Pse duhet hequr Rama?

[Liqvid]

Nuk e di a eshte permendur me lart, por nuk duhet harruar dhe ngritja ne stratosfere e taksave qe rendojne mbi bizneset dhe gjithe qytetaret e Tiranes, para te cilat nuk dihet se ku shkojne pasi per ato pak peme qe mbjell bashkia, deklarohet plot pompozitet se jane te sponsorizuara nga firma te ndryshme private qe bejne pune me Ramen dhe perfitojne lehtesi te tjera ne shtet prej "sponsorizimit". Por nese pemet mbillen me parate e tyre, po parate e qytetareve te Tiranes per taksen "e gjelberimit" ku shkojne, sepse kemi veshtiresi te medha te dallojme "gjelberimin" ne qytet keto 9 vjet.

E vetmja zone e gjelber e qytetit, vec pemeve te kohes se "xhaxhit", eshte rripi i Lanes, per te cilin vertet qe disa tiranas ulerijne se eshte merite e Rames, por sic gjithe tironsit e dine, ishte qeveria e asaj kohe qe prishi ndertimet pa leje ne parkun Rinia dhe tek Lana, te gjitha me policine ndertimore dhe policine e shtetit qe vareshin prej kryeministrit Meta dhe qe i caktoi buxhet pa limit Bashkise se Tiranes.

Vetem ne periudhen 2000-2003, bashkia e Rames ka pasur nje buxhet shume here me te larte se te Kelmendit dhe te Brojkes te marre se bashku, pra per 3 vjet Rama ka pasur nje buxhet shume here me te larte se ai i 8 viteve 1992-2000. Dhe megjithe kete buxhet te stermadh asnje investim nuk eshte bere qe te justifikoje "pune" te Rames.

Dhe ky kryetar bashkie nuk ka pasur as veshtiresite pa fund qe kane pasur paraardhesit e tij. Ne vitin 92 problemi me i madh ishte shperndarja e bukes ne popull. Pas 92-shit ne Tirane erdhen te gjithe ish te perndjekurit politike te cilet duhet diku te strehoheshin. Bashkia e asaj kohe, jo vetem qe strehoi te gjithe te perndjekurit politik por edhe i ndihmoi qe ata te integroheshin ne jeten ekonomike te Tiranes.

Ne periudhen 92-96 u realizua i gjithe privatizimi i banesave. Ne kete periudhe u mbajten gjalle dhe madje u modernizuan: Fabrika e Birres Tirana, Kombinati i drurit "Misto Mame" dhe shume ndermarrje te tjera, te cilat ne kohen e socialisteve u shiten dhe u vodhen.

Ne 92 ekonomia ne Tirane ishte ne nivelin 0 dhe per pak vite ajo u gjallerua. Ndermarrjet e ndertimit ishin te paralizuara, e megjithate u be e mundur ringritja e tyre me qellim qe te ndertoheshin objekte per strehimin e popullit si dhe u arrit nxitja e bizneseve private te ndertimit.

Gjithashtu shume ndermarrje ne Tirane u privatizuan dhe me mijera njerez u bene pronare ndermarrjesh, magazinash, dyqanesh etj. Gjithe sistemi i kabinave elektrike ne Tirane u ndertua ne ate periudhe duke bere te mundur zevendesimin e rrjetit te amortizuar elektrik me nje rrjet te ri. Gjithashtu i gjithe sistemi i tubacioneve te ujit u ndertua ne ate periudhe.

Ne ato vite kryetari i bashkise kishte diten e premte si dite zyrtare per takimin me popullin, por dihej qe takimet beheshin ne cdo dite te javes. Tani per te takuar "zotin Rama" duhet te shkosh ne Peze.

Persa i perket kioskave, u dhane disa leje te perkohshme dhe jo ne numer te madh, me qellim nxitjen e punesimit dhe te biznesit. Pjesa me e madhe e lokaleve te blloku e kane origjinen ne kioskat e vogla prej teneqeje ne Tiranen e asaj kohe. Per te gjithe ata qe kane jetuar ne Tirane ne vitet 95-96, e mbajne mend qe parku "Rinia" mund te kete pasur 6-7 kioska prej teneqeje. Ne 97 me mungesen e shtetit ato u shtuan dhe u betonizuan.

Megjithate nje pjese e mire e kioskave ne Tirane jane prishur ne vitet 1999-2000, ne kohen e Brojkes dhe Majkos, si psh. gjithe kioskat tek qendra e Tiranes, ato tek Bulevardi Zogu I, tek Biblioteka Kombetare etj.

Brojka psh eshte dalluar per menanxhimin e krizes gjate kohes se luftes shqiptaro-serbe, pavaresisht se qeveria socialiste ne ate kohe nuk i jepte fare para.

Ne drite te ketyre dhe te shume te tjerave, qe ata qe kane jetuar ne Tirane i dine mire, Rama nuk ka bere asgje pervec se ka instaluar sistemin e korrupsionit mu ne zemer te shtetit dhe po betonizon krejt kryeqytetin.

Sepse sa here degjojme per "punen e Rames" dhe "Ramen punetor" keto jane fjale mediatike, jane pjese e imazhit te tij te kontrolluar dhe te lustruar nga TopChannel dhe ne asnje pike nuk puqen me realitetin. Pra puna e tij ne proporcion me buxhetin dhe punen e bashkiakeve te tjere para tij, eshte praktikisht zero. Me buxhetin qe ka bashkia e Tiranes, qyteti duhet te ishte shnderruar vertet ne qytet evropian dhe jo ne kryeqytet te Bangladeshit sic tregojne dhe fotot e limbos ne faqen e pare dhe qe i vuajme te gjithe ne qe jetojme ketu ne kete vend e ne kete qytet.

[BlerinaL]

Po mire, ju qe vdisni kaq shume per Edi Ramen, nuk shihni ndonje vend per permiresim ne Tr? Apo qenka bere e mrekullueshme Tirana, smungon asgje? Jeni komod ju?

[proscriptor]

Për të kuptuar këtë mjaft të shohim një shkrim të Edi Ramës i botuar në vitin 1997, në revistën “Përpjekja” të sponsorizuar nga Fondacioni “Soros”, dhe që me të vërtetë e konfirmon atë që pretendoi Edi Rama në “Top story”, kur u tha analistëve të panelit se do t’ u duhet shumë kohë publicistëve shqiptarë të arrijnë nivelin e publicistikës së tij.

Në këtë shkrim, të botuar në 1997, Edi Rama thotë se gjatë një udhëtimi që kishte bërë jashtë vendit në fillim të viteve ’90, kishte takuar disa emigrantë shqiptarë që punonin si pederastë me pagesë në një stacion treni. Edi Rama thotë se u drejtoi pyetjen: “Po kryesisht bëni punën pasive apo aktive?”(Edi Rama, «Lule shqipo lule djalë», «Përpjekja», nr. 9, Tiranë 1997, f. 41) Njëri nga ata i përgjigjet: “E di si, ja mendoje vetë, a është më mirë ta lësh bythën aty e të fluturosh me mendje ku të të dojë dhe të fusësh paratë në xhep apo të lodhesh duke shtyrë “mutin me loqe” e në fund të fundit të marrësh po ato para?!” (Edi Rama, «Lule shqipo lule djalë», «Përpjekja», nr. 9, Tiranë 1997, f. 41-42) Dhe Edi Rama pasi dëgjon këto fjalë tregon se edhe vetë hyri në dilemë: «Vërtet, si është më mirë?! Përsërisja si i dehur vetmëvete teksa kthehesha për të kushedisatën herë tek mullari». ?”(Edi Rama, «Lule shqipo lule djalë», «Përpjekja», nr. 9, Tiranë 1997, f. 42)

Publicistikës shqiptare me të vërtetë që do t’ i duhet shumë kohë për të arritur këtë nivel të Edi Ramës, a ndoshta nuk ka për ta arritur kurrë. Gjithsesi, dilema se duhej të shtynte apo t’ ia shtynin “mutin me loqe” është në origjinë të akuzës që i ka bërë ai ndaj gruas dhe të atit në gjyqin e divorcit, dhe që është publikuar nga Mero Baze, i cili është për të ardhur keq që nuk ishte në panelin e analistëve të ftuar në emision, aq më tepër që sot është bërë mik me Edi Ramën, i cili e mbrojti publikisht para pak kohësh.

Ja pse duhet shporr nga politika perversi Rama.

[Egnatius]

limbo kisha degjuar maskaralleqe dhe poshtersira nga me te ndryshmet per ramen po kjo qe ke sjelle ja kalon te gjithave.

me te vertete i ka shkruajtur keto?

[Egnatius]

nuk eshte thjesht kalim kohe Egnatius, dhe as talljeje. Kjo eshte te kerkosh te qendrosh ne rryme te ngjarjeve ne shqiperi, te pakten per ata qe ndodhen jashte dhe te shprehesh nje cop mendimi. Se shumica jane ne pune dhe skane shume nerva te degjojne budallalleqet e forumeve. Besoj se ata qe lexojne ketu duan ta shohin mire ate vend, jo keq.

BlerinaL 100% dakort me ate qe ke shkruajtur me siper

Megjithate problemi eshte se kjo teme lindi si nje kunder-pergjigje ironike per nje teme qe kishte te njejten permbajtje por si subjekt berishen.

Ne cdo nen forum ke te pakten 2-3 tema per berishen apo ramen pse duhen votuar dhe pse jo?

Shkurt muhabeti cfare eshte per tu thene e per tu diskutuar rreth edit dhe berishes eshte ster-thene e ster-diskutuar.

Mendoj qe tema te tilla duhen trajtuar me nje element ironik dhe sarkastik perndryshe behen bajate dhe te palexuara.

[leci]

Kam menduar ta hap kete teme me artikuj dhe opinione pse duhet qeruar Edi Rama. Mund te sillni opinionet tuaja ose artikuj nga shtypi qe ju perfaqesojne.
Kjo teme eshte vetem per argumentat kunder Rames. Argumenta pro Rames s'ka (pervec nqs nai rob kujton se Rama "eshte ndryshim" dhe "hyjni shpetimtare" gje qe dmth qe robi osht bo lluce nga truni).

Po na sill ti argumentat e tua e jo çarçafe gazetash.
Te pakten nje fare ideje ta krijojme edhe ne,qe te na mbushet mendja ta qerojme-largojme Edi Ramen.

Deri ne prove te kundert Edi Rama eshte kryebashkiak i Tiranes,dhe punen e tij mund ta gjykojne vetem tironcit e jo katunaret qe zbriten nga bjeshket me kapedanin e tyre Sali Protopapa.

Mendimi im ky,e fillo te matesh edhe llucin e trunit tend,sepse etiketimi i nje personi te panjohur,paraprakisht i ofenduar pa perdorur as nje te dhjeten e llogjikes,eshte shenje e nje personaliteti te shenuar thelle nga urrejtja kundrejt tjetrit qe nuk je ti,dhe nga paqartesia e mendimeve me kontorn konfuzionin.

Nese fjalia e fundit rezulton e paqarte mund ta copetoj ne rrokje.

[limbo]

nqs stpelqe tema qe ne konceptim, ca grricesh kot? ik lexo nai teme tjeter, ka forumi tema per te gjithe.

Kam menduar ta hap kete teme me artikuj dhe opinione pse duhet qeruar Edi Rama. Mund te sillni opinionet tuaja ose artikuj nga shtypi qe ju perfaqesojne.

Po na sill ti argumentat e tua e jo çarçafe gazetash.

[limbo]

Nuk e di a eshte permendur me lart, por nuk duhet harruar dhe ngritja ne stratosfere e taksave qe rendojne mbi bizneset dhe gjithe qytetaret e Tiranes

Rama katërfishoi taksat e biznesit të vogël brenda 2 viteve

Taksa e gjelbërimit nga 2500 lekë në vitin 2007 u katërfishua me 10 mijë lekë në vitin 2009

Mandati i tretë i kryetarit të Bashkisë së Tiranës ka qenë me të vërtetë një “mandatë” për kryeqytetasit, të cilëve në vend të përmirësimit të jetesës, nuk ka bërë gjë tjetër veçse ua ka rënduar atë me taksa nga më të çuditshmet dhe ç’është më e keqja duke i rritur nga viti në vit.

Sot ai kërkon të luajë rolin e shenjtorit, duke u shprehur keqardhje qytetarëve për gjendjen e rëndë ekonomike të tyre, për të cilën ai ka qenë një ndër kotribuesit kryesor. Duke bredhur nëpër zona dhe banesa të Tiranës, kryebashkiaku kryesocialist Rama bërtet me të madhe se njerëzit janë të varfër, por nga ana tjetër harron se si në qetësi dhe fshehtësi ka miratuar rritjen në 400 për qind të taksave vendore, duke i varfëruar dhe rrënuar dita-ditës këta qytetarë dhe bizneset e tyre.

Edi Rama ka ndjekur në mënyrë tejet të paprecedentë politikën e rritjes në mënyrë progresive të taksave, deri në 4-fishim të tyre, brenda një periudhe 2- vjeçare.

Bëhet fjalë për vitin 2007-2009, gjatë të cilave kryebashkiaku socialist ka ngritur në stratosferë taksat, të cilat ai dhe vartësit e tij të manipuluar pretendojnë ti cilësojnë “tarifa”, ndaj qytetarëve dhe biznesit të vogël. Rama vijon paturpësisht të mohojë akuzat e ngritura ndaj tij për rritjen e lartë të taksave gjatë 2 viteve të fundit, të cilat gazeta “SOT” ia ka parashtruar edhe me fakte konkrete.

Kryebashkiaku Rama është mësuar të reagojë me kokëfortësi sikur gjiçka që ai thotë është e vërtetë, por harron se s’ka gjë më të vërtetë në këtë botë sesa vetë faktet. Dhe për ta bindur sa më mirë kryebashkiaku Rama, gazeta “SOT” ia ka paraqitur dhe do të vazhdojë t’ia paraqesë me fakte ngritjen e taksave që ai ka urdhëruar prej vitesh në kurriz të qytetarëve të Tiranës. Pak ditë më parë, gazeta “SOT” publikoi në vija të përgjithshme por të faktueshme 4-fishimin e taksave-“tarifa” vendore që Rama ka bërë ndaj qytetarëve dhe biznesit të vogël, të madh dhe atij “VIP”.

Sot, lexuesit do të gjejnë në mënyrë të detajuar dhe të faktuar të gjitha taksat që Rama ka ngritur deri në 4 fish, vetëm gjatë 2 viteve të fundit, 2007-2009.


Biznesi i vogël

Sipas politikave bashkiake të Ramës, biznesi i vogël duhet të paguajë 3 taksa që janë; taksa e tabelës, taksa e gjelbër dhe “tarifa” e pastrimit, e cila ashtu si dy të mëparshmet nuk është gjë tjetër veçse një taksë e mirëfilltë. Në vitin 2007, kryebashkiaku kryesocialist Edi Rama e kishte taksën e tabelës për biznesin e vogël 750 lekë të rinj. Por kjo shumë mesa duket ishte e paleverdishme për Ramën, i cili me këto taksa duhet të ushqejë buxhetin e bashkisë por edhe buxhetin e tij personal. Vetëm një vit më vonë, pra në vitin 2008 ai e dyfishoi këtë taksë dhe e çoi në 1500 lekë të rinj.

Uria e Ramës për të vjelur sa më shumë nga të ardhurat e qytetarëve nuk mbaroi me kaq. Një rritje tejet të lartë pësoi brenda 3 viteve edhe taksa e gjelbër për biznesin e vogël. Në vitin 2007, taksa e gjelbër, për të cilën Rama shquhet se ua vjel kot prej vitesh qytetarëve pasi gjelbërimin e ka sajuar me fonde të shoqatave, bankave apo vetë banorëve, ishte 2500 lekë të rinj. Do të kalonte 1 vit, kur Rama do të bëhej pishman se nuk ishte e mjaftueshme për shërbimin që u ofronte qytetarëve kundrejt shërbimit klientelist “betonizim” dhe jo gjelbërim.

Kështu, në vitin 2008, Rama e dyfishoi taksën e gelbërimit për biznesin e vogël, duke e bërë 5 000 lekë të rinj. Por pishmanllëku i Ramës se nuk po i rrjepte aq sa duhet qytetarët, arriti deri aty sa në vitin 2009, e çoi këtë taksë në 4-fishin e saj ekzistues të vitit 2007. Pra në vitin 2009, taksa e gjelbërimit arriti në “qiell” duke u vulosur për momentin 10.000 lekë të rinj. Një rritje tjetër pësoi dhe taksa e pastrimit, të cilën Rama dhe punonjësit e tij papagaj e zbusin si term vjelës në “tarifë” duke harruar se pavarësisht emrit ajo rëndon njëlloj në të ardhurat e qytetarëve të Tiranës. Taksa e pastrimit për bizneset e vogla, në vitin 2007 ishte 7 500 lekë të rinj.

Në vitin 2008, kryebashkiaku Rama rriti me 120 për qind, duke e bërë 17 000 lekë të rinj. Ndërsa 1 vit më vonë, bizneset e vogla do të taksoheshin për pastrimin me 140 për qind. Pra në vitin 2009 taksa e pastrimit u bë 19 000 lekë të rinj. Nëse bashkia e Tiranës rrit një tarifë duhet të argumentojë mbi ç’baza kostoje rritet. Në fakt tarifat e pastrimit në Tiranë janë rritur sipas dëshirave të kryetarit Rama. Ky i fundit e ka kthyer në një biznes mafioz këtë shërbim duke ju dhuruar pastrimin e qytetit vetëm firmave që dëshiron kryebashkiaku.

Rasti më skandaloz është ai i vitit të kaluar ku Tirana qëndroi thuajse tre muaj në mes të plehrave për arsye se u prishën pazaret e firmave të pastrimit me kryebashkiakun.


Si u dyfishua taksa-tarifë e pastrimit nga 2100 lekë në 2500 lekë

Kryebashkiaku i Tiranës duke ndjerë se problemi i rritjes së taksave në qytetin e Tiranës mund ti kthehet në bumerang para fushatës elektorale, nëpërmjet konferencave të tij për shtyp kërkon të mashtrojë shqiptarët për taksat. Gjatë daljeve të tij për mediat, ai ka deklaruar se ka rritur tarifat e shërbimeve dhe jo taksat, pasi këto shërbime nevojiten për qytetarët. Kryebashkiaku i Tiranës vazhdon të jetë mashtruesi më i madh që mund të jetë parë në politikën shqiptare. Motua e Ramës “gënje se nuk e kontrollon kush”, mesa duket është bërë mënyrë jetese për të.

Ky njeri vazhdon të gënjeje në mënyrë të paskrupullt qytetarët e Tiranës, duke ju thënë se nuk ka ngritur taksat. Bashkia e Tiranës vjel taksë gjelbërimi nga qytetarët e thjeshtë për vitin 2009, 400 lekë të reja nga 200 lekë që vilte në 2007 duke e ngritur për dy vjet 100 për qind këtë taksë. Gjithashtu, bashkia e Tiranës vjel nga qytetarët e saj për taksën e pastrimit 4500 lekë të rinj për vitin 2009 nga 2100 lekë që vilte në vitin 2007, duke e ngritur këtë taksë në nivelin e 115 përqindëve në krahasim me dy vjet më parë.

Ndërkohë që kryebashkiaku i Tiranës për vitin 2010 ka parashikuar edhe një ngritje prej 25 deri në 30 për qind të taksave të sipërpërmendura. Ndërkohë që e njëjta rritje drastike e taksave është bërë edhe për biznesin e vogël, të madh dhe atë VIP, taksa që masakrojnë dhe dëmtojnë rëndë zhvillimin e biznesit.


Taksa e pastrimit për familjarët dhe bizneset

Një taksë që pushteti vendor vjel nga qytetarët në të gjithë vendin, por që kryebashkiaku i Tiranës, Edi Rama ka këmbëngulur që të jetë sa më e lartë nga viti në vit për kryeqytetasit, është dhe taksa e pastrimit. Mjafton një krahasim i thjeshtë për 4 viteve e fundit, të cilin vetë Rama nuk ka interes që ta bëjë, dhe kuptohet lehtë se si edhe kjo taksë është dyfishuar e më shumë për të dyja kategoritë, familjarë-biznese.

Në vitin 2007 qytetarët paguanin si taksë pastrimi, për të mbushur buxhetin e bashkisë së Ramës, 2 100 lekë, në vitin 2008 kjo taksë u bë 3.600 lekë, në vitin 20009 kjo taksë u rrit në 4. 500 lekë të rinj, ndërsa në vitin 2010 ajo u bë 5. 000 lekë. Por Rama, sigurisht që nuk mund të mjaftohej vetëm me ngritjen e kësaj takse në kurriz të familjarëve. E njëjta taktikë u ndoq edhe për biznesin në të gjitha kategoritë e tij.


Dyfishohet taksa e gjelbërimit për familjarët

Kryesocialisti Rama, i cili kërkon të vijë në pushtet edhe si kryeministër edhe si kryebashkiak, harron se nga viti 2007 deri në vitin 2010 e ka çuar taksën e gjelbërimit në mbi dyfishin e asaj ekzistuese, të cilën për hir të së vërtetës ai duhet ta kishte cilësuar taksë e betonizimit.

Në vitin 2007, një familje paguante 200 lekë të rinj në vit, si taksë gjelbërimi. Në vitin 2008, “vullneti” i Ramës bëri që familjarët të paguanin 300 lekë të rinj taksë gjelbërimi në vit, në vitin 2009, kryebashkiaku Rama e rriti në 400 lekë, ndërsa për vitin 2010, ai e ka parashikuar 500 lekë të rinj.

Të njëjtën rritje progresive nga viti në vit për këtë taksë, Rama e ka bërë edhe me biznesin, ku bëjnë pjesë disa aktivitete, si shitja me pakicë, shitja me shumicë, njësitë e prodhimit, njësitë e shërbimit, profesionet e lira, ambulantët, transportet etj.


Taksa e automjeteve të Ramës e shndërron kryeqytetin në qytet-shtet

Tirana qytet brenda shtetit, si Athina në shekullin e X- VII Para Krishtit. Këtë të kujton qeverisja e Ramës si kryebashkiak. Gjithçka ndodhet në Tiranë, përfshirë këtu rrugë, lulishte, objekte apo edhe hapësira të lira, Rama i konsideron pronë të tij. Mendësia e tij djallëzore shkon deri aty sa që çdokush që hyn në kryeqytet, duhet të taksohet.

Prej 1 viti, të gjitha mjetet e transportit që hyjnë në Tiranë, duhet të paguajnë taksën për mirëmbajtjen e rrugëve qytetase. Kështu, autoveturat 8+1, automjetet për transportin e përzier, autobusët e rretheve, kamionët, tërheqësit, automjetet për transport të veçantë autotrenat, gjysmërimorkiatorët, autokampet, makinat ngarkim-transporti, sa herë që hyjnë në qytetin e Tiranës në 4 korridoret hyrëse, Rruga e Durrësit, Rruga e Elbasanit, Kombinati dhe Dajti duhet të paguajnë taksën prej 100 lekë të rinj, për bashkinë e kryesuar nga Rama.


Fondacionet private, përpjekje për gjelbërimin e betonishtes Rama

Çdokush që ecën sadopak rrugëve të Tiranës, por qoftë edhe nga makina apo automjeti, i ka zënë syri tabelat nëpër bulevarde, apo rrugë kryesore “ gjelbërimi i kësaj rruge është mundësuar nga X bankë, këto pemë janë dhuruar nga X donacion etj, në bashkëpunim me Bashkinë e Tiranës. E pra kjo tregon më së miri ndihmesën e mjaft subjekteve private vendase apo të huaja, të cilat ushtrojnë aktivitetin e tyre në kryeqytet, por që kujdesen edhe për gjelbërimin e kryeqytetit.

Financimi dhe ndihmesa e këtyre subjekteve është për t’u vlerësuar, por ajo që nuk kuptohet në këtë rast ka të bëjë me faktin e pazbuluar dhe mungesën e transparencës se ku shkojnë gjithë ato të ardhura që mblidhen nga taksat e Bashkisë së Tiranës, të cilat kryebashkiaku Edi Rama i ka dyfishuar nga viti në vit.

Paguajnë qytetarët taksë pas takse, për gjelbërimin e kryeqytetit, por edhe ato dy tre rrugë e bulevarde kryesore që gjelbërohen, e kanë të deklaruar financuesin në tabelë, qysh në fillimin e tyre.

Nëse kryebashkiaku i Tiranës pretendon se ka rritur sipërfaqen e gjelbëruar me 4.3 metër katrorë nga 3.1m2, gjë e cila është një mashtrim për ditë një prilli, mund të na i vërtetojë me fakte se ku janë këto ambiente të gjelbëruara.

Por sipas vëzhgimeve të gazetës Sot kryebashkiaku i Tiranës merr paratë nga qytetarët e Tiranës për të bërë fushata publicitare dhe për të grabitur para nëpërmjet tenderëve fiktivë, jo për të rritur sipërfaqe e gjelbëruar. Fakt janë që edhe ato pak lulishte që ekzistonin në Tiranë janë kthyer në masive betoni dhe pllakash, ku pemët dhe gjelbërimi duken në minorancë të plotë.

http://sot.com.al/index.php?option=c...rticle&id=8412

[limbo]

Bashkia e Tiranës zhduk 1.9 miliardë lekë të destinuara për strehimin

Në një kohë kur së paku 850 familje në nevojë duhet të kishin marrë çelësat e shtëpive, Bashkia e Tiranës është ende te projektet në letër, pavarësisht se ka marrë një fond prej 1.9 miliardë lekësh. Krahas kësaj shume, kryebashkiaku po tenton të tërheqë edhe financa të tjera nga donatorë të huaj, edhe pse jo vetëm që nuk ka ndërtuar asnjë nga 850 apartamentet, por as që ka hapur fare themelet.

Të pastrehët e Tiranës, që kanë kërkuar të trajtohen nga programet sociale të parashikuara këto në ligjin e strehimit, edhe pse vazhdojnë të aplikojnë në 8 vjet të drejtimit të Bashkisë nga Rama, askush prej tyre nuk ka marrë shtëpi.

Në 7 vitet e mëparshme, nga Bashkia e Tiranës janë identifikuar 2 900 qytetarë që përfaqësojnë familje të pastreha, të identifikuara këto nga dokumentet e plotësuara prej tyre në Bashkinë e Tiranës, por që asnjëherë nuk kanë pasur fatin të pajisen me shtëpi. Janë të shumtë ato qytetarë që kanë mbetur të pastrehë edhe për faj të këtij institucioni që ka urdhëruar që shtëpive të tyre t’ju vihej ruspa se aty kishte rënë plani i një rruge.

Bashkia e Tiranës nuk jep asnjë shpjegim jo vetëm pse nuk është realizuar projekti prej 1.9 miliardë lekësh, por as se ku kanë përfunduar paratë e destinuara për të siguruar strehim për familjet në nevojë. Ndërtimi i apartamenteve për të pastrehët u miratua në një nga mbledhjet e Këshillit Bashkiak të kryeqytetit vitin e kaluar, për të cilin u caktua edhe fondi përkatës. Tani, Bashkia e Tiranës nuk ka as banesat, por as shumat marramendëse të destinuara për ngritjen e tyre.

Në një nga mbledhjet e më vonshme të Këshillit Bashkiak të Tiranës, i cili u zhvillua me debate të ashpra mes socialistëve dhe anëtarëve të Lëvizjes Socialiste për Integrim që kanë dhe kryesinë, u vu re se Bashkia ishte ende në fazën e projekteve fillestare.

Bashkia ka marrë 3 vendime, të cilat derisa të realizohen (nëse do të realizohen ndonjëherë), duhet një kohë shumë e gjatë. Vendimet janë: "Për miratimin e marrëveshjes së nënhuasë ndërmjet Bashkisë së Tiranës dhe Ministrisë së Financave për Kredinë e marrë nga Banka për Zhvillim e Këshillit të Evropës (CEB) për projektin "Ndërtimi i banesave për qëllim social"; "Për përfundimin e procedurave të privatizimit të banesave, të cilat kanë mbetur pa u regjistruar në zyrën e regjistrimit të pasurive të paluajtshme për lidhjen e kontratave para noterit"; "Për një shtesë në vendimin e Këshillit Bashkiak nr. 74, datë 27.12.2007 "Për trajtimin me bonus strehimi të disa familjeve në nevojë, të cilat nuk mund të përballojnë qiranë e tregut".

Pra, siç shihet, duke u bazuar në këto vendime as edhe një familje nuk ka shanse të strehohet edhe për shumë kohë të tjera.


Bashkia nxjerr qytetarët në mes të rrugës, nuk ju jep strehim

Listës së të pastrehëve i shtohen çdo ditë emra të rinj. “Më shume se 800 vende strehimi do të mundësoheshin në vitin që shkoi”. Ky ishte premtimi i radhës i Bashkisë së Tiranës. Shoqëruar me një faturë financiare prej disa miliona lekë, me një vend ku do të ndërtoheshin godinat në zonën e ish-Kombinatit, gjithçka u bë akoma më e besueshme. Por kalaja e rërës do të shembej edhe më shpejt sesa gënjeshtra që e ndërtoi.

Gjatë gjithë kësaj kohe, Bashkia jo vetëm që nuk ka përfunduar as edhe një banesë strehimi, por ka bërë të mundur nxjerrjen e shumë qytetarëve në mes të katër rrugëve. Madje, më e keqja është se ai i ka pohuar me gojën e tij që të vihen në radhë për strehim të gjithë atyre qytetarëve, që me të padrejtë ju ka prishur shtëpitë. Këtu mund të përmendim rastin kur shumë familje të lagjes së Ali Demit protestuan para Bashkisë për t’ju mos prishur shtëpitë.

Mirëpo, ishte vetë Kryebashkiaku që pohoi me gojën e vet se “Bashkia për këtë vit nuk ka pasur strehë. Mbase do të ketë nga fundi i vitit. Gjithsesi ju shënoni emrat dhe qëndroni në pritje të ndërtimit të banesave sociale dhe ndoshta aty do të arrini të merrni ndonjë shtëpi sipas rastit që do të merret në shqyrtim nga ana jonë”. Pritje që nuk dihet se sa do të zgjasë, pasi këta qytetarë vazhdojnë të mos marrin asgjë nga Bashkia. Por këto qytetarë nuk janë të vetmit që Bashkia me pa të drejtë ju ka prishur shtëpitë duke i lënë në mes të katër rrugëve.

Sipas ligjit këtyre qytetarëve Bashkia e Tiranës të paktën duhej ti gjente menjëherë strehim dhe gjithashtu duhej ti dëmshpërblente për dëmin e shkaktuar. Kjo ju takonte me gjithë të drejtat ligjore atyre pasi shtëpitë e tyre u prishën për shkak të zgjerimit dhe ndërtimit të rrugëve nga ana e Bashkisë.

Në të vërtetë këto qytetarë nuk kanë marrë as edhe një lloj dëmshpërblimi apo strehimi nga ky institucion që ju vuri fadromën dhe i nxori nga shtëpitë e tyre. Më e keqja është se këto qytetarë nuk kanë arritur të zgjidhin gjë edhe pasi shumë prej tyre e kanë denoncuar këtë fakt në Gjykatën e Tiranës duke e paditur Bashkinë. Këto gjegje nuk kanë shërbyer për asgjë veçse për shtimin e kaluarit të vuajtjeve të qytetarëve pasi ‘ligjet’ e Bashkisë kanë mposhtur ligjet e gjykatës, madje edhe ato të formës së prerë.

http://www.sot.com.al/index.php?opti...ticle&id=13451

[limbo]

Bashkia injoron ligjin, vetë vendos e vetë vulos

Kryebashkiaku Rama, është treguar indiferent karshi institucioneve, që e kanë ftuar atë për të zgjidhur sa më shpejt situatën për të pastrehët. Sipas disa dokumenteve, është bërë e ditur se ish-drejtori i Entit Kombëtar të Banesave (EKB), Muhamet Gaba, me një shkresë të dërguar më datën 20.09.2004, nr. 1666, i ka kërkuar kryebashkiakut Rama, vënien në dispozicion të shesheve të ndërtimit për banesa për të pastrehët.

Situata vazhdon të jetë e njëjtë edhe në vitet në vazhdim, ku më pas drejtori i EKB-së, Arben Qirjako, i ka dërguar kërkesa çdo muaj Bashkisë së Tiranës për miratimin e shesheve të ndërtimit, por kryetari i Bashkisë nuk ka denjuar të kthejë përgjigje.

Ndërkohë, që po t'i referohemi legjislacionit, çdo bashki është e detyruar që të verë në dispozicion të Entit Kombëtar, troje të lira. Bashkia e Tiranës, vazhdon të këmbëngulë në moszbatimin e saj, ashtu siç ka vepruar për këto vjet, nga ku rezulton se nuk është miratuar asnjë shesh ndërtimi. Fillimisht, kreu i Entit Kombëtar të Banesave, Arben Qirjako, në një shkresë të datës 11.10.2006 me nr.1687, i kërkon Bashkisë së Tiranës, të verë në dispozicion troje të lira për ndërtimin e apartamenteve për të pastrehët. Sërish heshtje nga kryebashkiaku.

Kështu, EKB i ka dërguar Ramës kërkesën tjetër më datë 21.11.2006, nr.1899. Kërkesa është ripërsëritur vazhdimisht, por deri më sot, asnjëherë nuk ka marrë një përgjigje nga Rama, ndërkohë që qindra qytetarë vazhdojnë të qëndrojnë në mes të rrugës pa një çati mbi kokë duke i shtrirë dorën kryebashkiakut të pamëshirshëm që u vu në atë karrige vetëm me anë të votës të këtyre të pastrehëve që i lë në rrugë.

http://www.sot.com.al/index.php?opti...ticle&id=13450