Zgjedhjet per pushtetin vendor ne Kosove mbahen ne 15 nentor 2009

[xani1]

Njerëzit nganjëherë të dehur për pushtet, nuk dinë ta kontrollojnë veten as kur premtojnë. Një kandidat (nuk po ia përmendi emrin) për kryetar të Vitisë ka premtuar se në këtë komunë, citoj: "...do ta ndërtoj një fabrikë për prodhimin e patates". Mbarim citati, marrë nga Koha Ditore, 13 nëntor 2009.

[Kosovelli]

Incidenti i djeshem i shkaktuar nga kryemonistri dhe banda e tij si dhe dyshimet e bazuara se vota do te vidhet nga PDK do te shkaktojne kaos ne Kosove.
Kete konstatim e perforcon angazhimi i kryeministrit ne fushate ne menyre te paligjshme duke shfrytezuar resurset e perbashketa per qellim te vetin dhe partise se tij.
Per ma shume nga disa te dhena te reja te dhena sot ne konferenca shtypi nga parti te ndryshme eshte me se e sigurte qe pergaditja per vjedhjen e votes jane te thella dhe thuajse nuk meshifet ky qellim.
Une mbese prap me shprese se fale faktorit te huaj e sidomos te amerikaneve nuk do te ndodhe perdhosja e votes kesaj rradhe se perndryshe keq i kemi punet



-------------------------------------------------------



ORA hedh dyshime mbi mbarëvajtjen e procesit zgjedhor

Partia Reformiste ORA ka shprehur shqetësimin për mbarëvajtjen e procesit zgjedhor, pasi që - sipas kësaj partie - kompania e cila do të merret me transportin e materialit sensitiv dhe josensitiv për zgjedhjet lokale të 15 nëntorit, NTSH”G&H”, me numër biznesi 70425162, “është kompani joprofesionale për këtë punë”, e regjistruar për veprimtari: “Riparim i aparateve elektrike shtëpiake dhe sallon ondulimi dhe zbukurimi”.

Këto informata, siç thuhet në një komunikatë të ORA-s, çdo qytetar i Kosovës mund t’i marrë nga ueb-faqja www.ARBK.org dhe në www.kqz-ks.org, ose të kërkohet në mail KQZ.sekretariati@kqz-ks.org.

Po ashtu në komunikatë thuhet se, edhe kompania fituese për tenderin e transportit për stafin e Qendrës së Numërimit të Rezultateve, kompania “Vëllezërit Thaqi”, me nr. të biznesit 80064748, si veprimtari të regjistruar ka “Veprimtari të agjencive të tjera të transportit, tregti me pakicë të karburanteve dhe lubrifikanteve, hotele dhe motele, punë të specializuara të ndërtimit, ndërtim i autostradave, rrugëve, aeroporteve dhe objekteve sportive ndërtim i lartë dhe ndërtim i ulët”.

ORA bën të ditur se kjo kompani ka fituar tenderin pasi që është anuluar tenderi i parë më 28.10.09, ku kanë konkurruar 3 kompani me motivin se janë pranuar më pak se 3 oferta – ndërsa kontrata është nënshkruar më 04.11.2009 , pikërisht 8 ditë më parë.

Po ashtu, ORA ka bërë të ditur se, shtypja e fletëve dhe broshurave për zgjedhjet 2009 është dhënë kompanive CETIS DD nga Sllovenia dhe PARTNER TRADE Prizren.
“Data e dhënies së kontratës është 03.8.2009, ndërsa kompania nga Prizreni “Partner Trade” është e regjistruar në regjistrin e biznesit, me numër 70600641, dhe më datën 19.08.2009 pikërisht 16 ditë më vonë se që e ka marrë kontratën”, thuhet në komunikatën e ORA-s.

“Kjo kompani e cila e ka marrë tenderin për shtypjen e materialit sensitiv, është e regjistruar për ‘tregtia e pjesëve dhe mjeteve të automjeteve motorike, tregtia me shumicë e tekstilit, tregtia me shumicë e veshjeve dhe këpucëve, tregtia me pakice të artikujve të imtë, ngjyrave dhe qelqit, etj’’, thuhet në fund të komunikatës së ORA-s.
/Telegrafi/
Postuar: 15:12 / 12 Nentor 2009


-------------------------------------------------------------------------------------------------

LDK e shqetësuar me disa kontrata të dyshimta të KQZ
Prishtinë, 12 nëntor Shtabi Zgjedhor i Lidhjes Demokratike të Kosovës (LDK) është i shqetësuar me tri kontrata pune që kanë të bëjnë me zgjedhjet e 15 nëntorit. Por, siç tha në një konferencë të jashtëzakonshme të shtypit, kryetari i SHZ të LDK së, Lutfi Haziri, këto shqetësime të LDK-së janë shpërfillur. "Ne jemi të shqetësuar në masë të madhe nga disa të dhëna që u zbuluan këtë javë lidhur me ndërmarrjet e kontraktuara nga Qeveria e Kosovës dhe nga KQZ ja për të kryer këtë proces zgjedhor. Ne kemi kontaktuar me KQZ në dhe me disa ambasada të huaja, por shqetësimet tona kryesisht janë injoruar. Prandaj, ne besojmë se është e rëndësishme që këto informacione të bëhen publike", tha Haziri në fillim të takimit me gazetarë. Siç shpjegoi ai, bëhet fjalë për kontratën për transportimin e fletëvotimeve, për kontratën për transportimin e stafit të KQZ së dhe për kontratën për mbrojtjen e fletëvotimeve në qendrën e numërimit dhe paraqiti të dhëna që flasin për parregullsi të qarta në procesin e përzgjedhjes së kompanive. Haziri shprehu habinë që transporti i fletëvotimeve iu besua një kompanie që nuk është marrë kurrë me këtë punë. "NTSH 'G&H' është kompania që e ka fituar kontratën për të transportuar fletëvotimet. Sipas regjistrimit të biznesit, kjo kompani merret me instalime elektrike dhe pajisje, me riparimin e pajisjeve elektrike shtëpiake, me ondulime dhe trajnime të tjera për bukuri. Pse KQZ ja i jep kontratë për transportimin e fletëvotimeve një kompanie për ondulim dhe për punë elektrike??, tha ai. Ai paraqiti edhe shqetësimet e SHZ të LDK së lidhur me kompaninë që ka fituar kontratën për transportimin e stafit dhe për mbrojtjen e fletëvotimeve, në veprimtarinë e së cilës nuk përfshihen fare punë të këtij lloji. "Ndërmarrja tregtare shërbyese 'Vëllezërit Thaçi' e fitoi kontratën për të transportuar stafin e KQZ së dhe për mbrojtjen e transportit të fletëvotimeve në Fushë Kosovë. Sipas regjistrimit të biznesit, kjo kompani merret me shitje me pakicë të karburanteve, me shërbime hotelierike dhe me ndërtimtari. Pse KQZ ja ia jep kontratën për të mbrojtur dhe transportuar fletëvotimet një kompanie që nuk merret me këtë punë", tha më tutje z. Haziri. Ai paraqiti shqetësimet edhe lidhur me kontratën me kompaninë CETIS, për shkak se partneri i saj, kompanie kosovare "Partner Trade", e cila i ka vetëm dy punëtorë, është regjistruar si ndërmarrje 16 ditë pas njoftimit për dhënien e kontratës. "CETIS është kompani e respektuar dhe e njohur ndërkombëtarisht që prodhon materiale të ndjeshme, por ne kemi shqetësime serioze në lidhje me partnerin e saj lokal, 'NT Partner Trade'. Së pari, sipas njoftimit të dhënies së kontratës, botuar më 7 shtator 2009, kontrata i ishte dhënë kompanisë CETIS dhe partneres së saj 'Partner Trade' nga Prizreni, më 3 gusht 2009. Por, sipas dokumentit të regjistrimit të biznesit në Agjencinë e Bizneseve të Kosovës, regjistrimi i biznesit ishte bërë më 19 gusht 2009. Pyesim, si e kanë fituar ata kontratën 16 ditë para se të regjistrohen si ndërmarrje". Sipas aktiviteteve të regjistruara, kjo kompani merret me shitjen me shumicë të mallrave, me shitja e pjesëve të automjeteve motorike dhe të aksesorëve, me shitjen me shumicë të tekstilit, me shitjen me shumicë të veshjeve dhe mbathjeve, me shitjen me pakicë të tekstileve, me shitjen me pakicë të veshjeve, me shitjen me pakicë të këpucëve, artikujve të lëkurës, bojërave, qelqit, etj.", tha Haziri. Në këtë kontekst, kryetari i SHZ të LDK së shtroi një sërë pyetjesh: Pse KQZ ja i jep kontratë kompanisë CETIS, kur partneri i saj lokal nuk ishte fare biznes i regjistruar në kohën kur është dhënë kontrata? Pse i besohet një partneri lokal të biznesit, i cili në asnjë mënyrë nuk ka të bëjë me prodhimin dhe shpërndarjen e fletëvotimeve? Si mund t'i besohet një detyrë e tillë një kompanie që ka vetëm dy punëtorë?, pyeti Haziri duke shtuar se përgjigjet në këto pyetje duhet t'i japin kryeministri i Kosovës, Hashim Tha[i, dhe KQZ. "I bëjmë thirrje kryeministrit dhe KQZ së që të adresojnë shqetësimet tona deri nesër, në fund të ditës", theksoi Haziri, duke theksuar se zgjedhjet e së dielës duhet të zhvillohen "konform ligjit". Gjithashtu shefi i Shtabit Zgjedhor të LDK së shprehu qëndrimin e palëkundur kundër njollosjes së procesit zgjedhor, në të gjitha fazat e saj, nga kushdo qoftë. "E diela është ditë historike për demokracinë dhe askush, pa marrë parasysh përkatësinë politike, nuk mund të ngacmojë votën e lirë, pa marrë parasysh sa të dëshpëruar janë. E diela i takon popullit - askujt tjetër", theksoi kryetari i Shtabit Zgjedhor të LDK së, Lutfi Haziri.

nje kohe u kon que pluhen per daten e zgjedhjeve dhe keto parti qe je tuj i permende jon kon ankue se data e 15 nentor eshte i pa pershtatshem se koha nuk do te merr mire do te bie shi ja do te bije bore jo do te jet ftohet e lloj cirkuse. E tash te po shihet se po merr mire po nxen dielli si nje pranver si ato kenget e ilir shaqirit ~ serish vjen marsi serish vjen prilli~ dhe si po duket pranver. E tash te njetit po ankohen per tjeter sen se do te perkeqsohet situata per disa arsye naive qe veq sigurimcat din me i lansue. Mire po o popull gjithqka do te perfundoj mire , gjithqka do te jet demokratike, Kosova do te fitoj me keto zgjedhje, secila dite per Kosoven do te jet ma emire. Ndera sa per shpijuna,pro shkije,dollevergji, te korruptuar, hajna, kriminel valla shume ma veshtir po ju vjen koha , ju shani sa te doni thuani ashtu e keshtu por e keqja do te ju gjene. Mos e merrni kercenim kete por nje zhvillim normal. Ndersa per njerzit e deshpruar ne politik kishilla mos e ngarkoni trunin , kishllone naj psikiater se eshte ma mire se pesoni ne shendet... Keshtu edhe pas 15 nentorit do te jete ne rregull edhe me shume ne rregull

[drenicaku]

“RREJ, RREJ...SE DIÇ DO MBETET”

...Është motoja e politikanëve tanë “kosovar” në fushatën zgjedhore...
Eu, gjatë gjithë fushatës zgjedhore dëgjohet vetëm një fjalë, që me thënë të drejtën ma gërrith pak veshin...”kosovar...ne kosovarët...për kosovarët...”
E dimë se ka fjalor e fjalë në serbisht, turqisht, ka fjalor të gjuhës rome, boshnjake, etj... Kurse për krerët politikanë shqipëfolës nuk ka fjalor shqiptar, ka vetëm në atë “kosovar”!

E këta janë ata, që vetë i prijnë së keqes! Këtë emërtim, kosovar, serbët, me shekuj e kanë propaganduar për ne shqiptarët, që jemi denbabaden në trojet tona stërgjyshore, të shkëputura nga shteti amë me forcë, falë Serbisë e sllavëve te jugut dhe Evropës, gjithmonë të pa besë ndaj shqiptarëve!
E përse mos të thuhet, se e kanë propaganduar edhe kundër myslimanëve?! Se si po shihet, po del kjart, se këtu është më e keqja... ne jemi mysliman e jemi të “këqij”!!? Po qe mysliman ore...le të jesh evropian e shkuar evropianëve... po hë çfarë të thuash?!? Dashje pa dashje kështu mendon... aty po kapen, sa për të na lënë në errësirë...a ku di unë se ç’dreqin e mallkuar kanë me ne shqiptarët nga të dy anët e kufirit!!!
Po themi se përqindja më e madhe e kombit shqiptar na qenkan me fe islame...na e kanë imponuar me dhunë!? Ja po e marrim se na e imponuan pushtuesit shekullorë dhe ne shqiptarët në Ballkan, d.m.th. në Evropë, pjesa dërrmuese e pranuam...dhe çfarë të keqe ka?!?
Po çfarë ka më të veçantë, ta zëmë feja e krishterë, ajo katolike dhe ortodokse apo budizmi... a ku ta di unë sa fe të tjera!. Bash asgjë nuk ka më të mirë, apo ndonjë të veçantë... të gjitha janë në drejtim të besimit në një Zot!!!. Them se asgjë nuk kanë dhe as që kanë pasur ndonjëherë! Ne po shkojmë drejt qytetërimit, drejt civilizimit, drejt botës së përparuar dhe jo të kthehemi prapa në kohë...në mesjetë!!!
Ja, sot më 12.11 2009 u mor vendimi në Bruksel, (që për mua, nga njëherë, në disa vendime e tubime të tij, më ngjan me Beogradin e Serbisë, përsa i përket çështjeve të shqiptarëve) vendimi që Serbinë, Maqedoninë dhe Malin e Zi t’u njihet liberalizimi i vizave!... pa liberalizim vizash mbetën Shqipëria e Bosnja, myslimanët boshnjakë, e për Kosovën?!...Hiçgjë! Kështu,
ju, të “duruar kosovarë” pritni... se për ju nuk na bëhet vonë deri sa juve nuk po ju ngutet!!!???
Kështu pra, serbët dhe sllavët e jugut na kanë thënë e stërthënë, me vite e vite, se ne nuk jemi shqiptarë por, jemi shiftari-kosovari!!! Ka mund me ndodh gjithçka ndryshe por, vet me e pranu me dëshirë këtë të keqe, kjo nuk është parë as në ëndërr!!!
Fjala “kosovar” ka” buçitur” nga ekrani i RTK këta dy muaj, fare pa shkëputje, në fjalimet pompoze të politikanëve tanë “kosovarë” në fushatën elektorale...me premtime boshe...me rrena...me mashtrime, që nga drejtuesit e këtij shteti rakitik të Kosovës!?
Po afrohet dhe dita e votimit... ja më në fund kanë vendosur një pjesë e vogël të dalin në votime. Të parët janë politikanët pasanikë...të dytët... të afërmit e politikanëve, të privilegjuarit... Këto kategori njerëzish, e kanë me shumë zell, për të dalë në votime, sepse do t’i japin votën shefit të tyre...bamirësit të tyre!? Kurse të tretët janë një pjesë e të papunëve, e varfanjakëve, të cilët kanë mundur t’i gënjejnë e t’i mashtrojnë... se po qe se fiton ai, miku i tyre, që i “qan” zemra për ta... ai ka për t’i siguruar punë e jetesë më të mirë... por që nuk e kuptojnë të mjerët..se “miku”i tyre, sapo të marrë votën, d.m.th karrigen, as që i bjen mend e le më të kujtohet për ta!!!! O njeriu popull, a e kupton që premtimet e tyre janë vetëm rrena, rrena...se ata e njohin parullën e shëmtuar:”...rrej, rrej se diç do mbetet...” se ata dinë vetëm premtime në hava!!!
A e sheh që Kosovën po e kthejnë e po e shndërrojnë në pronë private? A e sheh që po hanë njëri tjetrin, kush e kush të zhvasë e të gllabërojë për vete? E ku pritet nga këta “trima” që ta ngrejnë zërin dhe të kërkojnë bashkimin e të gjitha trojeve etnike, shqiptare në një Shqipëri natyrale?
Jo, or jooo!... Këta push(ta)tetarë po ndjellin përçarje dhe akoma e më shumë po e ndajnë këtë vend...sipas krahinave…e tmerrshme...!!?
Por halli qëndron tek secili kryetar partie!? Kjo është më “shqetësuesja”... se, secili do që të fitoi... të dalë i pari, që ai të vjedhë... se atij të shkretit i duhen para…!?! ...Dhe ja ngatërresa, PDK thotë se unë duhet te jem në push(ta)tet (qe(n)veri)... se unë e fitova me luftë..., dhe së paku PDK-së i duhet patjetër edhe një mandat..sepse, o lum miku, nuk bënë vetëm me gjysmë mandati... LDK-ja habitet, se si ka mundësi... që te humbim ne... kur ne e mbajmë mirë dhe ecim në rrugën që na e la i “madhi” Rugova!?. Eh, për dreq... ne njëherë gabuam, që u bëmë bashkë me këta të luftës... se ne jemi rugovista dhe rruga e rugovizmit është një “rrymë “e re që po njihet në botë! Ndaj ne nuk e lëshojmë, qoftë, edhe me armë (arma e lutos)... dhe krismat në Deçan!
Po AAK, ku shefi i saj thotë se unë...unë duhet të bëhem... se unë e meritoj... se isha vetëm disa muaj kryemi... dhe më hoqën e më dërguan në Hagë... Unë pra nuk e shijova postin tim deri në fund të mandatit!
Kurse, ai i LDD thotë... si ka mundësi që unë...që jam më i mençuri nga gjithë të tjerët!?... unë duhet ta drejtoj këtë pushtet, këtë qeveri... dhe pos asaj e kam edhe AKR e cila i mbulon me para... se ai shefi i AKR i ka vëllezërit rusë dhe serb, ndaj ka me miliona euro! Ah, këta serbët kanë mjaft para sa për ta blerë kryesinë e Kosovës! Ndërsa shefi i AKR... jo ai nuk është dakord që partneri i tij, ai i LDD të bëhet më i madh se ky... jo, joooo, ky është ai, që duhet të jetë shef... se kështu e ka “porosinë” nga Rusia, motër e madhe e Serbisë!!!
Ja pra nuk gjejnë gjuhë të përbashkët këta politikanët tanë...sepse e kanë harruar gjuhën e popullit, gjuhën e bukur shqipe...dhe kanë mësuar gjuhën e “politikanit kosovar”, gjuhën e parasë, të gënjeshtrave,të rrenave, të mashtrimit, të pasurimit në kurriz të këtij populli të shumëvuajtur...Deri kur më kështu o populli im!!!???

Nga-Faridin Tafallari

http://www.albaniapress.com/lajme/10...DO-MBETET.html

Jo
populli e din qe prej 100 fjalve 101 jan genjeshtra,por qfar te bej ky popull i shkret.

[Kosovelli]

O Zot
Jepi atij që rri kot
Se ai qė punon
Vet e fiton

[Llapi]

Thaçi: Ta kalojmë testin e demokracisë

Nga Express më 13.11.2009 në ora 14:44
Kryeministri Hashim Thaçi shprehu sot besimin se Kosova do ta kalojë me sukses procesin e zgjedhjeve të para në pavarësi, gjë të cilën ai e ka quajtur provim të rëndësishëm të demokracisë.

Duke folur në hapje të mbledhjes së rregullt të Qeverisë, Thaçi ka përgëzuar gjithë qytetarët e Kosovës për procesin, sipas tij, të suksesshëm elektoral.

“Dëshiroj të falënderoj të gjithë qytetarët dhe subjektet politike të Kosovës për pjesëmarrje aktive dhe dinamike në fushatën elektorale. Kam besim të plotë se Kosova dhe qytetarët e saj do të japin këtë provim të rëndësishëm të demokracisë”, theksoi kryeministri Thaçi.

Ai është zotuar se zgjedhjet janë të përgatitura mirë dhe se do të jenë model për rajonin. “Ato paraqesin histori të re të suksesit të shtetit tonë të ri”.

Kryeministri Thaçi ka ftuar në emër të qeverisë të gjithë qytetarët për një pjesëmarrje sa më masive në zgjedhje. Po ashtu kryeministri ftoi të gjitha subjektet politike pranimin dhe njohjen e rezultateve të zgjedhjeve.

“Ne besojmë fuqishëm në suksesin e plotë që do ta shënojë Kosova edhe në zgjedhjet e 15 nëntorit”, tha Thaçi.

[Llapi]

Dell: Udhëheqja e Kosovës të tregojë burrështetësi, të tregojë aftësi për t’u ngritur mbi interesat e ngushta partiake


Deri para 48 orëve të fundit do t’i jepja kësaj fushate gati notë të përkryer për mënyrën se si është zhvilluar. Mirëpo, incidentet e ndodhura në 48 orët e fundit janë shumë negative. Më shumë se e ardhmja e procesit të votimit, është në rrezik e ardhmja ndërkombëtare e Kosovës, ndaj udhëheqja duhet të tregojë burrështetësi, të tregojë aftësi për t’u ngritur mbi interesat e ngushta partiake, ka thënë në një intervistë për Radio Kosovën (RTK) , ambasadori i SHBA-ve në Kosovë, Christopher Dell....
Postuar: 12:08:23 / 14.11.2009
Radio Kosova: Zotëri ambasador, jeni njohës i mirë i realitetit në Kosovë, cili është mendimi juaj për zhvillimet e përgjithshme në Kosovë ?

Ambasadori Dell: Janë bërë 8 vite që kur isha për herë të fundit në Kosovë. Kjo më ka ndihmuar të ndërtoj një pikëpamje për gjendjen, pas mungesës 8 vjeçare dhe kthimit të sërishëm dhe t’i vëreja ndryshimet që kanë ndodhur. Përgjithësisht, do të thosha që përshtypjet e mia janë shumë pozitive për gjërat që po i shoh këtu. Jam kthyer në një vend që ka më pak tensione sesa në kohën kur u largova. Popullata më duket që ka më shumë besim për veten dhe për të ardhmen e saj, tani pas pavarësisë dhe më shumë e relaksuar në marrëdhëniet ndëretnike sesa në kohën e 10 viteve më parë, në periudhën menjëherë pas shkatërrimeve të luftës. Pra, në përgjithësi përshtypjet e mia janë pozitive. Ekonomia është duke vuajtur por mund të shohim shenja të progresit bile edhe të ndryshimeve aty. Përgjithësisht i jap Kosovës një notë të madhe për progresin e dukshëm që e ka bërë në 10 vite.

Radio Kosova: Fushata zgjedhore për zgjedhjet lokale 2009 përfundon sot, zotëri ambasador cili është vlerësimi juaj për këtë fushatë ?

Ambasadori Dell: Deri para 48 orëve të fundit do t’i jepja kësaj fushate gati notë të përkryer për mënyrën se si është zhvilluar. Jo vetëm që kandidatët janë fokusuar në çështjet që qytetarëve iu interesojnë të fokusohen, e që janë çështjet lokale, por në tërësi fushata është zhvilluar në një atmosferë të mirë, nuk janë shënuar incidente dhe të gjithëve do t’u jepja notë të lartë. Këtu, incidentet e ndodhura në 48 orët e fundit janë shumë negative. Besoj që është përgjegjësi e të gjithë liderëve politikë, por në veçanti e atyre të AAK e PDK të sigurohen që kjo dhunë spirale të eliminohet menjëherë. Lidershipi duhet ti bëjë thirrje anëtarëve të vet të zmbrapsen nga përfshirja e mëtejme në një qark të veprimeve e reaksioneve. Më shumë se sa e ardhmja e procesit të votimit që është në rrezik, është në rrezik e ardhmja ndërkombëtare e Kosovës. Kanë qenë zgjedhje të mira. Janë të parat që po organizohen nga Kosova, nga institucionet e saj. Në fund të fundit e ardhmja e Kosovës është shumë më e rëndësishme sesa suksesi, ose jo i ndonjë partie të caktuar në Kosovë. Kërkohet që udhëheqja të tregojë burrështetësi, që të tregojë se janë të aftë të ngritën mbi interesat e ngushta partiake dhe në vend të parë të vendosin interesat e Kosovës.

Radio Kosova: Zotëri Ambasador në kontaktet tuaja me qytetarë vazhdimisht keni ftuar serbët e Kosovës për të dalin në zgjedhjet lokale. A është ber çfarë ishte e mundur që qytetaret serbë të Kosovës t’i përgjigjen ftesës për të dalë në votime ?

Ambasadori Dell: Keni të drejtë. Kam dalë jashtë dhe kam biseduar me shumë njerëz të ndryshëm nëpër enklavat serbe, nëpër lokalitetet e ndryshme serbe. Përgjigja është e përzier. Është ndryshe mes enklavave dhe grupeve të ndryshme të serbëve. Besoj që në përgjithësi ajo që do të shohim do të jetë një pjesëmarrje efektive e komunitetit serb. A do të dalin shumica prej tyre në votime, ne nuk e parashikojmë atë. Por mendoj se do të shohim një pjesëmarrje efektive dhe të dukshme. Këtë e bazoj në bisedat që kam pasur me njerëzit, me të rinjtë. Njëjtë sikurse edhe të rinjtë shqiptarë të Kosovës edhe popullata serbe këtu është e interesuar ta drejtojë jetën e vet. Duan punë, duan shkollim. Janë të lodhur nga të qenit nën klimën e politikës së 10 viteve të fundit, që ua ka imponuar ta sakrifikojnë të ardhmen e vet për disa qëllime më të mëdha që ua ka imponuar Beogradi atyre në Kosovë. Kemi parë interesim shumë më të madh se niveli i pjesëmarrjes në zgjedhje ,dhe, tani do të shohim një pjesëmarrje që reflekton. Është fakt se një numër në rritje i tyre e shohin të ardhmen përmes pjesëmarrjes në institucionet e Kosovës dhe e shohin të ardhmen e tyre si pjesë të Kosovës shtet të pavarur.

Radio Kosova: Këto ditë ju kemi parë shpesh në përurimin e disa projekteve të financuara nga Shtetet e Bashkuara në mjedise të përziera etnike. SHBA-ja e ka mbështetur edhe ekonomikisht Kosovën. Cili është opinioni juaj për zhvillimet ekonomike këtu ?

Ambasadori Dell: Ky është një aspekt që fatkeqësisht mendoj se Kosova ka ngelur prapa. Janë disa arsye për këtë. Disa janë shumë të vështira për tu tejkaluar. P.sh., ju nuk keni qenë të bekuar të keni burime natyrore, përveç që keni një pasuri shumë, shumë të vlefshme natyrore, e ata janë njerëzit. Kështu, Kosova është e bekuar me popullatën e re, që është kreative, energjike, e etur për të ndërtuar një ekonomi të re. Ajo që mendoj se kërkohet këtu është të ndërrohet korniza rregullative e ekonomisë. Ajo që duhet bërë është hapja e ekonomisë. Të shfrytëzohet potenciali, të shfrytëzohet rinia, t’iu jepen mjetet në dorë, mjetet e nevojshme, për të ndërtuar një të ardhme ekonomike. Fatkeqësisht, trashëgimia që ju keni përmes shekujve në forma të ndryshme, duket që kontrollohet. Puna e qeverisë shihet si kontroll i ekonomisë. Në fakt, puna e qeverisë duhet të jetë t’i forcojë njerëzit, të ndërtojë ekonominë. Shpresoj që pas këtyre zgjedhjeve të jenë në gjendje të fillojnë të punojnë me qeverinë dhe të shohim më shumë përpjekje për të shfrytëzuar potencialin e njerëzve.

Radio Kosova: Në një numër raportesh të institucioneve ndërkombëtare, potencohen shumë mangësi në funksionimin e ligjit dhe të luftës kundër krimit të organizuar dhe korrupsionit në Kosovë. Vëreni zhvillime pozitive në luftimin e këtyre dukurive ?

Ambasadori Dell: Mendoj që ndryshimi i rëndësishëm është rritja e kundërshtimit nga njerëzit që janë lodhur nga këto. Sinqerisht, situata ka degjeneruar në 8 vitet e fundit dhe korrupsioni është shtrirë gjithnjë e më shumë. Ajo që po shohim tani është se kosovarët e zakonshëm janë lodhur nga kjo dhe po kërkojnë veprime më të mira nga vendi dhe liderët e tyre. Për mua kjo është një shenjë inkurajuese. Nuk mund të ndërtoni rend dhe ligj, nuk mund të bëni luftë kundër korrupsionit, përderisa nuk keni bazë solide nga njerëzit, të cilët insistojnë që kjo të ndalet dhe të cilët i mbajë liderët e tyre të përgjegjshëm, e sidomos përmes momentit të votimit. Pra, unë jam i inkurajuar kur shoh se po rriten kërkesat nga njerëzit që të marrë fund korrupsioni, i cili është bërë endemik këtu në dekadën e fundit.

Radio Kosova: Zotëri Ambasador na intereson mendimi juaj se në cilat shtylla do të duhej investuar më shumë punë dhe përkushtim për forcimin e institucioneve demokratike ?

Ambasadori Dell: Kosova është vend i ri. Shumë prej institucioneve të saj kërkohet të forcohen. Është diçka e natyrshme. Para 200 vitesh SHBA-ja ishte një vend i ri me institucione të reja dhe të brishta, dhe, u desh shumë kohë për të arritur në nivelin që e kemi sot. Kosova po e përjeton një projekt të ngjashëm. Kur flas për forcimin e institucioneve nuk mendoj vetëm në qeverinë. Ka hapësirë këtu për forcim të shoqërisë civile, forcim të rolit të partive politike, të cilat në fund të fundit garojnë mes vete për të marrë pushtetin dhe janë pjesë e procesit. Mediat janë zhvilluar shumë në 10 vitet e fundit, por ka hapësirë për forcim të mëtejmë. Në mënyrë të veçantë, rendi dhe ligji është aspekti që kërkon më shumë përpjekje nga të gjithë ne, nga Kosova dhe komuniteti ndërkombëtar për t’i kënaqur kërkesat në rritje të qytetarëve për drejtësi. Rendi dhe ligji është fjala e dëshiruar për drejtësi. Njerëzit duan të jetojnë në një shoqëri të drejtë. Demokracia nuk nënkupton vetëm votimin që ndodhë pas disa vitesh. Demokracia nënkupton një shoqëri që bazohet në ligj, ku të gjithë njerëzit jetojnë në një atmosferë të respektit të dyanshëm për njëri tjetrin dhe besimin se ankesat e tyre do të gëzojnë dëgjim të drejtë nga sistemi gjyqësor dhe autoritetet. Në tërësi, është një pako e çështjeve që ne duhet ti marrim në konsiderim. Është sfidë e madhe, por besoj se Kosova ka kapacitet të bëjë progres në të gjitha këto fusha. Shumë vite më herët, Uinston Çerçilli tha në mënyrë të famshme "Demokracia është forma më e keqe shtetërore, me përjashtim të të gjitha të tjerave". Jam shumë i bindur se derisa Kosova i zhvillon institucionet e saj demokratike dhe ne do të shohim jetë më të mirë për të gjithë qytetarët. Me demokracinë do të vjen prosperiteti ekonomik, me demokracinë vjen drejtësia, më shumë respekt për rend dhe ligj, dhe me demokraci do të krijohet një harmoni ndëretnike, dhe, ne e dimë që çdo kosovar është i interesuar të jetojë në paqe me fqinjët e tij, pavarësisht përkatësisë.

Radio Kosova: Zotëri Ambasador Dell, si e shihni zgjidhjen e problemit të veriut të Kosovës ?

Ambasadori Dell: Mendoj që situata në veri gradualisht do të zgjidhet vetvetiu, përderisa autoriteti i institucioneve të Qeverisë së Kosovës po shtrihet atje në mënyrë paralele me zbehjen e strukturave paralele.

Radio Kosova: Në një rast kur ishit në një lokalitet të komunës së Gjakovës jeni shprehur se demokracia në SHBA fillon nga fshati dhe kulmon në Shtëpinë e Bardhë. Ju lutem na flisni pak më shumë për këtë dhe si do të duhej kuptuar kjo në Kosovë ?

Ambasadori Dell: Struktura e Amerikës pa dyshim se nuk mund të bartet këtu. Secili vend është unik. Secili vend i ka specifikat e veta. Ajo që është me rëndësi është ideja se qeverisja më e mirë është ajo që i ofrohet qytetarit. Kjo nënkupton ofrim në qytete, ofrim në fshat. Shtrirja e autoritetit, pushtetit, kontrollimi i financave dhe buxhetit nga autoritetet komunale është pa dyshim struktura e rregullt këtu. Në demokraci liderët duhet të japin llogari para qytetarëve. Ata janë më shumë në këtë nivel të llogaridhënies kur jetojnë në qytetin e njëjtë dhe i takojnë bashkëqytetarët e tyre në baza ditore. Mendoj që procesi i decentralizimit, që është në zemër të Planit të Ahtisarit për status, është rruga e duhur për Kosovën. Nuk do të përfitojnë vetëm banorët e komunitetit shumicë, që shpesh ashtu trajtohet, por do të përfitojnë të gjithë qytetarët pasi që i bën institucionet lokale ma të përgjegjshme ndaj njerëzve, vendosë më shumë kompetenca në duar të liderëve lokalë. Mendoj që ky është shtegu për të ecur përpara dhe mendoj se po bëjmë progres të duhur dhe mjaft përparim kemi parë edhe në vitet e fundit.

Radio Kosova: Këto ditë në Kosovë është hapur një debat për lirinë e shtypit në Kosovë. Cili është vlerësimi juaj, në çfarë shkalle zhvillimore janë masmediat në Kosovë për ngritjen e të cilave ka dhënë një ndihmesë të madhe shteti që ju përfaqësoni ?

Ambasadori Dell: Një karakteristikë që më ka shqetësuar pas kthimit këtu, që ka të bëjë me mediat, është pavarësia e saj. Ju keni një mori mediash, sikurse edhe në çdo kryeqytet tjetër. Ka 5, 6 apo më shumë gazeta ditore dhe ato bëjnë më shumë sesa që Uashington DC ka. Kryesisht aty janë dy gazeta ditore. Ka një mori mediash rivale elektronike, radio e TV, që e bëjnë më të pasur mundësinë për të zgjedhur. Pothuajse çdo pikëpamje e shprehur mund të arrihet përmes mediave këtu. Dhe mendoj që mediat po bëjnë një punë shumë të mirë në arritjen e pikëpamjeve të ndryshme e të gjera të opinionit publik. E kam thënë publikisht më herët dhe po e përsëris tani, se mediat duhet të rriten gjithashtu. Është diçka e natyrshme, siç thashë para pak momentesh. Jeni një vend i ri dhe duhet ta pranojmë se do t’i keni disa dhimbje në rritje. E shoh një tendencë brengosëse në disa aspekte të medias, që kanë më shumë qasje spektakulare sesa serioze, në tendencën për të pasur vëmendjen në shitjen e gazetës, hapësirës në kohën e emetimit, ose në marketing, në vend se të përfshihen në hulumtim të thellë dhe serioz të ngjarjeve dhe të hyjnë nën sipërfaqen e tyre. Kjo nuk është lloj kritike, është vetëm një vëzhgim i gjendjes në të cilën gjendet media 10 vjet pas luftës dhe pranimi se rritje dhe zhvillim i tyre do të ndodhë në të ardhmen. Shpresoj që miqtë e mi në media nuk e marrin këtë me shumë emocione. Nuk është kritikë, është vetëm vëzhgim, është vlerësim se është arritur progres, por duhet ende punë.

Radio Kosova: Jeni në Radio Televizionin e Kosovës. Kishit dëshiruar që nga ky medium t’iu jepni ndonjë porosi gazetarëve të Kosovës dhe masmediave ku punojnë ata ?

Ambasadori Dell: Është i thjeshtë. Keni fuqi të madhe. Me fuqi të madhe vjen edhe përgjegjësia e madhe. Jeni një institucion kritik i shoqërisë kosovare dhe përgjegjësia e të gjithë gazetarëve është të sigurohen se njerëzit janë mirë të informuar, të sigurohen se të gjitha pikëpamjet janë përfshirë në debatin publik dhe të zbulojnë këto çështje me përgjegjësi, jo në mënyrë sensacionale por me përgjegjësi, me qëllim që popullata e informuar, elektorati i informuar mund të marrë vendimet më të mira të mundshme për vendin e vet.

Intervistoi: Lekë Musolli



| s.b & RTK staff |

[Llapi]

KQZ: Krejt n’rregull
KQZ’ja i ka bërë të gjitha përgatitjet për ditën e zgjedhjeve. Deri më tash janë tejkaluar të gjitha problemet dhe gjithçka është në rregull.

Nga Faton Ismajli më 14.11.2009 në ora 19:40
Të gjithë ata qytetarë që kanë të drejtë vote, të dielën mund t’iu drejtohen kutive për të hedhur votën pa drojën se mund të ketë probleme.

Kjo pasi Komisioni Qendror i Zgjedhjeve i ka bërë të gjitha përgatitjet që procesi zgjedhor të zhvillohet normalisht në tërë Kosovën, duke përfshirë edhe vendbanimet serbe.

Kryesuesja e KQZ’së, Nesrin Lushta, të shtunën, ka njoftuar në një konferencë se të gjitha përgatitjet janë përfunduar rreth shpërndarjes së materialeve për votuesit.

“Materiali josenzitiv është dërguar nëpër qendra të vendvotimeve, kurse materiali senzitiv, ku bëjnë pjesë fletët e votimeve, do të dërgohen në ditën e votimeve”, ka bërë të ditur ajo.

Sipas listave të KQZ’së, në këto zgjedhje janë të regjistruar 1 milion e 563 mijë e 741, të cilët do të votojnë në 746 Qendra të Votimeve.

“KQZ ka themeluar 746 Qendra të votimit dhe 2256 vendvotime. Numri i Këshillave të Vendvotimeve është përmbi 21 mijë”, ka njoftuar Lushta.

Ajo ka bërë të ditur se janë 74 subjekte politike nga të gjitha komunitetet në Kosovë.

KQZ’ja ka akredituar 22098 vëzhgues vendor dhe ndërkombëtare. Në mesin e tyre janë më shumë se tre mijë nga OJQ.

Shefja e KQZ’së ka sqaruar se qytetarët e Kosovës mund të votojnë me kusht, por vetëm në komunën e tyre, e jo në qytete tjera.

Përgjegjësja kryesore për udhëheqjen e procesit zgjedhor, nuk pret që në ditën e votimit të mos ketë probleme.

“Kemi punuar shumë në mënyrë intensive dhe ne po shpresojmë se kemi qenë në gjendje të organizojmë zgjedhjet të lira, demokratike dhe me standarde europane”, ka thënë ajo.

Institucioni më i lartë për përgatitjen e zgjedhjeve ka bërë të ditur se qytetarët e Kosovës janë njoftuar me kohë për mënyrën e votimeve.

Shefja e KQZ’së nuk ka dashur të flasë nëse është thyer heshtja zgjedhore, duke thënë se kjo është kompetencë të Komisioni Zgjedhor për Ankesa dhe Parashtresa.

[B.C.B]

Njerëzit nganjëherë të dehur për pushtet, nuk dinë ta kontrollojnë veten as kur premtojnë. Një kandidat (nuk po ia përmendi emrin) për kryetar të Vitisë ka premtuar se në këtë komunë, citoj: "...do ta ndërtoj një fabrikë për prodhimin e patates". Mbarim citati, marrë nga Koha Ditore, 13 nëntor 2009.

garant edhe ujin e nxehte e ka zbulu ky hahaa.

[drenicaku]

Ata qe besoin se do te ndryshoj diqka ne te mire me kete klas politike ose jan analfabet ose jan partizan te partive dhe bejn tifozllak.
Gjendja vetem sa do te keqesohet sepse asnjeher ne asnje vend ku korrupcioni eshte i lidhur me shtetin nuk do te ket prosperitet

[Llapi]

Thaçi: Sot dëshmojmë se e meritojmë pavarësinë

Nga Express më 15.11.2009 në ora 9:23
Kryeministri Hashim Thaçi, njëherësh lider i Partisë Demokratike të Kosovës (PDK), ka votuar rreth orës 9, në qendrën e votimit në shkollën fillore “Faik Konica” në kryeqytet.

Thaçi, i cili shoqërohej nga bashkëshortja e tij, i ka cilësuar këto zgjedhje komunale, si ngjarjet më të rëndësishme pas shpalljes së pavarësisë së vendit.

Ai ka shprehur besimin se këto zgjedhje do të jenë të lira dhe demokratike. “Ne sot po dëshmojmë se Kosova e ka merituar pavarësinë”.

Nga sot, vendi po fillon etapën e re të integrimit evropian, u shpreh kryeministri. “Besoj se të gjithë do të bëhemi pjesë e ndërtimit të historisë, e ndërtimit të Kosovës demokratike dhe multietnike”, shtoi ai.