Dick Marty: Kryeministri Hashim Thaçi, kreu i nje organizate mafioze

[Sofi _]

Po mire pra, le te hetojne, o G-2, s'i ka ndal kush. Po gjeten fakte, flasim prape. Per momentin nuk ka fakte...

PS: Personalisht me ben shume pershtypje se si fort e nderuara Del Ponte na paskesh qene ne dijeni te nje trafiku te tille cnjerezor por s'na paskesh fol deri ne momentin e daljes ne 'pension', kur dhe ka botuar librin e saj melo-dramatik. E madje dhe ne liber nuk flet me fakte por me ngjyra shtepish: te verdha, te kuqe, jeshile, laramane pfff.. S'di c'te them, mund dhe te gabohem...

[s0ni]

Po mire pra, le te hetojne, o G-2, s'i ka ndal kush. Po gjeten fakte, flasim prape. Per momentin nuk ka fakte...

PS: Personalisht me ben shume pershtypje se si fort e nderuara Del Ponte na paskesh qene ne dijeni te nje trafiku te tille cnjerezor por s'na paskesh fol deri ne momentin e daljes ne 'pension', kur dhe ka botuar librin e saj melo-dramatik. E madje dhe ne liber nuk flet me fakte por me ngjyra shtepish: te verdha, te kuqe, jeshile, laramane pfff.. S'di c'te them, mund dhe te gabohem...

Me bere te buzeqesh qe me mengjes me kete fjale, se kam degjuar ndonjehere ne kete menyre.

[G-2]

Task Forca e Martyt, në fund të verës

Task Forca e BE’së për hetimin e tregtisë me organe në Kosovë pritet të operacionalizohet në fund të verës. Në raportin e EULEX’it për OKB’në, të siguruar nga Expressi, thuhet se selia e Task Forcës do të jetë në Bruksel dhe Prishtinë.
Nga Express më 13 gusht 2011 në ora 16:31

Task Forca e BE’së, e cila do të hetojë pohimet e Dick Martyt për trafikim me organe në Kosovë pritet të operacionalizohet deri në fund të verës.

E, stina e verës përfundon në gjysmën e dytë të shtatorit.

Kështu thuhet në raportin më të ri të OKB’së për Kosovën.

“EULEX’i ka konfirmuar se Task Forca do të jetë operacionale në fund të verës, kur procesi i rekrutimit të të gjithë stafit që është duke u finalizuar”, thuhet në këtë raport.

“Task Forca do të përbëhet nga dy prokurorë ndërkombëtarë, disa hetues ndërkombëtarë të specializuar për hetimin e krimeve të luftës. Task Forca do të ushtrojë funksionet e saj nën administrimin e komponentës së drejtësisë së EULEX’it dhe do të ketë selinë në Bruksel dhe Prishtinë”, vazhdon raporti.

Në raport rikujtohet edhe qëndrimi i Serbisë për këtë çështje.

“Beogradi mbetet i vendosur se duhet të ketë një trup të pavarur, i krijuar nga Këshilli i Sigurimit me kompetenca hetuese në Shqipëri dhe më përtej duhet të udhëhequr hetimin”.

Organizata e Kombeve të Bashkuara, ndërkaq, përmend qëndrimin e palës kosovare në favor të hetimit nga EULEX’i.

“Autoritetet e Kosovës kanë përsëritur vullnetin e tyre për të bashkëpunuar në një hetim rreth pohimeve që përmban Raporti i raportuesit special të Këshillit të Europës, Dick Marty për trafikimin me organe njerëzore dhe ka mirëpritur krijimin e Task Forcës së EULEX’it për të kryer këto hetime”.

Çështja e Task Forcës është adresuar edhe në raportin e Përfaqësueses së Lartë të Bashkimit Europian për Sekretarin e Përgjithshëm të OKB’së rreth aktiviteteve të EULEX’it në Kosovë.

“EULEX’i ka marrë përgjegjësinë për rastin dhe ka vazhduar të lëvizë përpara me hetimet preliminare përmes një Task Force speciale që i dedikohet rastit me prokurorë të ngarkuar vetëm për këtë rast”, thuhet në raport.

“Planifikimi për këtë proces ka arritur në një fazë të avancuar, në pikën ku anëtarët e Task Forcës janë intervistuar dhe rekrutuar si dhe ndërtesat dhe pajisjet për Task Forcën në Bruksel janë siguruar. Task Forca e EULEX’it me seli në Bruksel dhe Prishtinë përbëhet nga një staf i selektuar së voni më detyrë permanente për hetimin e rastit do të jetë operacionale menjëherë pas vendosjes”, thuhet në raportin e EULEX’it.

Sipas raportit, EULEX’i vazhdon të jetë në kontakt me palët relevante dhe aktorët rajonalë derisa procesi hetimor është duke lëvizur përpara.

Aty përmendet edhe bashkëpunimi me Shqipërinë në këtë aspekt.

“Paralelisht me këtë, misioni ka përforcuar programin për sigurinë e dëshmitarëve duke iu ofruar ndër të tjera dhe EUROPOL’it për të përforcuar prospektet për zhvendosje jashtë vendit dhe duke rritur fondet për këto zhvendosje”, thuhet në raport.

[G-2]

sOni,

e gjithe kjo zhurme behet sipas projekteve dhe prapaskenave te hashim thacit per te luftuar njerzit qe ia rrezikojn atij karriken!

dhe te gjitha ata do te jene keta qe hashim thaci ose i ka quar ne hage duke u bere dosje ose i ka larguar nga pushtetit duke i akuzuar per krim te organizuar dhe korrupsion!

pra lufta brenda lloit eshte duke u maskuar me lloi -lloi skenaresh thaciste!
e ne kete valle kuptohet prine serbia se i duhen skenaret e tilla per ti ndihmuar ne negociata!

pra negociatet me serbine i mbeshtet hashim thaci dhe si pasoje
prodhohen taske forca te tilla dhe dalin ne skene dik martat!

p.s
e/i nderuar sOni,ky ishte nje postim imi i mehershem por edhe tani kam te njejtin mendim ne lidhje me keto skanare qe vetem hashim thacit i ndihmojn per te avansuar luften brenda lloit!

[G-2]

“Taska” Forca Speciale Hetuese e EULEX-it do të udhëhiqet nga John C.W.
Artan M. Haraqija | 29-08-2011 10:58 CET

Amerikani, John Clint Williamson, do ta udhëheqë ekipin e EULEX-it për të hetuar akuzat e bëra në raportin e Dick Martyt. Emërimi i Kryeprokurorit amerikan është punë e kryer, ndërsa ekipin që do ta udhëheqë ai, zyrtarisht quhet Taska Forca Speciale Hetuese e EULEX-it. Ky ekip e ka për qëllim që të çoi para hetimet tashmë të nisura të EULEX-it rreth akuzave që fillimisht buruan nga raporti i senatorit zvicran të Këshillit të Evropës, Dick Marty, raport ky që për herë të parë u bë publik në dhjetor të vitit 2010.

Në bazë të raportit të Martyt është hartuar edhe një rezolutë e Këshillit të Evropës e cila kërkonte hetime për akuzat e bëra në të që pjesëtarë të rëndësishëm të UÇK-së, tani pjesë e skenës politike të Kosovës, kanë vrarë njerëz dhe më pas ju kanë shitur organet në tregun e zi ndërkombëtarë. Në mesin e të përmendurve në këtë raport është edhe shefi i qeverisë së Kosovës, Hashim Thaçi.

EULEX-i zyrtarisht i kishte nisur hetimet më 27 janar, mirëpo misioni nuk kishte ende dikë të emëruar që të vazhdoj tutje këto hetime. Një nga pretendentët ishte edhe ish krye-prokurorja e Tribunalit të Hagës, Karla Del Ponte, e cila para Martyt, në librin e saj auto-biografik e kishte bërë akuzën për trafikim organesh.

Zëri merr vesh se Task Forca në fjalë do të hetojë edhe akuzat për krim të organizuar që janë pjesë e rezolutës së Këshillit të Evropës dhe ato për krime lufte. Procesi i rekrutimit është në process e sipër, që do të thotë se në këtë ekip vazhdon të pranohen pjesëtarë të cilët përfshijnë, prokurorë, hetues, zyrtarë të Teknologjisë Informative, sigurim, staf administrative dhe përkthyes.

Ekipi që tashmë do të udhëiqet nga amerikani, Clint Williamson, do të jetë pjesërisht i vendosur në Bruksel e pjesërisht në Prishtinë, ndërsa ai i raporton komandës së rregullt të EULEX-it, që do të thotë se përgjegjësia e këtij ekipi nuk ndryshon nga të gjitha task forcat apo ekipet e tjera të EULEX-it.

Sonte në Nju Jork do të mbahet mbledhja e Këshillit të Sigurimit ku do të diskutohet për situatën e fundit të krijuar në veri, por dhe për kërkesën e Serbisë që akuzat e Martyt të hetohen nën ombrellën e OKB-së. Ministri i Jashtëm serb, Vuk Jeremiq, ka thënë dje se është e vështirë që kërkesa serbe të votohet në mbledhjen e sontme, megjithëse deri në fund të vitit OKB duhet të jap një qëndrim rreth kësaj. Sidoqoftë, tashmë emërimi i prokurorit amerikan në kuadër të EULEX-it është punë e kryer.

[G-2]

EULEX përgatit “grepat”
Jeton Llapashtica | 24-09-2011 00:49 CET

Vendimi i Gjykatës Kushtetuese të Kosovës për heqjen e imunitetit të deputetëve ka motivuar Misionin e Bashkimit Evropian për Sundim të Ligjit (EULEX) që të fillojë edhe me arrestime të tjera të të ashtuquajturve “peshq të mëdhenj”.

Burime të “Zërit” të afërta me misionet ndërkombëtare thonë se Fatmir Limaj është i pari që ka pësuar nga vendimi i Kushtetueses, ndërsa atë së shpejti do ta pasojnë edhe disa ligjvënës të tjerë, të cilit janë të dyshuar për keqpërdorime dhe krim të organizuar, por që e kanë shfrytëzuar imunitetin si “pancir”.

Këto burime të “Zërit” të afërta me institucionet ndërkombëtare të akredituara në Kosovës, thonë se ky mision ka pritur që Kushtetuesja t’ia “japë vizën” për të vazhduar edhe me arrestime të tjera të disa zyrtarëve të lartë.

“Deputeti Famir Limaj është vetëm fillimi, nuk do të ndalen me kaq. Javët në vazhdim do të jenë të nxehta për qytetarët e Kosovës. EULEX-i i ka pasur duart e lidhura nga imuniteti, por tash janë hapur të gjitha rrugët që të arrestohen deputetët ndaj të cilëve janë zhvilluar hetime”, ka thënë ky burim.

Zyrtarët e misionit EULEX-it kanë kohë që kanë paralajmëruar se janë duke u zhvilluar hetime ndaj disa personave, të cilët aktualisht janë deputetë të Kuvendi të Kosovës, e të cilët nga misioni i BE-së janë cilësuar si “peshqit e mëdhenj”.

Burimi i gazetës thotë se arrestimet e ardhshme kanë të bëjnë pikërisht me ata që janë konsideruar si “peshq të mëdhenj”, ndërsa ky burim ironizon me grupet parlamentare të Kuvendit të Kosovës, duke iu rekomanduar që të “mendojnë për zëvendësimin e deputetëve sepse disa nga ta nuk do ta ushtrojnë funksionin deri në fund”... (Shkrimin e plotë mund të lexoni në numrin e sotëm të gazetës Zëri)

[xani1]

http://www.kosovapress.com/ks/reposi...limi_thmb1.jpg

Kush do të qajë për ne!?

Prishtinë, 2 shkurt 2011 (Kosovapress) Koha 11:16

Mehmet Bislimi


Para shumë vjetësh, atëherë kur Adem Demaçi kishte vuajtur me burg dënimin e parë, kishte shkuar për ta vizituar Tahir Prekazi, i cili kishte pasur të birin e vet të dënuar në një grup me Ademin. Zoti Demaçi e kishte pritur mirë Tahirin. Në bisedë e sipër ai, duke dashur që Ademit t’i jepte disa këshilla të urta prindërore, i kishte thënë: “Adem, shyqyr që mbarove burgun, tani ke ardhur në shtëpi shëndosh e mirë pranë familjes dhe mjaft ke vuajtur, tani lë të bëjnë edhe të tjerët ca, se ju keni dhënë mjaft!”... Ademi kishte heshtur ca, dhe pas pak iu kishte përgjigjur axhës Tahir me një ton të prerë dhe të qartë: “E mor axha Tahir, unë jo, ti jo, yt bir jo, bijtë e tjerë të kësaj toke jo... e kush do të qajë për këtë Kosovë të shkretë!”... Mbeta i shtangur - më thoshte axha im, Tahiri, shumë vjet më vonë. Kur plasën demonstratat e vitit 1981, unë isha student atë kohë, dhe axha im më pati thënë: “Po, Adem Demaçi kishte të drejtë biri im, prandaj dikush duhet të qajë për këtë Kosovë të shkretë, ani pse kostoja e haraçit do të jetë e shtrenjtë”...
Që nga ajo kohë e deri më sot kanë kaluar rreth 50 vjet, si për ironi të fatit bijtë tanë ende po gjykohen e po dënohen nga gjykatat e pushtetit gjakatar serb, ende! Ditë më parë nga Gjykata Supreme e Serbisë në Beograd u dënuan bijtë tanë me 101 vjet heqje lirie, me më shumë se një shekull burg!!! Janë këta pjesëtarët e “Grupit të Gjilanit”, për kinse krimet e bëra gjatë periudhës qershor-shtator të vitit 1999. U dënuan me burg të rëndë: Agush Memishi 15(!); Faton Hajdari 10(!); Ahmet Hasani 10(!); Nazif Hasani 10(!); Samet Hajdari 15(!); Ferat Hajdari 8 (!); Kamber Sahiti 8(!); Sylejman Sadiku 15(!); Burim Fazliu 10(!) vjet burg. Edhe sot, pas një shekulli robërie e pas një decenie “lirie”, bijtë tanë arrestohen, torturohen nëpër hetuesitë serbe, mbahen në qelitë serbe, gjykohen nëpër gjykatat serbe, vuajnë dënimin nëpër burgjet serbe (!), kush tjetër përveç shqiptarët anë e kënd gjeografisë së tyre që nga Medvegja e deri në Ulqin?!

Kush do të qajë për ju përveç nënëshkretave?!

Po, është koha e fundit, ne duhet t’i thërrasim ndërgjegjes dhe të mos lejojmë më që bijtë tanë të dënohen dhe të mbahen nëpër burgjet e Serbisë gjakatare, qofshin ata nga Gjilani, Presheva, Medvegja apo Bujanoci, Ulqini, Shkupi, Tetova, Dibra e Kërqova. Ne duhet ta ngremë zërin e arsyes, si komb në rend të parë, si shtete Kosovë - Shqipëri, nëse të tillë jemi (!?), në mënyrë që bijtë tanë të mos vuajnë më, të mos dënohen më për vepra të pabëra, edhe nëse i kanë bërë ( të supozojmë), Kosova ka gjykatat e veta, ka burgjet e veta, dhe të gjithë ata që kanë bërë krime, qofshin ato edhe krime lufte, Kosova ka kapacitete ku do t’i mbajë të dënuarit e vet. Doemos shtrohet pyetja: sa serbë që kanë bërë krime lufte në Kosovë gjatë viteve ‘97-‘99 janë dënuar në gjykatat e Kosovës dhe sa vuajnë dënimet në burgjet e Kosovës? Nëse jo, pse bijtë tanë të dënohen ende nga gjykatat e Serbisë dhe të mbahen në burgjet e saj? Sinqerisht, jeta e tyre atje është në rrezik. A nuk ishin bijtë tanë ata që u kthyen në arkivole nga burgjet e Serbisë që i mbyti UDB-eja serbe në mënyra të ndryshme, si: Fazli Greiqevci - Drenicë, Zija Shemsiu - Gjilan, Ibrahim Kelmendi - Dushanovë, Ibrahim Krasniqi - Smallushë, Abedin Bala - Drenicë, Xhemajl Berisha – Prizren, dhe më e tmerrshmja, më se 173 të dënuar shqiptarë u ekzekutuan në mënyrën më çnjerëzore në Burgun e Dubravës e qindra të tjerë më herët e më vonë, që regjimi serb i likuidoi, dhe jo vetëm nga burgjet serbe, por edhe nga kazermat ushtarake të Serbisë, shqiptarët i kthyen në arkivole, duke i mbytur tmerrësisht më se njëqind ushtarë shqiptarë, djem të rinj - siç i thonë fjalës: “Sa i kishin rënë brisk fytyrës!”, të cilët atë kohë po bënin shërbimin ushtarak në këtë shtet lubi, i cili kudo po mbillte vdekje për shqiptarët. Duhet ta ngremë zërin me gjithë fuqinë e shpirtit, si popull, si institucione, si shoqëri dhe si shtet: deri kur shqiptarët nëpër burgjet e Serbisë?!

Tani, prapë si dikur, nënëloket tona, duke rëndur stacioneve të trenit Beograd e Llapovë, duke pritur para dyerve të burgjeve serbe për t’i vizituar bijtë e tyre, duke bartur me vete bukën e ngrohtë, të cilën e kanë gatuar më shumë me lot se sa me ujë, motrat, nuset, nënat për vëllezërit, burrat dhe bijtë e vet, të cilët po vuajnë në burgjet e Serbisë dh që gdhijnë e ngrysen me vdekjen mbi kokë! Dhe sikur nuk mjaftoi me kaq, së fundi është ndërmarrë edhe një fushatë e paparë kundër forcave çlirimtare të Kosovës dhe kundër vetë lirisë së saj, fushatë kjo të cilës po i prin Dik Marti, i yshtur nga krerët e shtetit Serb i cili me akuzat e veta ndaj shqiptarëve dhe ndaj lirisë së tyre, qiellin e Kosovës e mbuloi me re të zeza. Ai nga një anë shprehet aq paturpësisht se gjoja nuk qenka kundër lirisë së Kosovës, ndërkaq nga ana tjetër, me akuzat e tij, mobilizoi forcat proserbe në gjithë Evropën dhe Kosovës e popullit të saj i dha një grusht ndër më të rëndët që nga paslufta, duke stopuar me dhjetëra njohje të reja që priteshin t’i bëheshin Kosovës, duke futur frikën te investitorët e huaj, duke ndalur zhvillimin e saj ekonomik, duke zymtësuar rrugën e saj drejt Evropës dhe progresit, duke e vënë në dyshim edhe Misionin për të cilin ai thotë se është i përkushtuar për të mbrojtur të drejtat e njeriut! Fatmirësisht shteti prej nga vjen Dik Marti nuk është në linja të njëjta me zotin Marti. Zvicra demokratike me kohë ka njohur të drejtën e popullit tonë për të jetuar të lirë në tokat e veta. Dik Marti është në linja të njëjta me interesat serbo-ruse. Zoti Marti thirret në emër të të drejtave të njeriut, por, për ironi të misionit të tij, ai nuk paska dëgjuar ose nuk e paska të qartë se edhe ne shqiptarët jemi njerëz!, si të gjithë të tjerët. Dhe si qenie njerëzore që jemi a duhet që edhe të drejtat tona të mbrohen nga dikush? A ka ngritur zërin ky zotëri për djegien e tokës së Kosovës, më shumë se treqind mijë shtëpi e objekte të djegura anembanë Kosovës, me më shumë se katërmbëdhjetë mijë shqiptarë të vrarë e masakruar, më shumë se 90% e tyre civilë, gra, pleq e fëmijë të djegur, të masakruar e të dhunuar, më shumë se dy mijë të zhdukur sot e mot, pa nam e nishan, të djegur nëpër shkritoret e Zveqanit e të Maçkaticës, hienat soldateske serbe, madje zhvarrosën edhe kufomat e shqiptarëve, të cilat i bartën për në Serbi në mënyrë që të fshihnin gjurmët e krimit, duke i hedhur ato nëpër liqenet serbe, nëpër male të Serbisë, në përroska e shpella e ku jo...
Kulmi i arrogancës mospërfillëse të tij është qëndrimi i tij absurd dhe i paskrupullt. Ai tha: “Jam i bindur se Misioni Evropian për Sundimin e Ligjit në Kosovë, EULEX, nuk është në gjendje të kryejë hetimet për trafikimin e organeve njerëzore, për shkak se ky organ nuk ka program për t’i mbrojtur dëshmitarët!”. Për më tej Dik Marty mbetet në linja të njëjta me mendimin e presidentit serb Tadiq, që të formohet një “ekip ekspertësh të veçantë”, që do të nënkuptonte një ekipe e cila brenda vetes do të ketë “specialistë”, që do të mbronin interesat meskine të Serbisë. Madje Diku shkon edhe më larg, pretendon që edhe skenën politike në Kosovë ta ndryshojë dhe ta përgatisë me njerëz të cilët do të ishin lojalë për bisedimet e ardhshme me Serbinë, anipse ata nuk kanë mbështetjen e popullit, mjafton të jenë lojalë si në kohët e Sinan Hasanëve e të Ali Shukrive. Të tillë po kërkon Dicku, kur thotë: “Skena politike në Kosovë duhet të ndryshojë dhe se vendi nuk duhet të udhëhiqet nga politikanët e dyshimtë!” Shumë e qartë, politikanët e zgjedhur me votën e popullit nuk janë të dëshiruar dhe nuk iu shkojnë për shtati interesave të Serbisë, e aq më pak Dickut.

Njeriu që ka dy kokrra mend në kokë e gjen fare lehtë fillin e lëmshit, të cilin zoti Marti e ngatërron aq paturpësisht. Pra Dick Marti shpreh mosbesimin e tij tek forcat e EULEX-it, kuadro këto profesionale, me përvojë të gjatë evropiane në fushën e drejtësisë që për dërgimin e tyre në Kosovë është marrë vendimi nga institucionet më të larta të Evropës (nga rrjedh edhe vetë Dick Marti), të cilave ai nuk iu beson!... A keni dëgjuar diçka më absurde deri më tani? Zoti Marti thotë se nuk iu beson kolegëve të vet ?! Dhe kërkon ekspertë të tjerë të veçantë nga shtetet që do t’i mbronin interesat serbo-ruse, ndryshe nuk ka se si të kuptohet. Kjo i bie sikur t’i thërrasim nazistët dhe fashistët për të hetuar krimet e Luftës së Dytë Botërore, t’i thërrasim rusët për të hetuar krimet që kanë bërë vet në Çeçeni etj.
Një gjë duhet të dihet botërisht, dhe duhet ta themi pa u hamendur: ne shqiptarët, pra, kurrë nuk kemi hyrë në luftë me shtetet fqinje, lufta na është imponuar si e vetmja mundësi e mbijetesës, ne kurrë nuk kemi bërë luftëra gllabëruese, por gjithmonë mbrojtëse, ne kurrë nuk kemi bërë krime gjatë luftërave që na janë imponuar, dhe këtë nuk e kemi as në traditë dhe as në gjene. Nuk mbahet mend asnjëherë, nuk ka diçka të shënuar as në kronikat më të lashta të kohës së perandorive të mëdha që i kemi përballuar me shekuj e deri tek krajlitë serbo-sllave. Është Serbia ajo që ka provokuar luftërat e njëpasnjëshme në Ballkan që nga viti 1912 e deri të ditët e sotme. Serbia ishte ajo që sulmoi Slloveninë, Kroacinë, Bosnjën, Kosovën, provokoi Malin e Zi dhe Vojvodinën. Serbia është ajo që vrau qindra sllovenë, mbi njëqind mijë kroatë, mbi treqind mijë boshnjakë dhe mbi katërmbëdhjetë mijë shqiptarë! Serbia është ajo që vrau, masakroi, dhunoi e dogji çka gjeti përpara. Serbia është ajo që nuk po i dorëzon kriminelët e luftës si Mladiq e të tjerë... Dhe për ironi të fatit edhe përkundër gjithë kësaj ploje gjaku që Serbia u shkaktoi popujve të Ballkanit, sot disa nga “margaritarët” e Evropës thonë: “Serbia me këta hapa është shumë më afër Evropës!”... A nuk do të pëlliste edhe gomari tërë ditën e ditës - logjika e shëndoshë të shpie tek përfundimi i sëmurë se “Serbia paska bërë gabim që nuk i ka shfarosur këta popuj - në veçanti popullin shqiptar të Kosovës, ngase me kohë do të ishte në bashkësinë evropiane!”... Ja, kjo është drejtësia sot, ky është sot qëndrimi humanist i përfaqësuesit të Këshillit të Evropës së Dik Martit, që “mbron” të drejtat e njeriut, mision të cilin ai e ka marrë përsipër për të provuar që Kosovën dhe popullin e saj edhe një herë ta “rehatojë” nën tutelën serbe, në mos të paktën ndarjen e Kosovës ta vërë para aktit të kryer, duke kënaqur kështu përfundimisht apetitet serbe. Zoti Marti, me këto veprime të pamatura, popullin shqiptar të Kosovës e më gjerë, po e shtyn edhe një herë drejt një lufte të re dhe drejt një përgjakjeje të re, e cila po qe se do të ndodhë, mos harroni, ajo për turpin e shekullit të ri, do ta mbajë emrin e Dick Martit!...

Lë të dihet botërisht:
Shqiptarët nuk duan luftë – atëherë mos ua impononi atë!
Shqiptarët duan paqe – atëherë mos ua trazoni atë!
Shqiptarët duan progres – atëherë mos ua pritni rrugën e përparimit!
Shqiptarët duan tokat dhe lirinë e vet – atëherë mos i detyroni që prapë t’i rrokun pushkët për t’i mbrojtur ato, sepse nuk kemi rrugë tjetër, nuk kemi tokë tjetër, nuk kemi atdhe tjetër!
Shqiptarët nuk e duan robërinë – atëherë mos i detyroni që prapë të përgjaken për lirinë e tyre mu në dyert e Evropës demokratike të shekullit të 21-të, vetëm e vetëm për hir të interesave të njëanshmërisë “ demokratike”, që kanë ngritur kokën mu në gjirin tënd, Evropë!

Ka më tepër se 20 vjet kur kam lexuar një vjershë të poetit dhe piktorit Rexhep Feri. Ai atëherë pati thënë përafërsisht: U vra Miliq Kërsta, o babë. Po kush e vrau he i lumtë pushka. Unë o babë. Heu ç'na e paske fikë derën more bir...

[G-2]

Fillon gjyqi ndaj 7 personave për trafikim organesh
04-10-2011 17:36 CET

Në Gjykatën e Qarkut në Prishtinë, të martën filloi procesi gjyqësor ndaj shtatë personave të akuzuar në rastin e njohur si “Medicus”, që ka të bëjë me përfshirje në trafikim të organeve njerëzore.

Të gjithë ata përballen me akuza të trafikimit të personave me qëllim të heqjes së organeve, krimit të organizuar, ushtrimit të paligjshëm të veprimtarive mjekësore dhe shpërdorimit të pozitës zyrtare.

Sipas akuzës së paraqitur vitin e kaluar nga prokurorët e EULEX-it, e cila është konfirmuar në maj të këtij viti, të akuzuarit kanë qenë të përfshirë në rekrutimin e 20 shtetasve të huaj nga Moldavia, Kazakistani, Rusia dhe Turqia, të cilëve pretendohet se u ishin premtuar nga 20 mijë dollarë për dhurimin e veshkave, ndërsa marrësve të organeve u ishte kërkuar që të paguanin nga 80 mijë deri në 100 mijë dollarë.

Të gjithë të pandehurit thanë se nuk ndjehen fajtorë. Procesi gjyqësor pritet të vazhdojë nesër në një seancë të mbyllur ku do të merret në pyetje një dëshmitar i mbrojtur.

Akuzat për trafikimin e organeve, kanë të bëjnë me zhvillimet në një klinikë private në Prishtinë në vitin 2008. Një transplantim i paligjshëm i një veshke që ishte kryer në atë klinikë private atë vit, kishte çuar në arrestimin e tre udhëheqësve të asaj klinike si dhe në pezullimin nga puna të një zyrtari të Ministrisë së Shëndetësisë.

Hetimet e policisë atëbotë kishin zbuluar se një shtetas turk kishte dhuruar një veshkë, e cila ishte pranuar nga një shtetas izraelit. Më pas të arrestuarit ishin liruar, ndërsa hetimet kishin vazhduar nga EULEX-i.

Ligjet në Kosovë ndalojnë çdo veprimtari të transplantimit të organeve nëpër klinikat private. /VoA/

[DYDRINAS]

| 19.10.2011 | 14:00 UTC

Prokurori i BE-së arrin në Kosovë për hetimin e imtësishëm në çështjen e organeve

Në Kosovë ka mbërritur prokurori special i Bashkimit Evropian John Clint Williamson nga SHBA-ja për të hetuar akuzat se luftëtarë shqiptarë të Ushtrisë Çlirimtare të Kosovës kanë hequr dhe shitur organe të serbëve të kapur gjatë luftës me Serbinë në vitin 1999. Kjo u bë e ditur nga një zëdhënësi i tast force-s hetuese speciale, Juri Laas. Williamson do të qëndrojë pak ditë dhe do të ketë takime me qeveritarë, përfaqësues të BE-së dhe të trupit diplomatik, vijoi zëdhënësi. Gjendemi ende në fazën paraprake të hetimeve dhe është tepër herët të jepet një kornizë kohore sepse këto akuza serioze u referohen ngjarjeve të më shumë se dhjetë viteve më parë, shtoi ai. Pretendimet në fjalë u shfaqën në 2010-n, kur raportuesi i Këshillit të Evropës dhe ish-prokurori zviceran Dick Marty tha se të burgosurit ishin transportuar në veri të Shqipërisë dhe se disave prej tyre u ishin hequr organet dhe u ishin tregtuar.

dw