka thënë Zeka.
Ai ka hedhur poshtë pretendimet e dëshmitarëve se i kanë parë në Kukës në të njëjtin vend dhe në të njëjtën kohë ish-udhëheqësit e UÇK-së. “Unë mund të garantoj se ai njeri kurrë në jetën e vet nuk ka mundur ta shohë në Kukës Hashim Thaçin, as Jakup Krasniqin, e unë të vetmin njeri që e kam takuar në zonë të luftës në atë kohë në Koshare ka qenë Fatmir Limaj”, ka thënë Milaim Zeka.
Ai thotë se në ditët kur përmendet nga dëshmitari se ka qenë në Kukës, ka qenë i plagosur. Si fakt për këtë sjell librin e mjekut australian, Gregor Jurisheviqit, i cili në librin e tij e ka përshkruar Zekën të plagosur.
“Unë jam plagosur më datën 20 maj, d.m.th. kam qenë në linjë të frontit dhe gjithë kohës kam qenë i shoqëruar nga gazetarë të huaj. Më shumë do të thosha se këto dëshmi më shumë janë fabrikime të UNMIK-ut sesa të një dëshmitari, të cilit unë ia di emrin dhe mbiemrin, ia di adresën se ku punon dhe e di që është 24 orë pijanec nonstop i dehur”, ka shtuar gazetari Zeka.
Gazeta ka provuar për disa ditë rresht që t’i kontaktojë direkt, nëpërmjet zëdhënësve apo avokatëve, Hashim Thaçin, Jakup Krasniqin, Fatmir Limajn, Kadri Veselin, Azem Sylën e Bedri Halimin, por komunikimi me ta ka qenë i pamundur.

[Nice_Boy]

Bashkone temen me http://www.forumishqiptar.com/showthread.php?t=131943 se qenka hapur me parë

[2043]

Keta shkerdhata spiune te serbit kan dashur plumbin ne balle e jo rahje.
Si duhej te sillej ndryshe UCK ja me ta?
ti shtronte te flinin ne ROGNER?
Te kisha qene une, shume me keq do i kisha bere keta armiq te Kosoves.

[_MALSORI_]

Për llapin

Eulex-I ju ka ofrue Burrelit ooooo llap



Sipas deshmive keta persona Hashim Thaçin, Jakup Krasniqin, Fatmir Limajn, Kadri Veselin, Azem Sylën e Bedri Halimin,Sabit Geci ,Xhemshir Krasniqi,Osman Kyryeziu nese vetrteton gjykata se akuza ndaj Sabit hajnit eshte e vertet populli shqiptar do ta kuptoj se jan shitur edhe organet e njezve sepse logjika e thot se te kesh qasje dhe kontroll ne Kuks dhe ne Cahan patjeter duhet te kesh kontroll edhe ne Burrel .



Me kujtohet me 16 prill 2009 kur BBC pat paraqitur informatat e para lidhur me ekzistimin e burgjeve famkeqe xhavit kllokoqi pat then se keto jan shpifje

BBC -nuk shkel ne drras te kalbur ooooo llap

per ne kukes tashme eshte vertetuar se ka pase burg sekret te uck-se..kush i din magazinat e grumbullimit ne te dale te kukesit ne drejtim te hasit duhet ta kupioje se kane qene burgje per uck-ne gjate luftes..gjithashtu te gjithe kuksianet e kan pare policine ushtarake te uck-se qe bente roje tek ura e kukesit ne drejtimin nga tirana polici qe maltratonte cdo kosovar qe kalonte drejt brendesise se shqiperise..ata njerez qe i interesonin uck-se arrestoheshin e dergoheshin tek magazinat tek shote galica..mjafton te pyesesh qytetare te kukesit e te tregojne mire per kete burg..gjithashtu te tregojne edhe per piskamat qe leshonin te shkretet njerez nga torturat e uck-se..

disa kan jetuar deri me sot me mitin e lavdishem te uck-se..po ja dalengadale korja e pites po zbulohet e poshte saj po dalin shume lakra te fllicta qe po ja ulin se tepermi kete imazh ..e sa te palara te tjera do te shohim ne te ardhmen ..une e kam ditur se keto te palara do te dalin dikur ne shesh por nuk e kam ditur se do te dalin kaq shpejt ne siperfaqe..

[Llapi]

o njerz kur na po presim te krijohen institucionet e vendit
qe do te udheheq PDK-ja me to ne krye me Kryeçlirimtarin H.Thaçi
ju i maroni qef veti jo keshtu jo ashtu
po perse more behni si thmija e mashtroni veten

[projekti21_dk]

Sabit Geci akuzohet për vrasje e keqtrajtim

qyky osht ai sabit hajni qi ja ka pas kput kryt ni qikes ne qikatov te re, me kerr te familjes sylkaj edhe kurr nuk ju ka pergjegjun.

ky u kan i lidhun me shkije. qisi ushtarsh ka pasun uqk e LPK. Kta jan kan ma t kqi e ma t poshter se milict serrb. ma shum kan dhunue femna shqiptare qita uqk te LPK se shkijet. kini mu bind edhe për kta.

[L-7]

Krimet e Luftës

Jeta në Kosovë diskuton per krimet te luftës

16 prill 2009

Panelistët


Rexhep Selimi ish shef I drejtoris operative SH.P UÇK-së
Artan Mustafa –gazeta express
Altin Raxhimi- gazetar I BIRN-it
Behxhet Shala KMDLNJ
Shklezen Gashi activist I drejtav te njeriut

[L-7]

Kush ka mundesi ta publikoj akuzen e Sabit Gecit para lufte I cili ishte burgosur dhe kishte vuajtur denimin

Le ta di ky popull se a ka qen Sabit Geci per qeshtje kombetare apo ne vendim te tij para lufte shkruan se Sabiti ka vuajtuar denimin sepse ka vjedh pula

Ju kisha lut kush ka mundesi le ta publikojn se tash eshte koha per me dit kush çka

[gimche]

ky u kan i lidhun me shkije. qisi ushtarsh ka pasun uqk e LPK. Kta jan kan ma t kqi e ma t poshter se milict serrb. ma shum kan dhunue femna shqiptare qita uqk te LPK se shkijet. kini mu bind edhe për kta.

Tpuuuh bre Allahi ftyren ta marroft po qysh po ta ban me sha UÇK-në?!
Po ski faj se ti baballaret i ki FARK, ata ta kane ** nanen e je dal ti, per qata smundet per ty me kan e mire UÇK-ja. Ti sen ski ferk prej Dick Martyt, Dick Piqkes qasi je edhe ti, spot vjen marre bre me njellos UÇK-në bre Zoti t'vraftë, qikjo UÇK-ja "e keqe" ta pruni ty NATO-n qe sot ti me leh ketu, qikjo UÇK-ja se sa për FARK-un ke tu na ** nanen Serbia me na ba rrafsh me tokë, jau dhifsha politiken pacifiste millosho-rugoviane. Tash keni ba reforma, jeni me Putinin.

Turp!!!!
A ka moderator, pse nuk ja fshijn postimet ketij qeni. Kur njelloset UÇK-ja njellosen Adem Jashari (familja e tij), Zahir Pajaziti, Luan dhe Shkelzen Haradinaj, Fehmi e Gjevë Lladrovci, Ilaz Kodra, Agim Ramadani, Ilir Konushevci, Sali Çekaj etj.
Krejt keta emra i prodhu UÇK-ja.

[landi45]

cdo lufte ka krime nga 2 krahet...


por fajtore eshte ai qe fillon luften,,,

dhe kete lufte e filloi serbi