BABËGJYSHIT TIM
Në ball, kishte krenarinë,
Në faqet, vazhdimisht lumturinë
Në buzët, buzëqeshjen e fortë,
Në sytë, shikimin e ngrohtë,
Në gojë, prrallat e blertë,
Në duar, përkëdheljen e nxehtë...
Ishte vërtet plot vlerë -
Babëgjyshi im i ndjerë!
10.07.1971
POETI I KËNDON
Poeti i këndon:
- Edhe nënës,
Edhe vogëlushes,
Edhe Hënës,
edhe drenushës,
Edhe bilbilit,
Edhe livadhit,
Edhe trëndafilit,
Edhe malit,
Edhe punëtorit,
Edhe detit,
Edhe minatorit,
Edhe liqenit,
Edhe shiut,
Edhe ylberit,
Edhe bariut,
Edhe Diellit...
Poeti i këndon!
05.07.1972
GËZIMI
Gëzimi buron:
- Prej syrit të fëmisë,
Prej këngës së kumrisë,
Prej fyllit kur jehon.
Gëzimi ka folenë:
- Në punë e n'mësime,
Në këngë e n'dëfrime,
Në djep ku fëmia flenë.
Gëzimi gufon:
- Prej bilbilit n'plepishte,
Prej luleve n'lulishte,
Prej qengjit kur blegëron...
12.03.1972
Të gjithë vogëlushve anë e mbanë trojeve shqiptare, në veçanti lexuesve të kësaj teme, ua uroj nga zemra fillimin e vitit të ri shkollor, duke u dëshiruar shumë shëndet e suksese të lakmueshme në mësime...
MË PUTH NESËR BABI
- Babi, më jep një Euro të blej një shnallë!?
- Jo zogëza e babit, babi ende s'ka marrë rrogën!
- Babi, atëherë më jep pesëdhjetë cent e të blej një byrek!?
- Nesër t'jep babi shpirt!
- Po ti më thua se më do?
- Po, të dua shumë shpirt. Eja të puth...
- Babi...
- Urdhëro pëllumbeshë!
- Asi, më puth nesër babi!
Babit iu qesh fytyra, nxorri nga portofoli njël euro e i dha Arnesës...
DUART PUNËTORE
Duart punëtore -
Ndërtojnë shkollat,
Duar punëtore -
Ndërtonë udhat,
Duart punëtore -
Ngrisin fabrikat,
Duart punëtore -
Çelin hekurrullat!
Duart punëtore -
Shkëmbin e shpojnë,
Duart punëtore -
Çelikun e shkrijnë,
Duart punëtore -
Hekurin e thejnë,
Duart punëtore -
Janë xhevahirë...
18.11.1970
NË PYLL
Në pyll o fëmijë, ka shumë lumturi:
- Aty drenusha hedhë valle me ëmbëlsi,
Lepuri me mall, vrapon lëndisnës,
Bilbili me gëzim, i bie violinës,
Era krenare, me afsh lodron,
Vjollca çel, aroma kundërmon,
Gurrat këngës, ëmbël ia thot,
Flutura vallëzimin s'e ndal dot...
Në pyll o fëmijë, ka shnumë lumturi!
26.07.1971
OH, SA MIQT KAM UNË
Oh, sa miqt kam unë:
- Tërë vogëlushët e botës,
Qingjat në bregore,
Fluturat në livadh,
Pilingonat punëtore,
Peshqit n'Dri të Bardhë,
Lepuj ndër ograje,
Bilbilat n'plepishte,
Drenushat ndër male,
Lulet në lulishte...
Oh, sa miqt kam unë!
03.08.1971
Pergezimet e mia Z. Metbala, keni bere nje krijimtari mjaft te bukur per vogelushet.
Po nuk ka gje me te bukur, dhe me te pafajshme, per keto krijesa me te embla, tu dhurosh atyre, vjersha me shume gezim.
Respekt.
Mire mengjes z. Agim Metbala. Urime. Ja nje krijim i vockel nga une per femijte.
KUSH E KA VEZEN E MADHE
kokoko, koko, kokoja
jemi pula jo shaka
kokoko, koko, kokoja
vezë të madhe kush e ka?
E ka pula pikaloshe
Pulë e bardhë apo e kuqe
Veza ime, veza e jote
U pëlqen aq shumë voglushve
Veza është plot vitamina
Kurr e pi të freskët fare
Vezën shumë e hanë fëmija
Kur bën mami pandispanje
Kur e rreh me sheqer vezën
Ditë për ditë në çdo mëngjes
Faqet skuqen, faqet ndezen
Hani vezët me kujdes!!!
kokoko, koko, kokoja
jemi pula jo shaka
kokoko, koko, kokoja
vezë të madhe kush e ka?…
Regullat e Postimit
Përgjigju Duke Cituar
Krijoni Kontakt