Si mund te ushqehemi me Krishtin?

[Matrix]

Tek ungjilli sipas Gjonit, Krishti thote se nqs nuk hame trupin e Tij
dhe nuk pime gjakun e Tij nuk mund te kemi jete.

Do doja qe gjithesecili te ndaje se si mund te behet kjo?

[Dielli_ime]

Matrix,

Tani me terhoqe si me magnet ne forum .

Meqe jam ende ne pune dhe nuk mund te flas dot gjate, po pergjigjem shume shkurtimisht.

Per mua personalisht nuk ka tjeter pos Meshes Shenjte!!!

Shtjellimin mund ta bej ne nje shkrim tjeter.


Te fala ne Krishtin!

[Matrix]

Ok, Faleminderit Dielli

A ka menyra te tjera apo kjo eshte e vetmja menyre?
(kjo pyetje nuk i drejtohet vetem Diellit por te gjitheve)

Ndersa personalisht per ty Dielli, kam nje pyetje tjeter: Nqs dikush nuk ka mundesi (fizikisht)
te marre pjese ne Meshen e Shenjte, si arrin ai te marre Krishtin si ushqim?

p.s kjo teme eshte shume e gjere dhe do doja te kishte pjesemarrje nga te gjithe, sipas mundesive

[toni77_toni]

Vëlla Matrix, është vështirë edhe te perkufizohet kjo sepse është ushqim i perjetshem. Per mua Krishti është ushqim i perhershem dhe i perjetshem. Mund ta marr ne çfardo mënyre dhe forme qe Ai më dhurohet, pra mendoj - besoj se iniciativa nuk është e imja por e Tij, ndersa në mua varet vetem vullneti dhe gadishmeria qe të marr ushqimin - dhuraten - Krisht, të ia hapi zemer time qe Ai të vij dhe te veproj duke me ushyqer.

KJo ishte forma e te ushyqerit në forma individuale dhe "private"

Në anen tjeter, ka edhe mënyrë etë ushqyerit istucional - zyrtar - kishtare dhe biblike. E kjo është Mesha e Shenjte. Në meshë Zoti na dhurohet si ushqim dhe nëse nuk marrim, është një lëshim i madh i yni. Ata qe shkojnë në Kishë dhe nuk e marrin këtë Ushqim-Krisht, mund të krahasoj me farizenjet e kohes së Jezusit te cilet Krishti iu dhurua atyre dhe ishte me ta dhe në mes të tyre, ata nuk e muaren.

Krishti na dhurohet në Meshen e Shenjte dhe na bashkon te gjithve së bashku rreth Tij, na ushqen kur ne i lutemi, sepse ashtu ka premtuar; "çka te lypni ne mer tim do tu ipet". Krishti na ushqen me fjalet biblike dhe psalme, Krishti na dhurohet në letrat dhe shkrimet e apsotujve dhe është ushqim i amshuar. Krishti na ushqen me Ungjillin dhe Krishti vet na flet, Krishti na dhurohet në Lterin e Shenjt dhe Ai na vjen vet - Eukaristia është prania reale e Jezusit, Sakramenti në të cilin Krishti i dhurohet mbarë botës, mister i themeluar në Darkën e Mbrame të Krishtit dhe qe sot vijon të veprojë në Kishë; Jezusi dhurohet për jetën e mbarë botës.Eukurasia - Buka e Jetes dhe qe po ky ushqim na ruan per në Jeten e pasosur. Krishti na dhurohet në pendesa dhe Ai vjen në brendesinë tonë dhe pastron dhe perjashton çdo mendim apo gjykim te keqe qe mund edhe të jetë. e keshtu me radhë. Pra kjo është ajo qe thash zyrtare-kishtare, Mesha e Shent - Dhuratë nga ZOTI qe vet ZOti na dhurohet.

Nuk duhet të kuptoj i krishteri se vetem vajtja në Kishë është ushqim, jo, njeriu ushqehet edhe në shtepi, në shqoreri, edhe në shkrimet e shernjta, edhe ne keTe forum ushqehermi me Krishtin.

Por ne asesi nuk mund te ndalemi vetem këtu apo aty sepse Zoti vet Ai ushqim është i plotfuqishem, a amshuar - i perjetshemj. Ai mund ta gjej edhe formen e tjera te cilen ne nuk mund edhe ta dimë, Ai është "UNË JAM" dhe ka dhe munndet edhe në forma të ndryshmer të ushyej të bijt dhe te bijat e Tij. Ne mund të dimë vetem aq sa Ai na zbulon, per ata them se nuk mund te ndalemi vetem aty.


Per mua Krishti është JETA, Ky per mua është Ushqim i Jetes dhe nuk do te thotë se e marr vetm aty apo këtu, por ajo qe unë e them me plotë besim dhe bindje se ushqim me bollak; është në Meshen e Shenjt. Aty kam Krish-Jetë Me bollak.


respekte
toni77

[Dielli_ime]

Ndersa personalisht per ty Dielli, kam nje pyetje tjeter: Nqs dikush nuk ka mundesi (fizikisht) te marre pjese ne Meshen e Shenjte, si arrin ai te marre Krishtin si ushqim?

Matrix,

Po me vjen keq qe serish me duhet te pergjigjem shkurtimisht ne kete teme, por e kam kohen me pikatore...

Besimtaret katolike mund ta marrin kungimin ne shtepi, nese nuk mund te shkojne fizikisht ne kishe e te marrin pjese ne Meshen Shenjt. Te afermit e shtepise se personit, ose vete ai/ajo, e kane per detyre ta lajmerojne meshtarin per kete gje dhe ai pergatit gjithcka qe ky/kjo te marrin kungimin ne shtepi, spital, apo kudo qe ndodhet.


Te fala ne Krishtin!

[Dielli_ime]

Toni,

Eshte e vertete me Krishtin mund te ushqehesh ne menyra te ndryshme, mirepo Matrix po pyet pikerisht per rreshtat qe flasin per fline e trupit dhe gjakut te Krishtit.

Pra, le t'i perqendrojme shkrimet tona te ky urdher dhe do te ishte mire qe te sillet ketu pervoja e Eukaristise e te ndahet me vellezerit dhe motrat qe e kerkojne kete ushqim.


Te fala ne Krishtin!

[Matrix]

Cudi qe vetem besimtaret katolike u pergjigjen per kete pyetje.

Me sa duket besimtaret ungjillore nuk e ditkan si te ushqehen me Krisht????

[marcus1]

Unë kam dhënë pak a shumë një përgjigje se si mund të ushqehemi me Krisht, por duke parë se tema po merr një drejtim më të ngushtë se sa më duket mua, do doja të shtoj disa gjëra.

Në radhë të parë dua të them se me të vërtetë Matrix ka sjellë këtu vargjet ku Jezusi thotë se duhet të hamë trupin e Tij dhe të pimë gjakun e Tij, por edhe titulli i temës edhe vetë fjalët e Krishtit kanë një kuptim shumë më të gjerë se sa marrja pjesë në Darkën e Zotit, apo kungimin si i thonë katolikët.

Le të shohim të tërë pasazhin në kontekst.



John 6:56 Kush ha mishin tim dhe pi gjakun tim, mbetet në mua dhe unë në të.
John 6:57 Sikurse Ati i gjallë më ka dërguar dhe unë jetoj për shkak të Atit, ashtu edhe ai që më ha mua do të jetojë edhe ai për shkakun tim.
John 6:58 Kjo është buka që zbriti nga qielli; nuk është si mana që hëngrën etërit tuaj dhe vdiqën; kush ha këtë bukë do të jetojë përjetë''.
John 6:59 Këto gjëra tha Jezusi në sinagogë, duke mësuar në Kapernaum.
John 6:60 Kur i dëgjuan këto, shumë nga dishepujt e tij thanë: ''Kjo e folur është e rëndë, kush mund ta kuptojë?''.
John 6:61 Por Jezusi, duke e ditur në vetvete se dishepujt e vet po murmurisnin për këtë, u tha atyre: ''Kjo ju skandalizon?
John 6:62 Ç'do të ishte po ta shihnit, pra, Birin e njeriut duke u ngjitur atje ku ishte më parë?
John 6:63 Éshtë Fryma që jep jetë; mishi nuk vlen asgjë; fjalët që po ju them janë frymë dhe jetë.
John 6:64 Por janë disa midis jush që nuk besojnë''; në fakt Jezusi e dinte që në fillim kush ishin ata që nuk besonin, dhe kush ishte ai që do ta tradhtonte;
John 6:65 dhe thoshte: ''Për këtë arsye ju thashë se askush nuk mund të vijë tek unë, nëse nuk i është dhënë nga Ati im''.
John 6:66 Që nga ai moment shumë nga dishepujt e vet u tërhoqën dhe nuk shkuan më me të.
John 6:67 Atëherë Jezusi u tha të dymbëdhjetëve: ''A doni edhe ju të largoheni?''.
John 6:68 Dhe Simon Pjetri iu përgjigj: ''Zot, te kush të shkojmë? Ti ke fjalë jete të përjetshme.
John 6:69 Ne kemi besuar dhe kemi njohur se ti je Krishti, Biri i Perëndisë të gjallë''.

Për mua është më se e qartë se Krishti nuk e kufizon Vetveten vetëm në ndarjen e bukës dhe të verës duke e bërë këtë si një rit fetar. Është më se e qartë se Ai thotë se Ai është mana e zbritur nga qielli dhe është ushqimi i vërtetë dhe këtë ushqim ne mund ta marrim në shumë mënyra të ndryshme. Krishtin mund ta marrim nga vëllezërit dhe motrat, mund ta marrim nga Bibla, mund ta marrim nga libra të ndryshëm dhe mbi të gjitha mund ta marrim duke u kthyer brenda vetes, atje ku Ai banon dhe mbretëron. Atje ku Mbreti ka shtruar tavolinën dhe ne ftohemi të ushqehemi me Të. Ku pra? Në frymën tonë, në qendër të vetes sonë. Si mund të bëhet kjo? Me anë të lutjes, me anë të lutjes së thjeshtësisë, duke u kthyer vazhdimisht tek Ai. Për hollësira mund të lexoni librin që unë po postoj: "Të Përjetosh Thellësitë e Jezu Krishtit".

Desha të them edhe dy fjalë për Darkën e Zotit. Pa dashur të gjykoj njeri dua të them se me sa kam parë nga Dhjata e Re, ajo merrej si pjesë e një feste midis besimtarësh. Kisha mblidhej dhe të gjithë hanin së bashku. Duke ngrënë, ata ndanin bukën dhe verën në Kujtim të Zotit. Ky është shembulli biblik dhe kështu e bëj unë me vëllezërit dhe motrat që mblidhem. Do doja të dija nga vëllezërit dhe motrat e tjerë se ku bazohen që ata e bëjnë me mënyra të ndryshme nga ajo që na jepet në Bibël.

[Dielli_ime]

Marcus,

E kam nje faqe shume te mire ku mund t'i marresh te gjitha pergjigjet lidhur me kete qe pyet, ku shpjegohen qendrimet e Kishes Katolike lidhur me Meshen Shenjte. Po s'e pate problem me lexu ne anglisht, te lutem futu ne www.salvationhistory.com . Per me lehte, po t'i nis edhe nja 2 materiale me email. Nese nuk i merr dot aty te gjitha shpjegimet, me thuaj qe te te gjej ndonje material tjeter.

Per mua personalisht, Eukaristia eshte ushqimi i perditshem pa te cilin nuk mund te jetoj dhe nuk dua te ndahem kurre prej ketij Ushqimi. Per me shume te sqarojne materialet qe do te gjesh ne kete faqe

Te fala ne Krishtin!

[toni77_toni]

Cudi qe vetem besimtaret katolike u pergjigjen per kete pyetje.

Me sa duket besimtaret ungjillore nuk e ditkan si te ushqehen me Krisht????

Pershendetje vëlla Matrix

Unë kam postuar diçka lidhur me këtë temë, por ka edhe diçka rreth kësaj temë qe ti sigurisht nuk e din por qe dua ta them një pjesë të sajë.

Unë me një vëlla – anëtar I këtij forumi, kam zhvilluar debat lidhur me Krishtin-Bukë e Jetes. Të them të verteten ato qe I kam degjuar nga ai, nuk deshiroja ti degjon nga asnjë njeri. Deri qe më ka quajtur kalibal.

Unë pranoj faktin se do të etiketohna dhe mbi mua do të ketë akuza, por kur ndodhë nuk shqetësohna para qe të bëjë një analizë pse po ndodhë kjo? Është kjo per arsye se unë po bëjë atë qe më mëson Krishti ta bëjë, apo është ndonji veprin qe unë bëjë dhe ai është në kundershtim me fjalet e Zotit. Prandaj kur ai miku dhe disa te tjerë rreth tij më kan akuzuar mua dhe Kishen qe unë I perkas lidhur me këtë çeshtje, kam vertetuar se nuk është Fryma Ai qe me flet por njeriu dhe mendja e njeriut, per ata edhe nuk jam shqetesuar fort, por jam disatncuar nga kjo temë.

Pasi qe veq është duke u four per këtë, unë edhe njëhër dua të postoj diçka sa per të speguar dhe dhënë një pergjigje lidhur me temen se si Kisha qe unë I perkas e beson.


Thënë të verteten, nuk dashta ta postoj këtë por pasi që disa her u kerkua, tani të lexojmë; është pjesë e punimit tim, një liber qe së shpejti do të del në dritë dhe lexuesit do ta kenë në dorë.
Nga Libri; “Pse të besojmë Jezusin”!

*******
“Unë jam buka e jetës,” - deklaron Zoti. Ai u tha këto fjalë njerëzve që e kërkuan në Kapernaum. Ata prisnin që Ai t’i ushqente me bukë, kështu Zoti u tha atyre: “Unë jam buka e jetës.” Ai është ai që jep bukën e jetës dhe Ai vetë është kjo bukë. Dhurata dhe dhuruesi janë një, të pandara. Lavdi Zotit, Krishti është dhurata e Atit ashtu siç Ai është Zoti që jep dhuratën.

“Kush vjen tek unë nuk do të ketë më kurrë uri” thot Krishti!

Në ungjillin të shkruar nga Gjoni lexojmë se Jezusi thot se: “Unë jam buka e jetës: kush vjen tek unë nuk do të ketë më kurrë uri dhe kush beson në mua, nuk do të ketë më kurrë etje.” (Gjoni 6:35)

Kur thuhet se Jezusi ka thënë “Unë jam buka e jetes” ndodhë qe dikujt I duket e quditshme, s’ka rendësi, e rendësishme ëshë se Krishti është ushqimi qe zbriti nga qielli dhe kush merr nga ky ushqim nuk ka më uri. Edhe në kohen kur Jezusi tha kështu disa murmuriten, dhe ata qe nuk kuptonin Jezusin, I than njëri tjetrit: “Si mundet ky të na japë trupin (e vet) për ushqim?”

Mirpor Jezusi duke vërejtur se ata nuk kuptonin e perseriti duke u thënë:
“Përnjëmend, përnjëmend po ju them: nëse nuk e hani trupin e Birit të njeriut e nuk e pini gjakun e tij, nuk keni jetë në vetvete!

Pati edhe nga nxënësit e Tij qe nuk kuptonin dhe kur i dëgjuan këto fjalë, thanë: “I pakuptueshëm është ky mësim! Kush mund ta dëgjojë?” Por Jezusi ua ktheu atyre duke u thënë: “Shpirti është ai që jep jetën” dhe vazhdoj të sqaroj se: “Fjalët që unë ju thashë, janë shpirt dhe janë jetë”. Kjo mund të ndodhë edhe sot dhe njerëzit të mos kuptojnë se kush është buka e jetes, Por Jezus Krishti nuk e terheku këtë deklaratë edhe pse dikush nuk deshti të kuptoj, Ai këtë e vertetoj dhe e vuloso në darken e mbramë. Jezusi pra është buka e vertetë qe jep jetë. Jezusi ka jetë ashtu siç edhe jep jetë.

Le të shohim se çfarë është buka për të krishterët, kjo është shumë e rendësishme dhe secili njeri duhet të dij: “Unë jam buka e jetës.” Thotë Krishti. Shumë të krishterë konsiderojnë ushqim vetëm një orë lutje apo lexim Bible, apo vajtja një të dielle në Kishë; ata nuk e dinë se ushqimi i tyre është vetë Zoti Krisht. Nuk po themi se lutja apo leximi i Biblës janë të panevojshme, prite Zot, por të mos harrojmë se Jezusi thotë këtu se Ai është “buka e jetës” - që do të thotë se buka e jetës nuk është asgjë tjetër përveç Zotit vetë. E kush merr këtë bukë merr Zotin.Sepse, Jezusi e tha këtë, bile e perseriti disaher duke thënë: "Kush ushqehet me trupin tim dhe pi gjakun tim ai mbetet në mua dhe unë në të. Sikurse mua më dërgoi Ati i gjallë dhe unë jetoj për Atin, po ashtu edhe ai që më ha mua do të jetojë për mua. Kjo është buka që zbriti prej qiellit, jo porsi ajo që hëngrën etërit e vdiqën: kush ushqehet me këtë bukë do të jetojë në amshim.” (Gjn 6;22-71) Pra, kush ushqehet me këtë bukë do të jetojë në amshim. Lavdi ZOTIT.

Eukaristia është prania reale e Jezusit, Sakramenti në të cilin Krishti i dhurohet mbarë botës, mister i themeluar në Darkën e Mbrame të Krishtit dhe qe sot vijon të veprojë në Kishë; Jezusi dhurohet për jetën e mbarë botës.

Eukaristia është pra në themel një mister bashkimi me Krishtin Jezus. Shën Pali shkruan:

“Kelku i bekimit që ne e marrim nuk është vallë bashkim me gjakun e Krishtit? Dhe buka që ne ndajmë nuk është vallë bashkim me korpin e Krishtit?” .
“Pasi është një bukë e vetme, ne, edhe pse shumë, jemi një trup i vetëm: pse të gjithë jemi pjesëtarë të një buke të vetme”. (1 Kor 10, 16-17)

Eukaristi-a si fjalë vjen nga gjuha greqishte dhe do të thotë «Falenderim». Me «Falenderim» nënkuptohet këtu dhurimi mbi Kryq i Jezusit ndaj Atit PËR NE, PËR BOTËN.

Eukaristia është zemra dhe kulmi i jetës së Krishterë dhe i vetë kishës pasi në atë pranojmë vetë Krishtin si sakrificën e vërtetë në të cilën Jezu Krishti i afroi Atit njëherë e përgjithmonë në kryq. Më ndërmjetësinë e kësaj sakritice apo flije Jezusi shpraz hiret e shpëtimit mbi trupin e vet mistik që quhet kishë.

Eukaristia është përkujtim i Pashkëve të Krishtit të veprës së shëlbimit, e përbërë nga jeta, vdekja dhe ringjallja e Krishtit është vepra që bëhet prezente nga liturgjija, flija e Kryqit apo e Eukaristisë. Qartë duhet të thuhet se Krishti vetveten ia paraqiti Atit si fli shenjte e cila i përqeu që ashtu të përmirësojë gabimet, fajet tona. «Ai na deshti e për ne Ai flijoj vetveten. Hyjit porsi kusht e fli që jep erë të mirë.» (Ef 5, 2).

Flija e kryqit në kishën e Zotit përjetohet në flijen Eukaristisë. Në këtë fli Krishti meshtar kryqëzon vetveten ia paraqet Atit me shugurimin e dhuratës që realizohet prej meshtarit së cilë dhuratë, bashkangjiten besimtarët. Kur është flija e kryqit dhe festa e Ringjalljes flijimi i dhuratës plotsohet me kungim. me të cilën flija e paraqitur Zotit merret si ushqim ku besimtari bashkohet me Jezusin dhe hidhet në dashuri reciproke. Në darkën e mbrame Jezusi e bëri të pranishëm flijen e kryëit. Ky ishte akt profetik, akt përkujtimi i bërë përpara. Këtë akt profetik e bën të pranishëm në përmjet shenjave. Buka e ndarë paraqet Trupin e Krishtit, kurse vera në gorë paraqet Gjakun e Krishtit të dredhur për ne. Kështu Jezusi e themeloi flijen Eukaristike të Trupit e të Gjakut të vet që gjatë shekujve deri tek ardhja e dytë e Tij të jetë e pramishme flija e Kryqit dhe përherë ku kisha këtë e përsërit bëhet e pranishme e vetmja fli e Jezusit. Dëshira e njerëzve për të paraqiti flinë dëshirë e cila ekzistonte prej Abelit, këtu në meshë fiton mundësi që Zotit ti paraqitet flia të cilës njerzit nuk do ti turpëroheshin. Nëpërmjet kësaj flije miqësia ne me Atit e njeriut është e vendosur thellë dhe është një miqësi e re apo besëlidhje e re. BR ishte vetëm përkujtim i një farë miqësie. Kur përkujtojmë miqësinë e re ajo është e pranishme në mesin tonë dhe ashur na është e mundshme të marim pjesë në flijen denifinitive të njerzimit e cila më nuk është kafsha, por biri i njëlindur Jezu Krishti. T’u iu bashkangjitë kremtimit të meshës d.m.th. marrim pkjesë në flijen e Jezusit nëpërmes së cilës lidhet marrëdhënia mes Zotit e popullit të Tij. E kjo ndodh mes gëzimit, mes festës në të cilën janë të thirrur të gjithë besimtarët. Në këtë të kremte të Eukaristisë Krishti vetveten e bën të pranishëm, nëpërmjet flisë të cilën në mënyrë të papërgjakur ia kushton Atit për shëlbimin e botës nëpërmjet shërbeses që e paraqesin meshtarët, e besimtarët bashkohen me meshtarin qe bashkë me të njërherit të bashkuar me Krishtin ta paraqesin flinë e falenderjes, flijën e shpërblyese dhe lutjen enderimit. Të gjithë të pranishmit i dhurojnë vetveten. Paraqitja e flisë e cila paraqet flijen e Krishtit ndodh në lutjen Eukaristike me fjalët që i ka thënë vetë Krishti në darkën e Mbrame: «Merrni e hani të gjithë prej këtij, ky është korpi im. Merrni e pini të gjithë prej këtij, ky është Gjaku im. Bëni këtë në përkujtimin tim.»


Prania e vërtetë dhe shndërrimi Eukaristik

Është e duhur të theksohet se pas shugurimit të bukës dhe të verës në Elter është i pranishëm Trupi dhe Gjaku i vetë Krishtit dhe se ky Trup dhe Gjak pranohet në mënyrë Sakramentale në kungimin e Shenjt. Ata të cilët me bindje i afrohen kësaj tryeze hyjnore, të përtrihen shpirtërisht.

Duhet të dimë se buka dhe vera pas fjalëve të shugurimit shndërrohen në Korpin dhe Gjakun e Krishtit, edhe pse me bukë dhe në verë mbetet shija, pamja e bukës dhe e verës në mënyrë krejt të fshehtë fshehet vetë Krishti në vehten njerëzore dhe hyjnore.

Pas shndërrimit të mrekullueshëm trajta e bukës dhe e verës e cila në vete përban dhe tregon vetë Krishtin si burim dashurie ku Krishti i flijuar dhe i Ringjallur bashkohet me ne.

Gjatë jetës tokësore të Jezusit, kur apostujt rrinin me të rreth tryezës, Ai ishte i dukshëm edhe me trup para tyre. Pas vdekjes dhe Ringjalljes kur nxënësit mblidheshin për të treguar dashurinë ndaj Jezusit, prapë i lidhte dashuria e Jezusit dhe përkjtimi në të i cili i mbante të bashkuar. Jezusi në mënyrë misterioze ishtë në mesin e tyre nëpërmjet ndarjes së bukës ata përjtonin bashkimin me Krishtin. Nxënësit ishin të vetëdijshëm për detyrën që Jezusi ka lan, por ka përkujtuar flijimin e Tij, duke marrë bukën dhe verën e duke thënë fjalët që i tha në darkën e mbrame. Apostujt e kanë ditur se duke bërë këtë e pranojnë Krishtin si ushqim të shpirtit. Ajo bukë që ishte para tyre nuk ishte ma bukë e thjeshtë, por ishte Korpi i Krishtit, të cilën gjithkush mund ta pranoj, mund ti afrohet vetëm nëse është i denjë.

Në përkujtimin e darkës së mbrame e cila nuk është ndërpre kurrë në kishat katolike, prania e Krishtit është hiri i Shenjt Eukaristik. Për këtë arsye ajo që gjendet në Elter, pasi që i janë thënë fjalët Krishtit edhe pse me shije të jashtme mbetet bukë dhe verë, substanca ajo që mban brenda është Korpi dhe Gjaku i Krishtit, ushqim ky që i ushqen shpirtat tonë. Është bukë e jetës e cila na dhurohet, ky ushqimi Shenjt na jepet që në fe dhe dashuri të rritet bashkimi në Krishtin me Zotin dhe Hyjin dhe me Shpirtin Shenjt i cili banon në ne. Pra pranija e Krishtit në Eukaristi është e padukshme, por është e vërtetë për të cilën dëshmon feja jonë. Zoti është i pranishëm në besimtarin edhe para Kungimit, gjdo her, por në mënyrë të posaçme është i pranishëm në flinë Eukaristike.


Liturgjia e sakramentit të Kungimit

Gjatë historisë hasim disa emra për këtë sakrament: thyerja e bukës, Eukaristia, Flia e Pashkëve etj. Në darkën e mrame Krishti u dha apostujve Korpin e Gjakun e si përkujtim dhe si prani e vërtetë e Krishtit në mesin e tyre. Me këtë e bashkoi pashkën hebreje me pashkën e Krishtit, ku pashka hebreje përkujton lirinë e popullit të Izraelit nga robëria egjyptiane, kurse pashka e Krishtit Jezus paraqet lirinë e njerëzve nga robëria e mëkatit. Me themelimin e ritit të ri Jezus Krishti dëshiron ta amshojë Pashkën, ku kuptimi i Pashkës nuk është më lirimi nga mëkati Egjipti dhe Besëlidhja e Sinait, por lirimi nga mëkati nuk është më gjaku i kafshëve i cili qe vetëm shenjë, por Gjaku i vetë ndërmjetësit dhe meshtarit që është vetë Jezusi i cili njëkohesisht shënon dhe realizon lirimin dhe Besëlidhjen; Lk. 22.20. E mori gjithashtu dhe Kelkun, pasi u krye darka e tha:

“Ky Kelk është besëlidhja e re në Gjakun tim që derdhet për ju” Mt 26,28 sepse ky është Gjaku im, Gjaku i Besëlidhjes që do të derdhet për të gjithë në shpërblim të mëkatëve. Mk 14,24 ...

Në darkën e mbrame shohim se Krishti Jezusi i shndërron Pashkën hebreje me Pashkën e Krishterë. Me këtë Ai nuk deshi vetëm ta themelojë ritin e ri me të cilin të krishterët do të dallohen nga hebrejtë, por dëshron ta plotësojë atë simbol që paraqet pashka hebreje e kjo është lirimi nga mëkati dhe besëlidhja e shkruar në zemër.

Shën Justini thotë: bukën Eukaristike mund ta marrë vetëm ai i cili beson se është e vërtetë i cili është i larë nga mëkatet dhe që jeton kështu siç e caktoi vetë Krishti, sepse në Kungim nuk marrim bukë e pije të thjeshtë, por e marrim Korpin dhe Gjakun e vetë Krishtit.

Ndërrimi i Eukaristisë jashtë meshë

Konçili i II i Vatikanit në numrin 3 jep parime themelore për nderimin e Eukaristisë. Vihet në dukje flija si përkujtim i vdekjes dhe ngjalljes së Jezu Krishtit dhe si kremtim i Pashkëve. Flija eukaristike është burim i liturgjisë shejte, të kishës dhe i jetës së krishterë në përgjithësi. Kuse kremtimi i Eukaristisë brenda flisë së meshë është burim dhe qëllim i nderimit të eukaristisë jashtë meshe. Trajtat shenjte që mbesin pas meshe ruhen në vënd të posaçëm për qëllim që besimtari që nuk mund të marrin pjesë në meshë të mund të bashkohen me Krishtin duke e marrë Kungimin Shenjt dhe në një mënyrë të bashkohen me flinë e atij e cila kremtohet në meshë. Çdo Kungim është i lidhur me flinë Eukaristike. Pjesëmarrja në darkën e Zotit përherë është bashkim me Krishtin i cili vetveten e kushtoi si fli. Trajtat shenjte gjithmonë janë Korpi i Krishtit që jepet për ne dhe Gjak i Krishtit, i cili derdhet për ne, Kur Kungimi ndahet jashtë meshet porositet që të bëhet sherbesa e fjalës që besimtarët e përgatitur të pranojnë Kungimin me një përshpitëri të Elterit duhet ta kuptojmë se prania e Krishtit në sakrament rrjedh nga flia dhe është drejtuar ka pranimi i Kungimit shpirtërisht. Nëse adhurimi nuk na nxit nga pjesëmarrja e plotë në misterin e Pashkëve atëherë adhurimi nuk është drejtuar mirë.


Si Sakrament

Eukaristia u themelua nga Jezusi në Darkën e Mbrame, në momentin kur AI u dha Apostujve bukën dhe verën, moment ky që përfondon me fjalët: «Bëjeni këtë në përkujtimin tim» (Luka 22, 19). Një shprehje e tillë vlen njëkohësisht si “urdhër” dhe si “detyrë” që u besohet Apostujve për të tejçuar dhurimin hyjnor si Aktualizim të Shpëtimit nga ana e Jezusit.

Njeriu mund ta gjejë burimin, plotesimin dhe domethënjen e ekzistencës së tij vetëm në dhurimin vetjak te Krishtit. Dhurimi i jetës së Jezusit është themeli i jetës së botës. Kisha e vën Eukaristinë në qendër të qenjes së saj sepse Ajo është e themeluar pikërisht në këtë vetëdhurim të Birit dhe vazhdon të jetojë JO PËR MERITAT E NJERËZVE QË E PËRBËJNË KISHËN, por VETËM në sajë të vetëdhurimit Eukaristik e të përditshëm të Birit.

Eukaristia është vendi i takimit dhe i njësimit mes Hyjnores dhe njerëzores, mes qiellit dhe tokës.

Eukaristia është Prania e vazhdueshme e Hyjit në dinamicitetin e historisë së njeriut.

Eukaristia është Zoti Jezus që dhurohet për jetën e botës. Në çdo kohë e në çdo vend ai dëshiron ta takojë njeriun për t’i dhënë jetën e Hyjit.