Prokuroria shqiptare, urdhra te paligjshme

[Albo]

Thellohet skandali i prokurorise se Ina Rames

E Hene, 13 Tetor 2008

Pas urdhrave te paligjshem me telefon per ndalimin dhe shoqerimin me force nga aeroporti i Rinasit te shtetasit te huaj, Damir Fazllic, prokuroria nxjerr nje tjeter urdher te paligjshem.

Ajo me date 10 tetor i ka kerkuar Hipotekes qe te bllokoje te gjitha pronat e paluajtshme te kompanive te ketij shtetasi dhe ortakeve te tij. Kjo kerkese eshte e kunderligjshme, pasi shkresa e bere nuk eshte nje vendim per sekuestro sic parashikohet nga ligji. Nese prokuroria do te kerkonte sekuestrimin e pronave te shtetasit te huaj, kete duhet ta bente me vendim gjykate dhe te arsyetuar. Aktualisht ne dosjen e Damir Fazllic, ne prokurori, ndodhen vetem shkrime gazetash kunder tij dhe asnje prove qe ta implikoje ate me ndonje shkelje ne dem te shtetit apo te ndonje qytetari shqiptar. Kerkesa per bllokim te pronave te tij pa asnje prove dhe pa vendim gjykate eshte nje shkelje flagrante e te drejtes se prones, e mbrojtur kjo ne baze te nenit 42 te Kushtetutes, e cila thote: Liria, prona dhe te drejtat e njohura me Kushtetute dhe me ligj nuk mund te cenohen pa nje proces te rregullt ligjor. Por per prokurorine e Ina Rames nuk ka asnje rendesi ligji dhe Kushtetuta, nuk ka asnje rendesi e drejta e garantimit te lirise dhe te prones. E rendesishme eshte furnizimi i mediave te saj me material per te krijuar pershtypjen e nje skandali te madh, ne nje kohe qe nuk ka asnje prove shkeljeje ligjore prej te akuzuarit. Histeria politike e Ina Rames ne kete ceshtje, e cila po perdoret nga kundershtare brenda mazhorances, konsiderohet amoralitet politik dhe juridik.

Kjo prokurori e cila vihet ne levizje nga shkrimet dhe shpifjet e gazetave, vetem se Damir Fazllic erdhi dhe dha nje interviste ne televizionin "Klan", nuk ka bere asnje hetim dhe nuk ka marre asnje te pandehur per vdekjen e 8 minatoreve ne Bulqize edhe pse kane kaluar disa muaj. Per Prokurorine politike te Ina Rames, jeta e 8 punetoreve te pafajshem qe humben jeten ne pune, s'ka asnje vlere. Per te eshte teper e rendesishme te denoncohet nje njeri qe s'i ka marre asnje euro kurrkujt dhe s'i ka borxh as shtetit, e aq me pak te kete bere ndonje krim me te rende. Ky njeri duhet te perballet se eshte miku i Kryeministrit sepse duke u perballur ai, realizohen interesat politike te kundershtareve te Kryeministrit. Keshtu shpjegohet vrapi i Prokurorise per ta fryre kete ceshtje ne maksimum brenda nje harku 24 oresh, ne nje kohe qe per vdekjen e 8 qytetareve ka muaj qe nuk ka gjetur kohe te therrase askend ne prokurori. Me kerkesen e paligjshme per ta ndaluar dhe arrestuar ne aeroport e me pas per t'i bllokuar pronat nje qytetari te lire ende pa renduar mbi te asnje akuze zyrtare dhe ende pa e marre te pandehur, Prokuroria politike e Ina Rames ia ka kaluar edhe prokurorise se Enver Hoxhes, te cilet te pakten formalisht i kopsitnin letrat dhe procedurat. Me keto veprime ndaj nje qytetari te huaj, cdo qytetar shqiptar ndjehet i rrezikuar. Kjo prokurori provoi se mund te te arrestoje apo mund te te marre edhe pronat bazuar vetem ne shkrime dhe shpifje gazetash, pa i lene kohe vetes te pakten proceduralisht te hetoje dhe te verifikoje nese i akuzuari i gazetave ka kryer ndonje shkelje ligjore dhe pas grumbullimit te provave, ta merrte te pandehur, ta arrestonte dhe t'i sekuestronte edhe pronat. Per Prokurorine nuk ka rendesi nese Damir Fazllic ka kryer ndonje krim, por per te eshte me e rendesishme te krijoje nje amulli politike dhe zhurme mediatike, e cila si te gjithe ceshtjet e nisura keshtu kane perfunduar me nje vrime ne uje. Nuk eshte e rastit qe Prokuroria e Ina Rames nuk prononcohet ende per aksidentin e Kosta Trebickes ku edhe pse te gjithe ekspertet shqiptare dhe te huaj tashme e kane dhene versionin zyrtarisht per aksident automobilistik. Ina Rama hesht sepse ky version bie ndesh me deshiren e perdoruesve te saj politike, te cilet e deshironin Kosta Trebicken te vrare dhe jo te aksidentuar.

"Nuk ekzekutojme urdhra te paligjshem te Prokurorise"

TIRANE - Ministria e Brendshme doli ne nje prononcim te ri dje duke deklaruar se Policia e Shtetit ka zbatuar dhe do te zbatoje me perpikmeri cdo urdher qe leshohet ne perputhje me ligjet e vendit. "Kjo ministri nuk ka zbatuar dhe nuk do te zbatoje kurre urdhra verbale qe shkelin kushtetuten dhe ligjet e vendit", - paralajmeroi Ministria e Brendshme. Ajo vlereson se "ne asnje rrethane askush nuk mund te jape nje urdher verbal dhe te pretendoje zbatimin e tij per te ndaluar nje qytetar te lire".

Ministria e Brendshme thekson edhe se Shqiperia eshte nje vend i lire dhe kushdo qe i lejon vetes nje praktike te tille do te perballet me ligjin. Ne kete kontekst Ministria e Brendshme thote se ka denoncuar dhe denoncon urdhrat e prokurorise te dates 08.10.2008 per te ndaluar dhe shoqeruar me force shtetasin Damir Fazllic".

KJ

[King_Arthur]

ky ndalim qe ka bere prokuroria kundrejt Damir Fazllic tregon se sa e pa afte eshte ose me mire tregon qe dikush ka patur interes ne ndalimin e ketij shtetasi dhe INA RAMA duhet te japi shpjegime per kete ndalim , pa fakte dhe pa nje mandat arresti nuk mund te ndalohet nje shtetas aq me shume qe eshte i huaj .

une te jem ne vend te ketij i hedh ne gjyq keta per arrestimin qe i kane bere . pasi nuk kane fakte .

[Albo]

Lajme te tilla nxjerrin ne drite inkompetencen e kryeprokurorise shqiptare, e cila vazhdon per fat te keq edhe pas ngritjes ne krye te ketij institucioni te Ina Rames. Inkompetenca duket tek fakti qe prokuroria merr shkas nga retorika politike apo kryeartikujt e gazetave shqiptare per te marre vendime te tille te kundraligjshme. Deshmia tjeter e inkompetences eshte ndjeshmeria e nje organi te pavarur te shtetit nga presionet politike.

Kryeprokuroria duhet te pastroje administraten e saj nga njerez inkompetente dhe te inkriminuar qe japin urdhra nga telefoni dhe sekuestrojne prona private me nje fjale goje. Dhe nese ajo nuk e ben nje gje te tille, presidenti i vendit duhet ti beje te qarte qe nuk u zgjodh kryeprokurore per syrin e bukur, por per te sjelle perpara drejtesise ceshtje qe kane mbetur pezull me vite apo me muaj, perfshi ketu edhe ate qe ndodhi ne Gerdec.

Albo

[King_Arthur]

Albo jam plotesisht dakort me keto qe ke shkruar dhe mendoj se INA RAMA nuk eshte per kryeprokurore dhe nuk e ben dot kete pune ajo dhe kur del ne konferenca per shtyp nuk di te flasi . ne kete histori patjeter qe ka nje dore qe e ka shtyre per te harritur deri ne arrestimin dhe bllokimin e pronave te ketij shtetesi , mbase ky kur dha deklaraten ne emisionin OPINION duhet te kete prekur patjeter dike ne plage dhe qe i ka djegur , ne mos gabohem mbas intervistes ky eshte arrestuar .

Ministria e Brendshme thekson edhe se Shqiperia eshte nje vend i lire dhe kushdo qe i lejon vetes nje praktike te tille do te perballet me ligjin. Ne kete kontekst Ministria e Brendshme thote se ka denoncuar dhe denoncon urdhrat e prokurorise te dates 08.10.2008 per te ndaluar dhe shoqeruar me force shtetasin Damir Fazllic".

atehere meqe ministria e brendshme nuk e paska bere dhe nuk ka marre pjese kush e ka bere arrestimin

[Albo]

Pas Alibeajt edhe Nishani kundër Ina Ramës, paditen dy prokurorët e Fazlliç

Dashamir Biçaku

Ministria e Brendshme padit për ndjekje penale prokurorët, që kërkuan nga policia ndalimin e biznesmenit Damir Fazlliç për t’u marrë në pyetje katër ditë më parë. Vetëm një ditë pasi Prokuroria dhe Ministria e Drejtësisë kaluan momentin më problematik në historinë e marrëdhënieve mes tyre, ka hyrë në lojë edhe Ministria e Brendshme. Kjo e fundit deklaroi dje se, do të kallëzojë penalisht një prokuror të Prokurorisë së Përgjithshme, pjesë e zyrës së kryeprokurores Ina Rama, si dhe një zv/prokuror të rrethit Tiranë. Ministria deklaron se, shkelja e prokurorëve konsiston në faktin se përmes telefonit ata kërkuan nga policia ndalimin e një personi të huaj, ndaj të cilit nuk është faktuar ende ndonjë akuzë penale. Sipas kallëzimit të Ministrisë së Brendshme, drejtori i Hetimit në Prokurorinë e Përgjithshme, Zamir Shtylla dhe zv/prokurori i rrethit Tiranë, Eljo Mazreku, kanë kryer shkelje të ligjit “Për të huajt”, veprime në kundërshtim me Kodin e Procedurës Penale dhe në atakim me Kushtetutën e Shqipërisë. Lajmi u bë i ditur nga Fatmir Konja, zëdhënës i ministrit të Brendshëm. Pasi konfirmoi edhe njëherë tjetër se policia shqiptare ka mbajtur qëndrim tërësisht ligjor në rastin e 33-vjeçarit nga Bosnja Damir Fazllic, Ministria e Brendshme pohoi se, është duke përgatitur kallëzim për ndjekje penale me akuzën e “shpërdorimit të detyrës” ndaj Prokurorit të Prokurorisë së Përgjithshme, Zamir Shtylla dhe prokurorit të Tiranës. Ministria e Brendshme e cilësoi të papranueshëm urdhrin e dhënë në telefon nga dy prokurorët për policinë, të cilës i ishte kërkuar të shoqëronin apo të ndalonin biznesmenin Fazlliç para se të largohej nga Shqipëria. “Konfirmojmë se Policia e Shtetit është e angazhuar të zbatojë me vendosmëri ligjin dhe vetëm ligjin, jashtë çdo nuance politike. Ligjet e vendit dhe ligji i Policisë së Shtetit, ndalojnë rreptësisht zbatimin e urdhrave që vijnë në kundërshtim me Kushtetutën dhe ligjet e tjera të vendit”, sqaroi zëdhënësi i Ministrisë së Brendshme.

Shkeljet e prokurorëve

Sipas tij, në rastin konkret, veprimet e dy prokurorëve janë kryer në shkelje flagrante të Kushtetutës së vendit, në nenit 32, pika 1 të ligjit themeltar të shtetit dhe në nenin 308 të Kodit të Procedurës Penale. Ministria e Bren-dshme sqaroi gjithashtu dje se, prokurorët kanë kryer edhe shkeljen e ligjit “Për të huajt” në Republikën e Shqipërisë. “Dy prokurorë, njëri i Prokurorisë së Përgjithshme dhe tjetri z/prokuror i rrethit të Tiranës kanë telefonuar në orën 15:17 shefin e komisariatit të Rinasit e më pas dhe drejtorin e Drejtorisë Rajonale të Kufirit të Qarkut Tiranë, duke kërkuar ndalimin e udhëtimit dhe shoqërimin në ambientet e policisë së biznesmenit me shtetësi britanike dhe boshnjake, Damir Fazllic”, vijoi Ministria e Brendshme. Sipas saj, kjo situatë ka ndodhur në një kohë kur Damir Fazlliç ishte larguar nga Shqipëria në orën 15:04. “Prokurorët në fjalë tentuan përdorimin e policisë për krijimin e një skandali të madh ndërkombëtar me këtë shtetas të huaj”, shtoi Ministria e Brendshme sipas së cilës, ndaj dy prokurorëve do të kërkohet fillimi i ndjekjes penale. Sipas procedurave në fuqi, kallëzimi penal ndaj dy prokurorëve duhet të dorëzohet në zyrën e Kryeprokurores Ina Rama, e cila më pas do të vlerësojë provat dhe faktet dhe do të vendosë për rrugën që do të ndiqet më pas.


Shtylla, zyrtari i hetimit

TIRANE – Njëri nga dy prokurorët e kallëzuar për ndjekje penale nga Ministria e Brendshme është Zamir Shtylla. Ai aktualisht ushtron detyrën e drejtorit të Drejtorisë së Hetimit në Prokurorinë e Përgjithshme, ndërsa më parë ka qenë shef i Drejtorisë Kundër Krimit të Organizuar. Zamir Shtylla është një nga prokurorët me eksperiencën më të gjatë të punës në organin shqiptar të akuzës dhe aktualisht është një nga zyrtarët e Prokurorisë së Përgjithshme, që shfaqet thuajse në çdo aktivitet publik në krah të Kryeprokurores Ina Rama. Sipas hierarkisë në Prokurorinë e Përgjithshme, bazuar në detyrën që mban, Zamir Shtylla konsiderohet si numri dy i akuzës shqiptare pas Prokurorit të Përgjithshëm.

Mazreku, zv/drejtues në Tiranë

TIRANE – Prokurori i dytë i kallëzuar për ndjekje penale nga Ministria e Brendshme është Eljo Marzeku, aktualisht zv/prokuror i rrethit Tiranë. Ai ushtron këtë detyrë prej gati një viti. Rreth një vit më parë, Mazreku mori detyrën e zv/prokurorit të rrethit pas një urdhri të hartuar nga Kryeprokurorja Ina Rama. Më parë Eljo Mazreku ka ushtruar detyrën e prokurorit në Prokurorinë e Shkallës së Parë të Tiranës, ku ka hetuar një numër të madh dosjesh. Rreth një vit më parë, pas vlerësimeve pozitive për karrierën dhe punën e bërë prej tij, Kryeprokurorja Ina Rama vendosi ngritjen në detyrë të prokurorit Mazreku, i cili u emërua zv/prokuror rrethi.


Neni 308, K. Pr. Penale

Ftesa për paraqitje
1. Prokurori fton personin ndaj të cilit zhvillohen hetime të paraqitet kur do ta marrë në pyetje, apo kur do të kryejë veprime që kërkojnë praninë e tij
2. Ftesa për t’u paraqitur përmban:
a) gjeneralitetet ose të dhëna të tjera personale, që vlejnë për identifikim
b) ditën, orën dhe vendin e paraqitjes
c) llojin e veprimit për të cilin është ftuar
d) paralajmërimin se prokurori mund të urdhërojë shoqërim të detyrueshëm në rast mosparaqitje, pa patur pengesë të ligjshme
3. Ftesa përmban edhe parashtrimin e përmbledhur të faktit që rezulton nga hetimet e bëra deri në atë çast
4. Ftesa njoftohet të paktën tri ditë para asaj që është caktuar për paraqitje, me përjashtim të rasteve që për arsye të mundshme, prokurori mendon të shkurtojë afatin


Prokurorët akuzohen me nenin 308, i përdorur për mbrojtje nga Sollaku

TIRANE – Neni 308 i Kodit të Procedurës Penale është rikthyer përsëri në vëmendje, pasi pikërisht në këtë paragraf bazohet një prej akuzave të artikuluara në kallëzimin penal që Ministria e Brendshme ka bërë në adresë të dy prokurorëve. Një nen i tillë ka qenë edhe më parë objekt debatesh dhe diskutimesh për shkak se pikërisht në bazë të këtij neni, ish-prokurori i Përgjithshëm Sollaku akuzoi Komisionin Hetimor Parlamentar të ngritur kundër tij, se e kishte thirrur për të dhënë sqarime për akuzat që i bëheshin në një mënyrë të padrejtë procedurale. Në fakt neni 308 parashikon se në veprimtarinë normale të hetimit, duhet që personi që thirret për të dhënë deklarime të njihet me ftesën tri ditë para se të paraqitet në Prokurori. Sipas juristëve, ligjvënësi me këtë përcaktim ka nënkuptuar se çdo personi që hetohet duhet t’i jepet mundësia që për tri ditë të marrë masa të paraqitjen në organin e hetimit, si dhe të artikulojë mbrojtjen e tij ligjore për akuzat, apo dyshimet që i atribuohen. Pikërisht në bazë të këtij neni, të cilin ish-kryeprokurori Sollaku e citoi rreth një vit më parë në mbrojtje të tij, tani Ministria e Brendshme po akuzon dy prokurorë. Një rast ky kur individët por edhe institucionet i lexojnë me këndvështrime të ndryshme jo vetëm ligjet, por edhe pjesë të veçanta të tyre, për shkak se Ministria e Brendshme radhiti dje nenin 308 të Kodit të Procedurës Penale si një nga pikat ligjore të shkelura nga prokurorët shqiptarë. Ndërkohë mbi bazën e të njëjtit nen, ish-kryeprokurori Sollaku vendosi para një diskutimi të madh një vit më parë, rezultatet e arritura nga Komisioni Hetimor Parlamentar, i cili sipas ish-Prokurorit të Përgjithshëm, nuk i kishte dhënë atij mundësi për t’u njohur me akuzat që i bëheshin e mbi të gjitha, nuk i kishte mundësuar përgatitjen e garantuar nga ligji për t’u mbrojtur në mënyrë ligjore ndaj shkeljeve që i atribuoheshin.


Akuza në shtetrrethim, dosja në kasafortë

Trazhgim Sokolaj

Tre efektivë të policisë kryenin shërbimin e rojës dje në Prokurorinë e Tiranës, ndërsa dosja penale e hapur ndaj biznesmenit Damir Fazlliç është mbyllur në kasafortë që në mëngjes. Një ditë pasi inspektorët e Ministrisë së Drejtësisë tentuan të hynin forcërisht në Prokurorinë e kryeqytetit, drejtuesit e këtij institucioni kanë kërkuar rritjen e numrit të policëve në shërbimin e rojës. Masat e sigurisë kanë shkuar edhe më tej kur drejtuesi i Prokurorisë së Tiranës ka urdhëruar punonjësin e dezhurnit dhe policinë të mos lejojnë hyrjen e asnjë personi brenda oborrit të institucionit, në rast se prokurorët nuk zbresin nga zyrat për t’i shoqëruar vizitorët dhe për të konfirmuar se nuk janë persona “të padëshiruar”. Nga ana tjetër, kryeinspektori i Ministrisë së Drejtësisë, Plator Bilibashi qëndronte tek porta hyrëse jashtë oborrit të institucionit duke mbajtur në duar urdhrin e ministrit të Drejtësisë Alibeaj, me të cilin kërkohej kontrolli i dosjes së Damir Fazlliç dhe ballafaqimi i saj me regjistrin penal ku shënohen të dhënat (kodet) e çdo dosje penale dhe data e nisjes së procedimit. Punonjësit e policisë që kujdeseshin që askush të mos kalonte portën, kishin hequr spaletat e gradave dhe pjesën e uniformës ku shënohet mbiemri i çdo efekti, me qëllim që të mos identifikoheshin. Situata e djeshme në hyrje të Prokurorisë së Tiranës i ngjante rasteve të jashtëzakonshme kur numri i efektivave të policisë rritet, ndërsa hyrje-daljeve u kushtohet një vëmendje maksimale deri në detaje.

Alibeaj anulon urdhrin

Prokuroria e Përgjithshme deklaroi dje se, ministri i Drejtësisë kishte nxjerrë më 10 tetor 2008 urdhrin nr.7241 për kontrollin e procedimeve penale të filluara nga Prokuroria e Tiranës nga data 1 deri më 10 tetor 2008. Pasi inspektorët e Ministrisë së Drejtësisë dështuan për dy ditë me radhë në zbatimin e këtij urdhri të Alibeajt, ka qenë ky i fundit që dje ka nxjerrë një urdhër të dytë me nr. 7241/2, që anulon të parin dhe zgjeron afatin kohor për kontrollin e procedimeve të filluara nga Prokuroria e Tiranës, nga dhjetë ditë në një muaj. Urdhri i parë i ministrit Alibeaj u konsiderua nga Prokuroria si i paligjshëm dhe antikushtetues, pasi inspektorët nuk mund të njihen me materiale të dosjeve që janë në hetim dhe aq më tepër pa autorizim nga Prokurori i Përgjithshëm. Ndërkaq për urdhrin e dytë të ministrit Alibeaj që kërkon kontrollin e procedimeve të filluara nga Prokuroria e Tiranës muajin e fundit, ku përfshihet edhe dosja “Fazlliç”, Prokuroria tha se, është duke e shqyrtuar atë dhe do të japë përgjigje zyrtare. Nga burime zyrtare në Ministrinë e Drejtësisë konfirmohet se mbrëmjen e së enjtes, inspektorët e Alibeajt këmbëngulën të hynin në Prokurori deri në përdorimin e forcës për shkak se ishin informuar se në fillimin e hetimeve ndaj Damir Fazlliç kishte një shkelje të rëndë. Sipas informacionit që ata kishin, dosja penale e cila realisht ishte filluar më datë 8 tetor 2008, ishte shënuar mëngjesin e kësaj dite si procedim penal i filluar më datë 7 tetor 2008, pra një ditë para se Damir Fazlliç të vizitonte Tiranën. I ndodhur përballë këtyre informacioneve ministri i Drejtësisë ka tentuar me çdo kusht të verifikonte dosjen dhe dokumentet mbrëmjen e të premtes, kur ende nuk kishte përfunduar afati i flagrancës, për falsifikimin që dikasteri i Drejtësisë besonte se ishte kryer nga prokurorët e kryeqytetit. Prokuroria e Përgjithshme konfirmoi mbrëmë lajmin e botuar dy ditë më parë në gazetën “Panorama”, sipas të cilit, dy inspektorë të Ministrisë së Drejtësisë ishin paraqitur në Prokurorinë e Tiranës në orën 19:00 të së shtunës dhe pa paralajmëruar, kishin kërkuar të kontrollonin dosjen “Fazlliç”.


Prokuroria: Fazlliç iku 1 orë para kohe

Prokuroria e Tiranës ka pasur informacion se Damir Fazlliç ishte regjistruar në Drejtorinë e Përgjithshme të Aviacionit Civil, ku kishte lajmëruar se do të largohej nga Shqipëria me avioni e tij “Charter” në orën 16.30 të datës 8 tetor 2008. Për këtë shkak, Prokuroria shtoi se, kishte depozituar dhe protokolluar në komisariatin e Rinasit ftesën për 33-vjeçarin Fazlliç në orën 15.06 të 8 tetorit, duke menduar se Fazlliç do të kalonte e të ndalohej aty një orë më vonë. Por biznesmeni nuk dihet përse ka ndryshuar axhendën për t’u larguar një orë para afatit që kishte deklaruar në Drejtorinë e Aviacionit Civil ku kishte kërkuar lejen e uljes së avionit të tij privat.


Kërkohet lista e telefonatave të Fazlliç dhe të administratorit

TIRANE – Prokuroria e kryeqytetit sekuestroi dje në Qendrën Kombëtare të Regjistrimit të Shoqërive Tregtare dokumentacionin e dy shoqërive, në të cilat biznesmeni serbo-boshnjak Damir Fazlliç, i akuzuar për pastrim parash, është anëtar i grupit mbikëqyrës. Bëhet fjalë për kompanitë: “Rom Petrol Dam Streeam” dhe “Rom Petrol Holding”, qendra e të cilave është deklaruar të jetë në Porto-Romano. Këto shoqëri rezultojnë të disponojnë shuma të mëdha të hollash, ndërsa nuk kanë kryer asnjë veprim me Tatimet, si dhe kapitali fillestar i tyre është regjistruar të jetë nga një milion lekë të vjetra për secilën. Më parë Prokuroria kishte bllokuar edhe dokumentacionin e tre kompanive të Fazlliç të regjistruara në Tiranë dhe që qendra e aktivitetit të tyre ishte shënuar gjithashtu të ishte në Porto-Romano, Durrës, por që realisht nuk ekzistojnë gjëkundi. Hetuesit kanë zbatuar paraditen e djeshme urdhrin e lëshuar nga prokurori i çështjes dhe kanë bllokuar dokumentacionin, që kanë gjetur në QKR, ndërsa pohohet se po kërkohen ende të dhëna në këtë institucion mbi personin e Fazlliç, për të cilin ka të dhëna se është përfshirë edhe në kompani të tjera. Po kështu dje Prokuroria e Tiranës sqaroi se i ishte drejtuar me kërkesë 19 bankave, që operojnë në Shqipëri për të bllokuar të gjitha llogaritë bankare të Fazlliç, si dhe të japin të dhëna të detajuara për transferta të ndryshme që ai ka bërë mes komandove të veta apo me persona të tjerë. Po dje Prokuroria ka nisur të kryejë verifikime të tjera mbi serbo-boshnjakun Fazlliç, si tabulate telefonike në kompanitë celulare dhe atë të telefonisë fikse, si dhe nëpër institucione të ndryshme. fa.ma.

Biznesmeni që shkaktoi përplasjet

TIRANE – Biznesmeni boshnjak Damir Fazlliç i portretizuar si ndërmjetës i Partisë Demokratike në lidhjen e kontratës së saj me kompaninë “BG&R”, konsulente në fushën e vitit 2005, u shoqërua javën e kaluar në Bosnjë dhe u mbajt për pak orë në polici. Shtypi boshnjak shpërtheu në akuza ndaj biznesmenit për krime financiare ndërsa në Shqipëri ai u konsiderua si personazh me lidhje të ngushta në raport me qeverinë aktuale. Çështja u bë shkak debatesh në Parlament, kurse Fazlliç rezultoi se në shtator të 2005-ës kishte hapur tri biznese në Shqipëri, një nga të cilat është shitur fiktivisht. Fazlliç qëndroi disa orë në Tiranë më 8 tetor, ku dha një intervistë e në largim ai shkaktoi përplasje mes Prokurorisë, që e ftoi të dëshmonte dhe policisë që u akuzua se ndihmoi largimin e biznesmenit.

Panorama

[njemik]

he mo ju leshuat ines
po ku duroni institucione te pavarura ju
ajd se shum shpejt do tju shporim njeher e mir po vjen me ne fund koha e atyre qe kan lindur pas 90tes

[njemik]

po presim nishanin sot te na shpjegoj se pse e shoqeroi policia dhe vet drejtori i policis rinas fazlicin ne tirane. Turp si e nxirte shefi i policis me vrap nga aeroporti qe te mos e kapte prokuroria

Pas përplasjes me prokurorinë, Ministria e Drejtësisë publikon urdhrin e dytë të inspektimit

Fazlliç, Alibeaj “manipulon” objektin e inspektimit të dosjes

TIRANË- Ministri i Drejtësisë, Enkelejd Alibeaj “i bën grim” urdhrit të tij për kontrollin e dosjes “Fazlliç”, duke u munduar të fshehë qëllimin e vërtetë të inspektimit në Prokurorinë e Tiranës. Pas incidentit të krijuar pasditen e së premtes, kur dy inspektorë të Alibeajt kërkuan të kontrollonin datën e regjistrimit të procedimit penal për Damir Fazlliç, ministri i Drejtësisë ka firmosur një tjetër urdhër, këtë herë pa përmendur emrin e biznesmenit nën hetim, me lidhje të ngushta me kryeministrin Berisha, vajzën e tij apo edhe me ministrin Basha. Objekt i urdhrit të dytë të Alibeajt është sërish regjistrimi i veprave penale, por që përfshinnjë hark kohor nga 1 shtatori deri në 10 tetor.

Këtë urdhër të dytë, i cili shfuqizon njëherazi të parin, Alibeaj e përligj me një sërënenesh e ligjesh të cituata, pa përmendur objektin e vërtetë të kontrollit. “Siç konstatohet, objekti i kontrollit dhe verifikimit të këtij urdhri nuk ka të bëjë me marrje të dhënash apo verifikime të veprimeve hetimore konkrete apo akte procedurale hetimore që i përkasin çështjeve konkrete, por vetëm me marrje të dhënash mbi rregullshmërinë ligjore të mbajtjes së regjistrave përkatës për efekte edhe statistikore”,-thuhet në njoftimin e dytë të Ministrisë së Drejtësisë, pa përmendur këtu ngutin e të premtes pasdite të inspektorëve të Alibeajt për të kontrolluar datën dhe orën e regjistrimit të procedimit penal për Damir Fazlliç.

E ndërsa zyrtarë të lartë të policisë morën „nën mbrojtje“ mikun boshnjak të kryeministrit, gjatë vizitës së tij në Tiranë, duke penguar kësisoj prokurorinë për ta marrë në pyetje, gjatë dy ditëve të fundit nuk kanë munguar sulmet kundër organit të akuzës, i vetmi organ që po heton implikimet e sekserit të Ballkanit në Tiranë.

[njemik]

Ja dhe bazen ligjore te prokurorve. Si skeni nje te sakt ne administrat mo... qe ta lexoj ligjin deri ne fund


Ligji për të Huajt

“Pengohet të dalë nga vendi i huaji nën hetim”

TIRANË- Për dy ditë radhazi, Ministria e Brendshme ka lëshuar deklarata me anë të cilave bën të ditur se urdhrat e prokurorisë për të ndaluar biznesmenin e huaj Damir Fazlliç janë në kundërshtim me ligjin. Madje ky dikaster ka denoncuar këtë urdhër të cilin e quan verbal dhe ka shkelur kushtetutën dhe ligjet e vendit, ndaj edhe policia nuk ka denjuar të ndalojë Fazlliç.

“ Kjo Ministri do të kërkojë ndjekjen penale të dy prokurorëve që i kanë lejuar vetes një akt të tillë në shkelje flagrante të Kushtetutës së vendit, shkelje të hapur të Kodit të Procedurës Penale që përcakton qartë se kur një person shoqërohet dhe shkelje të hapur të Ligjit për të Huajt” bëri të ditur dy ditë më parë Fatmir Konja, zëdhënësi i Ministrit të Brendshëm. Por është pikërisht ky ligj që citon Ministria e Brendshme, ku është bazuar prokuroria për ndalimin e Fazlliç. “I huaji që kërkohet nga autoritetet shqiptare për arsye se ka kryer ose dyshohet se ka kryer një vepër penale dhe kërkon të shkojë në një shtet tjetër pengohet për të dalë nga Republika e Shqipërisë deri në marrjen e përgjigjes nga organi përgjegjës”, -thuhet në ligjin për të Huajt. Prokurorët kanë pasur dyshime se Fazlliç ka konsumuar veprënpenale të pastrimit të parave në Shqipëri duke kërkuar dhe marrjen e deklarimeve të shtetasit të huaj, gjë e cila përcaktohet qartë në ligjin për të huajt.

[Brari]

prokuroret e gjykatesit shqiptare jane enveriste e kelysh enveristesh..jan vishinske staliniste te predispozuar ti sherbejne klaneve mafioze enveriste miljardere..pik..
edhe arnimet qe ben topi ne kto shpella kanibalesh... jan si te hedhesh ca qime delesh ne kurriz te cakejve..
pra pun boshe..
ina vet eshte nje dordolec qe fijet ja luajn ngA SELIA ROZE..
PO SMUND TE KERKOJME NGA AJO ME SHUME..
KUSH GUXON TI KUNDERVIHET MAFIES..
NJESITET E BANDAVE HAKMARRJA JAN TE TMERRSHEM..


kot ben gam gam berisha..
ata bejne ligjin e berisha ka celsat e kashtes..

[njemik]

Po kjo sikur ishte Silvia Konti mo brari
kshu na tha komisar berisha kur hoqi dhorin
Apo Silvia Konti vec me ja fut kundershtarit nese te prek familjen shkelzenet e Argitat behet armike e popullit
Ku Ku per ju qe akoma besoni ne nje maskara
un per vete ndryshova e kam votu deri ne 2005 legenin se jetoja jasht dhe me dukesh cdo gje ideale
kur u ktheva ketu ja njoha fytyren e vertet kelyshit te enverit

P.S. ku esht dhori mo
gjith ato akuza qe i beri ishte per karige elektrike nderkoh qe sot jan harruar te gjitha