ITALI: Shqiptari vret gruan dhe më pas vritet nga policia.

[brooklyn2007]

E tmerreshme. Dhe sa kohe akoma do te vazhdojme te degjojme te tilla histori shqiptaresh.....?!!!

[Sara_gr]

i qenka ber si mod shqipetarve te vrasin grat shum shpesh po degjoj histori te tilla keto kohet e fundit

[Morning star]

Ma merr menja qe ti s'do jesh ne Itali.Vertet si plas fare per te.Po ka mijra shqiptare te tjere qe te nesermen mund ti shikoje ndonje italian me perbuzje.Kur tjetri vret gruan pa meshire ne gjykate, mendo cfare mund te bejne te nesermen - thone italianet.Ishin ata cunat e tjere qe moren peng autobuzin, te tjeret qe vidhnin neper vila e keqtrajtonin pronaret e shpive etj etj etj.Nuk del dot i gjithe forumi ti shkruaj te gjitha.Neser Italia 1, Rete 4, Canale 5, Rai 1, 2 , 3 ne edicionin qendror te lajmeve ket shqiptarin e "zgjuar" do kene si lajm kryesor.Kshu eshte kur tjetri qe ka mbaruar inxhinjerine ne Alb mezi gjen nje pune, dhe katnari qe vjen ne Itali i prish imazhin e shqiptareve dhe shkatarron familjen e tij

Kte pune kan italianet o sherri.
Kriminela edhe hajdute ka kudo ne bote, italianet jan kriminelet numer-1 duke ja nis nga Kamorra, Andrageta, edhe Koza Nostra. Kta jan kriminelet Nr-1 ne itali edhe ne gjith boten.. ndaj te myllin gojen edhe te na lene rehat, breshkaxhinjt e m*tit.

[zeus]

----------------------------------------

Mesa duket gruaja nuk ka vdekur, por eshte ne gjendje te rende. Pasi ka qelluar mbi gruan, ka vrare edhe kunatin dhe ka plagosur 2 avokate dhe nje polic qe pastaj e ka vrare autorin.

----------------------------------------

[no name]

Tragjedi shqiptare në Itali

Emigranti nga Durrësi vret në sallën e gjyqit ish-gruan dhe ish-kunatin. Ekzekutohet nga policia. Shkak, kujdestaria pas divorcit

Një tragjedi e rëndë është shënuar në Gjykatën Italiane të Rexho Emilias, ku një seancë për kujdestarinë e fëmijëve, pas ndarjes së çiftit shqiptar, është kthyer në një arenë masakre. Bilanci tragjik: tre të vdekur dhe tre të plagosur. Mes viktimave dhe "personazhi" kryesor i ngjarjes, 40-vjeçari nga rrethi i Durrësit, Çlirim Fejzo. Ky i fundit ka qëlluar për vdekje ndaj ish-bashkëshortes Vjosës (e cila ka pësuar vdekje klinike) dhe vëllait të saj, madje ka plagosur edhe avokaten italiane të 37-vjeçares dhe një avokat tjetër, emri i të cilit ende nuk bëhet i ditur. Ndërsa pas vrasjes ai është përpjekur që të largohet dhe aty është përballur me një agjent policie, me të cilin ka shkëmbyer zjarr. Nga ky shkëmbim ka mbetur i vdekur në vend 40-vjeçari Fejzo dhe është plagosur agjenti italian.

Vrasjet

Ngjarja e rëndë ka ndodhur mëngjesin e djeshëm në orën 10.45 minuta, në Gjykatën e Rexho Emilias në rrugën Paterlini, në sallat ku zhvillohen gjyqet civile. Autori i masakrës ka qenë 40-vjeçari nga Sukthi, Çlirim Fejzo. Ndërsa e gjithë skena është parë nga vajzat e tyre, 16 dhe 12 vjeçe, të cilat kanë mbetur të shtangura, pa mundur të bëjnë gjë. Fillimisht ai ka qëlluar ndaj të shoqes Vjosa Fejzo Demçolli, 37 vjeçe, me të cilën ishte duke u ndarë dhe më pas ka qëlluar vëllain e saj, Arjan Demçolli, 32 vjeç. Ky i fundit ishte përpjekur për t‘i hequr nga dora armën ish-kunatit të tij. Plot 25 plumba ka derdhur ai në sallë të gjyqit, duke lënë të vdekur ish-gruan dhe vëllain e saj. Dy ish-bashkëshortët kishin dy fëmijë dhe në gjyq do të përcaktohej edhe kujdestaria e dy vajzave. Menjëherë pas vrasjes së dyfishtë 40-vjeçari ka tentuar të largohej. Pasi ka pësuar vdekje klinike, 37-vjeçarja shqiptare është transportuar në spital, ndërsa trupat e pajetë të Demçollit dhe Fejzos janë dërguar për në morg, ku do t‘i nënshtrohen edhe një autopsie. Ndërsa për nënën e dy fëmijëve, burime të ndryshme thonë se ajo ka pësuar vdekje klinike, por një gjë e tillë nuk është konfirmuar zyrtarisht.

Dhjetëra persona kanë asistuar në vrasjen "live". Duket se situata është përkeqësuar edhe më shumë, kur kishte ardhur çështja për kujdestarinë e vajzave, edhe pse mes çiftit nuk kishte asnjëherë ndonjë mirëkuptim. Gjatë shkëmbimit të zjarrit janë plagosur dhe dy avokatë. Njëra është Giovana Fava, e cila mbronte 37-vjeçaren. "Jemi të shokuar nga ajo që ndodhi. Deri tani e dimë se kolegia jonë është plagosur në shpatull dhe është jashtë rrezikut për jetën", kanë pohuar avokatët e tjerë. Më pas, 40-vjeçari është përpjekur të ikë nga gjykata dhe në momentin e daljes ai është përballur me një agjent të policisë, i cili kishte mbërritur sapo kishte dëgjuar të shtënat dhe klithmat e njerëzve të shumtë në atë orë në sallat e gjyqeve.

Fejzo dhe agjenti i policisë kanë shkëmbyer zjarr dhe për pasojë ka mbetur i vdekur në vend 40-vjeçari shqiptar. Ndërkohë që agjenti italian është plagosur në gju.

"Një ndarje, me një bashkëbisedim nga të dyja anët, por asnjëherë nuk u mendua se do të arrihej deri në këtë pikë". I shokuar është edhe avokati Galileo Conti, përfaqësuesi ligjor i autorit të masakrës. Pasi kishte qëlluar të shoqen e vëllain e saj dhe avokaten, shqiptari para se të arratisej e të qëllohej për vdekje i kishte drejtuar armën avokatit të tij dhe asistentes, të cilët mundën të shpëtonin teksa kishin ikur me vrap. Sipas dëshmisë së avokates, Fejzo nuk kishte shfaqur asnjëherë shenja dizekuilibri dhe as nuk i kishte thënë se kishte një armë zjarri.

Masat

Thuajse në të gjitha mediat italiane është përcjellë lajmi i masakrës së djeshme. Një ngjarje kjo jo fort e zakontë, sidomos kur një gjë e tillë ndodh në ambientet e drejtësisë, ku asgjë nuk duhet të dalë mbi ligjin. Ajo që ka shqetësuar më shumë drejtësinë e shtetit fqinj është fakti se si një person i armatosur të hyjë në gjykatë, pa u kontrolluar nga askush. Edhe 40-vjeçari Fejzo kishte hyrë në sallën e gjyqit civil me armën në brez dhe pa u vënë re.

Për të rikrijuar edhe një herë atë që ka ndodhur është ngarkuar prokurorja Rita Pantani, e cila dje ka marrë dhe dëshminë e gjykatësit të çështjeve civile, Roberto Piscopo. Një tjetër gjykatës, Luca Guerzoni, ndërsa ka nisur debati se si një njeri i armatosur ka hyrë në sallën e gjyqit, ka pohuar se deri në vitin 2001 ishte gati plani për të rikonstruktuar gjykatën, duke vënë telekamera dhe detektorë, ka shtuar se një plan i tillë "mbeti vetëm në letër". Ministri i Drejtësisë italiane, Clemente Mastella, u ka kërkuar autoriteteve gjyqësore të gjitha të dhënat për atë çka ndodhi në Gjykatën e Rexhio Emilias.





Njëra nga vajzat i del në mbrojtje të atit, duke pranuar vrazhdësinë e së ëmës


"Takimi fatal" i babait me vajzën, një ditë para masakrës


Çlirim Fejzo ishte nisur së bashku me të shoqen afro 10 vjet më parë në drejtim të Italisë dhe prej shtatë vjetësh qëndronte në Rexhio Emilia. Të dy kishin një punë të rregullt, ndërsa 40-vjeçari njihej si një person problematik. Problemet e çiftit ishin përcjellë edhe te dy vajzat. E shoqja, Vjosa, kishte vendosur që t‘i jepte fund martesës së saj, ndërkohë që një tjetër problem ishte kthyer dhe kujdestaria e vajzave, pasi ende nuk ishte përcaktuar se kush do të merrej me to. Ndërkohë që 37-vjeçarja së bashku me fëmijët ishte larguar nga shtëpia dhe qëndronte në një qendër pritjeje. Një ditë para se të ndodhte tragjedia, Çlirimi kishte shkuar të takohej me njërën nga vajzat, e cila frekuentonte shkollën. Por, për këtë takim nuk ishte njoftuar e ëma e vajzës. Në një seancë të mëparshme gjyqësore, ishte vendosur që babai i tyre duhet të qëndronte larg derisa të vendoste gjykata se kush do të merrej me kujdestarinë e tyre.

Sipas mediave italiane, kjo ka qenë dhe pika e fortë ku kanë debatuar dy bashkëshortët. Pa vënë në dijeni Vjosën, Çlirimi shkon të takojë njërën nga vajzat dhe pikërisht aty ka nisur një debat i fuqishëm mes tyre. Në atë moment, edhe 37-vjeçarja ka qenë në ambientet e shkollës dhe e ka parë vajzën të takohej me të atin, gjë të cilën nuk e kishte lejuar. Njëra prej vajzave madje ka mbrojtur të atin, duke thënë se "mamaja ime ka qenë shumë e egër dhe nuk e ka trajtuar mirë atë". Në Prokurorinë e Rexho Emilias janë arkivuar dhe të gjitha rastet që Vjosa ka denoncuar të shoqin për dhunë, kërcënim dhe keqtrajtim.

Prej kohësh 40-vjeçari ishte konsideruar si një rrezik për familjen e tij, pasi për ta ka pasur shumë raste denoncimesh për dhunë. Për këtë arsye, gruaja e tij që prej një viti ndodhej në qendrën e pritjes "Shtëpia e gruas" e drejtuar nga shoqata "Non da sola", ku avokatja Giovanna Fava ishte drejtuese e saj.

Avokatja, edhe pse e goditur në shpatull, ka dashur të iki nga spitali që të mësonte diçka më shumë lidhur me atë që kishte ndodhur në gjykatë, edhe pse ngjarja ishte si "një kronikë e një vrasjeje të paralajmëruar". Por askujt nuk i kishte shkuar ndër mend se Fejzo ditën e djeshme kishte thurur në kokë një plan monstruoz. Policia italiane ende nuk e ka saktësuar se ku e kishte siguruar armën shqiptari dhe se si kishte mundur që të depërtonte në sallën e gjyqit i armatosur.


Sukth, banorët të shokuar nga tragjedia e familjes Fejzo


Në shtëpinë e çiftit tani banon një familje me qira, që nuk dinë asgjë për ngjarjen


Në Sukth, tragjedia e Rexho Emilias ka shokuar të gjithë ata që i njihnin protagonistët fatkeq të saj. Lajmi i marrë kryesisht nëpërmjet mediave vizive ka sjellë me vete një komentim të stepur të asaj që ndodhi dhe që e ktheu Sukthin në qendër të vëmendjes së mediave. Kronistë televizivë kanë nxituar të shkojnë në fshatin nga ku u largua çifti Fejzo 8 vjet më parë, për një jetë më të mirë në Itali, një jetë që nuk mundën kurrë ta jetonin ashtu si secili prej tyre kishte ëndërruar në rininë e hershme. Në katin e parë të njërit prej pallateve që ndodhet fare pranë superstradës Durrës-Tiranë që kalon në Sukth, ndodhet apartamenti ku dikur jetonte çifti Çlirimi, apo Limi siç e njohin banorët, me të shoqen, Vjosën dhe dy vajzat. Prej vitesh e kishin shitur këtë apartament për të ndërtuar një shtëpi, disa qindra metra më në thellësi. Një shtëpi njëkatëshe, model Elbasani, siç thonë fqinjët e tij. Shtëpia është ndërtuar me fitimet në Itali. Sot në të banon një familje tjetër, pasi Çlirimi e kishte dhënë me qira. E zonja e shtëpisë trembet kur të sheh dhe nxiton të thotë se nuk ka asnjë lidhje me tragjedinë dhe njerëzit që u përfshinë në të. "Unë jam thjesht me qira në këtë shtëpi". Shtëpia rri e heshtur në bardhësinë e vet, duke mbartur peshën e gjëmës që u ndodhi familjarëve që e ngritën në këmbë me shumë mund e punë. Dhe ajo ishte shndërruar në çështje të një konflikti që u mbyll në mënyrën më të keqe. Njerëzit në Sukth janë të tronditur, jo vetëm ata që e njihnin çiftin, po dhe të tjerët. Përmasat e ngjarjes e kanë kapërcyer kufirin e një krimi të zakonshëm. Ka marrë përmasat e një ngjarjeje që ndodh në "fiction", në filmat hollivudianë. "Madje ia ka kaluar atyre", thotë Elvisi, një i ri nga Sukthi. Ai tregon se e njihte si një njeri të mirë dhe të qetë autorin e kësaj tragjedie. Po kështu shprehen dhe të tjerë banorë të lagjes së tyre të vjetër. Nuk dinin se Vjosa me Çlirimin kishin pasur konflikte gjatë jetesës së tyre në Sukth. "Emigrimi të prish", thotë një grua që e mëson nga ne atë që ka ndodhur në Gjykatën e Rexho Emilias në Itali. Edhe të tjerë banorë nuk dinë gjë. Kjo, për shkak të kufizimeve energjetike që i mbajnë larg informacionit nëpërmjet mediave. Por lajmi i keq udhëton shpejt, duke lënë pas shijen e hidhur dhe të papritur të një ngjarjeje që i ka kapërcyer kufijtë e normalitetit dhe tani ka nisur të nxisë fantazitë, imagjinatën e tyre mbi motivet që e shkaktuan atë. Shumica i bazojnë hamendësitë e tyre tek imoraliteti, tradhtia bashkëshortore e njërit prej partnerëve, a thua se kjo është e denjë të ketë një fund të kësaj natyre. Historia e ndarjes së tyre nuk ishte diçka e re për ata që i njihnin. Ajo ishte komentuar gjatë, duke u bazuar kryesisht në fjalët e Çlirimit.


Fqinji


"Nuk kishim dëgjuar të kishin pasur probleme me njëri-tjetrin"


Rreth 700 metra larg shtëpisë së çiftit, në fshatin Vadardh, ose siç njihet ndryshe Sukthi i Ri, ndodhet shtëpia e Demçollëve. Në të ndodhet vetëm nëna e dy viktimave, Arjanit 32-vjeçar dhe Vjosës 37-vjeçare. Situatën në dorë e kanë marrë fqinjët, të vetmit që i gjenden pranë, pasi të gjashtë fëmijët e saj, 4 djem dhe 2 vajza, kanë emigruar në Itali. Fqinjët janë kujdesur të mos i tregojnë gjë nënëzezës dhe nuk kanë lënë asnjë nga gazetarët e interesuar ta takojnë. Leonard Mullaj, njëri nga fqinjët, tregon për "Shqip" se lajmin e morën vesh nga njerëzit e tyre në Itali. "Ishte befasi. Askush nuk e priste", thotë ai ende i tronditur nga gjithçka ka dëgjuar fillimisht nga telefonata dhe më pas nga televizionet që kanë përcjellë në detaje ngjarjen e ndodhur në Itali. "Shumë kemi dëgjuar e kemi parë, po si kjo fatkeqësi asnjëherë. Ai nuk ishte djalë i keq. Të paktën nuk dukej i tillë", vazhdon ai. Teksa kërkon të hysh në shtëpinë e Demçollëve me origjinë nga Korça, ai të bëhet barrierë. Kërkon të mbajë larg lajmit të kobshëm Diturinë, nënën e dy viktimave. Ajo nuk duhet ta mësojë ende ngjarjen. Ai dhe fqinjët e tjerë presin ardhjen e njërit prej djemve të Diturisë, Lorencit, që pritej të mbërrinte me avionin e linjës Bolonja-Rinas bashkë me një fqinjin e tij, edhe ai emigrant në Itali. Po ardhja ka vonuar. Lorenci, që do të ketë dhe barrën e madhe për t‘i treguar nënës vakinë që e ka gjetur familjen e tyre dhe pesë mbesat, fëmijët e Arit dhe Vjosës, nuk ka arritur të kapë avionin, duke shtuar orët e padijes për nënën që qan për plagosjen e së bijës dhe "vetëvrasjen" e dhëndrit, babait të dy mbesave të saj adoleshente. Gra të shumta të fqinjëve janë mbledhur në një nga dhomat e shtëpisë, ku Dituria jeton e vetme. Të gjitha tentojnë ta mbajnë me shpresa nënën dhe insistojnë që dhe gazetarja të heshtë. Gjëma nuk duhet të jepet në asnjë mënyrë prej tyre, as prej ndonjë të huaji tjetër, ndërsa nëna parandien fatkeqësinë e madhe.




Amaneti: Po më vrau Çlirimi më mbaj afër vajzat


Nëna e Vjosës tregon për parandjenjën e keqe të së bijës


Vdekja e vajzës dhe djalit i ka ndodhur në 55-vjetorin e lindjes. Është e rrënuar, e ka nënkuptuar atë që ka ndodhur, edhe pse nuk ia kanë thënë të vërtetën e hidhur. Paradite, ndërsa në Itali ndodhte tragjedia, ajo kishte marrë fqinjën Lulëzimen, bijtë e së cilës ndodhen në Itali bashkë me të vetët, duke e ftuar të festonin për këtë përvjetor. Megjithatë, rrugës për në Durrës i ka thënë se nuk ndihej mirë. "Më këputen gjunjët. Kam parë Danenë në ëndërr". Sa herë që shihte të shoqin e vdekur 5 vjet më parë në ëndërr diçka ogurzezë ndodhte. Ndonëse kishte dalë për të festuar ditëlindjen nuk ndihej e qetë. Ishte dhe dita e gjyqit të së bijës në Itali. Prej 5 vjetësh nëna e 6 fëmijëve qëndron e veshur me të zeza në nderim të kujtimit të bashkëshortit që e la të vetme, ndërsa ka bërë gati dokumentet për të shkuar pranë fëmijëve në Itali. Ajo është ulur në qendër të dhomës e rrethuar nga gra që i japin kurajo. 55-vjeçarja për "Shqip" hedh dritë mbi një marrëdhënie abuzive dhe jetën e së bijës të kaluar mes frikës së vdekjes nga i shoqi, për vete dhe të vëllezërit. Nëpërmjet gazetës kërkon që ambasada ta ndihmojë dhe të shkojë në Itali për të parë të bijën gjallë, "në çastet e fundit të jetës së saj".

Si shkonte Vjosa me Çlirimin?

Keq. Pas vdekjes së burrit të gjitha ndryshuan, morën për keq. Këto 4 vitet e fundit martesa e tyre shkonte keq e më keq. Çupa ndihej e kërcënuar dhe gjithnjë më thoshte: Po më vrau, amanet vajzat. A thua ta ketë vrarë? Ne nuk e donim atë fejesë se ai ishte dorë tjetër. Ishte çam, ne jemi korçarë, po vajza deshi. Dhe unë e desha dhëndrin se u fut në derën time që 18 vjeçe, i ri fare. E zeza nëna e tij. Më dhimbset dhe ai… Nuk ia desha të keqen. Tani kanë lënë rrugëve vajzat, Jolën dhe Tisën.

Ç‘bënte Vjosa në Itali kohët e fundit?

Jetonte në një qendër sociale, se iku ngaqë burri e rrihte. Ka tre muaj që ka filluar punë në një azil që të fitonte ca para, po kishte frikë. Ndërsa dy gocat rrinin me të atin.

Kur u nda Vjosa nga Çlirimi?

Kanë 11 muaj të ndarë. Ishin në gjykatë sot për të vazhduar ndarjen. Çupa donte të merrte vajzat vetë. Nuk e di a është gjallë. Ai e ka vrarë. E ndiej. E thoshte gjithmonë. Ajo kishte lajmëruar dhe policinë. Nuk e di si ndodhi kjo. Edhe djemtë m‘i ka kërcënuar. Në telefona dhe me gojë. Arin (viktima) ma morën peng këtë verë. E çuan në bregdet, po s‘i bënë gjë shyqyr. Të gjitha të këqijat më erdhën pasi vdiq burri. Sa ishte gjallë burri, ai e kishte frikë dhe s‘bënte dot gjë.

Djemtë i kërcënonte, sepse mbronin motrën e tyre?

Jo, ne asnjëherë nuk e donim divorcin për shkak të fëmijëve. Edhe Vjosa kishte frikë se ai do i vriste vëllezërit. U thoshte gjithmonë që më rrini larg se do të vriteni dhe ju. Aman të paktën të më lënë ta shoh gjallë vajzën. Ta gjej me frymë.

Kur e ke parë për herë të fundit?

Ah, ka tre vjet që nuk ka ardhur, se nuk e lë ai. Ka 3 vjet që s‘e shoh çupën me sy, kurse ai erdhi më takoi para gushtit. Më erdhi në shtëpi.

Ç‘të tha Çlirimi kur erdhi të takoi në verë?

Më tha se do të martohej me një tjetër dhe se kishte ardhur të shihte një tjetër nuse në Durrës. I thashë: Mirë, bëj ç‘të duash vetëm mendo për dy vajzat e tua, për moshën që kanë. Më tha se ai donte vetëm çupën time, Vjosën. Por e ëma dhe motrat ia shkatërruan martesën dhe marrëdhënien me të. Ato nuk e deshën. Më tha që po të dojë Vjosa ai kthehet prapë me të. Më tha që nuk do i bënte më gjë, pastaj thoshte se do e vriste. Më tha se dhe fjalët e rënda i kishte nxjerrë vetë për të që ta poshtëronte, sepse e donte shumë dhe s‘donte ta humbte. Nuk e di.




Gazeta Shqip

[francezi]

NGUSHELLIME FAMILJAREVE TE PERSONAVE QE VDIQEN.

PS:saper mendimin qe po na turperojn un jam kunder se ai nuk vuri bombe e vrau njerez italian ne mes sheshit kto jan gjera qe ndodhin qe sigurisht jane shume te keqia por ne nje moment llogjika te le dhe gjithçka perfundon keq por kjo sdo te thote qe na turperuan ajo vajza apo ai çuni (rahmet pasçin) pse italianet nuk i kane bere apo vazhdojn ti bejne kto gjera pse anglezet e greket u turperuan te ne kur u kapen ato tre pedofilet qe perfitoshin me femijet e jetimores?Atyre si çahet trapi fare se njeriun e perfaqson vetvetja dhe popullin kultura historia dhe gjith popullata e tij jo kokrriza te prishura.

[drague]

NGUSHELLIME FAMILJAREVE TE PERSONAVE QE VDIQEN.

PS:saper mendimin qe po na turperojn un jam kunder se ai nuk vuri bombe e vrau njerez italian ne mes sheshit kto jan gjera qe ndodhin qe sigurisht jane shume te keqia por ne nje moment llogjika te le dhe gjithçka perfundon keq por kjo sdo te thote qe na turperuan ajo vajza apo ai çuni (rahmet pasçin) pse italianet nuk i kane bere apo vazhdojn ti bejne kto gjera pse anglezet e greket u turperuan te ne kur u kapen ato tre pedofilet qe perfitoshin me femijet e jetimores?Atyre si çahet trapi fare se njeriun e perfaqson vetvetja dhe popullin kultura historia dhe gjith popullata e tij jo kokrriza te prishura.

shume e drejte.para pak kohesh u denua nje iraken se vrau gruan dhe e dogji.(ne gjermani shkak divorci)nuk jemi vetem ne shqiptaret.gra gjermane kane mbytur femijet e vet, gje qe ne nuk do e benim kurre,prandaj mos i futni te gjithe me nje thes se nuk ka pyll pa derra

[vesaaa]

Turpi nuk duket ndryshe...

[Hyllien]

E tmerreshme. Dhe sa kohe akoma do te vazhdojme te degjojme te tilla histori shqiptaresh.....?!!!

Avash mer. Pse Histori Shqiptaresh ? Keto jane drama njerezore qe ndodhin kudo. Ne te tilla raste shikohesh se car populli je, nese do rrish prane kesaj tragjedie dhe te mbeshteses me cdo kusht te mbijetuarit dhe mos kerkosh fajtore te VDEKUR, apo do fillosh te shpifesh dhe te shash popullin.

Kur Koreani CHO vrau mbi 30 vete ne Virginia Tech doli vete Presidenti i SHBA-ve dhe tha qe as mos te mendohet te shkruhet apo veprohet kunder Koreaneve, apo te "stigmatizohen", dhe ashtu ndodhi. Un kam sot e kesaj dite shume shoke Koreane qe punojne ne vende shume te larta ne shoqerine Amerikane dhe jane te integruar plotesisht saqe nuk dallohen dot nga Amerikanet dhe kur vjen puna, ne rastin e tragjedise nuk pashe njeri te distancohet dhe te mos identifikohet me popullin e tij dhe ne veshtiresira te tilla.

Edhe dicka tjeter, femra nuk duhet te lejohet te mbaj femijet nese gjehet fajtore. Jane bere pa pike pergjegjesie. Shkojne pijne, pallohen, ngelen me barre, e qujn perdhunim, dhe marrin simpatine e shoqatave te ndryshme lart e poshte. Femijet nuk mund ti mbeten automatikisht femres, ashtu si dhe pasuria e burrit ne rast se eshte fajtore. Kjo vlen dhe anasjelltas, edhe pse kshu ka qene gjithmone me burrat qe jane ndeshkuar me mosmarrjen e femijeve edhe kur femres i esht tek ta kaloj gardhin.

Kjo vlen dhe per shefat e tjere qe na rrokanisin ketu per "turp" apo per "turp shqiptaresh". Italiani vete po e perjeton kete tregjedi me tone tragjedie, nderse ju filluat me SHPIFJE dhe INATE. Dikush shkon deri atje sa te shaj komunizmin(jo ketu por ne vende te tjera qe po degjoja) !!!! Keto jane gjera qe ndodhin, kane ndodhur dhe do ndodhin me shpesh ne te ardhmen me ndryshimet qe po ndodhin(lirimi absolut i femres, heqja e pergjegjesive nga cdo aksion qe njeriu merr, mbeshtetja ndaj pederasteve, homoseskualeve, transeksualeve, legalizimi i drogerave, shumefishimi i shoqatave te ndryshme psikologjike/sociologjike etj etj). Dikush siper e tha mire per gjermanet e austriaket, se si kane vrare e mbytur femijet e tyre qe jane tamam gjera te semura dhe psikopatie. Sot ne Shkoder nje emigrant ne angli tentoi te futet ne gjykate me arme me te njejtin motiv, per ndarje. Keto jane probleme qe do shtohen si pasoje e transformacionit te tipit "hiq breket e futu ne Europe me cdo kusht" qe duam te bejme ne, pa pare aspektet sociale, qe eshte se shqiptari gjithmone familjen e ka vene ne plan te pare.

[land]

Kronika e zeze eshte e mbushur plot,edhe me Italiane,kujtoj rastin e adoleshentes(Novi Ligure) qe vrau te jemen dhe vellain,dhe me mijera raste te tjera,Il mostro di Firenze e keni degjuar,i dhane 7 burgime te perjeteshme,ne Shqiptaret nuk kemi mostro te pakten..................tutto il mondo e un paese thone keta