Me nga nëntë kandidatura secili, filmat e James Cameron dhe ish-gruas së tij, Kathryn Bigelow, janë në krye të listës së çmimeve “Oscar”, që do të zhvillohen në datën 7 mars në Los Anxheles. Edicioni i 82-të i çmimeve më të rëndësishme në kinematografinë botërore do të bëhet “arena” e një dueli të fortë mes dy ish-partnerësh. Sipas listës së shpallur nga Award Academy, filmat “Avatar” dhe “The hurt locker”, një film fantashkencë dhe një film lufte, janë vënë përballë njëri-tjetrit me nga 9 kandidatura, duke përfshirë edhe ata për kategoritë e “filmit më të mirë” dhe “regjisori më i mirë”. Duket se kritikët favorizojnë më së shumti Kathryn Bigelow, si regjisorja më e mirë. Nëse ajo e merr këtë trofe, ajo do të bëhet gruaja e parë që merr një “Oscar” në këtë kategori. Megjithatë lufta nuk mbaron këtu. “Avatar” dhe “The Hurt Locker” duhet të përballen me një konkurrencë të fortë. Për herë të parë, qysh pas Luftës së Dytë Botërore, 10 filma në vend të pestë, janë kandidatë për “Oscar” në kategorinë e “Filmit më të mirë”. Krahas filmave të Cameron dhe Bogalow janë në kandidim, edhe “The Blind Side”, “In the Air”, “Inglourious Basterds”, “Precious”, “Une Education”, “District 9”, “A Serious Man” dhe “Là-haut”. Ky i fundit është dhe në listën për “filmin më të mirë të animuar. është hera e dytë në të gjithë historinë e këtij çmimi, që një film i animuar konkurron në kategorinë e “filmit më të mirë”, pas “E bukura dhe bisha” e studios “Disney” në vitin 1992. Madje ky film numëron 5 kandidatura. Të tjerë filma që garojnë për shumë trofe, janë “Inglorious Basterds” me 8 kandidatura, duke përfshirë kategoritë për regjinë dhe skenarin më të mirë për Quentin Tarantino, si dhe “Precious” dhe “In the Air” me nga 6 secili. Ndër aktorët kandidatë janë George Clooney, Colin Firth, Morgan Freeman, Sandra Bullock, Meryl Streep, etj. Ashtu si edhe një vit më parë, edhe filmi shqiptar pati një kandidat në listën e gjatë të “Oscar”-ve. Mes 65 filmave nga vende të ndryshme të botës, që garonin për të hyrë në rrethin e ngushtë të çmimeve të mëdha renditej edhe filmi “Gjallë” (“Alive!”) i regjisorit Artan Minarolli. Një film për gjakmarrjen, ku interpretojnë aktorët Kreshnik Xhelilaj, Niada Valiasi, Bruno Shllaku, Xhevdet Feri, etj. Ashtu si edhe filmi i vitit që shkoi, “Trishtimi i Zonjës Shnajder” me regji të Pirro Milkanit, nuk arriti të hyjë ndër kandidatët për “Oscar”. Filmat me fat në kategorinë e filmave të huaj janë “Ajami”, Izrael; “El Secreto de Sus Ojos”, Argjentinë; “The Milk of Sorrow”, Peru; “Un Prophete”, Francë; “The White Ribbon”, Gjermani. Kandidaturat Filmi më i mirë :“Avatar”, “The Blind Side”, “District 9”, “An Education”, “The Hurt Locker”, “Inglourious Basterds”, “Precious : Based on the Novel Push by Sapphire”, “A Serious Man”, «Up»,«Up in the Air»Regjisori më i mirëJames Cameron, Kathryn Bigelow, Quentin Tarantino, Lee Daniels, Jason Reitman, Aktori më i mirëJeff Bridges, George Clooney, Colin Firth, Morgan Freeman, Jeremy RennerAktorja më e mirëSandra Bullock, Helen Mirren, Carey Mulligan, Gabourey Sidibe, Meryl StreepAktori më i mirë joprotagonistMatt Damon, Woody Harrelson, Christopher Plummer, Stanley TucciChristoph Waltz.Aktorja më e mirë joprotagonistePenelope Cruz, Vera Farmiga, Maggie Gyllenhaal, Anna Kendrick, Mo’Nique.Filmi i huaj më i mirë “Ajami”, Izrael; “El Secreto de Sus Ojos”, Argjentinë; “The Milk of Sorrow”, Peru; “Un Prophete”, Francë; “The White Ribbon”, Gjermani.Skenari më i mirë origjinal Mark Boal, Quentin Tarantino, Alessandro Camon dhe Oren Moverman, Joel Coen dhe Ethan Coen, Bob Peterson
lajme shqiperia
Përgjigju Duke Cituar
Postuar më parë nga FTN_2004
Krijoni Kontakt