Rama: Ne 10 tetor protesta ne shesh kunder qeverise Berisha

[davidd]

Veshët e shurdhër të Sali Berishës ndaj kërkesave tona tërësisht legjitime për të bërë transparencën e plotë të zgjedhjeve të 28 qershorit;

Vullneti i mbrapshtë për të mos lejuar hapjen e kutive ku mbahet mbyllur në mënyrë të paligjshme e vërteta e 28 qershorit;

Përshkallëzimi i hakmarrjes politike të pushtetit të grabitur në 28 qershor ndaj njerëzve që flaken nga puna pse janë përfshirë në aktivitetin elektoral të opozitës;

Gjëndja e rëndë e vendit dhe e shoqërisë në kushtet e thellimit të krizës së demokracisë, të shtetit të së drejtës dhe ekonomisë;

e vendosin tërë opozitën shqiptare, grupet politike e shoqërore dhe cdo individ që refuzon të jetojë kokulur në një vend ku s’ka asnjë barazi para ligjit e ku cdo liri dhe e drejtë është e kërcënuar papushim, përpara detyrimit patriotik që të bashkohet në një front proteste kundër këtij pushteti të ngritur mbi manipulimin, korrupsionin elektoral e mashtrimin publik.

Partia Socialiste i fton të gjithë, të shtunën e ardhshme 10 tetor, në manifestimin e parë të protestës për hapjen e kutive të votimit ku fshihet e vërteta e 28 qershorit, ku mbahen peng liritë e të drejtat e shumicës, ku është burgosur ligji dhe ku e kanë burimin padrejtësitë që po shtohen në kurrizin e njerëzve.

Sali Berisha gënjen veten nëse mendon se do ta shtyj gjatë, duke bërë shurdhin dhe duke ftuar opozitën të hyj në Parlament, pa plotësuar kërkesën e saj elementare për hetimin e procesit zgjedhor që nuk duhet të përsëritet më kurrë në të ardhmen. Unë i them Kryeministrit se do të përballet me popullin opozitar të shumicës në çdo hap të rrugës së tij dhe se opozitën e dialogut dhe të konsensusit që ndërtoi një proces historik mirkuptimi në të mirë të vendit dhe të reformave integruese në NATO e në BE, do ta ketë përballë, më të vendosur se kurrë në çdo hap të rrugës së tij, për t’i dhënë fund pushtetit të tij, nëqoftëse pushteti i tij nuk i hap rrugë transparencës së zgjedhjeve të shkuara për t’i mbyllur rrugë manipulimit dhe korruptimit të zgjedhjeve të ardhshme.

[davidd]

Me 10 Tetor ftoj te gjithe qytetaret ne shesh, ne Tirane!! Nis perballja e popullit opozitar me Sali Berishen e Ilir Meten!! Opozita nga e majta ne te djathte del ne proteste!! Hetimi i zgjedhjeve kushti i pare!! Protesta kunder te gjitha d...emeve qe po shkakton pushteti i FAMILJES ne pushtet!!

[zerbina]

A enver ,enver cohu nga varri...se na u drodh damari.

[Jeto_Jeten]

enveri proud per kalamonin e vet

[Nice_Boy]

Euuu duhet një njesi Speciale e ushtris/policis me t'ju .. mamin kush del aty dhe proteston me këtë flliqesir.

Ky paska qen rrot fare more kuku sa i flliqur.

[mesuesi_1]

posi jo mer .... ne shesh por kete rradhe ndryshe nga heret e tjera me kastravec ne dore te gjithe ....

[ASrock4u2]

Me 10 Tetor ftoj te gjithe qytetaret ne shesh, ne Tirane!! Nis perballja e popullit opozitar me Sali Berishen e Ilir Meten!! Opozita nga e majta ne te djathte del ne proteste!! Hetimi i zgjedhjeve kushti i pare!! Protesta kunder te gjitha d...emeve qe po shkakton pushteti i FAMILJES ne pushtet!!

Fuqimisht bahkohem me ju !

[Brari]

edhe purtekat ndok e ngjel mobilizohen ne ndihme te bosit te tyre edvin ruc.
i dolli kallaji te ngrateve .
skan turp.

nuk kemi gabuar ku i quajta prteka te enverizmit keta legene.


ja cthote shekulli


--

Ndoka e Ngjela, pro Ramës: Mbështesim protestën e 10 Tetorit

Shekulli Online

TIRANË- Qëndrimit të Partisë Socialiste për të protestuar më 10 tetor për hapjen e kutive të votimit, nuk do t'i bashkohet vetëm spektri opozitar i majtë, si Partia Demokracia Sociale e Paskal Milos dhe ajo Socialdemokrate e Skënder Gjinushit, por edhe partitë e djathta opozitare si PDK-ja, PiLDr-ja dhe LZHK-ja. Të kontaktuar nga gazeta "Shekulli", drejtuesit e këtyre partive shprehen se disa parti të djathta, që kontestojnë zgjedhjet e 28 Qershorit do të mblidhen në një tryezë të përbashkët, e cila do të marrë edhe një vendim përfundimtar mbi qëndrimin politik ndaj protestës, të cilën deri më tani e mbështesin njëzëri në parim.
Ndoka
"Opozita e djathtë po organizohet në një Union të përbashkët, ku të gjithë sëbashku do të marrim një vendim në lidhje me protestat. Besojmë që këtij Unioni do t'i bashkohen parti, grupe, individë, që gjykojnë njësoj si ne. Vendimi ynë do të merret në akord me forcat e djathta opozitare. PDK-ja nuk ka paragjykime dhe as komplekse për t'u bërë pjesë e një aksioni politik për hapjen e kutive të votimit, si e vetmja mënyrë për të arritur atë që të gjithë dëshirojmë zgjedhje të lira dhe të pranuara nga të gjithë,"- tha Ndoka. Sipas kryetarit të PDK-së, në këtë takim, përveç protestës dhe kërkesës për hapjen e kutive, pritet të diskutohet edhe rishikimi i Kodit Zgjedhor, me qëllim që të mos favorizojë më dy partitë e mëdha PD dhe PS. Në tryezën që pritet të mbahet së shpejti, pritet të prevalojë qëndrimi i këtyre partive ndaj protestës së opozitës parlamentare. Ndoka la të hapur mundësinë e pjesëmarrjes në protestë të partisë së tij dhe partive të tjera opozitare të djathta. Ai vë në dukje se nuk sheh ndonjë pengesë për të marrë pjesë, pasi kjo është diskutuar edhe më parë me Partinë Socialiste. Ndoka e sheh protestën si një mundësi të madhe, në mënyrë që mazhoranca qeverisëse të reflektojë mbi faktin se po qëndron në pushtet, falë votës së vjedhur. "Rruga e protestave është një rrugë demokratike e domosdoshme në këto momente, për të shkundur mazhorancën aktuale, që është në pushtet e mbështetur te vjedhja e votës dhe që mendon të qëndrojë me të njëjtat forma," - u shpreh Ndoka.
Ngjela
Të njëjtin qëndrim ka edhe kreu i Partisë Ligj dhe Drejtësi, Spartak Ngjela. Sipas tij, partia që ai drejton e ka përkrahur bojkotin dhe së fundmi edhe protestën, që ai e sheh si një mjet dhe forcë të madhe për rikthimin dhe rivendosjen e demokracisë. "Ne, përfundimisht, e kemi përkrahur revoltën në funksion të shtetit dhe të sistemit. Patjetër që jemi përkrahës të bojkotit, madje, partia ime nuk do të bënte marrëveshje me socialistët, në rast se ata nuk bojkotonin Parlamentin. Unë personalisht i përkrah, dhe e konsideroj bojkotin dhe protestën, një hap i madh drejt rivendosjes së demokracisë së grabitur në Shqipëri", - tha Ngjela. Sipas tij, kjo protestë, që është e iniciuar nga Partia Socialiste, mund të marrë një trajtë të paparashikueshme të veprimit të mëtejshëm të saj. Madje, avokat Ngjela thekson se protesta mund të përshkallëzohet. "Këtu nuk është cenuar vetëm Partia Socialiste, këtu është cenuar dinjiteti i popullit, është prekur vota. Është manipuluar vota nëpër qendrat e numërimit, janë prekur bankat shoqërore. Duhet ta dinë të gjithë, që fleta e votimit është letër me vlerë, dhe qendrat e votimit janë banka. Ata që kanë futur duart në këto banka, duhet të marrin dënime drastike që nga Kryeministri shqiptar e deri te numëruesi i thjeshtë i votës," - sqaroi Ngjela. I pyetur nëse Kryeministri mban të njëjtin qëndrim edhe pas protestave të opozitës, për të mos hapur kutitë e votimit, Ngjela vuri në dukje se atëherë, Kryeministri i vendit do të përballet me popullin.



Vjedhja e votave, Rama: Më 10 tetor, populli opozitar në protestë

TIRANE - Kryetari i PS-së, Edi Rama, ka shpallur sot nisjen e protestave për padrejtësitë që i janë bërë PS-së, më 28 qershor. Të shtunën e ardhshme, më datë 10 tetor, është manifestimi i parë për hapjen e kutive të votimit.


"Sali Berisha gënjen veten nëse mendon se do ta shtyj gjatë, duke bërë shurdhin dhe duke ftuar opozitën të hyj në Parlament, pa plotësuar kërkesën e saj elementare për hetimin e procesit zgjedhor që nuk duhet të përsëritet më kurrë në të ardhmen", tha Rama, duke iu drejtuar kryeministrit me fjalët: Do të përballesh me popullin opozitar të shumicës nëse pushteti yt nuk i hap rrugë transparencës së zgjedhjeve të shkuara për t'i mbyllur rrugë manipulimit dhe korruptimit të zgjedhjeve të ardhshme".


Protesta e opozitës zhvillohet për këto arsye: Sensibilizimin e Sali Berishës ndaj kërkesave legjitime për të bërë transparencën e plotë të zgjedhjeve. Për hakmarrjen politike të pushtetit ndaj njerëzve që flaken nga puna pse janë përfshirë në aktivitetin elektoral të PS-së si dhe për gjendjen e rëndë të vendit dhe të shoqërisë në kushtet e thellimit të krizës së demokracisë, të shtetit të së drejtës dhe ekonomisë.


Rama, gjatë konferencës për shtyp, iu përgjigj edhe kërkesave të vazhdueshme të diplomatëve të huaj për tu kthyer në parlament duke u shprehur se "ndaj me ta mendimin se vendi i duhur për dialogun politik në një demokraci normale është parlamenti dhe mezi pres që të plotësohen kërkesat tona normale për të hyrë në parlament. Sepse pikërisht parlamenti ka forcën ta bëjë deri në fund atë që ne kërkojmë, hetimin e zgjedhjeve të 28 qershorit, duke filluar nga hapja e kutive".


Partia Socialiste i fton të gjithë, të shtunën e ardhshme 10 tetor, në manifestimin e parë të protestës për hapjen e kutive të votimit ku fshihet e vërteta e 28 qershorit, ku është burgosur ligji dhe ku e kanë burimin padrejtësitë që po shtohen në kurrizin e njerëzve.

[juanito02]

Akoma se ke mesuar mo Brar se diktaturat sic ushtrojne dhune dhune duan te ikin?

[Brari]

po c.dhune mo juan..
une isha e votova vete ne nje qender votimi pran pallatit sportit asllan rusi ne laprake dhe asnje dhune nuk pashe.
eshte votuar e numeruar me qetesi kudo si kurre ndonjihere.
leri tifozlliqet.

--

rd
--





Shirat e tetorit dhe opozita


Miranda HAXHIA


Një lajm kaloi si pa u vënë re, por që sipas pikëvështrimit të papolitizuar të ngjarjes, ai ka një dimension shumë të gjerë, jo vetëm qytetar, por njerëzor, intelektual, vlerësim për reformatorin e politikës shqiptare, kryeministrin Berisha. Kuvendi i Komunës së Prizrenit shpall Qytetar nderi i Komunës së Prizrenit, kryeministrin e Shqipërisë, Dr.Sali Berisha. Kryeministri i Kosovës, z. Hashim Thaçi me këtë kërkesë tregoi një ndjesi intelektuale dhe patriotike. Kështu, kryeministri Berisha do të marrë rrugën për Prishtinë. I duhet të kalojë me maturi rrugën e re Durrës-Morinë, rrugë për të cilën opozita u lodh duke sajuar pengesa si në murin e Rozafës, ç'ndërtohej ditën, donin ta rrëzonin natën. Nuk ia dolën dot.

Tashmë kanë menduar të dalin në protesta. Në mes të ditës. Në shesh.

Vetëm pak kohë më parë, në fillim të shtatorit Sali Berisha u nderua me çmimin më të lartë "Eisenhower Medallion" nga Organizata "People to People International", e cila njoftoi se kryeministri i Shqipërisë, Shkëlqesia e Tij Prof. Dr. Sali Berisha, është fituesi i këtij viti.

Po të kujtojmë se këtë çmim më parë e kanë marrë personalitetet më të shquara, me famë botërore, të cilët kanë dhënë një kontribut të jashtëzakonshëm në procesin e paqes, atëherë i bie që tetori i protestave të opozitës të fillojë në Amerikë, atje ku demokracia është e asaj forme ku gjithë ndodhitë kanë kuptimin e tyre të qartë dhe të denjë. Dhe më tepër i bie të jetë protestë kundër paqes. Të jetë një zhurmë shiu opozitar. Me gjyma. Me rrëke! Mundësisht, katastrofik!

Duke menduar se cilat janë shkaqet që e çojnë opozitën drejt një teatri të tillë, drejt një superkomedie të tillë, kryetari i imagjinatës së protestës së opozitës, si qytetar shqiptar duhet të ndiejë peshën e çmimit "Eisenhower", vlerësimet e personaliteteve të ndryshme gjatë sesionit të fundit të OKB; por kjo peshë rëndese nuk është e ngjashme me pikëllimin opozitar për motin e keq dhe shirat e zgjatura biblike që do fillojnë në 10 tetor dhe nuk i dihet deri ku do t'i shpjerë rrëkeja. Ajo do të fillojë nga një ndërtesë e mbyllur partie e do fillojë të lëshojë çurgje ankesash nëpër rrugët e Tiranës. Sipas fallxhorëve të PS-së, kjo protestë do shtrihet në gjithë vendin. Gjithmonë sipas tyre! Sepse sado të përpiqen liderët dhe ortakët e tyre të rinj për ta shtuar zemërimin e protestave, kjo nuk e zgjat më shumë rrugën drejt konsolidimit të së ardhmes sonë europiane.

Ka një gjetje interesante në këtë udhëtim në kahe të kundërt. Qeveria dhe udha e saj drejt së nesërmes, drejt verifikimit, zgjidhjes së problemeve, opozita drejt udhës së vështirë të kaosit në një marshim të pakuptueshëm, i quajtur si gjetje demokratike, por i papërligjur në këtë kohë demokratike, kur njerëzit punojnë, kur duan vërtetë të punojnë.

Në dhjetë tetor është parashikuar të fillojë protesta surreale e opozitës. Do dëshironin ideatorët e këtij prishje moti të kishin bashkangjitur studentët, që do jenë zënë me përgatitjet e fundit për fillimin e vitit të ri akademik. Ishte një ngasje të fitonin studentët e Vlorës, por Ministria e Arsimit u tregua e ndjeshme dhe korrekte ndaj kërkesave të tyre! Sikur këta studentë të fillonin shkollimin e tyre përmes sheshit, do kemi modele të së ardhmes që do fillojnë nga ulërimat e sipër e kjo do binte ndesh me arsyetimin dhe qetësinë diplomatike që pretendojmë të kemi gjetur nga shumica e ndërkombëtarëve.

Do dëshironin opozitarët të vjetër dhe të rinj të kishin moshën e tretë në protesta, por këtu do t'u duhet shumë demagogji pasi është kapërcyer koha kur bashkia u falte një gazetë në mëngjes për t'u lexuar falas të moshuarve, në kohën që pensioni i tyre është dyfishuar gjatë qeverisjes "Berisha". Ndërsa protesta mund t'i çojë në një rrugë pa krye, në një mosmirënjohje ndaj mendësisë sociale të qeverisë "Berisha".

Në shiun e tetorit të opozitës do kërkonin të protestonin mësuesit dhe që nuk janë pak, duke menduar se pas tyre janë nxënës, shumë nxënës. Të bindësh mësuesit të dalin në rrugë do të thotë të mohosh se pagat e tyre janë nga më të lakmuarat në tregun e pagave sot në Shqipëri. Përse do të protestonin mësuesit? Ishin ngacmimet që një libër historie do t'i nxirrte ata të rrugën e protestave, mirëpo, mësuesit janë vet pjesëmarrës në reformën arsimore, janë menaxhues situatash dhe dinë t'i zgjidhin problemet e tyre, sidomos kur kanë të bëjnë me mësimdhënien.

Atëherë... përse nuk parashikohen shira në tetorin e protestave të Edi Ramës? Sepse kur të nderojë Prizreni me çmimin Qytetar Nderi Dr. Berishën, i bie të fillojnë shirat e akademikut tonë andej nga Kosova, i cili bën gurgule të madhe për të mbjellë urrejtje dhe përçmim mes shqiptarësh. Kryeministri i Kosovës, z.Thaçi, qytetarët e Prizrenit, qytetit që di të bëjë histori, kur shumë të tjerë e ngatërrojnë historinë me amullinë, po i tregon kësaj opozite, gjithë atyre syve të këqij ciklopësh që nuk duan të shikojnë se nuk është i mjaftë çmimi "Eisenhower", me të cilin nderon Amerika njerëzit e punës dhe të zhvillimit, për të plotësuar profilin patriotik dhe punëtor, paqedashës dhe reformator të kryeministrit Berisha.

Ndaj, sado protesta të pretendojnë lakmitarët e së pamundurës, e demokracisë dhe fitores që nuk e patën dot, tetori do të jetë me diell, me punë, me mirënjohje. Për cilët? Për ata që nuk dinë të gënjejnë, nuk dinë të mashtrojnë, nuk duan të enden rrugëve për trillet e një politike endacake, që këtë herë kërkon edhe xhyben e Ngjelës, apo xhepat e Ndokës. Për t'u mbrojtur nga rrëketë!