Rama: Rinisim protestat per te rrezuar qeverine Berisha pas 15 tetorit

[RAPTILOID]

Lideri i opozitës vazhdoi turin e bazës me një takim në Lushnjë
Turi i Partisë Socialiste në bazë ka shtyrë edhe më lart tavanin e akuzave politike ndaj qeverisë dhe Kryeministrit Sali Berisha. “Qeveria është bërë si organizatë mafioze që del duke sharë dhe shpifur”, tha dje në takimin me strukturat e PS-së në Lushnjë, kreu socialist Edi Rama. Në vijim të deklarimeve të bëra thuajse përditë dhe me mbështetjen e fakteve të reja që kanë dalë së fundmi për sa i përket korrupsionit qeveritar, selia rozë po rishfaqet së fundmi si tribunë ekskluzive e akuzave që kanë marrë ngjyrime të reja në frazë. Si një fazë parapërgatitore për protestat e paralajmëruara, zbritja në bazë po rindez klimën emocionale dhe politike, duke e ridimensionuar fjalorin politik dhe duke e fokusuar vëmendjen te zhvillimet aktuale. “Rrënimi ekonomik i vendit është rezultat i grabitjes së votave dhe i keqqeverisjes. Votat që u grabitën më 28 qershor ishin votat që do të grabisnin Shqipërinë. Protesta janë ndryshimi i rrjedhës së qeverisjes. 29 qershori e vonoi ardhjen e modelit të ri qeverisës, por realiteti aktual është fitorja e pashmangshme në zgjedhjet e ardhshme”, tha Rama. Me një lexim të përciptë është e qartë se selia rozë heton në aktualitetin shqiptar premisën e fitores elektorale të vitit 2011, me të cilën shpreson edhe një raund zgjedhjesh të parakohshme. Kriza morale që qeveria vuan aktualisht përpara opinionit, për shkak të reagimit të dobët ndaj akuzave për korrupsion, si dhe rëndimi i situatës ekonomike po shihen si ushqyes kryesorë në mobilizimin e qytetarëve dhe mandej në edukimin politik që protesta në vetvete përcjell. Në këtë pikë deviza e turit të Edi Ramës, “Largohu, Shqipëria kërkon transparencë, drejtësi, zhvillim”, dëshmon si për aktualizimin e zgjedhjeve të parakohshme si pjesë e axhendës politike, ashtu edhe për një përkufizim të gjerë të aksionit të selisë rozë. I parë si moment teorik dhe vijim i kauzës së deritanishme të opozitës, lëvizja me këtë orientim ka mjaft pika takimi në terrenin social dhe ekonomik në Shqipëri. “Ne sot kemi 1 milion të papunë, të mjaftueshëm për t’u ngritur në protestë dhe për të përmbysur këtë qeveri të korruptuar.*Thonë rriten pensionet 6%, por harrojnë që nga ana tjetër rriten çmimet dhe kalojnë 1000 lekë të reja, duke përmbysur dhe tejkaluar këtë rritje. I bëni vet llogaritë se sa rritje ekonomike kemi... Janë të gjitha këto mekanizma që tregojnë se shteti po shkon në kalbëzim”, tha Rama. Papunësia dhe pensionistët, rritja e çmimeve dhe demagogjia deri në mashtrim e qeverisë janë bërthama e propagandës opozitare e cila gjithsesi nuk ngrihet mbi elementë artificialë, por i bën jehonë realitetit. Akuza për nihilizëm që Kryeministri Sali Berisha ka adresuar me këtë rast ndaj PS duket të mos ketë efektin e duhur, për sa kohë që sukseset e munguara të opozitës po kompensohen nga rënia e alternativës qeverisëse në përsëritje dhe monotoni. Edhe pse është ende e paqartë se cili do të jetë destinacioni i kësaj lëvizjeje, që është në fillimet e veta, sërish kryetari i Partisë Socialiste, Edi Rama, ka siguruar se “asgjë nuk do t’i ndalë socialistët e vërtetë dhe se protestat janë ato që do të sjellin ndryshimin”.

[Besoja]

Po na thoni modelin se ka provuar shumë teori Rama por nuk ka rezultuar e suksesshme.Nuk ndihmohet një popull me teorira që 90 % nuk i kuptojnë.Të shkosh pas një njeriu vetëm pse duhet vajtur dhe pa e kuptuar se çfarë thotë,më duket jo serioze.Ndryshe duhet thënë që eja të shkojmë ta vëmë atje lart se për vete nuk kërkojmë gjë!!!

[Brari]

edvini ka pasur mundesi te provoj modele me shume se Mehmet Shehu.. se me shum se kta tjeret po e po..

ka 15 vjet qe eshte minister e kryetar bashkije..
ka mbi 10 vjet qe gjith kryetaret e bashkive te rretheve me te medha i ka ciraker e causher besnik te tijet.. dhe nuk pame ndonje model .. ne tiran apo ne rrethet ku jan vasalet e tij te plotfuqishem..

i vetmi model qe ai e di eshte beton mbi oborre shkollash cerdhesh e lagjesh e lulishtesh..
e cfar betoni se.. grataciele ne seri qe i marrin frymen e ajrin e diellin te mjereve..

keshtu mo shoki rrapi..

[RAPTILOID]

Rama mbledh tryezën e aleatëve, protestat nisin brenda muajit tetor

UPDATE- Protestat do të nisin në muajin tetor, deri në rrëzimin e qeverisë dhe dorëzimin e kryeministrit aktual. Ky ka qene rezultati i takimit të kreut të Partisë Socialiste Edi Rama me aleatët, i cili sapo ka përfunduar. Takimi që zgjati për më shumë se 60 minuta, mblodhi bashkë të gjithë opozitën të cilët në fund dolën në përfundimin se protestat duhen nisur, fillimisht në të gjitha qyetetet e Shqipërisë, për të kulmuar më pas në një protestë të madhe në kryeqyetet.

Në takim morën pjesë Skënder Gjinushi, Paskal Milo, Nard Ndoka , Vangjel Dule. Erion Veliaj dhe Spartak Ngjela
Shekulli

[RAPTILOID]

Opozita: Në tetor rinisim protestat
23/09/2010 18:50

Opozita shqiptare do të rinisë në tetor protestat masive për të kërkuar transparencën e zgjedhjeve të 28 qershorit.*
Lajmin e kanë bërë të ditur eksponentë të rëndësishëm të saj, në përfundim të një takimi që kryetari i PS Edi Rama zhvilloi me aleatët.

Përfaqësuesit e opozitës u shprehën të pakënaqur me qëndrimin e mazhorancës gjatë këtyre muajve, e cila sipas tyre nuk u shpreh e gatshme për dialog.

“Do fillojmë protestat masive. Dialogu ka një kufi të caktuar. Mazhoranca s’ka dëshirë për dialog”, ka deklaruar kryetari i Partisë për Ligj dhe Drejtësi, Spartak Ngjela.

Në të njëjtën linjë u shpreh edhe kryetari i PDS, Paskal Milo, i cili theksoi se nuk ka më kuptim që të vijojë “dialogu i shurdhëve”.

“Mazhoranca nuk po reflekton. Nëse vazhdohet kështu nuk ka kuptim të vijojë dialogu i shurdhëve dhe ne do të rinisim protestat. Ato do fillojnë brenda tetorit në rrethe dhe do kulmojnë në Tiranë”, ka pohuar Milo.
Top Channel

[E=mc²]

Si nuk doli ndonjeri tia numeronte ne lule te ballit. Po gjithmon do vuaj Shqiperia nga keta lloje psikopatesh qe marrin dicka ne dore dhe duan ta kthejn ne bombe me sahat per popullin e shkrete. Dhe tani ne vigjilje te liberalizimit te vizave ku BE i ka dhene viston Shqiperis ky koke palari kerkon te hidhet ne protesta. Po prit dhe pak o te q!fte ariu cdo femer qe ke ne fise dhe rreth e rrotull.

[kundraRRYMES]

Eshte per te ardhur keq kur akoma ne shqiperi diskutohet per protesta masive nga krehu i opozites. Kjo eshte nje nga menyrat me te prapambetura dhe me pak efikase se cfaredolloj menyre tjeter per te larguar nje qeveri qe ashtu sic shprehet opozita eshte e perbere nga individe qe akuzohen per korrupsion e vjedhje e shperdorim detyre.
Opozita ne shqiperi po ben gabime te njepasnjeshme e kjo jo sepse deshiron te beje keto por se ka perfundur ne nje deshperim total per te ardhur ne pushtet. Nuk dua te pergjithesoj te tere per nga ana e qellimit te tyre per largimin e nje qeverie por metodat dhe menyrat qe po zgjedh dita dites po humbasin ate qellimin e tyre dhe po perfudojne ne thirrje te deshperuara pa patur nje audience te mjaftueshme per te ndryshuar dicka.

Per nje kohe shume te gjate shqiptaret po ballafaqohen me shume "fakte" te hedhura nga opozita ne konferencat e tyre te njepasnjeshme ku sipas tyre tregohen hapur aferat korruptive te njerzve te veshur me pushtet. Fatekeqesisht shume shqiptare keto "fakte" duke qene se kane dale nga opozita aktuale edhe po te jene te verteta i vene ne dyshim per vete faktin qe burimi i tyre eshte i pabesueshem. Opozita dhe pozita jane perfshire ne nje shkembim akuzash dhe ketu disa "papagej" qe kane mesuar disa fjale permendesh ofendojne njeri tjetrin vazhdimisht pa ditur se per cfare behet fjale por per faktin e vetem qe ne jemi jo me ju por kundra atyre.
Pa dashur te bej te njejtin gabim qe disa ketu ne forum bejne duke akuzuar personalisht njerin apo tjetrin une si njeri i thjeshte kur ballafaqohem me informacione te ndryshme qe ne nje menyre apo tjetren tregojne dicka nje afere te dyshimte apo ne mos nje afere normale bazohem tek ato dhe mundohem te dal ne nje konkluzion. Nuk influencohem se kush eshte burimi i ketyre informacioneve por mundohem te studioj informacionin. Problemi i opozites ne kete rast eshte qe po i flet nje opinioni qe eshte teper dyshues ( kjo si rrjedhim i nje te kaluare ku gjithmone jane dizinformuar) dhe mbi te gjitha keto informacione po dalin nga nje pale qe eshte e akuzuar( kjo eshte e nje llojte me ate bisnesmenin qe kur u akuza disa here vendosi te akuzonte ate qe e akuzoi ).

Problemi tjeter eshte qe po akuzohen personazhe ne boten e politikes te cilet karakterizohen nga nje fodullik i tejskajshem faktet e kane treguar qe nuk e njohin doreheqjen apo largimin nga politike si pasoje e opinionit publik dhe kenaqen me faktin qe "rinia demokratike e burrelit" e pershendet ne nje miting tipike 1 Maji ...
Duke qene se edhe opozita eshte e nje standarti me poziten dhe i njejti produkt si pozita vetem se ne kete rast me ngjyre tjeter po me te njejten shkalle fodulliku mundohet qe me menyren e vet te "demaskimit" te terheqe popullin ne rruge dhe po mundohet ne menyren me te gabuar.

Une shkruaj ketu me ju jo se keto mendimet e mia me pelqejne por se kam deshire te diskutoj me dike per te arrit ne nje konkluzion dhe nje zgjidhje tonen se ku po calon shqiperia qe akoma mbas 20 vitesh ndjekim po te njejten politike dhe mbi te gjitha me te njejtet personazhe.

Ju pershendes

[RAPTILOID]

Ngjela: Ka rënie të madhe morale, protesta masive në tetor

Kryetari i PS Edi Rama pati një takim sot mbasdite me aleatët, të mbledhur me qëllim marrjen e vendimeve për qëndrimin politik të opozitës. Koalicioni i majtë vendosi sot rinisjen e protestave që priten të fillojnë në muajin tetor me protesta masive në të gjithë vendin në kërkim të transparencës së zgjedhjeve të kaluara. Në takim ishin të pranishëm kryetari i Partisë Ligj e Drejtësi Spartak Ngjela, kryetari i PBDNJ-së Vangjel Dule, ai i G99 Erion Veliaj, kreu i PDS-së Paskal Milo, si edhe Preç Zogaj.
Prononcimi i kryetarit të PLD Spartak Ngjela:

Z.Ngjela, çfarë u vendos në takim?

Ne vendosëm që të rifillojmë protestat masive. Ne morëm përsipër të drejtojmë njerëzit nëpër protesta sepse një populli që i janë shkelur të drejtat dhe nuk proteston, është i destinuar të mos ketë të ardhme.
Protestat do të fillojnë në muajin tetor në të gjithë Shqipërinë derisa të caktojmë një datë brenda këtij muaji në Tiranë. Çështja është që manipulimi i votave, degradimi ekonomik, rënia e madhe morale e shqiptarëve dhe e gjithë shoqërisë, humbja e perspektivës dhe çoroditja e madhe që vjen sipas humbjes së besimit të kësaj qeverisje në funksion të korrupsionit, vjedhjes, abuzimit, natyrisht që të vë përpara një përgjegjësie morale.
Kanë manipuluar votat me një pushtet të paligjshëm. Kanë abuzim permanent të çdo ditshëm të cilin shoqëria e ka parë. Shoqëria kërkon protesta, ne do ta drejtojmë me përgjegjësinë tonë deri në largimin e kësaj qeverie, me dorëheqjen e kryeministrit aktual dhe me tërheqjen e kësaj qeverie nga skena politike, për të gjitha ato që thashë.

Prononcimi i kryetarit të PDS, Paskal Milo
Nisja e protestave zoti Milo do të thotë që nuk ka më vend për dialog me mazhorancën?
PS dhe Grupi Parlamentar i saj e kanë bërë të qartë se dialogu do të vazhdojë deri në një kufi të caktuar. Në momentin që opozita do të konstatojë që mazhoranca jo vetëm që po vonon qëllimisht, por përkundrazi nuk ka dëshirë për të vazhduar më tej dialogun, atëherë opozita ka paralajmëruar që do të filloj më tej protestat. Me qëllim që përmes kësaj forme të ushtrimit të demokracisë të mund ta detyrojë mazhorancën që ti rikthehet procesit zgjedhor. Pra, ne do të presim edhe për fare pak kohë akoma për t'ju rikthyer protestave masive në të gjithë Shqipërinë dhe në kryeqytet, me qëllim që ta detyrojmë pozitën të respektojë rezolutën e PE. Kjo është çka u diskutua dhe u vendos.
A u përcaktua ky kufi?
Besoj se brenda muajit tetor do të kemi protesta masive në Tiranë dhe në të gjitha rrethet. Ose më mirë të themi do të fillojmë nga rrethet dhe do të kulmojë me një protestë të madhe në qytetin e Tiranës.
Do të thotë që nuk do të ketë një kërkesë për nisjen e punës së komisionit hetimor për transparencën e zgjedhjeve nga opozita?
Vazhdimisht opozita në parlament është duke e kërkuar transparencën e procesit zgjedhor përmes marrëveshjes midis opozitës dhe mazhorancës. Për fat të keq mazhoranca deri tani nuk po reflekton, për rrjedhojë nëse do të vazhdojë edhe gjatë ditëve të ardhshme një sjellje e tillë, nuk ka më kuptim të vazhdojë dialogu i shurdhërve. Ne do tu rikthemi protestave me qëllim që siç e thashë që të detyrohet mazhoranca që të reflektojë.

Eshte avokat biri botes
Po ky o brar ka qene I perkedhelur nga komunizmi

Gazeta Shekulli

[SKRAPARI]

po keta debilat ani-berisha pse nuk pergatiten per zgjedhje vendore por kerkojne te dalin prape rrugeve?
berisha eshte NJESHI sepse ai ka nje vizion te qarte per te ardhmen e Shqiperise.
megjithate le te dalin ne rruge i ka demokracia keto.

[RAPTILOID]

Përpjekjet e dëshpëruara të faktorit ndërkombëtar dhe rezoluta e Këshillit të Europës për situatën politike në Shqipëri kanë ndeshur në kokëfortësinë e zotit Berisha i cili kërkon mbajtjen e pushtetit me çdo kusht. Situata politike sa vjen e agravohet dhe ndërhyrjet europiane bëhen më të forta e të drejtpërdrejta

Sadedin Çeliku

*

Përpjekjet e dëshpëruara të faktorit ndërkombëtar dhe rezoluta e Këshillit të Europës për situatën politike në Shqipëri kanë ndeshur në kokëfortësinë e zotit Berisha i cili kërkon mbajtjen e pushtetit me çdo kusht. Situata politike sa vjen e agravohet dhe ndërhyrjet europiane bëhen më të forta e të drejtpërdrejta. E vetmja gjë që ju ka mbetur maxhorancës është liberalizimi i vizave, proces ky qe ka mbuluar tërë hapësirën mediatike shqiptare në mënyrë që të shkëputet vëmendja qytetare nga hallet e mëdha qe nuk janë në gjendje t’i zgjidhin.

Ky fakt, ka bërë qe Kryeministri Berisha të ndodhet në situatë të vështirë dhe e ka vënë atë përballë dy opsioneve për të zgjidhur krizën politike: të hapë kutitë apo të shkojë në zgjedhje të parakohshme.

E para nuk do t’i leverdiste se do të konfirmonte ‘de jure’ deformimin dhe vjedhjen e votës.

E dyta ndoshta do t’i interesonte për të përsëritur të njëjtin skenar si në vitin 2009 dhe do t’i jepte atij shpresë për të mbajtur ende pushtetin.

Në këtë vorbull te ngatërruar, zoti Berisha në këtë moment i ka interesuar me shumë të luajë e të fitojë në kohë, plan ky i cili po e çon maxhorancen e tij ne gjysmen e mandatit te dyte.

Në këtë aspekt ai gjithmonë ka theksuar se hapja e kutive është antikushtetuese dhe nuk mund të pranohet. Po morali i zgjedhjeve ku është?

Në nenin 77, pika 2 e Kushtetutës së Shqipërisë thuhet se “ Kuvendi ka te drejtë dhe , me kërkesën e një të katertës së të gjithë antarëve te tij, eshte i detyruar te caktoje komision hetimi per te shqyrtuar një çeshtje te veçantë.

Përfundimet e tyre nuk janë detyruese per gjykatat, por mund t’i njoftohen prokurorisë, e cila i vlerëson sipas procedures ligjore.

Po keshtu moszbatimi i neneve 136, 138 të kodit zgjedhor nga ana e KQZ-së dhe *Gjykatës Zgjedhore, është një tjetër shkelje e rëndë e ligjit.

Siç kuptohet, ne kete rast neni 77 , pika 2 e thekson shprehimisht se perfundimet e dala nga hetimi parlamentar per zgjedhjet nuk jane detyruese per Kolegjin Zgjedhor dhe nuk influencon ne vendimet e meparshme te kesaj gjykate.

Ne te njejten llogjikë kuptohet dhe interpretimi i Gjykates Kushtetuese, “ Çeshtje te veçanta “, ku konsiderohen ato çeshtje qe lidhen me zbatimin e ligjeve, te verifikimit, kontrollit te ngjarjeve e fenomeneve negative per shoqerinë e shtetin dhe nxjerrjen e

pergjegjesive institucionale. Pra kjo konfirmon qartazi pretendimin e opozitës per hapjen e kutive dhe investigimin e gjithë procesit zgjedhor.

Sigurisht, ne se do te pranohesh nga maxhoranca, politikisht do te fitonin te dy forcat kryesore politike te vendit duke hedhur poshtë vargonjtë e vjedhjes dhe deformimit të votes prej 20 vjetësh.

Por më të fituarit në këtë çështje, do të ishin shqiptarët dhe zgjedhësit, te cilet do te shkonin ne kutitë e votimit te sigurt dhe me siguri që me këtë veprim, pjesëmarrja ne zgjedhje do te rriteh si rrjedhojë e besimit qe ju jep sjellja e politikanëve.

Përpara se te marrë vendimin per shpalljen e zgjedhjeve te parakohshme, Berisha do të zgjedhë dhe lançojë permes pushtetit te tij politik sulme kunder opozites me qellim tkurrjen e elektoratit te saj, duke e bërë pergjegjese per kete situate dhe pasojat qe solli ajo.

Kjo ka pak gjasa te ndodhë, e megjithatë zoti Berisha është më i prirë drejt zgjedhjeve te parakoheshme sepse hapja e kutive e nxjerr humbës politikisht.

Por ai, edhe kete llogari e ka bërë, sepse nuk mund te shkoje ne zgjedhje pa rregulluar kodin zgjedhor te cilen e kerkojne edhe parti te tjera.

Afrimi i zgjedhjeve vendore e perkeqeson me tej situaten politike sepse ne keto kushte eshte e pamundur te shkohet ne zgjedhje me te njëjtat kuti, të njëjtat standarde, ku keqadministrohen, deformohen dhe troç fare vidhen votat.

Pra burimet e ujit qe e kane mbajtur zotin Berisha, tashme po shterojnë dhe po ndërrojnë drejtim.

Por nuk është vetëm kjo.

Nuk ka të drejtë askush ta quajë fundin e botës dhe të padrejtë realizimin e zgjedhjeve te parakohshme, pasi te gjitha vendet e vërteta demokratike këtë e realizojnë ne kushte normale e në vazhdimësi.

Për këtë, mjafton t’i referohemi dy fqinjëve tanë, Italisë e Greqisë, të cilët çdo krizë e kanë zgjidhur me zgjedhje të parakohshme.

Ky është misioni i demokracisë, në të kundert akumulimi, agravimi i situatave politike, sjell konflikt me pasoja te pa parashikueshme dhe zgjidhja vjen nga vetë konflikti.

Pse vetëm krizë politike ?

Jo. Tashmë vertet eshte koha per zgjedhje te parakohshme, por pasi më pare të kemi transparencën e zgjedhjeve te kaluara qe ky vend një here e mire te heqë dorë nga vjedhja e te mësohet me organizimin e zgjedhjeve të drejta e të ndershme

Kriza politike eshte shoqeruar dhe nga ajo ekonomike, financiare, morale e më tej. Disa nga pasojat e saj janë bërë të padurueshme si korrupsioni i madh dhe i kritikuar nga faktori nderkombetar, krimi i organizuar, krimi në ekonomi, trafiqet, konfliktet e interesave, keqadministrimi i fondeve publike, keqmenaxhimi i ekonomisë, papunësia masive rritja e borxhit publik tej limiteve që përcakton Bashkimi Europian, disbalancimi i eksporti – importit, vjedhja, politikat e gabuara ekonomike dhe pa orientim, reformat e deformuara dhe ne funksion te interesave te grupit, ngjarjet e rënda e të pazakonta si Gërdeci, përmbytjet e Shkodrës, vendimi për ndarjen e padrejtë të ujërave territoriale të detit Jon qe u desh Gjykata Kushtetuese ta ndalte, vdekja e 18 minatorëve te Bulqizës pa nxjerrë asnjë fajtor, mungesa e funksionimit te institucioneve, emërimet nepotike per te favorizuar oborrtarët etj.

Pra te gjitha keto janë probleme te pazgjidhura nga qeveria e maxhorances dhe keto plotesojne kushtet per zgjedhje te parakohshme dhe i bëjnë ato të detyrueshme.

Kaq gjë duhet të kemi mësuar nga demokracitë e përparuara, ndryshe përpiqemi kot të integrohemi.


Sadedin Çeliku
Zeri I Popullit