Përmbytje të medha në Shkodër e mbarë Shqipërinë

[INFINITY©]

Përmbytjet, ja rrethet me probleme

Shqipëria noton në ujë. Deri pak ditë më parë flitej vetëm për zonën e Shkodrës. Por vetëm një ditë më vonë, për shkak të reshjeve të shiut që nuk po mbarojnë, shumë zona të disa rretheve në vend janë nën ujë. Dëmet nuk mund të llogariten në këto momente. Situata alarmante pasqyrohet në këto zona.

Fier
Sot paradite lumi Vjosa doli nga shtrati duke sjellë një situatë jonormale në fshatin ferras, duke përmbytur mbi 15 banesa. Banorët duke parë kërcënimin nga uji janë larguar menjëherë nga banesa duke shpëtuar ctë mundin. Mbi 500 ha tokë bujqësore në Fier janë nën ujë. Jashtë pune ka dalë dhe stacioni i pompimit, ndërkohë që shtabi i emergjencave po punon në ngritjen e një argjinature në Urën e Mifolit. Deputetja e Partisë Demokratike për qarkun e Fierit, Mesila Doda shprehu sot besimin, se situata e përmbytjeve në këtë qark e shkaktuar nga dalja nga shtrati e lumit Vjosë do të vijë drejt përmirësimit në orët në vijim, pasi vihet re një rënie e nivelit të ujit. Dode apeloi qe te mos konsumohet ne asnje menyre keto dite uji i pijshem pasi sistemi i kanalizimeve mund te jete demtuar. "Fieri keto dite te bleje uje dhe te mos perdore ujin, ta perdore ate vetem per perdorim sanitar".
Duke informuar mediat për situatën në terren, Doda tha se "reshjet e ditëve të shkuara kanë çuar në pikën më kritike nivelin e lumit Vjosë, gjë që ka sjellë edhe përmbytjen e disa zonave në mëngjesin e sotëm".
Doda shprehu besim se "pas pak orësh do të japim lajme më të mira lidhur me rënien e prurjeve që po sjell Vjosa në këtë zonë. Për momentin jemi duke krijuar pengesa artificiale nëpërmjet ndërhyrjes me gurë dhe thasë rëre, me qëllim që të mbrojmë pjesën tjetër të fushës".
Ajo i bëri apel gjithë banorëve të zonës që për çfarëdo lloj nevoje të kontaktojnë me organet e rendit, ndërsa siguroi se "qytetarët do të kenë mbështetje të pandërprerë dhe të menjëhershme nga të gjitha strukturat shtetërore, si për ndihmën shëndetësore ashtu edhe atë ushqimore".
"I vetmi apel është që të na kontaktojnë për çfarëdo lloj ndihme që do kenë nevojë", tha Dode.

(d.b/BalkanWeb)

Qytetaret do te kene mbeshtetje te panderprere dhe te menjehershme nga shteti per ndihmen ushqimore, por ama duhet ta BLEJNE ujin vete?!

A e ka informuar njeri Zonjen Dode se njerezit mund te rrojne pa buke e ushqime per ca dite, por ama jo pa uje? Po sikur keta njerez mos te kene leke te blejne bidona me uje (qe jam e sigurte do dyfishohen ne cmim tani)?

Megjithate Fieri e meriton ta lene pa uje se s'ja ka dhene ndonjehere voten Sal Efendiut. Ai kur ka lene Shkodren e Topallckes ne dite te hallit, jo me Fierin qe i eshte bere zemra mal.

[Brari]

KJ

Meta: Argjinatura e Torovices, perpjekje heroike per ta mbrojtur

Si e vleresoni situaten aktuale ne Shkoder dhe a ka gjasa per permiresime? Situata, natyrisht qe eshte teper kritike. Megjithate, aktualisht eshte nen kontroll te plote. Qe do te thote se procesi i evakuimit, ne pergjithesi, ka vijuar shume mire. Deri tani nuk eshte rrezikuar seriozisht jeta e asnje banori. Qe do te thote se situaten e njohim shume mire, kudo ne te gjitha komunat dhe pjeset problematike te qytetit te Shkodres, dhe jemi ne komunikim te vazhdueshem edhe me perfaqesuesit e pushtetit vendor dhe te deleguarit, sipas komunave, nga qeveria, ushtria, policia dhe te zgjedhurit lokale. Natyrisht qe po perpiqemi te permiresojme sa me shume mekanizmin e evakuimit per personat qe ende jane ne nje situate kritike dhe te rrethuar nga uji, por ne menyre te vecante procesin e furnizimit me uje, buke, ushqime,si dhe me medikamente. Per kete ekziston edhe nje operacion shume i qarte dhe i koordinuar, sidomos per Bashkine e Shkodres, ku kemi te bejme me nje numer te konsiderueshem te lagjeve dhe te banoreve qe jane te izoluar, duke perqendruar edhe me shume mjete te larta, por edhe varka apo lundra, pasi ka zona ku as mjetet me te larta te ushtrise dhe policise nuk mund te depertojne. Ketu jemi te perqendruar per momentin. Duke u ndalur te procesi i evakuimit, a ka ende banore qe refuzojne te largohen? Ka ende banore, te cilet deshirojne te vazhdojne te qendrojne ne shtepite e tyre, ne kate te dyta apo ne zona me te larta. Megjithate, eshte kerkuar me insistim mirekuptimi i tyre per te mos rrezikuar dhe ky eshte nje proces qe po vazhdon. Ajo qe dua te theksoj eshte se, e gjithe perpjekja jone, pervec evakuimit, pervec akomodimit, pervec furnizimit me buke, uje e me ushqime per banoret e izoluar, eshte qe te mbahen te lokalizuara ne gjendjen aktuale pasojat e kesaj permbytjeje. Kjo do te thote se perpjekjet tona jane te jashtezakonshme per te mbrojtur ujesjellesin e Shkodres, ne menyre qe ai te mos demtohet nga rritja e nivelit te ujit, sepse ky do te ishte nje problem shume i madh. Perpjekja jone eshte per te mbrojtur nenstacionin e energjise Shkodra 2, i cili eshte shume i rendesishem per qytetin, per komunat, por edhe per hidrovoret, sidomos ne zonen e Velipojes. Ka nje perpjekje tjeter shume e madhe, nje perpjekje heroike, pasi e kam vene re vete mbreme ne oren 1 te nates ne bendin e Torovices, qe eshte praktikisht diga qe mbron gjithe zonen e Gjadrit dhe te Lezhes. Po behet nje pune e jashtezakonshme prej dy ditesh dhe dy netesh per te rritur nivelin e diges pasi vazhdimisht rritet dhe niveli i ujit. Per kete arsye jane marre dhe po merren masat per cdo rast te papritur edhe ne Lezhe, per te mbrojtur sa te jete e mundur nenstacionin e energjise atje, ne menyre qe edhe ne rast se do te kishim nje situate te paperballueshme, perseri pasojat te jene sa me te kontrolluara dhe sa me minimale.

[*Babygirl*]

Po po Meta tani qe e mbyti thot 'perpjekje heroike per ta mbrojtur'.
Ilir Meta dhe Sali Berisha eshte dashur 'te bejne perpjekje' qe ne janar deri ne dhjetor, jo tani qe u ka ardh laku ne fyt dhe s'kan ca bejne, o burra te gjithe shteti ne kembe pas qe u permyten, me pare nuk u ka ra ndermend qe egziston Shkodra. Ato gur qe i vendosin tani gjoja 'mos me kalua uji' eshte dasht te vendosen ne vere jo tani qe u mbyten.
A me thot kush cfar kan be keta qe 11 muaj? Sa lek kan harxhuar ne argjinatur te Shkodres? Mire se qenka 'fatkeqesi natyrore' dhe e kan dijt qe do vin dimri dhe do paraqitet kjo 'fatkeqesia natyrore' dhe cfar masash kan marr? Jo, jo duan te paguajn Eliten 5 dhe Cilin me miliona euro, te blijn makin te blinduara, te bejne paralamente, te mbushin xhepat e deputeteve pastaj buxheti eshte 0. Per mos kandidimin ne BE kishte faj Opozita sipas tyre po kesaj radh ia lan fajin Zotit, vetem keta s'kan faj te gjithe te tjeret po.
Vitin e kaluar tha qe kjo ndodh 1 here ne 100 vite, po kjo sivjet ca eshte apo 1 here ne 101 vit? Sala eshte duke be te pamunduren per ata qyetetar duke u thene ' qe te evakuohen'
A e din keta njerez se leket qe kan fituar ta bejne ate pasuri i kan fituar me shume veshtirsi dhe jo si ju duke u vjedh shqiptaret, tha nje banor nga Dajci: 'Kam punuar 20 vite ne Greqi ta beje kete shtepi 2 katshe dhe tani s'kam asgje jam ne mes te rruges me familje'.
Eshte shume e dhimbshme kur i shef ata njerez ne ate gjendje

[mesuesi_1]

Përmbytjet, vijnë ndihmat e para nga Italia

06-12-2010 Ndryshuar për herë të fundit 08:12

ORA-NEWS

Qeveria italiane iu përgjigj menjëherë kërkesës për ndihmë të autoriteteve shqiptare për përballimin e emergjencës në Qarkun e Shkodrës.

Ndihmat kanë mbërritur mëngjesin e sotëm në Portin e Durrësit me një karvan me 5 maune dhe përmbajnë 25 tonë mallra ushqimorë, 5 tonë veshje dhe pajisje kundër shiut si dhe 4 ton produkte për higjenën vetjake.

Më pas ndihmat do të transportohen menjëherë në Qarkun e Shkodrës për shpërndarjen e tyre. Sipas ambasadës italiane bëhet fjalë vetëm për karvanin e parë me ndihma, pasi në ditët e ardhshme do të vijojnë ngarkesa të tjera me ndihma.


------------------------------

Shoke, kemi ne mes tene,
Shum armik e trathetore!
Popo! mos u qofte thene,
Vec qe s'kane gje ne dore!

Me te huajne u bene,
Me armikn' e Shqiperise,
S'duane gjuhene tene
Armiket' e Perendise!

Naim Frasheri

[mesuesi_1]

Vasili: Asnjë epidemi, gjithçka nën kontroll

Ministri i Shëndetësisë tha se mjekët janë edhe në terrenet më të vështira


ABC News 06 dhjetor 2010 12:59

Pavarësisht katastrofës më të madhe të ndodhur ndonjëherë gjatë gjithë këtyre viteve të fundit, situata
shëndëtësore në qytetin e Shkodrës është nën kontroll.

Këtë siguri e dha sot Ministri i Shëndetësisë, Petrit Vasili, tha se mjekët po shërbejnë deri në terrenet më
të vështira, ndërkohë që aktualisht në asnjë zonë të përmbytur nuk jane konstatuar raste epidemie.

Sipas tij, situata në Shkodër po shkon drejt pëmirësimit, por edhe në rast se do të jetë e nevojshme, do të
shkojnë për të dhënë ndihmën e tyre në fshatrat e përmbytura edhe mjekë nga Tirana, Durrësi dhe
Elbasani.

Deklaratat e ministrit të Shëndetësisë, Petrit Vasili u bënë pas një takimi me specialistë të Qendrës
Spitalore Universitare “Nënë Tereza” në Tiranë, ku u diskutua për përforcimet shëndetesore në qytetin e
Shkodrës.



------------------------------

Shoke, kemi ne mes tene,
Shum armik e trathetore!
Popo! mos u qofte thene,
Vec qe s'kane gje ne dore!

Naim Frasheri

[nestorp]

Saliu kur e sheh keq perdor folklorizma si kjo vjeresha e Naimi ketu siper.

ti se din se ndodhesh larg
po na ktu jena tu kanq
pa zbardh drita neper shpija
jena lag e ba helaq

He me ta lumsha or zog shkodrani,sepse e ke qa kete poezi,ashtu sic dini ju locet e mrekullueshem.Po te jap fjalen se do ta publikoje edhe ne facebook ta lexojne mijra njerez.Ketu e lexojne fare pak njerez.Te falenderoje mor mik!Te tilla jane per tu lavderu.Mos te merremi me njeri tjetrin dhe ti lejme mjeranet qe perkrahin hajdutet e te papergjegjeshmit.Populli i Shkodres duhet te beje kthesen me 2013-n.Boll ma,por jo as shkerdhatave qe jane rritur me cokollata ne bllok e ne perferi te tij.E rendesishme eshte qe moti te qendroje ose fundja te bier bore e cila shkrin ngadale.

[Qyfyre]

Pse?

Ajo qe po bejne ata nuk eshte njerezore por jo se eshte ilegale.

P.S. Ke degjuar se cili eshte biznesi me fitimprures ne Haiti tani? Building coffins. Mos kujton se ua japin falas njerezve ata qe te fusin te dashurit e tyre brenda kur e dine qe ata po jetojne ne rruge?

Besoj se duhet te jete edhe ilegale. Eshte biznes i palicensuar. Sigursisht qe nuk do deklaroje fitimet dhe nuk do derdhi taksa ne shtet, punonjesit i ka te pasiguruar etj etj.

[Qyfyre]

Shkodër, liqeni tërhiqet 12 centimetra

Ndërprerja e reshjeve dhe ulja e shkarkimeve nga Vau i Dejës kanë sjellë një përmirësim të vogël të situatës në Shkodër.

Ujërat ne Harkun e Berdices nuk jane me te shumta dhe aty, sipas Ministrise se Transporteve mund te kalohet me mjete. Ndersa ne qytet uji nuk ka pasur tendence rritje si ditet me pare madje ne disa zona te qytetit niveli ujit ka pesuar renie. Raportohet se ka nje ulje per 12 centimetrash, e cila eshte shume pak per nivelin e larte qe ka krijuar ne rruget e qytetit.

Sipas burimeve nga KESH, nga hidrocentrali Fierzes shkarkohen 1060 meter kub ne sekonde dhe niveli eshte 291.55 metra. Nga kompania shkarkohen 1300 metra kub ne sekonde dhe niveli eshte 169.93 metra dhe ne Vaun e Dejes shkarkohen 1428 metra kub uje ne sekonde.

Nderkohe jane te permbytura 14 mije e 130 hektare toke. 4 mije e 610 shtepi jane mbulkuar nga uji. Ndersa numri i te evakuuarve eshte 12 mije e 100 persona.

Ministria e Transporteve raporton se hyrja për në Shkodër, për mjetet e vogla dhe të mesme bëhet nga një rrugë sipër kalasë, është vendosur sinjalistika përkatëse që tregon këtë rrugë. Kthesa e Tamares Dogana e Hantit te Hotit eshte i bllokuar. Rruga e Shirokes eshte e bllokuar. Aksi Shengjin-Kune i bllokuar. Aksi Bajram Curri - Fierzë me një kalim.Nga nyja asfaltit në Ulëz rruga është e kalueshme. Nga Ulza deri tek Ura Skurajt në vende të ndryshme me nje kalim. Ura Çerenecit me një kalim. Aksi rrugor Lushnje –Fier është bërë i kalueshme për mjetet e larta, trafiku për mjetet e vogla nga aksi i vjetër.

[Qyfyre]

Ca gallate qe behet ketu. U permbyt Shkodra dhe u gezuan te gjithe socialistet e mbushen me artikuj per permbytjen duke share qeverine. Tani qe po permbyten qytetet e tjera u gezuan demokratet dhe e mbushen me artikuj per pembytjet nga cdo qytet per te treguar qe se ka fajin qeveria, po shiu i madh.

[s0ni]

Ora 10:40 FAMILJA NE GJAK: NA NDIHMONI ME NDIHMA, UJI NA KA IZOLUAR
Një banorë në fshatit Mushan në komunën Dajc bën apel për ndihmë nga shteti. E ngujuar prej 7 muajsh, për shkak të një vrasjeje, familja e saj dhe 10 familje të tjera nuk mund të lëvizin nga banesa ndonëse uji ka izoluar tërësisht komunën.
Në një komunikim telefonik për NEWS24 Aishe Ademi tregon se me ndihmën e ushtrisë kishte mundur të evakuonte fëmijët e saj, ndërsa ajo dhe bashkëshorti i saj nuk mund të lëvizte nga banesa nga frika e gjakut. “Fëmijët I kam evakuar. Unë nuk mund të lëvizi. Nuk mund të lë burrin vetëm. Kemi frikë nga gjaksi.” –rrëfen Aishe Ademi. “Dje kaluan me helicopter dhe më hodhën dy bidona me ujë. Mu duk sikur më dha zoti ndihmë”- tregon gruaja duke shtuar se përvec atyre dy bidonave nuk kishte marrë asnjë ndihmë tjetër.
Askush nuk na kanë sjellë ndihma. Jemi të rrethuar nga uji. I lutem shtetit të na ndihmojë” – bën apel nga tv NEWS24 gruaja e familjes Ademi. Fisi i burrit të saj, gati 10 familje janë në gjak prej 7 muajsh pasi djali i xhaxhait i burrit të saj ka vrarë një koleg të punës së tij.

BalkanWeb



Ehhhhhhhhh shihni cben hakmarrja, pse te vuaj i gjithe fisi kur krimineli ishte njeri!!