Zgjedhjet per pushtetin vendor ne Kosove mbahen ne 15 nentor 2009

[Llapi]

Voton nënkryetari i PDK-së, Fatmir Limaj
Prishtinë, 15 Nëntor 2009 (Kosovapress) Koha 12:16

Nënkryetari i Partisë Demokratike të Kosovës (PDK) dhe njëherësh ministri i Transportit dhe Post-Telekomunikacionit, Fatmir Limaj, i shoqëruar nga bashkëshortja e tij, ka votuar në ora 12.08, në Shkollën Fillore “Faik Konica”.

[drenicaku]

Po votohet edhe me dokumenta te identifikimit te serbis!!!!!!!!!!!!!!!!!!!!!!

[drenicaku]

Deri me tani kur ora eshte13 ne votime kan dal vetem 13% dhe kjo eshte e mjaftushme per te kupua se dalja ne votime eshte shume e vogel

[Nice_Boy]

Nuk ka shum interesim të madh tek qytetarët për të dal në Votime. Degjova se vetem 13% kan dal deri me tani ku kjo është shum pak ku kan mbetur edhe pak koh për të dal e të votuar.

Nejse mendoj se është shum e mirë kjo për ti dhen fund premtimeve boshe të partive në pushtet.

E vetmja menyr për të dal në zgjedhje dhe ndryshuar gjithcka në qeveri është ajo në "Zgjedhjet Parlamentare".

[Nice_Boy]

LDD thotë se një kandidat i saj është rrahur në Skenderaj


Nga më 15.11.2009 në ora 12:48

Luzim Zeneli, zyrtar i lartë i Lidhjes Demokratike të Dardanisë, në një konferencë për gazetarë, ka denoncuar rrahjen që i është bërë një kandidati të kësaj partie për këshilltar të asamblesë komunale në Skenderaj.

Sipas Zenelit, i sulmuari është Vehbi Mziu, i cili në qendrën e votimit në shkollën fillore të fshatit Palac, është sulmuar nga Sami Lushtaku, kryetar aktual i Skenderajt dhe kandidat i PDK-së edhe për një mandat.

“Kandidati ynë për këshilltar komunal është sulmuar fizikisht nga kandidati për kryetar i kësaj komune. Për këtë çështje janë njoftuar edhe organet e policisë”, u shpreh Zeneli.

Ai shpreson që ky rast nuk do të dëmtojë procesin zgjedhor që po zhvillohet në Kosovë

[Nice_Boy]

LDK akuzon PDK-në në Mitrovicë për blerje votash


Nga Express më 15.11.2009 në ora 11:37
(Update) Komisionerët e LDK-së kanë thënë se ka parregullsi në shkollën fillore në Shipol të komunës së Mitrovicës.

Shefi i shtabit zgjedhor të LDK-së në Mitrovicë, Blerim Baruti, ka shprehur shqetësimet për parregullsi. Komisionarët dhe njerëzit e PDK-së, sipas tij, po i detyrojnë votuesit që të votojnë PDK-në.

Po ashtu, sipas komisionarëve të LDK-së edhe në Stan-Tërg ka parregullsi të tilla. Spas kësaj partie, komisionarët e PDK-së po qëndrojnë me flamuj dhe emblema të PDK-së, duke i shpërblyer ata votues që do të votojnë për PDK me nga 10 euro.

Numri i votuesve në komunën e Mitrovicës, sipas raporteve të para, duket se do të ejtë më i madh se në zgjedhjet e fundit, të 2007-ës.

LDK akuzon kryetarin e Lipjanit për presion

Lidhja Demokratike e Kosovës në Lipjan thotë se kryetari aktual i komunës nga radhët e PDK-së, Shukri Buja, gjatë orëve të paradites ka vizituar pikat e votimit në këtë komunë, dhe u ka bërë presion votuesve që të votojnë PDK-në në Lipjan.

Komisionerët dhe vëzhguesit e LDK-së kanë thënë se e kanë lajmëruar Komisionin Qendror të Zgjedhjeve (KQZ) dhe Policinë e Kosovës lidhur me këto presione.

Por një gjë të tillë e ka mohuar Buja, duke thënë se ai vetëm ka vizituar komisionerët e PDK-së, duke mos u futur brenda qendrave të votimit. Ai ka thënë se kjo nuk është e ndaluar dhe nuk është kurrfarë presioni.

LDK raporton shkelje në Gjilan dhe Shtime

Lidhja Demokratike e Kosovës (LDK), që në orët e para pas hapjes së vendvotimeve, ka raportuar një shkelje, që ata e kanë quajtur teknike, që thuhet se është bërë nga rivalët e tyre kryesorë në Gjilan dhe në Shtime.

Shefi i shtabit zgjedhor të LDK-së, njëherësh nënkryetar i kësaj partie, Lutfi Haziri, tha se në komunën e Gjilanit, kandidati i PDK-së është parë duke shpërndarë materiale të PDK-së. Ai theksoi se gjatë ditës së sotme nuk lejohet që asnjë nga kandidatët të ndikojë te votuesit.

Haziri beson se kjo shkelje ka ardhur më tepër si pasojë e mosnjohjes së procedurave.

LDK do të mbajë konferenca të rregullta për shtyp, çdo dy orë, gjatë ditës së sotme, deri në mbyllje të vendvotimeve.

Në konferencën e parë, Haziri tha se sipas raportimeve nga komisionarët e tyre në terren shumica e vendvotimeve janë hapur me kohë dhe nuk ka probleme të theksuara.

“Shenjat e para janë se do të ketë dalje të mirë të zgjedhësve... Është një ditë e mirë për Kosovën”, ka thënë nënkryetari i LDK-së.

Ndërkohë, nëpërmjet një komunikate për shtyp, edhe shtabi zgjedhor i Degës së LDK-së në Shtime, ka denoncuar shkeljen e rregullave zgjedhore në dy qendra votimi në Shtime si dhe në qendrën e votimit në fshatin Pjetërshticë të kësaj komune.

“Në Shtime, në qendrën e votimit në Shkollën e Mesme ‘Naim Frashëri’ dhe në qendrën e votimit në shkollën fillore ‘Emin Duraku’, në kundërshtim me rregullat zgjedhore, vullnetarë të PDK-së, kanë hyrë dhe po veprojnë brenda qendrave të votimit, me karta identifikimi me numrat 51, që është numri i kësaj partie në fletët e votimit”, thuhet në reagim.

Gjithashtu, në qendrën e votimit në fshatin Pjetërshticë, aktivistë të PDK-së thuhet se janë duke qëndruar në një klasë të shkollës fillore “Idriz Ajeti”, ku po zhvillohet procesi zgjedhor, duke shkelur në këtë mënyrë rregullën zgjedhore, e cila ua ndalon të gjithë personave të paautorizuar qëndrimin në një qendër votimi apo në vendvotim.

LDK në Shtime thotë se për këto shkelje ka njoftuar Komisionin Komunal Zgjedhor (KKZ), kurse komisionerët dhe vëzhguesit e LDK-së, sipas rregullave, këto shkelje i kanë evidentuar me shkrim edhe në fletoren e vërejtjeve.

[daja shneq]

ne gjithe boten ka ra interesimi per zgjedhjet,paramendoni edhe nje shtet si ne gjermani me pak se 50% e votuesve dolen ne zgjedhje,nuk ka hyre vtem virusi A1H1 ne bote po edhe virusi i mosdaljes ne zgjedhje,po mire sipas parashikimeve nuk do te ket ndryshime te mdhaja nga te fundit

[daja shneq]

qeveria e Hashimit nuk eshte ma e mira,po ma te mire nuk ka, po ne rast se vin rugoviqiant edhe ma keq do te behet se e dim mire nen rugoven ku ishte kosova a kish punje akish pavarsi dhe a kishte polici e ligj

[Kosovelli]

KFOR-i s’ka indikacione për përkeqësim të sigurisë


Nga Express më 15.11.2009 në ora 12:35

Forcat paqeruajtëse të KFOR-it kanë thënë se nuk kanë plane të veçanta operative për ditën e zgjedhjeve.

Sipas komandantit të KFOR-it, gjeneralit gjerman Markus Bentler, nuk ka indikacione për përkeqësim të mundshëm të situatës së sigurisë.

“Zgjedhjet e para, të organizuara në mënyrë të pavarur nga institucionet e Kosovës, kanë vëmendjen tonë kryesore. Ne, së bashku, me të gjithë partnerët tanë, veçanërisht me EULEX-in dhe Policinë e Kosovës, do të sigurojmë një ambient të qetë dhe të sigurt. Ne do të jemi aty për njerëzit e Kosovës, do të jemi të gatshëm të reagojmë shumë shpejt nëse paraqitet nevoja”, thotë gjenerali Bentler.

Në zgjedhjet e fundit që u zhvilluan në Kosovë në vitin 2007, numri pjesëmarrësve në zgjedhje ishte pak më shumë se 40 për qind. Kjo shifër nuk ishte e kënaqshme për autoritetet e këtushme dhe as komunitetin ndërkombëtar, mirëpo, zgjedhjet u shpallën të vlefshme, sepse nuk kishte të përcaktuar ndonjë prag të përqindjes së daljes në zgjedhje.

Edhe kësaj radhe do të veprohet në mënyrë të njëjtë, sepse as Kushtetuta e Kosovës nuk parasheh ndonjë prag të përqindjes së pjesëmarrjes në zgjedhje, për t'i shpallur ato të vlefshme apo të pavlefshme. (dw)

[chino]

Ju thafte goja atij qe ka thene kete gje.

By*h****re jane keta njerez. Thua se nje aksident i vetem si ai i Decanit qenka me i rendesishem se mijera rastet ku proceset kane kaluar ne menyre te qete e normale.

Nje gje dihet: Qytetaret nuk kane asnje te mire nga krijimi i trazirave, perpos nje individi apo grupi te vogel individesh. Prandaj nese vijne trazirat, dihet se jane marionetat prapa qyetareve ato qe jane pergjegjese. Ne rend te pare sikur te isha prokuroria do te merresha me keta te ORA-s, te cilet paralajmerojne keqvajtje dhe pasoja nga to. Nga e di ti zoteri qe do te ndodhe dicka? Ke organizuar nje keqvajtje? Ke blere ndoke nga KQZ? Nga e di? E nese thote jo nuk di, por vetem fola me hamendje, pastaj e kisha ftuar ne konference per shtyp ku tregon se titulli i ketij artikulli ishte vetem perralle e tij.


*