Kaos ne mbledhjen e grupit parlamentar te PS, bile edhe kercenime me arme

[REALIST]

Mbledhja e Grupit u shndërrua në një fushëbetejë sharjesh e fyerjesh të rënda personale mes deputetëve socialistë


Grupi i PS-së nën pushtetin e kaosit dhe diktatin e armës së Tom Doshit


Grupi i deputetëve socialistë hyri dje në Kuvend me një mungesë të plotë organizimi dhe pa zgjedhur asnjë nga drejtuesit e tij apo përfaqësuesit në komisionet parlamentare. Kjo mungesë organizimi ishte reflektim publik i krizës së thellë dhe divergjencave të ashpra që kanë mbërthyer partinë kryesore të opozitës pas humbjes së zgjedhjeve të përgjithshme më 28 qershor. Kjo u dëshmua edhe në mbledhjen e parë të Grupit parlamentar dy ditë më parë, një mbledhje që u karakterizua nga replika të ashpra dhe ofeza të rënda mes deputetëve, që tashmë duket qartë se përfaqësojnë dy rryma kundërshtare në Partinë Socialiste. Të mbledhur për të diskutuar mbi qëndrimet politike të Partisë Socialiste pas vendimit për të hyrë në Kuvend, mbledhja e Grupit u shndërrua në një fushëbetejë sharjesh e fyerjesh të rënda personale mes deputetëve socialistë, të cilët janë ndarë qartë në pro dhe kundër kryetarit aktual. E gjithë mbledhja është dominuar nga fryma që Rama solli në partinë kryesore të së majtës në vjeshtën e vitit 2005, që sintetizohet në eliminimin e kundërshtarëve realë e potencialë për postin më të lartë drejtues të socialistëve dhe që sipas të gjitha gjasave, mund ta çojë Partinë Socialiste drejt një ndarjeje të re. Ka mjaftuar ndërhyrja e njërit prej deputetëve kundërshtarë të Ramës për të ndezur detonatorin e një situate shpërthyese që në mbledhjen e parë të forumit parlamentar të PS-së. Ajo që e ka rënduar më tej situatën ishte përfshirja në sulme e fyerje e deputetëve anonimë të njohur si njerëz me të cilët Rama ndan interesa jo vetëm ekonomike prej vitesh nga të ardhurat e korrupsionit në Bashkinë e Tiranës dhe të cilët nuk kanë asnjë lidhje me historinë e socialistëve. Vetë Rama ka mbajtur një qëndrim të denjë për një parti të vijës së ashpër diktatoriale, duke paralajmëruar përjashtime të gjithë atyre deputetëve që guxojnë të kundërshtojnë qëndrimet e tij. Madje, siç bëhet e ditur nga burime brenda mbledhjes nuk kanë munguar edhe kërcënimet me armë, nga deputeti me precedentë penalë Tom Doshi, i cili ka mbyllur debatin duke urdhëruar se kush duhet të fliste dhe kush jo. Në këtë moment, mbledhja është ndërprerë për të nisur përsëri me përplasje duke shmangur tërësisht nga diskutimi aksionin politik të PS-së në Kuvend pas gjashtë muajsh mungese. Në përpjekje për të shmangur një përplasje edhe më të thellë, Rama ka evituar diskutimin e zgjedhjes së kryesisë së Grupit dhe përfaqësuesve të opozitës që do të drejtojnë komisionet parlamentare. Në këto kushte, Grupi parlamentar i opozitës është lënë formalisht në dorën e Gramoz Ruçit, duke shënuar në këtë mënyrë një centralizim të paprecedentë të vendimmarrjes së kësaj partie në duart e një grupi të vogël njerëzish. Pritet që Grupi parlamentar i PS të votojë në mënyrë unanime drejtuesit që do të propozohen për kryesinë e grupit nën diktatin e dyshes Rama-Ruçi, e cila tashmë është e përforcuar edhe me grykën e armës së Tom Doshit.


Deputetët e PS betohen: Do t'i bindem Kushtetutës dhe ligjeve


Pas 6 muajsh mungesë, 64 deputetët e Partisë Socialiste zunë vendet e tyre në Parlament duke bërë dhe aktin e parë ligjor të përcaktuar në rregulloren e Kuvendit, betimin. Megjithëse për gjashtë muaj rresht jashtë Parlamentit nuk bënë gjë tjetër veçse kërkuan shkeljen e vendimeve gjyqësore, ligjeve dhe Kushtetutës, deputetët socialistë bënë betimin, thelbi i të cilit është pikërisht bindja dhe respektimi i Kushtetutës dhe ligjeve të vendit. Bazuar në nenin 4, pika 4 të Rregullores deputetëve që mungojnë në seancë kur kryhet betimi, deputetët betohen në seancën më të parë në të cilën marrin pjesë sipas tekstit të rregullores: "Betohem në nderin tim se do të kryej me ndërgjegje detyrën si deputet i popullit, do të përfaqësoj denjësisht popullin, do t'i bindem Kushtetutës dhe ligjeve. Do të mbroj lirinë dhe pavarësinë e Shqipërisë, do të respektoj dhe do të mbroj të drejtat dhe liritë e shtetasve dhe do të përpiqem me të gjitha forcat për përparimin e atdheut dhe mirëqenien e tij".

Rilindja demokratike

[REALIST]

Debati dhe sharjet e grupit parlamentar te PS.
Përkrahësit e Ramës sulmojnë Ben Blushin,replikat në mbledhjen e deputetëve të PS-së



Mbledhja e djeshme e grupit të deputetëve socialistë nuk i shpëtoi debateve të ashpra dhe sherreve mes tyre.
Deputetët vendosën të hyjnë sot në Parlament, të bëjnë betimin, të lexojnë dy kërkesa që do t'i depozitojnë në Kuvend, dhe do të dalin. Ditën e premte, në zyrën e protokollit të Parlamentit, PS do të depozitojë dy kërkesa, të cilat u firmosën dje nga të gjithë deputetët, që kërkojnë ngritjen e komisionit hetimor me objekt hetimi të pakushtëzuar, ku të përfshihen dhe kutitë e votimit. Ndërsa kërkesa tjetër ka të bëjë me përcaktimin në rregulloren e Kuvendit, të nenit i cili i lejon opozitës të hetojë zgjedhjet përmes një komisioni hetimor, duke i lënë asaj shumicën e këtij komisioni. Këto ishin dokumentet, të cilat PS i ka përgatitur që në muajin tetor, kur nisi të mbledhë dhe firmat e qytetarëve. Për këtë pikë të gjithë deputetët ndanin të njëjtin mendim.
Debati
Por në mbledhjen e djeshme, dy nga deputetët socialistë, Arben Malaj dhe Ben Blushi, të cilët janë cilësuar si mendimi ndryshe në PS, bashkë me deputetë të tjerë, kërkuan që të vlerësohej pozicioni i tyre në këto gjashtë muaj dhe të kërkohej ndjesë për etiketimet që i janë bërë si "të blerë nga Berisha" apo "që punojnë kundër PS". Shumica e deputetëve kanë sulmuar Ben Blushin në argumentimin e tij rreth strategjisë së dështuar të bojkotit ndaj Parlamentit që PS ndoqi për gjashtë muaj që pas zgjedhjeve. Malaj, i ka kërkuar grupit që në seancën parlamentare se PS duhet të tregohet serioze dhe të shkojë për të mos humbur mandatin e deputetit. Ai kërkoi zgjedhjen e drejtuesve të grupit, por dhe ndarjen e deputetëve në komisione, dhe në delegacionet ndërkombëtare të Kuvendit. Malaj kërkoi që PS të qëndrojë në Kuvend, pasi rifutja në të do të kishte kosto të lartë për partinë dhe grupin e saj. Por debati i ashpër është bërë mes Blushit dhe deputetëve socialistë mbështetës të kryetarit Rama. Në përpjekjet e tij për të argumentuar bojkotin si dështim politik të PS-së në këto gjashtë muaj, qëndrim që është denoncuar nga ai vetë dhe deputetët e anëtarët e kryesisë që e mbështesnin, Blushi ka marrë një reagim të ashpër nga deputetë pranë kryetarit socialist, duke krijuar një situatë të tensionuar në sallë. Deputetët që kundërshtonin Blushin janë ngritur në këmbë, gati për të prishur mbledhjen, duke i kujtuar atij se këto argumente i kanë dëgjuar shumë herë gjatë muajve të bojkotit. Acarimi ka kaluar deri në sharje banale dhe fyerje, ndërkohë kryesocialisti ka kërcënuar se nuk do të lejojë të prishet kauza dhe fryma e grupit të deputetëve socialistë. Tensioni ka arritur kulmin, derisa Rama ka kërkuar 10 minuta pushim për tu qetësuar, ndërsa deputetët e kanë konsideruar këtë moment si një rast të mirë për të kërkuar një "paqe" për të çuar deri në fund vendimin e marrë për të bërë betimin sot në Parlament dhe për të mbyllur përfundimisht debatin për djegien e mandateve të tyre.

Debati në mbledhje

Arben Malaj: Ky është një vendim politik dhe më parë duhej të përgatitej nga Kryesia e partisë. Oferta jonë politike e paraqitur sot është e paqartë. Nëse ajo nënkupton thjesht betimin dhe paraqitjen e projektligjit dhe pastaj daljen sërish nga Parlamenti, kjo nuk është ndërprerje bojkoti, por një veprim politik i cunguar, jo i plotë dhe jo efektiv. PS duhet të tregojë realisht se do të fillojë një opozitë produktive në Parlament. Ne duhet të bëjmë organizimin e plotë të grupit parlamentar. Së pari, të përzgjedhim drejtuesit politikë të grupit parlamentar dhe së dyti, të paraqesim në seancë propozimet konkrete për përfaqësuesit e PS në komisionet dhe delegacionet parlamentare.
Edi Rama: Qëndrimi ynë është i qartë, do jemi në Parlament me kushtin e hetimit të pakushtëzuar të zgjedhjeve. Sot nuk jemi në momentin e zgjedhjes së njerëzve që t'i thua.
Arben Malaj: Nuk m'u përgjigje për zgjedhjen e drejtuesve të grupit dhe të komisioneve, s'mund të shkojmë në Parlament pa ndarë detyrat. Unë flas për partinë time dhe për askënd tjetër.
Edi Rama: Nuk do të të jap atë përgjigjen që do ti, ta thashë mendimin tim.
Ben Blushi: Sot jemi gjashtë muaj pas marrjes së vendimit të bojkotit të Kuvendit dhe po bëjmë një veprim që ne e kemi kërkuar 6 muaj më parë. Siç e kemi thënë dhe atëherë, ky ishte një vendim aspak i dobishëm për PS, ne jemi dobësuar më shumë si parti. Atë që ne po bëjmë sot, ne kemi gjashtë muaj që e kërkojmë. Prandaj ju duhet të na kërkoni ndjesë për qëndrimin armiqësor që keni mbajtur, kryesisht e kam me kryetarin, i cili ka mësuar njerëz të na quajnë si të blerë nga Berisha dhe që kemi mision të njëjtë me Berishën. Sot ne jemi këtu, dhe ju po vendosni pikërisht atë që neve na e paska mësuar Berisha.
Edi Rama: Mos vazhdo gjatë se edhe 1 minutë kohë ke!
Ben Blushi: Unë kam kohën time dhe s'mund të ma kufizojë njeri, po flas në forumin e partisë sime. U vërtetua se ky qëndrim nuk do ta çonte PS në asnjë rezultat. Ne nuk arritëm dot të hapim kutitë, nuk arritëm dot të shkaktojmë zgjedhje të parakohshme, nuk arritëm dot të sensibilizojmë komunitetin ndërkombëtar të jetë palë me ne dhe të na mbështesë në iniciativat tona.
(Ngrihen në këmbë disa deputetë dhe nisin zhurmojnë duke kërkuar ndërprerjen e fjalës së Blushit dhe mbylljen e mbledhjes)
Xhemal Qefalia: Ulu se kemi 6 muaj që të dëgjojmë..
Artan Gaçi: Mbylle gojën, qepe boll të dëgjuam..
Ben Blushi: Ju do të dëgjoni argumentet tona që kemi gjashtë muaj që i themi dhe nuk keni dashur t'ia vini veshin, sot po i pranoni me veprime.
Sadri Abazi: Boll të dëgjuam. Kemi gjashtë muaj që dëgjojmë 5 deputetë, ndërsa ne jemi 60 deputetë. S'mund të na imponoheni.
Besnik Bare: Kemi dëgjuar gjithë këtë periudhë të njëjtat gjëra
Ben Blushi: Ti Besnik mos fol, se flet vetëm atëherë kur i ke gjërat të shkruara më parë.
Fatmir Toçi: Ulu Blush se je përkëdhelur shumë, nuk do të dëgjojmë vetëm ty, ngele sa në një televizion në tjetrin dhe thua të njëjtat gjëra. Je bërë maniak televiziv.
Ben Blushi: Ti Fatmir dëgjo më mirë se je deputet i ri, madje unë të kam bërë deputet.
Fatmir Toçi: S'është e vërtetë që më ke bërë ti mua deputet. Ti ke folur keq për mua te Rama. Por nëse do të sqarohemi, dil jashtë po deshe të sqarohemi tamam.
(Ofendohen me njëri-tjetrin dhe Rama kërkon 10 minuta pushim që të qetësohet situata)
Rama çohet të dalë nga salla, ndërsa është deputeti Tom Doshi i kërkon të qëndrojë; "Ti duhet të qëndrosh këtu, s'ke për të ikur, jam unë këtu!"
(Deputetët i kërkojnë njëri-tjetrit të mos vazhdojnë me sherre dhe ofendime, sepse kjo mund të ndikojë në anulimin e vendimit për të bërë betimin)
Pas pushimit
Edi Rama: Nuk është e vërtetë se nuk kemi dalë të fituar nga ky qëndrim i PS në gjashtë muaj. Nëse nuk do të kishim mbajtur këtë qëndrim, nuk do të ishte sensibilizuar faktori ndërkombëtar, i cili nga ana e tij nuk e përjashton hetimin e kutive. Dua të jem i qartë për herë të fundit. Kjo është hera e dytë që prishni mbledhjen e grupit të deputetëve. Nuk do lejoj të vazhdoni të deformoni kauzën tonë brenda dhe jashtë grupit. Nuk do lejoj të prishni frymën e grupit. Do të përfshijmë në statut se kush ofendon do të dalë jashtë mbledhjes. Me kaq mbledhja mbyllet!

Aristir Lumezi
PANORAMA

[Duaje Siveten]

Jo mer vlla, e ka mir salis ... ia ka bo rrup-sup partis demokratike ... nuk guxon kush me i dale kunder se ikanakohet, ngrihet, paralizohet, kryqezohet ... e ka bo trup i vetem si puniste ...

edhe hajvanlliqe e llafe rrugaçesh qe ai perdor, lejfenet e servilat i marrin per fjale ari ...

kalorsi "don kihot" i tropojes ...