Kuvendi voton shkarkimin e kryeprokurorit Sollaku, Topi e dekreton shkarkimin

[Brari]

g 55
----------------------------------------------------



Sollaku mbrohet sërish me linjën e Hakmarrjes për Drejtësi

(02.11.2007)

Në prag të largimit, kryeprokurori ka nxjerrë në deklarime publike, njerëzit e përdorur më shumë në ortakërinë e denoncuar të tij me efektivat e Hakmarrjes për Drejtësi, duke i paraqitur si fajtorët që do të mund ta shpëtojnë nga hetimi. Ardian Visha është përmendur nga mediat si përgjegjësi për lirimin e Aldo Bares, ndërkohë që në prokurori ka mbuluar me turp të plotë sektorin që mbulon ekstradimet e të shumëkërkuarve


I ndërgjegjshëm se ka ezauruar të gjitha mundësitë për të vijuar që të mbajë peng të lidhjeve mafioze Prokurorinë e Përgjithshme, Theodhori Sollaku, ka vendosur që të përdorë linjën e “Hakmarrjes për Drejtësi” ne kundërofensivën e tij të dëshpëruar për të fituar sadopak terren në një betejë, fati i së cilës dihet tashmë. Dje ai ka nxjerrë para mediave Drejtorin e Marrëdhënieve me Jashtë, në Prokurorinë e Përgjithshme, Ardian Visha, që është njëherazi dhe përgjegjësi kryesor për marrëdhenieve me jashtë të organit të akuzës. Kësisoj Visha është shfajësuar për dështimin e mjaft ekstradimeve përfshirë këtu edhe atë të Altin Arapit, eksponentit kryesor të organizatës terroriste e anarkiste të themeluar nga rudimentet e Sigurimit të Shtetin dhe bijtë e tyre dhe vrasësit të shofeti të gruas së kryeprokurorit në vjeshtë të vitit 2001. “Ekstradimi i shtetasve shqiptarë nuk është çështje e qëndrimit tonë subjektiv apo e Prokurorit të Përgjithshëm si individ, por është problem i kuadrit ligjor në fuqi në Republikën e Shqipërisë” - tha dje Visha. Duke reaguar ne lidhje me ekstradimet, objekt hetimi i Komisionit Hetimor “Sollaku 2”, Visha tha se, mbështetur në këtë kuadër ligjor, ekstradimi i shtetasve shqiptarë jashtë territorit të vendit, bëhet i mundur vetëm kur ka marrëveshje që e parashikon një gjë të tillë”. Sipas tij nuk ka një listë mbi 200 subjektesh, për të cilat prokuroria apo Prokurori refuzon të veprojë institucionalisht, përkundrazi, “ka mbi 300 subjekte që ndodhen në burgje, me vendime të formës së prerë, pikërisht në sajë të bashkëpunimit ndërkombëtar, që prokuroria ka mundur të realizojë me partnerët me të cilët kemi ndërtuar marrëdhënieve dinjitoze”. Në të vërtetë dështimi i ekstradimit të Arapit Arapit, e konfirmuar kjo edhe nga autoritet belge, ka ndodhur për arsye krejtësisht banale: organi i akuzës nuk qe në gjendje që brenda kohës së përcaktuar të dorëzonte dosjen e plotë kriminale të pjesëtarit të “Hakmarrjes për Drejtësi”. Për rrjedhojë Visha që po shfrytëzonte këtë dalje për t’u distancuar nga përgjegjësitë e rënda, është keqpërdorur dje nga Kryeprokurori në cilësinë e një limoni të shtrydhur.
Sollaku legjitimon lirimin e 22 të dënuarve, por fajëson për këtë Gjykatat/Prokuroria e Përgjithshme nuk ka pranuar se ka firmosur lirimin nga burgu nga burgu të dhjetërave të dënuarëve me precedencë të rrezikshëm penalë, në një kohë që ka legjitimuar këtë akt. Sipas zyrës për shtyp të këtij organi në asnjë rast prokuroria nuk ka bërë kërkesë për lirimin e të dënuarve. Zëdhënësi i Prokurorisë së Përgjithshme, Agim Neza publikoi rezultatet e kontrollit të ushtruar nga grupi i punës, i ngritur nga Prokurori i Përgjithshëm, për situatën në prokuroritë e rretheve gjyqesore nga ku janë liruar disa të burgosur, me vendim gjykate, me arsyetimin se "vuanin nga sëmundje te ndryshme”. Sipas zëdhënësit të Prokurorisë së Përgjithshme, kontrolli u krye në Gjykatat e rretheve gjyqësore, Tiranë, Kavajë, Krujë dhe Lezhë, për periudhat janar 2005-tetor 2007, ku u shqyrtuan 22 kërkesa të të dënuarve për lirim nga burgu me arsyen se vuanin nga sëmundje të ndryshme. “Shkaqet që përbëjnë sëmundje të rëndë, të përcaktuara në aktet e ekspertimeve mjeko-ligjore, janë të ndryshme. 10 të burgosur janë liruar të diagnostikuar pasi vuanin nga sëmundje psiqike, 5 të burgosur me kancer, 3 të burgosur nga sëmundje të rënda kardiovaskulare dhe në mushkëri, ndërsa 4 të burgosur të tjerë janë liruar të diagnostikuar me diabet të avancuar, azma bronkiale, paralizë e plotë si dhe atrofi. Gjatë shqyrtimit gjyqësor të këtyre rasteve, për 6 prej tyre, ndërsaprokurorët i kanë kërkuar gjykatës rrëzimin e kërkesës. Ndërkohë që, Gjykata në përfundim të shqyrtimit gjyqësor ka vendosur për 22 raste pranimin e kërkesës, duke urdhëruar lirimin e të burgosurve. Drejtuesit e prokurorive dhe prokurorët që kanë ndjekur çështjet, kanë apeluar kur nuk kanë qënë të bindur në vendimin e gjykatës, afro 33% të vendimeve të Gjykatës”- deklartoi Neza, duke shtura se lirimi i të burgosurit kushtëzohet nga shkaku i një rëndësie të veçantë, siç është sëmundja e rëndë, që e bën të pamundur qëndrimin e të dënuarit në burg për shkak se rrezikohet jeta e tij, dhe e rëndësishme në këtë rast, është përcaktimi mjeko-ligjor i të dënuarit, i kryer nga specialist-ekspert mjekësor". Në korrik të këtij viti Ministria e Drejtësisë publikoi një raport kontrolli në Institutin e Mjekësisë Ligjore nga i cili dilte qartë se ekspertët e Institutit të Mjekësisë Ligjore, në mënyrë të veçantë ekspertët psikiatër, kishin falsifikuar haptazi aktet e ekspertimit duke bërë të mundur lirimin nga burgu të disa personave me rrezikshmëri të lartë shoqërore në bashkëpunim me gjykatësit dhe prokurorët. Hetimi administrativ përfundoi me shkarkimin e të gjithë eksperteve që kishin falsifikuar si dhe u bë kallëzimin penal për disa prej tyre.Në përfundim të procesit të inspektimit, proces që përfshinte zbatimin e ligjit nga ana e gjyqtarëve dhe prokurorëve që morën pjesë në gjykimin e këtyre çështjeve, pas analizës të secilit prej rasteve u evidentuan të dhëna tronditëse se si të dënuar për vepra penale të rënda si vjedhje, përdhunim, trafikim lëndësh narkotike,vrasje me paramendim janë liruar nga burgu në kundërshtim me ligjin, procedurat ligjore dhe në bashkëpunim të hapur me subjektet e këtyre procedimeve. Në raportin e përfunduar persona të dënuar për trafik lëndësh narkotike janë liruar nga burgu me arsyetime banale se jeta e tyre rrezikohej në burg nga një gjendje e keqe e humorit, por nga raportet hetimore të bëra në bashkëpunim me strukturat e Ministrisë së Brendshme, të dënuarit e liruar i janë rikthyer trafikut të lëndëve narkotike.
Kushtetuesja, qajtorja e fundit e Sollakut para dorëzimit të çelësave të Prokurorisë/Prokurori i Përgjithshëm, Theodhori Sollaku, vijon që të përpëlitet në batakun që i ka krijuar vetvetes. Pasi ka refuzuar të njohë legjitimitetin dhe te paraqitet në komisionin hetimor e ngritur për të, pasi është ankuar poshtë e përpjetë për “padrejtësinë” që po i bëhet, Dhori është ankoruar tek stacioni i fundit para dorëzimit final të çelësave të zyrës së tij. Me anë të një kërkese drejtuar Gjykatës Kushtetuese, Kryeprokurori ka kërkuar pezullimin e hetimir patlamentar me justifikimin e përhershëm të mungesës së kushtetueshmërisë së kësaj nisme të ndërmarrë nga ana e Partisë Demokratike, mbështetur nga pjesa dërrmuese e anëtarëve të koalicionit qeverisës. “Vendim i Kuvendit për komisionin hetimor vjen si një përsëritje, diçka më e sofistikuar e vendimit nr 31, datë, 2.5.2006, i konsideruar si në kundërshtim me Kushtetutën nga Gjykata Kushtetuese me vendimin nr.26, datë 04.12.2006. Është sfidë ndaj çdo logjike dhe morali, juridik, shoqëror dhe politik, tek lexon kërkesën e “re” të 28 deputeteve që i drejtohen Kryetares se Kuvendit duke cituar që në fillim “faktet dhe argumentat” e vendimit te vjeter, si te mos kishte ndodhur asgjë, si të mos kishte një vendim perfundimtar e të formes se prerë të Gjykates Kushtetuese dhe një Dekret të Presidentit të Republikes që jo thjesht e kanë ç’bërë këtë vendim, por që pas një analize të detajuar e me përgjegjësi e kanë konsideruar atë si shkelje të parimeve dhe të praktikave juridike kushtetuese” - shkruan në kërkesën e tij Sollaku, duke zbardhur vendimin e diskueshëm të vitit të kaluar të Kushtetueses për të mos e njohur Kuvendin si institucionin më të lartë që përfaqëson sovranin. “Vleresoj qe zoterinjte deputete duhet t’i studiojne faktet qe u serviren. Para se te nenshkruajne duhet t’i konsultojne ato me specialistet e ligjit dhe jo me injorantet e ligjit, sepse arrihet ne absurditete te tilla sa te kerkohet qe te rifillojne hetimet per çeshtjet e pushuara nga gjykatat per mungese provash. Nje çeshtje e gjykuar mund te vihet ne levizje vetem me anen e institutit te rishikimit. Imponime te tilla krejtesisht te kundraligjshme e antikushtetuese ndaj institucionit te prokurorise kane qene te papranueshme edhe ne diktature dhe nuk njiheshin as nga sistemi i vjeter i procedures, jo me ne nje shtet demokratik si ky qe pretendojme se po ndertojme. Ne kerkesen “e re” pretendohet “trajtim i papergjegjshem i marredhenieve juridiksionale me shtetet e huaja” apo “uzurpim” i pushteteve te Ministrit te Drejtesise. Asgje te vertete nuk ka ne keto parashtrime. Hartuesit e kerkeses se servirur deputeteve nuk mund te gjejne dot asnje rast per te ilustruar absurditetet qe shkruajne”- deklaron ai, duke kërkuar zgjidhjen e mosmarreveshjes se kompetencave ndermjet Prokurorise dhe Kuvendit te Shqiperise si dhe pezullimin e vendimit për ngritjen e komisionit hetimor.
PD: Kushtetuesja nuk mund të ndërhyjë në veprimtarinë e komisionit hetimor/Anëtari demokrat i Komisionit parlamentar të Ligjeve, Dashamir Sula, deklaroi dje se Gjykata Kushtetuese nuk mund të ndërhyjë dot në veprimtarinë e komisionit hetimor “Sollaku 2”, për sa kohë që nuk ka dalë raporti përfundimtar nga ana e këtij komisoni, dhe për sa kohë që ky raport nuk është miratuar nga Kuvendi i Shqipërisë. “Gjykoj se është e drejtë e kryeprokurorit që të bëjë një ankesë në Gjykatën Kushtetuese, por kjo
Gjykatë është shprehur njëherë përsa i përket komisionit hetimor dhe ajo nuk e konsideron ilegjitime ngritjen e këtij komisioni. Gjykata Kushtetuese nuk mund të pengojë ngritjen e këtij komisioni, pasi kjo përcaktohet me ligj si në Kushtetutë, ashtu edhe në rregulloren e Kuvendit. Kjo kërkesë nuk është ilegjitime në formë dhe në përmbajtje, pasi ky është një komision i ngritur rishtaz dhe nuk është i njëjti objekt siç pretendohet”- deklaroi ai. Ndërkohë, deputeti i PD-së sqaroi se komisioni hetimor nuk ka hyrë në çështje konkrete, pasi Prokurori i Përgjithshëm po gjykohet për kompetencat e tij dhe për shkeljen e ligjit nga ana e tij. “Parlamentit i lejohet të ngrejë një komision hetimor dhe kjo është brenda kornizës kushtetuese, pasi parlamenti mund të gjykojë nëse Prokurori i Përgjithshëm ka realizuar detyrat funksionale që i përcakton ligji për organizimim dhe funksionimin e prokurorisë. Vetëm pasi të ketë një vendim nga ana e parlamentit për këtë çështje, kryeprokurori ka të drejtë të ankimojë në Gjykatën Kushtetuese, por jo në momentin që komisioni hetimor ende po vazhdon punën”- përfundoi Sula. Ndërkaq deputeti socialist Petro Koçi dhe ai i PBDNJ-së, Spiro Peçi, e kanë legjitmuar veprimin e Kryeprokurorit. Sipas Koçit është i justifikuar përdorimi i çdo mjeti ligjor dhe Kushtetues nga ana e Prokurorit të Përgjithshëm, për sa i përket komisionit hetimor parlamentar. “Kjo kërkesë është krejtësisht e justifikuar, pasi në momentin kur kryeprokurori e gjykon hetimin parlamentar si antikushtetues, është normale dhe e drejta e tij legjitime që t'i drejtohet Gjykatës Kushtetuese” - theksoi ai. Ndërkaq edhe deputeti Peçi, deklaroi se është e drejtë e Prokurorit të Përgjithshëm t'i drejtohet Gjykatës Kushtetuese atëherë kur vëren se ngritja apo veprimtaria e komisionit hetimor 'Sollaku 2' është antikushtetuese. Duke komentuar kërkesën e kryeprokurorit drejtuar sot Gjykatës Kushtetuese, i cili kërkon zgjidhjen e mosmarrëveshjes së kompetencave ndërmjet Prokurorisë së Republikës dhe Kuvendit të Shqipërisë dhe pezullimin e vendimit nr. 135, datë 25.10.2007 të Kuvendit, Peçi u shpreh se kjo është e drejtë e Prokurorit të Përgjithshëm, por edhe e
çdo personi, i cili gjykon se ndaj tij është ndërmarrë një veprim antikushtetues.

[RaPSouL]

Sollaku, betejë në Kushtetuese

Kryeprokurori kërkon bllokimin e komisionit hetimor: Na ndani kompetencat

Kryeprokurori Theodhori Sollaku i dërgoi dje një kërkesë Gjykatës Kushtetuese, për zgjidhjen e mosmarrëveshjes së kompetencave ndërmjet Prokurorisë së Republikës dhe Kuvendit të Shqipërisë. Në kërkesën e tij, Sollaku deklaron se kuvendi ka ngritur komision të njëjtë me atë që Gjykata Kushtetuese e shpalli vite më parë si të paligjshëm. "Kërkesa për hetimin tim shkel kushtetutën në dhe në përmbajtje" thuhet në kërkesën e Sollakut. Sipas tij, është sfidë ndaj çdo logjike dhe morali, juridik, shoqëror dhe politik, tek lexon Kërkesën e "re" të 28 deputetëve që i drejtohen Kryetares së Kuvendit duke cituar që në fillim "faktet dhe argumentet" e vendimit të vjetër, si të mos kishte ndodhur asgjë. Kuvendi, sipas Sollakut, liston një sërë shkelje të "rënda" si mosveprimin për ndjekjen penale ndaj zyrtarëve të denoncuar, dështim flagrant lidhur me marrëdhëniet juridiksionale me autoritetet e huaja etj. Ndërsa Sollaku, në kërkesën e drejtuar Gjykatës Kushtetuese, thotë se: "Veprimtaria e Prokurorit të Përgjithshëm, që nga vendimi i Kuvendit për propozimin e shkarkimit të tij deri më sot, nuk ka reflektuar asnjë nga shqetësimet e Kuvendit të Republikës së Shqipërisë lidhur me konkluzionet e hetimit parlamentar dhe për pasojë nuk ka sjellë asnjë modifikim të pozicionit të Prokurorit të Përgjithshëm në raport me shkeljet e kryera prej tij në ushtrimin e funksioneve zyrtare". Kryeprokurori vijon më tej se "në këto kushte, jam i detyruar, sërish, që së përfaqësues i Prokurorisë së shtetit, ti drejtohem Gjykatës Kushtetuese, për të ndaluar këtë veprimtari që shkon ndesh me rregullimet kushtetuese dhe që synon përfshirjen e Kuvendit në kompetencat që Kushtetuta dhe ligji i kanë dhënë institucionit që drejtoj". Në kërkesë, sollaku e ka cilësuar sulmin ndaj institucionit që drejton si "dhunim i sferës sonë të pushtetit", ndërsa ka sqaruar se legjitimimi i Prokurorit të Përgjithshëm përpara Gjykatës Kushtetuese, ka një precedent. "Kërkesa e ‘re‘ e një grupi prej 28 deputetësh (realisht janë 29 firmëtarë), shkel Kushtetutën jo vetëm në përmbajtje, por edhe në formë" citon Sollaku. Sipas tij, një e katërta e 140 deputetëve është 35 dhe jo 28 apo 29. "Koshient për mos legjitimimin për të kërkuar antikushtetueshmërinë e këtij akti përmes kontrollit abstrakt, e sjell në vëmendjen tuaj këtë ves të tij, të nderuar Gjyqtarë, jo thjesht për të treguar se sa e nxituar dhe e keqargumentuar është kjo kërkesë ‘e re‘, por mbi të gjitha, se sa arrogante është ajo në pakujdesinë e vet" thotë kryeprokurori, duke vijuar se kërkesa e fundit është po ajo e para, veçse këtë herë, e thënë me fjalë të tjera. Duke komentuar ngritjen e komisionit dhe hetimin e tij nga disa deputetë të mazhorancës, kryeprokurori ka shtruar disa pyetje gjyqtarëve të Gjykatës Kushtetuese. "Si do të arrijnë pas kësaj procedure gjysmake të argumentojnë shkarkimin e Prokurorit të Përgjithshëm, përveçse duke dalë në konkluzione, që duan apo nuk duan, nuk mund të jenë gjë tjetër por ‘vlerësime të vendimeve të prokurorëve‘, gjë që ata nuk mund të bëjnë, veçse në shkelje të Kushtetutës?!". Sollaku thotë se sikundër po duket, nga dëshira "e mirë" për ti dhënë fund sa më shpejt një shoë, që edhe ata vetë e dinë mirë se është qesharak.

[RaPSouL]

Raporti per shkarkimin e Sollakut, reagojne PSD dhe PBDNJ

Ne raportin e hartuar nga deputetet e mazhorances, ne mungese te atyre te opozites, kerkohet qe Kuvendi te nise procedurat per shkarkimin e kryeprokurorit

Ora 13:20 Kane qene te menjehershme reagimet pas miratimit te raportit nga komisioni hetimor per shkarkimin e kryeprokurorit. Kreu I Partise Social Demokrate Skender Gjinushi tha se “per PSD firma e presidentit per shkarkimin e Sollakut eshte marre qe ne korrik kur Bamir Topi u zgjodh ne ate post”. Gjinushi tha me tej se mazhoranca me raportin e hartuar per kryeprokurorin i eshte kundervene nismes se presidentit per reformen ne drejtesi. Gjinushi tha gjithashtu se ka ardhur koha per protesta popullore duke deklaruar gjithashtu se opozita do ti mbeshtese ato.
Nga ana tjeter PBDNJ ka paralajmeruar se do abstenoje raportin per shkarkimin e Sollakut qe mazhoranca do te paraqese ne Kuvend. Kreu i kesaj partie, Vangjel Dule, deklaroi se ligjvenesit jane ne Kuvend per te bere ligje dhe jo hetime dhe per kete arsye deputetet e kesaj partie do te abstenojne per shkarkimin e Sollakut.


Ora 10: 40 Komisioni hetimor parlamentar “Sollaku 2” ka miratuar sot raportin perfundimtar per punen e kryeprokurorit. Edhe pse afati i punes per komisionin eshte nje muaj, ai ka arritur per pak dite te perfundoje hetimin dhe mbledhjen e fakteve per veprimtarine e kreut te akuzes.
Ne raportin qe pritet t'i kaloje Kuvendit, por dhe vete Prokurorit te Pergjithshem, shkruhet se kreu i organit te akuzes ka shkelur ligjin. Ne vijim te raportit, kerkohet qe Kuvendi te nise procedurat per shkarkimin e tij. Nderkaq edhe sot anetaret e opozites nuk ishin te pranishem ne mbledhjen e komisionit hetimor.
Nga ana tjeter kreu i organit te akuzes Theodhori Sollaku permes nje letre te derguar dje ne Gjykaten Kushtetuese ka kerkuar shfuqizimin e vendit te Kuvendit per ngritjen e komisionit hetimor ndaj tij si dhe zgjidhjen e mosmarreveshjeve mes Kuvendit dhe organit te Prokurorise.

[GL_Branch]

Iku edhe Dhori me gjithe Nezen e Vishen! S`ke ci thua pune e bukur fort u mblodhen 6 deputete te PD-se pam pam pam me goditje te perqendruar per nje jave mbaruan pune as e degjuan fare Sollakun ca kishte per te thene ore po hic!

Po Luli? Cben valle? Berisha a i mbaroi xhirot neper bote? Po korrupsioni Durres Kukes nuk ka nevoje te hetohet!

Kryeprokurori nuk ka nevoje te merret me punen e tij se prokurori, gjykate, presidence, qeveri jemi ne te pagabueshmit!

Epo ato pune i di Partia!

He me te lumte o njeriu me top! Po neser kush e ka rradhen!

Ne te gjithe!

Kur presidenti zgjidhet me korrupsion, kur prokurori shkarkohet sapo kerkon heqjen e mandatit te nje ministri ne rastin me te mire te korruptuar kur kryeministri i sotem eshte po ai person qe kryesonte vendin ne 96 dhe 97en ne kulmin e piramidave e vazhdon sot te mbreteroje kur inflacioni ka kapur majat e vetevrasjet realizojne e tejkalojne planin dhe te cmendurit enden rrugeve e ska nje institut per ti futur (ose asnjeri se can koken per ti cuar atje ku duhet) kur papunesia nuk dihet as sa eshte realisht, kur indeksohen vetem rrogat e policeve dhe ministrave se per te tjeret as dihet c`behet, kur te vetmit qe interesohen per keto gjera, ata qe punojne e mbajne ne kembe shtetin shqiptar jane emigrantet leket e te cileve vene per rroga policesh, rrugen e florinjte dhe qerate e hoteleve ne bregdet prone e matrapazeve te pronave dhe klanit qeverises d.m.th se kete vend e ka marre lumi!

Po kredite per shtepite e cifteve te reja kush do ti paguaje ne pallatet e reja gjysme bosh! Po punetoret e fabrikave te kepuceve, fshataret qe skane mundur te emigrojne me se do te rrojne! Po pensionistet, mesuesit ?
Me 16000-22000 leke ne muaj = me 10 kile djathe te Konadit ku e blen Lulzimi djathin se djathi shqiptar vjen ere te keqe!

Po minatoret ata qe vdesin per nje cope buke! E thjeshte i mbyllim minierat!
Po te rinjte qe tani jane te gjithe studente ku do punesohen neser! S`dihet!
Pastaj ky eshte kapitalizmi baby qeveria s`merret me keto gjera merret me prokurorin me Bechtelin me studentet e Harvardit me ceshtjen e pronave me shitjen e pasurive shteterore me mbledhjen e takses se sheshte tek rrogat e ulta se te ardhurat e larta s`taksohen dot!

Ty qe punon kush te mbron, ku e ke kontraten e punes e detyrueshme per cdo te punesuar qe te te siguroje se neser pasneser nuk do ngelesh pa pune e s`do marresh rruget neper bote per tu dhene buke femijeve! S`dihet! Po ligjin per mospirjen e duhanit kush e shikon ne funksionon apo jo, ate per mbrojtjen e pyjeve ku prokuroria fut brenda pyjoret e merr vesh se pyjet priten me lejen e nje ministrie te drejtuar nga ai qe shpiku Xhuvelizmin si sistem qeverisjeje me vota te shitura!

Ky nuk mund te quhet shtet ky eshte sistemi mafiozo-fashist i vjedhjes se nje populli!

[Barlet23]

Sollaku duhet te ishte heq qe ne fillim por ja qe sishin mundesite se kishit Shrekun ne karrige!! tani qe kane kaluar 2 vjet keni fillu tja harroni bemat sollakut.
Nejse me mire vone se sa kurre!!
Sa per rrugen durres mos flisni fare sepse kur te mbaroj do ndjeheni krenar qe vendi jone ka nje rruge te tille. Te pakten eshte bere nje investim i madh per nje ure lidhse midis nesh edhe kosoves dhe jo si socialistet me Sollakun ne krye qe bene investime per krimin e organizuar.
Deri te ky forum eshte futur klani Edvinist!!!!! me keto men hecni ju se perpara keni per te hec..
hajde shnet e te mira

[Brari]

RD

--

Intervista me Kryetaren e Parlamentit, Jozefina Topalli, dhënë për emisionin "Përballë" të gazetarit Lutfi Dervishi


"Përse kundërshtova me forcë emërimin e Sollakut"

- Kryeparlamentarja e parë femër. Kjo ka qenë ambicia juaj pas zgjedhjeve të 3 korrikut?

Ju po më kujtoni 3 korrikun 2005 që unë dhe kolegët e mi e kemi përjetuar me një mënyrë shumë intensive, me një ndenjë aq të fortë, që besoj se do ta mbajmë për shumë kohë dhe një ndenjë që nuk i linte kurrë vend ambicieve të caktuara. Ishte një fitore pas 8 viteve të një opozite të gjatë dhe të vështirë, një fitore që pritej dhe me të cilën kishim vendosur shumë ëndrra dhe shumë besime.

- A keni një model në punën tuaj si kryeparlamentare?

Unë sigurisht që ndjek me shumë interes politikanë të ndryshëm në botë. I ndjek me vëmendje të veçantë gratë në politikë dhe raportin e pushtetit dhe të gruas. Arena ndërkombëtare dhe natyrisht dhe unë brenda... ka një dimension tjetër gruaja dhe pushteti, sidomos sot në arenën ndërkombëtare. Po unë besoj se në sjelljen estetike kam qenë vetvetja. Në thelb besoj se kam ruajtur një lidhje të fortë shpirtërore me ambientin ku jam rritur, me njerëzit, miqtë e familjes sime, ata që kanë ndikuar më shumë në formimin tim, njerëz të cilët kanë përballuar shumë sfida në jetën e tyre, kanë qenë edhe pjesëmarrës në politikë, kanë rendur pas disa vlerave dhe disa besimeve, kanë sakrifikuar dhe kanë paguar shumë për këtë dhe nuk janë përmendur asnjëherë.

- Përmenden disa femra në politikë. Mund të përmend disa emra: Hillary Klinton, Angela Merkel, Presidentja e sapozgjedhur e Argjentinës, Kristina Kishner, kthimi i ish-Kryeministres së Pakistanit, Benazir Butto. Presidentja e Kilit, Bashlet, Presidentja e Irlandës, MCALEESSE, Presidentja e Indisë, Patil. Presidentja e Filipineve, Gloria Arrojo, apo Ellen Jonson Sirleaf, Presidentja e Liberisë. Si e përcillni këtë trend botëror për kapjen e majave të pushtetit nga gratë? Po kthehemi vallë në matriarkat?

Jo, është diçka e jashtëzakonshme, që e ka sjellë koha. Janë gra të forta, me një karrierë të fortë politike, me një karrierë të merituar, të cilat edhe kanë rrezikuar. Ju përmend dhe unë, po kam vetëm njërin prej emrave që ju përmendët, Benazir Butto. Ka qenë kryeministre dhe është kthyer në Pakistan, duke e ditur rrezikun që kanoset edhe për jetën e saj. Është diçka e jashtëzakonshme fushata e Hillary Klinton. Besoj se Angela Merkel konsiderohet në vendin e saj dhe në Europë, dhe përpëtej, ndoshta duke marrë edhe statusin e një "rock star"-i. Është një fazë e re besoj për kthyerjen në mënyrë shumë të fuqishme, shumë të fortë, të grave në politikë dhe kjo është diçka e jashtëzakonshme jo vetëm për faktin se zvogëlon një deficit demokratik që ka ekzistuar gjatë viteve që kemi lënë pas, por që flet për një të ardhme, ku shumë gra të tjera shohin modele tek të këto gra dhe kanë të gjitha arsyet për t'i ndjekur dhe për të shkuar pas këtyre modeleve.

- Nëqoftëse do të ishit votuese amerikane do të votonit për Hillary Klinton?

Si Jozefinë, patjetër!

- Thoni se keni një pozicion të vështirë. Cili ka qenë momenti më i vështirë i juaji në drejtimin e Kuvendit?

Unë i kapërcej dhe nuk dua që t'i kujtoj momentet jo të këndshme, por ajo që nuk më ikën lehtë sigurisht që është dhuna në parlament në korrik të 2006-ës, për faktin se isha e ndërgjegjshme që krijonte një imazh shumë të keq të politikës, të shoqërisë, të vendit, të Kuvendit në sytë e të tjerëve. Kjo më ka krijuar dhimbje në parlament.

- Çfarë ka ndryshuar tek ju në mënyrën se si menaxhoni drejtimin e Kuvendit pas mocionit të paraqitur nga opozita? Janë bërë dy mocione në adresën tuaj. Futen këto në momentet më të vështira tuajat?

Jo, jo, jo. Unë besoj se nuk ka ndryshuar ndonjë gjë. Unë vazhdoj të punoj me axhendën e kryetares së Kuvendit, për ta çuar përpara këtë axhendë. Besoj se ka patur efektin e kundërt, atë për të cilën ata synuan dhe kam shumë gjëra të tjera përpara me të cilat duhet të punoj, shumë projekte dhe shumë sfida në detyrën e kryetares së parlamentit për të çuar përpara. Natyrisht jam më e kënaqur, kam raporte shumë më të përmirësuara me personalitete edhe të opozitës. Unë vazhdoj të mendoj njësoj siç u kisha thënë në fjalimin e parë, pavarësisht se ndonjëherë mund të jem keqkuptuar që të bëjë avokaten në kuptimin e asaj që të mbrojë çdo kërkesë racionale që vjen nga opozita, natyrisht jo për llogari politike të plotësoj kapriçot e njerëzve, kapriçot e njërit dhe të tjetrit, dhe në fakt klima në parlament, kohët e fundit, ka qenë më normale. Sot, për shembull, kemi kaluar një ligj në të cilin kishte një ndërhyrje nga një deputet që nuk binte dakord me disa pjesë të një ligji dhe vërejtjet e tij ishin të drejta. Dhe personalisht, unë ndërhyra për ta mbështetur. Nëse ne mendojmë për të përmirësuar diçka dhe vërejtja vjen nga kundërshtari, kjo është diçka shumë e mirë. Le të marrim përpara dhe të ecim në përmirësimin e këtij projektligji të një standardi të ri.

- Ju ka drejtuar njeri pyetjen pse flisni gegnisht apo më mirë shkodranisht në Parlament?

Unë përpiqem të flas me gjuhën letrare, por unë nuk shkëputem nga ajo që është origjina ime dhe nga ambienti ku jam rritur, ku kam bërë shkollën, ku kam punuar.

- Flitet se keni një rol të rëndësishëm në krijimin e kabinetit "Berisha 1", "Berisha 2"?

Jo. Krijimi i kabinetit është absolutisht prerogativë e kryeministrit. Kur kryeministri e gjykon për t'u konsultuar me drejtuesit e tjerë të partisë, natyrisht mblidhemi, diskutojmë dhe secili përpiqet të kontribuojë që të bëjmë zgjedhjen më të mirë, por është e drejtë e kryeministrit, megjithëse ai konsultohet.

- Nëqoftëse i referohemi një teme që tashmë është në diskursin politik prej dy vjetësh, prokurori. Jeni e para dhe e vetmja nga Grupi i PD-së që keni kundërshtuar në atë kohë emërimin e Sollakut si Prokuror i Përgjithshëm? Kjo çështje është rikthyer sot, megjithëse ju keni thënë se nuk ka asnjë lloj lidhje emri me reformën në drejtësi. Cili do të jetë roli juaj në zgjedhjen e prokurorit të ri?

Është e vërtetë që kam kundërshtuar me forcë që në emërimin e Dhori Sollakut, në prill, atë çfarë unë dija për CV-në dhe atë çfarë përfaqësonte. Në atë periudhë kujtoj që unë kurrë nuk krijova bindjen që institucioni i Prokurorit të Përgjithshëm mund t'i besohej Dhori Sollakut dhe nuk kam gabuar. Sot mendoj të njëjtën gjë, që reforma në drejtësi përsëri s'ka asnjë lidhje me emrin Dhori Sollaku. Ai emër është i rrëzuar një vit më përpara në parlament, pavarësisht se si u përpoqën që ta mbajnë. Për ne është prioritare që të mendojmë dhe të mos shkojmë në përsëritje të tjera të një emri tjetër, që të fillojmë edhe njëherë procedurën e shkarkimit, sepse parlamenti ka gjëra shumë më të rëndësishme për të shkuar përpara, sa nuk ka pse harxhon aq shumë energji që të merret me Dhori Sollakun. Mendoj se e rëndësishme është të bëjmë, të ndërtojmë legjislacion dhe kushtetutë, po të jetë e nevojshme për të ndërtuar një sistem të Prokurorisë së Përgjithshme ku të vendosim rregulla, që cilido, qoftë emri që do të vendoset në krye të këtij institucioni, të ketë kufizime përmes ligjit dhe ku s'mund kurrë të abuzojë apo të mos veprojë duke shfrytëzuar hapësirën që i lë ligji përkatës. Kështu që unë edhe sot në parlament u kam bërë ftesë deputetëve të ndryshëm, atyre që kanë qenë ministra të Drejtësisë nga opozita, që i njohin mirë se cilat janë pikat e dobta të këtij sistemi. Kemi një vendim të Konferencës së Kryetarëve për ngritjen e këtij komisioni. Dhori është i ikur, është i kaluar, është histori e të kaluarës tashmë. Për mua nuk është prioritare emërimi.

- Jeni shprehur çështja "Sollaku" është një kapitull i mbyllur me largimin nga Presidenca të Alfred Moisiut?

Absolutisht po!

- Me ish-presidentin keni qenë jo vetem në një konflikt politik, por edhe institucional. Nuk keni marrë pjesë kur ka dekretuar ministrat e kabinetit "Berisha 2". Ka qenë një qëndrim i lidhur me deklaratën se Presidenti Moisiu ka shkelur sovranitetin e Kuvendit, apo qëndrimi juaj personal?

Absolutisht po! Me të dyja këmbët e ka shkelur dhe jo një herë, disa herë. Nganjëherë në mënyrë shumë banale. Nuk diti, nuk pranoj, nuk deshi kurrë të pranonte se ne jemi një republikë parlamentare, me një demokraci funksionale, pavarësisht nga defektet që kemi për shkak të moshës së re.

- Tjetër risi në drejtimin tuaj të parlamentit ka qenë diplomacia parlamentare, ku jeni angazhuar shumë. Më shumë se 13 vende kanë nënshkruar MSA-në. Roli juaj ka qenë aktiv. A ka dublim nisma juaj me Ministrinë e Jashtme, apo Ministrinë e Integrimit?

Do të përsëris diçka që unë e kam përcjell kur kam patur takim me ambasadorët tanë dhe ambasadorë të huaj. Diplomacia në vetvete, në shekuj, ka lindur nga republika dhe nga senati...?

- Zonja Topalli, këto që ju thatë, janë arritje të Shqipërisë të pamohueshme dhe normalisht të përshëndetura edhe nga faktori ndërkombëtar. Megjithatë, edhe mesazhi i zotit Barroso edhe mesazhi që vjen nga vendet e tjera partnere në Shqipëri theksojnë dy gjëra: reforma zgjedhore dhe reforma në drejtësi. Në një mesazh në tetor të vitit 2005, Rene van der Linden thoshte duhet t'i jepet fund votimit strategjik, është një detyrë primare e parlamentit për të operuar me ligje, me reformat. Pse kemi mbetur peng i këtyre dy reformave që gjithnjë e më tepër po vijnë dhe po shtrohen në tavolinën e politikës për zgjidhje?

Sigurisht, mbasi ecën në një fushë të caktuar, në dy, tre, kërkohet fusha e radhës dhe unë besoj se ata kanë identifikuar problemin më delikat që ne kemi si shtet. Ajo që duhet të ishte shtylla mbajtëse e shtetit shqiptar, institucioni më i fuqishëm, drejtësia, për të vënë drejtësi, ka probleme reale dhe ndaj dhe kërkohet. Nuk më duket se ne jemi të bllokuar. Po të vendosim arsyen në mes, unë jam optimiste se ne do ta arrijmë këtë, dhe jo larg. Sot kam pasur një takim me ministren e Jashtme të Hungarisë, një grua që është shumë e zonja, që ka një personalitet shumë të lartë dhe ka një ndikim shumë të madh në qeverinë hungareze, që është një qeveri social-demokrate..., për të cilët kam dëgjuar edhe nga e majta që kanë shkuar për të përgatitur programet, por nuk e di se sa kanë marrë apo jo. Ajo u tregua shumë e gatshme për të na mbështetur edhe në Ligjin "Për prokurorinë e përgjithshme", në strukturën që të jetë funksionale, por edhe në fusha të tjera të drejtësisë. Konferenca e Kryetarëve ka marrë një vendim për ngritjen e këtij komisioni dhe unë, me sa njoh, me sa lidhje kam, sa kontakte kam, me sa kam biseduar vetë, me të gjithë këta, me pjesën më të madhe të deputetëve të opozitës, besoj se shumë shpejt do të jemi konkretë për të ecur përpara në këtë reformë. Por që do të jetë një proces i gjatë, që vazhdon, nuk ndalet.

- Përsa i takon reformës zgjedhore, shikuesit duan të dinë kur do të mbyllet kjo dosje. Kur do të bëhet kjo detyrë shtëpie në Shqipëri, çështja e reformës zgjedhore, që të mos quhet më pjesë e debatit apo pjesë e axhendës së parlamentit?

Unë besoj se diskutimi i sistemit elektoral ka për të qenë pjesë e përheshme, siç ndodh në çdo vend tjetër. Ndodh në Francë, Gjermani, Itali, që janë demokracira të vjetra, me një traditë aq të gjerë e të pasur. Problemet tona janë ID-ja, regjistri dhe tactical vote. Këto po, këto do të zgjidhen deri para 6 muajve para zgjedhjeve të ardhshme parlamentare. Këto janë standarde, detyra....

- Në fundin e vitit 2008, që ka qenë edhe një premtim i Partisë Demokratike në fushatë?

ID-ja është detyrë, ne do ta bëjmë. Regjistri është detyrim. Tactical vote, me një ndryshim të vogël, ka për t'u hequr dhe besoj se këtu kemi konsensusin e të gjitha partive.

- Kanë mbetur më pak se 40 ditë nga data 10 dhjetor. Çfarë mendoni se mund të bëjë më shumë Kuvendi i Shqipërisë për Kosovën?

Unë mendoj se çdo orë dhe çdo ditë, ne të gjithë së bashku mund dhe duhet të punojmë. Është e rëndësishme të shkohet në çdo parlament, për të folur me çdo parlamentar, të shkohet në çdo komision dhe të flitet. Unë kam bërë hiring të panumërta në çdo parlament europian dhe jo vetëm. Në Kanada ishte e rëndësishme që të flisja. Është e rëndësishme që të jemi kudo të pranishëm. Ishte e rëndësishme vizita që kryeministri bëri në Egjipt dhe kërkesa që në rast se shkohet me variantin B, sa e rëndësishme është që numri i vendeve të Konferencës Islamike të na mbështesë për pavarësinë e Kosovës. Është e rëndësishme që secili prej nesh të kontribuojë, sado minimalisht, me ndikimin e tij. Unë besoj se çdo orë dhe çdo ditë është për t'u shfrytëzuar.


....

[RaPSouL]

Sollaku, shkarkim për 7 ditë

Pas pesë mbledhjeve brenda javës, komisioni hetimor mbyll raportin. Të hënën, 5 orë debat në Kuvend për largimin e Kryeprokurorit

Kanë mjaftuar vetëm 7 ditë dhe 5 mbledhje që komisioni hetimor për shkarkimin e Sollakut të hartojë një raport me më shumë se 40 faqe, ku evidentohen sipas mazhorancës shkeljet e kreut të akuzës. Ashtu siç ishte deklaruar edhe më parë dje, kryetari i komisionit, Ferdinant Xhaferri, para mediave dhe pesë anëtarëve të komisionit ka lexuar raportin e plotë, i cili, sipas tij, bazohet në argumente dhe brenda tij përmban fakte, të cilat i tregojnë fare qartë abuzimet e Prokurorit të Përgjithshëm gjatë vitit 2006 të ushtrimit të detyrës së tij si numri një i institucionit të prokurorisë. Kuvendi ka shënuar dje një rekord të ri për komisionet parlamentare, duke shënuar në historinë e tij komisionin hetimor më jetëshkurtër, por që ndryshe nga komisionet e tjera, që mbeten thjesht në kuadrin e publikimit të raporteve në Kuvend, ky shoqërohet me masën për shkarkimit të kryeprokurorit. Duke treguar devotshmërinë e mazhorancës, Xhaferri pa përtuar ka lexuar të 40 faqet e raportit, të cilat herë pas here janë shoqëruar edhe me mungesën e vëmendjes së gazetarëve, por jo të anëtarëve të komisionit, të cilët e kanë ndjekur rresht për rresht kryetarin e komisionit, duke kthyer çdo faqe pas mbarimit të leximit. Sipas kryetarit të komisionit hetimor, në përfundim të këtyre hetimeve, komisioni, pasi ka analizuar provat e mbledhura, faktet dhe rrethanat, ka arritur në konkluzionin se Prokurori i Përgjithshëm, me anë të veprimeve dhe mosveprimeve të tij të kryera në shkelje të rëndë të ligjit procedural, neneve 494 e vijues të Kodit të Procedurës Penale, nenit 6 të Konventës së Ekstradimit, nenit 27 të Konventës mbi Transferimin e Procedimeve Penale dhe nenit 116 të Kushtetutës së Shqipërisë ka sjellë si pasojë mosekzekutimin e jo më pak se 210 urdhërarresteve ndërkombëtare, të lëshuara nga autoritetet e huaja për shtetasit shqiptarë, lënien e lirë të këtyre personave me rrezikshmëri të theksuar shoqërore dhe ka krijuar një klimë të madhe mosbesimi tek autoritetet e huaja. Sipas raportit, "shkelja e rëndë e ligjit përbën përgjegjës kryesor Prokurorin e Përgjithshëm jo vetëm si personin përgjegjës për marrëdhëniet me të tretët (neni 8 i ligjit "Për organizimin dhe funksionimin e Prokurorisë në Republikën e Shqipërisë" i përditësuar), por edhe si personi i vetëm përgjegjës për funksionimin e organit të Prokurorisë në Republikën e Shqipërisë (neni 3 i ligjit të sipërpërmendur)". Më tej, në raport theksohet se "shkelja e rëndë e ligjit, e shoqëruar me pasoja të rënda, të vazhdueshme dhe të pariparueshme për vendin, shoqërinë dhe marrëdhëniet me shtetet e tjera, cilësohet prej këtij komisioni si shumë serioze. Këto shkelje, të analizuara dhe me qëndrimin subjektiv që ka mbajtur dhe mban Prokurori i Përgjithshëm, cilësohen prej këtij komisioni si shkelje të rënda në kuptimin kushtetues të tyre dhe si të tilla, në kuptim të nenit 149 të Kushtetutës, duhet të sjellin patjetër shkarkimin e Prokurorit të Përgjithshëm të Republikës". Sipas tij, "raporti i Ministrisë së Drejtësisë për lirimin e disa të dënuarve, dëshmojnë se në sistemin e prokurorisë është instaluar një fenomen korruptiv. Ministri i Drejtësisë ka vënë në dijeni për një fenomen të tillë Prokurorin e Përgjithshëm që në datë 11.04.2007, por Prokurori i Përgjithshëm nuk ka lëvizur nga vendi". Në raport theksohet se është detyrë themelore e Prokurorit të Përgjithshëm që të luftojë korrupsionin para së gjithash në radhët e prokurorëve të cilët drejton. Është përgjegjësi direkte e Prokurorit të Përgjithshëm që të kontrollojë sistemin e prokurorisë, si strukturë e centralizuar dhe është përgjegjësi e tij si drejtues i kësaj strukture. "Nga analiza e statistikave dhe informacioni i përcjellë vihet re një mungesë e theksuar profesionalizmi nga ana e Prokurorit të Përgjithshëm në menaxhimin e këtij institucioni për kontrollin e ecurisë së politikës penale, politikës së dënimit dhe luftës ndaj krimit të organizuar dhe korrupsionit, duke mos ushtruar kompetencat që ka në lidhje me shfuqizimin e urdhrave të kundërligjshëm të vartësve të tij dhe ndëshkimin e prokurorëve, të cilët kanë shkelur ligjin", citohet raporti i komisionit hetimor.


Të hënën në Kuvend, 5 orë debat për largimin e Theodhori Sollakut



Pak orë pas leximit të raportit përfundimtar, për shkarkimin e kryeprokurorit është mbledhur konferenca e kryetarëve. Pas paraqitjes së projektbuxhetit nga ministri Bode, Kryetarja e Kuvendit, Topalli, ka propozuar që në seancën e së hënës të futet për diskutim dhe miratim raporti i hartuar nga komisioni hetimor për shkarkimin e Sollakut. Me shumicë votash dhe pa pëlqimin e opozitës, konferenca e kryetarëve ka kaluar për në seancën e së hënës, diskutimin dhe më pas miratimin e raportit përfundimtar të dalë nga komisioni hetimor për shkarkimin e kryeprokurorit. Ndryshe nga herët e tjera, seanca e së hënës do të nisë që në orën 10.00 të paradites. Në konferencën e kryetarëve mësohet se ka pasur mjaft debate mes përfaqësuesve të opozitës dhe Kryetares së Kuvendit. Përfaqësuesit e opozitës kanë deklaruar se janë shkelur të gjitha afatet kohore dhe rregullorja e Kuvendit, pasi brenda 7 ditëve dhe vetëm për 5 mbledhje komisioni ka përfunduar raportin. Gjithashtu, ata kanë kujtuar se kryeprokurorit i është mohuar e drejta për t‘u dëgjuar në komision, ashtu siç e përcakton rregullorja. Por, deklaratat e opozitës duket se kanë rënë në vesh të shurdhër, pasi Kryetarja e Kuvendit i ka vënë para një fakti të kryer dhe u ka kujtuar se krerët e grupeve të partive opozitare duhet të depozitojnë emrat që duan të diskutojnë para votimit të raportit përfundimtar në Kuvend. Konferenca e kryetarëve ka vendosur që në seancën e së hënës, pas miratimit të procesverbalit, të kalohet në diskutimin e raportit për shkarkimin e kryeprokurorit dhe më pas të kryhet votimi. Gjithashtu, në këtë seancë ka të drejtë që të dëgjohet edhe kryeprokurori Sollaku. Ky i fundit ende nuk ka konfirmuar nëse do të jetë prezent me fjalën e tij në Kuvend apo jo. Por, sipas rregullores, kjo është hera e fundit ku ai ka të drejtë të flasë për të pranuar apo kundërshtuar akuzat e ngritura nga raporti hetimor i komisionit. Pas miratimit në Kuvend të raportit, ku duhen të paktën 71 vota, të cilat mazhoranca i ka, raporti i kalon më pas Presidentit të Republikës, Bamir Topit, i cili duhet të firmosë ose jo dekretin e shkarkimit. Por, duke analizuar zhvillimet e fundit politike dhe qëndrimet e Presidentit Topi, gjasat për të mos dekretuar shkarkimin janë fare të pakta. Topi ka deklaruar gjatë intervistave nëpër media se i ka kërkuar largim të butë Sollakut, dorëheqjen, por ky i fundit nuk ka pranuar. Gjithashtu, ai ka bërë publike edhe kriteret që duhet të plotësojë kandidati i ri për kreun e akuzës. Deklarata këto që të lënë të kuptosh qartë se "epoka e Sollakut" tashmë ka përfunduar dhe fundi i javës që vjen do të shënojë dhe largimin e tij nga posti i kreut të akuzës.

[Camiko]

Po "disenjatorja", c'mendim ka psur valle?

[Ozzy]

nje politikan-/ne qe thote ti fusim plumbin nuk ka vend ne politike te pakten ne nje politike me te vertete demokratike.

[land]

Xhozefine..................bla bla bla bla bla bla ka 17 vjet qe i degjojme kto budalliqe........Xhozi nuk u lodhe te na mbushesh mendjen.