Opozita thyen bojkotin e hyn në parlament, braktis sallën e Kuvendit në protestë

[Antimafia]

nga pa-aftesia per te ngritur e respektuar institucionet dhe shtetin e se drejtes, salis (ende nuk dihet me çfare motivi) kerkon qe vullnetin e popullit ta mbaje te mbyllur ne kuti ...

kete radhe duhet vendosur "gardhi" i duhur per te mos lejuar lahpera si puna e salis e langaraqe te tjere qe i vene pas per te mos luajtur me vullnetin e popullit ...

ne kete rast, transparenca e kutive te votimit eshte i rendesise se jashtezakonshme per demokracine e brishte Shqiptare ...

Lexo ndonjehere edhe ndonje politikan inteligjent, si Ben Blushi, qe te mos ngelesh ne nivelin e atyre bujqve nga myzeqeja, te cilet mbushin mitingjet e te majteve Ngjela, Ndoka, Dule, Velia edhe Rama.

Fjalimi i plotë i Blushit në Asamble: Edi Rama nuk pranon humbjen, po mban peng PS-në

BEN BLUSHI

Të nderuar miq,
Në radhë të parë dua t’ju falënderoj të gjithëve pa asnjë përjashtim për betejën e përbashkët të datës 28 qershor, një betejë në të cilën pa asnjë dyshim secili prej nesh këtu bashkë me më shumë se 60 mijë anëtarë të PS besoi dhe luftoi për një Shqipëri më të mirë dhe më të begatë se ajo që kishim dhe ajo që mesa duket do të kemi pas 28 qershorit. Kam parë kandidate, komisionere gra, burra të rinj dhe të moshuar, fëmijë të cilët nuk kursyen asgjë për fitoren tonë. Ata sot duhen falënderuar sepse ata ishin shpresa, qëllimi dhe e vërteta që na shtyu në këto zgjedhje. Ata ishin arsyeja e këtyre zgjedhjeve dhe unë sot kam ardhur këtu të flas në emër të tyre.
Sot ne jemi mbledhur për të kuptuar se çfarë ndodhi në 28 qershor. Sot jemi mbledhur për të kuptuar arsyen e 28 qershorit. Sot jemi mbledhur për të folur në emër të së vërtetës dhe unë do përpiqem të them të vërtetën time.
Pyetja është: -“Kemi humbur apo kemi fituar në 28 qershor?”. Për disa ditë ne u thamë shqiptarëve se as kemi humbur dhe as kemi fituar por kemi barazuar. Më pas u thamë se ne kemi fituar, por fitorja jonë u mohua, u vodh, u nxi dhe u shtrembërua. Që të mos bëjmë një lojë fjalësh më duhet të them atë që mendoj pavarësisht nëse shumë të tjerë e ndajnë apo nuk e ndajnë të njëjtin mendim me mua. Fatkeqësisht zgjedhjet e 28 qershorit janë humbur. Dikush thotë se askush nuk ka fituar dhe kjo mund të jetë përgjithësisht ngushëlluese. Por këtu ne jemi në shtëpinë tonë dhe jo tjetërkund dhe për të këtë arsye duhet të flasim për pamundësinë që kemi për të qeverisur Shqipërinë. Ne u futëm në këto zgjedhje për të qeverisur vendin dhe këtë mundësi nuk do ta kemi. Ne u futëm në këto zgjedhje për të pasur më shumë vota se Sali Berisha dhe e djathta dhe këtë fakt nuk e kemi. Ne u futëm në këto zgjedhje për të fituar më shumë, të paktën një mandat parlamentar më shumë se qeveria dhe këtë fat nuk e kemi. Ne u futëm në këto zgjedhje për të ndryshuar Shqipërinë dhe këtë mundësi nuk na e dhanë. Do isha sot njeriu më i lumtur në Shqipëri sikur dikush të më bindte për të kundërtën. Do doja të mbyllja sytë dhe të besoja së në fakt kemi fituar. Po përpiqem ti mbyll sytë por kjo nuk më çon askund aq më pak me fitore. Kur flas kështu dua të më besoni se jam një nga njerëzit më të trishtuar në Shqipëri sot, ashtu si qindra mijëra të tjerë, që ashtu si unë besuan se Partia Socialiste dhe e majta që ajo përfaqësonte mund të sillte një erë të re. Kam besuar deri çastin e fundit, deri në votën e fundit se diçka mund të kthente, se qoftë edhe një votë mund të bënte diferencën. Kjo nuk ndodhi dhe tani është koha miqtë e mi për t’i hapur sytë. Nëse i mbajmë sytë mbyllur nuk do kemi më shpresë t’i hapim në kohën e duhur për të parë rrugën tonë.Ka kolegë në këtë sallë dhe jashtë kësaj salle, që nuk ndajnë të njëjtin mendim me mua. Unë nuk paragjykoj askënd prej tyre. Në fund të fundit besimi dhe shpresa vdes e fundit. Mua nuk më ka vdekur as besimi dhe as shpresa, por duke u nisur nga e vërteta dua të them atë që besoj. Vota e 28 qershorit më ka bërë të mendoj ndoshta gjëra që nuk i besoja përpara kësaj date. Shqiptarët kanë folur dhe ne duhet t’i lexojmë. Kjo sepse shqiptarët janë më inteligjentë se të gjithë ne bashkë. Për humbjen tonë nuk e kanë fajin shqiptarët dhe kushdo që i akuzon ata bën një gabim që natyrisht nuk e vuajnë shqiptarët.
Pyetja tjetër që i kam bërë vetes gjithë këto ditë të zhurmshme është: “Si ka mundësi që ne nuk fituam? Çfarë nuk funksionoi? Çfarë lamë ne pa bërë, çfarë në fund të fundit duhet të kishim bërë më shumë se ato që bëmë?”
Pse humbi PS
Po e them sot se çfarë besoj.
Ne nuk u dhamë arsye shqiptarëve të besojnë se ne qeverisim më mirë se ata që janë në pushtet. Në rastin më të mirë për ne, vota e shqiptarëve është ndarë në mënyrë të barabartë gjysmë për gjysmë dhe unë edhe këtë e konsideroj humbje. Si ka mundësi që megjithë korrupsionin, me gjithë Gërdecin, me gjithë vonesat në reforma, me gjithë folklorin e padurueshëm të Sali Berishës, me gjithë vyshkjen e tij prej fosili 20-vjeçar, me gjithë vonesën që i ka shkaktuar Shqipërisë për dy dekada, megjithë dhunën dhe pabesinë që ka inkurajuar dhe frymëzuar ndër shqiptarë për kaq shumë vite ne nuk arritëm të marrim qoftë edhe një votë apo një mandat më shumë.
Ka nga ata që thonë jo, ne kemi fituar. Partia Socialiste është forcë e parë në Shqipëri. Kemi të paktën 10 mijë vota më shumë se Partia Demokratike. Ky është një ngushëllim, por nuk mund të jetë një justifikim sepse kjo nuk mjafton. PS është parti e parë në Shqipëri historikisht, por është e dhimbshme të thuash dhe të pranosh se megjithëse është parti e parë, prej 20 vjetësh, sot ajo nuk qeveris dot. Kjo na a bën arsyetimin dhe fajin edhe më të rëndë secilit prej nesh. Ka nga ata që thonë se ne kemi fituar, se kemi më shumë vota se PS e vitit 2005. Por unë ju pyes, me kë ishim në garë ne, me Partinë Socialiste të para katër viteve apo me të djathtën e vitit 2009. Ky argument bie dhe na e errëson të vërtetën. PS e vitit 2009 nuk ka konkurruar me PS e vitit 2005 dhe të ngushëllohesh se ke mundur veten nuk të çon asgjëkund, maksimumi të çon në mohim dhe të bën qesharak. Unë nuk kam qenë në garë me deputetin e Korçës të vitit 2005 dhe askush nga ne nuk ka konkurruar me veten e tij. Besoj se sot është dita për të mos i marrë në konsideratë këto argumente numerike, sepse kjo rrëzon gjithë filozofinë mbi të cilën shumë prej nesh dolën në këtë fushatë. Ka shumë njerëz në këtë sallë që gjatë fushatës u instruktuan padenjësisht të thonë në debate televizive se ata nuk e njohin PS e vitit 2005. Unë nuk e paragjykoj papjekurinë e tyre, por si ka mundësi që pas zgjedhjeve kthehen dhe pranojnë se jo vetëm e njohin PS e 2005, por kanë fituar mbi të, sepse e kanë mundur me vota. Në të vërtetë, e kush është e vërteta? E vërteta është se në këto katër vite për arsye demografike janë shtuar mbi 150 mijë votues dhe ne kemi marrë as më shumë dhe as më pak por vetëm gjysmën e tyre. Po aq sa nga votues të rinj ka marrë e djathta. Si ka mundësi pra, që politika e re nuk ka marrë votën e atyre që u thirrën për herë të parë në votim dhe të paktën kishin arsye ta shijonin më shumë këngën tonë elektorale se sa këngën e ndryshkur të Partisë Demokratike.
Dhe gradualisht vijmë tek ai grup që thotë, asgjë nga këto nuk është e vërtetë. Gjithçka ka funksionuar shumë mirë, edhe politika e re, edhe përtej se majtës dhe të djathtës edhe mohim i gjithçkaje përpara vitit 2005, edhe çarja e së majtës, edhe mungesa e programit, edhe taktika elektorale, të gjitha pra, kanë shkuar në drejtimin e duhur, por votat na u vodhën. Unë pyes sot sa vota na janë vjedhur që na penguan të vijmë në pushtet? Katër mandate, apo 30 mijë vota. Nuk e besoj dot këtë jo se nuk dua t’i besoj, por sepse nuk kam prova. Dua të besoj se fitorja na është vjedhur por u lutem më ndihmoni ta provoj. Thënë këto, askush të mos mendojë dhe as të spekulojë, së dua qoftë edhe në ditën time më të keqe t’i njoh Sali Berishës meritën për zgjedhje të ndershme. Ashtu si shumica prej jush edhe unë jam rritur dhe kam luftuar me bindje gjithë këto vite se Sali Berisha dhe demokracia janë dy gjëra që nuk puqen. Por nga ana tjetër, duke njohur deformimet e këtyre zgjedhjeve e kam të vështirë të pranoj se ne fituam, por fitorja na u vodh. Fitoren ne nuk e patëm, sepse nuk e arritëm dhe Sali Berisha na ka vjedhur kryesisht vetëm arsyen për të njohur humbjen. Dhimbja se ky njeri sot është në pushtet na detyron të besojmë se edhe mund të jemi vjedhur. Dhe në fakt nëse ka shqiptarë të vjedhur nga Sali Berisha shumica dërrmuese e tyre janë jashtë kësaj salle. Ata rrinë dhe shohin se si ne ishim të papërgatitur për të fituar. Ata vuajnë për shkakun tonë, vuajnë nga paaftësia jonë, vuajnë nga pamundësia për të ndryshuar Shqipërinë dhe jetën e tyre.
Eshtë dita besoj që ne t’i kërkojmë ndjesë shqiptarëve. Në vitin 2005, Edi Rama i kërkoi ndjesë shqiptarëve se socialistët i qeverisën tetë vjet, duke e normalizuar Shqipërinë. I kërkoi ndjesë për gjëra që nuk kishin arsye për ndjesë, për gjëra që ai i kishte bërë bashkë me socialistët e tjerë, duke harruar se PS e la Shqipërinë, sidoqoftë shumë më mirë se ç’e gjeti në vitin 1997. Po sot a ka arsye për ndjesë, qoftë edhe pse nuk provon dot se Sali Berisha ka vjedhur vota. Pa dyshim që po dhe unë habitem se si nuk e bën. Eshtë e çuditshme të shohësh një njeri, të cilit i ke besuar, se si mohon gjithçka që të tjerët e kanë bërë mirë dhe nuk pohon asgjë që vetë mund ta këtë bërë keq. Unë besoj se pavarësisht nga pikëpamjet e ndryshme, që mund të kemi për këto zgjedhje ne socialistët duhet t’i kërkojmë shqiptarëve ndjesë. Edi Rama i pari dhe ne të tjerët të gjithë pas tij.
Por nëse dikush sot do të më pyesë a u vodhën zgjedhjet apo u humbën, unë do them pa asnjë hezitim dhe se këtyre zgjedhjeve po u vidhet humbja. Ne kemi humbur, sepse nuk kemi mundur të fitojmë dhe e vërteta po fshihet për një arsye personale dhe aspak parimore. Edi Rama nuk do të pranojë humbjen dhe kjo është arsyeja që po mban peng gjithë Partinë Socialiste, duke i premtuar shqiptarëve të zhgënjyer, madje edhe zgjedhje të parakohshme. Për çfarë? Që të votojnë prapë për Edi Ramën për ta rizgjedhur kryetar të Partisë Socialiste. Eshtë një qëllim shumë i vogël për t’u arritur me një gënjeshtër kaq të madhe. Kjo është njëlloj si t’i propozosh dikujt të japë borxh, pasi nuk i ke kthyer borxhin e parë. Ka mënyra më të ndershme që Edi Rama të mbetet në krye të PS. Nuk ka pse i vë një njollë PS, nuk ka pse gënjen njeri, nuk ka pse i vë vendit një damkë të ekzagjeruar, nuk ka pse gënjen veten në fund të fundit. Mjafton të thoshte të vërtetën e këtyre zgjedhjeve dhe kjo do të ishte një rrugë shumë më e sigurt për të mbetur në krye të Partisë Socialiste. Rruga më e shkurtër do ishte të pranonte humbjen, qoftë edhe për shkaqe që nuk varen vetëm nga ai. Kështu po, mund të kishte një arsye për t’i kërkuar partisë së vet t’ia ripërtërinte kontratën e punës, duke i dhënë një shans të ri. Ka shumë raste në botë kur liderët kërkojnë një shans të dytë dhe prandaj ata mbeten liderë. Por ata e nisin arsyetimin e tyre nga e vërteta. Dhe e vërteta jonë është se zgjedhjet nuk u humbën vetëm për shkak të deformimeve, por sipas mendimit tim u humbën në radhë të parë nga mungesa e një oferte të kuptueshme. Ne nuk i dhamë shqiptarëve asnjë premtim sepse nuk i dhamë asnjë program. Dhe në këtë pikë nuk bëmë dot diferencën me Partinë Demokratike dhe të djathtën. Dikush thotë se ne kishim një program me 1000 faqe, por unë duhet të pohoj sot se nuk kam parë asnjë faqe të këtij programi. Aq më pak shqiptarët kuptuan dot se çfarë do bëjmë ne për ekonominë, çfarë do bëjmë për taksat, si do ta ulim papunësinë, si do shpërndajmë të ardhurat e këtij vendi, ku do investojmë, si do i bëjmë më të lira dhe më cilësorë shërbimet nga arsimi deri tek shëndetësia dhe të tjera. Edhe nëse thamë diçka ato ishin aq të përgjithshme dhe për këtë arsye mbeten po aq të paqarta dhe prandaj nuk bënë dot diferencën që prisnim në vota.
Çarja e së majtës
Për të vazhduar dua të them se çarja e të majtës ishte një defekt që na kushtoi në 2005 dhe nuk duhej të na kushtonte në 2009, aq më tepër që në e bashkuam të majtën në vitin 2007 dhe kjo u provua e suksesshme. Në këtë pikë ndoshta të gjithë jemi pak fajtorë dhe nuk do ishte e drejtë sot t’ia linim përgjegjësinë vetëm Edi Ramës, por për hir të së vërtetës marrëdhëniet PS-LSI nuk janë konceptuar në këto katër vjet kurrë si marrëdhënie mes dy partish, por si marrëdhënie personale mes Edi Ramës dhe Ilir Metës, si dy bashkëpuntorë të vjetër dhe dy kundërshtarë të rinj dhe në këtë mes ishte e vështirë për këdo të futeshe mes dy miqsh dhe dy armiqsh. Për hir të së vërtetës, kjo është e vërtetë dhe nëse sot socialistët janë pa punë dhe pa shpresë dikush mund të thotë se e majta nuk erdhi në pushtet, sepse Edi Rama dhe Ilir Meta u zunë për një vend pune. Kush ka dëgjuar ndonjëherë që PS dhe LSI të zihen apo të afrohen për shkaqe programesh apo idesh. Jo, gjithmonë është thënë se konflikti ishte për kryeministrin pra për një vend pune dhe kjo e bën edhe më të pafalshëm këtë konflikt dhe po aq të pajustifikueshëm. Sepse kjo gjë ishte kaq personale besoj se edhe përgjegjësia duhet të anojë nga personi më shumë se nga partia. Ky raport do duhej të ishte zgjidhur për të mirën e të gjithë atyre që edhe pas 28 qershorit besuan se ne ishim 70 me 70. Por ne mund të ishim 70 me 70 vetëm duke menduar për 28 qershorin, përpara 28 qershorit dhe nëse doni ta ndajmë këtë miopi jam gati ta ndajmë siç duhet, duke marrë secili pjesën e vet pa dyshim sipas racionit sepse unë nuk mund të harroj se Edi Rama në vitin 2005 premtoi ta bashkonte të majtën gjë që e bëri në vitin 2007 dhe jo në vitin 2009. Koalicionin PD-LSI e kemi krijuar ne socialistët dhe kjo është një arsye më shumë për t’i kërkuar ndjesë shqiptarëve. Ne jemi shkesët e kësaj martese dhe këtë e them pa pasur asnjë frikë se dikush do më akuzojë se po mbroj një gjë që nuk mbrohet. E thashë në fillim dhe e përsëris është dita për të folur për mëkatet tona. Mëkatet e të tjerëve do kemi katër vjet kohë në opozitë për t’i regjistruar dhe shpresoj për t’i denoncuar.
Eshtë koha sot për të pohuar se politika e re pati vetëm një rezultat: përçau të majtën më keq se ç’e gjeti. I la jashtë parlamentit të gjitha partitë e tjera aleate, la jashtë qeverisjes Partinë Socialiste dhe sot, sidomos pas 28 qershorit politika e re është bërë e vjetër deri në pikën që mohon realitetin. Unë besoj se Politika e re dështoi, sepse ishte një projekt personal. Politika e re ishte projekti i Edi Ramës dhe jo i Partisë Socialistë dhe prandaj Partia Socialiste nuk ka pse vuan për humbjen e saj. Politika e re lindi vetëm për të s’kualifikuar njerëz dhe jo për t’i dhënë Shqipërisë një projekt, një vizion dhe prandaj ka dështuar. Inkurajimi i saj sot do të thotë të vazhdojmë në një rrugë të vjetër ku kemi shkelur dhe më keq akoma kemi ngecur. Politika e re nuk propozoi asnjë reformë, asnjë premtim por i tha shqiptarëve vetëm një gjë : votoni për Edi Ramën, të tjerat i di ai. Natyrisht që shqiptarët donin të dinin diçka më shumë dhe meqë Edi Rama nuk ua tha përmes një programi ata e morën me mend dhe votuan në mënyrë skeptike në 28 qershor. Politika e re miqtë e mi, sot duhet konsideruar një eksperiment i dështuar që nuk ka asnjë arsye të riciklohet dhe aq më pak të ambalazhohet si një mall i ri pas keqpërdorimit nga klientët e vjetër.
PS në opozitë

[Duaje Siveten]

Lexo ndonjehere edhe ndonje politikan inteligjent, si Ben Blushi, qe te mos ngelesh ne nivelin e atyre bujqve nga myzeqeja, te cilet mbushin mitingjet e te majteve Ngjela, Ndoka, Dule, Velia edhe Rama.

ti, mor bir, nuk merresh vesh ... je pergjegjes i edukimit salist ne pd, apo i edukimit anti-edvinist ne ps??? apo te dyja bashke ...

stilin e studimit e paske me lajle e me lujle ... theksime ... nenvizime ... kuqelime ...

[SERAFIM DILO]

Se mar vesh,pse ska fituar Parashqevi Simaku.....Duhen hapur kutit e votimeve!

[Besoja]

Kishin hapur mbrëmë gjashtë kuti...konserva peshku...
Ja,filluan të hapen ndaj mos kini merak fare...ehehehehehehe...

[Guri i Kuq]

Zbardhen 3 orët e bisedës, batutat Berisha-Rama »

Vendosur: 14/02/2010 - 12:51 ,"Panorama" ,Tirane


•

ADI SHKEMBI

Tre vjet pas bisedimeve të mbajtura në presidencë për të mundësuar zhvillimin e zgjedhjeve lokale, një tjetër tryezë e të njëjtës rëndësi mbahet në këtë institucion. Këtë herë jo për të zhvilluar një palë zgjedhje, por për t’i hetuar ato. Edhe dje protagonistët ishin të njëjtët. Edi Rama, sërish në krye të PS-së, Bamir Topi, atëherë nënkryetar i PD-së dhe tani President dhe Sali Berisha, i cili në 2007 nuk ishte i pranishëm. Për rreth 3 orë nën moderacionin e kreut të shtetit është debatuar mbi kërkesat e dy forcave politike, të cilat edhe në këtë tryeza ishin diametralisht të kundërta. Gazeta ka mundur të zbardhë përmes të tre palëve në tryezë pjesë nga dialogu, duke e rindërtuar atë. Në bisedime përveç përfaqësuesve të dy forcave politike, kreu i shtetit shoqërohej edhe nga dy këshilltarët e tij, Spiro Peçi dhe Arben Cici të cilët gjatë gjithë kohës kanë mbajtur shënime. Në tryezë kryeministri Berisha ka kërkuar që bisedimet të vazhdojnë në nivel ekspertësh, të cilët të përgatisin një draft me pëlqimin e të dyja palëve. Propozimi i kreut të qeverisë është pranuar parimisht nga Ruçi, por është kundërshtuar menjëherë nga Rama, i cili ka insistuar që edhe në tryezën e ardhshme niveli politik të jetë më i larti. Në këto kushte kreu i shtetit do të thërrasë një tjetër tryezë, kur palët të jenë afruar në qëndrime, në nivel kryetarësh.
Tryeza
Mësohet se rreth dy orë të takimit të djeshëm i ka marrë kreu i PS-së, Edi Rama, i cili ka argumentuar gjerësisht përse hapja e kutive nuk shkel vendimin e gjykatave dhe nuk del mbi Kushtetutën. Zgjatja e kreut të opozitës në argumente të shumtë juridikë, por edhe teknikë, ka detyruar Presidentin Topi në një moment t’i kërkojë Ramës të mos flasë gjatë, pasi sipas tij harrohen çështjet e para dhe mbahen mend ato të fundit. Në 180 minuta bisedime, negociata dhe batuta ka pasur dy momente kur kreu i shtetit ka ndërhyrë, madje edhe duke ngritur zërin. Kanë qenë episode kur Berisha e Rama kanë shkëmbyer replika mes tyre, ndërsa Presidentit i është dashur të ndërpresë krerët e partive, edhe për të treguar se në atë tryezë ishin pikërisht për të gjetur zgjidhje dhe jo për të thelluar hendekun mes tyre.
Batutat
Gjatë tryezës së thirrur nga Presidenti kanë qenë të shumta batutat, ironitë dhe akuzat mes kryetarit të Partisë Socialiste, Edi Rama dhe kreut të maxhorancës, Sali Berisha. Që në fillim të saj Rama ka akuzuar Berishën se ka dashur të përçajë opozitën duke tentuar të blejë deputetët e saj. Por menjëherë pas këtyre fjalëve ka ndërhyrë Topi, duke i rikujtuar Ramës se nuk është ky qëllimi i kësaj tavoline. Nga ana tjetër kryeministri Berisha, teksa ka sjellë shembuj se gjykatat i kanë marrë mandatet partisë së tij, nuk ka kursyer as aleatin aktual, ish kundërshtarin, Nikollë Lesi. Sipas Berishës zv.ministri aktual i uroi në vitin 2001 urime kandidatit të PD-së dhe më pas kreu i Gjykatës Kushtetuese i asaj kohe, Fehmi Abdiu ia dha botuesit mandatin e deputetit. Një tjetër moment batutash ishte ai në mesin e mbledhjes kur Rama ka thënë se ai është fituesi moral i këtyre zgjedhjeve, ndërsa Berisha i është përgjigjur “Urime, të përgëzoj, por unë jam Kryeministri i Shqipëri”.


Dialogu në tryezën e Presidentit

Topi: Unë në bazë të Kushtetutës dhe në bazë të Rezolutës së Asamblesë Parlamentare të Këshillit të Evropës dhe kërkesës së Faktorit Ndërkombëtar kam thirrur këtë tryezë të gjejmë një zgjidhje për ngërçin politik.
Berisha: Unë jam i gatshëm për çdo zgjidhje për çdo lloj kompromisi çfarë kërkon opozita që ta zgjidhim, përjashtuar shkeljen e vendimit të Gjykatave dhe Kushtetutës.
Rama: Ti ke dashur të blesh deputetë e Partisë Socialiste dhe të përçash PS-në. Nuk je kaq luajal sa thua.
Topi: Nuk është kjo çështja që ne jemi mbledhur. Ne jemi mbledhur për të diskutuar Rezolutën e Këshillit të Evropës.
Berisha: Jo s’ka problem unë mund të diskutoj për çdo gjë. Këto janë çështje tipike që mund t’i zgjidh unë dhe zoti Rama. Le të bëjë një listë ai me problemet e tij dhe të diskutojmë çfarë duhet të zgjidhim.
Rama: Këto janë sa për hyrje, por kërkesa ime kryesore është që të hapen kutitë. Në bazë të Kushtetutës, kërkojmë transparencën e zgjedhjeve, nuk kërkojmë pushtet në tavolinë. Kërkesa jonë për hapje kutish nuk shkel asnjë vendim gjykate dhe nuk e shkel Kushtetutën. Faktin që s’duam pushtet në tavolinë e shprehim edhe në memorandumin që ju kemi dërguar edhe juve, ku garantohet kjo gjë dhe kërkojmë vetëm transparencën e zgjedhjeve. Ne nuk duam të kemi zgjedhje si ato të 2009.

***
Berisha: Kutitë mos m’i kërko mua se nuk është çështja ime. Është çështja e jote me gjykatat. Unë nuk kam në dorë as të hap as të mbyll kutitë.
Rama: Edhe ti ke deklaruar që po të hapeshin kutitë të takon një mandat në Fier, kështu që hajde të hapim kutitë, të verifikojmë këto pretendime që kemi. Ne e njohim rezultatin, por kërkojmë hetim të zgjedhjeve duke përfshirë materialet zgjedhore, votat dhe çdo gjë që kanë kutitë brenda.
Berisha: Është problemi yt me gjykatat. Edhe unë jam i penalizuar nga gjykatat. Partisë Demokratike Fehmi Abdiu i ka marrë mandatet që kishte fituar. Ne s’na kanë pëlqyer por s’kishim çfarë të bënim, I kemi pranuar. Nikollë Lesi i tha kandidatit tim urime dhe pastaj ia dha Fehmi Abdiu mandatin.
Rama: Hapja e kutive nuk shkel asnjë vendim gjykate, as Kushtetutën.
Topi: Mos e zgjat kaq shumë se harrojmë ato që ke thënë në fillim dhe mbajmë mend këto që thua në fund.

***
Rama: Unë jam fituesi moral i këtyre zgjedhjeve.
Berisha: Urime, të përgëzoj, por unë jam Kryeministri i Shqipëri.

***
Pas 2 orë e 50 minuta bisedime
Berisha: Ne nuk kemi ca të bisedojmë më, unë them që biseda të vazhdojë në nivel ekspertësh, ose një përfaqësues politik dhe një ekspertë ose dy ekspertë. Unë propozoj zotin Patozi dhe një ekspert.
Ruçi: Bisedimet mund t’i vazhdojmë me nivel politiko- ekspertë.
Rama: Kjo nuk është çështje ekspertësh. Ne s’jemi për pazar, ne jemi këtu që të na jepet e drejta jonë për të hapur kutitë dhe për të hetuar zgjedhjet. Kjo është çështje vullneti politik, kështu që tryeza duhet të vazhdojë në këtë nivel politik që është.
Berisha: Presidenti të eksplorojë pika takimi mes argumenteve tona dhe të na njoftojë nëse ka ndonjë formulë që na afron.
Topi: E mbyllim mbledhjen, për t’u takuar sërish pasi të afrojmë qëndrimet.


Pritja në Presidencë, vetëm kafe e ujë në tryezë

Protokolli i Presidentit parashikon se personalitetet përpara se të hyjnë në takim me kreun e shtetit, duhet të priten në derën kryesore të këtij institucioni. Shefi i Protokollit të Presidencës, Enkes Shundi priti dje fillimisht kreun e PS-së, Edi Rama i shoqëruar nga Gramoz Ruçi dhe më pas kryeministrin Sali Berisha i shoqëruar nga kreu i grupit parlamentar të PD-së, Astrit Patozi. Pjesë e përgatitjeve për tryezën ishin edhe vënia në dispozicion të pjesëmarrësve të një blloku shënimesh dhe një stilolaps. Si për koincidencë ngjyra e bllokut ishte blu, që përkon me ngjyrën e forcës politike ku Bamir Topi ka qenë anëtar deri në momentin e marrjes së postit më të lartë. Ndërkohë gjatë bisedimeve prej 3 orësh, pjesëmarrësve u është shërbyer kafe dhe ujë, ndërkohë që kamerierit të Presidencës i është dashur të hyjë vetëm një herë në fillim të mbledhjes për t’iu shërbyer krerëve të shtetit.


Takimi
Spastrohet rruga pranë Presidencës

Rreth 60 minuta përpara se të mbahej në Presidencë takimi më i rëndësishëm i këtij fillim viti, forcat e rendit përmes një aksioni të shpejtë kanë pastruar të gjitha ambientet pranë këtij institucioni. Megjithëse trotuari përballë hyrjes veriore shërben për parkimin e makinave të punonjësve të Presidencës, dje ai nuk mund të ishte i tillë, pasi blutë e kryeqytetit nuk e lejonin një gjë të tillë. E njëjta situatë ishte edhe në trotuarin përballë hyrjes lindore, e cila është me drejtim nga Pallati i Kongreseve. Disa forca policore njoftonin gjatë gjithë kohës shoferët të mos parkonin në atë zonë. Takimi u zhvillua në ambientin ku zakonisht mbahen mbledhjet e Këshillit të Sigurisë Kombëtare. Në këtë zyrë, e cila ndodhet në katin e parë të ndërtesës është e vendosur një tryezë në formë drejtkëndëshi dhe në krye të saj, mbrapa karriges së Presidentit është një pikturë dhe në krahun e djathtë flamuri ynë kombëtar.


Në tryezë ishin 7 vetë, Rama e nis me Memorandumin

Aristir Lumezi & Adi Shkëmbi

Kryetari socialist Edi Rama u paraqit dje para presidentit me një Memorandum për zgjidhjen e krizës. Në një tekst prej pesë faqesh, kryetari socialist argumenton arsyet politike dhe ato kushtetuese që mundësojnë transparencën e zgjedhjeve të 28 qershorit dhe hapjen e kutive të votimit. Atmosfera
Reshjet e shiut të cilat ranë gjatë gjithë mëngjesit të djeshëm, detyruan punonjësit e Presidencës të pastronin edhe njëherë pjesën përpara ndërtesës, ku do të ndalonin me radhë Presidenti, Kryeministri dhe kreu i opozitës. Ndonëse mikpritësi i takimit, kreu i shtetit u fut në zyrën e tij vetëm 12 minuta përpara se ajo të fillonte. Por ndryshe nga herët e tjera kur një eskortë e madhe shoqëronte kreun e shtetit, këtë herë ai kishte zgjidhur të hynte në Presidencë me vetëm dy makina shoqëruese. Në orën 10.55 në selinë e Presidencës ndaloi makina me targa Tiranë e kreut të Partisë Socialiste, Edi Rama i cili doli prej saj së bashku me kryetarin e Asamblesë Kombëtare, Gramoz Ruçi. Dy minuta më vonë në mesin e bulevardit “Dëshmorët e kombit” u pa eskorta e Kryeministrit Berisha, ku së bashku me të ishte edhe nënkryetari i PD-së, Astrit Patozi. Megjithëse protokolli i shtetit parashikon që Kryeministri të hyjë nga dera kryesore e Presidencës dhe zyrtarët e tjera nga hyrja dytësore, kreu i shtetit nuk ka dashur të bëjë diferencime në këtë pikë, teksa edhe Berisha por edhe Rama janë pritur nga dera me drejtim nga Pallati i Kongreseve. Pas hyrjes në zyrën ku do të mbahej takimi, krerët e shtetit kanë pritur jo më shumë se 48 sekonda derisa operatorët e televizioneve të bënin plane për të nisur më pas maratonën e diskutimit prej tre orësh. Por Presidenti Topi, Kryeministri Berisha me Patozin e Rama me Ruçin nuk ishin të vetmit në tryezën e thirrur për zgjidhjen e ngërçit politik që pas 28 qershorit. Në cepin e tryezës nga krahu ku rrinin përfaqësuesit e majtë ishin edhe dy këshilltarët e Presidentit, Spiro Peçi, ish deputet i PBDNJ-së gjatë kohës kur kjo parti ishte në koalicion me PD-në dhe ish ministër i Drejtësisë në kohën e PS-së, tani këshilltar ligjor, por edhe Arben Cici, ish shefi i protokollit të shtetit, tani këshilltar diplomatik i Presidentit.
Memorandumi
Në Memon e paraqitur në Presidencë dhe dorëzuar edhe Berishës, PS dëshmon vullnetin për të kontribuar në zgjidhjen e krizës politike që siç theksohet në tekst, i ka rrënjët në deformimin e votës së popullit dhe jep garancinë në një dokument të shkruar se nuk tenton marrjen e pushtetit në tavolinë. Sipas dokumentit të Partisë Socialiste, “objekti, gjetjet dhe raporti i komisionit hetimor të kërkuar nga PS nuk synojnë ndryshimin, rishikimin apo modifikimin e vendimit të Kolegjit Zgjedhor, i cili është i formës së prerë dhe i njohur nga PS me të gjitha efektet juridike”. Pas tre orë bisedimesh në fillim Berisha dhe më pas Rama lanë zyrën e kreut të shtetit, për t’iu drejtuar mediave, siç kanë bërë më shumë se kurdo gjatë këtyre tetë muajve që nga mbajtja e zgjedhjeve.

Takimi

10:48- Makina e Presidentit Topi me targë TR 001 Z e shoqëruar nga dy autovetura të tjera futet në Presidencë.
10:55- Në institucionin e kreut të shtetit hyn makina e kreut të PS-së, Edi Rama, i cili ishte së bashku me Gramoz Ruçin.
10:58- I fundit në tryezë mbërrin Kryeministri Berisha me kreun e grupit të PD-së, Astrit Patozi.
14:07- Kreu i Qeverisë del së bashku me Patozin nga Presidenca dhe flet për mediat
14:09- Rama largohet në drejtim të PS-së së bashku me Ruçin.


Argumentet
PS: Pse duhen hapur kutitë

Memorandumi i hartuar nga Partia Socialiste i është dërguar Kryeministrit Berisha dhe ambasadorëve më të rëndësishëm në Tiranë. Me Memorandumin janë njohur ambasadori amerikan Xhon Uidhërs, ambasadori i KE, Helmut Lohan si dhe ambasadori i Spanjës, Manuel Montobios, vend që mban presidencën e radhës të Bashkimit Evropian. Përmes tij, socialistët argumentojnë se hapja e kutive të votimit dhe hetimi i tyre përmes një komisioni hetimor parlamentar nuk pengohen nga Kushtetuta, madje është një e drejtë kushtetuese e opozitës parlamentare.

Memorandumi

Argumentet kushtetues për hapjen e kutive

Sqarojmë se hetimi parlamentar parashikohet nga Kushtetuta, ligji dhe jurisprudenca e Gjykatës Kushtetuese, si një atribut i pakicës parlamentare që realizohet brenda funksionit të kontrollit parlamentar

Pengimi i hetimit parlamentar përmes vendimmarrjes së shumicës parlamentare përbën shkelje të së drejtës kushtetuese të opozitës parlamentare

Objekti, gjetjet dhe raporti i komisionit hetimor për të kërkuar nga PS nuk synojnë ndryshimin, rishikimin apo modifikimin e vendimit të Kolegjit Zgjedhor, i cili është i formës së prerë dhe i njohur nga PS me të gjitha efektet juridike

Përcaktimi i objektit të hetimit është një e drejtë që disponohet nga pakica parlamentare. Kufizimi i objektit të hetimit deri në atë masë sa të bëjë të pamundur kryerjen e veprimtarisë hetimore të komisionit është ndaluar në mënyrë absolute nga Kushtetuta dhe praktika e Gjykatës Kushtetuese

Qeveria nuk mund të marrë atribute të Gjykatës Kushtetuese e të gjykojë mbi kushtetutshmërinë e kërkesës së pakicës mbi objektin, mjetet, veprimtarinë dhe raportin e hetimit parlamentar


Truprojat lëvizën dy herë makinën e kryeministrit
“Dolën... s’dolën”, lojë me operatorët jashtë gardhit të Presidencës

Takimi i parë në rang kryetarësh për daljen nga kriza që pas zgjedhjeve të fundit, në fakt nuk ka pasur vetëm anën politike. Për më shumë se tre orë mediave u është dashur të qëndrojnë përballë institucionit të Presidencës nga ana e Pallatit të Kongreseve për të pritur rezultatet e bisedimeve. Një urdhër i policisë bëri që trotuari pranë daljes së këtij institucioni të ishte i boshatisur, çka detyroi edhe qytetarët e thjeshtë të kalonin në rrugë nëse destinacioni i tyre ishte në drejtim të Universitetit Politeknik. Por më e vështirë kjo ishte për operatorët e televizioneve dhe gazetarët të cilët duhet të ndiqnin nga afër çdo lëvizje të badigardëve të Kryeministrit dhe kryetarit të Partisë Socialiste. Pas rreth një ore nga momenti kur kishin nisur bisedimet në tryezë, një prej shoqëruesve të tij hapi derën kryesore të Presidencës, çka u duk sikur takimi ishte mbyllur, por brenda pak sekondash u kuptua se ishte një alarm i rremë. Një orë më vonë, një tjetër fenomen i ngjashëm krijoi përshtypjen sikur palët po linin takimin. Shoferi i Kryeministrit Berisha lëvizi pak metra makinën, çka mobilizoi menjëherë operatorët, të cilët u zhgënjyen sërish se do të rrinin edhe për më shumë kohë në pritje të përfundimit të bisedimeve. Qëndrimi prej tre orësh para Presidencës koinçidoi edhe me zëvendësimin e truprojave të nderit që janë pjesë e protokollit të shtetit në këtë institucion. Por kohëzgjatjes së takimit iu shtuan edhe temperaturat e ulëta dhe në disa momente edhe reshjet, çka duket se detyroi operatorët ta merrnin më me nge atë, teksa thërrisnin herë pas here “dolën, dolën”, për pjesëmarrësit në bisedime. Pavarësisht drejtimit që morën këto bisedime të para, në orën 14.05 pa dyshim që ishin pikërisht përfaqësuesit e medias njerëzit më të lumtur kur i pari Kryeministri Berisha iu drejtua makinës së tij me targë TR 0007 Z dhe doli nga Presidenca për të folur për mediat, ndërsa kryetari i Partisë Socialiste, Edi Rama mori drejtimin nga selia e forcës që ai kryeson. Megjithatë puna e tyre nuk përfundoi në këtë moment pasi disa shkuan në selinë e PS-së, ku kreu i opozitës do të flisni mbi punimet e tryezës dhe pjesa tjetër priti orën 15.30 kur në një deklarim për shtyp do të dilte Presidenti.

[Guri i Kuq]

Deputetët e PS të kthehen në Kuvend, thonë zyrtarët e PE-së

Publikuar: Sot, më 14 shkurt 2010



Bruksel, 14 shkurt – Edhe një herë tjetër, Strasburgu i ka bërë thirrje Partisë Socialiste që të kthehet në Kuvend.
Deklarata është bërë nga zëvendës/presidente e Parlamentit Evropian, Roberta Angelilli, e cila i ka kërkuar kryesocialistit Rama që të kthejë deputetët në Kuvend dhe të nisë bashkëpunimin me qeverinë.
“Selia e Strasburgut ka kërkuar që opozita të mbyllë bojkotin e Parlamentit duke e ftuar të kryejë obligimin e përfaqësimit të zgjedhësve të saj në Parlament”, u shpreh Angelilli të shtunën.
“Ajo që dua të them është që partia e opozitës shqiptare të kthehet në Parlament dhe të bashkëpunojë me qeverinë e zgjedhur në mënyrë demokratike nga qytetarët shqiptarë, në mënyrë që të mund të garantohen reformat e nevojshme për Shqipërinë që ajo të marrë statusin e vendit kandidat për anëtarësim në Bashkimin Evropian”, vijoi ajo.

[POKO]

Rama: Unë jam fituesi moral i këtyre zgjedhjeve.
Berisha: Urime, të përgëzoj, por unë jam Kryeministri i Shqipëris.

hahaha nuk mund te rrije robi pa qeshur,me keto batuta qe leshon sala nganjehera

[prenceedi]

Rama: Ne e njohim rezultatin, por kërkojmë hetim të zgjedhjeve duke përfshirë materialet zgjedhore, votat dhe çdo gjë që kanë kutitë brenda.

Paskam harruar shqipen me duket.
Po perderisa e njeh rezultatin , pse nuk shkon ne parlament ky palla

Rama: Unë jam fituesi moral i këtyre zgjedhjeve.
Berisha: Urime, të përgëzoj, por unë jam Kryeministri i Shqipëri.

e forte kjo......mbaje Edvin , ta futi hahahah

[artur]

ka diçka ne kete mes, qe ta mesosh mire zotrote, dhe te tjere qe i bijne tambureve partiake ...

populli kerkonte ndryshime pas viteve '90 ... beri zgjedhjen e duhur, dhe ne menyre plebishitare ia dhane voten pd-se ne vitin '92 ...

ndersa ne Shqiperi vlonte trafiku i çfardollojte dhe u lejuan firmat piramidale qe po thithnin parate qe qarkullonin "me shumice", presidenti salis therriste pa pergjegjesi se jane te pasterta ...

pasi iu embelsua pusht-eti jasht mase, salis kreu zhvatjen zgjedhore '96, dhe iu dogj vendi ne duar, duke u ri-zgjedhur president ne kulmin e kaosit e te anarshise, per ta lene ate post dy muaj me vone ...

parate e popullit vane, pronat nuk kane vatur tek i zoti, edhe votat u vodhen ...

nga pa-aftesia per te ngritur e respektuar institucionet dhe shtetin e se drejtes, salis (ende nuk dihet me çfare motivi) kerkon qe vullnetin e popullit ta mbaje te mbyllur ne kuti ...

kete radhe duhet vendosur "gardhi" i duhur per te mos lejuar lahpera si puna e salis e langaraqe te tjere qe i vene pas per te mos luajtur me vullnetin e popullit ...

ne kete rast, transparenca e kutive te votimit eshte i rendesise se jashtezakonshme per demokracine e brishte Shqiptare ...

...edhe Une, si Ti tani, nuk e duroja fare te majten kur ishte ne pozite. Nuk eshte se enderra Ime, e Demokracise, ka qene Sali Berisha, por kuptoj qe Ai dhe vetem Ai qe ne gjendje te impenjohet, organizohet, mobilizohet e ti rezistoje te majtes shqiptare (te re e te vjeter). Per kete arsye duhet ta respektoj.
...Ajo qe kam kuptuar une eshte qe me dipllomaci zgjidhet me mire çeshtja per shumicen popullit. Politika te luaj rrolin e saj. Nuk jemi ne lufte me njeri tjetrin. Do vi mandati tjeter, ka kohe dhe per Edin. Kush kerkon '97, kush kerkon gjak NUK I DUHET SHQIPERISE.

....... po te kisha garancine qe e majta s'ka vjedhur vota.....mbase....po ne Shqiperi jane vjedhur, e per dreq do vazhdojne te vidhen votat si nga militantet e te djathtes e ashtu edhe te majtes (nuk mund te bejme si Gengis Khani-te jemi gati te vrasim gjysmen e popullsise per te shpetuar pjesen tjeter nga korrupsioni)
... e per fat populli yne eshte i ndare gati ne gjys (gjys majtas e gjys djathtas)...me mire keshtu, se sa ne kohe te Enverit me shoke qe na lane me te pangopurit e Europes (siç nuk kishim qene kurre me pare).

ps. e kishe lexuar te gjithe postimin tim apo vetem nje pjese??? ...sepse me quan "zotrote" dhe tamburant i partiak.... megjithese forma e edukuar "zoteria e juaj" (qe perdornin gjysherit e mi) me pelqen

[[Perla]]

TIRANË- Dita e parë e negociatave mes PS dhe PD për zgjidhjen e krizës politike mbeten pezull në pritje të një raundi të dytë bisedimesh. Ato që palët për muaj me radhë ia transmetuan njëri-tjetrit në distancë, dje ia thanë përballë, në një tryezë që duket se shënoi vetëm rifillimin e dialogut, por jo zgjidhjen e ngërçit politik.

Ajo që u la të kuptohet nga të dyja palët por edhe nga presidenti Topi është se negociatat do të vazhdojnë edhe për disa raunde të tjerë.

Tryeza e thirrur prej Kreut të Shtetit dhe e negociuar prej faktorit ndërkombëtar nuk ka mundur të sheshojë dallimet që palët kishin për çështjen më thelbësore të saj, hapjen e kutive të votimit, ndërsa është bërë e zymtë vijueshmëria e negociatave të mëtejshme.

Pavarësisht vullnetit politik të shprehur para, gjatë dhe pas tryezës për të vijuar dialogun, dy palët në këtë debat nuk kanë arritur të përafrojnë aspak qëndrimet e tyre për hapjen e kutive të votimit, çka duket se ka bërë të vështirë gjetjen e një kompromisi në ditët në vijim.

Situata duket se do të vazhdojë e tillë deri më datë 22 shkurt kur delegacioni i KE-së do të vijë në Tiranë me propozimet konkrete për zgjidhjen e krizës.

Tryeza

Ashtu siç edhe ishte parashikuar, takimi i djeshëm ka nisur në orën e caktuar, ndërsa të parët në selinë e kreut të shtetit kanë mbërritur përfaqësuesit e Partisë Socialiste, kryetari Edi Rama dhe kreu i Asamblesë Kombëtare të kësaj force, Gramoz Ruçi dhe më pas dy drejtuesit demokratë, kryeministri Sali Berisha dhe kryetari i grupit parlamentar të Partisë Demokratike, Astrit Patozi.

Tryeza ka nisur me një thyerje të protokollit shtetëror, pasi për t'i trajtuar të ftuarit në këtë takim si të barabartë, kreu i shtetit ka pranuar që të dy delegacionet të hyjnë nga dera kryesore, pavarësisht se rregulli ia lejon këtë vetëm kryeministrit dhe zyrtarëve të tjerë, por jo kreut të opozitës apo drejtuesve të partive politike.

Takimi ka qenë i hapur vetëm për kamerat, të cilat janë lejuar që të filmojnë për disa momente, dhe ku protagonistët e politikës shqiptare janë shfaqur të qeshur, çka dha shpresën se diskutimet që do të vijonin më pas do të ishin të suksesshme, por që në fund rezultoi e kundërta.

Diskutimet

Pas hapjes së takimit nga kreu i shtetit, i pari që ka marrë fjalën ka qenë kreu socialist, Edi Rama, i cili ka bërë një parashtrim të gjerë të të gjitha kërkesave dhe arsyeve që kanë detyruar opozitën të qëndrojë jashtë Kuvendit. Kështu, nga burimet, mësohet se kreu socialist, i mbështetur shpesh herë edhe nga Ruçi, ka argumentuar se thelbi i gjithë krizës që ka përfshirë politikën shqiptare është pikërisht mungesa e transparencës së zgjedhjeve.

Për t'i dhënë fund kësaj situate, kryesocialisti ka theksuar se mbetet e domosdoshme hapja e kutive të votimit në ato zona, për të cilat opozita ka dyshime për manipulime, duke siguruar në të njëjtën kohë presidentin dhe kryeministrin se kjo nuk kërkohet të bëhet në funksion të ndryshimit të rezultatit, por të mësimit të së vërtetës dhe për t'i prerë rrugë të gjitha manipulimeve në të ardhmen.

Por, ndaj një kërkese të tillë përfaqësuesit e mazhorancës kanë qenë gjithashtu të vendosur që të mos lëshojnë terren, ndërsa kanë ftuar opozitën që të hyjë në Kuvend dhe prej aty të hetojë procesin zgjedhor, por pa prekur vendimmarrjen e organeve të drejtësisë.

Kjo, kanë theksuar demokratët, është dhe sugjerimi që bën Këshilli i Europës në rezolutën e vet. Pikërisht një qëndrim në kahe krejtësisht të kundërta ka bërë që pjesëmarrësit në këtë takim të përfshihen edhe në debate të njëpasnjëshme, ku natyrisht dy opozitarët në këtë tryezë kanë këmbëngulur se hetimi i zgjedhjeve nëpërmjet hapjes së kutive nuk përbën një shkelje të vendimeve të gjykatave, por një çështje që kërkon vetëm vullnet politik.

Në këtë debat është përfshirë edhe kreu i shtetit, i cili për të shpëtuar tryezën nga dështimi ka propozuar që në dy ditët në vijim, pra të dielën dhe të hënën, një grup pune me ekspertë të të dyja forcave politike dhe nën drejtimin e tij të mund të diskutonin çështjet, për të cilat palët mund të bien dakord në mënyrë që ditën e martë të mblidhej sërish tryeza politike për të vendosur mbi ato pika, për të cilat do të kishte ende divergjenca.

Por, një propozim i tillë nuk është pranuar nga palët, të cilat kanë pasur pretendimet e tyre. Kështu, socialistët kanë këmbëngulur se zgjidhja e krizës nuk ka të bëj me çështjet teknike, por me vullnetin politik, i cili mund të diskutohet vetëm nga drejtuesit më të lartë të dy partive.

Ndërsa kreu i mazhorancës ka këmbëngulur se tryeza duhet të vijojë në nivel ekspertësh, duke kundërshtuar idenë e një rikthimi sërish në një tryezë tjetër në presidencë, me argumentin se ajo që ai kishte pasur për të thënë e kishte shprehur në këtë takim. "Unë kam thënë të gjitha argumentet politike. Nuk kam çfarë të them më në kuadrin politik, nuk kam pse vij sërish të martën në presidencë",- ka thënë Sali Berisha.

Nuk kanë munguar edhe tentativat e kreut të qeverisë për të joshur kundërshtarin e tij politikë me një sërë premtimesh, qoftë për të pasur shumicën në komisionin hetimor parlamentar që do të ngrihej për hetimin e zgjedhjeve, ashtu edhe për të qenë ajo propozuesja e të gjitha ndryshimeve që do t'i bëhen Kodit Zgjedhor, në mënyrë që të eliminohen mangësitë e hasura në zgjedhjet e shkuara.

Por, këto propozime janë konsideruar nga drejtuesit opozitarë si sekondare në raport me kërkesën për hapjen e kutive. Pas debateve të tejzgjatura pa dalë me një qëndrim të përbashkët, palët kanë rënë dakord që Presidenti i Republikës të vijojë përpjekjet për të eksploruar të gjitha mundësitë e dallimeve për çështjet konkrete.
----------


Kreu i shtetit ka pranuar se bisedimet ishin të vështira dhe pa një rezultat konkret. Dialogu do të vijojë edhe në rang ekspertësh
Topi: Bisedimet do të vazhdojnë edhe me ekspertë
"Momenti më pozitiv i ditës së sotme është predispozicioni për t'u ulur në tryezë, rifillimi i dialogut politik"
Mungesa e një rezultati pozitiv gjatë tryezës së ditës së djeshme, ka bërë të domosdoshme që bisedimet mes palëve për zgjidhjen e krizës politike të vazhdojnë edhe në ditët në vijim.

Ka qenë kryetari i shtetit, Bamir Topi, ai që duke folur dje mbi ecurinë e këtij takimi të parë, ka konfirmuar se gjatë tryezës palët ranë dakord që negociatat të vijojnë edhe në ditët në vijim, në mënyrë që të gjendet një zgjidhje para se në vend të vijë Komiteti Presidencial i Këshillit të Europës.

Duke evidentuar se suksesi i vetëm i kësaj tryeze ishte pikërisht rifillimi i dialogut politik mes palëve, Presidenti i Republikës, ndërsa ka bërë të ditur në vija të përgjithshme ecurinë e këtij takimi, është shprehur se tryeza e dialogut do të vazhdojë.

"Unë besoj që momenti më pozitiv i ditës së sotme është predispozicioni për t'u ulur në tryezë, rifillimi i dialogut politik midis dy elementeve substanciale të demokracisë, mes mazhorancës dhe opozitës, e cila ka ditur në vitet e pluralizmit shqiptar të bashkëpunojë, ka ditur të kalojë traumat e bashkëpunimit dhe jam i bindur që edhe takimi i sotëm, i cili angazhoi në më shumë se tre orë, në bisedime të hapura, në bisedime pa komplekse të aktorëve kryesorë të politikës shqiptare, të cilët diskutuan për opsionet e tyre dhe natyrisht dhanë një element shumë të rëndësishëm që tryeza e dialogut do të vazhdojë", - tha Topi, ndërsa bëri të ditur se "ky ishte një angazhim reciprok i palëve, të cilat vlerësuan tryezën".

Lidhur me vazhdimësinë e këtij dialogu, kreu i shtetit, ndryshe nga sa ishte shprehur opozita në tryezë, ka deklaruar se ai do të jetë jo vetëm në rrafshin politik, por edhe atë teknik. Çka do të thotë se negociatat e mëtejshme do të organizohen sërish prej presidentit dhe në to do të përfshihet, tashmë, edhe nivele të tjera përfaqësimi dhe jo vetëm politike.

"Ne, sot, ramë dakord që Presidenti të vazhdojë, dhe termi më i gjetur besoj, që ramë dakord, ishte që të eksplorojë, ndoshta po shkojmë në terma jo shumë shqiptarë, por të kërkojë konvergjencën, edhe ky është term internacional, i cili kuptohet nga të gjithë, pikat ku palët mund të gjejnë gjuhën, mund të bashkëpunojnë dhe sigurisht kjo jep shpresë që kjo tryezë, së bashku me elementë të tjerë që kanë të bëjnë jo thjesht vetëm me faktorët politikë, por edhe ekspertizë, gjithmonë mbi bazën e vullnetit politik të shprehur", - deklaroi presidenti Topi në daljen e tij për mediat, menjëherë pas takimit.

Ndërsa, duke prezantuar në vija të përgjithshme atë që kishte ndodhur në takimin e djeshëm tre orësh në presidentë, Topi u shpreh se palët iu referuan në mënyrë të qartë pikave të rezolutës të Asamblesë Parlamentare të Këshillit të Europës, natyrisht, duke shprehur edhe pozicionet e tyre specifike të bëra publike edhe më parë, për sa i përket çështjes së hapjes së kutive.

Pikërisht qëndrimi në këto pozicione, ka lënë të kuptohet kreu i shtetit, bëri që bisedimet të mos dilnin me rezultatet e pritshme pozitive që mund të sillnin dhe zgjidhjen e ngërçit politik.

"Duhet të jemi koshientë që i gjithë "background"-i i këtyre marrëdhënieve, në një kontekst të caktuar, patjetër që nuk bën që biseda, apo dialogu të dalë në përfundime ekstremisht pozitive.

Por, mendjet racionale duhet të kuptojnë që është realizuar një moment shumë i rëndësishëm i demokracisë: rifillimi i një komunikimi të drejtpërdrejtë, jo nga distancat, por në tavolinë, sepse ne kemi shembuj shumë pozitivë se si aktorët politikë edhe në të kaluarën kanë realizuar komunikime dhe vendimmarrje shumë të rëndësishme", - tha më tej Presidenti, duke falënderuar në të njëjtën kohë protagonistët e këtij takimi që pranuan ftesën e tij për tu ulur në një tryezë.
--------------



Shefi i selisë rozë ka konfirmuar se nuk heq dorë nga hapja e kutive dhe se nuk pranon të bëj pazar për to
Rama: Hapja e kutive është zgjidhja e vetme
"Siç ia thashë hapur zotit Berisha, nuk jam aspak i gatshëm të pranoj zvarritjen e dialogut në pafundësi"
Opozita është e vendosur që edhe pas tryezës së djeshme të zhvilluar nën drejtimin e kreut të shtetit, të mos lëshojë pe nga qëndrimi i saj për të bërë transparencën e zgjedhjeve të shkuara parlamentare, duke hapur kutitë e votimit.

Në një komunikim me mediat, vetëm pak çaste pasi la selinë e Presidentit, kryetari i Partisë Socialiste, Edi Rama, duke theksuar bindjen se kriza në vend i ka rrënjët tek deformimi i votës së shqiptarëve në zgjedhjet e 28 qershorit, ka bërë të ditur jo vetëm për opinionin publik, por edhe për kundërshtarët e tij politikë se forca që ai drejton nuk lëviz nga kërkesa për hapjen e kutive.

"Ne nuk lëvizim nga parimi themelor i transparencës së plotë e të pakushtëzuar të zgjedhjeve të shkuara për të çliruar njëherë e mirë zgjedhjet në Shqipëri prej kthetrave të korrupsionit elektoral", - tha Rama në fjalën e vet para mediave.

Për këtë arsye, ka këmbëngulur shefi i opozitës, mospërfshirja e kërkesës për hapjen e kutive të votimit në çështjet e negociueshme bie ndesh me parimin që ka udhëhequr opozitën në këtë betejë 7-mujore.

"Ashtu sikundër iu bë e qartë edhe bashkëbiseduesit, lënia e kutive të 28 qershorit jashtë objektit të hetimit parlamentar që kërkojmë qysh në krye të herës, do të ishte shkelje e patolerueshme e parimit që na udhëheq në përpjekjen tonë, dorëzim i pajustifikueshëm i së drejtës sonë kushtetuese e ligjore për të nxjerrë në dritën e diellit të vërtetën e kutive të votimit, pranim i palejueshëm i faktit se Shqipëria edhe nesër do të bëjë zgjedhje po kaq të papranueshme sa dje", - shtoi Rama më tej.

Duke iu referuar edhe asaj që ishte diskutuar në tryezën e presidentit, kryetari i PS-së ka sqaruar edhe një herë se kërkesa për hapjen e kutive nuk ka të bëjë me vendimin e kolegjit zgjedhor, pasi transparenca nuk bëhet në funksion të ndryshimit të rezultatit, por për t'i treguar shqiptarëve se ka mbaruar koha kur mund të preket vota. Por, realizimi i kësaj kërkese, sipas Ramës, përbën një çështje vullneti politik e jo interpretimesh subjektive të të drejtave e lirive kushtetuese të palëve.

"E sqarova zotin Berisha se ne nuk kemi punë as me vendimet e gjykatave dhe as me ndonjë përpjekje për të përmbysur rezultatin e nxjerrë në rrugë ligjore përmes hetimit parlamentar. Ne duam vetëm të bëjmë autopsinë e zgjedhjeve të vdekura që zgjedhjet e ardhshme të mos vdesin më nga e njëjta sëmundje", - u shpreh shefi i selisë rozë.

Pavarësisht vështirësive të hasura në këtë tryezë, Rama është shprehur i gatshëm që të vijojë, por jo në pafundësi dialogun për zgjidhjen problemit të vërtetë që janë kutitë e votimit.

"Me zotin Berisha patëm një ballafaqim të hapur të pikëpamjeve të kundërta për thelbin e problemit që nga ana ime jam plotësisht i angazhuar ta zgjidh, por kurrsesi i predispozuar ta mbuloj apo anashkaloj.

Jam i gatshëm të vazhdoj të përpiqem me të gjitha energjitë e pasionin tim për t'ia dalë, por siç ia thashë hapur e shumë sinqerisht zotit Berisha, nuk jam aspak i gatshëm të pranoj zvarritjen e dialogut në pafundësi", - shtoi Rama.

Çdo përpjekje tjetër që do të kërkonte të zhvendoste vëmendjen nga kjo kërkesë, sipas Ramës, do të përbënte një pazar, për të cilin ai dhe forca që drejton nuk mund ta pranojnë. "Unë nuk shkova në atë tryezë për një pazar, por për një parim.

Nuk shkova në atë tryezë për të mundur kundërshtarin politik, po për ta ftuar që së bashku të përmbushim një detyrim të politikës ndaj qytetarëve, duke e ndarë përgjithmonë Shqipërinë nga tradita e shëmtuar e zgjedhjeve të deformuara e të kontestuara. Nuk shkova në atë tryezë për të kryer një formalitet të quajtur dialog, por për të nxjerrë vendin nga kriza përmes dialogut", - tha kreu socialist, Edi Rama.

Shekulli