Postuar më parë nga
Don't
Askush nuk mund ta gjunjëzojë një popull
Fjala e kryetarit të Grupit Parlamentar të Partisë Socialiste Gramoz Ruçi, në protestën e 30 prill 2010
Qytetarë të Tiranës, mirëmbrëma dhe mirë se keni ardhur!
Mirëmbrëma qytetarë të Shkodrës e Sarandës!
Mirëmbrëma Tropoja, Berati, Vlora, Lezha, Fieri, Mirdita, Gjirokastra,Korça, Kukësi, Elbasani, Durrësi, Dibra!
Mirëmbrëma gjithë Shqipëria!
Mirëmbrëma dhe gjithë ju, motra dhe vëllezër, që sot keni zemrën në këtë bulevard që është zemra e atdheut tonë të rrezikuar.
Ju faleminderit me gjithë zemër që jeni këtu! Ju faleminderit që jeni këtu ku nuk mund të mungojë qytetari!
Mirë se keni ardhur në këtë provë të pashembullt të provës se dinjitetit të qytetarit përballë pushtetit:
- që ndëshkon qytetarin,
- që vjedh qytetarin,
- që le pa punë qytetarin,
- që i merr bukën,
- që i shtrenjton ilaçet,
- që e grabit me faturat e energjisë,
- që e ka lënë të mbyllur në geto duke qenë në mes të Evropës.
Mirë se keni ardhur në këtë provë të madhe përpara vetvetes dhe historisë! Në këtë dëshmi të jashtëzakonshme që po e japim së bashku, emër pas emri, zemër pas zemre, shpirt pas shpirti, se ky popull nuk e meriton këtë qeverisje të korruptuar e të dështuar. Sot ju jeni pjesë e dëshmisë së madhe e solemne se kjo qeveri në ikje meriton vetëm ikjen një sahat e më parë sepse sot i ka ardhur ora e ballafaqimit me të vërtetën! Ora e ballafaqimit me sovranin! Sot e nesër dhe deri në çastin kur ky pushtet të kuptojë se duhet të respektojë përfundimisht sovranitetin e votës së lirë dhe lirisë sovrane të qytetarit për të zgjedhur qeverisjen që meriton, ne do të jemi këtu! Pandalim!
Motra dhe vëllezër,
Sot Shqipëria ka hyrë në një tunel të errët. Por ju, në këtë manifestim të pashembullt dinjiteti dhe force të dinjitetit e të vërtetës, po dëshmoni se në fund të këtij tuneli ka dritë. Se në fund të këtij tuneli të gërmuar prej 20 vjetësh rresht nga ai që fshihet sot pas buzëqeshjeve hipokrite, që fshihet pas frikës së hajdutit të kapur me sendin e vjedhur në xhep, që fshihet pas xhamave të blinduar të zyrës, do të ketë me domosdo një fund.
Sot, kjo masë e pafundme njerëzore, ky ortek i derdhur në Tiranë nga gjithë Shqipëria që nuk duron dot më tiranët e vegjël dhe qesharakë, po jep dëshminë e madhe se është momenti final kur qytetari ndeshet me forcën e sovranitetit të tij për fatin e demokracisë, sepse fati i qytetarit dhe demokracisë janë marrë peng nga një pushtet i dalë jashtë vullnetit të popullit.
Se ky është momenti që askush nuk mund të marrë jetën e një qytetari dhe të mos ndëshkohet, se nuk mund të ndodhë kurrë që të vritet një deputet si miku ynë i paharruar Fatmir Xhindi dhe vrasësi të vazhdojë të ikë në drejtim të paditur. Se ky është momenti final që shënon nisjen e një dite të re, një fillim të ri, një jetë të re për cilindo që ka vendosur të jetojë në këtë vend.
Mjeshtri i vjetër i baltës dhe arkitekti i gënjeshtrës si sistem politik, ka shumë kusure për të shpjeguar. Vota e mbyllur në kuti është vetëm kapaku i sipërm i një të shkuare të keqe. Sot dy alternativa, zgjidhje te krizës, ose zgjedhje
Motra dhe vëllezër,
Dua të ulem në gjunjë përpara jush! Sepse jam i bindur thellësisht se përpara sovranit gjithkush duhet të ulet në gjunjë në shenjë bindjeje të thellë. Por dua t´ju them bindjen time të thellë, bindjen tonë të thellë, të të gjithë shqiptarëve dhe popujve të botës se askush nuk mund ta mbajë sovranin në gjunjë, se askush, me forcën e pushtetit të përkohshëm, nuk mund ta gjunjëzojë për gjithmonë një Popull.
Sot, përpara atij burrit që ka hyrë në garë me historinë dhe që ka të garantuar një vend turpi në histori, ka vetëm dy rrugë dhe një udhëkryq: ose të pranojë zgjidhjen e krizës, ose të pranojë zgjedhjet e parakohshme!
, po e nisim nga A-ja, ta dime qe jemi duke folur per te njejten gje. Kur quhet nje ekonomi ne krize sipas shkences se ekonomise dhe jo fjaleve te partise lol?
Regullat e Postimit
Përgjigju Duke Cituar
Krijoni Kontakt