"Lindorizma shqiptare" dhe mendimi juaj!

[DI_ANA]

PERËNDIMOR APO LINDOR


Lindorizma shqiptare është një sistem mendimesh, ndjenjash dhe instinktesh, si çdo sistem tjetër jetese, me një botëkuptim të tijën.

Si më të parën karakteristike të lindorit shqiptar marrim proverbin e çdo qelepirxhiu të pashpirt: “Haja qenit, pija qenit”. Lindori shqiptar i pret të gjitha të mirat për vete - qelepir - nga të tjerët; bota për të është një burim i pashterun mjetesh, qejfesh e lezetesh të cilët ai i shfrytëzon me çdo mënyrë e metodë, pa pyetur se ku nget e ku vret. Detyrë të ndershme apo sakrifica vetmohuese ndaj botës pranë nuk njeh kurrë lindori shqiptar. Përkundrazi ushujza lindore, e pangijshme, i ngjitet trupit të përbashkët dhe shoqëror dhe ia thith gjakun pa asnjë droje e kujdesje. Dhe në vend që të turpërohet për veprën shkatërrimtare të veten, lindori shqiptar bëhet edhe ma kryenalt, ma kapadai, ma qejfli.

Lindori shqiptar nuk njeh turp, ai s’ka cipë që t’i nxihet. Lindori shqiptar është i zoti për të gjitha turpet. Shet babë e nane, besën e nderin e vet, për mos me thanë: shpirtin e trupin e vet; vetem e përvetëm që t’i shkojë kungulli mbi ujë. Idealet e lindorit shqiptar janë kolltuku e llokma; dhe për t’i siguruar vehtes këto të mira ai përdor çdo mjet: bëhet kur e do nevoja edhe patriot edhe tradhtar, monarkist e bolshevik, përparimtar e reaksionar, e bile edhe shok i fortë me të tjerë. Porse në shpirtin e vet është Lindori kryekëput rrënimtar, është shkatërrues dhe bashkohet me të tjerët si ato ujqt që vejnë së bashku në pre, por që e shqyjnë shokun e vet kur dobësohet apo plagoset udhës. Sepse Lindori shqiptar i ka instinktet e ujkut vetjak, të ujkut tek. Vendi ku ushqehet dhe majet Lindori shqiptar është atdhe për te. Jo sepse e don, por sepse e shfrytëzon; dhe e shfrytezon pa pikë turpi, dhimbje e kujdesje.

Është gabim kur thuhet se Lindorizma na ka ardhur fillimisht nga Azia, apo nëpërmjet fesë mohamedane, apo edhe nga populli turk. Jo kurrsesi, Lindorizma e jonë është një dhanti fatale e krishterimit euro-aziatik. Po spjegohem! Ne shekullin VIII, aty kah viti 740 e.s., do me thanë 600 vjet para se me shkelë turku në Atdheun tonë,

Shqipëria u bë province e Bizantit, nën Leonin III. të quajtur Isaurios. Dhe nga ky despot i tmerrshëm u ngushtuan të gjithë shqiptarët me u nda nga kisha romake (perendimore) e me u fundos ndër labirinthet e errta të kishës bizantine (Lindore) të atëherëshme. Por s’ishte aq fort ndamja (skizma) kishtare sesa ai shpirt i administrates bizantine, plot angth e myk, që u pllakos si një shpirtër i zi, si një hije murtaje mbi mbarë kombin shqiptar. Turqia ka qenë trashëgimtarja dhe kujdestarja e mirazit bizantin, dhe kësulja e kuqe - një krijesë greko-bizantine - u pranua si një simbol i atij trashëgimi.

Se ç’don me thanë shpirt bizantin e di pothuaj secili që ka lexuar ndopak fletët e historisë së kulturës. Mjafton të përmendet se bizantizmi historik është po njëlloj me Lindorizmën shqiptare që u përshkrua më lart. Shqiptari i shkret ia ka thithur lëngun asaj bizantizme shkatërrimtare brenda 12 shekujve të kaluar - qysh nga viti 740 - dhe është kalbur dalëngadalë në trup e në shpirt të vet, duke iu shprishur kësodore fuqitë e tij më të thjeshtat e më fisnike bashkë-kombëtare. Shqiptari dikur ka pasur nje dashuri të përvlueme dhe një besim të pafund ndaj Zotat e qiellit e të tokës, ndaj vendit dhe trashigimit të të Parëve dhe ndaj vllezërve të vet shqiptare.

Vala aristokratike dhe drita politike-filozofike që dridhen edhe sot në amanetet e pluhurosura të Kanunit të Lekë Dukagjinit dhe ndër sa e sa tradita malësore-shqiptare lenë me kuptuar lartësinë shpirtërore dhe heroizmën vetflijuese të të Parëve tonë dikur.

Porse të gjitha ato veti të larta e bashkë-ndërtuese shkuan dëm e huq nëpër hejmin shkatërrues të bizantizmës. Sepse si në mbarështrimin shoqëror e politik, d.m.th. ndër marredhëniet e shqiptarit me shqiptarin dhe ndër marrëdhëniet e shqiptarit me shtetin e tij u fut e u përhap shpirti bizantin si një epidemi rrënimtare dhe e deformoi karakterin e drejtë të shqiptarit në një bollë amorfe. Si i tha nënprefekti djalit të ri që po hynte rishtas kryetar komuneje: “Biro, ato që ke mësuar në kurse e libra hidhi mënjëanë. Po deshe të jesh një nepunës i mirë, të lavdohesh dhe të nderohesh, mbaje popullin me premtime. Sille vërdallë nga një ditë në tjetren, deri sa të mërzitet dhe mos i kryej ndonjë punë”. Vet djelmnia e shkolluar e ka gabim kur kujton se perendimorja përmbahet vetëm ndër veshje e mbathje evropjane, apo në të ndëjunit plot kotësi nëpër sallone, apo edhe me kryerjen e ndonjë detyre sa për formë e për të rrëmbyer një rrogë të majme, etj. Perendimorja e vërtetë tregohet pikësepari në kryerjen e një detyre të ndershme, fund e majë për hatër të asaj detyre dhe pa qenë i shtyrë nga zori, nga ndonje dëshirë e prujtun apo nga shkëlqimi i ndonje fitimi marerial. Bile perendimori i vërtetë karakterizohet nga menyra se si ai i ngarkon vetes me vetdashje detyra të rënda, jashtë detyrave të zakonshme e të domosdoshme. Heroizëm s’kerkohet prej askujt, porse lartësia morale e një perendimori matet me graden e vetmohimit dhe vetflijimit rreth nje ideje të lartë, rreth nje ideje që s’ka punë me kolltuqe apo llokma.

Detyra e përditshme e një perendimori është: Vepro gjithmonë në një mënyrë të atillë që sjellja jote të jetë shembull dhe rregull mbarëvajtjeje për të gjithë; sillu si njeri i butë me të tjerët, pa hile; pranoje, nderoje dhe çmoje çdo njeri pa qëllime dhe prapamendime lindore. Dhe këto të gjitha kërkohen dhe detyrohen tek çdo njeri i madh a i vogel, pasanik apo i varfër, shkollar apo bilmez - jo nëpër premtime materialiste apo friksime fetare, por vetem e përvetëm në emër të një njerëzimi të lartëm, i cili mbështetet mbi ato të drejta hyjnore që kanë mbirë në zemrën e çdo njeriu pak a shume normal. Dhe shpirti fisnik i një perendimori është pikërsiht ajo dhimbje mëshire dhe flijëplotë që drejtohet kundrejt çdo krijese nevojtare, por sidomos kundrejt çdo njeriu fatmjerë, kundrejt çdo populli varfanjak, e më së forti kundrejt kombit të vet në rrezik.

Marre nga : Prof. Krist Maloki


Cili eshte mendimi juaj mbi kete artikull?!

Respekte

[DYDRINAS]

Ky artikull nje eruditi te shquar sic ishte Krist Maloki, meriton te futet ne antologjite e edukates qytetare qe ne fillesat e formimit te nje adoleshenti shqiptar.
Qe ne ate moshe nis dhe formohet orientalizmi i trasheguar shqiptar, nen ndikimin e mjedisit familjar dhe shoqeror.
Shkrimi eshte teper aktual , jo vetem per shqiptaret, por per te gjithe ballkanasit europiane.
Europiani ballkanas trashegon nje qendrim dyfytyresh!
Qe nga ndarja e kesaj pjese te Europes, per shkaqe qe edhe sot e kesaj dite jane ne fuqi, nga pjesa tjeter e trungut, kemi nje "homos balcanicus" me nje qendrim dhe mendim te dyzuar.
Vishet dhe ka pamjen e jashtme si ate te nje perendimori, ndersa ne brendesi mbart dhe shfaq sjellje dhe veprime anadollako-bizantine.

Shpesh pyesin njerezit veten se pse ballkanasit (perfshire dhe shqiptaret) kane qene dhe jane me te suksesshem ne kushtet e shkollimit dhe te jetes ne Europen Perendimore se sa ne vendet e tyre.


Pergjigjen me te sakte e jep shkrimi ne fjale!

Per sa kohe qe nga brendesia nuk flaket trashegimia e erret dhe mizore anadollako-bizantine, per aq kohe do te zgjasin dhe problemet, konfliktet, mosmarreveshjet, konfliktet sociale, primitivizmat lokaliste, paragjykimet krahinore, keqadministrimi dhe administrata e tejkorruptuar, shteti i Maliqit dhe jo i ligjit, epersi e se keqes ndaj se mires, etj.

[Clauss]

profesori e ka parasysh qe vlerat e Perendimit, sic identifikohen dhe pershkruhen pak a shume ne paragrafin e fundit, i kane fillimet e tyre (trashe trashe) te Lutheri e Kalvini?? dhe pjesa tjeter e Europes ato kohe nuk eshte se ishte ne ndonje faze orgazme perparimi. plus qe pershkrimi eshte historikisht i gabuar po kete le ta leme menjane duke patur parasysh qe po idealizon.
keshtu qe para se te fusim dhe kete Malokun ne anthollogji mbase duhet te pyesim veten se sa mund te shpjegohet dhe analizohet (dhe ne fund te fundit dhe te krahasohet) nje botekuptim shekujsh ne 1 faqe e gjysem shkrim.
natyrisht, une sjam profesor ndaj mund tja fut dhe p2rdhes ne keto qe shkruaj..

[DI_ANA]

Ti thua qe historikisht eshte pershkrim i gabuar dhe jam dakort me ty qe shekujt nuk mundemi ti fusin ne nje faqe shkrim!
Per mendimin tend sa mund te shpjegohet dhe analizohet...deri ku?
E pranon qe nuk je profesor,po qe ta njohesh historine dhe ta analizosh nuk eshte e domosdoshme te jesh i tille!
Do te doja opinionin tend..

Respekte

[DI_ANA]

Ky artikull nje eruditi te shquar sic ishte Krist Maloki, meriton te futet ne antologjite e edukates qytetare qe ne fillesat e formimit te nje adoleshenti shqiptar.
Qe ne ate moshe nis dhe formohet orientalizmi i trasheguar shqiptar, nen ndikimin e mjedisit familjar dhe shoqeror.
Shkrimi eshte teper aktual , jo vetem per shqiptaret, por per te gjithe ballkanasit europiane.
Europiani ballkanas trashegon nje qendrim dyfytyresh!


Shpesh pyesin njerezit veten se pse ballkanasit (perfshire dhe shqiptaret) kane qene dhe jane me te suksesshem ne kushtet e shkollimit dhe te jetes ne Europen Perendimore se sa ne vendet e tyre.


Pergjigjen me te sakte e jep shkrimi ne fjale!

Per sa kohe qe nga brendesia nuk flaket trashegimia e erret dhe mizore anadollako-bizantine, per aq kohe do te zgjasin dhe problemet, konfliktet, mosmarreveshjet, konfliktet sociale, primitivizmat lokaliste, paragjykimet krahinore, keqadministrimi dhe administrata e tejkorruptuar, shteti i Maliqit dhe jo i ligjit, epersi e se keqes ndaj se mires, etj.

Shume pergjigje e drejte Dydrinas...

[Lioness]

profesori e ka parasysh qe vlerat e Perendimit, sic identifikohen dhe pershkruhen pak a shume ne paragrafin e fundit, i kane fillimet e tyre (trashe trashe) te Lutheri e Kalvini?? dhe pjesa tjeter e Europes ato kohe nuk eshte se ishte ne ndonje faze orgazme perparimi. plus qe pershkrimi eshte historikisht i gabuar po kete le ta leme menjane duke patur parasysh qe po idealizon.
keshtu qe para se te fusim dhe kete Malokun ne anthollogji mbase duhet te pyesim veten se sa mund te shpjegohet dhe analizohet (dhe ne fund te fundit dhe te krahasohet) nje botekuptim shekujsh ne 1 faqe e gjysem shkrim.
natyrisht, une sjam profesor ndaj mund tja fut dhe p2rdhes ne keto qe shkruaj..

Jo me shume se c'ia ka futur "profesori."

Artikulli: Thjeshtezim mendimi, zhveshur teresisht nga faktet, mbuluar me petk injorace historike, ngjyrosur me njeanshmeri te theksuar bindjesh personale.

Me tej, do duhen faqe te tera t'i analizosh mangesite.