Vendosa të hap këtë temë sepse shoh se shumë janë të "nxehta" kur flitet për liderët e partive të ndryshme shqiptare në IRJM dhe formacionet e tyre politike.
Për të pasur një pasqyrë të anëtarët të forumit shqiptar se sa është njohës i rrjedhave politike në IRJM, tentoj në të njëjtën kohë të studioj dituritë, njohuritë e tyre! Prandaj, ju që përgjigjeni ju lutem përdorni fakte.
Të shohim sa dini për njerëzit që na udhëheqin?
Çdo njeri do të përgjigjet para Zotit
Unë për vete sa i njoh sado pak partitë shqiptare ne IRJM dhe liderët e tyre, kam ardhur në përfundim se as si parti as si lider nuk e kanë kryer detyrën e tyre si duhet!
Sa futen në pushtet heshtin zëri nuk ju dëgjohet!
Ishte PPD-ja e parë megjithatë që bëri më shumë duke parë kushtet dhe rrethanat kur ka vepruar, ato bën referendum për Iliridën. Prej se hupi ajo garniturë e parë nga skena politike, dhe hynë njëra pas tjetrës PDSH,PPD (e dytë), BDI, shqiptarët asnjëherë më keq nuk kanë qenë!
Mbetet të provojmë BDSH, BDK, PPD (e tretë me ato të parët) dhe DR. Me sa di këto 4 parti do të unifikohen në qëndrime dhe do kenë mbështetjen nga jashtë.
Çdo njeri do të përgjigjet para Zotit
Maqedonine e futi ne pluralizem z. Nevzat HALILI, i cili morri persiper te udhehiqte partine e pare shqiptare ne Maqedoni, e cila i vuri kazmen komunizmit ne vend. Ai ka qene lideri i pare i shqiptareve, rreth te cilit u grumbulluan pjesa me e madhe e intelektualeve, si dhe mbi 90% e popullit shqiptar ne Maqedoni.Postuar më parë nga Modesti
Partia per Prosperitet Demokratik qe udhehiqte z. Nevzat HALILI ka qene subjekt shume i forte politik, i cili ka mundur te beje shume, sikur te mos kishte percarje te brendeshme.
Duke ia patur friken PPD-se se forte (e cila sic thuhej, po pergatiste dhe lufte per ndarjen e Maqedonise), pushteti sllav kerkoi ndihme nga Arber XHAFERI dhe Menduh THACI, per te dale nga PPD, dhe i financuan per te krijuar nje subjekt te ri politik, me te moderuar nga "rrebelimi" i Nevzat HALILIT.
Ne nje vend si Maqedonia ku shqiptaret gjithnje kane qene "poshte" shkijeve, nacionalizmi dhe patriotizmi ha buke. Partise se tyre te re, Xhaferi dhe Thaci ia shtuan germen SH, dhe ia vune flamurin me shqiponje, per t'u bere me atdhetare se PPD. Ne anen tjeter PPD vuante nga tradhetia qe i ishte bere nga njerezit e vet, u burgosen disa antare te kryesise me justifikimin se po pergatisnin grupe paramalitare qe do luftonin per te ndare Maqedonine.
PPDSH ne fillim pati perkrahje te madhe tek populli. Politika e urte dhe e zgjuar e Arber XHAFERIT si dhe oratoria therrese e Menduh THACIT, e kryen punen e tyre ne pazarin e llafeve, dhe bene popullin shqiptar t'i perkrahe. Thaci dukej qe do ishte personi qe do ua thyente hundet shkijeve (ashtu ca e ca mendojne dhe sot). Dhe pikerisht kjo na duhej.
PPDSH ishte nje opozite shume e fuqishme, dhe ne zgjedhjet e para lokale arriti te mposhte PPD-ne e Abdurrahman Alitit me rezultate bindese. Me kalimin e kohes, mbase dhe si shkak i mungeses se opozites se forte, PPDSH (me pas e bashkuar me Partine Demokratike Popullore te Iljaz Halimit) performanca e tyre u zbeh, shkijet perforcuan torturen. Pjesemarrja e shume shqiptareve te Maqedonise ne luften e Kosoves u be shkas qe shteti (ku bente pjese dhe PDSH e Xhaferit) te torturonte ish ushtaret e Ushtrise Clirimtare te Kosoves. U bastiste shtepite, i burgoste, i torturonte me urdhera te Millosheviqit. Dhe partia shqiptare ne qeverine Georgievski s'bente dot ze.
Revolta popullore u ngrit ne kulm. Shqiptaret e Maqedonise, duke qene te pakenaqur me statusin ne te cilin i kishin rrasur bashke shkije e shqiptare ne Qeveri, u organizuan ne nje lufte per me shume te drejta, por ne nje ushtri e cila ne fillim thuhej qe do luftonte per bashkim trojesh shqiptare. Ushtria Clirimate Kombetare qe ne shfaqjet e para te saj fitoi simpati te madhe tek populli, nderkohe qe individe ne PDSH, perfshi dhe vet Thacin thane qe keta ishin grupe te droguarish, njerez pa karakter, hajdute, "qeni i keq te sjell ujkun ke dera", e keso gjerash.
UCK u udhehoq nga Ali AHMETI. Figura e Xhaferit dhe e Thacit ne krijimin e PPDSH-se u zevendesua nga Ali AHMETI. Shqiptaret gjeten shpetimtarin tjeter. Pas nje lufte te pakuptimte ku u vrane shume njerez, partite shqiptare ne Maqedoni organizuan nje TRUP KOORDINUES te politikave shqiptare, e cila do kishte per qellim bashkimin e te gjitha partive shqiptare ne nje koalicion parazgjedhor, dhe ne kete menyre pjesemarrjen e perbashket te te gjithe shqiptareve ne implementimin e Marreveshjes se Ohrit, e cila marreveshje ishte dhe kapaku i konfliktit.
Percarjet u futen dhe ne Trupi Koordinues, PDSH doli nga "familja", dhe kjo solli shkaterrimin e T.K. me cka u formua dhe Bashkimi Demokratik per Integrim, dhe qe udhehiqet sot e kesaj dite nga Ali AHMETI.
Shqiptaret e perkrahen masovikisht ne zgjedhje, e votuan dhe keta u bene pjese e qeverise se re. Ishte moment i madh i fitores per shqiptaret e Maqedonise qe krahu i luftes te futej ne Qeveri. Emra te sprovuar ne lufte u bene deputete e ministra. U shtuan shpresat se njehere e pergjithmone shqiptaret do zgjidhnin problemet e tyre politike ne Maqedoni. Marreveshja e Ohrit garantonte te drejtat politike dhe kombetare te shqiptareve te Maqedonise.
Me te hyre ne qeveri, edhe BDI e Ali AHMETIT u zbut. Filloi denigrimi i Marreveshjes se Ohrit, beheshin marreveshje dy paleshe midis pjesemarresve te koaliconeve qeveritare per te nxjerre ligje sheqerka me cka do mashtronin shqiptaret e Maqedonise. Me keso ligjesh, u zyrtarizua gjuha shqipe, u zyrtarizua perdorimi i flamurit kombetare, Univerziteti Shteteror i Tetoves u be institucion legal, me financim nga shteti, por s'u be asgje per te demshperblyer ish luftetaret e UCK-se si dhe familjet e deshmoreve te rene per kete kauze.
Ali AHMETI si kryetar i BDI-se u mistifikua deri ne maksimum, dhe figura e tij u be ikone e luftes. Lufta politike midis shqiptareve te Maqedonise vazhdoi te jete akoma me e vrazhde se lufta politike e partive shqiptare me partite sllave te Maqedonise. Sa here qe Menduh THACI thoshte nje fjale te keqe per Ali AHMETIN, aq here ketij te fundit i ngrihej rejtingu, sepse populli e donte. U bene dhe zgjedhje te pergjakshme, dhe vrasje shqiptaresh ne zgjedhje, thyerje shtabesh, protesta e mitingje masive.
Ishte kohe fushate kur Partise Demokratike Shqiptare te Xhaferit iu bashkua z. Bardhyl Mahmuti. Platforma zgjedhore e PDSH-se parashihte zgjidhjen e te gjitha problemeve politike te shqiptareve (zgjidhje keto qe buronin dhe nga Marreveshja e Ohrit) brenda 60 diteve te para ne qeveri. Ishin te realizueshme si pika, por duhej vullnet politik dhe perqendrim total ne ceshtje.
(Bardhyl Mahmuti kishte qene perfaqesues politik (ambasador) i Ushtrise Clirimtare te Kosoves ne Europe, dhe arriti sukses. Shumica e Shteteve Evropiane po dhe Stejt Departmenti Amerikan ne fillim Ushtrine Clirimtare te Kosoves e quajten organizate terroriste, dhe ka qene dhe ne listen e zeze amerikane per ca kohe. Por puna e palodhshme e diplomacise se Bardhyl Mahmutit, Pleurat Sejdiut, e shume e shume te tjereve, bene qe e gjithe bota ta perkrahte UCK-ne dhe popullin shqiptar te Kosoves, dhe u bene aleat me shqiptaret ne luften per clirimin e tyre nga okupimi serb. Ky sukses i arritur ne Kosove e bindi Bardhylin qe te vinte ne Maqedoni dhe te punonte me partine e cila kishte celesin per te zgjidhur problemet e shqiptareve te Maqedonise.)
PDSH hyri ne qeveri, por nuk beri asgje per te permbushur premtimet e dhena tek elektorati. Sipas Bardhylit: ditet kalonin, hapeshin tendera, ofertat zgjidheshin pa u hapur zarfet - po pa u hapur fare zarfet tjera hudheshin ne kosh te plehrave, filluan zevendesimet ne vende pune, hakmarrjet ndaj tjetrit, dhe PDSH u corientua teresisht nga premtimet elektorale.
Ne krye te 60 diteshit, Bardhyl Mahmuti u largua nga Partia Demokratike Shqiptare sepse fjalen qe atij ia kishte dhene Arber Xhaferi, po ia shkilte me te dyja kembet Menduh Thaci. U mbajt kongresi dhe kryetar i ri i PDSH-se u zgjodh Menduh Thaci. Per shume perkrahes te PDSH-se kjo ishte nje moment jo shume i mire sepse Menduhi njihej si krah ekstrem i partise, qe i zgjidhte problemet e brendeshme me grushta e shqelma. Per nje pjese tjeter, Menduhi ishte zgjidhja adekuate qe duhej te ishte ne politiken shqiptare te Maqedonise.
Lufta PDSH - BDI u thellua dhe me tej me ardhjen e Menduh Thacit ne krye te PDSH-se. Bardhyl Mahmuti nga ana tjeter formoi subjektin e ri politik, Bashkimi Demokratik Shqiptar. Shume antare te PDSH-se dhe te BDI-se qe s'ishin te kenaqur me performancen e ish partive te tyre, iu bashkuan Bashkimit Demokratik Shqiptar. Ne zgjedhjet parlamentare te 2008, BDSH u gjet e papergatitur mire ne aspektin organizativ, sepse si parti e re s'i kishte themeluar akoma gjitha deget. BDSH doli ne zgjedhje me nje platforme ekonomike, e cila po te pranohej e te realizohej, do zgjidhte shume probleme te medha ekonomike te shqiptareve. Patriotizmin dhe nacionalizmin romantik nuk e pati pjese te platformes, sepse ajo ishte e drejte e rezervuar e PDSH dhe BDI.
Zgjedhjet 2008 kaluan me dhune, rrahje, torture, kercenime, vrasje, sabotime, prishtje posterash, grisje flamujsh, heqje flamujsh, thyerje shtabesh, mbushje kutish, thyerje kutish.
Lufta politike zhvillohej midis dy individeve. Menduh Thaci dhe Ali Ahmeti.
I pari ishte i keq se shahej - tjetri ishte i mire se nuk shahej. Kjo ka qene formula sipas te ciles nje pjese bukur e madhe e shqiptareve te Maqedonise kane vendosur per cilin te votojne. Me fushatat e dhunshme te PDSH-se dhe BDI-se u arrit margjinalizimi i mundesive tjera politike, dhe u be nje shkurajim total i votuesve per te dale ne zgjedhje, gje qe ishte ne interes te perbashket te te dyja partive. Kesisoji, ata kishin planifikuar mbushjet e kutive. Zgjedhjet u mbajten, u perseriten, u vodh heren e pare, u vodh heren e dyte, u humben zonat tradicionale te partive, u shnderrua i gjithe procesi zgjedhor ne kaos total.
BDSH i dha prioritet jetes se njerezve dhe dinjitetit te kandidateve te tyre, por me teper se kaq i dha perparesi dinjitetit te perkrahesve te tyre dhe e bojkotoi procesin e votimit ne raundin e dyte.
U mbajten zgjedhjet perseri, dhe perseri u mbushen kuti, u thyen kuti, u rrahen njerez... dhe nga shtabet e tyre u shpall fituese edhe PDSH edhe BDI, gje shume e zakonshme. Festuan te dyja grupet.
Ne qeveri u fut BDI. Shefi tradicional i Menduhit, Gruevski dhe 20 e kusur parti tjera bashke, fituan shumice absolute dhe benin qeveri edhe pa shqiptaret po t'u donte qejfi. Zgjodhen BDI-ne ne qeveri. Gruevski tash eshte shef i Ali Ahmetit.
Te pakenaqur nga menyra se si Thaci menaxhonte punet, por edhe te pakenaqur qe Gruevski ua burgosi doren e djathte, Agim Krasniqin, dega e PDSH-se ne Shkup, e udhehequr nga ish-ministri i shendetesise Imer Selmani u nda nga PDSH dhe formoi nje subjekt te ri politik, te quajtur Demokracia e Re. Kuadro tjera dhe deputete te PDSH-se iu bashkuan DR-se.
Shqiptaret e Maqedonise do shpetojne nga binomi i rrezikshem PDSH - BDI vetem atehere kur te arrihet demokratizimi i plote i brendshem i PDSH-se dhe demistifikimi i figures se Ali Ahmetit. Kur te ndodhe kjo, atehere mund te shpresojme ne zgjedhje te lira, demokratike, ne zgjidhje problemesh, ne zera te ri, ne shpresa te reja.
Eshte koha per ndryshim.
E di qe ka njerez qe thone se tradicionalisht kane votuar njeren a tjetren parti. Ka njerez qe thone nuk ndryshoj une ka fryen era. Ka njerez qe thone se fjala e besa e dhene eshte me e forte se cdo gje tjeter.
Dhe une jam dakord me gjithe keto.
Por ama nuk duhet te lejojme qe tradicionalisht te na mashtrojne, te na e caktojne ata drejtimin e eres nga do fryeje, nuk duhet te lejojme qe besen qe ne ua kemi dhene te na e shkelin me pabesi.
Duhet te mendojme ndryshe dhe te zgjidhim problemet tona.
Koha është e maskarenjëve
Por atdheu i Shqiptarëve
Alienated
ke dhënë një pasqyrë reale të ngjarjeve dhe rrjedhave politike që mbretëron në kampin politik shqiptar. Qenke njohës i mirë i partive dhe liderëve politik.
Kjo retrospektivë që ke dhënë këtu sa duhet neve tjerëve të na mëson, si të orientohemi në të ardhmen? Kë të përkrahim? Cili është ai që më në fund do të punon kryekëput edhe për interesat e shqiptarëve në IRJM?
Në emisionin e fundit Neutral, Bardhyl Mahmuti foli pa "koc" në gjuhë! I ka të sinqerta fjalët? Nga ana tjetër Imer Selmani kërkon zgjedhje për shkollimin e shqiptarëve, akuzon se bëhet revanshizëm në shëndetësi! Hysni Shaqiri doli në shtyp ku kërkon që shqiptarët t'i harmonizojnë qëndrimet! PPD është në konsolidim e sipër, me të 20.12 me sa di kanë KONFERENCË ku do të zgjedhin Kryesinë qendrore, dhe nga qarqe të sigurta jam i informuar se edhe kto do dalin në shtyp ku do të kërkojnë platforme të përbashkët për unifikimin e qëndrimeve.
Nëse nga këto 4 parti vërtetë del një marrëveshje e cila do të unifikon qëndrimet, dhe dalin si koalicion ne zgjedhje, si mendoni a duhet të përkrahim këtë koalicion?
Çdo njeri do të përgjigjet para Zotit
Shume mire Alienated e ke pasqyruar realitetin, dikush mund dicka te shtoje por kurrsesi te mohoje.
Pershendetje
-Shkrimi juaj pa dishim është një realitet që ka ndodhur nga Pluralizmi deri në zgjedhjet e fundit në Maqedoni , jo se jam i BDI - së , por zgjedhjet e fundit nuk u thie as ni shtab i PDSH nga simpatizantët e BDI , më 1 Qershor ashtu si gjith tjerët ashtu edhe unë si njeri i BDI vetëm mbrojta votën time dhe nyuk lash që dikusht të mohoj at që dua unë..Dhe simpatizuesit e BDI -së sa kam unë informata nuk vodhën as një vot...TUNG...
Mirë! Ti ke të drejtë të mendosh dhe thuash ashtu, por unë kam informata të sigurta se aktivistët e BDI-s kanë vjedhur vota, bile edhe më keq, ka vendvotime ku janë marrë vesh me ato të PDSH-s që t'i ndajnë përgjysmë (në disa fshatra)!
Vrasja ne Haraçinë nuk ndodhi se ishin punët mirë, por se kishte ngatërresa, e për ngatërresa duhen dy palë, ndërsa ai i BDI-s shkoi nën dhé! Tentim vrasje në Çair, kushërinj në mes veti në tabor të kundërt partiak!
Pyetja nuk është e rastit, e përsëris, sa e njeh liderin partiak dhe partinë që ti simpatizon? A meritojnë partitë aktuale dhe liderët e tyre partiak t'ju shkohet pas, duke parë situatën si jemi, ku jemi, si jetojmë?
Çdo njeri do të përgjigjet para Zotit
Keto 4 parti mund te njesojne qendrimet e tyre, por ne duhet pare se cfare zgjidhje na japin ato qendrime.
Ajo qe dua te them eshte se votuesit shqiptar duhet te zgjedhin ate platforme (jo parti e individ) qe ju jep zgjidhje reale problemeve reale.
Shkijet (bashke me to dhe shqiptaret e tyre) deri tani kane krijuar pseudoprobleme per te corientuar votuesit e popullin.
Ligji per perdorim zyrtar te flamurit kombetar shqiptar, ligji per veteranet e UCK-se pjesemarres ne luften e 2001, ligji per perfaqesim te drejte te shqiptareve ne administraten shteterore, dhe mbyllja e rasteve te kthyera te Hages ose ligji per amnesti si dhe njohja e pavaresise se Kosoves kane qene pikat me te nxehta per shqiptaret e Maqedonise ne vitin 2008.
BDI kur ishte ne opozite beri nje te ashtuquajtur Marreveshje te Majit me Nikolla Gruevskin lidhur me keto kerkesa.
Ne momentin qe u fillua te flitej per zgjedhje te parakoheshme ne Maqedoni, PDSH prezantoi "6 pikat per vazhdimin e koalicionit qeveritar" me poato kerkesa te permendura me siper.
Ne nderkohe (pervec njohjes se pavaresise se Kosoves dhe mbylljes se rasteve te Hages), te gjitha kerkesat tjera burojne nga Marreveshja Kornize e Ohrit. Me "Marreveshjen e Majit" dhe me "6 pikat" e Menduhit, u shkel me te dyja kembet Marreveshja e Ohrit. Pikerisht ajo marreveshje qe e nderpreu luften (por s'e ndertoi paqen).
Shqiptaret e Maqedonise duhet te zgjedhin ato platforma qe permes individeve te pergatitur mire do zotohen qe njehere e pergjithmone t'a implementojne e t'i vene drynin Marreveshjes se Ohrit, dhe ajo dosje te mbyllet njehere e pergjithmone. Marreveshjet e Majit dhe 6 pikeshat e Menduhit nuk jane zgjidhje. Ato jane si ato ligjet sheqerka qe permenda ne postimin e pare. Marreveshja e Ohrit ka garanci nderkombetare, dhe kur te implementohet si e tille, s'do kete bir nene qe ta modifikoje.
Marreveshjet dypaleshe te Ali Ahmetit apo te Menduh Thacit me kedo shka qofte ndryshohen nga tjetri shka qe do vije ne pushtet pas ca vitesh. Per shembull, gjate fushates zgjedhore 2008, Gjykata Kushtetuese e Maqedonise abrogoi LIGJIN PER PERDORIMIN E FLAMURIT KOMBETAR.
Cfare dmth kjo?
Kjo do te thote qe Ali Ahmeti dhe Buckovski kishin bere nje ligj per perdorimin e flamurit kombetar shqiptar (marreveshje dypaleshe midis dy partive), i cili me pas u abrogua nga GJK ne kohen e Gruevskit.
Cfare dmth kjo per me teper?
Nese do implementohej "Marreveshja e Majit" ose "6 pikeshi", e njejta do mund te abrogohej ne teresi nga partia kundershtare. Dmth PDSH dhe shefi i saj shka do abrogonte Marreveshjen e Majit, ndersa BDI dhe shefi i saj shka do abrogonte 6 pikeshin.
Ne vend te ketyre marreveshjeve dy paleshe midis partive, partite shqiptare duhet te implementojne Marreveshjen e Ohrit, sepse ate s'e abrogon dot asnje parti tjeter e asnje pushtet, sepse ka garanca nderkombetare.
Une them qe nese krijohet nje koalicion shqiptar qe do kete aftesi dhe mbi te gjitha deshire te vertete per te realizuar Marreveshjen e Ohrit, si dhe te kete ide, gatishmeri e vullnet per te nxjerre shqiptaret e Maqedonise nga kriza ekonomike e financiare - atehere ai koalicion patjeter duhet perkrahur.
Duhet te mbyllim problemet teknike te Marreveshjes se Ohrit qe mos na shperqendrojne nga problemet reale ekonomike e financiare.
Koha është e maskarenjëve
Por atdheu i Shqiptarëve
Ke haruar ta theksosh edhe Shqiprine Lindore he Maqedonine Veriore, llogarite se edhe kjo hyri ne histori.
Ekziston nje teme e vecante per ate...
Koha është e maskarenjëve
Por atdheu i Shqiptarëve
Regullat e Postimit
Përgjigju Duke Cituar
Krijoni Kontakt