"Jemi sulmuar dhe jemi rrahur nga një grup personash të veshur me ngjyrë të gjelbër". Ky është denoncimi i dy shtetasve shqiptarë që punojnë si kamerierë në një restorant mbrapa sheshit "San Marko" në Venecia. Episodi i ndodhur dy ditë më parë është konfirmuar dje nga Kuestura e Venecias, si dhe u njoftua nga këshilltari komunal i të gjelbërve, Beppe Caccia, për të cilin ngjarja është një agresion i qartë me motive raciste e vënë në jetë nga militantë të "Lega Nord". Dy kamerierët që kanë marrë plagë të rënda, por sipas mjekëve jashtë rrezikut për jetën, janë shprehur se do të paraqesin padi bashkë me pronarin e restorantit. Ata do dëshmojnë se kanë pasur një përplasje verbale me fjalë pak para se të ndodhte agresioni fizik. Nga të njëjtat burime mësohet se dy ditë më parë, rreth orës 11:40, në lokal hyri një djalosh rreth të tridhjetave, i dehur, që kishte vjedhur një bluzë me sloganin e Partisë Lega. Ai në fillim nisi të godiste me grushte vitrinën e restorantit. Në këtë kohë, një prej kamerierëve, me kombësi shqiptare, shkoi për ta larguar. Pas kërkesës për largim, nisën fyerjet. "Çfarë dreqin doni, më jepni të shoh lejet e qëndrimit tuaj". Në atë kohë situata degjeneroi. Hynë më pas në restorant edhe 7-8 persona të veshur me të njëjtat bluza dhe më pas nisi një situatë e frikshme", tregojnë punëtorët. "Ata hodhën poshtë shishet me birra, përmbysën e shkatërruan karrige e tavolina, duke shkaktuar një rrëmujë në gjysmën e lokalit. Kishim vërtet frikë", tregojnë dëshmitarët. Agresioni më pas kulmoi me goditjen me shishe të kamerierit shqiptar. Më pas agresorët u larguan dhe u përfshinë në manifestimin që po mbante Partia e Lega-s në ato momente.
Përgjigju Duke Cituar
Postuar më parë nga Apollyon
Krijoni Kontakt