Ndodhitë në Maqedoni

[RaPSouL]

LSDM nuk kthehet në Parlament

Komiteti Ekzekutiv i Lidhjes Social Demokrate (LSDM) pritet të vendos sonte për bojkotimin e Parlamentit, pas arrestimit disa ditë më parë të nënkryetarit të saj dhe pas miratimit të Rregullores së re të Parlamentit.

"Me miratimin e Rregullores së re të Parlamentit në një mënyrë tragjike brenda natës dhe pa asnjë llojë debati tregon se ne kishim të drejtë”, theksoi liderja e LSDM-së, Radmilla Sheqerinska para takimit të sontëm të Komitetit Ekzekutiv.

Kjo parti javën e kaluar u tërhoq nga Parlamenti pas arrestimit të Zoran Zaev, kryetari i komunës së Strumicës dhe nënkryetar i LSDM-së.


(INA)

[RaPSouL]

Maqedoni, Parlamenti bëhet zyrtarisht me rregullore te re. Dokumenti i ri “ngushton” përdorimin e shqipes

Burime zyrtare nga Parlamenti i Maqedonisë bëjnë të ditur se qëllimi i Rregullores së re ka për qëllim forcimin dhe efikasitetin e institucionit legjislativ. Ndërkaq rregullorja e re nuk parashikon përdorimin e gjerë të gjuhës shqipe gjate komisioneve kuvendore

SHKUP-Sot ka hyre zyrtarisht ne fuqi rregullorja e re e Parlamentit e miratuar javën e kaluar nga partitë e maxhorancës VMRO-DPMNE dhe BDI.

Burime zyrtare nga Parlamenti i Maqedonisë bëjnë të ditur se qëllimi i Rregullores së re ka për qëllim forcimin dhe efikasitetin e institucionit legjislativ.

“Dispozitat e Rregullores së re të Parlamentit e përcaktojnë punën e organeve të Parlamentit, forcojnë cilësinë e punës së trupave punuese në procesin e miratimit të ligjeve”, thone burimet.

Ndërkaq rregullorja e re nuk parashikon përdorimin e gjerë të gjuhës shqipe. Deputetët shqiptarë kanë të drejtë të përdorin gjuhën shqipe gjatë fjalimeve të tyre në seancat parlamentare si dhe në komisione parlamentare, por nuk lejohet përdorimi i gjuhës shqipe nëse komisionet udhëhiqen nga kryetarët shqiptarë të këtyre komisioneve parlamentare, gjithashtu ngushtohet hapësira e përdorimit të gjuhës shqipe edhe në planin e dokumentacionit dhe mbishkrimeve zyrtare në institucionin legjislativ.

Me Rregulloren e re, mundësohet që në punimet e komisioneve të marrin pjesë ekspertë të jashtëm, për të siguruar kompetencë më të madhe profesionale gjatë miratimit të ligjeve. Gjithashtu sigurohet edhe me shume privatësi në punën e institucionit legjislativ, dhe jo shumë ndërhyrje te opinionit në të.

Sipas Rregullores së re një nga nënkryetarët e Parlamentit do të jetë nga radhët e opozitës që mundëson përfshirjen më të madhe dhe më aktive të opozitës në planifikimin e aktiviteteve parlamentare.



(d.b/INA/Balkanweb)

[RaPSouL]

Lëvizja ZGJOHU reagon për Rregulloren e re të Parlamentit


Lëvizja Qytetare ZGJOHU! Shkup shpreh shqetësim të thellë në lidhje me mënyrën e miratimit si dhe përmbajtjen e Rregullores për punë të Parlamentit të Republikës së Maqedonisë.

“Shqetëson fakti që Rregullorja e miratuar nuk mundëson korespondencë në gjuhën shqipe e as kryesimin e komisioneve si dhe seancave parlamentare në gjuhën shqipe. Miratimi i rregullores me urgjencë dhe në mungesë të opozitës dhe debatit publik i ngjan veprimeve të sistemeve të njëmendësisë. Urojmë që ky hap i zhvëndosjes së standardave dhe aplikimi i logjikës së njëmendësisë nga ana e qeverisë teknike të jetë i fundit dhe të mos shndërrohet në praktikë të veprimit të qeverisë pas 26 korrikut 2008”, thuhet në reagimin e Lëvizjes ZGJOHU!.

Kjo lëvizje përshëndet vendosjen e praktikës së formimit të qeverisë nga të përzgjedhurit e dy komuniteteve më të mëdha në Maqedoni, por përkujton që mandati i popullit në zgjedhjet e qershorit u dha për të përmbushur premtimet parazgjedhore dhe për të përmbyllur çështjet e hapura ndëretnike duke përfshirë ligjin për zyrtarizimin e gjuhës shqipe, ligjin për veteranët e UÇK-së, ligjin për përdorimin e flamurit kombëtar, njohje të menjëhershme të Kosovës, etj.

“Duke qenë të vetëdijshëm për rëndësinë e mbarëvajtjes së proceseve në interes të qytetarëve shqiptarë si dhe vështirësinë e rrethanave politike në vend, ZGJOHU! vihet në dispozicion për të ndihmuar në avancimin e çështjeve ndëretnike në vend”, thuhet në fund të reagimit të kësaj organizate.



(INA)

[RaPSouL]

Prej sot ulje të temperaturave

Prej sot do të ulen temperaturat prej tetë deri në dhjetë gradë celsius për shkak të një vale të re të të ftohtit që vjen nga Evropa Veriperendimore.

Sipas Entit për Hidrometeorologji sot do të ketë ndryshime të motit, ndërsa në disa vende do të ketë edhe erëra mesatare dhe të reshura të shiut.

Ulja e ndjeshme e temperaturave deri në dhjetë gradë celsius do të regjistrohet ditën e mërkurë. Temperaturat të mërkurën dhe të enjten do tëj jenë prej 17 deri në 25 gradë celsius, me të reshura të kohpaskohshme të shiut.

Sipas Entit Hidrometeorogjik, prej ditës së premte sërish do ketë rritje të temperaturave.


(INA)

[RaPSouL]

Qeveria e Maqedonisë përshëndeti arrestimin e Karaxhiçit

Qeveria e Maqedonisë sot ka përshëndetur arrestimin e të shumëkërkuarit të Tribunalit të Hagës për krime lufte, ish-liderin e serbëve të Bosnjës, Radovan Karaxhiç.

Në komunikatë thuhet se Qeveria e Maqedonisë i përshëndet hapat e qeverive të rajonit për forcimin e proceseve evrointegruese, respektimin e të drejtave të njeriut dhe zhvillimin e shtetit juridik.

“Kjo tregon se ka kaluar koha dhe dekada tragjike ballkanike e viteve të 90-ta të shekullit të kaluar dhe këtë t`ia lëmë shkencës së historisë, ndërsa vendet e rajonit të përkushtohen në ndërtimin e përbashkët të së ardhmes evropiane në gjithë Ballkanin”, thuhet në komunikatën e Qeverisë së Maqedonisë.


(INA)

[RaPSouL]

Bakojani: KE e ka të qartë pozicionin grek

Shefja e diplomacisë greke, Dora Bakojani deklaroi se Komisioni Evropian i ka të qarta pozicionet greke sa i përket çështjes së vendit fqinj Maqedonisë.

Deklarata e shefes së diplomacisë greke, Dora Bakojani pasoi pasi që kryeministri Nikolla Gruevski dërgoi një letër në adresë të KE-së për pozitën e pakicës maqedonase në Greqi, duke kërkuar ndërmjetësim për këtë çështje.

“Shkupi mund të informojë kë të dojë, por Komisioni Evropian i din pozicionet greke”, deklaroi sot pasdite Bakojani, duke komentuar letrën e kryeministrit Gruevski drejtuar presidentit të KE-së, Hoze Manuel Baroso. Por, ndërkohë, KE pritet që të sot të jap përgjigjen e saj lidhur me çështjen e pakicës maqedonase në Greqi dhe kontestin e emrit midis Athinës dhe Shkupit.


(INA)

[Renea]

Maqedoni, Parlamenti bëhet zyrtarisht me rregullore te re. Dokumenti i ri “ngushton” përdorimin e shqipes

Berlloga ishin kon krejt , Gvujevski po lun me shqiptart , po me villet nga paaftesia e politikanve ton

[RaPSouL]

Berlloga ishin kon krejt , Gvujevski po lun me shqiptart , po me villet nga paaftesia e politikanve ton

Ky eshte shkrimi yt i pare, qe me ka pelqyer, te pakten ke filluar te bindesh.


Vetem vazhdo

[BAC4]

BDI-ja e ka shit kombin ma shum se Hamza Skenderbeun. Turp, me vjen keq se ne fillim thuheshte se krahu i luftes e tash dul se krahu i KGB-s dhe UDB-s.

[RaPSouL]

Hiqen vizat për qytetarët e Shqipërisë

Parlamenti i Maqedonisë në seancën e sotme plenare, me 62 vota pro e ratifikoi marrëveshjen për heqjen e vizave më Shqipërinë.

Sipas kësaj marrëveshjeje, shtetasit e Shqipërisë dhe ata të Maqedonisë, do të qarkullojnë lirisht mes dy vendeve pa viza. Por shtetasit e një vendi në vendin tjetër mund të qëndrojnë vetëm 90 ditë brenda gjashtë muajve.

Gjithashtu me marrëveshje parashikohet që zonat kufitare, 20 kilometra nga kufiri, do të mund të kalojnë në vendin tjetër fqinj vetëm me karta identiteti.



(INA)