Zgjedhjet presidenciale ne US: McCain/Palin vs Obama/Biden

[RaPSouL]

Ja edhe debati i plote qe u zhvillua ne mes tyre.

Obama-McCain, botohet i plotë debati televiziv

Në debatin më të përfolur të vitit, dy kandidatët për president, senator Barack Obama dhe senator John McCain, u vunë përballë njëri-tjetrit për të diskutuar në çështjet kyçe që prekin vendin. Politika e jashtme dhe siguria kombëtare, e sigurisht çështja më imediate është kriza ekonomike që ka përfshirë vendin. Gazeta "Tirana Observer" boton të plotë debatin e dy kandidatëve presidencialë.


WOLF BLITZER, Moderator i CNN: Në rregull. Jemi vetëm një minutë larg fillimit të këtij debati historik në "Ole Miss", Universiteti i Misisipit, në Misisipi. Dy kandidatët do të prezantohen nga Jim Lehrer. Ai do të bëjë deklaratën e hyrjes. E më pas... do fillojnë pyetjet. Subjekti i natës së sotme është politika e jashtme dhe siguria kombëtare.
Por nuk ka dyshim, kriza ekonomike këtu në SHBA do të jetë gjithashtu temë qendrore. Të dy këto kandidatë do të kenë rastin të shprehin mendimet e tyre mbi atë që po ndodh dhe se çfarë duhet të ndryshojë.
JIM LEHRER, MODERATOR: Mirëmbrëma nga Qendra "Ford" e Arteve në Universitetin e Misisipit. Sonte debati do të hapet me politikën e jashtme dhe sigurinë kombëtare, e cila përfshin edhe krizën financiare globale. Temat specifike dhe pyetjet janë përcaktuar nga unë. Ato nuk janë ndarë apo diskutuar me njeri.
Le të fillojmë me diçka që gjeneral Eisenhower tha në fushatën e tij elektorale të vitit 1952. "Ne duhet të arrijmë edhe sigurinë edhe aftësinë për të paguar. Në fakt, themeli i fuqisë ushtarake është fuqia ekonomike".
Nga kjo frazë lind dhe pyetja e parë.
Zotërinj, pikërisht në këtë moment, në çfarë pike jeni me planin e restaurimit ekonomik?
BARACK OBAMA, KANDIDATI DEMOKRAT: Faleminderit shumë Jim dhe faleminderit Universitetit të Misisipit që na pret sonte. Nuk mund të kishte kohë më të përshtatshme për të folur për të ardhmen e vendit tonë.
Ne jemi në një moment kyç të historisë sonë. Kombi ynë është përfshirë në dy luftëra dhe ne po kalojmë krizën më të madhe financiare që prej Depresionit të Madh.
Edhe pse kemi dëgjuar shumë për "Wall Street", ata që janë të përfshirë në biznes kanë luftuar për disa kohë me këtë gjendje, dhe e dinë se kjo mund të ketë impakt në gjithë sektorët e ekonomisë.
Dhe ju po vrisni mendjen se si do të prekë kjo gjendje secilin prej jush? Se si do të prekë punën tuaj, shtëpinë tuaj? Çfarë efekti do të ketë në mundësitë për të kursyer e për të dërguar fëmijët në universitet apo në pensionin e ardhshëm? Ndaj ne duhet të lëvizim shpejt dhe me zgjuarsi. Unë kam dhënë një sërë propozimesh, të cilat sigurojnë mbrojtjen e taksapaguesve, ndërkohë që ne jemi të përfshirë në këtë përpjekje të rëndësishme shpëtimi.
Një, ne duhet të sigurohemi që t'i kushtojmë vëmendje të madhe këtij procesi: 700 miliardë dollarë janë shumë-shumë para.
Dy, duhet të sigurohemi që taksapaguesit, duke qenë se janë ata që rrezikojnë paratë e tyre, të kenë mundësinë të rifitojnë ato para bashkë me fitimet, kur dhe nëse tregu kthehet aty ku ishte.
Tre, duhet të sigurohemi që asnjë monedhë s'do mbushë llogaritë e shefave ekzekutivë të bankave.
Dhe katër, duhet të sigurohemi se po ndihmojmë pronarët e shtëpive, sepse kyçi i problemit ka të bëjë me heqjen e pronës së vënë në hipotekë, që po ndodh në gjithë vendin.
Tani, duhet të pranojmë faktin se ky është gjykimi final i tetë viteve të politikave të dështuara ekonomike, të promovuara nga George Bush, mbështetur nga senatori McCain, një teori që në parim thotë se ne mund të thyejmë rregullat dhe përkrahjet e konsumatorëve dhe të japim më shumë dhe në një mënyrë apo tjetër prosperiteti do vijë në vend.
Nuk ka funksionuar. Dhe unë mendoj se bazat e ekonomisë duhen matur me faktin nëse shtresa e mesme po merr apo jo pjesën që i takon. Kjo është arsyeja pse unë po kandidoj për president dhe shpresoj që kjo është ajo për çfarë do flasim sonte.
LEHRER: Senator McCain.
SENATOR JOHN MCCAIN, KANDIDATI REPUBLIKAN: Faleminderit Jim. Faleminderit të gjithëve. Unë kam një njoftim të trishtuar sonte. Senatori Kennedy është në spital. Ai është një mik e dashur për të gjithë ne. Mendimet dhe lutjet tona shkojnë sonte për luanin e Senatit.
Gjithashtu, dua të falënderoj Universitetin e Misisipit që na pret sonte.
Dhe Jim, unë nuk jam ndjerë mirë për shumë gjëra së fundmi. Po kështu dhe shumë amerikanë që janë shfaqur me sfidat. Por sonte ndihem më mirë dhe do t'ju them pse.
Sepse ne jemi këtu sonte në këtë debat, ne po shohim për herë të parë prej shumë kohësh, republikanë dhe demokratë së bashku, të ulur për të gjetur një zgjidhje për këtë krizë fiskale që na ka përfshirë.
Dhe ne s'kemi dyshime për madhësinë e kësaj krize. Dhe ne s'po flasim për dështimin e institucioneve në "Wall Street". Ne po flasim për dështimin në industrinë e biznesit dhe njerëzit të cilët do të humbin punën e tyre, depozitat bankare dhe shtëpitë e tyre, nëse ne nuk e rregullojmë krizën më të madhe fiskale të kohërave tona. Por, çështja është se ne më në fund kemi parë republikanë e demokratë të ulur bashkë për të negociuar mbi një paketë të përbashkët zgjidhjeje.
Paketa ka transparencë në të. Duhet të ketë përgjegjësi dhe largpamësi. Duhet të ketë opsione për kreditë ndaj bizneseve të falimentuara. Duhet të ketë një sërë elementesh thelbësorë në të.
Por unë dua t'u theksoj një pikë gjithë amerikanëve sonte. Ky nuk është fillimi i fundit të krizës. Ky është fundi i fillimit, nëse ne do dalim me një paketë që i mban këto institucione të qëndrueshme. Dhe kemi shumë punë për të bërë. Dhe duhet të krijojmë vende pune. Dhe një prej këtyre pikave, sigurisht, është të eliminojmë varësinë tonë ndaj naftës së huaj.
LEHRER: Në rregull, le të kthehemi tek pyetja ime. Cili është qëndrimi juaj në planin e stabilizimit të gjendjes? Dhe flisni me njëri-tjetrin për këtë nëse mund të arrijmë në një marrëveshje këtu. Por ajo që dua të them është se, a e përkrahni këtë plan senator Obama, senator McCain?
OBAMA: Unë mendoj se po kryhet punë konstruktive. Kështu, për teleshikuesit, unë jam optimist në lidhje me kapacitetin e atyre prej nesh që janë bashkuar për të hartuar një plan. Pyetja që duhet t'i bëjmë vetes, mendoj unë, është sesi arritëm në një situatë të tillë?
Para dy vitesh unë paralajmërova se për shkak të rrëmujës së huave, për shkak të rregullave të shkujdesura, ne mund të kishim një problem potencial dhe u përpoqa për ndalimin e disa prej abuzimeve në hipoteka.
Vitin e kaluar, i shkrova sekretarit të Thesarit për t'u siguruar se ai e kuptonte shkallën e këtij problemi dhe për t'i bërë thirrje që të mblidhte gjithë aksionerët për t'u marrë me këtë problem.
Sigurisht që ne duhet ta zgjidhim këtë problem në një kohë shumë të shkurtër. Por ne gjithashtu duhet të shohim se si u bënë copë gjithë ato rregulla? Ne nuk kemi përcaktuar një rregullore të këndvështrimit të shekullit të 21-të për manovruar me këto probleme. Dhe kjo pjesë ka të bëjë me filozofinë ekonomike që thotë se rregullat janë gjithnjë të këqija.
LEHRER: Në rregull, le të flasim për daljen nga kjo situatë.
Dhe përgjigjja e parë është për ty senator Obama. Si president, si rezultat i planit financiar të shpëtimit dhe 700 miliardë dollarëve, çfarë do të sakrifikoni, për sa u përket prioriteteve që do të zgjidhni si president i SHBA-së?
OBAMA: Ka një sërë gjërash që ka mundësi të shtyhen. Ne nuk e dimë akoma se cilat do jenë të ardhurat e taksave. Ekonomia po ngadalësohet, ndaj është aq e vështirë të përcaktojmë që tani se cili do të jetë buxheti vitin e ardhshëm. Por nuk ka dyshim se ne do të bëjmë çdo gjë që është e nevojshme. Ne duhet të kemi pavarësinë energjetike, ndaj unë kam propozuar një plan për t'u siguruar që në dhjetë vite kohë, ne do ta kemi çliruar veten nga varësia e naftës së Lindjes së Mesme, duke rritur prodhimin në vend. Por kryesisht, duke filluar me investimin në energjinë alternative, diellore, si dhe atë të erës.
Ne duhet të rregullojmë dhe sistemin e kujdesit shëndetësor, i cili po peshon jashtëzakonisht shumë tek familjet tona.
Unë po takoj njerëz në gjithë botën dhe shumë prej tyre po falimentojnë si pasojë e kujdesit shëndetësor.
E treta që duhet të bëjmë është të investojmë në arsim. Ne duhet të investojmë në shkencë dhe teknologji.
Dhe një nga gjërat që duhet të bëjmë, është të bëjmë të mundur që universiteti të jetë i përballueshëm për çdo të ri në Amerikë. Unë gjithashtu mendoj se duhet të rindërtojmë infrastrukturën, rrugët dhe urat.
LEHRER: Cilat janë prioritetet që ju do përshtatni për shkak të krizës financiare senator McCain?
MCCAIN: Sido që të jetë puna, ne duhet të presim shpenzimet. Puna është se duhet të ekzaminojmë çdo agjenci të qeverisë. Ne u përpoqëm të ndërtojmë një anije të quajtur "Littoral Combat Ship" që supozohej të kushtonte 140 milionë dollarë, por që ka arritur në 400 milionë dollarë dhe s'ka përfunduar akoma. Ndaj ne duhet të kemi kontrata fikse. Ne duhet të kuptojmë se shpenzimet në fushën e mbrojtjes janë shumë të rëndësishme dhe jetike, veçanërisht me sfidat e reja, me të cilat po përballemi në botë, por ne duhet t'i kemi shpenzimet nën kontroll. Dhe unë di si ta bëj një gjë të tillë. Unë kam shpëtuar 6.8 miliardë të taksapaguesve, duke dalë kundër një kontrate që po negociohej ndërmjet "Boeing" dhe "DOD" që ishte krejtësisht gabim. Ne e rregulluam këtë dhe njerëzit përgjegjës përfunduan në burgun federal, ndaj unë e di këtë sepse e kam bërë prej shumë vitesh. Ndaj mendoj se duhet të kontrollojmë çdo agjenci të qeverisë dhe të shohim cilat po bëjnë punën e tyre dhe ato që s'po e bëjnë punën e tyre t'i eliminojmë.
LEHRER: Le të kalojmë në një temë tjetër. Shumë është folur për leksionet e Vietnamit. Si e shihni Irakun senator McCain?
MCCAIN: Unë mendoj se mësimi që na jep Iraku është shumë i thjesht dhe se nuk mund të kesh një strategji të dështuar, e cila do shkaktojë më pas humbjen e konfliktit. Suksesi jonë fillestar ushtarak ishte se shkuam në Bagdad dhe të gjithë festuan. Më pas, kur lufta vazhdoi u trajtua shumë keq. Unë shkova në Irak në vitin 2003, u ktheva dhe thashë se duhet ta ndryshojmë këtë strategji. Kjo strategji kërkon trupa shtesë, një ndryshim themelor. E së fundmi ne dolëm me një gjeneral të madh dhe një strategji që ka pasur sukses. Kjo strategji ka dalë me sukses. Dhe ne po fitojmë në Irak. Ne do kthehemi në shtëpi me fitore dhe nder. Gjithashtu, dua të them se do të kemi sukses dhe do të kthehemi në shtëpi, jo të mundur dhe të shohim një aleat të qëndrueshëm në rajon, si dhe një demokraci të re.
Pasojat e mundjes do të kishin rritur influencën iraniane. Do të kishte pasur rritje të dhunës fanatike. Do të kishte pasur një luftë më të gjerë që mund ta kishte detyruar Amerikën të kthehej sërish pas.
Falë këtij gjenerali të madh, David Petraus dhe trupave, të cilët luftojnë nën komandën e tij, ato ia kanë dalë mbanë me sukses. Ne po fitojmë në Irak dhe më pas do kthehemi në shtëpi.
LEHRER: Senator Obama.
OBAMA: Kjo është një fushë, ku senatori McCain dhe unë kemi ndryshime rrënjësore sepse unë mendoj se pyetja e parë është nëse ne duhet të kishim shkuar në luftë si fillim.
Para gjashtë vitesh unë u ngrita dhe kundërshtova luftën, në një kohë kur ishte politikisht e rrezikshme. Unë thashë se ne nuk e dinim se sa do të kushtonte, se cila do të ishte strategjia e daljes, se si do ta prekte imazhin tonë në botë dhe nëse inteligjenca jonë ishte në gjendjen e duhur, por gjithashtu sepse ne kishim një çështje të pambaruar në Afganistan. Ne s'e kishim kapur akoma Bin Laden. Ne s'i kishim dhënë fund Al Kaedës dhe si pasojë, unë mendova se do të ishte shpërqendruese lufta. Senatori McCain dhe presidenti Bush e gjykonin ndryshe. Unë uroja që të isha gabim për hir të vendit, por nuk ka rezultuar kështu. Ne kemi shpenzuar 600 miliardë dollarë deri tani. Ne kemi parë 30 mijë të plagosur dhe Al Kaeda është rigjallëruar, duke u bërë më e fortë që prej vitit 2001.
LEHRER: Jeni dakord me këtë, me mësimin që na dha Iraku?
Presidenti i ardhshëm i SHBA-së nuk duhet ta trajtojë çështjen në formë të tillë, nëse ne duhet të kishim shkuar apo jo në Irak. Presidenti i ardhshëm i SHBA-së duhet të vendosë tashmë se si duhet të largohemi, si duhet të largohemi dhe se çfarë po lëmë pas. Senator Obama tha se ndërhyrja nuk mund të funksionojë, tha se rrit dhunën fanatike dhe se ishte e paracaktuar që të dështonte. Por gjithsesi, ai akoma thotë se do ta kundërshtonte ndërhyrjen nëse do t'i duhej të vendoste sërish sot. Është e pabesueshme që në 900 ditë ai nuk ka shkuar në Irak dhe nuk ka kërkuar kurrë një takim me gjeneralin Pertraeus.
LEHRER: Le të diskutojmë disa prej këtyre gjërave...
MCCAIN: Senator Obama është kreu i një komiteti që mbikëqyr NATO-n që është në Afganistan. Deri më sot ai nuk ka pasur asnjë seancë dëgjimi.
LEHRER: Çfarë do thoni për këtë pikë?
OBAMA: Cilën pikë? Ai nxori disa pika.
LEHRER: E di. Le të flasim për çështjen më të fundit. Që ju s'keni qenë...
OBAMA: Unë jam shumë krenar për zgjedhjen time të zëvendëspresidentit Joe Biden, i cili është drejtues i Komitetit të Marrëdhënieve Ndërkombëtare në Senat, dhe siç e shpjegon ai dhe siç e di dhe John, çështjet e Afganistanit, çështjet e Irakut dhe çështje kritike si ato nuk kalojnë nëpërmjet nënkomitetit tim, sepse ato trajtohen nga komiteti në tërësi. Senatori McCAin ka të drejtë kur thotë se dhuna është reduktuar si pasojë e sakrificës të jashtëzakonshme të trupave tona dhe familjeve ushtarake. Ato kanë bërë një punë të mrekullueshme dhe gjeneral Petraeus ka bërë një punë brilante. Por kuptoni që kjo është një taktikë e hartuar për të frenuar dëmin e shkaktuar nga menaxhimi i keq i katër viteve të mëparshme. John-it i pëlqen të bëjë sikur lufta ka filluar në vitin 2007. Ti po flet për atë ndërhyrje. Lufta ka filluar në vitin 2003 dhe në atë kohë ju thatë se ajo do ishte e shpejtë dhe e lehtë. Ju thatë se ne e dinim se ku ishin armët e shkatërrimit në masë. Ju u gabuat.
LEHRER: Kam shumë për të thënë këtu...
MCCAIN: Kam frikë se senator Obama nuk e kupton ndryshimin mes një taktike dhe strategjie. Por e rëndësishmja, dua t'ju them se më 4 korrik dy vite më parë isha në Bagdad. Gjeneral Petraeus ftoi senatorin Lindsey Graham bashkë me mua të merrnim pjesë në ceremoninë kur 688 amerikanë të rinj, të cilëve u kishte mbaruar afati i qëndrimit, ishin regjistruar përsëri për të qëndruar e për të luftuar për lirinë irakiane dhe për lirinë amerikane.
Isha i nderuar të isha atje. Isha i nderuar t'u flisja trupave. Dhe më pas kaluam shumë kohë me ta. E dini se çfarë na thanë? Na lini të fitojmë. Na thanë na lini të fitojmë. Nuk duam që fëmijët tanë të vinë këtu. Dhe kjo strategji, dhe ky gjeneral, po fitojnë. Senator Obama refuzon të pranojë se ne po fitojmë në Irak.

OBAMA: Kjo s'është e vërtetë.
MCCAIN: Sapo miratuan një ligj...
OBAMA: S'është e vërtetë.
MCCAIN: ... një ligj zgjedhor në ditët e fundit. Ata kanë arritur progres social dhe ekonomik, dhe një strategji, një strategji për t'u futur në atë zonë për të kapur e spastruar. Njerëzit e vendit janë aleatë. Ata informojnë për të këqijtë. Dhe paqja vjen në atë vend, edhe prosperitet.
Kjo po ndodh në Irak dhe nuk ishte taktikë.
LEHRER: Më lini të kuptoj...
OBAMA: Jim, Jim, është shumë ...
MCCAIN: Ishte manovër. Dhe e njëjta strategji do të zbatohet në Afganistan nga ky gjeneral i madh. Dhe senator Obama, i cili pasi premtoi se nuk do të votonte për prerjen e fondeve për trupat, bëri gjënë e pabesueshme e votoi për prerjen e fondeve për trupat në Irak e Afganistan.
OBAMA: Jim, ka shumë pyetje të cilave duhet t'u përgjigjemi. Si fillim, të flasim për këtë çështjen e financimit të trupave, sepse John gjithmonë e përmend. Senator McCain preu, senator McCain kundërshtoi fondet për trupat në një legjislacion që kishte kalendar, sepse nuk besonte tek kalendari.
Unë kundërshtova të financoj një mision që nuk kishte kalendar, duke i dhënë një çek bosh Gorge Bush-it. Kishim ndryshim në kalendar. Nuk kishim ndryshim në faktin nëse duhet apo s'duhet t'i financonim trupat.
Kishim ndryshime të ligjshme, dhe unë absolutisht që e kuptoj ndryshimin mes taktikës dhe strategjisë. Dhe pyetja strategjike që presidenti duhet të pyesë këtu nuk është nëse duhet apo s'duhet të mbajmë një qëndrim të veçantë në vend në momentin që kemi marrë vendimin të jemi atje.
Pyetja është: "a ishte e zgjuar"? Kemi parë Afganistanin të përkeqësohet, të shkatërrohet. Kemi nevojë për më shumë trupa atje. Kemi nevojë për më shumë burime atje. Senatori McCain, gjatë nxitimit për të shkuar në Irak, e dini çfarë tha? Kemi qenë të suksesshëm në Afganistan. Atje s'ekziston asnjë rrezik për ne.
Në këtë kohë Bin Laden ishte ende jashtë, dhe tani ata e kanë ristrukturuar veten. Sekretari i Mbrojtjes, Robert Gates vetë e pranon se lufta kundër terrorizmit lindi në Afganistan dhe duhet të përfundojë atje.
Por s'mund ta bëjmë nëse nuk jemi të gatshëm t'i japim irakianëve vendin e tyre. Ajo që po them është se duhet t'i japim fund kësaj lufte në mënyrë të zgjuar. Duhet ta bëjmë në faza. Por në 16 muaj, duhet të kemi reduktuar trupat, të ndihmojmë familjet e ushtarakëve dhe trupat tona, të përkrahim përpjekjet në Afganistan, në mënyrë që të kapim Bin Laden-in dhe të shtypim Al Kaedën.
Në këto momente, komandantët në Afganistan, si dhe admirali Mullen, kanë pranuar se nuk kemi mjaft trupa të nevojshëm në Afganistan, pasi kemi ende shumë trupa në Irak.
MCCAIN: Admirali Mullen sugjeron se plani i senatorit Obama është i rrezikshëm për Amerikën.
OBAMA: Nuk është ky rasti.
MCCAIN: Po këtë tha...
OBAMA: Ajo që tha ishte e nxituar...
MCCAIN: Admirali Mullen nuk e tha këtë.
OBAMA: ...tërheqja do të ishte e rrezikshme. Ai nuk e tha këtë. Nuk është e vërtetë.
MCCAIN: Edhe gjenerali Petraeus tha të njëjtën gjë. Osama bin Laden dhe gjenerali Petraeus kanë diçka të përbashkët me sa di unë. Të dy thanë se Iraku është fusha qendrore e betejës.
Gjenerali Petraeus ka lavdëruar sukseset, por ai tha se ato suksese janë delikate dhe nëse vëmë një datë specifike për tërheqjen, dhe meqë ra fjala, plani origjinal i senatorit Obama, ata duhet të kishin dalë pranverën e kaluar, para se rrethimi të shihte sukseset e veta.
Unë e di që kjo është një strategji që ka funksionuar dhe mund të ketë sukses. Por nëse marrim humbjen nga nofullat e fitores dhe zbatojmë planin e senatorit Obama, atëherë do të kemi një luftë më të gjerë dhe gjërat do të përkeqësoheshin në tërë krahinën, përfshirë dhe Afganistanin. (Qeshin).
Kjo është për ty, senator Obama, dhe prek një pikë që e kemi kaluar. A mendoni se në Afganistan duhet të dërgohen më shumë trupa, më shumë trupa amerikane, sa dhe kur?
OBAMA: Po, na duhen më shumë trupa. Këtë kam më shumë se një vit që po e them. Dhe duhet ta bëjmë sa më shpejt të jetë e mundur, sepse dihet nga komandantët në terren se situata po përkeqësohet, nuk po përmirësohet.
Vitin e kaluar viktimat mes trupave amerikane ishim më të lartat që nga vitit 2002. Jemi dëshmitarë të një ofensive masive, Al Kaeda dhe talebanët kalojnë kufirit dhe sulmojnë trupat tanë në mënyrë të pacipë. Ata ndihen të mbushur me guxim.
Nuk mund ta ndalim Afganistanin nga Irakun, pasi ajo që komandantët kanë thënë është se nuk kemi trupat e duhura për t'u marrë me Afganistanin.
Prandaj unë do të dërgoja tri brigada të tjera në Afganistan. Mos harroni se kemi katër herë më shumë trupa në Irak, aty ku askush s'kishte të bënte me 11 shtatorin para se të shkonim, aty ku nuk kishte Al Kaeda para se të shkonim, por kemi katër herë më shumë trupa se sa kemi në Afganistan.
Dhe ky është gabim strategjik, sepse çdo agjenci zbulimi do ta pranonte se Al Kaeda është rreziku më i madh kundër Shteteve të Bashkuara dhe Sekretari i Mbrojtjes, Gates, pranoi se fronti qendror, vendi ku duhet të merremi me këta njerëz, është Afganistani dhe Pakistani.
Prandaj ja se çfarë duhet të bëjmë në tërësi. Nuk bëhet fjalë për më shumë trupa. Duhet të nxisim qeverinë në Afganistan të kuptojë se ata po punojnë për popullin e tyre. Dhe këtë ia kam thënë presidentit Karzai.
Numër dy, duhet të merremi me tregtinë në rritje të opiumit që ka shpërthyer gjatë viteve të fundit.
Numër tre, duhet të merremi me Pakistanin, sepse Al Kaeda dhe talebanët kanë strehë në Pakistan, përgjatë kufirit në krahinat veriperëndimore, dhe edhe pse me miratimin e George Bush-it dhe me mbështetjen e senatorit McCain, i kemi dhënë mbi 10 miliardë dollarë gjatë shtatë viteve të fundit, por s'kanë bërë atë që duhet të bënin për të hequr qafe këto pika strehimi.
Derisa ta bëjmë, amerikanët në shtëpi nuk do të jenë të sigurt.
LEHRER: Afganistani, senator McCain?
MCCAIN: Si fillim, nuk do të përsëris gabimet për të cilat jam penduar shumë. Pasi mundëm të ndihmojmë luftëtarët e lirisë në Afganistan dhe nxorëm rusët jashtë Afganistanit, në thelb lamë duart me atë krahinë.
Dhe rezultati gjatë kësaj kohe ishte talibani, Al Kaeda dhe shumë vështirësi me të cilat po përballemi sot. Prandaj nuk do t'i shpërfillim këto mësime të historisë.
Në lidhje me këtë çështje, për ndihmën ndaj Pakistanit, nëse do të merrni në shënjestër dikë, George Shultz, sekretari i madh i shtetit më tha një herë, më mirë përgatitu të tërheqësh këmbëzën.
Nuk jam i përgatitur në këtë kohë të pres ndihmat ndaj Pakistanit. Prandaj nuk jam i përgatitur ta kërcënoj, ashtu si senatori Obama kërkon të bëjë, pasi ka thënë se do të shpallë greva ushtarake në Pakistan.
Duhet të kemi mbështetjen e njerëzve të Pakistanit. Ai tha se do të nisë greva ushtarake në Pakistan.
Kjo nuk bëhet. Kjo nuk thuhet me zë të lartë. Nëse duhet të bëni diçka, duhet ta bëni; dhe duhet të punoni me qeverinë pakistaneze. Presidenti i Pakistanit, Kardari, i ka duart plot. Kjo zonë në kufi nuk është qeverisur që në ditët e Aleksandrit të Madh.
Unë kam qenë në Waziristan. E kam parë sa i fortë është terreni. Qeveriset nga një grusht fisesh.
Senatori Obama bën thirrje për më shumë trupa, por ajo që s'kupton është se duhet të jetë një strategji e re, e njëjta strategji që dënoi në Irak. Ajo duhet të zbatohet në Afganistan.
Duhet të ndihmojmë pakistanezët në këto zona dhe të fitojmë besnikërinë e njerëzve. Kjo do të jetë e vështirë. Ata kanë bërë krushqi me Al Kaedën dhe talebanët. Do të jetë e vështirë. Por duhet patjetër të kemi bashkëpunimit e njerëzve në ato zona.
Pakistanezët duhet të kuptojnë se bombardimi i hotelit "Marriott" në Islambad ishte një sinjal nga terroristët se nuk duan që qeveria të bashkëpunojë me ne në luftën kundër talebanëve dhe elementëve të xhihadit.
Prandaj kemi shumë punë për të bërë në Afganistan. Por kam besim, tani që gjeneral Petraeus është në pozicionin e ri në komandë, se do të zbatojmë një strategji që jo vetëm do të sjellë trupa të reja, dhe meqë ra fjala, kemi patur 20 mijë trupa të reja shtesë, nga 32 mijë në 53 mijë, dhe duhet të kemi më shumë.
Nuk janë vetëm trupat shtesë ato që kanë rëndësi. Është një strategji që do të ketë sukses. Dhe Pakistani është një element i rëndësishëm këtu. Dhe unë e di si të punoj. Ju garantoj se nuk do të pohoj publikisht se do t'i sulmoj.
OBAMA: Askush nuk tha se do të sulmojë Pakistanin. Ja se çfarë thashë unë.
Dhe nëse John nuk bie dakord me këtë, mund të ma bëjë të ditur se nëse Shtetet e Bashkuara kanë Al Kaedën, Bin Ladenin dhe lejtnantët më të lartë në fushëpamje, dhe Pakistani nuk ka mundësi apo nuk dëshiron të veprojë, atëherë ne duhet t'i nxjerrim.
Kjo mendoj se është strategjia e duhur; kjo mendoj se është politika e duhur.
Dhe, John, ke plotësisht të drejtë kur thua se presidentët duhet të jenë të matur në atë që thonë. Por kur e dëgjoj nga ty, i cili në të kaluarën ka kërcënuar me shfarosje Korenë e Veriut dhe ka kënduar këngë për bombardimin e Iranit, nuk e di sa e besueshme është kjo. Unë mendoj se kjo është strategjia e duhur.
Senatori McCain ka të drejtë kur thotë se është e vështirë. Nuk është një situatë e lehtë. Kemi një zgjedhje. Mund të lejojmë që trupat tona që vetëm të mbrohen dhe të mos bëjnë asgjë nëse Pakistani nuk dëshiron të bashkëpunojë, ose duhet të fillojmë të marrim vendime.
Dhe problemi, John, me strategjinë që është ndjekur për 10 vite, kur mbajtëm me pekule Musharraf-in, është se armiqësuam popullin pakistanez, sepse ishim anti-demokratikë. Kishim një mentalitet që thoshte: "E dini, edhe mund të jetë diktator, por është diktatori ynë".
Dhe si pasojë, humbëm ligjshmërinë në Pakistan. Shpenzuam 10 miliardë dollarë. Dhe ndërkohë, nuk po ndiqnim Al Kaedën, dhe tani ata janë edhe më të fuqishëm nga sa ishin kur nisëm luftën në Afganistan.
Kjo do të ndryshojë kur të jem president i Shteteve të Bashkuara.
MCCAIN: Nuk e besoj se senatori Obama e kupton se Pakistani ishte shtet i dobët kur Musharraf erdhi në pushtet. Të gjithë e dinim mirë se ishte shtet i dështuar.

Por më lejo të të tregoj, në lidhje me çështjen e bombardimit të Iranit dhe gjithë këtë, më lejo të të tregoj historinë time. Në vitin 1983, kur isha kongresmen i porsazgjedhur i SHBA-së, ai, personi që admiroja më shumë dhe ende admiroj, Ronald Reagan, donte të dërgonte marinën në Liban.
Dhe unë pashë situatën dhe mbajta qëndrim, votova kundër, sepse kisha frikë se nuk mund të bëhej paqe në një vend kur 300 apo 400 apo disa qindra marinsa. Tragjikisht kisha të drejtë: Gati 300 marinsa humbën jetën në bombardimin e kazermave.
Dhe më vonë ishte Somalia, më pas luftën e parë të Gjirit. Unë e mbështeta.
Mbështeta edhe Bosnjën, kur një numër i kolegëve dhe anëtarëve të partisë sime ishte kundër operacionit në Bosnje. Ishte gjëja e duhur për t'u bërë, për të ndalur gjenocidin dhe për të ruajtur atë që ishte e nevojshme brenda Evropës.
Mbështeta atë që bëmë në Kosovë. E mbështeta sepse po ndodhte spastrim etnik dhe gjenocid.
Dhe kam të dhëna, dhe Somalia, kundërshtova që të kthejmë forcën në Somali nga një forcë paqeruajtëse në një forcë paqeruajtëse, për të cilën ata nuk ishin të aftë.
Prandaj kam të dhëna. Kamë të dhëna se jam përfshirë në këto çështje të sigurisë kombëtare, të cilat kanë të bëjmë me përgjegjësinë më të madhe dhe vendimet më të vështira që çdo president mund të marrë.
Në mbledhjen e bashkisë në Wolfboor, New Hampshire, një grua u ngrit dhe më tha: "Senator McCain, duhet të më bësh nderin që të mbash një byzylyk me emrin e djalit tim të shkruar mbi të".
Ai ishte 22 vjeç dhe u vra në një përleshje jashtë Bagdadit, Metthew Stanley, para Krishtlindjes vitin e kaluar. Kjo ndodhi gushtin e kaluar, një vit më parë. Dhe unë i thashë: "Do ta bëj, do ta mbaj byzylykun me nder".
Kjo ndodhi në gusht, një vit më parë. Dhe atëherë ajo më tha: "Senator McCain, dua që të bësh gjithçka, më premtoni diçka, se do të bëni gjithçka që keni mundësi të siguroheni se vdekja e djalit tim nuk ndodhi më kot".
Kjo do të thotë se misionet kanë sukses, ashtu si ata të rinj që janë regjistruar përsëri në Bagdad, ashtu si nëna që takova në aeroport disa ditë më parë, të cilës djali i ishte vrarë. Dhe të gjithë më thonë se nuk duan mposhtje.
Një luftë në të cilën mora pjesë, kur kishim Ushtrinë, pësoi disfatë, jo për fat të tyre. Dhe unë e di sa e vështirë është për ushtrinë që ta marri veten pas disfatës. Dhe e morën veten dhe ne do ta fitojmë këtë dhe nuk do të kthehemi me mposhtje dhe çnderim. Me siguri do të rikthehemi në luftë nëse dështojmë.
OBAMA: Edhe unë kam një byzylyk nga nëna e rreshterit Ryan David Jopeck. Ajo më kërkoi të sigurohem që një nënë tjetër të kalojë atë që po kalon ajo. Asnjë ushtar nuk vdes më kot, sepse po zbatojnë misionin e kryekomandantit. Dhe ne e nderojmë gjithë shërbimin që kanë kryer. Trupat tona kanë qenë të shkëlqyer. Çështja mbetet në dorë të presidentit të ardhshëm; a do të kemi gjykime të sakta për mënyrën si ta mbajmë Amerikën të sigurt, sepse dërgimi i ushtarëve në betejë është një hap i madh.
Kjo është diçka që duhet ta mendojmë me seriozitet. Dhe kur të bëhem president, këtë do bëj.
MCCAIN:
Kam qenë i përfshirë, siç jua thashë më parë, në çdo sfidë të madhe të sigurisë kombëtare me të cilën jemi hasur gjatë 20 viteve të fundit. Kam shumë përvojë, njohuri dhe avantazhe në gjykim.
Dhe sinqerisht që nuk besoj se senatori Obama ka njohurinë apo eksperiencën dhe ka bërë shumë gjykime të gabuara në një numër zonash, përfshirë edhe reagimin fillestar të pushtimit rus, agresionit në Gjeorgji. E kemi parë këtë kokëfortësi më parë në këtë administratë për t'iu vënë pas besimit se pushtimi nuk ka patur sukses. Kjo gjë më tregon se kemi nevojë për më shumë fleksibilitet tek një president i Shteteve të Bashkuara.
Sa për punën e veteranëve. Unë i njoh ata mirë. E di se ata e dinë që do kujdesem për ta. Kam qenë krenarë për mbështetjen e tyre. Unë i dua dhe do të kujdesem për ta. Ata e dinë se do të tregoj kujdes për ta. Kjo do të jetë puna ime.
Por në të njëjtën kohë, kam aftësinë dhe njohurinë dhe bagazhin për të bërë gjykimet e duhura, për ta mbajtur këtë vend të sigurt e të qetë.
Reforma, prosperiteti dhe paqja janë sfida të mëdha për Shtetet e Bashkuara. Nuk e besoj se kam nevojë për trajnim. Jam gati ta bëj tani.
OBAMA: Më lejo të them diçka për mbyllje. E di, babai im erdhi nga Kenya. Prej andej e mora emrin. Në vitet '60, ai shkroi letër pas letre për të ardhur në kolegj këtu në SHBA, sepse nocioni ishte se nuk ka vend tjetër në Tokë ku do t'ia dilje nëse përpiqeshe. Idealet dhe vlerat e Shteteve të Bashkuara frymëzuan të gjithë botën.
Nuk e besoj se çdonjëri prej nesh mund të thotë se qëndrimi ynë në botë tani, mënyra se si fëmijët në të gjithë botën i shohin Shtetet e Bashkuar, është i njëjti.
Dhe pjesë e asaj që duhet të bëjmë, ajo që presidenti i ardhshëm duhet të bëjë, dhe kjo është pjesë e gjykimit, kjo është pjesë e mënyrë si do ta mbajmë Amerikën të sigurt, është t'i dërgojmë një mesazh botës se do të investojmë në çështje si arsimimi, në çështje që kanë të bëjnë me mënyrën si njerëzit e zakonshëm do t'i realizojnë ëndrrat.
Dhe kjo është diçka që do ta bëj me zell si president i SHBA-së.
LEHRER: Edhe pas sekonda. Për pak mbaruam.
MCCAIN: Jim, kur erdha në shtëpi pa burgut, pashë veteranët tanë që trajtoheshin keq dhe kjo më trishtoi. Atëherë fillova punën me normalizimin e marrëdhënieve mes dy vendeve, në mënyrë që të gjithë veteranët tanë të ktheheshin në shtëpi.
Ju garantoj, si president i Shteteve të Bashkuara, se di si t'i shëroj plagët e luftës, di si të merrem me kundërshtarët dhe di si të merrem me miqtë tani.
LEHRER: Dhe me kaq mbyllet debati për sonte. Më 2 tetor, të enjten e ardhshme, në orën 9 të pasdites, dy kandidatët për president do të debatojnë në universitetin "Washington" në St. Louis. Kolegu im, Gwen Ifill, do të jetë moderatori.
Nga Oxford, Misisipi, ju faleminderit senatorë, që të dyve. Unë jam Jim Lehrer. Faleminderit dhe natën e mirë.



John McCain

Datëlindja: 29 gusht 1936 (Kanali i Panamasë)
Vendi ku u rrit: Aleksandri, Virxhinia
Bashkëshortja: Cindy Hensley McCain
Fëmijët: Sydney McCain, Doug Shepp, Andy Shepp, Meghan McCain, John Sidney McCain IV, James McCain, Bridget McCain

Karriera
•Anëtar i Komitetit "American Dream Political Action"
•Anëtar i Këshillit për Marrëdhëniet me Jashtë
•Anëtar nderi i bordit të fondacionit "Hispanic Youth"
•Anëtar nderi i bordit "The Leonard Cheshire Foundation"
•Anëtar nderi i bordit "National Hispanic Foundation for the Arts Advisory Council"
•Zv/kryetar i "New Majority Council"
•Anëtar i bordit të administratorëve të "Gallaudet University"
•Anëtar i bordit "Veterans of Foreign Wars"
•Senator nga viti 1987 e deri tani.
•Anëtar i Komitetit të Tregtisë, Shkencave dhe Transportit

Libra
•"Karakteri është fati: Histori frymëzuese që çdo i ri duhet t'i dijë dhe çdo i rritur duhet t'i mbajë mend", nga John McCain.
•"Pse kurajo ka rëndësi: Mënyra për një jetë më të guximshme", nga John McCain.

Barack Obama

Datëlindja:4 gusht 1961 (Honolulu, Havai)
Vendet ku ka jetuar fëmijë: Xhakarta, Indonezi; Honolulu, Havai
Bashkëshortja: Michelle Robinson Obama
Fëmijët: Malia Ann Obama, Sasha Obama

Shkollimi:
•"Harvard Law School, J.D." 1991
•"Occidential College/Columbia University, B.A."
•"Punahou School"

Karriera:
•Senator i Illinoisit nga janari 2005. Anëtar i Komitetit të Shëndetit, Arsimit, Punës dhe Pensioneve. Anëtar i Komitetit të Çështjeve Ndërkombëtare.
•Pasi studioi për drejtësi, Obama u kthye në Çikago për të praktikuar avokatinë e të drejtave civile, duke filluar punë në firmën "Miner", "Barnhill & Galland".
•Ai ka ndihmuar për organizimin e regjistrimit të votuesve gjatë fushatës së Bill Clinton në vitin 1992.
•Gjatë këtyre viteve, Obama ka punuar me demokratët dhe republikanët në hartimin e legjislacionit mbi etikën, shërbimet e zgjeruara shëndetësore dhe programet arsimore të fëmijëve të varfër.


T.O

[HoLd*Em]

ohhh say it aint so Joe !!!!lmao

[GeNi_25]

Edhe pse jam me çiftin e pare! lajmet nga amerika vijne per te dytin!

Thone se çifutet, greket, armenet etj me Sorosin ne krye po luajne me krizen financiare ne interes te Obames!

Sipas sondazheve Obama kryeson jo vetem ne vote popullore por dhe ne vote zgjedhore!
Mbase racistet akoma nuk jane shprehur !


ps: Nuk jam racist por per interesa kombetare jam pro McCain-it!

[bili99]

Debati i dyte ishte i dobet fare, asnjeri nga kandidatet thuajse s'tha gje te re.
Nuk doli asnjeri me i forte pas debatit te dyte, retorike plot si ne te kaluaren, pallavra dhe jo ndjeshmeri per situaten katastrofale qe ballafaqon njeriu i rendomte amerikan........mjer ne qe duhet te zgjedhim njerin nga keta te dy...

[HoLd*Em]

Nuk e kuptoj se cpo ndodh me McCain. Papritmas e ka zene virusi i Palin dhe ka humbur aftesite e tija si debatues. Ka aq shume municione kunder Obames sa sdi nga tja filloj ndoshta...

[TikTak]

qi duhet ta murrin demokratet duhet po vallaj ai b*thziu nuk durohet ta kesh per president.

nuk bohen njerez ata. kudo qi shkojn ja ulin vlerat e zones se jon te piset ene demela
ata bojn vetem me racen e tyne.

[Ilira2]

Obama i pjekur dhe me i afte? Te besh kete koment do te thote te mos kesh idene sesi funksionon propaganda, premtimet dhe how to... ne Amerike. Obama deri tani ka bere premtime te cilat po ti shikosh ne thelb jane te pamundura per tu realizuar ne kushtet e ekonomise qe ndodhet Amerika. USA nuk eshte gati per nje president me ngjyre. Harroje fitoren e Obames. Plus jam dakort me Lioness. Marrja nga McCain e guvernatores se Alaskes si VP ka qene levizja me e mencur qe ka bere ai gjate gjithe kesaj fushate. Jo vetem amortizoi pranine e Hillaryt po hodhi dhe bazat per te marre votat femerore ne kete fushate. Guvernatorja e Alaskes ndonese pa shume eksperience ne jeten politike, eshte nje kandidat fantastik per mentalitetin e nje shtrese relativisht te madhe amerikane. Qe mbas disa oresh nga propozimi i emrit te saj vemendja e medias dhe e debatit u shkeput nga fjalimi patetik 'madheshtor' i Obames dhe u perqendrua tek figura e re qe hyri ne skene. Mjafton kjo per te treguar gadishmerine amerikane ne favor te McCain.

Just my two cents ...

Wow! Darius, kujtoja se kisha lexuar gjithshka nga ty. Temat e tua ne forumet e historise jane fantastike.
Besoj se duke pare se si kane rrjedhur ngjarjet kete muaj do jesh bindur per te kunderten per sa i perket fitores se Obames. Po keshtu besoj se ke pare dhe "aftesite" dhe "sharmin" e zonjes Palin dhe ke kuptuar sa i pa-mencur dhe i papergjegjshem qe McCain qe e zgjodhi.

Per te gjithe ata qe mendojne se Obama nuk eshte ne anen e shqiptareve- per mendimin time jeni shume gabim. Edhe sikur Obama te kishte lekundjen me te vogel per kete, ai ka me vete Biden, nje nga mbrojtesit kryesore te pavaresise se Kosoves. Kosova eshte e sigurte dhe pavarsia e saj eshte e pakthyeshme. Obama vete e ka deklaruar kete disa here.

"just my two cents"

[GeNi_25]

Per te gjithe ata qe mendojne se Obama nuk eshte ne anen e shqiptareve- per mendimin time jeni shume gabim.

1. Nuk arrije te kuptoj po perkrahjen e zjarrte qe Obama ka patur dhe vazhdon ta kete nga Guvenatori me origjine Serbe i Ilinoisit?

Edhe sikur Obama te kishte lekundjen me te vogel per kete, ai ka me vete Biden, nje nga mbrojtesit kryesore te pavaresise se Kosoves.

2. A mendon se eshte e njejta gje te kesh perkrahjen e Presidentit apo te zv/presidentit?

Kosova eshte e sigurte dhe pavarsia e saj eshte e pakthyeshme. Obama vete e ka deklaruar kete disa here.

Qe pavaresia e kosove eshte e sigurte kjo tashme dihet edhe sikur president i USA te behet nje filoserb, sepse tashme shtetet perendimore e kane njohur Kosoven dhe kane per ta mbrojtur pavaresine e saj sepse nuk eshte aq e thjeshte qe Sarkozi, Merkel etj te ndryshojne faqen meqe dhe USA ndryshoi faqe.

[GeNi_25]

Obama i pjekur dhe me i afte? Te besh kete koment do te thote te mos kesh idene sesi funksionon propaganda, premtimet dhe how to... ne Amerike.

Nuk mund te them se cili eshte i afte apo cili nuk eshte i afte. Pse? Sepse nje njeri qe e shikon nga tv, apo duke e lexuar neper gazeta qofte dhe nga intervistat qe ai jep, nuk mund te thuash ky eshte i afte dhe ky "budalla".

Nje kriter (qe eshte kusht i nevojshem por jo i mjaftueshem) eshte arsimimi. Dhe nuk mund te thuhet qe Obama ka mbaruar ne Universitetin Bujqesor te Tiranes. Ai ka mbaruar atje ku eshte enderra e çdo studenti, Harvard.

Obama deri tani ka bere premtime te cilat po ti shikosh ne thelb jane te pamundura per tu realizuar ne kushtet e ekonomise qe ndodhet Amerika.

Obama, dikush e ka krahasuar me Kenedin per politiken ndryshe qe pretendon te paraqes. Padyshim qe po te besh krahasimet me fushaten zgjedhore te Kenedit, Obama qendron me siper, edhe pse ketu mund te kete ndikuar dhe kriza ekonomike. Nuk i dihet se si do te qeverisi nqs behet president por deri ketu eshte ne rregull.

USA nuk eshte gati per nje president me ngjyre. Harroje fitoren e Obames.

Mendoj se USA eshte nje nder vendet me demokratike ne bote edhe pse nuk kam qene dakort me shprehjen 200 vjete demokraci (dihet pse u zhvillua lufta civile amerikane). Nqs Obama do te zgjidhet president, kjo ngjarje do te shenoj nje revolucion te vogel boteror sepse u jep zemer te gjithe njerezve me ngjyre kudo ne bote. Dhe ai emigranti i vogel zezak ne Paris, Londer etj do ta kete rrugen me te lehte per te perparuar ne keto vende sepse dhe paragjykimet do te bien per kete shtrese qe diskriminohet jo vetem ne kete planet por dhe ne Shqiperi.
Nuk duhen harruar dhe sondazhet, Obama kryeson si ne vote popullore ashtu dhe ne vote zgjedhore.

Marrja nga McCain e guvernatores se Alaskes si VP ka qene levizja me e mencur qe ka bere ai gjate gjithe kesaj fushate. Jo vetem amortizoi pranine e Hillaryt po hodhi dhe bazat per te marre votat femerore ne kete fushate. Guvernatorja e Alaskes ndonese pa shume eksperience ne jeten politike, eshte nje kandidat fantastik per mentalitetin e nje shtrese relativisht te madhe amerikane.

Padyshim nje "triblim" i paster por me vendimin e parlamentareve te Alaskes per akuzat e korrupsionit ndaj Palin kjo mund te jete dhe nje levizje jo dhe aq e zgjuar. Nje kandidate per zv.pres. mund te ishte dhe ndonje grua tjeter e paster per nga akuzat.

Qe mbas disa oresh nga propozimi i emrit te saj vemendja e medias dhe e debatit u shkeput nga fjalimi patetik 'madheshtor' i Obames dhe u perqendrua tek figura e re qe hyri ne skene. Mjafton kjo per te treguar gadishmerine amerikane ne favor te McCain.
Just my two cents ...

Nje mendim i kopjuar nga disa media te cilat çdo gje te re e ngrene ne piedestal.



Ne postimet e mia kam shprehur hapur mbeshtetjen per McCain jo se eshte me i afte, me i zgjuar por sepse ka pranuar hapur (dhe kjo jo ne gazetat shqiptare qe qarkullojne ne USA) dhe ne çdo konferenc kombetare dhe nderkombetare mbeshtetjen per Pavaresine e Kosoves dhe per Antaresimin e Shqiperise ne NATO.
Nqs do te isha me origjine jo Shqiptare padyshim qe vota ime do te ishte per Obamen, por.... ja qe jam Shqiptar absolutisht qe jam krenar per kete.

[Ilira2]

GeNi_25.

1. Nuk arrije te kuptoj po perkrahjen e zjarrte qe Obama ka patur dhe vazhdon ta kete nga Guvenatori me origjine Serbe i Ilinoisit?

Dhe cili eshte efekti i kesaj perkrahje ne lidhje me pavaresine e Kosoves? Ka mundesi te citosh nje reference ku thuhet se ky guvernator ka ndikuar ne qendrimin e Obames ndaj Kosoves? E vetmja gje qe kam degjuar une, jane deklaratat e Obames qe pavaresia e Kosoves eshte FINALE dhe e PAKTHYESHME.


2. A mendon se eshte e njejta gje te kesh perkrahjen e Presidentit apo te zv/presidentit?

Kane kaluar koherat kur z-presidenti nuk kishte shume fuqi (mjafton te shohesh Cheney-in).

Obama eshte shume i zgjuar dhe per me teper nje nga karakteristikat kryesore te tij eshte se e rrethon veten me njerez akoma me te afte se vetja dhe i degjon keshillat e tyre. Biden ishte zgjedhja e tij perfekte dhe e pare ne prizmin e ngushte tonin, duhet te mjaftoje qe te na qetesoje ne shqiptareve. Biden dhe McCain jane miq te ngushte dhe ishin bashkeautoret e rezolutes per Kosoven. Biden ishte ai qe i tha ne sy Milloshevicit se ai ishte nje kriminel lufte. Biden nuk ja perton shume te thote mendimin e tij dhe Obama e di mire kete gje. Prandaj dhe e ka zgjedhur.

Qe pavaresia e kosove eshte e sigurte kjo tashme dihet edhe sikur president i USA te behet nje filoserb, sepse tashme shtetet perendimore e kane njohur Kosoven dhe kane per ta mbrojtur pavaresine e saj sepse nuk eshte aq e thjeshte qe Sarkozi, Merkel etj te ndryshojne faqen meqe dhe USA ndryshoi faqe.

Amerika ka qene mbeshtetesja numer 1 e ceshtjes shqptare. Evropa na ka kthyer krahet gjithmone dhe, te pakten ne dy raste kyce kur ekzistenca jone vihej ne pikepyetje, ka bere ate qe duhej vetem per hir te Amerikes. Prandaj supozimi i cuditshme qe ke bere ne fjaline e fundit eshte, per mendimin tim, krejt i pavend.

Dhe dy fjale sa per mbyllje.

Obama ka me vete konsulentet me te mire te botes ne abolutisht te gjitha fushat. Skuadrat e keshilltareve te presidentit Clinton punojne per Obamen; strateget e fushates se Hillary Clinton po punojne per te (per te mos permendur perkrahjen e vete dy Clinton-ve); Warren Buffet eshte nje nga keshilltaret kryesore ekonomike te tij. Dhe s'po e zgjas me Biden sepse kam folur me lart. Keto jane vetem pak nga arsyet qe me bejne te kem me shume siguri te Obama.

Vota e secilit eshte personale. Po te thuash se perkrah McCain sepse jam krenar qe jam shqiptar, une mendoj se eshte papjekuri dhe injorim i problemeve madhore. Ne s'jemi vetem shqiptare por dhe qytetare te botes. Meqe jam bindur se ceshtja jone kombetare eshte e paprekshme pavaresishte se kush eshte president, une per vete, kam vendosur te jap kontributin me modest qe mundem ne te miren e perbashket: Voten per Obamen.