Dick Marty: Kryeministri Hashim Thaçi, kreu i nje organizate mafioze

[Brari]

Lajmet Kryesore

Si kolonel Dilaver Goxhaj, ish-përfaqësuesi i Shqipërisë pranë Shtabit të Përgjithshëm të UÇK-së, i ka bërë shërbimin më të madh Dick Marty-t

Written by Gazeta Sot

Friday, January 14 2011 00:00
Nga Kastriot MYFTARAJ

Në kohën që ndaj UÇK është ngritur akuza për trafik organesh njerëzore, ish-përfaqësuesi i Shqipërisë pranë Shtabit të Përgjithshëm të UÇK, kolonel Dilaver Goxhaj, i cili ka qenë edhe zëvendësshef i Shtabit të Përgjithshëm të UÇK, i ka bërë shërbimin më të mirë

Dick Marty, në një shkrim ku supozohej që ta demaskonte Dick Marty-n. Në fakt, Goxhaj me këtë shkrim ka çuar ujë në mullirin e Dick Marty, nëse do të shprehem me aforizmat popullore që aq shumë i pëlqen Goxhaj në shkrimet e tij, se u ka hapur rrugë spekulimeve të dashakeqëve se edhe një epror i lartë i UÇK si ai, nuk di veçse të vjedhë edhe kur shkruan, kështu që nuk është çudi që krerët e UÇK të kenë bërë ato për të cilat akuzohen. Në 25 dhjetor 2010, kolonel Dilaver Goxhaj, publikoi shkrimin me titull “Dik Marty, kundër UÇK-së apo kundër SHBA?”. Në datë 25 dhjetor 2010 shkrimi i Goxhajt u publikua në website të Radios “Kosova e Lirë”, ndërsa në 28 dhjetor 2010, në gazetën “Lajm”, Prishtinë.
Goxhaj, në shkrimin e vet, praktikisht e ka vjedhur, madje në disa pjesë fjalë për fjalë, shkrimin tim “Ja libri që asgjëson Dick Marty dhe zbulon se ku synojnë akuzat e tij”, i cili ishte botuar një ditë më parë, në 24 dhjetor 2010 në gazetën “Sot” që del në Tiranë. Mw poshtw po jap linkun e shkrimit nw website zyrtar tw gazetws “Sot”: (http://www.sot.com.al/index.php?opti...ente&Itemid=69)
Madje Goxhaj, si sherrbudallë që është edhe e pohon vjedhjen e shkrimit, tim siç do ta tregoj më tutje. Unë, në shkrimin tim tregoj hollësisht për një libër të amerikanit Gregg J. Rickam, botuar në vitin 1999 në SHBA-të, të Gregg J. Rickman, me titull “Swiss banks and Jewish Souls”, nga shtëpia botuese Transaction Publishers, New Brunswick, New Jersey. Në këtë libër, Gregg J. Rickman, i cili është një njeri i njohur në rang ndërkombëtar, edhe për faktin se në vitin 2006 ai u bë i pari I Dërguar i Posaçëm i Sekretarit të Departamentit të Shtetit për Çështje të Jashtme të SHBA-ve për Monitorimin dhe Luftën kundër Antisemitizmit, denoncohet Dick Marty si ndërmarrës i një nisme legjislative në Zvicër, për të penguar hetimin mbi bashkëpunimi e bankave zvicerane me nazistët në dëm të hebrejve të asgjësuar gjatë Holokaustit.
Goxhaj e ka vjedhur këtë shkrim timin dhe madje këtë gjë e ka pohuar në këtë paragraf të shkrimit të vet, kur thotë: “Kulmi i mosdurimit zviceran ndaj SHBA arriti kur në vitin 2006, amerikani Gregg J. Rickman u bë i njohur në rang ndërkombëtar, duke u emëruar si i dërguari i posaçëm i Sekretarit të Departamentit të Shtetit Amerikan për Çështje të Jashtme të SHBA-ve për monitorimin dhe luftën kundër Antisemitizmit. Gregg J. Rickman e mori këtë post thjesht për “shkak të emrit që kishte si studiues i çështjeve që kishin të bënin me bashkëpunimin e Zvicrës me Gjermaninë Naziste kundër hebrenjve dhe më konkretisht me bashkëpunimin e bankave të Zvicrës me nazistët për fshehjen e pasurisë së viktimave”, sikundër shprehet një analist i ynë”.
Kur Goxhaj thotë “një analist i ynë”, e ka fjalën për mua, se unë kam shkruar në shkrimin tim të përmendur më lart, të një dite më parë, pra të datës, 24 dhjetor, se: “Amerikani Gregg J. Rickman është një njeri i njohur në rang ndërkombëtar, edhe për faktin se në vitin 2006 ai u bë i pari I Dërguar i Posaçëm i Sekretarit të Departamentit të Shtetit për Çështje të Jashtme të SHBA-ve për Monitorimin dhe Luftën kundër Antisemitizmit, një post ky i krijuar pikërisht në atë vit. Gregg J. Rickman e mori këtë post për shkak të emrit që kishte si studiues i çështjeve që kishin të bënin me bashkëpunimin e Zvicrës me Gjermaninë Naziste kundër hebrejve dhe më konkretisht me bashkëpunimin e bankave të Zvicrës me nazistët për fshehjen e pasurisë së viktimave të Holokaustit”.
Unë mendoj se këtu për lexuesin çdo gjë është e qartë: Goxhaj praktikisht ka pohuar vjedhjen e shkrimit tim, duke më cituar mua pa ma përmendur emrin. Dhe Goxhaj nuk ma përmend emrin se kishte ndërmend që të vidhte pjesën tjetër të shkrimit tim. Si sherrbudallë që është, Dilaver Goxhaj, ka bërë një lëmsh dhe ngatërresë të vërtetë me argumentet e Rickman dhe deklarimet e Marty që jepen në libër, dhe këtë Goxhaj e ka bërë duke dashur që të fshehë gjurmët e vjedhjes së tij. Goxhaj shkruan: “Këtë reagim zviceran e përshkruan autori i librit, Rickman, i cili sqaron se Dik Marty u mbështet nga 57% e anëtarëve të Këshillit Shtetëror të Zvicrës, thënë ndryshe, nga dhoma e lartë e parlamentit të këtij vendi i cili, sikundër shkruan Rickman, deklaroi se, “nëse SHBA-ës do të insistojnë që bankat zvicerane të pranojnë fajësinë për Holokaustin dhe të dëmshpërblejnë viktimat, atëherë unë (Dick Martin, DG) do të ndërmarr nisma legjislative për sanksione ndaj kompanive amerikane”.
Për të kuptuar lexuesi se çfarë ka bërë Goxhaj në këtë paragraf, po paraqes paragrafin nga shkrimi im, të cilin e ka vjedhur dhe shtrembëruar Goxhaj në shkrimin e vet. Unë them në shkrimin tim, duke iu referuar librit të Rickman: “Në librin e Rickman tregohet se si deputeti Dick Marty, i mbështetur nga 37 prej 65 anëtarëve të Këshillit të Shtetit në Zvicër, që është dhoma e lartë e parlamentit zviceran, deklaroi me kërcënim se nëse SHBA-të insistonin që bankat zvicerane të pranonin fajësinë për Holokaustin dhe të dëmshpërblenin viktimat, atëherë ai (Dick Martin) do të ndërmerrte nisma legjislative për sanksione ndaj kompanive amerikane”.
Tani, po të krahasohen të dy paragrafet vërehet se Goxhaj ka bërë një rrëmujë të vërtetë, dhe në fund të paragrafit ka lënë të qarta gjurmët e veta si vjedhës. Se Goxhaj ka marrë fjalë për fjalë nga shkrimi im përmbledhjen e deklaratave të Dick Marty që bëj unë në një fjali, dhe këtë gjë e paraqet si deklarim të Dick Marty në thonjza. Goxhaj shkruan: “sikundër shkruan Rickman, deklaroi se, ‘nëse SHBA-ës do të insistojnë që bankat zvicerane të pranojnë fajësinë për Holokaustin dhe të dëmshpërblejnë viktimat, atëherë unë (Dick Martin, DG) do të ndërmarr nisma legjislative për sanksione ndaj kompanive amerikane”.
Por këto fjalë nuk gjenden në librin e Rickman. Këto gjenden vetëm në shkrimin tim, ku unë bëj një përmbledhje të idesë së Marty dhe Goxhaj e ka vjedhur këtë fjali fjalë për fjalë. Në fund të paragrafit të mësipërm nga shkrimi im unë them për Dick Marty se ai “deklaroi me kërcënim se nëse SHBA-të insistonin që bankat zvicerane të pranonin fajësinë për Holokaustin dhe të dëmshpërblenin viktimat, atëherë ai (Dick Martin) do të ndërmerrte nisma legjislative për sanksione ndaj kompanive amerikane”.
Pra, këtu nuk ka një citim të Dick Marty, por një përmbledhje sintetike të shumë deklaratave të tij, në pajtim me limitet e një shkrimi gazete. Por, Goxhaj, i cili nuk e ka lexuar librin e Dick Marty, i ka marrë gjërat sikur këto qenë thënë fjalë për fjalë në librin e Rickman, si deklarata të Marty. Ajo çka e zbulon përfundimisht vjedhjen e Goxhajt, dhe tregon se ai në këtë rast thjesht ka bërë copy-past nga shkrimi im, është se ai bën të njëjtin gabim që kam bërë unë nga shpejtësia, kur në kllapa emrin e Dick Marty e shkruaj gabimisht, Dick Martin. Në fakt ky më tepër se gabim ishte një kurth për vjedhësit, se e dija që këtë shkrim do të ma vidhnin edhe me copy-paste, prandaj vura edhe këtë shenjë. Dhe koloneli e ka ngrënë karremin si peshk.
Edhe përkthimin që i bëj unë deklaratës së Marty, të botuar në librin e Rickam, kur Marty kërcënon SHBA-të me sanksione nëse nuk tërhiqen nga kërkesa për hetimin e bankave zvicerane, e merr fjalë për fjalë nga shkrimi im: “SHBA-të janë më të ndjeshme ndaj këtyre lloj argumenteve se ndaj diskutimeve diplomatike, dhe kështu amerikanët do të jenë të vetëdijshëm se ne nuk do të tërhiqemi lehtë”.
Në origjinal në anglisht, kjo fjali është: “the US are more sensible to these kinds of arguments then to diplomatics discussions, and they should be aëare, that ëe ëill not set back quietly”. (Gregg J. Rickman “Swiss banks and Jewish Souls”, nga shtëpia botuese Transaction Publishers, New Brunswick, New Jersey, f. 212)
Unë nuk mendoj se ka ndonjë njeri që beson se mund të ndodhë që dy njerëz ta përkthejnë në mënyrë të njëjtë gërmë për gërmë këtë fjali, brenda 24 orësh. Gjithashtu unë nuk mendoj se ka ndonjë njeri që beson se një ditë pasi u botua shkrimi im, Dilaver Goxhajt i erdhën në mendje të gjitha idetë që paraqiten në shkrimin tim, si dhe idea qëndrore e shkrimit tim, se Dick Marty më tepër se me shqiptarët e Kosovës dhe të Shqipërisë, e ka me SHBA-të. Unë them në shkrimin tim: “Por Dick Marty nuk e ka vetëm me shqiptarët e Kosovës apo edhe me ata të Shqipërisë, por ai duket se më së pari e ka me SHBA-të. Dick Marty e di mirë se me akuzat e tij për heqjen dhe trafikimin e organeve të serbëve të rrëmbyer, ai në rradhë të parë akuzon SHBA-të. Se gjithë bota e kupton se me monitorimin që agjencitë e zbulimit të SHBA-ve i bënin Shqipërisë, posaçërisht asaj të veriut që ishte më pranë Kosovës, në vitet 1998-1999, nuk kishte gjasa që veprime të tilla të bëheshin pa dijeninë dhe lejen e SHBA-ve. Pra Dick Marty është duke akuzuar SHBA-të për këtë gjë”.
Kolonel Goxhaj thotë në shkrimin e vet të vjedhur: “Dhe qëllimi i vërtetë i Zvicrës nuk është që të godasë Shqipërinë dhe shqiptarët, pasi ajo as na llogarit dhe as na përfill ne. Gjetkë flë lepuri. Zvicra i bie dritares që të dëgjojë dera. Zvicra inatin e ka me Shtetet e Bashkuara të Amerikës. Ajo godet UÇK-në (dhe as mos u shkoi ndër mend se e ka me Hashim Thaçin, sepse ai është thjesht koka e turkut), me qëllim që të dëmtojë sa më shumë imazhin e Amerikës”.
Për lexuesin çdo gjë është e qartë, besoj. Më tutje, Goxhaj, në shkrimin e vet, vjedh edhe një shkrim timin të botuar gjashtë ditë para botimit të shkrimit të tij. Fjalën e kam për shkrimin tim “Dick Marty dhe Oliver Jens Schmitt, Skënderbeu dhe Hashim Thaçi”, të botuar në 19 dhjetor 2010, në gazetën “Sot”, që del në Tiranë. Goxhaj thotë në shkrimin e vet, të datës 25 dhjetor: “Mirëpo, antiamerikanizmi zviceian (gabim i Goxhaj-K.M.) i ka fillesat edhe më herët. Ajo fillon qysh me periudhën kur në SHBA ishte president Riçard Nikson, i cili, krahas politikave të tjera, premtoi se do të luftonte krimin e organizuar në të gjithë rruzullin tokësor, dhe një nga segmentet e kësaj lufte do të ishte edhe dhënia fund e praktikës së sekretit bankar, të cilin e kanë bankat zvicerane. Mirëpo, bankat zvicerane pse kanë këtë atu në dorë, prej të cilës nxjerrin fitime kolosale, reaguan menjëherë. Jo më kot atëherë u përfol se skandali i Uotergejtit, i cili rrëzoi presidentin Nikson nga posti, ishte financuar dhe organizuar nga zviceranët. Por nuk përfundon me kaq”. Edhe Presidenti tjetër amerikan, Kenedi, me t’u ulur në poltronin e presidentit nxori ligjin për ndalimin e transferimit të kapitaleve amerikane jashtë SHBA, në të kundërt, cilido që do të bënte atë transferim do të taksohej rëndë. Mirëpo ai ligj cenonte drejtpërsëdrejti interesat financiare të bankave zvicerane, pasi pjesa më e madhe e kapitaleve amerikane kalonte në Zvicër. Edhe atëherë, për vrasjen e Kenedit, u përfol se një nga pistat e hetimit ishte edhe financimi nga Zvicra për realizimin e asaj vrasjeje, duke u përmendur herë-herë edhe emri i kancelarit të atëhershëm të Zvicrës, Karl Oser”.
Ky paragraf i shkrimit të Goxhajt është vjedhur nga kjo pjesë e shkrimit tim “Dick Marty dhe Oliver Jens Schmitt, Skënderbeu dhe Hashim Thaçi”: “Raporti Marty mund të shndërrohet në një boomerang për Zvicrën se fare lehtë logjika e akuzave që bëhen në raport kundër Kosovës dhe Shqipërisë mund të përdoret kundër Zvicrës. Nëse thuhet se çdo hetues në Europë ndjek një çështje gjurmët e së cilës të çojnë në Kosovë, edhe më e vërtetë dhe e shpeshtë është se çdo hetues në botë ndjek një çështje gjurmët e së cilës të çojnë në bankat e Zvicrës ku hetuesit e botës bllokohen për shkak të sekretit bankar të Zvicrës. Kur Richard Nixon u bë President i SHBA-ve ai u zotua se do ta luftonte seriozisht krimin e organizuar dhe për këtë do ta detyronte Zvicrën që t’ i jepte fund praktikës së sekretit bankar edhe në rastet e hetimeve kriminale të shteteve të botës. Por në vend të sekretit bankar të Zvicrës, siç duhet ra Presidenti i SHBA-ve, në një skandal të sajuar. Me logjikën me të cilën akuzohet Hashim Thaçi në raportin e Marty, mund të akuzohet Kancelari zviceran Karl Oser (në pushtet në vitet 1951-1967) për vrasjen e Presidentit amerikan Kennedy. Kennedy nxorri një ligj për ndalimin e transfertës së kapitaleve jashtë vendit, sipas të cilit transferta e kapitaleve taksohej rëndë. Kjo cënonte Zvicrën në bankat e së cilës shkonte një pjesë e madhe e kapitaleve. Kennedy u vra dhe Oser, kancelari i vendit të dëmtuar, është vrasësi i tij. Vrasësit u nisën nga një shtëpi e verdhë në Ticino. Kancelari Oser vdiq në vitin 1994, në moshën 92 vjeç. Një tjetër kriminel i pandëshkuar!”.
Goxhaj nuk e ka kuptuar se unë kam bërë ironi kur kam thënë se Zvicra dhe kancelari zviceran i kohës kur u vra Kennedy, Karl Oser mund të akuzohet për vrasjen e Kennedy, sipas logjikës së raportit të Dick Marty. Kështu që Goxhaj shkruan se një nga pistat e hetimit të vrasjes së Kennedy ka qenë Zvicra dhe kancelari Oser. Hajni Dilaver ka rënë në kurthin e hajnisë së vet.
Goxhaj duhet ta dijë se që kur doli raporti i Dick Marty, shtypi shqiptar në dy anët e kufirit është veçanërisht i monitoruar nga kancelaritë e huaja sa i përket kësaj çështjeje, dhe hajnia, për më tepër e vetëdeklaruar e Goxhajt, nuk kalon pa rënë në sy. Në kancelaritë e huaja e dinë se cili është Goxhaj dhe ç’ rol ka pasur në kohën e luftës së Kosovës. Kështu që veprimi i Goxhajt cënon reputacionin e UÇK-së në sytë e ndërkombëtarëve. Me rastin e këtij shkrimi po u apeloj të gjithë atyre që e kanë bërë praktikë të vjedhin shkrimet e mia, që ta ndërpresin këtë lloj sporti pseudointelektual, se posa të gjej kohë do të ulem të shkruaj një libër ku do t’ i diskreditoj të gjithë me fakte.

kastriotmyftaraj@sot.com.al

[Llapi]

Raporti shpifës i një “shërbëtori” të Beogradit

Prishtinë, 12 janar 2011 (Kosovapress) Koha 15:02

Besnik Rama

Kombi ynë shqiptar (jo në pak raste) ndodhet nën trysninë e më të mëdhenjve, edhe pse nuk është një vullnet politik i forcave të mëdha, zhurma mediatike është shumë e ndjeshme. I ndjeshëm është edhe temperamenti i një ballkanasi, e veçmas i një shqiptari. Ai nuk i duron asnjëherë thirrjet dhe ulërimat drejtuara kundra tij, ashtu siç është munduar e përpjekur në historinë e tij të kundërshtojë vendimet e fuqive të mëdha të cilat kanë qenë historikisht të padrejta dhe në kurriz të trojeve tona, megjithëse duket që SHBA dhe Evropa po korrigjojnë gabimet e tyre të kaluara, deri në njëfarë mase. Pas pavarësisë së Kosovës, hyrjes në NATO dhe liberalizimit të vizave me Shqipërinë dhe Bosnjen, mund të themi që SHBA është PRO një Rajoni në kufinjtë normalë të saj, ku pjesa më e madhe janë toka shqiptare.

Ndërsa, Dick Marty është “kushtruesi” i cili edhe pse nuk mund të di ose të paktën nuk ka provuar kënaqësinë e dhënies së një kushtrimi si këto të maleve tona, ai (pa)dashje dha kujën se gjoja Hashim Thaçi dhe UÇK-ja paskan shitur organet e njerëzve. Gjithashtu, në këtë trafik është përfshirë edhe qeveria shqiptare. Ndër të tjera, Dick Marty ofendon ashpër shqiptarët duke i quajtur njerëz të ulët dhe trafikant. I shkreti Marty! I gjori Dick!
Shqipëtarët dhe shqiptaret duhet ta kenë të qartë se Dick Marty nuk e do kombin shqiptar, madje ai është munduar me mekanizmat e tij të përgatitur nga Beogradi zyrtar të pengojë Pavarësinë e Kosovës, por edhe të flasë me nota pesimiste për liberalizimin e vizave të vendeve të BE me Shqipërinë. Ai duke akuzuar liderët shqiptar, dëshiron të deligjitimojë besimin që populli kosovar i dha qeverisë aktuale të drejtuar nga Hashim Thaçi. Por, klasa politike kosovare ashtu siç ka qëndruar e palëkundur në arritjet e deritanishme, ashtu duhet të ballafaqohet në bllok politik kundër shpifësit të autorizuar me direktiva nga Moska dhe Beogradi, që mban mbi supe emrin e një paragjykuesi-diskriminues, Dick Marty.

Dick Marty ndodhet përballë kombit shqiptar, ku pretendon që direktivat e marra nga Beogradi t’i realizojë në mënyrë që të pështjellojë situatën mjaft të mirë që po kalon populli shqiptar kudo në trevat e tij etnike. Dick Marty thuri ato pallavra për të penguar ecurinë e integrimit europian edhe të shtetit të Kosovës, pasi me Rep. e Shqipërisë nuk ia arriti një qëllimi të tillë. Ky person, dëshiron të krijojë destabilitet në Ballkan dhe Rajon e më gjerë. Ta dijë mirë Evropa mbarë, se ne jemi gjithë shqiptarë! Shqipëria, Kosova, Maqedonia, Mali i Zi, Bosnja, Greqia, por edhe Serbia e Kroacia kanë aq shqiptarë, sa mund ta “tundin-shkundin” raportuesin zviceran të përgatitur nga manovrat “millosheviçjane”.

Së fundmi, shqiptarët duhet të qëndrojnë të qetë, pasi e kaluara ka vërtetuar që njerëz të tillë dashakeq ka pasur plot e përplot, por kryesorja është që ne i kemi kaluar këto momente që të tjerëve t’u mos ia bëjmë qejfin duke i dhënë vëmendje të madhe një situate të tillë, pasi Dick-u “dik i gjorë” mbetet, ndërsa integrimi i shqiptarëve do përparojë gjithnjë përpara. Kjo nuk është vetëm një thirrje për qetësi e maturi, kjo nuk është vetëm një deklaratë publike për miqtë dhe dashamirësit e gazetës atdhetare Nacional Albania, por është një analizë që del nga historia e këtij kombi dhe nga arritjet e viteve të fundit. Behxhet Pacolli e dha deklaratën e tij kushtruese, tashmë mbetet reagimi nga Tirana zyrtare. Është pikërisht, kjo e fundit që do të mbledhë mbarë liderët shqiptarë. Maqedonia dhe Gruevksi, duke zbutur gjuhën themi që janë të përdalë, por me plot gojën them në emër të nacionalistëve shqiptarë që Gruevski është një kurv rrugash, e cila dëmton çdo ditë shoqërinë dhe ngrohtësinë e përmirësimit të imazhit shqiptar. Sot, ne kemi nevojë edhe për mbështetjen e tij, por ai mbetet sllav i egër dhe dashakeq ndaj këtij kombi autoktonë, ndoshta edhe më keq se Dick Marty.

(Autori është kryeredaktor dhe botues i gazetës Nacional Albania)

[L-7]

BE-ja të veprojë rreth akuzave ndaj Thaçit



Bashkimi Evropian duhet të kërkojë nga kryeministri i Kosovës, Hashim Thaçi, që të japë dorëheqje, derisa prokurorët ndërkombëtarë të hetojnë akuzat për "përfshirje në krimin e organizuar dhe në trafikun e organeve".

Kërkesa për Brukselin zyrtar vjen nga Qendra për Studime të Politikave Evropiane.

Bashkimi Evropian duhet të përmbushë “rolin që i ka caktuar vetes si forcë udhëheqëse për transformimin politik dhe integrimin ekonomik të Ballkanit Perëndimor në Evropën moderne dhe në vlerat e saj”, thuhet mes të tjerash në analizën e kësaj qendre. /rel/

[KILI MERTURI]

ALBINI DHE VETËVENDOSJE! DO TA BËJË SHQIPËRINË!

Kili
SHQIPËRIA ETNIKE ËSHTË GJAKU IM QË NUK FALET!

Thaçi, legjitim për Beogradin

Athu pse po thojn kta te hasë hijenes qe shkijet i paskan inicu kto akuza?!

Ky hijen është legjitim për ta!

Pra këtu po luhet një lojë shumë e pandershme kundër shqiptarëve në Kosovë.

hasa po u prin t¨gjitha këtyre maskarrallëqeve!

[Drenica 97]

BE-ja të veprojë rreth akuzave ndaj Thaçit



Bashkimi Evropian duhet të kërkojë nga kryeministri i Kosovës, Hashim Thaçi, që të japë dorëheqje, derisa prokurorët ndërkombëtarë të hetojnë akuzat për "përfshirje në krimin e organizuar dhe në trafikun e organeve".

Kërkesa për Brukselin zyrtar vjen nga Qendra për Studime të Politikave Evropiane.

Bashkimi Evropian duhet të përmbushë “rolin që i ka caktuar vetes si forcë udhëheqëse për transformimin politik dhe integrimin ekonomik të Ballkanit Perëndimor në Evropën moderne dhe në vlerat e saj”, thuhet mes të tjerash në analizën e kësaj qendre. /rel/

Sipas kesaj OJQje BE duhet te veproi si LKJ me te papershtatshmit........

[G-2]

Sipas kesaj OJQje BE duhet te veproi si LKJ me te papershtatshmit........

z. drenica

kjo ojqje eshte ne 'sherbim' te udebes!

[Llapi]

Rama: Në Asamblenë e KE-së do të jemi zëri i Kosovës


Në kuadër të vizitës së tij në Republikën e Shqipërisë dhe takimeve të shumta atje me krerë të institucioneve dhe subjekteve politike, Presidenti i Kosovës, Jakup Krasniqi ka takuar edhe kryetarin e Partisë Socialiste, Edi Rama.



“Është interesi i përbashkët edhe i Kosovës, edhe i Shqipërisë që të thellojmë bashkëpunimin në të gjitha fushat e jetës edhe në fushën e përfaqësimit dhe mbrojtjes së interesit kombëtar edhe jashtë Shqipërisë dhe jashtë Kosovës, dhe në këtë rrafsh gjetëm një përkrahje të fuqishme”, është shprehur ai.



Ndërkaq kryetari i Partisë Socialiste, Edi Rama duke shprehur kënaqësinë e tij që takoi u.d të presidentit Jakup Krasniqi dhe delegacionin që e shoqëronte, theksoi të ketë ndarë me të absolutisht të gjitha pikëpamjet e njohura.



“Ndamë absolutisht të gjitha pikëpamjet e njohura dhe mbi të gjitha nënvizuam nga ana jonë se zëri ynë është zëri i Kosovës në Asamblenë e Këshillit të Evropës”, theksoi ndër të tjera kryetari i PS-së.

[Llapi]

Thaçi e ka fituar betejën e parë ndaj Marty-t



Prof. dr. LUSH PERPALI, Tiranë

Nuk u desh shumë kohë dhe Dick Marty ia “hoqi petët lakrorit” në lidhje me shpifjet e tij. Ai deklaroi se padia e zotit Thaçi kundër tij nuk shkakton asnjë produkt, pasi ai mbrohet nga imuniteti. Thënë shqip ose shkoqur, ai pranon se nuk është i zoti të mbrohet para drejtësisë, ndaj kërkon ndihmën e imunitetit, duke u fshehur i strukur pas tij, që tregon se ai ka frikë, pasi e di shumë mirë se ka shpifur ndaj UÇK-së dhe zotit Thaçi. Në të kundërtën, ai do të deklaronte se faktet e tij janë reale dhe jo të sajuara, e si rezultat nuk do të kishte frikë nga drejtësia në asnjë rrethanë. Kështu, me plot gojën mund të thuhet se këtë betejë, po ta quajmë kështu, e ka fituar që tani zoti Hashim Thaçi, i cili nuk u është shmangur akuzave, por ka treguar gatishmëri të ballafaqohet me to, megjithëse, siç del e qartë, ato janë rrëzuar tri herë deri tani nga institucionet e drejtësisë ndërkombëtare.

Sigurisht, lufta për të vërtetën dhe refleksionet mbi politikën, punën e intitucioneve etj., në mbarë trojet shqiptare, si për këtë raport, ashtu edhe për qëndrime të tjera si këto, që kanë ngjarë ose mund të ngjajnë, nuk ka mbaruar.

Përkundrazi, do të duhet shumë punë për të përballuar një strategji të qartë antishqiptare, që së pari synon t’i zhvleftësojë çlirimtarët dhe udhëheqësit e Kosovës, e prej këtej vetë shtetin e ri të Kosovës. Mendoj se duhet thënë më qartë se përpjekjet e Dick Martyt dhe të tjerëve si ai, për t’i “institucionalizuar” këto akuza në organizma politikë ndërkombëtarë, synojnë t’u imponohen organeve të drejtësisë, në mënyrë që këto të fundit t’i vërtetojnë akuzat e tij (?!). Të gjitha këto veprime kanë pamjen e një komploti kundër pavarësisë së Kosovës dhe në analizë të fundit nuk kanë të bëjnë thjesht me akuza ndaj individëve, të cilët, po të mos ishin në udhëheqje të këtij shteti të ri, nuk do të rëndoheshin me to.

Nuk është vështirë të kuptohet se gjithë kjo përfaqëson pjesë të strategjisë së Serbisë dhe të qarqeve antishqiptare që e mbështesin atë, për të vepruar sidomos pas vendimit të Gjykatës Ndërkombëtare të Hagës në favor të Kosovës. Kjo ka shumë synime, por siç duket i pari lidhet me shtyrjen e njohjeve të reja nga shtete të ndryshme. Duhet pranuar se në këtë drejtim Serbia nuk është se nuk ka arritur gjë. Edhe pse jemi disa muaj pas vendimit të Gjykatës Ndërkombëtare, numri i njohjeve nuk është shtuar siç pritej. Le të supozojmë për një moment sikur ky vendim i Gjykatës së Hagës të mos ishte në favor të Kosovës, çfarë do të kishte ndodhur. Natyrisht, pavarësia e Kosovës nuk ka kthim prapa (një shprehje që në fakt mua nuk më pëlqen, jo vetëm se është bërë bajate nga përdorimi i pafund sidomos në bisedimet diplomatike, kur diplomatët nuk dinë çfarë të thonë tjetër dhe futin një slogan të tillë, duke menduar se kanë thënë ndonjë gjë të madhe, por më duket edhe si një ngushëllim i kotë dhe më ngjan sikur e vë në diskutim pavarësinë e fituar me gjak e sakrifica të panumërta). Por, askush nuk mund të kundërshtojë që proceset do të ishin vështirësuar shumë, ashtu sikur Serbia do të kishte marrë një revansh të hapur.

Pas vendimit historik të Gjykatës së Hagës për drejtësinë e shpalljes së pavarësisë së Kosovës nuk kanë ndodhur rastësisht disa momente që është e nevojshme të nënvizohen dhe të analizohen;
- Miratimi nga OKB-ja, me konsensus, i rezolutës së paraqitur nga Serbia;
- Vendimi i Gjykatës Kushtetuese të Kosovës për papajtueshmërinë e funksioneve të presidentit Sejdiu;
- Kriza intitucionale nga vendimi i mësipërm i Gjykatës Kushtetuese;
- Arrestimi i zotit Ramush Haradinaj, bile në prag të marrjes së vendimit të Gjykatës së Hagës;
- Dhe tash, së fundi, sapo zhvillohen zgjedhjet në Kosovë, publikohen të ashtuquajtura akuza të D. Martyt etj.

Pa u marrë me vendimin e Gjykatës Kushtetuese të Kosovës, të cilin intitucionet me të drejtë e respektuan, mund të them se i kam rezervat e mia për këtë vendim, ashtu sikurse edhe për një vendim tjetër të kësaj gjykate në lidhje me emërtimin e komunës së Prizrenit. Natyrisht, ky opinion nuk ka rëndësi institucionale, por mendimi dhe gjykimi është i lirë edhe për vendimet e gjykatave kushtetuese. Në parim, mua më shqetëson fakti se në rastet kur gabon Gjykata Kushtetuese, kush e përmirëson gabimin. Dhe nuk mund të thotë askush se edhe gjyktat, qofshin këto edhe kushtetuese, nuk mund të gabojnë, pasi fjala e tyre sigurisht nuk është fjala e Perëndisë. Por, ajo që më tërheq vëmendjen në rastin konkret është fakti se përse edhe vendimi i Gjykatës Kushtetuese të Kosovës është renditur të paktën në kohë, në akordancë me këto ngjarje që kanë sjellë problematika jo të vogla për Kosovën dhe nuk i ngjan vendimit të Gjykatës Ndërkombëtare të Hagës as për nga qartësia dhe as për nga drejtësia.

Mendoj se analiza më të hollësishme do të kërkojë fakti se pas vendimit të Gjykatës së Hagës, Serbia e ndërmori iniciativën për të miratuar në OKB një rezolutë, historiku i hartimit dhe i miratimit të saj janë të panevojshme të përsëriten në këtë shkrim. Por, thelbi duhet thënë. Në OKB u miratua rezoluta me konsensus që të fillojnë bisedimet mes Serbisë dhe Kosovës. Shumëkush këtë e mori si një humbje të Serbisë, por, në fakt, duket që Serbia e formuloi dhe e përdori atë për ngadalësimin e njohjeve të reja të Kosovës. Në fund të fundit, Serbia u thotë shteteve që duan ta njohin Kosovën se duhet të presin pasi do të fillojmë bisedimet dhe mund të gjejmë zgjidhje të pranueshme për të dyja palët. Sidomos për shtetet që e kanë pasur me mëdyshje njohjen e Kosovës, një gjë e tillë nuk është e parëndësishme. Shtoji kësaj edhe përpjekjet që Serbia bën në të gjitha frontet, duke filluar që nga fronti diplomatik e deri tek ato të tipit “Dick Marty”.

Besoj se për të gjithë udhëheqësit kosovarëse është e qartë se kuzhina që ka prodhuar këto shpifje, do të prodhojë të tjera për këdo që do të dalë në krye të Kosovës. Politikisht edhe ata që e dinë veten komodë, pasi nuk kanë marrë pjesë në formacione luftarake, duhet të kuptojnë se pjata që do t’u gatuhet do të jetë e njëjtë, me erë të keqe dhe helm, pavarësisht se mund të ndryshojë gjella. Kështu, janë për t’u vlerësuar të gjithë ata politikanë, veçënërisht në Kosovë, që janë distancuar nga këto akuza dhe nuk i kanë përdorur ato politikisht. E kundërta do të ishte fatale për të gjithë. Kështu, është koha që edhe pas përfundimit të këtyre zgjedhjeve, pavarësisht nga problematika, në Kosovë të realizohet një konsensus sa më i gjerë, sepse është e qartë që shqiptarët e Kosovës ende nuk kanë përfunduar punë “me të tjerët”, që të mendojne të merren “thekshëm” me njëri-tjetrin, qoftë edhe politikisht. Mendoj se në Kosovë ende nuk ka hapësira të mëdha për shumë “lojëra politike” të brendshme. Para së gjithash, është uniteti për realizimin e njohjeve të reja dhe për forcimin e shtetit të ri të Kosovës. Deklarata e kryeministrit HashimThaçi se nuk kemi vija të kuqe duhet vlerësuar, dhe për mendimin tim një aleancë e gjerë mes partive politike i bën vetëm mirë Kosovës edhe në situatat e krijuara.

[ardiana luzha]

ooo Te lumte goja nejsee
Dora....per kete lajme te mire.

[Llapi]

Editorial: Shpifjet që tentojnë ta minojnë procesin e ndërtimit të shtetit demokratik të Kosovës


Shkruan: Nuhi Bytyçi

Këto ditë, në mediat tona dhe ato ndërkombëtare, kanë vërshuar opinionet lidhur me raportin shpifës, insinuativ dhe tendencioz të anëtarit të Asamblesë Parlamentare të Këshillit të Evropës, Dick Marty, ndaj ish-drejtuesve të Ushtrisë Çlirimtare të Kosovës.

Akuzat e hapura e qëllimkëqia, në veçanti ndaj ish-udhëheqësit politik të UÇK-së, kryeministrit aktual të Republikës së Kosovës, z. Hashim Thaçi, padyshim janë përpjekje të qarqeve antishqiptare e anticivilizuese për të njollosur vlerat e luftës së lavdishme të Ushtrisë Çlirimtare të Kosovës për liri, pavarësi, sovranitet dhe demokraci. Këto vlera nuk mund t’i kontestojë askush dhe dihet se ato janë mbështetur edhe nga bota demokratike, veçmas nga Shtetet e Bashkuara të Amerikës dhe aleatët e tyre euro-perëndimorë. Vetëm të verbuarit si Dick Marty dhe bashkëmendimtarët e tij në Beograd e Moskë, 11 vjet pas luftës në Kosovë, bëjnë skenare për të manipuluar me akuza shpifëse, gënjeshtra dhe “goditje” tejet të ulëta, në esencë akuza anticivilizuese në llogari të bijve më të mirë të popullit shqiptar, të cilët e udhëhoqën me mençuri, dinjitet e largëpamësi luftën e drejtë të Ushtrisë Çlirimtare të Kosovës.

Akuzat pa asnjë argument të vetëm të Marty-t janë tendenca për ta barazuar krimin me viktimën, ata që bënë krimet gjenocidale mbi popullatën civile në Kosovë, Bosnjë e Hercegovinë, Kroaci dhe në mbarë hapësirën e ish-Jugosllavisë, me ata që zhvilluan luftë mbrojtëse dhe për t’u çliruar nga pushtimi dhe diktatura sllavokomuniste e kryekriminelit të Ballkanit, Sllobodan Millosheviqit.

Ndërhyrja ushtarake e NATO-s mbi caqet ushtarake-policore serbe, është dëshmia më e mirë e botës demokratike të prirë nga SHBA-të dhe aleatët e saj për të mbrojtur vlerat humane në Kosovë dhe për të ndëshkuar makinerinë vrastare e kriminale të regjimit serb.

UÇK-ja nuk ka shkelur ligjet dhe zakonet e luftës

Si gazetar, gjatë vitit 1998 e 1999, kam pasur rastin që ndër të rrallët të ndjek nga afër shumë zhvillime dramatike nga periudha e luftës në zonat që kontrolloheshin nga Ushtria Çlirimtare e Kosovës, sidomos takimet e drejtuesve politikë e ushtarak të UÇK-së me diplomatë amerikanë e euro-perëndimorë në vargmalet e Berishës, në Kleçkë, Divjakë, në Dragobil, Likoc, Terstenik e zona të tjera. Mund të them me përgjegjësi të plotë se kurrë nuk kam vërejtur asnjë shkelje të ligjeve dhe zakoneve të luftës nga ana e UÇK-së. Nuk kam vërejtur kurrfarë hakmarrje ndaj popullatës civile serbe. Kam vërejtur vetëm vullnetin, vendosmërinë dhe gatishmërinë e pashoqe të luftëtarëve të lirisë nga të gjitha trojet etnike shqiptare për të zhvilluar luftë të pastër si loti për çlirimin definitiv të Kosovës nga pushtimi serb.

Si gazetar që ka qenë i pranishëm në të gjitha zonat e luftës në Kosovë, kam qenë edhe dëshmitar i shumë masakrave të forcave serbe mbi popullatën civile shqiptare në Abri, Reçak, Poklek, Dukagjin, Llap, Neredime e zona të tjera. Në asnjë moment e vend nuk kam vërejtur sulme hakmarrëse të luftëtarëve të UÇK-së ndaj popullatës civile serbe, por kundërvënie vetëm ndaj makinerisë ushtarake e policore serbe. Kjo më së miri dëshmon për shpritin e pastër humanist e çlirimtar të UÇK-së. Këto janë vlera të civilizimit perëndimor, të cilat u mbështetën nga bota demokratike.

Në prill të vitit 1999, me kameramanin Abaz Zeka, kemi vizituar edhe qendrën e stërvitjeve në Burrel të vullnetarëve që i bashkangjiteshin Ushtrisë Çlirimtare të Kosovës nga SHBA-të dhe vendet e shumta euro-perëndimore. Aty ishin luftëtarë trima nga të gjitha trojet etnike shqiptare dhe te të gjithë ekzistonte gatishmëria për të marrë pjesë në operacionet përfundimtare për çlirimin e Kosovës. Drejtuesit politikë e ushtarakë të UÇK-së, angazhoheshin që opercioni “Shigjeta” të organizohej sa më parë dhe sa më mirë, që forcat pushtuese serbe të largohen përfundimisht nga Kosova. Janë të pakuptimta akuzat e Dick Marty-t dhe mbështetësve të tij në Beograd e Moskë se dikush merrej me trafikim organesh njerëzore, me drogë dhe vepra të ngjashme kriminale.

Qarqeve antishqiptare dhe antiamerikane nuk u konvenon një lider i aftë e i fuqishëm si Hashim Thaçi

Tolerimi dhe përkëdhelja e Serbisë pas luftës, mosndëshkimi i urdhëdhënësve dhe kryesëve të krimeve makabre serbe mbi popullin shqiptar në Kosovë, cënimi i sovranitetit dhe integritetit territorial të shtetit të pavarur të Kosovës, janë vetëm disa nga dështimet e bashkësisë ndërkombëtare në Kosovë.

Dick Marty, si kundërshtar i përbetuar i bombardimeve të NATO-s, kundërshtar i çlirimit të Kosovës, dhe mbi të gjitha i pavarësisë së Kosovës, mjerisht është vënë në shërbim të regjimit anticivilizues në Beograd, duke u munduar që ta zbehë rolin konstruktiv dhe të pazëvëndësueshëm të SHBA-ve dhe aleatëve të saj në lirinë dhe pavarësinë e Kosovës. Ai dhe klubi i tij anti-liri dhe anti-Kosovë, me gjitha mënyrat po përpiqet të minojë proceset pozitive në ndërtimin e shtetit demokratik të Kosovës, madje edhe procesin paqesor në Ballkan e më gjerë, si dhe integrimin e Kosovës në Bashkimin Evropian dhe në NATO.

Raporti shpifës i Dick Martyt, padyshim është përpjekje e qarqeve proserbe e proruse me qëllim të minimin e procesit paqësor në Kosovë e rajon, si dhe dobësimin e rolit prijës të SHBA-ve në Ballkan.

Sulmet e drejtpërdrejta ndaj ish-udhëheqësit politik të UÇK-së dhe kryeministrit aktual të Kosovës, Hashim Thaçit, nuk janë të rastësishme. Ai është dëshmuar lider i mençur politik i luftës dhe i ndërtimit të paqes, sidomos si kryesues i delegacionit të Kosovës në Konferencën Ndërkombëtare të Paqes në Rambuje. Thaçi në të gjitha etapat u dëshmua kooperativ me faktorët ndërkombëtarë, burrshtetas i vendosur, i guximshëm për të marrë vendime historike në interes të paqes e stabilitetit në rajon dhe për prosperitetin e vendit. Prandaj, qarqeve antishqiptare dhe antiamerikane nuk u konvenon një lider i tillë, i aftë e i fuqishëm në prag të fillimit të bisedimeve midis Prishtinës dhe Beogradit për mbrojtjetn e integritetit territorial dhe konsolidimin e shtetit demokratik të Kosovës.

Të veprojmë si një trup i fuqishëm për mbrojtjen e interesave kombëtare

Liria dhe pavarësia e Kosovës është fituar me shumë sakrifica të shumë brezave, me gjakun e dhjetëra mijëra dëshmorëve dhe martirëve të lirisë. Prandaj, të gjithë duhet të jemi unikë dhe të dëshmojmë vetëdije të lartë politike e kombëtare në mbrojtjene të interesave madhore dhe kundërshtimin e sulmeve dhe shpifjeve të kuzhinës anticivilizuese të Beogradit dhe aleatëve të tij, që kanë për qëllim minimin e procesit të ndërtimit të shtetit demokratik të Kosovës.

Institucionet shtetërore të Kosovës dhe të Shqipërisë, duhet të veprojnë me përgjegjësi të lartë politike e profesionale, që të bashkëpunojnë me ekspertët ndërkombëtarë që akuzat e pabaza të Dick Marty-it të hetohen dhe përfundimisht opinioni botëror të informohet se ato janë vetëm shpifje e gënjeshtra ordinere me qëllim të dëmtimit të imazhit të Kosovës në botë. Të gjithë duhet të veprojnë në mbrojtje të vlerave të shenjta të luftës së UÇK-së, e kurrsesi të mos lejojnë që të njollosen ato pikërisht në kohën kur Kosovës dhe lidershipit të saj i nevojitet një mbshtetje e fuqishme për ndërtimin e shtetit demokratik, rritjen e njohjeve të reja ndërkombëtare dhe anëtarësimin e Kosovës në OKB, në BE e NATO.

(Nuhi Bytyçi është gazetar, i cili gjatë viteve 1998-1999 ka raportuar drejtpërdrejt nga zonat e luftës të kontrolluara nga UÇK-ja për Radio Televizionin Shqiptar, gazetën “Bota e re” dhe të përjavshmen “Zëri”)