Opozita thyen bojkotin e hyn në parlament, braktis sallën e Kuvendit në protestë

[Albo]

kjo tryeze eshte fitore e mafies enveriste.. pra e shtabit special edvinist..

Nuk ka se cfare te fitoje. Presidenti Topi do te jete perseri president, pasi ai po mban tryezen dhe gezon mbeshtetjen nderkombetare. Shqiperia e ka nje kryeprokurore qe nuk ka per te levizur nga vendi, e ka nje kryeminister dhe nje koalicion qeverires qe i ka votat e shumices ne kuvend.

1. Bamir Topi siguron mandatin e dyte te presidences me keto diskutime.
2. Sali Berisha fiton qetesine ne qeverisje, duke mbyllur gojen zhurmuesve te rruges se opozites.
3. Edvin Rama shpeton veten nga qorrsokaku qe ka futur veten dhe PS, nen presionin e brendshem e te jashtem per te hyre ne kuvend.

Kutite nuk do te hapen. Deputetet socialiste do te hyjne ne kuvend. Do te ngrihet edhe nje komision parlamentar per te "hetuar" zgjedhjet me qellim qe te dali me rekomandime per zgjedhjet e ardhshme. Ajo qe nuk ka per te ndaluar eshte lufta per pushtet brenda PS.

Dhe keshtu merr fund "kriza e hicit". Do te jete interesant te shohim se si Rama do t'ua shesi te tijeve mareveshjen si nje "fitore politike" kur per 7 muaj kerkon hapjen e kutive te votimit.

Albo

[SERAFIM DILO]

He brar si e parashikon tavolinen e zgjedhjes e krizes?
1. Fiton Rama ?
2 Fiton Sala ?

Se normalisht njeri duhet ta haje. Srrine dy gjela maje plehut.

Kjo eshte nje nder fatkeqesit e shqiperis,fiton sala o fiton rama...
Te detyrosh popullin (jo te gjykoj o mendoj)..por te zgjedhi,duhet te jete o me salen o me ramen....

Sikur ti injoronit...mbase nuk ndryshon asgje...por te pakten nderoni inteligjencen.

[hysadritan]

nuk ka faj as sala rama fajin e kemi ne populli

[[Perla]]

Presidenti i vendit, Bamir Topi ka mbledhur në orën 11.00 tryezën e dialogut, në të cilën janë ulur përballë njëri-tjetrit, lideri demokrat dhe ai socialist, ne bisedime per te gjetur zgjidhjen e krizes politike.

Ne tryeze jane ulur perballe kryetari i Partise Demokratike Sali Berisha dhe ai i Partise Socialiste, Edi Rama, nderkohe qe ne krye ka qendruar kreu i shtetit Bamir Topi, si moderator ne kete tryeze te veshtire.

Ne presidence ka mberritur i pari, i 'zoti i shtepise', Bamir Topi e pak minuta pas tij, ka mberritur lideri i opozites, Edi Rama shoqeruar nga kreu i Asamblese se PS-se Gramoz Ruci.

Pas Rames, nga e njeta dere ka hyre edhe kryeministri Sali Berisha, qe sic ishte njoftuar shoqerohej nga kreu u grupit parlamentar te PD-se, Astrit Patozi.

Gjate takimit, dy liderët politikë do të ballafaqojnë argumentet e tyre, për sa i përket çështjes së kutive të votimit, me qëllim përafrimin e qëndrimeve të tyre në kërkim të arritjes së një kompromisi, pavarësisht se nga ajo që kanë shprehur deri në orët e fundit dy partitë e mëdha një gjë e tillë duket thuajse e pamundur të ndodhë të paktën në këtë tryezë.

Takimi nisi ne oren e percaktuar, ne 11.00, ku forcat politike u përfaqësuan nga drejtuesit e tyre më të lartë. Mbledhja po mbahet në sallën takimeve të Këshillit të Sigurimit Kombëtar dhe zhvillohet sigurisht pa praninen e mediave, te cilat kane qene vetem ne fillim, per te bere planet e rastit per fiksimin e takimit.

Vetëm në përfundim të takimit pritet që të ketë një njoftim zyrtar nga ana e presidencës për rezultatin e takimit, por natyrisht ku nuk përjashtohet edhe një reagim i protagonistëve të kësaj tryeze, gjithmonë në rast se do të jetë arritur ndonjë mirëkuptim.


Negociatat
Pavarësisht vullnetit të shprehur nga dy forcat kryesore politike për tu ulur në një tavolinë, duket se arritja e një rezultati konkret gjatë këtij takimi është e vështirë. Kjo pasi edhe gjatë ditës së djeshme nga selitë respektive është përcjellë mesazhi i qartë se secila palë shkon në këtë takim me qëndrimet e tyre të bëra publike, pra socialistët kërkojnë hapjen e kutive, ndërsa demokratët e kundërshtojnë në mënyrë kategorike një kërkesë të tillë. Megjithatë, burime pranë PD-së bëjnë të ditur se takimi i sotëm pritet të jetë thjesht një akt formal për të vendosur vetëm komunikimin mes palëve, i cili duhet të vijojë edhe pas kësaj tryeze në rang teknikësh, nga ecuria e të cilëve do të varet më pas dhe arritja e një marrëveshje.

Të njëjtat burime konfirmojnë se do të jenë pikërisht bisedimet pas kësaj tryeze ato që do të tentojnë arritjen e një marrëveshje mes palëve, e cila duhet të jetë gati në prag të vizitës, që do të zhvillojnë në vendin tonë Komiteti Presidencial i Këshillit të Europës në datën 22 shkurt. Për këtë arsye, mësohet se për takimin e sotëm nuk është hartuar ndonjë projekt-marrëveshje që mund të firmosej nga dy liderët kryesorë në praninë e presidentit. Por, duket se me këtë skenar nuk janë dakord socialistët, të cilët mësohet se shkojnë në këtë tryezë për të gjetur një zgjidhje në të dhe për të mos u tejzgjatur më pas me bisedime të tjera. Kështu, konfirmohet se pala socialiste në këtë tryezë nuk do të pranojë që të negociohet më pas në rang teknikësh.



******

Presidenca e BE ka përshëndetur nismën e Presidentit të Shqipërisë Bamir Topi për të ulur në tryezë Ramën dhe Beridhës dhe ka shprehur besim se do të ketë rezultate pozitive nga negociatat.
Përmes një njoftimi për shtyp, BE rikonfimon prespektivën europiane për Shqipërinë dhe inkurajon veprimet që do të sigurojnë që Shqipëria mund të marrë hapa të mëtejshëm në këtë proces.
"Në këtë kontekst, ngerci politik duhet të tejkalohet nga udhëheqësit politikë shqiptarë, duke marrë parasysh të gjitha pasojat që bllokimi i mëtejshem do të ketë për interesat e përgjithshme kombëtare. " - theksohet në deklaratë.

Po kështu edhe kreu i Delegacionit të KE-së në Tiranë, Helmut Lohan është shprehur sot për rezultatet pozitive të tryezës së të shtunës.
Ai ishte në një aktivitet kulturor në Vlorë, kur tha se "Komisioni Evropian, përmes komisionerit Stefan Fyler, po ndjek situatën në Shqipëri. KE e mirëpret nismën e Presidentit të Republikës, Bamir Topi, për tryezën e rrumbullakët dhe po shikon përpjekjet e të dy palëve për të marrë në konsideratë gjetjen e një zgjidhjeje për të dalë nga situata", theksoi Lohan.
Lohan theksoi se janë udhëheqësit politikë në Shqipëri, që duhet të gjejnë një zgjidhje dhe, sipas tij, "do ta bëjnë padyshim, në funksion të të ardhmes së Shqipërisë dhe integrimit të saj evropian". Për Ambasadorin Lohan, integrimi i Shqipërisë në BE, varet nga jo vetëm nga përpjekjet që do të bëhen në këtë drejtim, por edhe nga përshpejtimi i këtyre përpjekjeve. Ai ju referua ndër të tjera këtu edhe Parlamentit shqiptar, të cilin momentalisht e cilësoi mosfunksional.

*****

Presidenti Bamir Topi vazhdon serinë e konsultimeve për tryezën e dialogut, ku të shtunën do të ulë përballë kryeministrin Sali Berisha liderin e PS-së, Edi Rama.

Kreu i shtetit priti sot ambasadorin e prezencës së OSBE-së në vendin tonë, Robert Bosch, ku në qendër të takimit ka qene tryeza, si një mundësi për zgjidhjen e ngërçit politik në të cilin ndodhet vendi.

Presidenti pasi e falenderoi Ambasadorin Bosh për deklaratën e djeshme mbështetëse ndaj rolit dhe tryezës politike të thirrur nga Presidenti, vlerësoi si shumë të frutshëm e të vlefshëm rolin dhe asistencën e Prezencës së OSBE-së në Shqipëri për konsolidimin e institucioneve demokratike, forcimin e shtetit të së drejtës, si dhe respektimin e të drejtave të njeriut.

Në këtë takim u diskutua për tryezën e ardhshme politike mes pozitës dhe opozitës, të cilën Presidenti Topi vendosi ta thërrasë ditën e shtunë, më 13 shkurt 2010.

Nga ana e tij Ambasadori Bosh shprehu edhe njëherë vlerësimin për rolin e Presidentit Topi duke e siguruar njëkohësisht atë për të gjithë gatishmërinë e OSBE-së për të ofruar përvojën dhe asistencën e saj në rifunksionimin e suksesshëm të demokracisë parlamentare shqiptare.
Nje dite me pare, OSBE dhe ambasada e SHBA-se, ben apel qe palet te gjejne dialogun.
"Shtetet e Bashkuara mbështesin plotësisht përpjekjet e Presidentit Topi dhe Këshillit të Evropës për të ndërmjetësuar bllokimin e vazhdueshëm të situatës politike", thuhet në deklaratën e ambasadës së SHBA-së.

Ambasada bën apel që palët të gjejnë dialog në tryezën e së shtunës. "Besojme se ky proces ofron nje mundesi te rendesishme per zgjidhjen pa vonese te metejshme te ngerçit aktual politik. Ne i bejme thirrje te gjitha paleve te perfitojne nga kjo mundesi. Nje zgjidhje e shpejte e ngerçit do te mundesoje qe palet te perqendrohen ne axhenden Euro-Atlantike te Shqiperise"- thuhet në të.

Nderkohe OSBE e ka cilësuar këtë takim si një hap konstruktiv në drejtim të zhbllokimit të ngërçit politik.

"Prezenca e OSBE-së në Shqipëri mirëpret ngrohtësisht nismën e presidentit shqiptar për të organizuar një takim politik në tryezë të rrumbullakët të shtunën si një hap konstruktiv dhe inkurajues në drejtim të zgjidhjes së bllokimit politik të tanishëm. Ne po ashtu mirëpresim përgjigjet pozitive publike nga krerët e Partisë Demokratike dhe Partisë Socialiste në lidhje me pjesëmarrjen e tyre të plotë dhe aktiv në konsideratë së bashku mënyrat në të cilat mund të tejkalohen vështirësi"- thuhet në deklaratën e OSBE-së.


****


Rama, në Strasburg për konsulta: Hapja e kutive, kusht i patjetërsueshëm

Kryetari i Partisë Socialiste, Edi Rama, niset sot drejt Strasburgut për konsulta në pritje te tryezes se dialogut, qe zhvillohet diten e shtune. "Do te jete një ditë të komunikimit masiv me miqtë e Partisë Socialiste Evropiane, me të cilët jemi në kontakt të vazhdueshëm dhe të cilët janë seriozisht të angazhuar për të dhënë kontributin e tyre në zgjidhjen e kësaj krize"- ka thene Rama, kur ka njoftuar viziten.
Ai duke pershendetur dhe vleresuar thirrjen e tryezes nga kreu i shtetit ka deklaruar se kutite, jane kusht i patjetersueshem dhe themeli i hetimit te zgjedhjeve.

Kryetari i PS deklaroi se në lojë nuk janë fatet e PS, por të demokracisë shqiptare. Rama tha se do të udhëtojë drejt Strasburgut nesër për konsulta.
Kurse kryeparlamentarja Jozefina Topalli, ka deklaruar dje se negociatat mes Berishës e Ramës ka pasur në mënyrë të vazhdueshme.
"Dialogu mes Berishës e Ramës nuk ka munguar. Gjatë gjithë kohës Rama e Berisha kanë komunikuar përmes kanaleve të shumëllojshme, direkte, indirekte, të brendshme e të jashtme, dhe kjo është gjë e mirë".Kështu u shpreh ajo gjatë një emisioni televiziv në NEWS 24.

Ndërsa konsideroi se dialogu politik është veprimi i duhur që do të nxjerrë vendin nga ngërçi politik, shtoi se mazhoranca nuk do të tërhiqet, duke i mëshuar idesë se "kreu i qeverisë nuk mund të dalë mbi vendimin e gjykatave për të hapur kutitë". Sipas saj, pasi mbyllet procesi zgjedhor nuk mund te ribëhet rinumërim i votave. "Nuk ka rinumërim pa asnjë provë", tha Topalli.

I pari prononcim publik pas njoftimit të presidentit se do thërrasë tryezën e partive, ka qenë ai i kryetarit të grupit parlamentar të Partisë Demokratike, Astrit Patozi. Ai bëri të ditur se PD vlerëson dhe respekton thirrjen e kësaj tryeze.
Por Patozi mbajti të njëjtin qëndrim kur tha se të gjitha bisedimet duhet të bëhen duke respektuar kuadrin ligjor, çka për demokratët nënkupton moshapjen e kutive të votimit. Patozi ka zhvlerësuar në njëfarë mënyre edhe rëndësinë e takimit mes Berishës e Ramës kur ka thënë se ata janë gati të takohen me PS dhe partitë e tjera.

Shekulli

[[Perla]]

TIRANË- Vetëm pak kohë para nisjes së tryezës së dialogut, Partia Socliaste ka dorëzuar në presidencë një memorandum për zgjidhjen e krizës politike në vend.

I njëjti memorandum u është dorëzuar po sot edhe përfaqësive diplomatikë në Shqipëri. Nuk bëhet të ditura detaje rreth memorandumit të dërguar, po asjo që thuhet me siguri është se
PS-ja është e vendosur në kërkesën e saj për transparencë pa kusht të zgjedhjeve. Për këtë i
kërkon qeverisë të garantojë hetimin e plotë dhe pa kushte, hetim që kupton detyrimisht hapjen e kutive të votimit.

"Hetimi është e drejtë kushtetuese dhe nuk synon ndryshimin e rezultatit", thuhet në memorandum.


Rama takon ambasadoret

UPDATE- Pas kthimit nga Strasburgu dhe nje dite para mbajtjes se tryezes se dialogut, kryetari i Partisë Socialiste, Edi Rama zhvilloi takime me ambasadoret Withers, Lohan e Montobio.
Takimet vijne ne vazhden e ndermjetesimit te faktorit nderkomebtar lidhur me zgjidhjen e krizes politike ne vend. Ambasadoret ak ditë më parë ata zhvilluan një takim dhe me presidentin Topi, ndërsa në deklarimet e tyre publike kanë mbështetur fuqishëm rolin e presidentit si ndërmjetës dhe i kanë bërë thirrje partive politike të gjejnë dialogun mes tyre.
Sot paradite, Rama mblodhi sekretariatin e partise, ku u diskutuan sugjerimet e Strasburgut per krizen, nderkohe, po sot Rama do të mbledhë aleatët në një takim konsultues para ballafaqimit ne tryezen 'Topi'.

Mësohet se këtë radhë në tryezën e aleatëve nuk do jenë vetëm krerët e partive të vogla, por edhe grupe interesi, si ish pronarë, pensionistë, ish ushtarake apo edhe minatorë. Ata do t'i bashkohen një fronti me të gjerë, që lideri socialist gjatë takimit të tij të pak ditëve më parë me gazetarët në Durrës e quajti "Fronti për Shqipërinë".

Sikundër e ka deklaruar vetë Rama, fronti synon bashkimin e të gjithë segmenteve të opozitës, të majtë e të djathtë. Pjesë e tryezës sot pritet të jenë Spartak Ngjela, Nard Ndoka, përfaqësues të sindikatave dhe organizatat e tjera shoqërore e politike.

****

Europarlamentarët Schultz dhe Svoboda: Të hapen kutitë

UPDATE- "Opozita do kthehet në Kuvend, pasi të jetë marrë një vendim për ngritjen e një komisioni hetimor parlamentar, i cili do të ushtrojë një hetim të plotë, përfshirë hapjen e kutive". Në këtë përfundim kanë rënë sot Presidenti i Grupit të Socialistëve dhe Demokratëve në Parlamentin Europian, Martin Schultz dhe lideri i PS-së, Edi Rama, gjatë një takimi në Strasburg.

Sipas burimeve nga PS, Schultz dhe Rama ranë dakord që një rrugë-dalje për krizën politike aktuale në Shqipëri duhet të gjendet urgjentisht dhe se një bazë e re dialogu konstruktiv ndërmjet qeverisë dhe opozitës duhet të vendoset. "Ky hetim duhet të sigurojë transparencë të plotë si një bazë për përmirësime të rëndësishme për mënyrën se si do të zhvillohen zgjedhjet e ardhshme, me qëllim përmbushjen e standardeve ndërkombëtare. Ekspertë ndërkombëtarë duhet të asistojnë komisionin hetimor në përmbushjen e punës së tij dhe duhet gjithashtu të asistojnë në përcaktimin e përmirësimeve të nevojshme të kuadrit zgjedhor"- u vendos gjatë takimit.
Nga ana tjetër, Schultz dhe Rama e konsideruan inicijativën e marrë nga Presidenti i Republikës së Shqipërisë si një hap serioz dhe i nevojshëm drejt gjetjes së një zgjidhjeje për krizën politike në vend.
Në këtë takim ata diskutuan situatën ekstremisht të vështirë politike në Shqipëri dhe efektet e mundshme negative të vështirësive aktuale mbi procesin e Integrimit Europian të Shqipërisë.
Schultz shprehu shqetësimin e Grupit të tij rreth bojkotit të Kuvendit të Shqipërisë nga përfaqësuesit e Partisë Socialiste të Shqipërisë pas zgjedhjeve parlamentare në vend në qershor 2009. Ndërkohë që Rama nga ana e tij shpjegoi arsyet për këtë bojkot dhe kërkesat e partisë së tij për një transparencë më të madhe të procesit zgjedhor në Shqipëri.
Ai gjithashtu shpjegoi se partia e tij pranon vendimet e Komisionit Qendror të Zgjedhjeve pas zgjedhjeve dhe se nuk është objektivi i partisë së tij ndryshimi i rezultatit të zgjedhjeve. Partia Socialiste, megjithatë, kërkon ngritjen e një komisioni hetimor me qëllim ushtrimin e një hetimi të plotë për manipulimet e mundshme përgjatë zgjedhjeve të vitit 2009 që mundëson përmirësimin e proceseve zgjedhore në të ardhmen.
Rama deklaroi se kur një vendim për një hetim të plotë të jetë marrë, atëherë anëtarët e partisë kryesorë të opozitës do të marrin përgjegjësitë e tyre në Parlament dhe të kontribuojnë për forcimin e procesit të integrimit Europian.
Me heret, Edi Rama u takua sot me grupin socialist dhe demokrat, me cilët ka diskutuar për situatën politike në vend.

Gjatë takimit, që Rama zhvilloi me Hannes Svoboda u ndal në rrugën që duhet të shpjerë në fundin e bojkotit. Svoboda nga ana e tij mësohet se ka kërkuar nga qeveria shqiptare që të bëjë transparencën e zgjedhjeve dhe të veprojë për zgjidhjen e krizës politike.
"Qeveria duhet të bëjë transparencë dhe hetim të plotë të zgjedhjeve. Hapja e kutive duhet të jetë pjesë e procesit", u shpreh Svoboda.


Dje, Libor Roucek, zv.President i Parlamentit Europain sugjeroir politikanët shqiptarë që gjatë bisedimeve per zgjidhjen e krizes politike ne Shqiperi, të marrin në konsideratë edhe opsionin e hapjes së pjesshme të kutive te votimit. Sugjerimi eshte dhene dje gjate takimit qe ai zhvilloi me kryetarin e PS-së, Edi Rama dhe delegacionin qe e shoqeronte.
Pyetjes se si mund të zgjidhet problemi më i madh mes opozitës dhe pozitës, ai i hapjes së kutive, ai u shpreh se "nuk më takon mua t'u them politikanëve shqiptarë se çfarë duhet të bëjnë. Ndoshta hapja e një pjese të kutive, në zona të ndryshme, pra hapja e disa kutive në çdo zonë edhe kjo mund të ishte një zgjidhje".

Sipas Rousek është shumë e nevojshme të kryhet hetimi për këto zgjedhje. "Kjo t'i shërbejë jo asaj që ka kaluar por të ardhmes që të mos ketë as edhe një problem me zgjedhjet, ashtu siç nga ana tjetër është e rëndësishme për opozitën që pas këtij kompromisi të futet në parlament dhe të vazhdojë rrjedhën normale opozitare. Kjo do të ishte një rezultat shumë i mirë për të gjithë, veçanërisht për popullin shqiptar", tha ai.

Ndërsa Rama, gjatë takimit me Roucek ka shprehur edhe njëherë domosdoshmërinë e transparencës së plotë mbi procesin e shkuar zgjedhor. Në këtë pikë duket se ai ka ndarë të njëjtin mendim me europarlamentarin, i cili gjithashtu kanë sugjeruar që tryeza e dialogut të mundësojë transparencë të zgjedhjeve.

Rama ka argumentuar në Strazburg se opozita kërkon hapjen e kutive të votimit dhe të materialeve zgjedhore, për të bërë të mundur që populli shqiptar të shikojë çfarë ka ndodhur para, gjatë dhe pas 28 qershorit dhe njëkohësisht për të krijuar kushtet që administrata zgjedhore në të ardhmen të garantojë vullnetin e popullit. Ai shtoi se "kjo do të shërbejë që çdo komisioner të mos jetë thjesht komisioneri i forcës që përfaqëson por qytetari që përgjigjet para ligjit për respektimin e tij në procesin më të rëndësishëm të demokracisë, siç është ai i zgjedhjeve".


*******


Topalli: Bojkotit te opozites po i vjen fundi
"Bojkotit po i vjen fundi. Jemi në afatet e fundit të skadencës së mandatit të çdonjërit prej deputetëve që nuk janë në parlament. Bojkoti do të marrë fund, si mjeti më pak evropian"- ka thënë Topalli, sot gjatë një konference për shtyp që ka mbajtur së bashku me homologun malazez.

Edhe pse deklaroi optimizëm për fundin e bojkotit, Topalli nuk harroi t'i drejtojë serosh ftesë deputetëve socialistë që të kthehen në Parlament. "Ftoj deputetët e opozitës të kthehen në Kuvend., Shqipëria nuk meriton që në këtë proces vendimtar për heqjen e vizave t'i lejojë vetës papërgjegjshmërinë e bojkotit"- tha ajo.

Ndërkohe PS është përgjigjur se "vetëm transparenca e zgjedhjeve e rikthen PS-në në Kuvend, kurse kutitë e mbyllura do të rinxjerrin popullin në rrugë". Kështu i është përgjigjur Partia Socialiste kryetares së Kuvendit, Jozefina Topalli, e cila u shpreh e sigurt se bojkotit të opozitës po i vjen fundi.

Reagimi ka ardhur nga deputetja Eglantina Gjermeni, e cila e ka quajtur diversion ndaj PS-së deklaratën e Topallit.

"Bojkoti vazhdon dhe nuk do të ndalet për aq kohë sa nuk do të bëhet transparenca e plotë e zgjedhjeve të 28 qershorit. Vetëm transparenca e rikthen PS në kuvend ndërsa kutitë e mbyllura do të rinxjerrin popullin në rrugë. Të hapen kutitë për t'i dhënë fund bojkotit"- tha ajo.
Duke e quajtur Topallin, spikeren e Kuvendit, Gjermeni i ka bërë apel të lërë diversionin bajat të paktën në prag të tryezës së presidentit.
Sipas Gjermenit, mandatet e Partisë Socialiste janë mandate të popullit opozitar, as Jozefina e as Saliu nuk i prekin dhe as i djegin apo përvetësojnë dot përmes diversionit ndaj PS.
Pak ditë para se Topi të mbledhë në tryezën e dialogut kryeministrin Berisha dhe liderin e PS-së, Rama, kryetarja e Kuvendit është shprehur optimiste, duke deklaruar se bojkoti i opozitës do të marrë fund.

[Brari]

Me cduken bathet do kete 97 te .

Ky eshte plani ruco gjinusho ngjelo ndoko kloso-paskuale milo-dade-edvinist.

Patjeter ata do jen pergatitur mire.
I kan te gatshme listat me falangistet e 97 tes plus kelisheria e 97 tshave jan bere dhe ata falangiste caushiste keshtu qe ndihen me te forte.

Sot bandat fierake ishin ne proteste. Kuptohet me urdher nga selia roze.
Tavolina eshte krejt kot.
Kallashi do jete ai qe do vendose.


--

gazeta sot thoshte dje:






Albertini: Kërkesa e PS për të hapur kutitë ose rinumërim të votave nuk mund dhe nuk duhet te pranohet
Kryetar i komisionit të jashtë të PE Gabriele Albertini i kujton Ramës se bojkoti dëmton PS dhe vendin

Kanë qenë të një pas njëshme “shuplakat” që ka marrë kryetari i opozitës Edi Rama dje nga faktori ndërkombëtarë. Vetëm pak orë para tryezës së presidentit të republikës me partitë politike drejtuesit e lartë të Parlamentit Evropina i kanë kujtuar opozitës që të heqë dorë nga deklaratat për hapjen e kutive të votimit. Presidentit i Parlamentit Evropian Jerzy Buzek i ka kërkuar opozitës që ti japë fund bojkotit dhe të kthehet në Kuvend ndërsa kryetari i Komisionit

për Marrëdhëniet me Jashtë në Parlamentin Evropian Gabriele Albertini ka qenë më i drjetë për drejtë në deklaratën e tij ku ka theksuar se nuk mund të pranohet kërkesa e Partisë Socialiste për hapjen e kutive të votimit dhe rinumëmrinin e votave. “Kërkesa e Partitë Socialiste të Shqipërisë për të hapur kutitë e votimit për rinumërim të votave të zgjedhjeve parlamentare të qershorit 2009 nuk mund dhe nuk duhet të pranohet” është shprehur Albertini. Ai ka theksuar se Parlamenti Evropian është shprehur njëhër për zgjedhjet në Shqipëri nëpërmjet rezolutës të miratuar në seancën e 26 nëntorit të vitit të kaluar. Në këtë rezolutë i kërkohet opozitës që ti japë fund bojkotit të parlamentit dhe e fton atë të kryeje detyrimet e saj për të përfaqësuar zgjedhësit në parlament. Kërkesa e opozitës nuk ka argumente dhe prova të mjaftueshme për të hedhur poshtë vendimet e marra nga KQZ, Kolegji Zgjedhor dhe Gjykata. Albertini i ka kërkuar opozitës që të kthehet së shpejti në parlament duke iu kthyer normalitetit politik, për të mos penguar aspiratat integruese të Shqipërisë në BE.

PPE
Faktori ndërkombëtar i kërkon PS të njoh rezultatin e zgjedhjeve dhe të kthehet në në Parlament, duke nënvizuar se hapja e kutive tashmë është rrëzuar nga Kolegji Zgjedhor. Deklarata këtë herë vjen nga kreu i grupit të Partive Popullore Evropiane, në Parlamentin Evropian, Joseph Daul, i cili thekson se PE, ka bërë rezolutë kundër bojkotit dhe se kërkesa për hapjen e kutive të votimit, dhe rinumërimin është rrëzuar nga Kolegji Zgjedhor. Në këtë drejtim, kreu i PPE bën thirrje që PS të respektojë vendimin e Gjykatës dhe KQZ. “Grupi i PPE është shumë i shqetësuar rreth situatës së vështirë politike në Shqipëri e shkaktuar nga bojkoti që Partia Socialiste i ka bërë parlamentit pas zgjedhjeve parlamentare të qershorit 2009. Ne shprehim shqetësimin tonë të thellë për situatën aktuale politike në Shqipëri. PS duhet të pranojë rezultatin e zgjedhjeve dhe të punojë për interesat e shtetasve shqiptarë”, nënvizoi kreu i PPE, në Parlamentin Evropian, Joseph Daul. Parlamenti Evropian adoptoi nëntorin e shkuar një rezolutë mbi vendet e Ballkanit Perëndimor, duke i bërë thirrje opozitës që të ndalojë bojkotin dhe të bëjë detyrën duke përfaqësuar votuesit e tyre në parlament. Ndërkaq njëzëri faktori ndërkombëtar i kërkon Partisë Socialiste të respektojë vendimin e KQZ dhe vendimin e Kolegjit Zgjedhor që e refuzoi kërkesën e tyre për rinumërim të votave dhe të bëhet pjesë e rrugës së Shqipërisë në BE. “Opozita shqiptare duhet të punojnë së bashku me qeverinë në rrugën e reformave ekonomike dhe sociale për të bërë të mundur që Shqipëria të përmbushë kriteret për anëtarësimin në Bashkimin Evropian”, deklaroi Joseph Daul.

Eva Gjura

gazeta sot

[juanito02]

Po sot si po shkon ajo tryeza e famshme te Topi more?
Sikur qe sot apo eshte shtyre?

[prenceedi]

Tryeze koti
Pa pranine e medias kushedi se cfar corbe do na servirin
Dhe ne fund do te dalin te gjithe te fituar
O moj Shqypni............

[BEHARI]

Po sot si po shkon ajo tryeza e famshme te Topi more?
Sikur qe sot apo eshte shtyre?

sa po dolen nga tryeza!
me sa duket rama do vazhdoje akoma te ngelet me Biberon ne goje!!

[Duaje Siveten]

nuk iu intereson marveshje, ulje tensioni, zgjidhje krize ... as belgradit, e as athines ...

berluskoni do ta kete kujtuar salis se kemi kriesuar nje trupe nderkombetare ne '97, ndaj beji hesapet mire ... e na sillni çupa te bukura ...

fajkojte e athin-beogradit i fryjne ureve te zjarrit per konflikt e perplasje ... te trembin miletin e te paralajmerojne nderkombetaret se salis eshte prap ne gjendje te krijoje kaos e te veshe Shqiperine ne te zeza per hir te pusht-etit dhe pa-sftesise te salis te menaxhoje situatat ... qe gjithmone marrnin nota e substance kanibaleske, vampiresh, hienash, zombish ...

une ende besoj se kete radhe do te ndalet dora tinzare dhe e pergjakur e salis ...