Situata e konfliktit Rusi - Gjeorgji

[Flori]

[Flori]

[fisniku-student]

Pis Shtet eshte Ky Rusi...

Nese nuk nderhyn,dikush qe ti ndaloj keto dy shtete,do shofim nje Luftë te Vertet Moderne,siq parashifet...

Pres Asistenc Sekrete Amerikane ndaj Gjeorgjis,Sikur ne Afganistan...

[RaPSouL]

Intensifikohen luftimet në Osetinë Jugore

Rusia po dërgon trupa shtesë në rajonin e shkëputur gjeorgjian të Osetisë Jugore. Vendimi pason një natë tjetër luftimesh mes forcave ruse dhe atyre gjeorgjiane.

Presidenti, Dimitri Medvedev, tha se trupat ekzistuese ruse në rajon po kryenin operacione paqequajtëse, duke mbrojtur civilët.

Më herët, zyrtarët gjeorgjianë thanë se aeroplanët luftarakë rusë kishin bombarduar qytetin Poti në Detin e Zi. Një pjesë e luftimeve janë zhvilluar përreth kryeqytetit të Osetisë Jugore, Tskhinvali që, sipas autoriteteve gjeorgjiane, kontrollohet nga trupat e tyre.

Të premten, Rusia dërgoi qindra trupa të mbështetura me tanke dhe artileri në Osetinë Jugore pas nisjes së një ofensive të papritur të Gjeorgjisë kundër separatistëve.

Presidenti i Gjeorgjisë, Saakashvili thotë se tridhjetë gjeorgjianë janë vrarë gjatë luftimeve dyditore, ndërsa Moska thotë se numri i viktimave është pesëmbëdhjetë. Autoritetet gjeorgjiane njoftojnë për evakuimin e disa ndërtesave qeveritare në kryeqytetin e vendit, Tbilisi.

Reagime ndërkombëtare

Përshkallëzimi i krizës mes Rusisë e Gjeorgjisë ka shkaktuar një mori reagimesh diplomatike anekënd botës.

Shtetet e Bashkuara kanë bërë thirrje për një armëpushim të menjëhershëm, i kanë kërkuar Rusisë të respektojë integritetin territorial të Gjeorgjisë dhe të tërheqë trupat tokësore nga territori gjeorgjian.

Emisarë nga SHBA-të, BE-ja dhe OSBE-ja pritet të ndërmjetësojnë për një armëpushim.

Ministri i Jashtëm i Francës, Bernard Kouchner, vendi i të cilit ka presidencën e radhës të BE-së, tha se gjendja ishte e rëndë dhe se kërkoheshin masa të shpejta.

Këshilli i Sigurimit i OKB-së u mblodh përsëri në një séancë emergjente për të diskutuar krizën, por nuk mori asnjë vendim.



/bbc/

[RaPSouL]

Shtetet e Bashkuara mbështesin Gjeorgjinë

Sekretarja amerikane e Shtetit Kondoleza Rajs dhe zyrtarë të tjerë të lartë vazhduan punimet me të gjitha palët për t’u dhënë fund veprimeve luftarake.

Shtetet e Bashkuara të Amerikës përsëritën mbështetjen për integritetin territorial të Gjeorgjisë dhe bënë thirrje për armëpushim të menjëhershëm në territorin separatist gjeorgjian të Osetisë së Jugut, ku Tbilisi u përpoq të vendoste kontrollin e tij dhe ku Rusia dërgoi forcat e saj. Zëdhënësi i Departamentit amerikan të Shtetit, Gonzalo Gallegos deklaroi gjithashtu se SHBA-ja do të dërgojë të ngarkuarin e saj në rajon “për të bieduar me palët e përfshira në konflikt”.
Sekretarja amerikane e Shtetit Kondoleza Rajs dhe zyrtarë të tjerë të lartë vazhduan punimet me të gjitha palët për t’u dhënë fund veprimeve luftarake. Amerika gjithashtu diskuton edhe me aleatët europianë, lidhur me rrugët e ndalimit të konfliktit.
Kandidati demokrat për president, Barak Obama u kërkoi Rusisë dhe Gjeorgjisë të tregojnë vetëpërmbajtje në konfliktin lidhur me rajonin e shkëputur të Osetisë së Jugut. Obama dënoi fuqishëm shpërthimin e dhunës, duke bërë thirrje për fund të konfliktit të armatosur. Ai njëkohësisht bëri thirrje për bisedime të drejtpërdrejta mes palëve të përfshira dhe theksoi se Shtetet e Bashkuara të Amerikës, Këshilli i Sigurimit i OKB-së dhe palët e tjera duhet të përpiqen të ndihmojnë në gjetjen e një zgjidhjeje paqësore.
Edhe kandidati republikan për president të SHBA-së, Xhon Mekein ka i ka bërë thirrje Rusisë të tërheqë menjëherë trupat e saj ushtarake nga Gjeorgjia, në një deklaratë të dhënë nga një aeroport në Des Moines të Iowa-s. Mekein njëkohësisht i bëri thirrje SHBA-së dhe komunitetit ndërkombëtar për veprim të menjëhershëm, duke paralajmëruar se konflikti kërcënonte stabilitetin dhe sigurinë e euro-atlantike.
Komuniteti ndërkombëtar është mobilizuar në bisedime, në përpjekje për të gjetur një zgjidhje paqësore të konfliktit të ashpër. Ai gjithashtu i ka bërë thirrje palëve të tregohen të përmbajtura, si dhe Rusisë për tërheqjen e trupave të saj ushtarake.



Alsat

[RaPSouL]

Gjeorgji-Rusi, shpërthen lufta për Osetinë e Jugut

Tanket ruse hyjnë në pjesën veriore. Mijëra civilë të vdekur

Gjeorgjia dhe Rusia janë në prag të luftës për shkak të Osetisë Jugore, provincës separatiste gjeorgjiane. Tanket ruse kanë hyrë në pjesën veriore të kryeqytetit të Osetisë Jugore dhe artileria e tyre ka qëlluar mbi forcat gjeorgjiane, i pari konfrontim i konfirmuar mes trupave të të dyja vendeve. Gjithçka filloi mëngjesin e së premtes kur trupat gjeorgjiane sulmuan kryeqendrën e Osetisë Jugore, Tskhinvali. Sipas shefit të ushtarakëve rusë të forcës paqeruajtëse të vendosur në Oseti, qyteti "është shkatërruar thuajse tërësisht". Viktimat janë dhjetëra, ndërsa sipas zërave të paverifikuara, bëhet fjalë për qindra të vrarë. Një ministër i republikës separatiste, Teimuraz Kasaev, ka deklaruar në anën tjetër se bilanci i viktimave civile të përleshjeve, vetëm në kryeqytet, ka shkuar në mbi një mijë. Qeveria ruse, në anën tjetër, dërgoi në Osetinë e Jugut një kolonë tankesh që kanë hapur zjarr mbi pozicionet gjeorgjiane. Këta të fundit, sipas mediave ruse, janë detyruar të tërhiqen nga pozicionet. Në këtë pikë, Presidenti gjeorgjian, Mikhail Sakashvili, deklaroi: Rusët kanë hyrë në territorin tonë. E konsiderojmë tani veten në gjendje lufte. Presidenti urdhëroi mobilizimin e përgjithshëm, duke thirrur edhe rezervistët dhe në një intervistë dhënë CNN-it, i kërkoi Shteteve të Bashkuara, të ndërhyjnë. "Nuk është vetëm çështje gjeorgjiane. Bëhet fjalë për Amerikën dhe vlerat e saj. Ne jemi një komb që e duam lirinë dhe që aktualisht jemi të sulmuar". Shtetet e Bashkuara të Amerikës kanë rreth 120 ushtarakë në Gjeorgji, që stërvitin forcat vendase. Po sipas Presidentit gjeorgjian, të paktën pesë avionë luftarakë rusë, janë rrëzuar. Reagimet e Moskës nuk kanë munguar gjithashtu. Ministri i Jashtëm rus, Sergei Lavrov, ka akuzuar gjeorgjianët se kanë kryer në Osetinë Jugore "një spastrim etnik". Presidenti rus, Dimitri Medvedev, lëshoi më pas një akuzë të rëndë: "Ushtarët e forcës paqeruajtëse gjeorgjiane kanë qëlluar kundër kolegëve rusë. Në Osetinë e Jugut po vdesin civilë, gra, fëmijë dhe të moshuar rusë". E në përfundim, Kryeministri rus, Vladimir Putin, që gjendet në Pekin, ku mori pjesë në ceremoninë e hapjes së Olimpiadës, duke folur me Presidentin amerikan, Bush, ka deklaruar se "vullnetarët rusë janë gati të nisen për në Oseti dhe ne nuk do të jemi në gjendje që t‘i ndalojmë". Në Moskë, disa qindra persona (në pjesën më të madhe osetianë), manifestuan pasdite para Ministrisë së Jashtme, duke kërkuar një ndërhyrje ushtarake në Osetinë e Jugut. U zhvilluan gjithashtu edhe manifestime të tjera para ambasadës gjeorgjiane. Konflikti rrezikon të zgjerohet akoma më tej pas sulmit ajror rus në qytetin e Gorit (vendlindje e Stalinit), ndoshta edhe në provincën tjetër separatiste proruse të Abkhazisë, që është paralajmëruar nga Tbilisi të qëndrojë jashtë një konflikti që nuk i përket. Në një fjalim në televizion, Presidenti Sakashvili, e kishte quajtur operacionin ushtarak "një përgjigje kundër regjimit kriminal" të separatistëve dhe "një përpjekje për rikthimin e rendit". Ndërhyrjen ruse, Sakashvili e përcaktoi "një operacion ushtarak të një shkalle të gjerë". Ai i kërkoi Rusisë që të ndalte bombardimet mbi zonat paqësore të Gjeorgjisë. Sipas qeverisë së Gjeorgjisë, tre avionë rusë dhunuan hapësirën ajrore gjeorgjiane, duke lëshuar disa bomba e duke shkaktuar disa të plagosur mes civilëve. Pas kësaj, është bombarduar edhe Gori. Sipas Gjeorgjisë, dy avionë rusë janë rrëzuar, por ky lajm nuk është konfirmuar nga Moska. Një kazermë e forcave paqeruajtëse ruse është goditur nga artileria dhe rusët thonë se rreth 10 ushtarë kanë vdekur e 30 të tjerë janë plagosur. Ata flasin edhe për viktima të tjera civile. Është shkatërruar spitali kryesor i Tskhinvalit e në flakë është parë edhe godina e universitetit. Ministria ruse e Mbrojtjes konfirmoi nisjen e trupave për në Osetinë Jugore, zyrtarisht, me qëllim që të ndihmojnë ushtarët rusë të forcës paqeruajtëse dhe qytetarët rusë në Oseti. Me kërkesë të Rusisë është mbledhur Këshilli i Sigurimit të Kombeve të Bashkuara në Nju Jork dhe ambasadori belg, President i radhës, ka thënë se për momentin, Këshilli i Sigurimit nuk është në gjendje që të shprehë një opinion mbi konfliktin. SHBA, Britania e Madhe dhe vende të tjera, nuk kanë votuar një dokument në të cilin i kërkohej të gjitha palëve në konflikt që të hiqnin dorë nga përdorimi i forcës. Ambasadori rus ka thënë se qëndrimi i Perëndimit është një gabim i madh. BE-ja ndërkohë ka kërkuar pushimin e menjëhershëm të luftimeve. OSBE-ja ka nisur në Gjeorgji të dërguarin e saj të posaçëm. Presidenti gjeorgjian Sakashvili ka folur në telefon me sekretaren amerikane të Shtetit, Kondoleca Rajs e sekretarin e NATO-s, Jap de Hop Shefer. Në Tbilisi kanë mbërritur ndërkohë edhe ministrat e jashtëm të Suedisë dhe Lituanisë. Në anën tjetër, bursa ruse ka pësuar menjëherë rënie për shkak të sulmit gjeorgjian në Osetinë e Jugut. Një milion fuçi naftë në ditë, të drejtuara për në Perëndim, janë vënë në rrezik nga konflikti. Naftësjellësi Baku-Cejhan, në funksion prej më shumë se një viti, ka rreth 249 kilometra në territorin gjeorgjian dhe është i vetmi që shmang Iranin e Rusinë e furnizon Shtetet e Bashkuara dhe Evropën. Në Turqi, javën e shkuar, një atentat që mbante firmën e kurdëve, kishte shkaktuar një zjarr, si edhe ndërprerjen e fluksit e nuk pritet që dëmi të riparohet para dhjetë ditësh.



Shqip

[mesia4ever]

Qindra të vrarë në luftimet mes forcave ruse dhe gjeorgjiane në Osetinë Jugore
Zëri i Amerikës
08-08-2008




Njoftohet se qindra civilë janë vranë gjatë luftimeve mes forcave ushtarake ruse e atyre gjeorgjiane në rajonon separatist të Osetisë Jugore.

Një zëdhënës i Ministrisë gjeorgjiane të Punëve të Brendshme tha se bombardimi nga Rusia i kryeqytetit të këtij rajoni, Tskhinvali, i detyruan trupat gjeorgjiane të largoheshin nga disa pjesë të qytetit, të cilat u futën më parë nën kontrollin e forcave gjeorgjiane.

Presidenti gjeorgjian, Mihail Sakashvili tha se dha urdhër për një ofensivë të përgjithshme për të rimarrë kontrollin e kësaj republike separatiste, kur tanket ruse hynë në rajon. Ai e akuzoi Rusinë se është angazhuar në luftë kundër Gjeorgjisë.

Ministria ruse e Mbrojtjes tha se tanket po mbështesnin paqeruajtësit rusë, që ndodheshin në Osetinë Jugore.

Autoritetet ruse thanë se 10 paqëruajtës rusë u vranë dhe 30 të tjerë u plagosën gjatë luftimeve. Zyrtarë të Osetisë Jugore thanë se qindra civilë janë vrarë.

Zyrtarët gjeorgjianë kërkuan gjithashtu që Rusia të ndalë sulmet ajrore kundër qyteteve gjeorgjiane, gjë që Rusia e mohoi. Gjeorgjia tha se aeroplanët rusë bombarduan dy baza ajrore në periferi të Tbilisit, duke vrarë 3 veta.//lk


http://www.voanews.com/albanian/2008-08-08-voa1.cfm

----------------

Shpresoj qe ShBA-ja t'i ndihmoje Gjeorgjise se perndryshe gjeorgjianet i kane punet keq.

[bledikorcari]

mire e ke vene gishtin si pistolete ne koken tende.
tani e vetmja gje qe te mbetet te besh eshte tja futesh vetes...... BAMMMM lalke.

[Julius]

Shpresoj qe ShBA-ja t'i ndihmoje Gjeorgjise se perndryshe gjeorgjianet i kane punet keq.

Ça t'i ndihmojë? Të futet në luftë me ariun rus?
Keq punët...

[mesia4ever]

Ça t'i ndihmojë? Të futet në luftë me ariun rus?
Keq punët...

Rusia tani per tani eshte duke bere politike ofenzive dhe eshte deshiruar ta sfidoje perendimin, sidomos ShBA-ne, ndersa ShBA-ja duhet ta ndihmoje me raketa gjeorgjianet dhe armatime te reja qe te mbroje shtetin dhe qytetaret e vet. Sa ndegjova ne lajme ne BBC se Rusia eshte duke bombarduar kryeqytetin gjeorgjian Tbilisi. Keq qe nuk e futen ne NATO Gjeorgjine se pastaj do ta bombardonin nje shtet sovran kjo klase raciste qe eshte duke sunduar Rusine tani per tani (Putin & Co.). Nese nuk mposhtet Rusia ne kete konflikt dhe te detyrohet te terhiqet nga Gjeorgjia, do ta shihni se cfare do te vije pas kesaj.

Iranin kush po e nxite, a po kujton se Ahmedinexhadi do te guxonte qe te shantazhonte Izraelin dhe ShBA-ne?