Close
Faqja 0 prej 19 FillimFillim 1210 ... FunditFundit
Duke shfaqur rezultatin -9 deri 0 prej 181
  1. #1
    i/e regjistruar Maska e BARAT
    Anëtarësuar
    20-07-2006
    Vendndodhja
    Himarjot jet' e jet', Zot mbi male Hyll mbi det
    Postime
    2,565

    Frika e vërtetë e Greqisë për emrin e Maqedonisë, dhe si duhet ta shfrytëzojnë atë SH

    Frika e vërtetë e Greqisë për emrin e Maqedonisë, dhe si duhet ta shfrytëzojnë atë SHBA

    Wednesday, 13 February 2008-gazeta sot
    Nga Kastriot Myftaraj


    Çështja e emrit të Maqedonisë është bërë këto kohë, pas çështjes së Kosovës, çështja nr. 2 në agjendën ballkanike të diplomacisë ndërkombëtare dhe kjo në sajë të insistimit të Greqisë që Maqedonia të ndryshojë emrin, pasi me këtë emër praktikisht shpreh pretendime territoriale ndaj Greqisë, ku ka dy provinca me emrin Maqedoni (Maqedonia Qendrore dhe Maqedonia Perëndimore).Që Greqia të ketë frikë nga Maqedonia se mund të t’ i marrë territore Greqisë, kjo duket qesharake, se territoret merren me luftë, dhe Maqedonia në raport me Greqinë është si xhuxhi me gjigandin sa i përket fuqisë ushtarake. Greqia nuk është vetëm një vend që është mbi pesë herë më e madhe si popullsi dhe si territor se Maqedonia, por edhe shumë më e armatosur. Maqedonia praktikisht nuk është një fuqi ushtarake. Maqedonia sot praktikisht nuk ka aviacion ushtarak, duke mos pasur avionë gjuajtës dhe bombardues . Avionët e vjetër luftarakë gjuajtës dhe bombardues Su-25 dhe Su-25 UB që kishte ia shiti Gjeorgjisë në vitin 2005. Aviacioni i Maqedonisë sot përbëhet vetëm nga 21 helikopterë nga të cilët vetëm 12 janë helikopterë sulmi nga ata që përdoren për luftime guerrilje dhe 9 janë helikopterë transporti, nga të cilët 2 helikopterë amerikanë të llojit UH-1 Iroquois (Bell Textron) ia ka dhënë ironikisht Greqia, në kohën kur ushtria maqedone luftonte kundër shqiptaro-maqedonëve. Artileria e Maqedonisë sot përbëhet vetëm nga 12 sisteme lëshimi ruse BM-21 GRAD, të viteve gjashtëdhjetë, nga ato që njihen rëndom si «Katjusha».

    Maqedonia sot ka vetëm 31 tanke T-72 ruse, që konsiderohen të vjetra dhe që ia ka blerë Ukrainës në 2001. Të tjerat janë larguar nga shërbimi si tepër të vjetra dhe janë shitur për skrap. Maqedonia sot praktikisht nuk ka ushtri, duke qenë se ka vetëm 11 mijë ushtarë aktivë. Maqedonia ka probleme të mëdha etnike të brendshme dhe nuk do të jetë kurrë në gjendje, edhe sikur të ishte e armatosur, që të bënte një luftë kundër Greqisë, apo kundër kujtdo vendi tjetër. Prandaj duket se Greqia e ka hallin dikur tjetër kur trembet nga Maqedonia, dhe kërkon ndryshimin e emrit të shtetit fqinj. Greqia ka frikë se kur me ndryshimin e kufijve në Ballkan, Bullgaria të aneksojë pjesën më të madhe të FYROM, rreth 70% të saj dhe gjithë vijën kufitare me Greqinë, Bullgaria do të ruajë emrin e Maqedonisë si një provincë të saj, dhe me këtë do të ripohojë rivendikimet e saj të vjetra ndaj Greqisë, për Maqedoninë greke që ka qenë e banuara nga sllavë, të cilët i janë nënshtruar një procesi asimilimi nga ana e Greqisë, por që ende e ruajnë identitetin e tyre. Greqia nuk ka frikë nga Maqedonia e sotme me 2.022.547 banorë (sipas regjistrimit të vitit 2002), sot rreth 2.040.000 banorë, nga të cilët vetëm 64% sipas regjistrimit zyrtar janë sllavo-maqedonë, por ka frikë nga Bullgaria me 9 milion banorë që del si vend kufitar i Greqisë nga Traka në Prespë, pasi të ketë aneksuar pjesën më të madhe të Maqedonisë. Dhe tekefundit Greqia ka frikë nga Rusia që mbështet pretendimet e Bullgarisë ndaj Greqisë, sipas traditës së «Traktatit të Shën Stefanit». Viti 2008 është shpallur zyrtarisht viti i Rusisë në Bullgari. Në 17 janar të këtij viti në Sofje u mbajt ceremonia e shpalljes së vitit të Rusisë në Bullgari, me rastin e 130 vjetorit të çlirimit të Bullgarisë nga Turiqa, prej ushtrisë ruse. Në këtë ceremoni ishte i ftuar dhe foli Presidenti i Rusisë Vladimir Putin. Në prani të homologut të vet bullgar, Putin theksoi: «miqësinë unike tradicionale mes popujve tanë, të cilët historia i ka bërë kaq të afërt.

    Stërgjyshërit tanë vunë themelet e kësaj miqësie dhe rrënjët tona të përbashkëta sllave dhe traditat shpirtërore ortodokse i dhanë asaj fuqi». Më tutje Putin u shpreh: «Është e rëndësishme të kujtohet kjo në një moment të tillë të rëndësishëm për Bullgarinë-130 vjetorin e clirimit të Bullgarisë dhe të restaurimit të shtetit bullgar. Një monument i Heronjve të Plevnës (ushtarëve rusë të vrarë në betejën kryesore kundër turqve në Bullgari atë kohë- shënimi im: Kastriot Myftaraj) është në qendër të Moskës dhe një monument i Ushtarit të Panjohur dhe i Carit Çlirimtar (Aleksandrit II të Rusisë-shënimi im: Kastriot Myftaraj) është në në Sofje. Këto janë më tepër se monumente në në kujtesën e luftrave tona të përbashkëta. Presidenti (bullgar) përmendi që 400 monumente në Bullgari përkujtojnë këtë ngjarje. Ky është një testament i atyre që ranë në Plevna dhe në Lartësitë Shipkin, një testament që na fton ne të vlerëosjmë ndjenjat tona vëllazërore si trashëgimia më e paçmuar e përbashkët që kemi». Monumenti i Car Aleksandrit II të Rusisë në Sofje mban shënimin «Carit Çlirimtar nga Bullgaria murënjohëse». Të nesërmen e këtij fjalimi, në 18 janar 2008, Putin vendosi një kurorë tek ky monument. Është e qartë se Putin u përpoq të potencojë pansllavizmin gjatë vizitës së tij në Bullgari. Por nga fitorja e Rusisë në Luftën Ruso-Turke të viteve 1877-1878, për të cilën flet Putin, Rusia nxorri Bullgarinë e Madhe të Traktatit të Shën Stefanit, të cilin ia imponoi Turqisë së mundur. Kjo Bullgari kishte si kufi jugor bregdetin e sotëm grek të Egjeut, duke pasur brenda territorit të saj dhe gjithë Maqedoninë e sotme greke. Në Bullgari ka shumë njerëz që e shikojnë aleancën me Rusinë si mënyrën më të mirë që Bullgaria të marrë pjesën më të madhe të territoreve që i humbi pas korrektimit të Traktatit të Shën Stefanit në Kongresin e Berlinit, me ndërhyrjen e Britanisë së Madhe. Para së gjithash bullgarët janë të zemëruar me Greqinë se u ka marrë «Alzasë-Lorenën» bullgare me të cilën kuptohet Traka Perëndimore, që sot është pjesa verilindore e territorit të Greqisë, por që deri në fund të Luftës së Parë Botërore ka qenë pjesë e territorit të Bullgarisë dhe që kësaj të fundit iu mor për t’ iu aneksuar Greqisë, me Traktatin e Neuilli sur Seine të vitit 1919, që ishte ekuivalenti i Paktit të Versaille për Bullgarinë.

    Kjo e la Bullgarinë pa dalje në Detin Egje, duke i shkaktuar një dëm të jashtëzakonshëm gjeostrategjik dhe gjeoekonomik, aq sa në historinë bullgare përcaktohet si «katastrofa e dytë nacionale», pas asaj të Luftës së Dytë Ballkanie, dhe vazhdon të quhet edhe sot si një padrejtësi e madhe. Sot lidhjet mes Rusisë dhe Bullgarisë nuk janë vetëm etnike dhe fetare, por edhe ekonomike, derisa Bullgaria është bërë vendi-kyç në Ballkan prej nga nisen linjat ruse të naftës dhe gazit drejt Egjeut, Europës Qendrore dhe Adriatikut. Pikërisht në këtë vizitë të Putin u nënshkrua marrëveshja ruso-bullgare për gazjellësin që pasi të vijë nga Rusia nëpër Detin e Zi do të kalojë nëpër Bullgari për të shkuar në Serbi, Europën Qendrore dhe përtej Adriatikut. Me rastin e ndërtimit të naftësjellësit Burgas-Alexandropulos, në Bullgari nuk u la pa u thënë hapur nga disa media dhe politikanë, dhe nga disa të tjerë si nën zë, se sikur mos të ishte për padrejtësinë e vitit 1919, i gjithë naftësjellësi do të kishte kaluar në territorin bullgar. Rusia ndoshta nuk do t’ i mbështesë rivendikimet territoriale të Bullgarisë ndaj Greqisë, se Rusia po përpiqet shumë që ta bëjë Greqinë partneren e saj të ngushtë, dhe aleaten e saj, në rradhë të parë me anë të gjeopolitikës së naftës dhe gazit, si dhe duke theksuar lidhjet fetare mes dy vendeve siç bëri Putin gjatë vizitës në Malin Athos në 2005. Por ama Rusia sigurisht që nuk do të mungojë që t’ ia mbajë Greqisë si «Shpatën e Damokleut» mbi krye kërcënimin bullgar, kur Bullgaria të ketë aneksuar pjesën më të madhe të FYROM. Greqia në fakt i trembet një aleance bullgaro-turke kundër saj, dhe Rusinë e shikon si frenuesin më të sigurt të Bullgarisë për të mos hyrë në këtë aleancë kundër Greqisë. Kështu Bullgaria dhe Greqia janë në pozitën e pengut gjeopolitik të Rusisë.

    E tepërt të thuash diplomacia ruse do të dijë të luajë mirë me të dyja vendet duke i mbajtur të lidhura pas Rusisë. Greqia është kundër aneksimit të Maqedonisë nga Bullgaria, se e shikon Maqedoninë si një shtet-tampon mes saj dhe Bullgarisë, që mban larg kontrollit të Bullgarisë një pikë shumë delikate strategjike që është Lugina e Vardarit, që përbën shtegun më të mirë të invazionit ndaj Greqisë nga veriu dhe të daljes shumë shpejt në bregdetin egjean. Në rast se pjesa e Luginës së Vardarit në kufirin e sotëm maqedono-bullgar, do të jetë nën kontrollin e Bullgarisë, atëherë Greqia është si ai tigri që ka kthetrën e leopardit në bark, ndërsa e ka mendjen tek luani që ka përballë. Por duket se Greqia nuk e ka të qartë se kur kërkon që FYROM të ndryshojë emrin ajo stimulon pikërisht ndarjen e Maqedonisë. Ndryshimi i emrit të një shteti nuk është një gjë kaq e thjeshtë, aq më tepër i një shteti shumëetnik. Në momentin që do të hapet debati për ndryshimin e emrit në Maqedoni, do të fillojë konflikti mes etnive për këtë çështje dhe kjo mund të shërbejë fare mirë si pikënisja e shpërbërjes së Maqedonisë, ose si justifikimi për të zbatuar planin e shpërbërjes së saj. Dilema e Greqisë është se ajo do që Maqedonia të ekzistojë si shtet, por duke pasur frikë se ajo nuk do të mbijetojë kërkon që të marrë që të evitojë që tani, së paku në letër, ato gjëra që u trembet në rast se Maqedonia nuk do të ekzistojë, gjë që sjell që Greqia të stimulojë shpërbërjen e Maqedonisë.

    Kështu, fare mirë, Greqia mund të arrijë efektin e padëshiruar. Por Greqisë duket se i shpëton kjo dilemë e saj, se për Greqinë, aneksimi nga Bullgaria i pjesës më të madhe të Maqedonisë së sotme krijon një makth gjeopolitik. Bullgaria është një aleat i natyrshëm i Turqisë në një luftë kundër Greqisë, aq më tepër që të dy vendet kanë precedentin e të qenit aleatë në Luftën e Parë Botërore. Në rast të një lufte greko-turke, planifikuesit strategjikë grekë llogarisin se betejat tokësore me Greqinë do të bëhet në vijën kufitare të shkurtër greko-turke (kufiri me Turqinë është kufiri më i shkurtër tokësor i Greqisë, vetëm 204 km), ku Greqia ka ndërtuar një lloj «Vije Mazhino» prej 204 km, si dhe në Qipro, që sipas dokumentit zyrtar grek, Doktrinës së Mbrojtjes Nacionale Greke, përfshihet në kuadrin e mbrojtjes të shtetit grek, pra dhe ushtrisë greke. Planifikuesit ushtarakë grekë parashikojnë që ta neutralizojnë në frontin e Trakës msymjen e forcave shumë më superiore tokësore turke, në një front të shkurtër, si dhe të bëjnë një diversion në Qipro për ta okupuar edhe pjesën turke të ishullit, duke e detyruar Turqinë të çojë përforcime në rrugë detare dhe ajrore, të cilat grekët parashikojnë t’ i dëmtojnë rëndë. Mbi bazën e këtij suksesi, stretegët grekë parashikojnë që të zhvillojnë me sukses betejën në në det për ishujt e Egjeut pranë bregdetit turk dhe të kalojnë në msymje ajrore mbi territorin turk, veçanërisht mbi Stamboll dhe Izmir. Si betejë vendimtare parashikojnë atë ajrore ku parashikojnë ta asgjesojnë, kryesisht me anë të sistemeve kundërajrore raketore, aviacionin ushtarak turk, superior ndaj atij grek, që pritet të mbulojë msymjen turke në Trakë, Qipro dhe në ishujt e Egjeut. Ky plan rrezikon të dështojë si plani strategjik francez në Luftën e Dytë Botërore, në rast se në luftë, në anën e Turqisë hyn dhe Bullgaria. Në rast të një aleance turko-bullgare, kur Bullgaria do të kishte aneksuar dhe pjesën më të madhe të Maqedonisë, dhe gjithë vijën kufitare të saj me Greqinë, duke arritur kufiri bullgaro-grek në 740 kilometra, atëherë vija e frontit për Greqinë do të shkonte në 944 kilometra.

    Kjo do të thoshte që ushtria greke, si forcat tokësore dhe aviacioni, të detyroheshin të përqëndroheshin përgjatë kufijve veriorë të Greqisë, duke i lënë të zbuluara ishujt e Egjeut dhe Qipron. Një angazhim i tillë ushtarak do të thotë se Greqia nuk do të jetë në gjendje që të çojë përforcime në Qipro dhe ishulli do të bjerë i gjithi nën kontrollin e ushtrisë turke, duke u shkaktuar një eksod i popullsisë greke. Hapja e frontit të veriut do të thoshte që aviacioni turk do të mund të përdorte aeroportet bullgare duke e anashkaluar mbrojtjen antiajrore greke të përqëndruar nga lindja dhe do ta godiste Greqinë nga veriu, duke vënë kështu në rrezik vetë bazat ajrore në Larisa dhe Souda ku qendron pjesa kryesore e aviacionit ushtarak grek, duke e detyruar atë që të angazhohej në luftë për mbrojtjen e bazave të veta. Zotërimi i pjesës së Luginës së Vardarit në kufirin e sotëm maqedono-grek nga një Bullgari aleate e Turiqsë, do të thotë që 3000 tanket moderne të ushtrisë turke ta kenë rrugën e hapur për të hyrë në Greqi nga Veriu, duke e evituar «Vijën Mazhino» greke, saktësisht siç bëri Gjermania në Luftën e Dytë Botërore, me Vijën Mazhino autentike. Në këtë luftë sigurisht nuk duhet nënvlerësuar as ushtria bullgare. Ministrja e Jashtme e Greqisë, Bakoyanis është sot në Ëashington për të biseduar për çështjen e emrit të FYROM. SHBA duket se janë arbitri mes Greqisë dhe FYROM për këtë çështje. Por e vërteta është se meqë Greqia praktikisht e shikon këtë si një çështje mes saj dhe Bullgarisë, arbitri i vërtetë është Rusia. Sensibiliteti i lartë grek për çështjen e emrit të FYROM, dhe ndjenja e rrezikut që ka Greqia, e bën këtë të fundit peng të Rusisë.

    SHBA mund ta kundërbalancojnë impaktin e Rusisë në këtë çështje, vetëm duke i ofruar Greqisë rolin e tyre si frenues të Turqisë për të mos hyrë në një aleancë antigreke me Bullgarinë. Por këtë rol SHBA duhet t’ ia shesin shtrenjtë Greqisë, duke i kërkuar para së gjithash që të frenohet ndaj pretendimeve të saj në Shqipëri. Tekefundit SHBA nuk kanë se çfarë t’ i kërkojnë tjetër si shpërblim konkret Greqisë në Ballkan, për këtë rol, veç atij që të tërhiqet nga pozita e saj e kolonozimit ekonomik të Shqipërisë dhe që të frenojë një lëvizje separatiste greke në Shqipëri, sipas formulës së Epirit të Veriut. E mira do të ishte që SHBA mos ta pengonin Bullgarinë që në rast të aneksimit të saj të një pjese të madhe të FYROM, të ruante emrin e Maqedonisë si nëj provincë e saj, se kështu ruhet frika e Greqisë. Tekefundit Greqia nuk ka si t’ i bëjë presion Bullgarisë se kjo është anëtare e BE dhe NATO. Greqia që prej vitit 2001 është përjashtuar përfundimisht nga forcat bërthamore të NATO, ku bënte pjesë me avionë A-7 Corsair Ils, duke bartur bomba taktike bërthamore amerikane B-61 në bazën ajrore të NATO-s në Araxos, Greqi. Kështu që një luftë mes saj dhe Bullgarisë e Turqisë nuk ka rrezik që të shkallëzohet në luftë bërthamore, çka do t’ i preokuponte realisht Fuqitë e Mëdha dhe vetë SHBA.
    Ndryshuar për herë të fundit nga Darius : 05-03-2008 më 18:39 Arsyeja: Ndarje e paragrafeve

  2. #2
    Promete (i lidhur) Maska e Kryeplaku
    Anëtarësuar
    12-09-2002
    Vendndodhja
    në realitetin e hidhur
    Postime
    2,218
    Mullah Omari i Greqise (peshkopi Anthimos) shprehu pardje shpresen qe Greqia te "c'liroj" "Maqedonine natyrale" nje pjese e se ciles na u qenka zaptuar nga FYROM.

    Dmth. mullahu me veshjen e priftit thote: beni popull lufte dhe kur lufta te shkoj mbrapsht une s'kam pune, se jam rrob i fese!

    Te njejtat mendime me mullahun e Selanikut duket se ndajne edhe mullahet e Serbise per Kosoven apo cdo pronesi tjeter "natyrale"!

    urime mullaheve

  3. #3
    Emathia Maska e MaDaBeR
    Anëtarësuar
    20-05-2003
    Vendndodhja
    Në çdo vend ku ka jetë
    Postime
    5,321
    Drejt Kryeplaku. Ore, a mund te me shpjegoje njeri nje gje. Si ka mundesi qe pothuajse te gjithe Kleriket e larte Ort'hodokse, kerkojne lufte, perçarje e nderhyjne ne politike? Eshte diçka vertete e shemtuar. Ashtu siç bente dhe kisha katolike para 500-600 vjetesh, qe denonte me djegie ne turren e druve te gjitha mendjet e ndirtura.

    Greqia le te leshoje njeher ato qe ka uzurpuar vete pastaj te kerkoje ato qe i kane uzurpuar. Ndersa per emrin e Maqedonise, mendoj se kjo çeshtje duhet zgjidhur me konsensus ne menyre qe mos kete konflikte qofte politike qofte te armatosura.
    Për inad të Djallit dhe Shqyptarëvet, Zoti ka me mbajtë Shqypninë më kambë me nder e me lumni

  4. #4
    Hyllin Maska e Hyj-Njeriu
    Anëtarësuar
    22-07-2007
    Vendndodhja
    Fatkeqesisht mes ndergjinoresh
    Postime
    2,945
    Mbivleresohet Bullgaria ne kete sinteze gjithsesi interesante....
    Bullgaria ka vetem 7,3 milione banore e jo 9 milione dhe nga keta bullgare jane 6,1 milione...
    Popullsia bullgare me ritmet e tanishme duhet te bjere me gati 500 mije njesi ne dekade,kurse nga 1990 deri me sot ka rene me 1,7 milione banore....

    Elementi shqiptar ketu eshte lene krejt pasdore...Bullgaria nuk mund te pretendoje dot 70% te territorit pa rene ne konflikt me shqiptaret ,per arsyen e thjeshte se 50% te territorit te maqedonise e pretendojme ne shqiptaret...

    Turku ka nje superioritet te atille ushtarak qe asnje doktrine e linje mazhino greke pergjate lumit Marica mund ti beje balle.....Turku shpenzon 3 fishin per armatim dhe ka nje potencial njerezor 10-fish....
    Aviacioni Turk nuk ka pse te perdore aeroportet bullgare per ti dale nga prapa kraheve linjes greke ne Marica,sepse mund ta beje fare mire nga deti egje....Superioriteti ajror turk eshte i padiskutueshem e ska raketa kunderajrore qe ta vene ne diskutim kete superioritet....Nuk eshte loje e 'empire earth 3' ....

    Greku eshte i merdhifur plotesisht e turku ska nevoje te shese interesat e veta ne maqedoni e shqiperi,per nje mbeshtetje bullgare,e sidomos kur dihet qe ne bullgari ka nje minoritet turk prej gati 1 milione turqish....

    Cfare fiton turku po mori Bullgaria maqedonine ? Asgje thjesht nje forcim i bullgarise qe nuk i leverdis aspak,sepse parimi i cdo shteti eshte te kesh fqinj te dobet e miqesira te largeta e te forta....

    Emri i Maqedonise per greqine eshte i rendesishem ne radhe te pare nga pikepamja historike...Sa me shume kohe kalon aq me shume opinion publik injorant neper bote fillojne e identifikojne aleksandrin e madh me maqedonasit....Kjo u djeg grekeve,sepse mbi terheqjen magnetike te europes ndaj antikitetit ndertuan,shtetin e kombin grek te tanishem....

    E fundit Greqia ska per te lejuar kurre ndarjen e maqedonise mes shqiptaresh e bullgaresh,mund te toleroje qe shqiptaret te marrin pavaresine ne pak territore,por kurre nje ndarje bullgaro-shqiptare....Ketu ka per te pasur aleancen e serbise,ndersa turkun ne nje situate te tille do e mbaje jashte amerika ,rusia dhe franca,sepse arbitri i maqedonise nuk eshte turku....

    Ballkani eshte nje kazan qe duhet te zieje,qe te provojne fuqite e medha sesa force kane me njera tjetren dhe drunjte qe duhen per zjarr i hedh kryesisht rusi me amerikanin,ashtu sikunder deri dje,ishin austro-hungaria me rusin....

    Mjere ne shqiptaret qe jetojme akoma ne boten e cudirave.....
    Shqiptari e ka care rrugen e historise me Palle ne dore!

  5. #5
    me 40 hajdutë Maska e alibaba
    Anëtarësuar
    12-12-2005
    Vendndodhja
    Ne shpellen e pirateve
    Postime
    5,671
    Priti paqedashësit kur të thonë: O njerëz a jeni çmendur, ka përfunduar tashmë koha e luftërave, s'ka më luftë. lol.

  6. #6
    i/e regjistruar Maska e BARAT
    Anëtarësuar
    20-07-2006
    Vendndodhja
    Himarjot jet' e jet', Zot mbi male Hyll mbi det
    Postime
    2,565
    Ftesa e Maqedonisë për në NATO, në dorën e miqësisë të familjes Bush me familjen Micotaqi-Bakojani

    Tuesday, 04 March 2008-gazeta Sot

    Nga Arben LLALLA


    Ftesa e Maqedonisë për në NATO ka vënë në siklet jo vetëm qeveritë e Maqedonisë dhe të Greqisë, por edhe qeverinë e Sh.B.A-ve.Bashkimi Europian bashkë me ShBA kërkojnë me çdo kusht që Maqedonia të anëtarësohet në NATO sa më shpejt për faktin sepse duan ta shkëpusin nga politika serbo-ruse, por kanë hasur në pengesën e avokatit të boshtit serbo-rus, Greqisë. Prandaj presionet ndaj Greqisë janë shtuar shumë kohët e fundin nga rangjet më të larta të politikës botërore. Por përsëri Greqia nuk dëshiron që Republika e Maqedonisë të anëtarësohet në NATO me emrin kushtetues dhe ka vënë kushtin për ndryshimin e emrit të saj, duke e ditur që qeveria e Maqedonisë nuk do të pranojë asnjë marrëveshje për në NATO dhe BE në dëm të emrin të njohur botërisht Republika e Maqedonisë. Qeveria e ShBA duke shikuar se deri tashmë në ditët e fundit për të marrë një ftesë për në NATO Maqedonia nuk ka arritur një marrëveshje pozitive me Greqia. Ajo po bën përpjekjet e fundit diplomatike, por këtë herë në kanalet miqësore familjare dhe jo politike. Pra ShBA kanë zgjedhur për të zgjidhur problemin duke shfrytëzuar miqësinë e vjetër midis familjes Bush dhe familjes Micotaqi.

    Duhet thënë se familja Bush nga vjen Kryetari i Amerikës Xhorxh Bushi ka lidhje të ngushtë me familjen Micotaqi nga rrjedh ministrja e jashtme e Greqisë Dora Micotaqi-Bakojani. Pra shpresa e fundit për të marrë Maqedonia me nder ftesën për në NATO është në dorën miqësore të këtyre dy familjeve të mëdha politikanësh që kanë ndikim në Amerikë dhe Greqi. Familja greke Micotaqi ka ndikim të madh në qeverinë e sotme greke, sepse ka dy deputet në Kuvendin e Greqisë, ministren e jashtme Dora Micotaqi-Bakojani dhe vëllanë e saj Qiriako Micotaqin, por edhe disa deputetë grekë kanë lidhje farefisnore me këtë familje ndër ta edhe deputeti arvanitas i partisë opozitare PASOK Teodor Pangallo. Prandaj shpresat e Maqedonisë për në NATO janë të mëdha në qoftë se Dora Micotaqi-Bakojani do të udhëtojë urgjentisht në ShBA për të vizituar familjen Bush ose anasjelltas.

    Pasi të merren vesh dy familjet e mëdha Bush dhe Micotaqis për ftesën e Maqedonisë për në NATO, Dora Micotaqi-Bakojani do ti kërkojë politikës amerikane që të ndërhyjë tek kryetari i partisë më të madhe opozitare greke PASOK, Jorgo Papandreu, që të ulë tonet e kundërshtimit për pranimin e Maqedonisë në NATO. Duhet thënë se Jorgo Papandreu është një shtetas amerikan, i cili ka lindur dhe është shkolluar në ShBA edhe rreth moshës 40 vjeçare erdhi në Greqi për të hyrë në politikën e vendit të origjinës së tij. Kështu që pak gjasa ka që Jorgo Papandreu të kundërshtojë fort mos pranimin e Maqedonisë në NATO po të urdhërojë atdheu i tij Amerika. Familja Papandreu është njëra nga familjet e mëdha të politikës greke. Ajo ka mbi 50 vite që udhëheq Greqinë që në kohën e Jorgo Papandreut(1888-1968) të vjetër i cili ka qenë disa herë kryeministër dhe ministër i Greqisë për të vazhduar me Andrea Papandreun(1919-1996) babanë e Jorgo të riut. Andrea Papandreu ka qenë ministër dhe kryeministër i Greqisë nga viti 1981 e deri sa vdiq më 1996. Ai ishte një shtetas amerikan i cili rreth 30 muaj shërbeu në marinën amerikane dhe jetoi nga vitit 1938-1959 në ShBA. për të vazhdua jetën politike në Greqi. Pra përfundimisht ftesa e Maqedonisë për në NATO është në duart e sigurta të ShBA. dhe ata grekë që udhëheqin sot Greqinë nga dy anët pozitë dhe opozitë janë nxënësit dhe miqtë e Amerikës së fortë të cilët me një urdhër do të pranojnë në heshtje gjithçka që kërkon superfuqia e botës ShBA.

    Fuqia politike e familjes Micotaqis

    Familja Micotaqis e ka traditë të udhëheqë politikën e Greqisë. Daja i ish-Kryeministrit Kostandin Micotaqis është politikani i madh grek Elefteros Venizelos(1864-1936) i cili ka qenë kryeministër i Greqisë. Pra, ministrja e jashtme e Greqisë Dora Micotaqi-Bakojani nuk është thjesht një emër, një ministre e Greqisë. Ajo është një nga politikanet më të fuqishme të shtetit grek. Znj.Dora është vajza e ish-Kryeministrit Kostandin Micotaqit, mbesa e ish-Kryeministrit të njohur Elefteros Venizelos i cili është daja i babait të saj. Znj.Dora është ish-gruaja e deputetit Pavllo Bakojanis i vrarë më 1989, po ashtu Dora Micotaqi-Bakojani ka edhe vëllanë deputet në Kuvendin e Greqisë Qiriako Miçotaqin. Pra me plotë gojë mund të thuhet se kjo grua që bënë politikën e jashtme të Greqisë ka ndikim të fuqishëm jo vetëm në Greqi, por edhe më gjerë.

    Në vitin 1953 Kostandin Micotaqi do të martohej me arvanitasen Marika Janukun dhe pas një viti martese do të lindte fëmija i tyre i parë Dora. Nga kjo martesë do të vinin në jetë edhe tre fëmijë të tjerë Aleksia, Katerina dhe Qiriako. Me ardhjen në pushtet të diktaturës më 1968 familja Micotaqi emigroi në Francë dhe u vendosën në Paris. Atje ajo ndoqi mësimet në Liceun gjerman dhe më tej studioi në Gjermani për shkencat politike dhe komunikim në Universitetin e Mynihut. Pas rënies së diktaturës më 1974 familja e saj u kthye në Greqi ku vazhdoi studimet në fakultetin juridik të Athinës, dega e së drejtës publike. Në dhjetor të vitit 1974 Dora do të martohej me gazetarin e njohur Pavllo Bakojanis dhe nga kjo martesë lindën dy fëmijë Aleksia dhe Kosta. Më 26 shtator të 1989 grupi terrorist grek i njohur me emrin 17 nëntori do të vriste deputetin e partisë Nea Demokratia (Demokracia e Re) Pavllo Bakojanin, bashkëshortin e Dorës. Pas vrasjes së bashkëshortit Dora Bakojani do të konkurronte për deputete për në Kuvendin e Greqisë, dhe më 5 nëntor 1989 u zgjodh për herë të parë deputete në zonën ku kishte fituar edhe ish-bashkëshorti i saj tashmë i vdekur.

    Do të zgjidhej edhe disa herë deputete. Në tetor të 1990 ishte zëvendësministre pranë kryeministrit të Greqisë babait të saj Kostandin Miçotaqit dhe më 1992 ministre e kulturës. Pas nëntë vitesh nga vdekja e burrit të parë Pavllo Bakojanit, Dora do të martohet me Isidoro Kuvelo duke e ruajtur mbiemrin nga martesa e parë. Në tetor të vitit 2002 u zgjodh Kryetare e Bashkisë së Athinës dhe është e para grua në historinë e Athinës që udhëhoqi kryeqytetin e Greqisë. Që nga viti 2006 është ministre e jashtme e Greqisë duke qenë numri dy më i fuqishëm i partisë në pushtet Demokracia e Re. Dora Micotaqi-Bakojani për sukseset e saj në politikë është dekoruar dhe ka fituar disa çmime ndërkombëtare.
    Ndryshuar për herë të fundit nga Darius : 05-03-2008 më 19:06 Arsyeja: Ndryshim paragrafesh

  7. #7
    Kalorës i Lirisë Maska e BlueBaron
    Anëtarësuar
    29-04-2002
    Vendndodhja
    Në Tironën e Ondrrave
    Postime
    5,046
    ... Po sikur te hyje ne loje skenari i sjelle nga Barat, Shqiperia mund t'i beje ndonje kafshim Greqise ne krahinen e Camerise ??? Apo jemi popull paqedashes ...
    Mund të shkëpusësh Çunat nga TIRONA, por kurrë nuk mund të shkëpusësh TIRONËN nga zemra e Çunave !!!

  8. #8
    i/e regjistruar Maska e BARAT
    Anëtarësuar
    20-07-2006
    Vendndodhja
    Himarjot jet' e jet', Zot mbi male Hyll mbi det
    Postime
    2,565
    ... Po sikur te hyje ne loje skenari i sjelle nga Barat, Shqiperia mund t'i beje ndonje kafshim Greqise ne krahinen e Camerise ??? Apo jemi popull paqedashes ...
    Po ku kane me takat shqiptaret te kafshojne o skuth...Vetem po u ra ndonje kocke ne goje vete

  9. #9
    Procesi i modifimit te kufijve te Ballkanit ka mundesi te mos kete perfunduar ende me Kosoven. Besoj se ne nje te ardhme te afert mund te shohim nje pershkallezim te konflikteve etnike ne Maqedoni. Nese kjo e fundit nuk hyne se shpejti ne NATO dhe nese vazhdon refuzimin e njohjes se Kosoves si shtet, atehere fare mire mund te behet viktime per veten e saj. Nje ndarje e Maqedonise mes shqiptareve dhe maqedonasve eshte nje skenar real. Nje skenar qe do te sillte perfundimisht zhdukjen e shtetit artificial maqedonas dhe formimin e dy njesive territoriale te cilat do ti bashkangjiteshin shteteve fqinje. Respektivisht Shqiperise (maqedonia perendimore) dhe Bullgarise (pjesa lindore). E bukura eshte se kjo gje mund te marre edhe bekimin e Greqise pasi nga ana e saj do te clirohej njehere e pergjithmone nga ceshtja maqedonase. Megjithate kjo gje mbetet per tu pare ne te ardhmen. Personalsiht nuk do ta uroja nje konflikt te tille, por as nuk do te ndjehesha i penduar sikur gjerat te mbaronin ne kete menyre.
    ABCÇDDhEËFGGjHIJKLLlMNNjOPQRRrSShTThUVXXhYZZh (Alfabeti Shqip, 36 gërma)

  10. #10
    fillimi i gjithckaje Maska e JestersWorld
    Anëtarësuar
    23-01-2006
    Vendndodhja
    ata ketu ne qiell ne toke
    Postime
    684
    loooooooooooooooooooooooooool

    Ky kastrioti ka ca idera ... eshte i papare fare.

    Tani nje pyetje spekullative per te gjithe ata qe e marrin seriozisht kete cokun.

    Cfare ndodh nese dy shtete pjestare te Natos kane keqkuptime ?
    Cdo pergjithsim eshte i gabuar, ky gjithashtu!

Faqja 0 prej 19 FillimFillim 1210 ... FunditFundit

Tema të Ngjashme

  1. KOSOVE-1981 - Rrofte Republika Socialiste e Kosoves
    Nga DYDRINAS në forumin Çështja kombëtare
    Përgjigje: 46
    Postimi i Fundit: 07-07-2018, 11:21
  2. Veprat dhe cilesite e besimtarit te vertete te Zotit
    Nga ORIONI në forumin Komuniteti musliman
    Përgjigje: 5
    Postimi i Fundit: 14-07-2012, 10:39
  3. Sllavomaqedonizimi i historisë shqiptare
    Nga Artti në forumin Historia shqiptare
    Përgjigje: 4
    Postimi i Fundit: 19-06-2012, 17:46
  4. Kontributi i shkenctarëve islam në shkencë
    Nga Bleti002 në forumin Komuniteti musliman
    Përgjigje: 19
    Postimi i Fundit: 15-03-2009, 22:29
  5. A jeni munduar ndonjehere te vizatoni lumturine
    Nga AuGuSt_ në forumin Tema shoqërore
    Përgjigje: 80
    Postimi i Fundit: 04-11-2008, 15:36

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •