Rama: Rinisim protestat per te rrezuar qeverine Berisha pas 15 tetorit

[juanito02]

Mos u ngopni me lugen bosh se do dale ne protesta Rama. Ka nje vit qe ben protesta ai.
Nuk rrezohet qeveria me ca eunuke qe ka rreth e rrotull Rama.
Saliu rrezohet me burra qe duan vertete kete jashte interesit personal.
Po i terhoqi keta ne protesta e hengri saliu po e vazhdoi me eunuke edhe 100 vjet rron ne pushtet Saliu.
Te shome cdo vije

[shalja1]

Politiken e ruges e nisin rrugaqerit dhe e perfundojne harbuterit.

[Homza]

neper protesta mos nxini vetem rruget kryesore ne vend, merrni dhe ndonje bidon me benzine dhe kallni e digjni ctju del perpara,,,ne ket menyre e bejme shqiperine lomsh dhe fajsojme berishen,,,posht prof berisha

[RAPTILOID]

LIBRAZHD- Kreu i Partisë Socialiste Edi Rama në turin e tij në bazë është ndalur sot në qytetin e Librazhdit. 'Të ngrihemi në këmbë për të protestuar', u shpreh Rama, ndërsa theksoi se mjafton numri prej 1 milion të papunësh, për të përmbysur qeverinë

Gjate fjalës së tij Rama tha se vendi po përjeton një krizë demokracie dhe drejtësie. Vendi nuk po qeveriset tha ia, por po sundohet nga korrupsioni.

Borxhi publik, është lak që po mbyt të ardhmen e këtij vendi, vazhdoi më tej kreu socialist, ndërsa bëri thirrje për tu ngritur në këmbë dhe për të protestuar kundër kryeministrit borxhli.

Shekulli

[Brari]

HEC-et me koncesion dhe alibitë për korrupsion


Nga Feti Zeneli


20/09/2010 09:57:00

Në kuadrin e strategjisë së qeverisë “Berisha” për shndërrimin e Shqipërisë në një “superfuqi energjitike në Ballkan”, janë dhënë me koncesion për subjekte të ndryshme private një sërë HEC-esh me fuqi të vogël apo të mesme prodhimi. Madje, kjo është një nismë personale dhe mjaft e guximshme e Kryeministrit shqiptar, e marrë në një moment mjaft të vështirë në fund të vitit 2005, kur Partia Demokratike u rikthye në pushtet pas 8 vjet qëndrimi të padrejtë në opozitë dhe e gjeti vendin me 4 orë drita në ditë dhe rezervuarët e HEC-ve të boshatisura plotësisht. Berisha mendoi që edhe këtij problemi mund t’i jepej një zgjidhje kapitaliste, si mjaft çështjeve të tjera të fushës ekonomike dhe të shërbimeve që kishin shqetësuar në vitet e para të tranzicionit shqiptarët, duke iu drejtuar biznesit privat. Kjo ishte arsyeja që qysh në vitin e parë të mandatit qeverisës nisi puna për kompletimin e paketës ligjore e nënligjore të koncesioneve në energjitikë, duke filluar me miratimin e ligjit nr 9663, datë 18.12.2006 “Për koncesionet” dhe më tej gjatë viteve 2007-2008 me aprovimin e një sërë vendimesh të Këshillit të Ministrave. Në këto akte të standardeve bashkëkohore përshkruhen deri në detaje tërë procedurat e dhënies së një lejeje apo licence koncesionare për HEC-e dhe TEC-e, duke mos lënë asnjë shteg për abuzime e qëndrime subjektive të zyrtarëve të METE-s. Mbi bazën e një praktike të tillë janë dhënë me dhjetëra leje koncesionare, kryesisht për ndërtime HEC-esh të madhësive të ndryshme në të gjithë vendin; kuptohet atje ku ekzistojnë kushtet e mundësitë, kapaciteti prodhues i të cilëve në total e kalon atë të HEC-it të Fierzës. Sipas një prononcimi publik të zëvendësministrit të Energjitikës, Leonard Beqiri, bërë këto kohët e fundit, rezulton se janë dhënë me koncesion plot 264 HEC-e, ku në 36 prej tyre ka filluar puna për ndërtimin dhe vënien në shfrytëzim të këtyre investimeve tërësisht private. I vetmi problem që mund të evidentohet në këtë rast, është fakti i zvarritjes së ndërtimit të një pjese të tyre, edhe pse nuk ka vonesa në hartimin e kontratave koncesionare.
Po nga fenomeni i korrupsionit a është prekur ky proces, sikundër pretendon Partia Socialiste në daljet e njëpasnjëshme publike të disa prej përfaqësuesve të saj politikë?
Pa u ndalur gjatë në morinë e praktikave ligjore, dokumentacionit që plotësohet, filtrat institucional ku ai kalon, grupet e ndryshme të punës për shqyrtimin tekniko-ekonomik të dokumentacionit të plotësuar deri tek Njësia e Hartimit të Dokumenteve të Garës dhe Komisioni i Vlerësimit të Ofertave, mjafton të kujtojmë se në këtë lloj koncesioni gjithë investimi përballohet nga subjektet private dhe nuk shpenzohet asnjë qindarkë nga paratë publike të buxhetit. Kuptimi i fjalës “koncesion” në këtë rast lidhet vetëm me garancitë që qeveria i jep subjektit privat për të blerë gjithë energjinë e prodhuar dhe që të mos e taksojë biznesin në fjalë për aq kohë sa ai të rikuperojë investimin e bërë. Në këtë mënyrë gjithë riskun e ka biznesi privat, duke filluar që nga hartimi i projekteve në letër e duke përfunduar deri tek dorëzimi i objektit si aset shtetëror pas 35 vitesh shfrytëzim. Parë në këtë këndvështrim, nuk është se i bëhet ndonjë nder i madh një personi apo subjekti privat, duke u dhënë atyre një copë letër për t’ua marrë pas disa vitesh si vepër, e cila edhe gjatë gjithë periudhës së koncesionit shfrytëzohet më shumë për interesin publik sesa atë privat, nëpërmjet konsumit të energjisë së prodhuar; kuptohet si çdo produkt tjetër në ekonominë e tregut. Mjafton të kujtojmë se vetëm plotësimi i dokumentacionit studimor dhe marrja e licencës për këtë lloj biznesi kushtojnë nga 60-100 mijë euro, ndërkohë që ndërtimi i një HEC-i të vogël, në varësi të fuqisë së instaluar, ka një kosto nga 4 deri në 10 milionë euro. Në këto kushte të kërkosh elementë të korrupsionit tek TEC-et me koncesion është njëlloj sikur “të kërkosh gjilpërën në kashtë”, pasi mundësitë teorike dhe praktike që kjo veprimtari të preket nga një fenomen i tillë janë shumë të pakta. Veprimtari të kësaj natyre mund të preken nga korrupsioni vetëm në një shtet ku ky fenomen është ulur këmbëkryq në të gjitha zyrat e administratës, sikurse ka qenë rasti i qeverive socialiste të vendit tonë gjatë viteve 1997-2005, kur siç nënvizonin jo pa shqetësim ndërkombëtarët, “korrupsioni kishte prekur të gjitha nivelet e qeverisjes”. Nga ana tjetër, gjithë kjo fushatë e denoncimit të korrupsionit nga deputetë apo politikanë të ndryshëm të Partisë Socialiste në dhënien me koncesion të TEC-eve të vogla s’është gjë tjetër veçse një shpirtvogëlsi politike për të dëmtuar apo zhvleftësuar strategjinë e madhe të qeverisë “Berisha” për shndërrimin e Shqipërisë në “një superfuqi energjitike për Ballkanin” apo të gjitha sukseset ekonomike dhe ato politiko-shoqërore të kohëve të fundit. Të kuptohemi, plotësimi i një objektivi të tillë nuk është tërësisht në “dorë” të HEC-eve të vogla, por ndërtimi i sa më shumë objekteve të kësaj madhësie tregon frymën dhe angazhimin e qeverisë për të shfrytëzuar në funksion të një strategjie të tillë ambicioze çdo mundësi sado e vogël qoftë ajo. Janë një sërë HEC-esh dhe TEC-esh gjigande që janë projektuar të ndërtohen vitet e ardhshme në Shqipëri për ta bërë plotësisht realitet këtë objektiv strategjik, por HEC-et dhe TEC-et e vogla me koncesion, duke qenë se ndërtohen për një kohë të shkurtër, mund të shërbejnë për të plotësuar nevojat në rritje për energji elektrike të vendit tonë, kryesisht gjatë viteve të para. Ndërkohë, këto lloj investimesh ndikojnë jo pak në punësimin, zhvillimin ekonomiko-shoqëror të zonave ku ato kryhen e kështu me radhë. Pra, janë punë dhe nisma fisnike për t’u përshëndetur dhe mbështetur edhe nga opozita. Edhe nëse ndonjë prej këtyre HEC-eve e ka marrë sipas të gjitha rregullave dhe kërkesave të mësipërme ligjore ndonjë kunat, bashkëshort, bashkëjetues, kushëri apo çfarëdolloj i afërmi tjetër i një ministri apo deputeti të mazhorancës, kjo s’mjafton që një rast i tillë të konsiderohet si praktikë korruptive prej politikanëve të opozitës. Hamendje dhe alibi ata mund të krijojnë sa të duan, por ato nuk mund t’i kontribuojnë për mirë as vetë politikës opozitare, përkundrazi, i bëjnë dëm asaj. Për fat të keq, në këtë rast më shumë sesa me denoncim të korrupsionit kemi të bëjmë me një lloj demaskimi në popull të qeverisë për shfaqje të huaja, si në kohën e Enverit. Një miku im, simpatizant “me detyrim-përcaktim i së majtës”, për shkak se është familje dëshmori, kur dëgjoi për HEC-et me koncesion të marra nga kunati i Bregut, burri i Bulkut apo bashkëjetuesi i Vokshit, tha: “Ky Edi Rama është më të vërtetë i çmendur sikurse thonë në media. Se çfarë korrupsioni mund të ketë në këtë rast, nuk jam në gjendje ta kuptoj (!?). Di të them vetëm kaq: Nëse Partia Socialiste për 4-5 vjet në opozitë nuk ka mundur të gjejë raste të tjera korrupsioni, përveç atyre të HEC-eve të vogla me koncesion, më mbetet të besoj se qeveria “Berisha” është nga më të pakorruptuarat në botë, megjithëse këtë gjë e thonë, në mënyrë të përsëritur, edhe ndërkombëtarët, këto kohët e fundit. E thonë dhe e materializojnë me mbështetjen që na japin për proceset integruese. Një gjë duhet të jetë e qartë për të gjithë se po të kishte mbërritur korrupsioni deri HEC-et me koncesion, atëherë Shqipëria e këtyre 4-5 viteve të fundit s’do të kishte bërë asnjë hap përpara drejt Perëndimit, jo më të anëtarësohej në NATO apo të ishte në prag të liberalizimit të vizave me vendet e zonës “Shengen” dhe marrjes së statusit të vendit kandidat për t’u anëtarësuar në Bashkimin Evropian…"

gazeta standart

.

[RAPTILOID]

Rama: Shteti ka falimentuar
21/09/2010 19:45

Kriza ekonomike ka qenë tema në të cilën është fokusuar kreu i Partisë Socialiste, Edi Rama gjatë takimeve në Librazhd dhe Peqin.

Sipas liderit të opozitës, abuzimet, korrupsioni dhe borxhet kanë çuar drejt falimentit të plotë shtetin, i cili ndodhet tashmë sipas tij në pamundësi të plotë për të drejtuar vendin.

“Shqipëria sot është në kushtet e një familjeje që nuk arrin dot më të mbajë shtëpinë nga borxhet dhe një ditë është e detyruar të lërë shtëpinë se nuk pauguan do të borxhet”, është shprehur Rama.

Në këtë situatë, kryetari i Partisë Socialiste sheh si të vetmen zgjidhje largimin e parakohshëm të qeverisë aktuale, pasi, sipas tij, zgjidhja dhe ndryshimi i situatës mund të vijnë vetëm përmes një modeli të ri në drejtimin e vendit.

Për zotin Rama kabineti aktual është kthyer në një klan i cili përveçse po shkatërron dhe grabit edhe po qeveris në mënyrë të padrejtë.

“Çdo ditë përmes padrejtësisë kërkon të përfitojë sa më shumë për vete dhe të sundojë duke varfëruar shqiptarët duke u lënë si alternativë ikjen nga atdheu, nëse nuk duan t’i nënshtrohen këtij modeli qeverisjeje”, theksoi ai.

Përmes një ndër drejtuesve kryesorë të saj Fatmir Xhafës, socialistët paralajmeruan se me ardhjen e tyre në pushtet të gjithë zyrtarët që kanë shkelur ligjin do të përgjigjen përpara drejtësisë.

[RAPTILOID]

Rama në Rrëshen: Do të rifillojmë protestat me më shumë vendosmëri


MIRDITË. Në qytetin e Rrëshenit kryetari i PS-së Edi Rama ka patur një takim të hapur me anëtar dhe simpatizantë të Partisë Socialiste, i shoqëruar nga kryetari i grupit kuvendor spocialist Gramoz Ruci dhe deputetët e qarkut Lezhë, Gjovalin Kadeli, Armando Prenga dhe Gjok Jaku.

Në fjalën e hyrjes së këtij takimi bashkëbisedues Rama ka thënë se, besoj që sot janë pak për të mos thënë aspak shqiptarë që nuk e kanë kuptuar që ajo që ndodhi më 28 qershor 2009, akoma më shumë fakti se kutitë e votive të vjedhura, mbajtur mbyllur me zor në shkelje të Kushtetutës, dhe të drejtës së popullit për të parë votën e vet, ka lidhje të drejtpërdrejtë me gjendejn e rënduar ekonomike të familjeve shqiptare. Ka lidhje të drejtpërdejtë me deformimin e qeverisjes, me korrupsionin për ditë e më shqetësues, që praktikisht dikton vendimmarrjen e qeverisë. Ka lidhje më gjithcka që nuk shkon nirë në punët e vendit sepse një demokraci normale nuk do mund të funksiononte në rast se populli nuk lejohet të zgjedhë dhe vota e tij nuk numërohet ndershmërisht.

Rama tha më tej se, demokracia normale nuk mund të funksionojë në raste sse qeveria ia merr popullit votën edhe kur ai nuk ia jep. Praktikisht duke vepruar në këtë mënyrë qeveria kthehet vegël në një grusht njerëzish për t'i garantuar vetes përfitime astronomike e duke rrënuar ekonomine kombëtare, duke ndikuar drejtpërdrejt në ekonominë familjare. Ky është realiteti i sotëm dhe kështu idhet gjendja e sotme me kutitë e mbylllura të 28 qershorit
Duke u ndalur në gjendjen mizerabël ekonomike të shqiptarëve, ai ka thënë se ju të gjithë jeni deshmitarë të faktit se cdo muaj që kalon iu duhet të nxirrni më shume lekë nga xhepi për të blerë më pak se ç'blenit disa muaj më parë sepse kur çmimet shtrenjtohen dita ditës, fuqia blerëse e cdo familje që jeton me djersë apo të ardhura që nuk vijnë nga korrupsioni shkon dëm.
Ne dhe brezat e ardshëm nuk mund të paguajmë borxhet që po e fut vendin Sali Berisha për të prerë shirita elektoralë, duke na kthyer në popullin e borxheve të pafundme. Këto janë dëshmi të dhimbshme, gjithcka në këtë vend që nuk qeveriset është në krizë, edhe sipërmarrja, e vogël, e mesme dhe e madhe është në krizë. Shqiptarët janë dëshmitarë të rritjes drastike gjatë muajit gusht të çmimeve të vajit, ujit, qumështit, sheqerit dhe të gjithë produkteve të tjera të ambalazhuara me plastikë dhe qelq.

Është alarmues fakti që kemi 1 milion të papunë nga kjo keqeverisje, ndërsa është shprehur se me këtë varfërim që po u bën shqiptarëve, qeverisja e sotme përditë e më shumë po ushtron veprimtari kriminale dhe jo qeverisje ndaj popullit të vet.

E vetmja zgjidhje e mbetur për 1 milion të papunët dhe të gjithë shqiptarët përfaqësuesit e biznesit të vogël, të mesëm e të madh, që sot ankohen se nuk ka punë e nuk ka lekë, është largimi i kësaj qeverie, që s'diti kurrë të punojë për shqiptarët, por që është duke grabitur gjithçka mundet për të pasuruar një grusht njerëzish në pushtet.

Rama kërkoj zemër dhe durim nga socialistët e Mirditës ashtu si dhe të gjithë Shqipërisë, duke u shprehur se nëse qeveria do të vazhdojë të bëjë të shurdhërin, opozita do të rifillojë protesta me një vendosmëri e kurajo edhe më të madhe që buron nga fakti se paralajmërimet e saj për rrënimin ekonomik dhe kapjen e shtetit që buron nga vjedhja e votës tashmë janë bërë realitet.
Ruci tha se nëse Berisha do të shkojë tek djegia e fletëve të votimit, sepse po kërkohet një vendim i KQZ dhe 500 litra naftë, duhet ta dijë e të matet mirë, sepse do t'i digjet përfundimisht karrikja e tij, duke lënë të kuptojë se kampi opozitar do të përfshihet në protesta të fuqishme, dhe se pa hetimin e zgjedhjeve të 28 qershorit 2009, në këtë vend nuk do të ketë zgjedhje të tjera.
Këtë e ka theksuar me forcë dhe vetë kryetari socialist Rama i pyetur nga salla, duke u shprehur publikisht se ju votuesit dhe populli duhet të jeni roje të punëve që bëjnë drejtuesit socialist nëpër zona, pasi ne nuk kërkojmë të ndërrojmë një oborr për të sjellë "oborrtarët e radhës", por një qeverisje të drejtë, të ndershme e efikase për popullin.



Gazeta Shekulli

[Albo]

E dini ku eshte dallimi mes nje njeriu budalla dhe nje njeriu te zgjuar? Budallai asnjehere nuk nxjerr mesime nga gabimet e tij por i perserit ato, kurse njeriu i zgjuar nxjerr mesime jo vetem nga gabimet e veta por edhe nga gabimet e budallait.

Mirepo Edvin Rama eshte "shejtan budalla". I provoi protestat e rruges per 1 vit pa sukses. I ftoi shqiptaret te dalin te protestojne neper rruge e neper sheshe, por nuk i dolen aq sa priste. Pastaj e kthyem nga protesta masive ne "greva urie te deputeteve", qe deputetet socialiste ti jepnin shembullin e tyre popullit se si te protestonin. Ndenjen edhe deputetet ne greve urie 2-3 jave, dhe vjen nje dite dhe Rama u thote dilni nga greva e shkoni ne shtepi.

Tani budallai qe nuk nxjerr mesime nga gabimet e tij u kerkon shqiptareve qe te dalin perseri ne protesta. Politika e vetme qe ky di te beje eshte politika e protestave dhe kutive bosh te votimit. Aman te keqen se mos nuk e lini te protestoje e se mos i digjni fletet e votimit se pastaj nuk di se cfare politike te beje!

Te na rroje sa malet kuti-politika!
Albo

[Lexuesi_]

Mjer Shqiperia qe ka Edi Ramen he me det qe po ja shohim sherirn edhe ne qka e kemi per rreth.

[Besoja]

Është e drejta e çdo force politike që të protestojë por arsyet duhet të jenë madhore dhe të besueshme.
U protestua për kutitë dhe pasi kjo nuk justifikoi plotësisht,u la dhe tani do protestohet për papunësinë.Papunësi ka dhe nuk besoj se duhet shpjeguar shumë.Ka edhe probleme të tjera që kërkojnë zgjidhje dhe është e natyrshme.Nuk mund të ndihmosh qytetarët e tu me bojkote dhe ambicje personale.
Problemi im është se si mund t'i besohet një njeriu që deklaron se ka vetëm 3000 euro në pasurinë e tij!!!Të luftosh për popullin,nuk besoj se të mjaftojnë ato 3000 euro!
Lëvizjet e mëdha politike mendoj unë,duhet t'i drejtojë një njeri i besueshëm dhe i pakorruptueshëm,gjë që Edi Rama nuk e posedon.Kam bindjen se ai do dështojë por kam "frikë" se do të mundohet me ndonjë revolucion.Kjo do ishte edhe e turpshme për një njeri që pretendon se është modern.