Cfare ndodh me stadiumin kombetar "Qemal Stafa"?

[DYDRINAS]

Duka: Mund të luajmë në stadium jashtë Shqipërisë

» Vendosur: 12/09/2009 - 04:04


"Për shkak të kushteve jo të mira të stadiumit, rrezikojmë që të mos luajmë më në Shqipëri me Kombëtaren. Do të kërkojmë një stadium jashtë vendit, nëse nuk gjejmë një zgjidhje". Këtë alarm, e jep vetë presidenti i FSHF-së, Armand Duka. Kreu i institucionit të futbollit ka komentuar problemin me stadiumin, i cili doli në pah pas ndeshjes Shqipëri-Danimarkë, teksa arbitrat turk dhe lojtarët danezë, nuk kanë mundur të lahen me ujë të ngrohtë. Nisur nga kjo, Duka tashmë i kërkon ndihmë edhe Ministrit të ri të Sporteve, Ferdinand Xhaferri, duke shpresuar se do të ketë një zgjidhje. Në të kundërt, sipas tij, mbetet që Shqipëria t'i zhvillojë ndeshjet në një stadium jashtë vendit. "Të them të drejtën, nuk e di që pas ndeshjes me Danimarkën ka munguar uji i ngrohtë në dhomat e zhveshjes. E kam lexuar në gazeta këtë gjë, por nuk di saktësisht nëse kjo ka ndodhur me arbitrat dhe Kombëtaren daneze,"- shprehet fillimisht Duka. Më tej, kreu i FSHF-së tregon problemet e vërteta, që natyrisht janë të mbartura dhe nuk kanë ndodhur vetëm pas ndeshjes me Danimarkën. "Megjithatë, nëse diçka e tillë ka ndodhur, vërtetë nuk habitem. Nuk është hera e parë që në këtë stadium ndodh kjo. E gjitha është vetëm për shkak të organizimit të dobët. Mesa di, aty arbitrat e huaj që kanë gjykuar ndeshjet e Ligës së Evropës, ku janë përfaqësuar klubet shqiptarë, kanë shkuar për t'u larë në hotel "Sheraton". Ndërkohë, një tjetër problem është që edhe dritat para ndeshjes nuk janë ndezur. Duke qenë se drejtoria e stadiumit nuk ka asnjë lloj kontrolli nga askush, vepron në këtë mënyrë. Ne si FSHF kemi një kontratë që na japin me qira stadiumin për ndeshje të Kombëtares, por që nuk na kanë plotësuar ato kushte që i kemi kërkuar. Madje kanë thënë po deshe, po nuk deshe të vazhdojmë. Sa të ketë atë formë organizimi, mendoj se përsëri ky stadium po ato probleme do të ketë", - ka thënë njëshi i institucionit të futbollit.

panorama


Kush e administron stadiumin kombetar dhe ne varesi te cilit institucion eshte ai?
Po ne Europe si funksionojne dhe si administrohen objekte te tilla?

[DYDRINAS]

Dhales: Une jam administror i stadiumit

13.01.2009 06:04 - Kategoria: Sport


E Marte, 13 Janar 2009

Drejtori i stadiumit kombetar, "Qemal Stafa", Perikli Dhales , kontaktuar nga "Koha Jone", per propozimin e presidentit te FSHF-se Armando Duka u shpreh se nuk eshte ne kompetencen e tij qe te vleresoje dhe te jape nje qendrim zyrtar, per investimin prej 10 milion Eurove. "Jam njohur me propozimin e FSHF-se, qe kerkon te investoje ne permiresimin e kushteve ne stadiumin "Qemal Stafa," shteti nepermjet institucioneve perkatese, duhet te mbaje nje qendrimin zyrtar. Stadiumi eshte sh.a dhe vetadministrohet," - perfundoi Perikli Dhales, qe sqaron se detyra e tij eshte te menaxhoje te ardhurat dhe shpenzimet, per funksionimin sa me normal te ketij institucioni. Aktualisht stadiumi "Qemal Stafa" menaxhohet dhe funksionon si sh.a, eshte prone e Ministrise se Ekonomise, Privatizimit dhe Energjitikes dhe monitorohet nga MTKRS-ja.

koha jone sport

[DYDRINAS]

Stadiumi "Qemal Stafa" pa uje, Dhales hedh poshte akuzat


"Pas dushit te lojtareve daneze, u lane edhe drejtuesit e ekipit. Kete mund ta kene nga deshperimi i tyre nga rezultati negativ qe arriten”, shprehet drejtori i stadiumit "Qemal Stafa"


Pas barazimit ne “Qemal Stafa” me kombetaren e Kuzhes, mediat daneze pervec komeneteve mbi lojen jo te mire te skuadres se tyre, kane mbushur faqet sportive edhe me fjalet se futbollistet daneze jane lare me uje te ftohte pas ndeshjes.

Por keto deklarata hidhen poshte kategorikisht nga drejtori i stadiumi kombetar “Qemal Stafa”, Perikli Dhales, i cili verteton te kunderten dhe pohon se keto jane vetem shpifje. “Nuk eshte aspak i vertete, sepse ne te njejten kohe me ta jane lare edhe futbollistet tane. Pas dushit te lojtareve daneze, u lane edhe drejtuesit e ekipit. Kete mund ta kene nga deshperimi i tyre nga rezultati negativ qe arriten”, shprehet Dhales.

Mbi kete fakt kane ironizuar edhe mediat daneze. E perditshmja “Ekstrabladet” shkruante: “Ne rubinetet e stadiumit ‘Qemal Stafa’, qe furnizonin dushet e perfaqesueses daneze mungonte uji i ngrohte. Ne Tirane Danimarka provoi (jo vetem ne kuptimin figurativ, per rezultatin zhgenjyes) nje dush te ftohte”.

top-channel

[_MALSORI_]

nuk duhet te quditemi me keto paradokse ne shqiperine tone te dashur.stadiumi kombetar i futbollit qe nga emri paraqet nje paradoks nga me te quditshimt..clidhje ka me sportin komunisti qemal stafa..ka luajtur ndonjehere futboll ky njeri apo ju vu emri impiantit me te madh sportiv veq qe ti kujtonte baces enver viktimen e tij ndoshta te pare apo ndoshta te 100...a pak figura te ndritura ne fushen e sportit ka shqiperia qe ne aakoma te degjojme emra komunistesh..

paradoksi i dyte eshte gangsterizmi qe tregojne drejtuesit e ketij impianti kur vete flasin e vete vulosin a thua se jua ka lane baba trashegim..kur te ju qohet ja hapin deret stadiumit e kur ju ulet ja mbyllin dyert..bashke me mafiozin armando duka i vene sipas oreksit cmimet e biletave...dhe mafiozi leh ham ham ham se nuk ka pergjegjesi per keto pune..kujton qeni se ne jetojme ne hene dhe e hame sapunin per djathe..ne fakt jo pak e hame pasi zjarri per te ndjekur kombetaren na shtyn qe edhe kur e dime se ndeshja eshte e shitur dhe kur e dime se disa plehra te kombetares sone hyjne ne fushe per te shitur vehten ,ne prape se prape ja msyme stadiumit..

paradoksi tjeter eshte loja e maces me miun midis ministrise,federates,dhe drejtuesve te stadiumit..te gjithe po e shohim se futbollin ne shqiperie ka mberthyer mafia por ja qe ka ombrellen e pavaresise sa qe shteti nuk ka cka i ben..u munduan disa ministra ta disiplinojne kete gje por pa rezultat..shiten ndeshjet e kombetares apo te klubeve shqiptare diten per diell e nuk e qan kryet kush..talenteve te reja ju kerkohen ryshfete per tu bere pjese e kombetares shqiptare dhe kompetentet rrudhin krahet..e keto talente luajne per nje gjak tjeter dhe ka raste kur i bejne edhe gola gjakut te tyre...tifozi i shkrete rri zemer thyer e veshtron teksa gjaku i tij injorohet,kur mafia e futbollit pasurohet edhe ne kurriz te tij...ai qe duhet te nderohet me shume ( tifozi ) ai nencmohet me shume..

shqiperia eshte e mbushur me paradokse keshtu qe mos u cudisni pse ne impiantin me te madh sportiv ne shqiperi nuk kishte uje te ngrohte..a thua ti ken korruptuar edhe drejtuesit me te larte te futbollit boteror qe nuk e hapin zerin per nje mije e nje problemet qe paraqet futbolli ne shqiperi..cka nuk ben vaki me ne..perderisa nuk e kemi ngrene asnjehere ndonje shuplake te forte perjashtimi te shton dyshimet rreth kesaj mafie...

[Harudi]

Shqipëria rrezikon të humbë 'Qemal Stafën'

Delegati italian i ndeshjes, Danilo Filakione, është skandalizuar nga kushtet e ndërkombëtarit

Federata Shqiptare e Futbollit është mësuar të marrë gjoba nga UEFA apo FIFA për shkak të sjelljes së tifozëve në stadium, por këtë radhë e keqja nuk i vjen nga shkallët e “Qemal Stafës”, por nga kushtet skandaloze të ndërkombëtarit tonë. Pas çdo ndeshjeje ndërkombëtare, relacionet e delegatëve nuk kanë qenë favorizuese për “Qemal Stafën”, por me Danimarkën përfaqësuesve më të lartë të futbollit në Europë u ka sosur durimi.

Kulmi ka arritur pas përfundimit të ndeshjes, ku në dushet, në dhomat e zhveshjes së gjyqtarëve dhe ekipit danez ka munguar uji i ngrohtë. “Nuk ka ujë të ngrohtë, zotërinj!” - çirrej i dëshpëruar delegati nga Italia, Danilo Filakione, duke mos marrë asnjë përgjigje nga stafi i “Qemal Stafës”. Dhe në fund fjalët e tij janë kërcënuese: “Do të merrni një gjobë plus për mungesë të ujit të ngrohtë, kjo është e patolerueshme.”

Gjithçka ka nisur me inspektimin e stadiumit para fillimit të ndeshjes. I deleguari i FIFA-s ka studiuar me imtësi të gjitha kushtet e “Qemal Stafës”, nga dhomat e zhveshjes e deri te kushtet higjeno-sanitare. Me një aparat fotografik, ai ka gjetur prova të pakundërshtueshme, të cilat do t’i përfshijë në relacionin e ndeshjes. “Ku janë tualetet për femra?”- ka pyetur italiani Filakione. Përgjigjja “shqiptare” ka qenë origjinale: “Në stadiumin tonë nuk vijnë femra”, ndërkohë që në shkallët e “Qemal Stafës” dalloheshin qartë shumë tifozë të gjinisë jomashkullore. Por çudia shqiptare nuk përfundon këtu. Ndërkohë që policia nuk i lejonte tifozët të futeshin në stadium me shishe uji (u hiqte tapat), brenda mund të gjeje copa guri që mjaftonin për të bërë gjëmën. Tifozët kuqezinj të paktën janë treguar “qytetarë të civilizuar”, nuk kanë preferuar t’i bëjnë presion me mjete të forta ekipit kundërshtar. “Kot i hiqni tapat…” Sepse një goditje me shishe plastike nuk do të shkaktonte plagë të rënda si me gur.

Delegati Danilo Filakone ka kërkuar edhe për shërbimet publike për tifozët, ku në vend të tyre ka gjetur WC-të krejtësisht të amortizuara, kur vetëm për nevoja personale nuk mund të përdoreshin. “Tifozët kërkojnë të pinë ujë, por ku do të mund ta shuajnë etjen?” E pse duhet të pinë ujë, kur s’kanë ku të urinojnë?

Është e kotë të flasësh për ndenjëset plastike, që ishin të mbuluara nga një shtresë e trashe balte, si rrjedhojë e pluhurit të bashkuar me ujë. Askush nuk ka marrë guximin t’i pastrojë. Sepse vetë tifozët e dinë që s’mund të shkojnë në stadium nëse nuk marrim me vete facoleta apo fletë gazetash, mbi të cilat duhet të ulen.

Të gjitha problemet e konstatuara delegati Filakione i ka relatuar në institucionin më të lartë të futbollit botëror, i cili nëpërmjet komisioneve të tij do të vendosë për gjobën apo (qoftë larg) përjashtimin e “Qemal Stafës” për ndeshjet ndërkombëtare. Dhe është i vetmi stadium në Shqipëri ku luan kombëtarja. Imazhi i kombëtares shqiptare dekadën e fundit ka pasur rritje, sigurisht për shkak të rezultateve të mira, që kanë ndikuar edhe në renditjen e përgjithshme, por për sa u përket kushteve të stadiumit, ku priten skuadrat më të mira europiane, lëmë shumë për të dëshiruar. Kjo situatë është e patolerueshme, ndaj FIFA mund të marrë vendimin ekstrem, për të mos lejuar zhvillimin e ndeshjeve ndërkombëtare, derisa të krijohen të paktën kushtet minimale.

marrë nga:
tifozatkuqezi

p.s.
sa i përket shkrimeven ë Ekstra Bladet,përmendet se kombëtarja daneze kishte marrë një dush të ftohët me kombëtaren shqiptare (gjë që u ka bë mirë),sepse të gjitha parashikimet kanë qenë se Danimarka do të kthehet nga Tirana me 3 pikë.
Ndërsa përmendet se edhe ditëne parë të stërvitjes së kombëtares daneze në Tiranë,atyre u ka mungura një portë më shumë për ushtrime të portierit,gjë që edhe pas kërkesës së danezëve,nuk ishte përmbushë kjo kërkesë nga pala shqiptare.....

[mesuesi_1]

Tani kjo histori me duket se mban ere te "djegur". Ky Taljoni i deleguari i FIFA-s nuk ka pase arsye te skandalizohet sepse e di edhe "ariu" qe perpara fillimit te nje aktiviteti stadiumi monitorohet nga komisioni i FIFA ose UEFA-s dhe pastaj jepet ok ose jo. Ne kete rast stadiumi Q.Stafa e ka marre kete OK se perndryshe Kombetarja nuk do te kishte zhvilluar asnje ndeshje ne ate stadium, prandaj kjo histori mban ere te "djegur" me sa duket duan te ndeshkojne Kombetaren per te ndeshkuar Shqiptaret, duke ditur se eshte sensibel per Shqiptaret. Keta "ustallaret" qene ata qe denuan fushen vetem se u hap nje flamur gjigand kombetar. Ene Taljoni po mundohet me i dhone i dore atyne.....

[loni-loni]

Kur do marri fund ky problemi i haleve dhe ujit te rrjedhshem ne Shqipni,,,,,,,,,sa te pazot paskemi qene me organizu nji shtet mininormal

Ai stadium duhet prish nga themelet bashke me stadiumin Dinamo , rikonstruksioni i ketyne haleve sportive asht pare e hedhun n,lum

[dias10]

Une personalisht nuk besoj se mungon uji i ngrohte, ata po mundohen te gjejne nje preteks per ta denuar stadiumin, qe shpeshhere ju hap probleme dhe skuadrave me te mira europiane.
Nuk e besoj kete sepse stadiumi inspektohet para ndeshjes dhe po nuk kaloi inspektimin NUK LEJOHET te luhet ne te. Dikujt i djeg shume fakti qe Shqiperia te hap probleme ne ate stadium ne fushen e lojes, dhe po gjejne menyra te tjera per te zgjidhur kete problem "te vogel", dhe nje dore po ja u jep dhe media shqiptare(lexo:antishqiptare).

[dias10]

"Për shkak të kushteve jo të mira të stadiumit, rrezikojmë që të mos luajmë më në Shqipëri me Kombëtaren. Do të kërkojmë një stadium jashtë vendit, nëse nuk gjejmë një zgjidhje". Këtë alarm, e jep vetë presidenti i FSHF-së, Armand Duka

Megjithate, fakti qe Armand Duka eshte perzier ne ""investimin"" 10 milione dollare, mund ta beje ate burimin e gjithe kesaj zallamahie. Nuk eshte cudi qe "lajmin" medias daneze t'ja kete servirur vete presidenti yne i nderuar, sigurisht nepermjet medias shqiptare(qe eshte e shquar qe "nuk" luan fare rol ne interesat mafioze).

[puroshkodran]

Të gjitha problemet e konstatuara delegati Filakione i ka relatuar në institucionin më të lartë të futbollit botëror, i cili nëpërmjet komisioneve të tij do të vendosë për gjobën apo (qoftë larg) përjashtimin e “Qemal Stafës” për ndeshjet ndërkombëtare. Dhe është i vetmi stadium në Shqipëri ku luan kombëtarja.

Nuk eshte e vertete qe eshte i vetmi stadium qe lun komtarja. Problemi eshte se stadiumi tjeter ku lun, qe eshte Loro Boriçi, nuk i ka aspak kushtet me te mira se Qemal Stafa