Si të kuptohemi - vargjet e mia

[feneri]

Ferit RAMADANI :


PËR N E



Për ne s'u dhan alarme të nisemi
as drekë e darkë s'u shtrua

Për ne as kodra e male s'u ulën
as ura s'kishën lumenjtë që kaluam

Për ne betejat nuk ishin valle të dasmave
as ëndërra joshëse të mëngjesit

Për ne u gatua vdekja nëpër bomba
dhe errësira - që ia shkyem armikut

[feneri]

Ferit RAMADANI :


PO VIJNË ! PO VIJNË !

Po vijnë krushqit - kolonë!
Përse troku s'trokëllin ?

Rreth malit - pa jehonë -
diçka në shpirt u ngrin !

Kokën poshtë! Ecin rëndë !
S'prin çaushi! S'ka bajrak !

Turfullijnë! Kërcënojnë me dhëmbë!
Në gjuh' e buzë u shpërthen gjak!

- Ikën kohërat ! E marrtë djalli!
Faqezeza turpëroi !

- Në gëzim dasmë: Çysh ngjalli !
Dritë e këngë - errësoj !

Ngrijnë këmbët ! S'luhet valle !
As për hë ! S'u tund shamia!

Ecën krushqit ngarkuar me halle:
- E vdekur - u shfaqej mblesëria !

[feneri]

Ferit RAMADANI :


PARADOKS



...dhe i ngjanim njëri tjetrit
në shpirt e zemër ndrydhëm -
porosi të pathëna,
njëmijë herë të këputura
nga bebëzat e syrit -
të përlotur si strall !

Kushedi përse than :
- Ngjajnë në rreth pakuptimesh !

Atëbotë vinin mes nesh
dhe iknin pa lamtumirë
një humbëtire pa cak, pa shtigje
të gjenin shpresa të reja!

Mikja ime prej lotësh dhe lutjesh :
Duarkryq nuk qëndruam !

Atëbotë i ngrysën stinët tona
dhe kthimit tonë në një - i bënë varr
të ndahemi përgjithmonë!

Përse e prisnim atë ditë
që lirilind nga hallet e shpresat,
udhëndarjet ia hapën !

[feneri]

Ferit RAMADANI :


SËPAKU NJË LULE


Diçka e ngrysur hedh valle në shpirt
parafytyrim i trisht në objektiv !

Ti zgjohesh e zbehur, e dërmuar
unë sytë e qiellit kundroj !

Pranverë t'i them stinës apo si ?

Sëpaku një lule të mbesë pa përcëlluar !
Nga vesa ! Oh! Çfarë shungullimi!

Diçka e kobshme në kraharorë na ndryn
diçka ! Gjakun tonë përpin !

Ma mirë të vdesim pa lindur ne ?

Edhe njëherë vdekjes nofullat t'ia thyejmë!
Blerimi - le të mbesë një lule gjaku !

Nga kthetrat - ganecëve t'ua rrëmbejmë :
Lirinë ! Të shtohet konaku !

[feneri]

Ferit RAMADANI :


NËPËR KOHËRA KAM MENDIMET


Të gjitha shikimet u derdhën
u derdhën diku mendimet,
dhe kohërat në radhë erdhën
siç vijnë befas pikëllimet !

-Janë djaj ! Thash në heshtje
por, mendimet më kapluan!
Ndaj rashë siç thonë : Në ndeshje!
- Mbi ne vetëtëtima u shkarkuan !

Po ne ! Si mundëm të jemi ?
Po ne ! Si duhej të mbahemi ?
Kjo pyetje e qartë është ! T'i themi!
Kësaj pyetje kurrë s'mund t'i ndahemi !

Atëherë si të hiqem i qetë,
kur në kohëra kam mendimet!
I t'holloj si gjyshja një petë -
për të mbledhur në sofër agimet !

Atëherë ! Po duan le të thonë :
- U linde dhe u rrite në zjarrm !
Po ! U grinda netëve: Vonë! Vonë !
Dashuria...! Më shpalli alarm !


P.S. Ky cikël është shkruar në prill 1978

[mondishall]

U mundova te vecoja me te pelqyeshmen poezi per ta cituar, por u ngaterrova rruges se kerkimit mes bukurise se gjithe poezive. Urime poet.

[feneri]

Feneri,

Vargu yt më lëvrin ndër gjak, duke filluar nga përkushtimi për Linditën tek poezia e parë - një klithmë mirënjohjeje (aspak histerike) që i tret largësitë, pikërisht në përkorësinë e saj.

Veçoj "Lagja e Shekujve" - një ndërthurje e përkryer e folklorikes me modernen.

Paç gjithnjë muzë të mbarë!

Rebele

Ne kete distance kohe, te them se nga postimi i kesaj permbeledhjeje poetike, kurre nuk pata rastin ta lexoj vete. te falnderoj per vleresimin! Mbase ishte zhvendosje teme ne forum e nuk e gjeja dot!

[feneri]

"Ne
kerkimtare te fatit!
ne udhekryqe
thurem
endrra mallengjimi"...............



..Ne mergimtaret endrra mallengjimi thurem per vehten !
por,jemi vete endrra dhe shpresa e medhe e Vendlindjes!
Rrofsh i nderuar Feneri, me pelqyen vargjet e mallit domethenes.

me nderime,
bili99

Te pershendes me mall i nderuar bashkevendasi im Bili !

[feneri]

U mundova te vecoja me te pelqyeshmen poezi per ta cituar, por u ngaterrova rruges se kerkimit mes bukurise se gjithe poezive. Urime poet.

Mondi, pos falnderimit dhe nje urate : Te te behet lapsi top per te shprehur ujvaren e frymezimeve !

[riza2008]

Pershendetje! Me pergjegjesine me te madhe lexova krijimet e sjella te poetit te afirmuar Ferit Ramadani.Arsyja e pergjegjesise eshte vete krijimtaria serioze qe do nje lexim te sakte, per te ndjere shijen e saj.Me pelqen stili i te shkruajturit,filozofia e poezise ne çdo poezi del e kompletuar.Perdorimi ne vendin e duhur te figurave letrare gje qe e lartesojne poezine dhe e ngejne ne pejdistal.Vërtet kenaqesi me mjeshterine e perdorimit te vargut.Varg i perputhur e qendisur bukur çdo germe.Nuk ngelet tjeter ç'far te them,por i drejtohem lexuesit mos e humbni kete kenaqesi qe u sjell poezia e F.Ramadanit,shijoeni dhe pastaj me gjykoni per kete thirrje qe ju bej.Poetit i uroj muze pa fund dhe shendet te mire per te na sjelle gjithmone krijime te tilla.Respekte.....