Loja e fundit ”Fjalë nga dy shkronjat e fundit” tregoi kaq interesim sa i dhashë vetes zahmet për të shpikur diçka të ngjashme, pak më ndryshe, por argëtuese.
Ja dhe loja e re
Fjalë e re nga tri shkronjat e fjalës paraprake
Shembull:
Jepet një fjalë, ta zëmë: paraprake
Sqarim:
1. Duhet të zgjedhësh tri shkronja të njëpasnjëshme të fjalës për të gjetur një fjalë të re.
2. Vendi i shkronjave të fjalës nuk është i caktuar, kështu ti ke mundësinë të zgjedhësh tri shkronjat e para të fjalës ose tri në trungun e fjalës, ose tri të fundit, të cilat do t’i përdorësh ti për fjalën e re. P.sh. Te fjala ”paraprake” ke mundësi të zgjedhësh këto grupe shkronjash: par, ara, rap, pra, ake.
3. Po e zëmë se je përcaktuar për grupin e shkronjave „rap“. Tash ti je ai që vendos,d.m.th. sipas dëshirës tënde, se ku do ta vëndosësh këtë grup shkonjor në fjalën tënde të re: në fillim të fjalës, në trugun e fjalës apo në fund të fjalës së re: raport( në fillim të fjalës), krapuliq ( në trungun e fjalës) ose satrap( në fund të fjalës)
Rregullat e lojës:
1. Fjala e dhënë duhet të jetë e saktë gjuhësisht.
2. Gjithmonë duhet referuar përgjigjes së parë. (D.m.th. Nëse ka shumë përgjigje për të njëjtën fjalë, aktive është përgjigja e parë e saktë).
3. Je i obliguar që pjesëmarrësve të lojës t’u bësh të ditur se cilin grup nga fjala paraprake ke zgjedhur për fjalën tënde të re. Këtë do ta bësh kësi soji: duke shkruar para fjalës tënde grupin e përzgjedhur, p.sh. ”rap”: raport ose duke i bërë shkronjat e dallueshme teknikisht raport ose raport.
4. Përgjigja duhet të bëhet duke klikuar në ”cito”, d.m.th. duke treguar se cilës fjalë po i referohesh.
5. Nëse konstatohet më vonë se një fjalë është dhënë gabimisht, personi që e gjen se fjala para disa përgjigjesh ka qenë gabim bën një postim ku shkruan p.sh: fjala e dhënë në postimin 56 nuk është e saktë gjuhësisht dhe kështu merr të drejtën për të postuar një fjalë të re.
Shpresoj të kënaqemi edhe kësaj here.
Argëtim të këndshëm!
P.S. Përveç argëtimit qëllimi i lojës është:
1. Të mësojmë sa më shumë fjalë burimore shqipe,
2. Të mësojmë për të shkruar saktë gjuhësisht.
Postuar më parë nga Gi de Masha
Krijoni Kontakt