Ju rrëfej dhunën e Mutusë ndaj kosovarit Raçaj

**{A_N_G_E_L_69}** · 27-10-2010, 18:12

Ju rrëfej dhunën e Mutusë ndaj kosovarit Raçaj

Berat Raçaj, kosovari 28-vjeçar, i dhunuar nga futbollisti rumun i Fiorentinës Adrian Mutu, të shtunën në mëngjes, ka thyer heshtjen, duke treguar me një foto imazhet e agresionit. E ka bërë këtë gjë me anë të avokatit të vet, për median rumune, të atdheut të agresorit të tij, për të vërtetuar të vërtetën e “fiksuar” me hematoma në kokë, ndryshe nga sa është munduar të justifikohet sulmuesi Mutu për këtë rast. Gazeta rumune “Journal” (www.jurnalul.ro) i ka kushtuar një shkrim problemit në fjalë, duke zbardhur dëshminë e dhënë nga avokati i kosovarit Racaj për ta. Avokati Luka Spaziani, ka shpjeguar se Berat Raçaj është ndier i fyer Mutu, pasi ky i fundit u ka kërkuar falje të gjithëve, por jo atij. “Këto janë pasojat e sulmit. Klienti im ka ende nevojë për qartësime mjekësore,” – ka thënë avokati Spaziani.

Mutu e goditi kamarierin kosovar, pasi ky i fundit i kërkoi të paguante llogarinë në një klub nate në Firence. Mutu, më pas dërgoi një letër plot pendesë ndaj barit “Full Up”, ku ndodhi ngjarja, por Racaj shprehet se aty nuk përmendej ai si person, edhe pse u dëmtua më shumë nga sulmi i futbollistit në bar. Avokati shpjegon se fotot e klientit u shkrepën menjëherë nga një mik i kosovarit, pas dhunës së Mutusë në bar. Thuhet se Racaj u fotografua vetëm me xhup, pasi këmisha u përlye me gjak. “Do të jenë mjekët, ata që do të caktojnë shkallën e dëmit dhe si mund të jetë shkaktuar”, - shprehet avokati i Racajt.
Sulmuesi i Fiorentinës, Adrian Mutu, goditi me grusht një kamarier (kosovarin Racaj) në orët e para të ditës së 24 tetorit, në një lokal nate në Firence. Shkak i sherrit mësohet se ka qenë ikja pa paguar e rumunit dhe e dy miqve të tij, ndërkohë që kamarieri, kosovari 28-vjeçar, i quajtur Berat Racaj, ka dashur t’i ndalojë. Mutu i ka thënë se kishte një llogari të hapur me pronarin dhe këtu ka nisur sherri. Rumuni i ka shkaktuar një frakturë në hundë kosovarit, që është shtruar në spital, ndërsa Mutu është denoncuar për dhunë.
Sipas diagnozës së mjekëve, kamerieri ka pësuar një “traumë në pjesën e përparme të fytyrës me çarje të shumta; shembje në kraharor dhe bark, si edhe frakturë në kockën e hundës”. Policia italiane e ka dorëzuar dokumentacionin që lidhet me këtë agresion në Prokurorinë e Firences.