Akademikët maqedonas: Shqiptarët janë të ardhur!

[Anesti_55]

Shqiptaret banoret e hershem te Peonisë duhet ta kuptojne se i tere populli ilire eshte me ta sot ne mbrojtje, te gjithe per një, një per te gjithë, dhe besoj qe edhe ata e kane kuptuar se duhet bere sakrifica; fene duhet lene anash se eshte qeshtja kombtare ketu qe luhet ne loje dhe se shqiptaret e tetoves, gostivarit manastirit etj duhet ti ndegjojne zerat e ardhur nga vllezerit e tyre..;duke lene anash xhamin....

Po, fryini zjarrit dhe te vriten , per nje ceshtje qe mund te zgjidhet dhe me qetesi.Dhe Majko te njeten gje tha: Djegja e falmurit eshte minimumi!!!!!!!!!!!!!!!Po te beje si ne 97.Cfare kerkoni te bini ne gracen serbe dhe ruse qe duan te hakmarren per ceshtjen e Kosoves dhe ta kthejne ballkanin ne palestine te dyte?Ai qe i do shqipetaret ben thirrje per qetesi. Shqipetaret i kane perfaqesuesit e tyre , per te cilet kane votuar.Le te merren ato me kete pune.Nga aktet vandale. me te huburit do te jene shqipetaret.

[Llapi]

Akademia Maqedonase tërheq enciklopedinë

Nga Express më 30.09.2009 në ora 18:56
Kryesia e Akademisë së Shkencave dhe Arteve Maqedonase (ASHAM) ka vendosur tw mërkurën që të tërheq përkohësisht “Enciklopedinë Maqedonase” nga shitja dhe të bëjë korrigjimin e saj, njofton agjencia e lajmeve INA.

Nga vendimet e ASHAM është obliguar që redaksia që përpiloi “Enciklopedinë Maqedonase” në afat sa më të shkurtër të bëjë përmisimin e pjesëve për shqiptarët në Maqedoni, marrëdhëniet shqiptaro-maqedonase, agresionin e shqiptarëve në Maqedoni, pjesët e shkruara ndaj SHBA-ve dhe Britanisë së Madhe për trajnimin e UÇK-së, Nënë Terezën dhe pjesë të tjera kontestuese.

Kryesia ka obliguar redaksinë që përmirësimet të bëhen së bashku me akademikë maqedonas dhe shkencëtarë të tjerë nga bashkësitë joshumicë. (INA)
----------------------------------------------

Tërhiqet enciklopedia skandaloze e ASHA të Maqedonisë
Kryesia e ASHAM ka vendosur sot tërheqjen e Enciklopedisë maqedonase nga qarkullimi, dhe rishkrimin e sajë me pjesëmarrjen edhe të akademikëve shqiptarë. Ndërkohë edhe sot në Tetovë mijëra studentë dhe qytetarë shqiptare protestuan kundër përmbajtjes së kësaj enciklopedie....
Postuar: 08:06:13 / 30.09.2009
Pas presionit të fuqishëm shqiptar dhe reagimit ndërkombëtar Akademia e Shkencave dhe Arteve të Maqedonisë vendosi sot ta tërheqë nga qarkullimi "Enciklopedisë maqedonase" dhe në afat sa më të shkurtër t'i korrigjojë përcaktimet kontestuese në publikimin e dy vëllimeve - lidhjet dhe marrëdhëniet shqiptaro-maqedonase, shqiptarët në Maqedoni, shkrimet për Ali Ahmetin, Agresionin ndaj Maqedonisë, UÇK-në dhe Nënë Terezën.

Kryesia e Akademisë ka detyruar redaksinë e enciklopedisë që korrigjimet t’i bëjë së bashku me akademikët shqiptarë dhe shkencëtarët e tjerë të bashkësive jo shumicë.

Kryesia e Akademisë së Shkencave dhe Arteve të Maqedonisë do të mbledhë edhe Kuvendin e jashtëzakonshëm në të cilin do të vendoset për përgjegjësinë e anëtarëve të redaksisë kryesore, me në krye akademikun, Bllazhe Ristevski.

Para marrjes së një vendimi të këtillë të Akademisë, disa mijëra studentë të dy universiteteve në Tetovë, të përkrahur edhe nga qytetarët shqiptarë marshuan rrugëve te këtij qyteti, kundër “enciklopedisë”.

“Jo falsifikimit të historisë shqiptare”, Jo korrigjim, por tërheqje”,
brohorisnin studentët duke kërkuar që rishkrimi i enciklopedisë te
behet ne prezence te akademikeve shqiptarë.

Protestat kaluan pa ndonjë incident, ndërsa për nesër, Bashkimit
Demokratik Kombëtar ka paralajmëruar protesta edhe para Qeverise sëMaqedonisë. /B. Iseni/
rtk

[Rugova]

Lajmi qenka sjellur nga të tjerët...

[no name]

Sot në qytetin e Tetovës ne studentët shqiptar protestuam kundër enciklopedisë.

[drenicaku]

Faktori shqiptar ne maqedoni eshte shume i perqar kur ti shtohet edhe feja kjo te jep me kuptua se maqedonet me gjith ate e kan te leht me shqiptaret,prandaj edhe masin impulsin e shqiptarve

[Glaukia88]

Kryesia e Akademisë së Shkencave dhe
Arteve në Maqedoni ka vendosur dje
të tërheqë nga shitja Enciklopedinë e re
maqedonase, e cila do t’u nënshtrohet
korrigjimeve. Lajmin e kanë bërë të ditur
mediat maqedonase, sipas të cilave
kryesia e ASHAM i ka kërkuar redaksisë
që hartoi Enciklopedinë të rregullojë
pjesët kushtuar popullit shqiptar, marrëdhënieve
me të, si edhe pjesët ku shkruhej
se ofi cerë amerikanë dhe britanikë
kanë stërvitur UÇK-në. Gjithashtu,
kryesia i ka kërkuar Akademisë që
ndryshimet të bëhen në konsultim me
studiues maqedonas dhe studiues të
etnive të ndryshme që jetojnë në vendin
fqinj. Mijëra studentë të Universitetit të
Tetovës dhe Europës Juglindore, si edhe
qytetarë shqiptarë protestuan dje në
mesditë në rrugët e qytetit të Tetovës
kundër Enciklopedisë maqedonase,
e cila fyen shqiptarët. Protestuesit
kërkuan heqjen nga qarkullimi të Enciklopedisë
dhe largimin e akademikëve
shqiptarë nga Akademia Maqedonase
e Shkencave dhe Arteve. Në pankartat
që studentët mbanin në duar shkruhej:
“Jo korrigjim, por tërheqje”, “ASHAM
institut pa identitet”, “S’ka Enciklopedi,
s’ka Maqedoni”. Studentët bënë apel që
politika shqiptare të ishte më energjike
në mbrojtjen e dinjitetit, krenarisë dhe
historisë kombëtare. “Është koha për
unifi kim të qëndrimeve dhe kërkimi të
përgjegjësisë. Nëse ky botim skandaloz
nuk tërhiqet nga qarkullimi, atëherë, ne
të gjithë së bashku do të ndërmarrim
hapa të tjerë, për të cilët do jeni të informuar
në kohë të duhur”, theksoi këshilli
organizativ i protestës.

Marre nga Gazeta Shqip 01/10/2009

[bl3nd]

Sa poezi e bukur...


"Rri shtrember,e shkruaj drejt"

[Llapi]

Maqedonasit, rreziku i Maqedonisë
Mërkurë, 30 Shtator 2009 18:07

Bekim Kabashi

Prishtinë, 29 shtator


Maqedonasit së fundmi kanë riaktualizuar frymën anti-shqiptare në këtë shtet, duke u munduar që në njërën anë ata t'i paraqesin si ardhacakë, ndërsa në anën tjetër si popullsi me numër minor, në kuadër të këtij shteti. Së pari filloi me botimin e Enciklopedisë, nga ana e Akademisë së Shkencave të këtij shteti, e më pas edhe me padinë në Prokurorinë Penale, nga dy subjekte politike aleate me kryeministrin Nikolla Gruevskit.

Njohës të situatës në Maqedoni japin mendime të ndryshme lidhur me këtë çështje. Shumica prej tyre, vlerësojnë se kjo është një situatë e orkestruar nga qarqe politike brenda dhe jashtë Maqedonisë, për një Maqedoni pa shqiptarë, ose edhe për ndarjen e saj. Ekzistenca e Republikës së Maqedonisë, vlerësohet të jetë në dyshim, edhe atë me vetë iniciativë të maqedonasve. Publicisti Qani Mehmedi, vlerëson se qeveria aktuale e Maqedonisë, po vepron në bazë të një strategjie të përbashkët me Beogradin zyrtar, me idenë e ridefinimit të territoreve në Ballkan. "Qeveria aktuale e Nikola Gruevskit, është pjesë pro serbe e VMRO-së, pasi prej se kur ekziston kjo, ka pasur dy krah, atë pro serb dhe pro bullgar. Këta aktualisht po luajnë lojë në orkestrim të përbashkët me Beogradin dhe janë të interesuar që ta përcaktojnë ridefinimin e Ballkanit në baza etnike", thotë Mehmedi.



Enciklopedia - paralojë politike



Tutje, publicisti Mehmedi shprehet se Enciklopedia dhe padia në Prokurorinë Penale, për kontestim të numrit zyrtar të popullsisë shqiptare në këtë republikë, janë të menduara mirë dhe të lidhura në një ide të vetme dhe shumë të qartë. "Enciklopedia dhe kontesti i regjistrimit të popullsisë janë vetëm një paralojë e një qëllimi politik. Ata konsiderojnë se Maqedonia sot duhet të ndahet, pasi do të jetë në llogari të sllavëve", thotë ai. Ndërsa kjo, sipas tij, po ndodh në këtë kohë, pasi ata konsiderojnë se sa më vonë që shkon koha e përcaktimit të kufijve shqiptaro-maqedonas, aq më e dëmshme do të jetë për sllavët. "Maqedonasit janë të interesuar për një Maqedoni pa shqiptarë", shprehet Mehmedi.

Në këtë linjë, mendon edhe analisti i shqiptar në Maqedoni, Kim Mehmeti. Ai në një deklarim për mediat e atjeshme, lidhur me këtë temë, ka deklaruar se maqedonasit këtë shtet e dëshirojnë vetëm për vete. Por sipas tij, ekzistimi i Maqedonisë varet më shumë nga shqiptarët sesa nga maqedonasit. "Nëse sipas regjistrimit dalin vetëm 10 shqiptarë, ekzistimi i Maqedonisë varet më shumë nga shqiptarët sesa nga maqedonasit dhe kjo është ajo që u dhemb sllavo-maqedonasve. Vetëm 10 të jenë, Maqedonia kufizohet vetëm me shqiptarë. Në atë moment kur të duan këta 10 shqiptarë e shkatërrojnë këtë shtet", ka thënë Mehmeti për një media shqipe të Maqedonisë.



Vazhdimësi e një fushate



Ndërkaq, mendim ndryshe për këtë çështje ka analisti Ramush Tahiri. Ai këtë fushatë të maqedonasve e konsideron vetëm si një vazhdimësi e fushatës së mëparshme kundër shqiptarëve. Por ajo që e bënë më të ndjeshme atë në këtë kohë, sipas tij, është fuqizimi i faktorit shqiptar në rajon. "Kjo është pikëpamje nacionaliste e maqedonasve, por nuk është e asaj natyre që ta rrezikojnë ekzistencën e këtij shteti. Ata, po patën qëllime të tilla, kanë forma tjera të diversionit, të terrorizmit etj., që munden me qenë shumë më efikase", vlerëson Tahiri. Ai mendon se maqedonasit, në këtë rast thjeshtë po shprehin një tendencë të tyre, që e kanë shprehur edhe më herët, por sipas tij, reagimi i tanishëm i shqiptarëve është më i ashpër, pasi shqiptarët edhe në Shqipëri, Kosovë, por edhe në Maqedoni janë më të fortë se më parë.

Sa i përket Enciklopedisë, Tahiri vlerëson se ajo nuk është enciklopedi e Maqedonisë, por e maqedonasve. "Ato janë pikëpamje të maqedonasve për historinë. Aty nuk ka asgjë të re, gjithmonë ka qenë ashtu. Ndërsa e reja e kësaj është se nëpër periudha historike ata mundohen të përcaktojnë numrin, duke e zvogëluar atë, por gjithherë shqiptarët i nxjerrin si ardhacak. Ata, sipas Tahirit, me këtë e thonë një të pavërtetë, të cilën e ka thënë gjatë gjithë kohës historia maqedonase, duke i bërë shqiptarët ardhacak, në territorin i cili është përcaktuar më vonë. "Teza se shqiptarët janë të ardhur prej veriut nuk qëndron, pasi shqiptarët në të dy anët e kufirit janë të një zone. P.sh., zona e Lumës, këtë e argumenton edhe e folmja e tyre e njëjtë, që nuk është si ajo e veriut, njëjtë është edhe me zonën e Dibrës, Prespës dhe Strugës", shprehet Tahiri. Ndërsa, lidhur me përqindjen shqiptare në këtë shtet, Tahiri vlerëson se asnjëherë ai regjistrim nuk ka qenë i rregullt dhe se përqindja e popullsisë shqiptare atje, është më e madhe sesa paraqitet në regjistrimin zyrtar të vitit 2002. Si argument për këtë ai jep anëtarësinë e Bashkësisë Islame në Maqedoni, e cila jep shifrën me rreth 1.5 milionë anëtarë. Ndërsa këtë e mbështetë edhe me numrin e nxënësve shqiptarë në shkollat fillore të këtij shteti, numër i cili nëse përpjesëtohet, jep një shifër se Maqedonia ka më shumë se 35 për qind shqiptarë.

[P.Q]

mir e thane gazetarët top channel ata te zgjidhin çështjen e emrit se ngelën jasht evrope po merren me shpifje

do na u bote qefi sikur kto historianët tonë të benin enciklopedin e shqipes

[fano]

Edhe presidenti Topi sulmon Enciklopedine maqedonase

Presidenti i Republikes, Bamir Topi ka prekur per here te pare temen e historise se shqiptareve, sic ishte reflektuar ne enciklopedine e Akademise se Shkencave te Maqedonise.

Per kreun e shtetit, enciklopedia nuk ishte thjesht nje lajthitje e akademikeve maqedonas, por me gjere, nje aleance patologjike mes rretheve shkencore dhe politikes se Shkupit.

"Historia nuk behet me ndjenja emocionale, por ne baze te diskutimeve te gjera te akademikeve. Mjere ai akademik qe influencohet nga politika", u shpreh Topi.

Deklarata e Topit pati nenkuptim edhe per ceshtjen e shume debatuar te Historise 12, ne tekstin e se ciles pervec shume gabimeve te gjetura nga ekspertet, ka edhe komente politike mbi ngjarje te caktuara te pas viteve 1990 ne vendin tone.

|||Lajme.Net||| 02.10.09