Thaçi: Riformatizimi i Qeverisë ka filluar nga dorëheqja ime si deputet
"Derisa para dy vitesh Kosova e shpalli pavarësinë, e fitoi statusin e vendit të pavarur, sovran dhe demokratik, sot lirisht mund të them se Kosova ka përfituar me perspektivën evropiane", thotë për Radion Evropa e Lirë, kryeministri i Kosovës, Hashim Thaçi.
Duke vlerësuar periudhën dy vjeçare nga shpallja e pavarësisë së Kosovës, ai tha se “ kjo periudhë ka qenë periudha e vendimeve historike për vendin tonë, e shpalljes së pavarësisë, e konsolidimit të shtetit tonë, e vënies së ligjshmërisë, e angazhimeve të gjithanshme në kuptimin edhe të reformave, qoftë në politikë qoftë në ekonomi, qoftë në legjislacion, si dhe periudhë e perspektivës evropiane. Kosova ka përfituar 65 njohje të fuqishme ndërkombëtare. Është anëtarësuar në Fondin Monetar Ndërkombëtar dhe në Bankën Botërore.
Gjithashtu, jemi në prag të anëtarësimit edhe në Bankën për Zhvillim dhe Rindërtim Evropian. Pra, Kosova është duke ecur në trendet e sigurta të angazhimeve integruese, edhe në NATO, edhe në Bashkim Evropian.
Derisa para dy vitesh Kosova e shpalli pavarësinë, e fitoi statusin e vendit të pavarur, sovran dhe demokratik, sot lirisht mund të them se Kosova ka përfituar me perspektivën evropiane, që i është dorëzuar nga Komisioni Evropian; e ka fituar statusin e vendit evropian.
Thaçi tha se nuk duhet shikuar në numra njohjet e pavarësisë së Kosovës, duhet shikuar edhe kush e ka njohur pavarësinë e Kosovës - e kanë njohur vendet më të fuqishme, megjithëse duhet të kemi respekt për secilin vend.
Pra, pesha e njohjeve është shumë e fuqishme, ajo e ka fuqizuar shtetin e Kosovës. Në të njëjtën kohë, duhet të potencoj se njohjet i kanë pasur edhe vështirësitë e veta, në veçanti apelin e Serbisë në Gjykatën Ndërkombëtare të Drejtësisë.
Prandaj, dua të besoj se edhe para opinionit të shprehur nga Gjykata Ndërkombëtare, do të kemi njohje të reja, por do të vazhdojnë njohjet e tjera edhe pas opinionit, që nuk do të jetë obligativ i Gjykatës Ndërkombëtare. Dhe, ky opinion ne duam të besojmë pa pretendime politike, se nuk do të jetë krejt bardh e zi, por do të jetë në përputhshmëri me realitetin në Kosovë”, tha ai.
Duke folur pët strategjin integruese të veriut kryeministri Thaçi tha se “më në fund, pas dhjetë vitesh, institucionet e vendit tonë, pra Qeveria e Kosovës dhe ato ndërkombëtare, kanë hartuar një plan gjithëpërfshirës për veriun e Mitrovicës, plan ky që parasheh katër pika; e para, sundimi i ligjit, e dyta është formimi i komunës së re në veri të Mitrovicës, pastaj organizimi i zgjedhjeve të lira në tri komuna, Leposaviq, Zveçan, Zubin-Potok, po në të njëjtën kohë edhe angazhimi socio-ekonomik, pra angazhimi për zhvillimin ekonomik, krijimin e vendeve të reja të punës, rritjen e mirëqenies sociale dhe në këtë drejtim Qeveria e Kosovës do të ndajë edhe një fond të veçantë.
Dua të besoj se ky angazhim do të jetë shumë i vendosur, me gjithë pengesat, me të cilat mund të ballafaqohemi në këtë proces jashtëzakonisht të rëndësishëm të vënies së ligjshmërisë, normalitetit, stabilitetit dhe pretendimeve për zhvillim ekonomik.
Pra, do t'i shfrytëzojmë të gjithë mekanizmin tonë ligjor dhe demokratik”.
Sipas thaçit, Kosova kurrë ndonjëherë nuk ka qenë më afër integrimit në NATO dhe në Bashkim Evropian. “Ky është zotim, ky është vizioni dhe ky është qëllimi, i cili do të realizohet shpejt. Pra, Kosova shumë shpejt do të jetë pjesë e NATO-s dhe e Bashkimit Evropian”, tha ai.
Duke u përgjigjur në pyetjen se kur do ta bëni riformatizimin e përbërjes së Qeverisë, Thaçi tha se riformatizimi ka filluar nga dorëheqja ime si deputet në Kuvendin e Republikës së Kosovës dhe do të vazhdojë me hapa gradualë, të kujdesshëm, të matur dhe efektivë.
Ky riformatizim, apo rifreskim, ndodh, mund të them, me integrimin e njerëzve nga kategori të caktuar të shoqërisë çdo ditë në institucionet dhe Qeverinë e Kosovës. Ndërsa, angazhime konkrete pres në javët e ardhshme.
Ne kemi një bashkëpunim të shkëlqyeshëm me partnerin e koalicionit, mund të ketë zëra të ndryshëm jo-ndikues në këtë çështje. Prandaj, koalicioni ka efektivitet në punë, ka angazhime të përbashkëta shtet-ndërtuese, por edhe të përgjegjësive pushtetare.
Është e vërtetë që ky koalicion është bërë për interesa të shtetit, po edhe për ndarjen e përgjegjësive të pushtetit. Është një bashkëpunim i mirë, efektiv i suksesit të koalicionit, të shtetit tonë.
Ndërsa, duhet kuptuar dhe ndarë fushatat elektorale në nivel lokal nga funksionimi efektiv i institucioneve në nivel qendror.
Pra, institucionet kanë mandat të plotë, zgjedhjet do të organizohen në vitin e ardhshëm në kohë të rregullt, në afatin e rregullt kushtetues. (REL)
Përgjigju Duke Cituar
Postuar më parë nga drenicaku
Krijoni Kontakt