Një emigrant shqiptar pritet të dalë para një gjykate, për t'u përballur me akuzat se ka goditur disa herë, thikë pas thike, deri në vdekje, gruan e tij para dy fëmijëve, dy djemtë e çiftit në shtëpinë e tyre Chesterfield Township, rrethinat e Detroitit në shtetin federal të Massachusetts. 41-vjeçari i dyshuar për therjen e gruas së tij me thikë, emri i të cilit nuk është shpërndarë deri tani nga policia, është duke u mbajtur në burg Macomb County, qysh nga dita e diel, sipas policisë së Chesterfield Township. Sgt Detective Deron Mejers tha se policia ishte thirrur në një thirrje urgjente 911, se në një shtëpi të provincës Dove Lane, pranë rrugës Gratiot, në orën 8:45 të darkës së shtunë, pas marrjes së 911 thirrje, dëgjohej zëri i një gruaje të plagosur që kërkonte ndihmë. Skuadra e policisë, autoambulancat dhe zjarrfikësit shkuan menjëherë në vendngjarje dhe gjetën pa ndjenja një grua 41-vjeçare që po lëngonte nga plagët e shumta që kishte marrë pas shpinës së saj, e goditur disa herë nga bashkëshorti. Zëdhënësi i policisë, Sgt Detective Deron Mejers, tha se nxitimthi gruaja me plagë të shumta u dërgua në Qendrën Rajonale Mjekësore Clemens, ku ajo u ajo më pas një kohë të shkurtër u deklarua nga mjekët e vdekur. Burri i saj, së bashku me një nga bijtë, thanë se kishin thirrur policinë në numrin e urgjencës 911. Ata u arrestuan në shtëpi pasi policët shkurtimisht i morën në pyetje ata qysh nga vendngjarja. Hetuesit thanë se kishin pasur probleme komunikimi në gjuhë sepse i dyshuari ishte shqiptar dhe ai nuk e kuptonte mirë anglishten dhe bashkëpunimi me hetuesit ishte i vështirë për momentin. Fqinjët e kësaj familjeje thanë se "gruaja që u ther me thikë nga bashkëshorti i saj, ka punuar dy punë, përveç kujdesjes për familjen e saj”. Sipas fqinjëve dhe miqve, çifti kishte ardhur të jetonte verën e kaluar në rrethinën Dove Lane. “Ajo kurrë ndonjëherë nuk kishte folur për problemet që kishte me burrin e saj”, - thanë fqinjët dhe miqtë e saj. "Ajo ishte një punëtore shumë e mirë, që gjithmonë kishte një buzëqeshje në fytyrën e saj, sa herë që gruaja ime dhe unë e shihnim dhe përshëndeteshim", - tha Bob Adair, një fqinj që e njihte viktimën së bashku me gruan e tij nga puna e saj, kur kishin punuar në një dyqan në Meijer mbi Gratiot ekziti 23 Mile. “Viktima, - tha ai, - gjithashtu ka punuar në mirëmbajtje në një hotel zone dhe ishte i lumtur që ajo ishte në gjendje për të blerë dhurata për bijtë e saj për Krishtlindje, pasi burri i saj ishte i papunë”.
Adair, i cili ka qenë një oficer në pension i Policisë Federale dhe ka punuar në Selfridge, Bazën Ajrore të Gardës Kombëtare, tha se lajmin për vrasjen e gruas e mësoi nga lajmet dhe se ka qenë së bashku me gruan e tij i pikëlluar, sepse, sipas tij, ajo (viktima) ishte aq miqësore për atë dhe gruan e tij, sa ata ndiheshin si miq. Sipas policisë, djemtë e çiftit janë të moshave 11 dhe 16 vjeç dhe ishin në shtëpi kur ndodhi sulmi me thikë nga babai ndaj nënës së tyre. Ata janë dërguar menjëherë dhe janë vendosur në një Qendër për Mbrojtjen e Fëmijëve, derisa të afërmit e fëmijëve në Shqipëri mund të kontaktojnë me autoritetet e policisë. Michelle Irwin, një zëdhënëse në shkollën publike “Creuse”, mësuese për menaxhimin e krizave në familje tha se “një ekip ekspertësh të këtyre çështjeve do të jetë në të dy shkollat, për të mbajtur leksione për stafin, studentët, shokët e të afërmit e tyre, për grindjet në familje”.
Përgjigju Duke Cituar
Postuar më parë nga toni007
Krijoni Kontakt